رد: .رواية [[ خنقت الورد يآ يمه وبيدي انكسر ذبلآن]]..! /

تسلمي ربي يوفقك ويسهل لك اختباراتك

Sent from my SPH-L720 using منتدى عبير mobile app

رد: .رواية [[ خنقت الورد يآ يمه وبيدي انكسر ذبلآن]]..! /

ولو امين ي رب وياك

رد: .رواية [[ خنقت الورد يآ يمه وبيدي انكسر ذبلآن]]..! /

الجزء الخامس والأربعون

..لا صوت هناك
سوى ضجيج التعب!!
ما زلت أستمع لصوت لهاث العقرب
وهو يجتث خطواته
يسافر بي بعيدا..بعيدا
نحو حاضر لا يجمعني بك!!



غبي أنت حين رسمت جسرا يأخذك إلى عتبات الوداع!!

مر أسبوع كامل جالسته عند أمي
ما شفت بسام بعد اللي صار حتى جمعة الأربعا اعتذرت عنها رغم إنه جدتي أصرت بس ما أقدر أسوي شي فوق طاقتي
تأملت بطني بالمرايا فيها بروز خفيف
ما بعد تبرز بوضوح لأني توني بخلص الشهر الثاني وبدخل للثالث
زفرت وأنا أعطي التسريحة ظهري
أكيد حالي بينقلب فوق تحت بوجود البيبي
غمضت عيوني بألم وأنا أرص على بطني
ياليتني ما تزوجت بسام !!
مو حاسة بالأمومة يمكن لأني ما حسيت بأمي إلا الحين بعد ما كبرت ودخلت ال عشرين
ابتسمت بمرارة بعد فترة بكمل ال 22
دق الباب ودخلت أمي وراها الخدامة معها سلة كبيرة
أشرت لها حطيها ع السرير
خرجت وسكرت الباب وراها
ماما بابتسامة توتا تعالي شوفي
وطلعت الأشياء من السلة كلها أغراض بيبي بلون أبيض ناصع
ابتسمت بحب وه يا قلبو متى يجي بس
كملت بلهفة اخترته أبيض عشان يناسب البنت أو الولد
غرفة البيبي مو هنا ببيت يلدا أكيد راح تسكنين هناك بعد ولادتك
قاطعتها ماما خلاص كفاية شيلي هالسلة من هنا ما أبي أشوف شي
نجد بجدية حبيبتي لتين لازم تتقبلين هالشي بعد ست شهور راح يصير عندك طفل بتظلي كذا مو متقبلتيه وش ذنبه قولي لي
حطيت راسي بحضنها وأنا أقاوم دموعي هذا فوق قدرتي ماما أنا مو قادره أشوف بسام شلون بيكون عندي طفل منه
مسحت ع شعري بسم الله عليك حبيبتي وش اللي جاك عين ما صلت ع النبي
غمضت عيوني بوهن وما حسيت إلا أنا رايحه بنومه ب حضنها .





بقص لك قصة قصيرة و نامي..
عن بنت كانت تسكن بقلب (رجال)..
فجأة سرقها منه واحد حرامي.!

مسح ع خدها وهو يدور بالغرفة فيها بهدوء
حاضنها بين يدينه بكل حنان الدنيا
فاتحه عيونها وتتأمله بصمت
باس خدودها المليانة ورجع يمسح ع شعرها المنسدل بنعومة ع جبينها
كانت تناظره مو فاهمه شي
و هو يتأملها وبعيونه يسرد لها كل ألم يحس فيه
كل شي
عن حبيبته اللي رافضه وجوده
عن حياته اللي انقلبت فوق تحت بعد ذاك اليوم
حس فيها وهي تتحرك تبغاه ينزلها
نزلها ع الأرض وحط الدب الكبير قدامها
انشغلت تلعب فيه
تربع قدامها
عينه عليها
وقلبه هناك
سرح لبعيد
قربت منه جلست بحضنه ودفته بثقلها
ابتسم وهو ينسدح ويخليها فوقه
رفعها بالهوا
ضحكت بطفوله
ونسى كل الألم بعذوبة ضحكتها
حتى إنه ما حس بلين يوم دخلت عليهم
دمعت عينها وهي تشوفه يلهي نفسه بإخته الصغيرة وخرجت مثل ما دخلت بكل هدوء..!





