البارت الخامس..

نهاية الاسبوع

المنطقة الشرقية..الاحساء

في بيت راشد

شيخة..اول ماتصلون لخبر دقي علي يارشا خليني اكلمها ذاك ليوم ماقدرة اكلمها

رشا..ان شاءالله جدتي

شادي..يلى بسرعه تلقين عزام معصب علينا بالسياره

شيخة..وهذا ليش مانزل يسلم علينا

رشا..جدتي عذريه واحد مشتاق لاخته يبي يوصل لها بأي طريقه اهو متحمس ولا شايف قدامه احد

شادي الي مسك ايد اخته وطلعها براء لبيت وركبوا السياره وسلموا على بعض وبعدها حرك عزام على

لخبر كان الصمت سيد لموقف بس رشا ملت اطريق طويل واهم ساكتين مدة ايدها واسحبت الشريط الي

على التكايه وبدون ماتعرف من الفنان حطته بالمسجله وشغلتها..

ياحبيبي .. .. ياحبيبي

جيت وش جابك حبيبي .! .**.من بعد طول المغيب

من بعد طول المغيب

ولا ناوي ياحبيبي .**. تغرق الغرقان أكثر

تغرق الغرقان أكثر

♫ ♫

المنطقة الشرقية..الخبر

القصر الرميحي

جناح رائد

اطلعت من لغرفه وحصلت رائد نايم راحت لعنده واجلست على اطاوله لصغيره وجلست عليها وتتأمل

فيه وادموعها تجري بغزاره..

مضاوي..كيف اتعامل معاك شنو اطريقه الي تبيني استخدمها معاك خليتني بفتره بسيطه اكون اسيره

لك الي ماكنت اسمع كلام احد الي براسي اسويه انت شنو سويت فيني

وقامت وشالة لقطاء من على الارض وحطته عليه وامسحت على خده وبسرعه ابعدة يدها خافت انه

يجلس ويشوفها هيك ويعصب عليها وطلعت من لجناح بكبره وصادفة الخادمه جايه لعندها..

سونيا..بابا كبير بده اياك بالمكتب

مضاوي الي مشت اتجاه لمكتب طقة لباب واذن لها بالدخول ادخلت واجلست بعد ماسلمت عليه..

سعيد الي حس ان بنت ولده مو مرتاحه مع رائد بس كابر ولا بين هشي..

سعيد..مضاوي

مضاوي..نعم جدي

سعيد..مو ناويه تكملي دراستك

مضاوي بكل براء حطت صبعها على صدرها..

مضاوي..انا

سعيد..اي انتي انا كلمت احد معارفنا انه ينقل ملفك للخبر ويسجلك بأحسن مدرسه

مضاوي الي كان حلمها انها تكمل دراستها وتتخرج وتصير مثل امها مهندسة بس حياتها مع رائد خلاها

تنسى حلمها وتنسى الدراسه..

مضاوي..لا ماراح اكمل انا طلبت من اخوي عزام انه يوقف دراستي لمدة سنه

سعيد..وليه

مضاوي..(وتسألني ليه انا مو عارفه لوين راح اوصل مع رائد)..ليمن تستقر اموري مع رائد

سعيد..على راحتك

وقامت من يم جدها وافتحت لباب الا شافة جدتها سلمت عليها وباستها على راسها واصعدة لجناحها..

نعيمه..طمني ايش قالت لك

سعيد الي ادمعة عينه..

بالشريكة الرميحي

بمكتب حاتم

حاتم..لين متى بتظل على هالحال وانت اللحين متزوج مايصير الي تسويه

رائد..اتمنى اني اترك خرابيطي بس لمن اتركه

حاتم..على شان مضاوي

رائد ابتسم ابتسامه جانبيه..وبالاساس مضاوي تبيني

حاتم..كله منك انت الي محسسها انها مفروضه عليك فرض مامهتم لها ولا لمشاعرها

تجي على لقصر يا اما تاكل او تبدل وتطلع ماعمرك عزمتها على مطعم او شريت لها شي

رائد..ودي يايبا بس اخاف احبها وتعلق فيها وتروح مني مثل ماراحت نجود

حاتم..لانك انت حاط هشي في بالك ارمي كلشي وراء ظهرك وابدى حياه جديده

قام رائد من يم ابوه ولكلام يتردد في اذنه..

لانك انت حاط هشي في بالك ارمي كلشي وراء ظهرك وابدى حياه جديده

كله منك انت الي محسسها انها مفروضه عليك فرض مامهتم لها ولا لمشاعرها

وهو يمشي وقف يم المصعد وضغط على الزر لينفتح وسمع اشوية كلام من لموظفين

المواظف (1)..هذا ايش جابه الشريكه

المواظف(2)..طالبه ابوه

المواظف(1)..مسكينه بنت عمه الي تعيش مع واحد سكير وتدفن نفسها معاه وتدفن جمالها

المواظف(2)..ليه انت مره شفت بنت عمه

المواظف(1)..اذانزلت لحساء اختي تسولف عنها لانها معاها بالمدرسه وعن جمالها

لغير طبيعي وتشكر فيها

وقبل مايدخل لمصعد التفت لهم وعطاهم نظره خلتهم يسكتون ويجمدون بأرضهم..

بالشارع على طريق لخبر بسيارة عزام..

رشا..ليه وقفتوا يم مطعم

عزام..بنطلب لنا غدا بنتغدا وبعدها نروح لفندق نرتاح

رشا..ومتى ان شاءالله بتودونا

شادي..لعصر لان اللحين مو وقت ازيارات وقت غدا

رشا..صج اشلون طافني هشي

شادي..انتي طايفك اشياء كثيره

القصر الرميحي

الظهر

تمشي بالقصر لكبير من عظم الزهق والطفش شافت وراء لقصر اسطبل وافرحت حيل ان عندهم خيول

راحت سريع وافتحته وشافت اربع خيول محطوطه وشدها خيل لونه اسود وتذكرة خيلها طلعته وحطت

عليه لسراج واحتارات كيف تركب عليه ولبسها مو مناسب بس لانها تحب لخيل اركبت عليه وانطلقت

ابه..

جاها جاسر وجاسم يركضون لمى شافوها على لخيل مانتبهت لهم جاسر وقف ابعيد عنها ويطالع فيه

اما جاسم الي سرع لعند مقدمة الخيل وارعب لخيل وارتعبت مضاوي واهي تهدي لخيل طاحت منه

اما عند جاسم بعد ماشاف لخيل رافع ارجوله من لخوف عملها تحته وطاح مغمى عليه وراحت مضاوي

له خايفه عليه اما جاسر دخل داخل لقصر..

جاسر بخوف..جدتي..جدي..امي سلوى

رائد الي كان طالع من التواليت ركض لعند جاسر الي باين عليه خايف..

رائد..حبيبي اشفيك

جاسر وهو يبكي..مضاوي طاحت من لخيل وطاح معاها جاسم

اهني رائد ماتحمل من مضاوي كذا راح لها واشرار يتطاير من عيونه وانزلت سلوى وعلمها جاسر بالي

صار وراحت ركض خافت على مضاوي من رائد ليقوم ويعمل لها شي..

مضاوي الي اقدرة انها تجلس جاسم وتطمن عليه انه بخير وجاها رائد ورماها على الارض وخذ ولده

منها..

رائد..انت بخير حبيبي في شي يعورك

جاسم..لا ما فيني شي بس

ماخلاه يكمل كلامه لانه راح عنه ومسك مضاوي من ايدها الي تعورها الي طاحت فيها..

رائد..مالك دخل بعيالي خليك بنفسك وبس لو صار لولدي شي كان ذبحتك بأيدي

مضاوي الي كانت تطالع بعيون رائد وشعرها يطاير مع الهوا شافت في عيونه لمعت حزن ولمعت حنان

ماقدرة انها تمنع لقلب مايدق واهي تطالع بعيون الساحره وتسحر بعالمهم..

مضاوي..(لا ياقلب لاتدق خلك نايم ولا تصحى وتحب لحب بلوه ارجع نام ياقلب ولا تفيق لاحبه)

ام رائد الي ابعدة رائد عن مضاوي لانها حست ان مضاوي تتألم من مسكت رائد..

مضاوي الي قامت من يم رائد واركضت واهي تبكي..

سلوى..جاسم قول لا تخاف

جاسم..بابا مو مضاوي الي رمتني انا الي جيت يم لحصان اهي طاحت وانا طحت

رائد الي ماستوعب شلي صار مشى من لحديقه وطلع..


العصر

ادخلوا لقصر وشافوه اديش كبير واسع بس ماهتموا لكبر لقصر لانهم حسوا فيه خالي ومافيه اي روح

اجلسوا على لكنب ليمن الخادمه تنادي لهم على مضاوي..

رشا..حلوا لقصر بس فلتنا بالحساء احلى بأكثير مو عزام

عزام الي يطالع بالصوره لمعروضه وادمعة عينه هذي صورة ابوه ومسح دمعته على دخول لبنت واهي

معليه صوتها وتدور بالصاله ز قلبه وبدى يدق حيل لانه عرفها مين

هديل..ياي اخر يوم بالأسبوع وين ياهديل بتروحين بهاليومين

واهي تدور وتدور وكل يطالعها واهو فرحان وراسم الابتسامه على شفايفه واهي تدور افتحت عيونها

وشافت شابين وبنت اوقفت من الدوران وتطالع فيهم..

بجناح مضاوي

الي احتارة شنوا تلبس ماتبي تلبس ملابس بنصف كم ماتبي اخوها يشوفها وايدها زرقاء احتارة لانها

ماعندها ملابس فكرة وفكرة وبعدها اطلعت وراحت جناح هديل وافتحت الدلاب وطلعت لها بنطلون

جنز لونه اخضر مع بلوزنه كم لونها بصفوري البستهم واطلعت..

بالصاله

بعد ماحست على نفسها طارة واصعدة فوق واهي مفتشله من نفسها نادتها مضاوي بس مالبت ندا

مضاوي وكملة طريقها وانزلت..

مضاوي الي فرحتها مو سايعه راحت ولمت عزام من وراه..

مضاوي..اخوي لغالي اشتقت لك

لف عزام ولمها حيل ومن كثر مالمها حست ان ايدها تألمها حيل لانها مو حاسه ابها بس تحملت وظلت

بحضن اخوها اهي تبكي واهو يبكي معاها..

رشا..خلاص بكي والله راح تبكونا معاكم

ابتعد عزام عن مضاوي واحضنتها رشا وتباوسوا الثنتين وابتعدوا عن بعض..

شادي..دورنا احنا بالسلام

مضاوي بدون ما تحس انها مو لازم تحضن شادي لا بدخلت رائد وطاحت عينه على الي حاضنته قرب

وبعدها عنه ومسكها من ايدها الي تألمها..

رائد..في بيتي وتحضن زوجتي انت ماتستحي

شادي الي وقف ولا عرف شنو يرد الا بتدخل عزام..

عزام..مافيها شي اهم دايما هيك يعني متعودين

رائد..هذاك بالماضي اما اللحين اهي زوجتي

رائد وهو يمسك تشيرت عزام وعزام هم كذالك يمسك تشيرت رائد..

مضاوي الي احتارة امبينهم خايفه توقف صف اخوها ويعصب رائد ويبهدلها وخايفه توقف صف رائد

وتحرج اخوها بس الحمد لله في شخص نغذهم على اخر لحظه..

سعيد..رائد..عزام

بعد ماسمعوا الصوت اتركوا بعض وبعدوا عن بعض وكل واحد حاقد على الثاني وراح عزام وسلم على

جده..

سعيد..متى وصلتوا لخبر وليه مابلقتونا

عزام..حبيت اسويها مفاجئ لمضاوي

سعيد..اجل لعشاء عندنا الليله

عزام الي ناظر جده ولا وده انه يتم مايبي يتم ببيت انطرد منه ابوه ورد على جده..

عزام..مافيني ابقى على لعشاء ان شاءالله مره ثانيه لاني انا جاي على شغل بخلصه وبرجع لحساء

بس اذا سمحت لي ابي اخذ مضاوي معاي

سعيد الي حست من تعابير وجهه عزام انه مايبي يجلس ولا عنده شغل بس ماحب يضغط عليه..

سعيد..على راحتك واختك فيك تاخذها..ومشى عنهم

افرحت مضاوي وياى رشا بس يافرحه ماتمت بعد رد رائد على عزام..

رائد..ماراح تطلع من لبيت

عزام..بس انا استأذنت جدي

رائد وهو يحك بأيده..في معلومه حبيت اوضحها لك اني انا الي متزوج اختك مو جدي

عزام الي عصب..والحل

رائد..انك تطلع من لقصر ولا توريني وجهك

عزام ماحب انه يسوي مشكله اول له ازياره لأخته تنهد وتعوذ من ابليس..

عزام..عذريني ياقلبي ماقدر اخذك معاي بس بتركلك رشا تجلس معاك لان انا وشادي عندنا شغل

وبنطول فيه

ادمعة عينها لان حتى اخوها انحرمت منه..

وطلع عزام وشادي ورائد راح عنهم وتركهم لحالهم وصعدة مضاوي مع رشا لجناح وسالفوا مع بعض

وشاركتهم بالسوالف هديل ليمن المغرب صلوا..

براء لقر بالشارع اوقفت سياره كابريس ذات الون الاحمراء ونزل منها عزام ودخل داخل لقصر اما

شادي ظل بالسياره..

بمكان ثاني وبشارع ثاني كانت عايلة معتز بطريقها لبيت الجد..

ريناد بنفخه..اوووفففف اناس تطلع تتمشى مو تطلع من بيت وتدخل بيت ثاني والله زهق

فارس..احنا رايحين انزور اهلنا يعني واجب علينا لزياره وطلعاتك لسوق والكفيهات لاحقه عليهم

ريناد..توعدني بعد مانطلع نروح تمشي

فارس..يصير خير

هيفاء..لا تقول لها كذا والله تمسكها عليك وتخليك توديها لمكان الي تبيه

ريناد الي انقهرة من هيفاء واقرصتها بأذراعها..

هيفاء..اي .. وحطت ايدها على ايدها لمقروصه

نوال..بسكم مناجر من تجلسون يم بعض تقوم لحرب

القصر الرميحي

نزلت مضاوي ومعاها رشا وودعوا بعض واطلعوا ليرحون لعند شاي اما عن مضاوي صعدة فوق وقلبها

مفطور لانها ماتمتعت بشوفت اخوها حست ان ايدها حيل تألمها اتجهة على جناح جدتها اطرقة لباب

واذنة لها..

نعيمه..شفيك حبيبتي

مضاوي واشوي وتبكي..جدتي ايدي تألمني مادري اشفيها

نعيمه الي افرحت ان مضاوي جايه لعندها وتبي مساعدتها وقامت واسحبت مضاوي من ايدها..

براء لقصر..

اما عند شادي الي مل وهو ينتظرهم براء لانهم ماطلعوا له نزل من السياره وهو مشغل لمسجله ومطول

عليها وجلس على مقدمة السياره الا مرة سيارة فارس والمحت ريناد شادي واصرخت من قمة راسها.

ريناد..خقه والله خقه

هيفاء ونوال حطوا اصابيعهم على اذانهم من الازعاج..

هيفاء..مين هذا

ريناد..شفيه هلي جالس على السياره ومعلي صوت المسجله

فارس الي توه يطالع..مين هالشاب الي جالس كذا انا اول مره اشوفه

ريناد واهي ذايبه حدها..مو خقه

هيفاء..يمكن من ربع رائد

فارس الي وقف السياره ونزل منها لانه انزعج من تصرف شادي وقفته قدام قصر جده بهالطريقه..