طلعت من الإختبار مقفل ما كان سهل بالأحرى أنا ماني قادر أركز
وقفت السيارة بالباركينق ونزلت
القصر هادي وكأنه مهجور
دخلت بالمفتاح اللي معي من البوابة الخارجية
وانفتحت البوابة الداخلية اتوماتيك أول ما طلعت صورتي بالكاميرا
بسام مشدد على هالبيت حتى ولتين قد خرجت منه
طلعت غرفتي على طول أخذت كم غرض لي وأنا خارج شفت باب غرفة تاله مفتوح
دخلت الغرفة بتردد
ما لها أي أثر هنا !
وكأنها ما كانت موجوده بيوم من الأيام بهالغرفة
جيت بدخل
سمعت صوت الخادمة وراي
: سيد عبدالله أخدمك بشي
مسكت قلبي خرعتني الله يخرع ابليسها
قفلت الباب وطلعت لا أنا خارج
خرجت وأنا اتصل ع سامر
جاني صوته هلا عبوود وينك
شغلت السيارة إنت وينك أنا دقايق وأكون عندك إن شاء الله
أنا بالظهران مول جهة المطاعم أطلب لك إللين ما تجي
امم مين معك؟؟
معي خالد وفهد.. فيصل متغدي مع مرته
اها اوكيه بعد عشر دقايق اطلب لي عشان ما يبرد الأكل
انزين اخلص علي وش أطلب لك لأنه زحمة
اطلب لي من كازا باستا وجبتي اللي دايم
اوكيه باي
قفل منه وفتح الخط الثاني هلا وغلا والله توه نور الجوال يا بعد قلبي وينك صار لي أدق عليك ثلاث أيام مره طلعت لي أمك ومره بندر ومره ولا أحد
ابتسمت يا قلبي يا عبدالله والله مره اشتقت لك كذا حتى إنت مخليني وأنا محتاجتك
حنيت لها إنتي قولي لي تعال الحين والله والله لا أجيك حافي
ضحكت بألم فديتك والله وش مسوي لحالك
أنا بشوارع الخبر رايح أتغدا مع أخويائي
امم كل زين طيب كل عني بعد عشان تشبع
هههههه يعني اكل عن ثلاث حرام عليك ارحميني
تغير صوتها لا تتأخر خاطري أشوفك
إن شاء الله نهاية هالشهر أنا عندك
ابتسمت جد!!
اييه إلا لتين أنا ما قلت لك بخطب تاله أخت زوجك
سكتت لتين لثواني وبعدها بفرحه انزين أول ما تجي لي جلسة معك
ضحك وهو يوقف سيارته الله يستر منك إذا استلمتيني





خل ف بالك ؛ اسمك بيظل ف قلبي معزوف !
دبي// برج خليفة
1:00 p.m
قدام البرج مباشرة
ع الجسر عند النافورة الراقصة
موسيقى أم كلثوم تصدح بكل مكان
المويا والسما والناس وكل شي بهالمكان يتراقص على أنغامها
بهالمكان تتسمى الدنيا دنيا فعلا!!
رغم إني ما أسمع موسيقى لكن هاللحظات أثرت فيني كثير أستغفر الله..
كان الجو حميمي لاقصى حد
حضني طلال وإحنا نتأمل المويا بطولها وضخامتها
أحبك
ابتسمت بحب بدون رد
أخذ يدي بعد كم العباية ولبسني إسورة من الألماس الخالص
ناعمه
تلمع بلمعة الحب
باس كفي كتبت عليها التاريخ والمكان عشان تظل ذكرى على طول
حضنته يا قلبي ما راح أنساها حتى لو ما كتبت عليها
بعدني عنه
فتح لثامي بخفه باسني ورجع حطه أشر لي اششش
أدري وش بتقولين
أنا ما أعرف العيب
ناظرته بابتسامة تعرف الغلط وتحب تغامر
وهو يلفني للمويا مره ثانيه ما أكون طلال أجل
سندت ظهري ع صدره وأنا أتأمل
تمنيت ما تنتهي هاللحظة
لأن المنظر فعلا يستحق التأمل
وبوجود طلال ما أبي أكثر من كذا!!