فارس..السلام عليكم

شادي الي نزل وعدل من وقفته ورد على فارس..وعليكم السلام

فارس..ممكن نتعرف

شادي..لا مش ممكن لاني مو من هالمنطقه

فارس الي واشوي ويضرب شادي على تصرفه..تستخف معاي

شادي..لا والله

فارس من بين اسنانه..اجل ليه واقف يم بيت جدي

شادي وهو يرجع شعراه على وراء الي زاد وسامته..استنى خويه

اما عن ريناد الي ماتت واهي منعجبه بشادي وبصوت عالي...

ريناد..والله خقه عذاب هذا الشخص انا ويني عنه

شادي الي سمع صوت انوثي طالع من السياره ورمى عيونه على ريناد ولمحها اما عن فارس الي

عصب على تصرف ريناد وخزها الي خلى ريناد تسكر الجام..

فارس..انت اذا ماعندك شغل يلى مش

شادي..انا انتظر ع

الا بطلعت عزام ورشا من لباب وعلى طول رشا اركضت ورمت نفسها بحضن اخوها..

رشا..حبيبي

شادي الي انحرج من فارس وخاف ان فارس ياخذ فكره سيئ..

شادي..من متى الحب نازل عليك

رشا..من زمان

فارس الي قلبه دق من سمع صوتها وعرف من اهي ولف انظاره على عزام..

فارس..عزام

عزام الي قرب من فارس وسلموا على بعض وعرفه على شادي وعلى رشا وبعدها ركبوا السياره

وفارس واهله دخلوا على لقصر..


بسيارة عزام

شادي..اشفيكم تأخرتوا

عزام..جلسنا مع جدي اشوي

رشا نطت..واي منك تكذب بعد

عزام الي طالع برشا من لمرايا وبراء..انا اكذب

رشا..اي مو عينك كلها على الي واقفه يم النافذه واطالع فيك وكل ماقالك جدك شي قلته اي

عزام..هين اوريك

شادي..مو هين

عزام الي اكتفه بالابتسامه وكمل الطريق وساد الصمت بس بعدها..

رشا..وين بتودوني

شادي..وين على لحساء

رشا..لا مو على كيفكم انت واياه انتوا ترحون تنبسطون وانا تحبسوني بالقصر

عزام..وين تبقين تروحين ياشيخة المزايين

رشا..لمكان الي بتودوني فيه انا راضيه اهم شي تمشوني

عزام الي كان يسمع كلام رشا واعيونه على جواله يكتب رساله وما انتبه الا..

شادي..عزام حاسب

عزام الي رفع عيونه وبسرعه بعد عن السياره..

بقصر الرميحي

عند هديل الي كانت جالسه معاهم لكن بدون ماتنطق اي كلمه كانت شارده لاحظة عليها مضاوي انها

متضايقه الا اسمعت هديل صوت موسيقى معلنه وصول رساله افتحتها وقرت محتواها..

(حبيت اسلم عليك واسف على الي صار ليوم تمنيت اني التقي ابك بظروف احسن..)افرحت هديل

ومن كثر مافرحت اضحكة بقوه وخلت كل الي حواليها يلتفت لها..

سلوى..من مين جالك لمسج هلي خلاك تضحكي بدون شعور

هديل واهي تضم لموبايل لصدرها..من اغلى ناسي فكرته ناسيني وطلعت غلطانه

سلوى..الله يدوم هالضحكه ولوناسه

نوال..الا وين منذر ورائد

نعيمه..منذر طالع مع ربعه ورائد كلعاده مع..واسكتت

هيفاء المحت تغير في وجهه مضاوي ولمعة لحزن بعيونها حبت انها تغير لموضوع وانها تتقرب منها..

هيفاء..الا صج وين تدرسين مضاوي

مضاوي الي من تزوجت رائد واهي ماتحب سيرة الدراسه لانها انحرمت منها..ثالث متوسط

هيفاء..بأي مدرسه سجلتي بالخبر

مضاوي..وقفت دراسه هالسنه

هيفاء سكتت ماحبت انها تتعمق اكثر بالموضوع..

وظل السكوت سائد بين لبنات ماعدا نوال وسلوى ونعيمه الي يسلفون مع بعض وادخلت عليهم ريناد

واهي معصبه وتنافخ وادور بين لكنبات..

نوال..شبك عاقده النونه وتنافخين وشوا الدورين

ريناد..ادور على اسوارتي مو لاقيتها

نوال..اكيد ماكانت عليك

ريناد..الا كانت علي وفسختها لان ايدي تحسست منها

هيفاء..سألتي لخدم عنها

ريناد..وهذا الي بيحصل

مضاوي..لا تقولين لهم مين سرقها قولي لهم وينها

اسمعت ريناد كلمة مضاوي ونادة على لخدم وعلمتهم ان اسوارتها مختفيه وبدوا لخدم يدورون عليها

ليمن حصلوها..

سالي..تفضلي..ومدتها

ريناد خذتها..وين حصلتيها

سالي ببراءه..حصلتها بغرفة مضاوي

ريناد من اسمعت اسم مضاوي التفتت عليها ومضاوي خافت فكرتها انها بتتهما انها اسرقتها تقدمت ريناد

خطوه وابتعدة مضاوي خطوتين..

ريناد بكل عصبيه وما اعتبرة بلي موجودين اضربت مضاوي كف..

ريناد..كان قلتيلي وعطيتك اياها ولا تسرقينها

مضاوي الي حطت ايدها على خدها وادموعها تنزل لان هذي اول مره احد يعطيها كف ولا تكلمة..

ريناد الي رفعت ايدها وامسكت ابلوزة مضاوي من لكتوف وبدة تهزء مضاوي وتهزها وتقدمت نعيمه

لتبعد ريناد عن مضاوي..

نعيمه..يمكن جاسر او جاسم شافوها وفكروها حقت مضاوي وحطوها بغرفتها او تاليه لانها مو موجوده

ريناد بصوت عالي..جدتي لا دافعين عنها لان لخدم مايسرقون اهي لغريبه بهذا لبيت

كلمه من نعيمه على كلمه من ريناد وعلى صوت ريناد لدرجه وصل الصوت لمكتب لجد طلع مع فارس

ليشوفون لموضوع..

سعيد..شبكم ليه اصواتكم عاليه

نعيمه ماحبت ان سعيد يعرف بالسالفه..ريناد الله يهديها ضايعه اسورارتها ومعصبه

سعيد مادخل بعقله لكلام وشاف مضاوي تبكي وريناد زاقفه حدها..وليه مضاوي تبكي

ريناد..لان حفيتك لغاليه اطلعت مثل ابوها حراميه وتاخذ حق غيرها

مضاوي ما اتحملت انها تسمع كلمه عن ابوها وانه يصفونه بالحرامي اطلعت من الصاله وبدة تنزل الدرج

والحقتها ريناد واطلعوا كلهم ريناد مسكت ايد مضاوي ولفتها لعندها....

ريناد..وين سايره يالحراميه

مضاوي وادموعها على خدها..والله ماسرقت شي والله مو انا

ريناد حطت ادينها على اذراع مضاوي وبدة تهز فيها جاءت من خلفها هيفاء..

هيفاء..اتركيها ريناد

ريناد..ماني تاركتها

هيفاء بدون ماتحس ابعدة ايد ريناد عن اذراع مضاوي واختل توازن مضاوي وطاحت الا بوقوف رائد يم

السلم وبصرخه من..

هديل..رائد امسك مضاوي

رائد الي كان شبه سكران ماقدر يمسك مضاوي وطاحت مضاوي على الارض واغمى عليها وكل الي

واقف نزل ليشوف شنو صار لها..

المنطقة الشرقية..الاحساء اشتقنا لها مو..

يم بيت راشد

شادي..انزل عندنا

عزام..تعبان ابي انام

شادي..على الاقل تعشى عندنا

عزام..انا ادور السرير حدي هلكان

رشا..روح توكل على الله

عزام..يلى سلام و سلموا على الاهل

شادي..عنيد

عزام وهو يركب السياره..مثلك

رشا الي اسحبت شادي عن سيارة عزام وقالت..روح بكره وراك دوام لا طاوع لبطالي هذا

عزام الي حرك وهو يضحك على تصرفات بنت خاله

اما رشا وشادي ادخلوا على لبيت وسلموا على لموجودين وطمنوهم عن مضاوي وبعدها تعشوا وكل

واحد راح غرفته لينام ليصبح على يوم جديد..

البارت السادس..


المنطقة الشرقية..الخبر

بقصر الرميحي

دخلت سلوى وهديل ومعاهم لخدم جناح مضاوي وفتحوا غرفة النوم..

سلوى..نظفوا لغرفه زين ليوم مدام مضاوي راح تجي لبيت

الخدم الي افرحوا وبدوا ينظفون بالجناح كله...

هديل..مامي

سلوى..نعم

هديل..مامي خلينا نطلع على السوق نشتري اغراض لمضاوي

سلوى الي اضربت ادينها ابعض..ذكرتيني يابنتي انا قايله لانها من خذناها واهي تلبس من ملابسك

هديل الي استانست بس خلت وناستها داخلها ماظهرتها..

بفلة معتز

فارس وهو نازل الدرج..يمه..مامي..ماما

نوال الي ارسمت ابتسامه اول ماسمعت لكلمه من فارس..

نوال..قرب انا اهني يم خواتك بالصاله

فارس الي عفس وجهه اول ماشاف ريناد وبعدها عن نوال وجلس اهو وحط راسه على كتف امه وايده

دخلها بايد امه..

هيفاء الي ارفعت حاجبها..عجيب

فارس مارد عليها وظل ساكت..

ريناد..لانه يبي يرد طفل ويشرب ببرونه اظاهر ماشبعه حليب امي وهو اصغير

فارس..اذا خاطبكم لجاهلون قولوا سلامه..انا ماراح ارد عليك ولا انزل مستواي لك ليوم راح

نروح بيت جدي وبتشوفين مضاوي وبدك تعتذرين لها

ريناد الي مدة لسانها لفارس وقامت عنهم..

فارس..تعالي

نوال الي حطت ايدها على خد فارس ولفت وجهه..قولي شنو عندك جلستك هيك معاي مو خاليه

فارس الي طالع اخته هيفاء..

هيفاء افهمت..خلاص بقوم فيه موضوع خاص مع ولد وامه..وقامت

نوال..يلى اسمعك وخواتك وقاموا

فارس..بيوم زواج رائد من مضاوي شفت بنت من اهي

نوال حبت اضيع لموضوع وتعب فارس..مين مافيه الا انا وخواتك وبنت خالك

فارس..مامي فيه بنت ثاني غير مضاوي

نوال وماحبت اطول..اي تذكرة قصدك رشا

فارس ابتسم ابتسامه جانبيه..اشرايك فيها

نوال..طيبه وحبوبه وتدخل لقلب بسرعه تمنيتها لك بس للأسف خاطبها عزام

فارس بخيبه..لا..اجل انسي ولا كأني فاتحتك.وقام

نوال مسكت ايده..وانا ودي ابها لك بس اصبر ليمن انشوف وين بتوصل علاقة رائد بمضاوي

فارس الي حب راس امه وطلع لغرفته..

المنطقة الشرقية.. الاحساء

بالشريكه وهو يكلم تيلفون

عزام..انتي ايش تقولين..واهي كيفها اكيد اخوك الي عملها

هديل بخجل..لا والله مو اخوي صار سوا تفاهم مع ريناد

عزام ارتاح اشوي بس لساته قلق على مضاوي..اهي امنيحه ماعم تكذبي علي

هديل..لو في شي كان خبرتك

عزام ارتاح ولف بكرسي مكتبه وبصوت اسري..هديل

هديل الي ذابت واهي تسمع اسمها من لسان عزام..نعم

عزام..هديل انا اش,وسكت ماقدر ينطقها ظلت لكلمه على راس لسانه..

هديل الي حست انه بيقول لها شي ارتجفت ودق قلبها..شنو عزام

عزام الي حس على نفسه وقال لها..ولاشي

هديل الي خاب املها..اوكي اذا مافيه شي انا اسئذن منك

عزام..بحفظ الرحمن

المنطقة الشرقية..الخبر

بقصر الرميحي..العصر

بجناح رائد

ادخلت لغرفتها وافسخت عبايتها وانسدحت على السرير وغمضت عيونها ماحست على الي واقف يم

لباب..

رائد..يألمك شي تحسين بوجع

مضاوي افتحت عيونها وانحرجت من شكلها وهو مانزل عيونه من عليها مما زاد خجلها وهو مايل بنفسه

على باب لغرفه..

رائد..مضاوي

مضاوي..لا ما يألمني شي..تنادي لي على هديل

رائد..انا يمك شنو بقيتي شلك بهديل

مضاوي احتارة تقوله شنو تبي اما رائد عرف شنو تبي من هديل طلع من لجناح وصادف هديل قدامه..

رائد..وين

هديل..بعد من قدامي ابي ادخل لاشوف مضاوي..ومشت

رائد مسكها من ايدها وبأرتباك وكذبه..مضاوي نايمه يلى مشي

هديل ماصدقته بس جارته..اوكي انا طالعه على السوق تبي شي

رائد..لا

هديل الي مشت ومو عارفه رائد ليه يتصرف معاها هيك..

اما رائد الي دخل لجناحه ومباشره على غرفة مضاوي شاف جاسم وجاسر عندها وكيف كانوا لامينها

ويعاتبونها ليه غابة عنهم شاف لحب بعيونهم وخوفهم عليها تمنى انه يكون نفسهم بس هذا من ابعد لمستحيلات

رائد..انتوا شنو جابكم لهون مو لمفروض تكتبون واجباتكم

جاسم..انا ماشي بس حبيت اتطمن على مضاوي

وقام من على السرير ومشى ولحقه جاسر واطلعوا من لغرفه ولف رائد..

مضاوي..حصلتها

رائد ببلاها..مين هذي

مضاوي..هديل

رائد..لا ماحصلتها اطلعت اهي وامي قوليلي انتي شنو تبين منها

مضاوي احمر وجهها..حبيتها تساعدني في خلع ملابس لاني ابي اتروش

رائد اعجبه لموضوع وحب يخجلها اكثر..انا اساعدك

مضاوي الي زادة حيا..لا..لا..خلاص انا اعمل كلشي لحالي

وقامت ودخلت لتواليت وبصعوبه اقدرة تفصخ ملابسها مو متعوده انها تستخدم ايد وحده ولفت ايدها

لمكسوره بفوطه صغيره ودخلت تحت لماي وخذة لها شور منعش وبعدها اطلعت وحصلته جالس بالغرفه

استغربت مو من عوايده انه يكون بهالوقت بالقصر ادخلت غرفة التبديل وطلعت لها لبس ولبست لبنطلون

بصعوبه واوصلت للبلوزه وماعرفت انها تسكر لزرار اتأففت اكثير اما عن رائد الي استناها اكثير ويوم

شافها ماطلعت دخل اهو لعندها وشافها محتاره بتسكير لزرار تقدم لعندها وصار مقابلها وحط ايده على

ايدها وبعد ايدها..

رائد..انا اسكره

مضاوي الي قلبها خفق حيل من قرب رائد لها ومن انفاسه لحاره الي تشح بوجهها لصغير ظلت تناظر

فيه وهو يسكر لزرار..

اما رائد الي حس بشعور غير يسري في جسده بس سريع مابعده من فكره وبعدها قال..

رائد..وهذا خلصنا ولبنطلون سكرتيه..حب يحرجها

مضاوي ابتعدة عنه..اي سكرته مشكور

رائد الي سحب ايد مضاوي وقربها له اكثر..ليه كل ماقربت منك تبتعدي عني وتصيري ترتجفي

تخافين مني

مضاوي الي تبتعد نظرها عن رائد..لا بس مو متعوده من قرب احد غير عزام

رائد..هيك لكان

مضاوي(انا ايش قلت اللحين صج يفكر اني خايفه منه ويتماده اكثر)..