أحلامنا أقرب شبه للعصافير ، !
تمسي معانا ولاصبح الصبح طارت

تبين لموو؟؟
أشرت براسي لا عطيني مويا بس
عطيتها المويا وأنا أفرفر بالمجلة وأشرب التوت وفجأة قفلتها وحطيتها قدامها لموو تعرفين مين هذا
لمار باستغراب وهي تعدل جلستها ع السرير لا.. إنتي تعرفين؟؟ أول مره أشوفه!
أخذت المجلة وهي تسبل عيونها بابتسامة وبهمس يوم كنا ببيت جدتي اخر مره بعزيمة رجعة جمانة وخالي طلال تذكرين؟؟
أومأت براسها اييه
احمم كنت جالسه بالمراجيح ووو
انحرقت أعصابها ايييه وبعدين
بلعت ريقي وأنا أغمض وعيوني و بسرعه
شفته!!
لمار بتعقيدة شفتيه ؟؟!! شلون شفتيه إن شاء الله
رفعت المجلة وأنا أأشر لها ع الإسم هذا يصير أخو لتين صديقة ربى
شوفي بندر الصايغ
ما استوعبت شلون هي الخالد وهو الصايغ
تنهدت يا ربي الحمل لهالدرجة موقف عقلك
لمار بابتسامة وجعع والله ما فهمت
أخوها من أمها
اها طيب وش صار يعني؟؟
قلبت المجلة بحسرة ولا شي بس كنت بقولك
ناظرتها بنص عين كنتي بتقولين لي اجججل
شبكت أصابعها وهي توقف انزين بقولك لا تناظريني كذا
وقفت قدام المرايا وأنا أتذكر هذاك اليوم
كان يوم حلو أقل تعبير عنه
لفيت عليها كنت جالسه اتمرجح وشفته قدامي يكلم تلفون
قفل وانصدمت أنا بوجوده تعرفين أختك طالعه على أخوها ما تستوعب على طول
لمار بصدمة تشوبها ابتسامة اييه وبعدين
مديت بوزي بس ومن هذاك اليوم وأنا أحلم فيه
رجعت تغطت بلحافها ما عندك سالفة على بالي قالك شي كذا وإلا كذا
حطيت يدي ع خدي خليني أحلم شوي لا تحطمي امالي وفجأة تذكرت إلا والله قالي فيك شي؟
فتحت عيونها ليش وش كنتي مسويه؟؟
لا بس لأني حطيت يدي ع عيوني على باله تعبانة يمكن وإلا شي من كذا
ابتسمت بحب لا تفكري بالأمور المستحيلة خليك واقعية ولو شوي
دق جوالها يللا تفضلي هذا حبيبي اتصل
قامت بتسخط
ابتسمت يا قلبي عليك يا سارا من يومك حالميه
رديت بدلع الوو
: اخ على أحلى الوو بالعالم...





سبحان من خلاك عادي بعيني.. من عقب ما كنت تسوى نظرها !

انفتح الأصنصيل الداخلي
وخرج بندر بلبسه الرسمي الأسود
مرجع شعره على ورى وبيده شنطة دبلوماسية
أشر لنا
: بونجور نو !
أمي بحب صباح الخير يا قلبي تعال افطر
قرب وباس راسها للأسف يمه لازم أطلع بدري اليوم أول يوم بداوم بعد أبوي الله يرحمه
وشد خدي صباح الورد يا ورد
كنت بقول له لا تسرق ألفاظ بسام بس اكتفيت بابتسامة
قامت أمي ما تطلع وإنت مو فاطر
أخذ نفس انزين بس كافيه
أشر للخادمة الواقفه عند طاولة السفرة
: إسبرسو
صبت له بكوب وقدمته له
أخذه يللا دعواتكم يا حلوين
خرجت معه أمي توصله إلين الباب
تنهدت وأنا ألعب بعود القرفة بكوب الحليب اللي معي
أحس في شي ناقصني وبسام بعيد
ما اتصل ولا مر
وبنفس الوقت إذا جا ما أقدر أجلس معه ثانية وحده
رجعت أمي وبيدها علبة فيها مارينج ايطالي عليه كريمة وفواكه
ابتسمت توتا شوفي
تربعت وأنا ارجع الكوب ع الطاولة يا قلبي يا ماما مشتهيته من أمس
شلون دريتي؟؟
جات بتتكلم سكتت وبتصريفه قلب الأم يحس بكل شي
فتحت العلبة وقعدت استمتع بالطعم كأني ما قد ذقته بعمري وحياتي
أمي بحنان توتا إذا خلصتي عندك موعد بالمستشفى
بلعت اللقمة لا م...
قاطعتني وهي تقوم غصب عنك بتروحين لا تخليني أدخل بسام بالموضوع
سكت مرغمه كله ولا أشوفه قدامي





ربما أنت لا تعلم أنني أشتاق إليك ؛ ولهذا أعذرك !