رائد الي حب فيها خجلها واستحياها منه حط ايده على شعرها لمبلل بالماء..ليه ساكته ليه ماتحكي

مضاوي..لاني ..وسكتت..(لاني احبك يامعتوه)

رائد الي قرب اكثر واهي تبتعد بخطواتها ليمن لصقت بالكبت..لانك شو كملي

مضاوي الي ضاعت علومها واهي تناظر فيه ولا نطقة..

رائد الي انعجب بشفايف مضاوي لصغيره لمليانه ولي صايره بلون لفروله قرب منها ليطبع بوسه على

شفايفها الا..

جاسم..بابا

رائد لف..هذا وقتك شنو تبي

جاسم..جدتي اتصلت تبي خالتي مضاوي تنزل لها

رائد الي شال جاسم وقبل مايروح..بعدين نكمل كلامنا انتي روحي

مضاوي الي مشت واحمدة ربها انه ماقرب لعندها رائد اكثر..

المنطقة الشرقية..الاحساء

في بيت راشد

رشا..يوم قالك وقلته حضرتك انك مو رايح ليه ماقلتله ان اختي ودها تروح

شادي..ولمدرسه

رشا..نغيب لنا يوم شبيصير بالدنيا

شادي الي حب يقهرها اكثر..اهو قالي وانا قلتله شلك بوحده نكديه

رشا اي رصت على اسنانها..انا افرجيك..ومشت

شادي..تعالي

رشا..ماني جايه

المنطقة الشرقية..الخبر

بالاستراحه..بالليل

جراح..شفيك يامنذر مو على طبيعتك

منذر واشوي يبكي..اهلي ياجراح

جراح..اشفيهم اهلك

منذر..مو مهتمين فيني شوفني غايب عنهم يومين ومحد سأل عني همهم لوحيد رائد كيف ايطلعونه من

محنته

جراح وهو يحط ايده على رقبة منذر..تغار من اخوك

منذر..مو غيره ولا شي بس ابيهم يعطوني اشوي من اهتمامهم

جراح..اعذرهم اذا اهتموا بخوك لا تنسى ان رائد شاف زوجته تموت قدامه

منذر الي نزلت ادموعه..عارف ومقدر هشي

جراح..ليه ماتتقرب من اخوك ليه ابعيد عنه

منذر..ماقدر..ماقدر لانه خذ حنان ابوي مني وخذها مني ابوي اهتم فيه اكثر مايهتم فيني اكرهه..

اكرهه..

جراح الي مسح ادموع منذر وحزن على وضع منذر وكيف حاله صاير..

بقصر الرميحي

مضاوي الي وصلت على الصاله ولقت جدتها جالسه لحالها..

مضاوي..طالبتني جدتي امري

نعيمه الي ابتسمت لمضاوي..طالعي وراك شوفي مين

مضاوي الي لفت وحطت ايدها على فمها وبعدها شالتها وقالت..عزام

عزام الي تقدم وحضن مضاوي حيل مشتاق لاخته..كيف صار

مضاوي الي لساتها بحضن اخوها..هيك طحت وصار لي صار

عزام الي بعد عنها وجلس وجلسها يمه ولمها لصدره اما نعيمه لي ادمعت عينها واهي اتشوف عزام

كيف حاضن مضاوي تذكرة ابوهم كيف كان يلم نوال اذا كانوا جالسين مع بعض..

عزام..كيف صار وين مضاوي الي كانت تخاف على جسمها انه يتئذه كانت تقزم ادنيا وماتقعدها اذا

صار لها شي شلي جرالك

مضاوي وحبت تغير لموضوع..ليله عشاك عندنا مافيه مهرب

عزام..صعبه

مضاوي..شوف شكلك كيف تعبان اكيد من الشريكه للخبر مو

عزام..يفداك اتعب كله اهم شي اني شفتك بخير

مضاوي..شخبار لكل

عزام اهني ماقدر يمسك نفسه من اضحك..هههههههههههه اتخيل شكل رشا اذا خبرها شادي اني

بالخبر بتعصب

مضاوي..والله راح تنتفك تنتيف

عزام..الله يعيني

مضاوي وحطت ايدها على ركبة عزام..ايييييي امي وابوي كيفهم

عزام..امي شيخه تسلم عليك وهم ابوي راشد يسلم عليك ويبسونك من بين عيونك

نعيمه تضايقت حيل وحبت هالكلمه انها اهي الي تسمعها من شفايفهم ويقلونها لها يمه قامت من يمهم

واستقربوا منها..

عزام..اشفيها جدتي نعيمه

مضاوي..والله مادري

عزام..ايي ماشتقتي لطلعاتنا

مضاوي..اي اشتقت

عزام..اجل شنو تنتظري

مضاوي..تكه واجي

قامت مضاوي عن عزام واتركت عزام لحاله الا بدخلة هديل وسلوى واهم شايلين لكيس وحطوهم على

اطاوله الي يم لباب اصعدة سلوى فوق اما هديل اجلست ومانتبهخت بلي جالس..

عزام الي يطالع في هديل ويتفحصها من فوق لتحت..(يمه انا وينك تشوفين ولدك طب ولا احد سم عليه

هديل الي حست ان فيه احد يطالع فيها لان شافت صورته عاكسه على لمرايا ولفت وطاحت لعيون

ابعض وحكت كل شي..

هديل..(اشتقت لك ياولد لعم)

عزام..(وانا مثلك يابنت لعم

هديل..عزام اشفيك تغيرة مو مثل مانت وينه الي كان يتغنى بأسمي اذا ناداني

عزام..انا ماتغيرة مثل مانا يتهيئلك لساتني اذا نطقة اسمك اتغنى فيه ويهتز كياني

بفوق بالصاله عند حاتم

حاتم..رائد كيف حاس نفسك بالجلسه بالبيت

رائد..عادي ماحس بشي

حاتم..بس انا اشوف معه بعيونك وجهك كيف ضوء وتغير

رائد..بابا لا تحاول ماراح اخلي هلقلب يدق ويحب

حاتم..ليش قافل على قلبك ولا مخليه ينفتح

رائد الي شاف مضاوي ماره قام ولحقها..مضاوي

مضاوي الي طاحت عبايتها من ايدها من الرعبه ولفت..رائد

رائد..شكل كلامي مافد معاك هلي لابسه وكاشخه

مضاوي..عزام اهني وطالعه اتعشى معاه

رائد..روحي لغرفتك

مضاوي..رائد الله يخليك

رائد اهني ضعف اول ماقالت رائد استسلم لها لكن سرعان ماتبد..

رائد..لا رائد ولا غير رائد قلت مافيه

مضاوي استسلمت ومشت لتروح تبدل الا مسك ايدها حاتم وقفها..

حاتم..رائد على شاني خلها تروح مع اخوها من جات لقصر واهي ماطلعت

رائد الي طالع في مضاوي وشاف بوجهها لحزن والانكسار والضعف لا اراديا قال..

رائد..روحي وحدك لساعه تسع ونص اذا تأخرتي دقيقه تعرفين شنو بيصير

مضاوي ارسمت ابتسامه كبيره على شفايفها مما زاد جمالها وطارت لعند عزام..

حاتم..وانا وانت نتعشى لحالنا اب وابن

رائد..ونتصل على منذر يجي معانا

حاتم..ماظن انه بيجي تحصله مع ربعه بالاستراحه

رائد..وسلوى ترضى نروح ونتركها

حاتم الي قرب من رائد وشبك ايده بأيد رائد ومشوا..نطلع بدون ماتحس

رائد..تخاف منها

حاتم..مو خوف الا حب

بفلة معتز..

بغرفة هيفاء

هيفاء الي كانت جالسه بغرفتها اطلع لها بحث للمدرسة اتعبت من كثر ماكانت جالسه ومركزه

على النت ولا لقت شي يناسبها لفت بالكرسي اتعبت من كثر ماكانت مركزه على شاشت الكمبيوتر

قامت وافتحت الستاره واشردة بعالمها وافكارها....