كانت جدتي متغديه اليوم عندنا وخالي بشير وإياد بعد لكن سجوو مرته في الرياض عند أهلها بترمضن هناك وترجع اخر رمضان اللي ما بقى عليه شي
كنا كلنا على طاولة السفرة
بسام جالس على يمين جدتي مكانه المعتاد مقابل أبوي
عيوني دمعت وأنا أشوف حالته
صلب ما يبين عليه أي تأثير لكن بداخله قطع وأشلاء
والله حرام اللي قاعده تسويه لتين مو معقولة ما كانت قاسيه كذا أبد
انتبهت ع صوت جدتي
: في مناسبة بكره مهمه جدا للعايلة
وعيونها على بسام
كان يشرب الشوربة بهدوء وكأنه يتغصب الأكل
ما رفع عينه
يدري الكل نظرهم عليه ما يدرون وش السالفة لكن نظر رويدا المثبت عليه فهمهم إنه السالفة متعلقة فيه
راكان بحماس يللا عاد نونا قولي
حركت راسها بصمت
بسام إنت اللي بتقول
رفع عينه وترك الملعقة
قام وهو ياخذ جاكيته
: بكره تكمل لتين22 سنة
وتركهم بردات فعلهم وانفعالاتهم وطلع
تاله تعطي كفها لراكان واو يعني بكره في بارتيتو
" حفلة "
الفرحه توزعت بيناتهم قطع ناقصة
بشكل مشوه
بشير بنظرة أنا برأيي ترجعوا لتين هنا يمكن تكون هدية حلوه لبسام
وفرصة تتعدل حياتهم
بدر رجع الكرسي على ورى وبصراحة
كذا ممكن تكون هدية سيئة للتين أنا أقول نسويها بالبيت اللي بالريف
ونتركها هي تقرر إذا تجلس معه وإحنا نرجع وتكون هذي الليلة عشان يعدلوا وضعهم وإذا ما تعدل ترجع لبيت أمها
وبجدية اسمحوا لي أنا أفضل عدم وجود جيهان
يلدا ناظرته ونزلت عيونها متوقعه وش بيصير
رويدا بهدوء هذي خالة عيالك وإخت مرتك وحسبة بنتي
بدر باحترام ما يخالف يا خالتي لكن وجودها ما يسعد صاحبة الشأن ليش نجيبها بيوم مثل كذا
سكت الكل مقتنعين بكلامه
زفرت بداخلي حاسة بكره ما بيعدي على خير
انتبهت ع صوت خالي إياد لين حبيبتي عطيني الملاحه من جنبك
....

.
يتبع

رد: .رواية [[ خنقت الورد يآ يمه وبيدي انكسر ذبلآن]]..! /

خالتي وعمي نايمين بعد الغدا
وافي بعمله
وأنا وهي مقابلين الحيطان
ناظرتها بطرف عيني أقول داليا
ردت وعينها ع التلفزيون هممم
قلت بغيض داليا
لفت علي بعصبيه نعمم
عقدت حواجبي قومي عطيني كف أحسن
عدلت جلستها اففف ها وش تبين
مسكت أعصابي وش أسوي إذا كنت تريد شيء من الكلب فقل له يا سيدي
شرايك نروح السوبر ماركت مع السواق نقضي حلويات وشغلات من كذا
لمعت عيونها بفرحه صدق وإلا تكذبين علي
ابتسمت بوناسة لا والله صدق
بس شوفي لازم نرجع قبل لا يجي وافي وتصحى أمك أوأبوك
داليا انزين ليه ما تقولين لوافي؟؟
ضربت رجولي بالأرض رخي صوتك إذا قلت له ما بتصير مغامرة
نقزت بشيطنة يللا أجل بسرعه
رحت لغرفتي في الدور الثاني أخذت عبايتي
ناظرت الساعة 3:15
باقي ثلاث أرباع ساعه بالضبط ويجي وافي
نزلت بسرعه ياهووو
من زمان عن المغامرات!!