هيفاء..اصدقت ريناد انها يوم قالت عن شادي عذاب وخطير ليه انا انشديت

له اكثير رغم انه ماناظرني كانت عيونه على اختي ريناد انا لازم اشيله من افكاري

ولا اخليه ياخذ مساحه كبيره بعقلي وقلبي مابي ابني احلام وبعدها تنهدم وتصير

سراب ويخاب كل املي..وشالت الافكر من راسها وسكرة الستاره وارجعت

على بحثها للمدرسه..

بقصر الرميحي..

رد لبيت ودخل على غرفته وشغل الليت ولقى امه جالسه فيها راح لعندها وحبها

على راسها وجلس على السرير..

منذر..عسى ماشر صاير لك شي

سلوى..لا

منذر..علامك جالسه بغرفتي بالظلمه

سلوى..جيت لأشوفك ولا حصلتك وجلست انتظرك

منذر حس ان امه مافقدته الا هالحظه..امي صار لي اكثر من يومين

مو بالبيت توك تستفقديني

سلوى بحيره..انشغلنا بزوجت اخوك مضاوي طاحت وانكسرة ايدها

منذر بعصبيه..بالاول كنتوا منهمكين برائد ومشاكله واللحين زادت لمسؤليه

بمضاوي بعد

سلوى قامت وحطت ايدها على كتف منذر..منذر حبيبي انت ليه تكره اخوك

منذر بعد ايد امه وقام وبعد عنها ولزق يم النافذه..يمه ممكن تطلعي ابي ابدل وانام

سلوى ماحبت اطول عليه اكثر اسحبت نفسها لتطلع الا..

منذر..يمه

سلوى لفت..نعم امي

منذر..انتي فرحتي اول مابشرك الدكتور انك حامل ابي والا ماستانستي ان

بيجيلك ولد

سلوى ادمعت عينها..احبك مثل ماحب رائد انت ولدي الي مالي غنى عنه لاتحط في بالك اني ماحبك

منذر الي ماكترث لكلام امه لف واهي اطلعت من لغرفه وانفجر بالبكي..

منذر..كلكم تكذبون علي كلكم ماتحبوني كلكم تشفون رائد اهو الاحسن والافضل

اما انا لولد الشين انا اكرهك يارائد اكرهك ياليتك مت مع ابوك وريحتنا او مت مع

مرتك انت السبب بالي بيصير تحمل مايجي..

وظل على وضعه ليمن خذاه النوم ونام..



ارجعوا لقصر متأخرين مو مثل ماحدد لها الساعه شافوه مظلم اتوجهت هديل لجناحها

ومضاوي على جناحه احمدة ربها ان رائد ماراح يكون موجود بس تفاجئت اول

مافتحت لباب لقته قدامها ارتعبت وخافت ودق قلبها طبول من تشوفه ماتعرف شنو

يصير لها من لملاك الي جالس واعيونه كلها عليها..

مضاوي..ماطلعت

رائد خذ لكاس وشرب منه وحطه على الطاوله وسكبله وخذه وقام ومشى ليمن

وقف يم مضاوي..مو قلتلك لا تتأخرين

مضاوي واهي ترتجف ويرتجف فكها وبصوت مبحوح..

مضاوي..اخذنا لوقت

رائد انعجب بخوفها منه وحط ايده على لباب ولصقت مضاوي في لباب..

رائد..هيك لكان

مضاوي وادموعها تنزل..رائد

رائد بنبره حاده..انا ايش اسوي فيك

مضاوي..رائد لا تسوي لي شي انا مو متعوده على هالمعامله

رائد مسكها من زندها..انا اخذتك لتربي اعيالي ماخذتك لا تنبسطي وتسلين

نفسك

مضاوي..رائد اوعدك ان هذي اخر مره اتأخر فيها بس لا تسوي لي شي

احلفلك بأغلى ماتحب

رائد بعد ماقالت له كذا تذكر نجود وتركها وبعد عنها اما اهي اجلست مكانها

وماتحركت خافت انها تقوم ويرجع يمسكها كانت تراقب تصرفاته من ابعيد كيف

كان يصب له كاس لخمر ويشربه تشجعت وقوة قلبها وقامت وخذة كاس لخمر

ورمته وبعيون كلها دموع والم..

مضاوي..هذي اهي طريقتك بحل مشاكلك انك تشرب وتنسى شنو صار لك

رائد بعيون حمراء وذبلانه من كثر الشرب رفع راسها له ولا تكلم مد ايده وخذ

لكاس وسكب له..

ردة مضاوي وخذة منه لكاس ولعلبه وراحت ورمتهم بالزباله..

مضاوي..من يوم ورايح ماراح تشرب اهني ولا اسمحلك انك تفكر تجيب هسم

للبيت اذا مافي احد وقف في وجهك وعلمك الصح من لخطا انا الي بوقف بوجهك

رائد الي وقف وسحبها من ايدها..انتي مين مفكره نفسك انتي مجرد مربيه لتربي

اعيالي ماراح يكولك مكان بحياتي عم تفهمي

مضاوي انجرحة من كلام ماتوقعت ان هذا تفكيره فيها وابتعدة عنه تبي تبعد عنه

ماتبي انها تشد معاه بالكلام وتسمع كلام يجرحها اكثر..

اما رائد وهو يمشي بتمايل واشوي ويطيح نادى لها..مضاوي

مضاوي الي لفت واهي تمسح دموعها...

رائد حط ايده على قلبه..هذا لمكان مكان نجود ماينبض الا لها ماراح تكونين

لبديل ولا حتى جزى من حياتي راح تكونين..وطاح

اطلعت مضاوي من لجناح وادموعها على خدها نزلت وطلعت من لباب التفتت

وشافت نفسها بالحديقه كبيره حيل راحت صوب لخيول ولقت لباب مقفل تذكرة

انهم من بعد ماطاحت من لخيل قاموا يقفلون على لخيول مشت ولقت باب كله

زجاجي افتحته ولقت حمام سباحه ادخلت وسكرة لباب وشافت لحديقه من وراء

الزجاج كيف صايره حلوا وكبيره لان الزجاج عاكس اجلست يم لمسبح وحطت

ارجولها بالماء وتذكرة كلام رائد..

انا اخذتك لتربي اعيالي.. انتي مجرد مربيه لتربي اعيالي ماراح يكولك مكان بحياتي

..هذا لمكان مكان نجود ماينبض الا لها ماراح تكونين لبديل ولا حتى جزى من

حياتي راح تكونين..

وحركة ارجولها بالماء وتطاير لماء على ملابسها وعلى وجهها وادموعها تزيد بالنزول

تحبه ومستحمله تصرفاته معاها ارفعة راسها..ياربي ساعدني ماني قادره

استحمل هالعيشه

عند رائد

لي نام عدة ساعات وبعدها جلس شاف نفسه نايم على الارض استغرب اكثير

قام ودخل لتواليت ليتروش ويصحصح تذكر شلي صار سكر لماي بسرعه ولف

عليه الروب وطلع دخل لغرفه ولا لقاها وتذكر لكلام الي قاله لها تندم وتحسف طلع

وبدى يدور عليها كل مكان ولقى انوار مضيئ راح وفتح لباب ولقاها نايمه تنهد

وارتاح وشالها ومشى ابها ليمن وصل لغرفتها حطها على السرير وفصخ ملابسها

ونشف جسمها بالمنشفى ولبسها بجامه ناعمه ومريحه وجلس يم راسها وحس

بنعاس ومال نفسه ونام جنبها براحه..

بالصباح بجناح منذر

جلس وهو حاط ايده على رقبته وبعدها على ظهره ودلك فيهم حس بتشنج برقبته

وظهره بعد النوم على الارض دخل لتواليت خذ له شور سريع وطلع لبس ملابسه

ورشله عطر ونزل لقى امه وابوه وجده وجدته وهديل على طاولة لفطور ومالقى

امبينهم رائد سلم وجلس يفطر معاهم..