كيف بخفي الحب و جروحي صريحه
و كيف أداوي علة النفس الجريحه..!
مسحت الجل عن بطني بالمنديل بمساعدة ماما
وسكرت البنطلون
الدكتورة
Tutto va bene:
" الأمور على ما يرام"
ابتسمت
: Dopo un mese siamo in grado di determinare il sesso del feto
" بعد مرور شهر نستطيع تحديد جنس الجنين"
حسيت بقلبي يدق وأنا أشوف البيبي يتحرك بداخلي مافي تفاصيل تتحرك لكن كأنه يسبح بالرحم سبحان الله مو ثابت
ابتسمت لي ماما وهي تشد ع يدي
:D. Mia figlia è stato infettato da una sorta di avversione al marito all'inizio della gravidanza E 'questo un motive?
"ابنتي مصابه بنوع من النفور من زوجها مع بداية الحمل هل هنالك سبب لذلك؟؟"
الدكتورة وهي تناظر بالملف وتلف علينا
Non c'è nulla di sbagliato è il periodo dei primi quattro mesi di gravidanza può desiderare alcun desiderio di solito odio o viceversa è di solito quello che ti piace
"لا بأس هي فترة الأربعة أشهر الأولى قد تشتهي الحامل ما لا تشتهيه عاده أو العكس تكره ما تحبه "
وضحكت
Non è un problema, ma l'attesa p coppia:"
"لا مشكلة لكن على الزوج الإنتظار"
ابتسمت أمي وهي تساعدني البس البالطو حقي شفتي يعني هذا مع الوحام بس لا تحسبين إنك كرهتي زوجك
سكرت اخر زر بالبالطو وأنا أصرف الموضوع
إلا ماما إنتي شلون جيتي معي مو في العده
ابتسمت اليوم اول يوم لي بعد العده
اها يعني استفتحتيه بطلعه معي توقعتها تكون مع بندر
حضنتني واحنا خارجين كلكم سوا وإلا بديتي تغارين منه بعد
ضحكت لا بندر ينحب يا قلبي عليه من حقك ترجعين لزوجك عشانه
سكتت بدون ما ترد علي وهي تنشغل بشنطتها
ناظرتها سكوزا ماما ضايقتك
هزت راسها لا بس سيرة أبوك أحلى من سيرة زوجي الثاني الله يرحمه
ابتسمت لها وإحنا نرجع على رجولنا لاخر الشارع المكان اللي واقفه فيه السيارة
احكي لي عن علاقتك بأبوي
تنهدت أبوك كان إنسان مثالي لا تستغربي لو قلت لك إنه ممكن ربي أعطى بنته واحد يحبها على قد الحب إللي هو كان يحبني فيه
لتين حب بسام لك دين لأبوك لحبه لي
بعدت عيوني بحزن بس أنا تعذبت كثير بسببه
وأنا بعد تعذبت كثير عشان أبوك وأهله بس هذا نصيبنا
تدرين الحلو اللي كل يوم إنتي مشتهيه عليه بسام اللي يجيبه
يوصله بنفسه للبيت ويطلع
يخاف تنصد نفسك عنه لو شفتي إنه هو اللي جايبه لك
كل يوم يتصل يسأل عن حالك
نزلت عيونها اللي دمعت
كل يوم يسأل إذا سألتي عنه أو لا
ارتبك ما أعرف وش أجاوب عليه
وما يطلب يعرف الجواب ويقفل
مسحت دموعي خلاص ماما تكفيين لا تعذبيني زيادة والله مو بيدي
فتح لها السواق الباب
: بريجو





كلي على بعضي . . . "محجۈزه" ل عيۈטּه !.

قفلت السماعة اقتنعت جيهان قلت لها تروح تحضر شوو لدومينوك فاكا بفلورنس باسم الدور
إلورا نونا هذا إنتي عرفتي ليه رافضه
رويدا وهي تجمع الأوراق وبالها مشغول بحفلة لتين
لا ما يحتاج بيبدا رمضان الحين وأول كولكشن بعد العيد
اوووفف يا ربيييي والله اشتقت للشوووو
ابتسمت وهي تترك الأوراق أجل عبدالله ها والله مو هينة يا تلوو
تاله بحيا نونا
ضحكت يعني إنتي تشوفي إنه ينحب
ضمت كفوفها بحالميه يا عمري ما شفتيه يا نونا
حنون وعصبي أنيق وهادي ابتسامته تشرح النفس
توسعت ابتسامتي تذكرت يوم كان لابس البيجامة وفاتحها وسألني باستفزاز أغريتك ووش رديت عليه
عديت كل الصفات السيئة على أصابعي ههههه اكتئبت ملامحه بردي
وصحيت ع الواقع
بس لما يعصب يخوف
ابتسمت رويدا كل هذا ب عبدالله
حمستيني أشوفه
طلعت جوالها أوريك هو نونا مصورته
ومدت لها الجوال
كانت صوره مو واضحه زين واضح إنها مصورته بدون لا ينتبه
ابتسمت رويدا يلبق لك يللا خليه يجي عشان نجلس سوا أتعرف عليه أكثر
ضمت الجوال لصدرها الله يصبرني هالأسبوعين
ادعي له عنده اختبارات نونا
رفعت يدها الله يوفقه
.
.
" أمحححق فلة هذي *_* بس لا يسمعك بسام "




ثمة اشياء نتمناها بقوة فتحدث فعلا ..
لكن مع بعض التأخير , بعد أن نكون قد غيرنا رأينا وأصبحت أمنيتنا الثانية ! نقيض الأولى تماما

على فكرة يارا انخطبت مشاء الله خطبتها الرسمية أول يوم برمضان والملكة بعد العيد
ترك الملعقة من يده مين يمه؟؟
ناظرته باستغراب يارا بنت خالك
ضرب الطاولة بعصبية مين الكل## اللي خطبها
فيصل وهو يترك أكله خالد بلا تفاهة وش له الرجال تسبه
قام من السفرة شلون يخطبها وأنا أبيها
لمار بجدية خالد البنت مو لعبة عندك بعدين ما هي صغيرة عشان تنتظر أكثر
كانت قدامك كل هالمدة ولا لمحت حتى إنك تبيها ويوم قلت اخطبوها لي بيوم من الأيام سألناك تبيها قلت لا بس إذا وقت ما أبي اتزوج كانت مو مخطوبة اخطبوها
ليش ما قلت إنك تبيها من أول مو عيب ترى
انصدم من كلامها قال وهو طالع هالزواج ما بيتم
لمار بقهر صارت شوفة البنت خلاص راحت عليك
رقع الباب وراه بقوة
تنهدت ليش قلتي له كذا يا لمار
لمار بعصبية ماما يارا ياما بكت بسببه وهو ما حس ولا تحرك له ساكن بعد
: وشلون تبينه يحس طيب
رفعت حاجب هذا هو توه يقول إنه يبيها المفروض كان تكلم حتى لو ما يدري إنها كانت تحبه الحين هي مبسوطه ومقتنعه بخطيبها ماله حق يخرب فرحتها
فيصل حط يده ع يدها وشد عليها هدي أعصابك حبيبتي كل شي قسمه ونصيب
طلعت أم خالد بروح أشوف وين رايح بعد هالمجنون



احيانا يكون للخوف لذة..

حسيت إني ببكي بهاللحظة بالذات وأنا أشوف السواق يحط الأشياء بالسيارة والساعة أربعة إلا ربع
حرك السيارة
داليا بسرعة بسسسسرعة مصطفى روح البيت
طيب مدام مافي سرعة هزا كله سيارة كتيير
كل تبن واسرع بس لا أنزلك واجلس مكانك
ناظرتها بعصبية تعرفين تاكلين تبن إنتي بداله لا تربكيه يا غبية
إنتي الغبية ما تشوفين وافي بيوصل واحنا ما بعد نوصل
فتحت عيوني وش قلتي؟؟ مين الغبية ؟؟!!
أنا مرة أخوك يالزفففت
داليا بغرور خليك ساكته بس
رميت عليها الشنطة بقهر حم##
إنت الح...
ويوم شافت نظرتي سكتت بقهر انزين لا تطالعين فيني لفي وجهك عشان ما انقهر زيادة
تكتفت وأنا أصرخ ها بظل أناظر وبتسكتين وتنطمين بعد
سكتت بخوف مرغمه وبداخلها متى نوصل البيت بس تشوفين وش بسوي فيك
وصلنا البيت اربعة إلا خمس دقايق
زفرت براحة واحنا ننزل دلوو خلينا ندخل حنا وهو يدخل الأشياء كنه جابها بنفسه
وافقتني على طول انزين يللا
وقبل لا ندخل البيت فصخنا العبي احتياط عشان لو عمي وخالتي كانوا صاحيين
أخذت نفس وأنا أشيل الشنطة بيدي والصندل باليد الثانية ودخلنا
داليا تأشر لي ع السيب الداخلي من هنا بسرعة شكلهم ما بعد يصحون
طاحت العباية من يدي وأنا أشوف وافي متكتف يناظرنا بدون أي تعبير يفهم
.............!!!!!