سعيد..اذا مو حاب تكمل دراسه تعال واشتغل بالشريكه ولا اضيع اسنين عمرك

بدون فايده

منذر اقتاض وكتم قيضه بداخله ولا رد..

سعيد..ها شقلت دور لك على اي شريكه واشتغل فيها

منذر طالع بجده ومسك بأيده ليسرى لكرسي وضغط عليه..

سلوى حبت انها تدخل وتشيل نظرات منذر لجده لانه يتحسس من هالمواضيع..

سلوى..عمي خله يدرس ولاحق على الشغل وهمه

سعيد..اشله بدراسه ومارده انه يستلم الشغل بالشريكه

منذر حول نظره على ابوه الي جالس ياكل ولا ناقش بالحكي قام منذر من يمهم

وطلع من لقصر وهو معزم على الي في راسه..



الشرقيه..الاحساء

جلس من النوم على الازعاج والضجه من راحت مضاوي واهو مايسمع اي صوت

طلع من غرفته وحصل قدامه رشا معصبه..

رشا..تروح لخبر بدوني وانا الي كنت اخطط كيف بتلتقي بهديل اذا رحنا مره

ثانيه لخبر

عزام..روحي جبيلي لفطور واخبرك ليه ماخذتك معاي

رشا تتغلى ومسوي نفسها مهتمه بالدراسه..خل لفطور عنك قولي بسرعه انا

وراي مدرسه

عزام طالع في رشا وضحك..ههههههههههههههههههههه اذا انتي مهتمه بالدراسه

ليه جايتني

رشا..لا تسأل اكثير وجاوب

الشرقيه..الخبر

بقصر الرميحي

لفت براسها واصقعت بصدره حست ان في شخص نايم جنبها افتحت عيونها

ولقته استنكرة بالبدايه وبعدها نهضت نفسها بشويش عن يحس بس اهو حس وجالس

بس مافتح عيونه ظل مسكرها يبي يشوف شنو بتسوي له حطت ايدها على صدره

لمكشوف واهي ترتجف ومررة اصابيعها الناعمه عليه وقلبها يدق حيل شافته

اديش وسيم ومزيون..

مضاوي..لو تعرف اني احبك راح تعاملني بنفس الطريقه او بتغير معاملتك

رائد لا تقسى علي انا راح انتظرك ليمن تقرر اذا تبيني او لا

وظلت تتلمس بصدره ووجهه اما رائد الي مع كل حركه تسويها مضاوي يحس

بأنضربات بمشاعره وشعور غريب يسري بقلبه ماحب يطول بهالعبه وفتح عيونه

ومسك ايد مضاوي الي لساتها على صدره ولقى وجه يشع بنور مثل شعاع الشمس

وعيون كبيره وسوداء ظل يتأمل فيها..

رائد بعيون تلمع..ماخلصتي وانتي تطالعي بوجهي

مضاوي انحرجة ونقلب وجهها احمر وبعدة نظرها عنه..

رائد..كلذا جسمي عاجبك

مضاوي واهي تلعب بعيونها ماتبي تناظره..مصدق نفسك ان جسمك جذاب

رائد بأبتسامه صفرا..اجل ليه كنتي تناظريني

مضاوي..انا ماكنت اناظرك يتهيئلك

رائد..هيك لكان..

ورفع ايدها وطبع بوسه خفيفه وقام وتركها بحيرتها وارفعت مضاوي ايدها وقربتها

لشفايفها وتلمست مكان لبوسه شافها قبل مايدخل لتواليت وابتسم...

مضاوي الي افتحت الدولاب وطلعت له ملابس بدون ماتاخذ رائيه وحطتهم على

السرير واطلعت من لجناح ولقت سلوى جالسه في الصاله قربت منها وسلمت

عليها واجلست ولا تكلمة التفتت سلوى وبعدها طفت التلفاز واستغربت مضاوي

سلوى..مضاوي بدي اقولك كلام بس لا تزعلين مني او تضايقين

مضاوي..احكي خالتي ماراح اتضايق منك

سلوى..ليه هامله نفسك وليه ماتلبسين من لملابس الي شريتها لك

مضاوي..لمين اتهندم

سلوى وحطت ايدها على خد مضاوي..اتهندمي لك ولرائد

مضاوي..وهو شايفني

سلوى..انتي بنت حلوا وجميله وعندك جمال ساحر سحريه بجمالك لا تخلينه

انه ماهو شايفك تدلعي عليه اظهريله انوثتك

مضاوي وادمعة عينها ونزلت راسها..لبارحه قالي انه مايحبني ولا يبيني قلبه

كله لنجود وانا مالي مطرح منه.

سلوى..لا تهتمي لكلامه لو ماكان مهتم فيك ماكان شفتيه بالقصر كان شفتيه

مع ربعه والشرب صحيح انه مازال يشرب بس صدقيني مو مثل قبل

مضاوي..وكيف تبيني اترتب وانا ايدي مكسوره

سلوى..كلها فترى بسيطه وبيفكونها

مضاوي ابتسمت وامسحت ادموعها وقرررت انها تطبق كل الي قالته لها...

طلع رائد وهو لابس نفس لملابس الي جهزتهم له مضاوي ماغيرهم اتجه صوب

الدرج بس سمع همس كلام وضحك غير اتجاهه وسار مكان مايسمع الصوت قرب

منهم ولقى امه ومضاوي..

مضاوي رفعت راسها واول ماجات عينها بغينه راحت الضحكه من وجهها..

سلوى..ووووه اول مره تلبس هالون

رائد وهو يلف على نفسه..مو حلوين

سلوى..الا حلوين

رائد..هذا اختيار مضاوي مو اختياري..وحط ادينه على رقبة امه ونزل

راسه وباس خد امه واعيونه على مضاوي..

سلوى لاحظت وفكت ادين رائد من على رقبتها واسحبته من ايده وجلسته حدها

مما زاد ارتباك مضاوي وهو يطالع فيها..

سلوى..اي

رائد..شنو اي

سلوى..بضلون مجابلين بعض وبدون ماتحكون مع بعض

رائد توهق..اي تذكرة صار عندي شغل يلى باي..وقام

سلوى..شفتي بعينك كيف مرتبك هذا يحبك بس مو عارف كيف يخفي عنك

مضاوي ابتسمت ودق قلبها اكثر..

الشرقيه..الاحساء

بشريكة عزام

عند عزام بعد ماخلص الاجتماع فصخ لشماغ ورفع ارجوله وحطهم على طاولة

لمكتب غمض عيونه كره ليوم لانه متعب من كثر لجتماعات تذكر وفتح عيونه

دخل ايده بجيبته وطلع مفتاح صغير وفتح ابه درج وطلع منه صوره اصغيره

تجمعه بهديل واهم اصغار تلمس الصوره وقلبه ينبض بأسمها..

عزام..ليش انا خايف ومو قادر اكلم جدي خايف ان جدي يردني ولا يعطيني

هديل بس ليه ماتجرب ياعزام وتضرب ضربتك وتحاكيه ويصير الي بيصير..

الشرقيه..الخبر

طلع رائد واتجه على لفله الي يسهر فيها وطلب من الخدم ان ينظفونها ويرمون

كل علب لخمر ويسكرونها وبعدها طلع وراح لأبوه بالشريكه..

الشرقيه..الاحساء

بالشريكة عزام

تردد بالاتصال عليها وبعدها طالع الساعه وشافها تسع وربع خاف ان دق تكون بالجامعه

وبالمحاضره بس شوقه لها ماخلاه يفكر دق على رقمها..

الشرقية..الخبر

بالقصر الرميحي

بجناح هديل

كانت واقفه اقبال لمرايا تحط لها روج وردي مع كحل رن جوالها على نغمة شفت اتصالك

فز قلبها وطاح لكحل من ايدها وراحت وخذة لجوال واهي تطالع فيه وقلبها يدق حطت

ايدها على قلبها وضغطت الزر..الو

عزام..مشتاق

هديل.....