بسسس‘ كفاية ! الحزن في قلوبنا نححححت

أستاذ بندر هذي الأوراق الخاصة بكل محلات المرحوم
بندر يتصفح الأوراق حطها ع المكتب
هذي كلها ما تهمني الحين بقدر الورقة المهمة بشأن الفرع الجديد اللي بجنوة
المحامي سامح والله ما هي موجوده معي يمكن الأستاذ محمد يدري عنها
بندر بحزم شلون ما تدري عنها اطلب لي محمد بسرعة
دقايق دق الباب ودخل
تفضل أستاذ بندر طلبتني
عقد حواجبه ورقة عقد الفرع الجديد بجنوة وينها
محمد هي عندي ثواني تكون عندك
بندر بجدية أبغى تجيني تقارير الأرباح حقت الشهور اللي فاتت كلها
هز راسه كلها بتكون عندك خلال ثواني اسمح لي
تنهد وهو يناظر سامح أبوي وش اخر شي قاله لك قبل لا يتوفى
سامح نزل عيونه ما قال شي طال عمرك بس دايما كان يقول إنه كل شي من بعده يوصل لك
دقيت ع المكتب برتابة وبالي مشغول
الحين مو وقته الحزن اللي حنا فيه أكبر من كذا
سامح بإحراج أستاذ بندر في أكثر من ثلاثين موعد للصحافيين والجرايد
قاطعته تلغي أي موعد هذولا ما عندهم شي فاضيين أعوذ بالله
سامح اييه بس ملابسات موت السيد محمد غامضه للجميع
بندر بجرح وبشبه صراخ يعني ما شافوا صوره وهو مقطع خلاص عاد
أي صحفي يدخل هنا والله لأطبق المكان عليه طبق
أشر عليه بعصبية وإنت المسؤول
أخذ مفاتيحه وطلع





وقفت أنا وهي جنب بعض لأول مره مشتركين بشي
مو أي شي
بذنب مسويينه
شبكت يديني ببعض كأني انتظر عقابي بالمدرسة
وافي بنبرة هاديه
: وين كنتي إنتي وإياها
بلعت ريقي وداليا تدقني
رفعت راسي بخوف وافي حبيبي كنا بالسوبر ماركت
زادت تعقيدة حواجبه
وش اسميه هذا استهتار وإلا بزرنة
ناظرته ونزلت عيوني بقهر ودي اتكلم لكن مالي وجه
مشى وتركنا الثنتين متضايق
ناظرتني بقهر كله منك
زميت شفاتي انقلعي عني لا والله اقلب السالفة كلها عليك
داليا تمد لسانها وهي تبعد عني وش بتسوين الحين ياماما أنا ببيتنا عند أبوي وريني شطارتك
طنشتها بمزاجي مو رايقه
طحت بمصيبه الحين وشلون براضي وافي ياربيي





كم أتألم
كم كرهت كبرياءك
كما كرهته أنت
كبرياء غرس سهامة في الأعماق
كبرياء أدمى كل المشاعر
وأذابها على أعتابه..!

خالي أنا طالب بنتك منك وأتمنى توافق علي
ناظره باستغراب وبابتسامة إحراج بس بنتي انخطبت يا خالد إنت ما دريت
خالد بضيق أدري يا خالي لكن ما بعد يصير شي إسإل بنتك وإذا وافقت تردون الرجال ما صار شي
يا ولدي ما يجوز الواحد يخطب على خطبة أخوه
خالد بترجي تكفى يا خالي إسألها وإذا رفضت خلاص
فهد أبو يارا قام باستغراب شك إنه في شي وإلا ليه مصر كل هالقد
دخل ع الصالة كانت يارا وأمها جالسين
جلس يا بنتي يا يارا هذا ولد خالتك خالد طلبك مني يقول إذا وافقتي نرد عبدالرحمن وتصيرين له
وقفت بصدمة
تكتفت بغيض قول له يبه لا فات الفوت ما ينفع الصوت
فهد بجدية ليش وش صاير بينكم
ما صار شي يبه بس توه يتكلم بعد ما انخطبت شلون يعني ما يصير
وهذا أنا اللي أقوله بعد يا بنتي
طلعت غرفتي ورقعت الباب بكل قوتي
ما بكيت ولا نزلت دمعة وحده مني بالعكس ارتحت حسيت إني اخذت حقي ورديت كرامتي يوم رديته ع البكى اللي كنت ابكيه عليه
تخصرت وأنا اوقف ورا الباب
والله إنه ما يستاهل دمعة وحده مني عليه
يا ولدي رفضت بقوة بعد هي مقتنعة بخطيبها
وقف خالد بقهر السموحه منك يا خالي ازعجتك
ابتسم الله يكتب لك الخير يا ولدي ما تدري وين النصيب
طلع من عنده معصب ومقهور ردها له اهان كرامته في الأرض
ضرب السيت بس بعد مالي حق أنا اللي تأخرت
حرك السيارة
وتأخرت كثير بعد...