عزام..ولهان اني اسمع صوتك لا تسكتي

هديل ادمعة عينها وشهقت ولا ردة..

عزام بنعومه في نبرة صوته اكثر..ليه لبكي

هديل..لاني ماقدر اقول شي اذا سمعت صوتك

عزام سند راسه على لكرسي..ليه تستحين مني

هديل..لاني شوقي يخليني اسكت

عزام..احبك

شريكة الرميحي

وصل الشريكه وضغط على الاصنصير وصعد لطابق الي فيه مكتب ابوه وحط ايده على

مقبض لباب وسمع صوت من خلفه..

محسن..الاستاذ حاتم عند لعم سعيد

رائد..مشكور محسن

بمكتب سعيد

منذر..تعال..تعال وبنهايه مانطقتوا شي

حاتم..اصبر اشوي

منذر..اصبر لمين

سعيد بعد نفاذ صبر..لأخوك رائد

منذر وهو يبرم شفته..ولا رد

دخل رائد وتفاجئ بمنذر انه يكون موجود..السلام..وسكر لباب

الكل..وعليكم السلام

جلس رائد ومستقرب من لجمعه لمفاجئ..

سعيد..انا راح استغيل واعين

قصر الرميحي

هديل..مضاوي تروحي معاي لجامعه

مضاوي..قبل لجامعه شنو سر الابتسامه

هديل احمرة خدودها..عزام كلمني..يلى اللحين شقلتي

بشريكة الرميحي

منذر قام ورمى لكرسي على الارض من لعصبيه..تعال تعال وبنهايه هذا قرارك

انا ماقبل

سعيد..لانك ماراح تكون قد لمسؤليه اخوك قدها اكثر

منذر..هذا قرارك ومارح تغيره

سعيد..لا

منذر..راح تندم..وطلع

جلس سعيد وهو يحس بالتعب اشوي سكب رائد ماي لجده وشربه اياه..

عند منذر

بعد ماطلع من الشريكه مارجع لجامعه راح الاستراحه لانه عارف بيلقى جراح اهناك

لانه ماداوم بالجامعه..

بقصر الرميحي

العصر بجناح رائد

كان ينتظرها بالجناح يبي يتكلم معاها مو عارف شلي حصله يبي بس يطالع بعيونها

بدون مايتكلم يحس بالراحه اذا شافها غمض عيونه واستسلم لنوم..



دخلت وافتحت باب غرفتها لقتها بارده قربت من السرير وحطت ايدها على السرير

وحست انها حطت ايدها على شي ابتعدة اشوي وللعت الليت لصغير الي على الكمدينه

لقت رائد نايم حطت ايدها على شعره الناعم اطويل واغرست اصابيعها فيه واسرحت

فيه كل يوم تكتشف شي جديد فيه اهو حس فيها لانه بأقل شي يحس وجلس من نومته

حس براحه واهي تحرك بشعره..

رائد..دخيلك يامضاوي لا تحبيني لاني ماقدر اقاوم حبك دخيلك يارب ساعدني..

وادمعة عيونه..

مضاوي لمحت لدموع وخافت عليه قربت صبعها لصغير وامسحت دمعته خافت انه

شايف كابوس مزعج وبدة اتجلسه..

مضاوي..رائد..رائد

رائد فتح عيونه ولقى اجمل وجه خلقه ربي..مضاوي

مضاوي مامنعت نفسها انها ماتحط ايدها على خده الناعم..نعم

رائد جلس يتحسس ايدها بخده..جدي عيني مكان ابوي

مضاوي..هذا جيد

رائد..بس هذا مو جيد بنسبه لي لان منذر يكرهني ولحين زاد كره لي..

وادمعة عيونه وغرس راسه بحضن مضاوي..

ماعرفت مضاوي ايش تسوي معاه كل الي اقدرة عليه انها تمسح عليه وتخفف من

اوجاعه..

بالاستراحه

منذر..يعطيني منصب اصغير حالي حال اي مواظف عادي

جراح..طيب اثبت جدارتك بهالوظيفه عند جدك ويمكن تكون احسن من اخوك

منذر..هالعجوز بأيش يفكر ويخطط

جراح قام ومسك ايد منذر..

منذر..وين بعد

جراح..خلنا نطلع نشم هوا وتنسى جدك واخوك

منذر قام مع جراح واطلعوا من الاستراحه وبدوا يفترون بالشوارع..

بقصر الرميحي

بالحديقه بالليل

رائد وهو يكلم تليفون..الو هلا والله

حبيب..وينك من زمان مامريت علينا لفله

رائد..مشغول في هل كم يوم

حبيب..تعال عندنا الليله خويك عادل مسوي حفله

رائد..شنو لمناسبه

حبيب..بخطوبته ها تجي

رائد يبي يتهرب..ماقدر عند ظروف

حبيب بأصرار..تكفى تعال والله اشتقنا لليالي لخاصه

رائد بقناعه اشوي..اوكي بجي

كانت واقفه تسمع كل الي يدور وراحت عنه..

بالمكتبه

مضاوي واهي جالسه مع جدتها بالمكتب اطالع في البوم الصور..

مضاوي بأبتسامه ناعمه..واي لبابا جميل من اهو صغير

نعيمه..اي مثل اخوك عزام بس انتي ماتشبهين ابوك

مضاوي وعينها على الصوره وادمعة عينها..لاني اشبه لماما..ومسحت دمعتها

نعيمه واهي تقلب بالصور..بوريك صوره لعمك سلطان

مضاوي كشرة بوجهها..هذا اهو

نعيمه..اي اهو

مضاوي واهي تأشر بأصبعها على الصوره..وهذي مين

نعيمه..هذي عمتك نوال

مضاوي..تشبه عمي بس لبابا يختلف عنهم حيل

هديل ادخلت لمكتب فجئ..مضاوي تعالي ابيك

مضاوي..شنو عندك

هديل..عندي لك سالفه

مضاوي..مو فاضيه انا جالسه مع جدتي نطالع بالصور تعالي

هديل ازفرة واسحبت مضاوي مع ايدها وطلعتها من لمكتب واصعدة معاها للجناح حق

مضاوي وادخلت ابها لتواليت..

مضاوي..وش فيك

هديل..بسرعه خلعي ملابسك

مضاوي فتحت عيونها على الاخير..نعم

هديل..الي سمعتيه

مضاوي واهي تطلع..ماني مسويه الي تبينه الا لمن تقولينلي

هديل مسكتها من ايدها وارفعة بلوزتها لتفصخها..ربع اخوي رائد دقوا عليه يبونه

يجي لعندهم ليسهروا واهو عارض بالبدايه ومدري كيف اقتنع وبيروح لهم

مضاوي بغباء..وانا ويش دخلني

هديل عصبة..انتي ليش بارده مو نبي نقربه لك اكثر لازم تجلسين بالبانيو لتطحين

مريضه ويطر انه ينزع بالبيت ولا يروح مكان

مضاوي قربت من لبانيو وشافة قطع ثلج وتلمست لماي..بارد

هديل..اي عشان تبردين وتصرين ترتجفين حيل

مضاوي اقتنعت بكلام هديل وفصخت ملابسها وحطت رجلها بالبانيو وانتغزة من لماي..

براء لجناح عند رائد

رائد وهو يصعد الدرج..هلا منذر وينك غايب

منذر عطا اخوه نظره استحقاريه ومشى ولا عبره..

رائد استغرب من تصرف منذر معاه ولف..منذر

منذر وهو ينزل ولا لف..نعم

رائد..ياخوي تعال خلنا نجلس مع بعض من زمان ماجلسنا مع بعض

منذر..انا عندي شغل مو فاضيلك..ومشى عنه

رائد مشى ودخل جناحه وسمع اصوات من غرفة مضاوي ودخل عليها وتفاجئ من

مضاوي...