Happy BirthDay To latein

المكان كان جاهز على اخر تجهيز بس ننتظر وصول لتين وخالتي نجد مع بندر
هي ما تدري عن شي قالوا لها إنهم جايبينها يورونها بيت العائلة بالريف
وما حست بشي
راكان يرفع صوت الميوزيك
بسام جالس مكتئب ناظرهم
إنتوا تدرون ما تحب لتين الموزيكو ليه حاطينها لها
بشير بضحكة هو بس مقطع المباركه وبنقفلها
سكت متضايق
الصالة الخارجية للفيلا الريفية مزينه كلها بأنواع الزينة الملونة والبالونات
والحلويات والعصير مرتبه ع الطاولة بالنص
والكيكة تتوسط الأشياء
عليها صورة لتين وهي صغيرة
و اثنين وعشرين شمعة
دخلت نجد وبندر
لتين تناظر المكان واو حلوه الف...
انقطع صوتها وهي تشوف الكل مجتمع والمكان مرتب ترتيب حفلة
الكل يغني مع المسجلة
Tanti auguri a te
Happy Birthday To lateen

راكان يضمها سنة حلوه يا لا بيلا
دمعت عيوني وأنا أشوفهم كلهم ملتفين حولي الهدايا غرقتني والكل يبارك لي
فعلا حسيت بالعائلة وكانت مفاجئة فرحتني
تجاهلت كونها عيد ميلاد بس مجرد جمعتهم كلهم عشاني أسعدتني
بدر هههههه يللا الحين يا توتا طفي الشموع
" اونو،دوي،تري"
1 2 3
طفيتها كلها بمساعدة تاله وراكان المراجيج لأنه ما عاد فيني حيل أنفخ البيبي بيطلع من فمي بالنهاية
على طاري البيبي دارت عيوني بينهم أدور بسام
شفته واقف يكلم بندر
بالأحرى بندر يكلمه وهو ساكت لف رفع عينه لي يناظرني
نزلت عيوني على طول وانا انشغل بتقطيع الكيكه معهم
يلدا توتا افتحي فمك بسرعة
فتحت فمي بضحكة تخبي اللي بقلبي
أكلت الكيكة يميي طعمها فضيييع
راكان أكيد حبيبتي توصيات بسام هالكيكة من نابولي تدرين ؟؟
زفرت كفاية والله أنا إنسانة قاعده اتعذب بكل ثانية تمر بوجودي معاه
شربت من العصير وأنا اجلس بتعب
ناظرت أمي جدتي كانت تقول إنه أعياد الميلاد حرام
امي بابتسامة كلنا ندري بس
إياد بس وشو ما في عذر
ضحكت أمي خلاص عاد لا تدقق
إياد بابتسامة أيام الواحد يشتهي يسوي الغلط وبعدها يندم عليه
حسيت بشي مضايقني ناظرت تاله تلو ممكن تطفي المسجل لأنه راسي راح ينفجر
ابشري يا قلبي كم تونا عندنا
راكان مليون علبة ايطاليا معروفة بسمك التن
ضحكوا كلهم عليه
ناظرته بقهر شقصدك ما في غير لتين وحده
تاله نقزت واو يعني اعترفتي انك تونا
هزيت راسي الحمدلله والشكر الله يعقلك بس
وغمزت لها كذا بتروحين لعبدالله
تاله تتلفت اسكتي واللي يرحم امك للحين بسام زعلان علي
انا بتعقيدة ليه؟؟
احم بعدين اقولك
بعدت عنها وأنا ناويه اسحب ع الموضوع خييير تخيلت أقولها أخوك ب...
يا فشيلتيي نو نو
رويدا بابتسامة عقبال مية سنة توتا
ابتسمت لها وأنا احضنها اميين بوجودك يا رب
*
*
*
DON'T frown. You never know who is falling in love with your smile
لا تتجهم، أنت لا تعلم من سيقع في حب ابتسامتك

نهاية الجزء الخامس والأربعون

رد: .رواية [[ خنقت الورد يآ يمه وبيدي انكسر ذبلآن]]..! /

الجزء السادس والأربعون

خذلان
إن كان الفراق هو ما تصبو إليه
فهو لك .. نفذه لا تتردد
اجلدني بسياطه
فلن تكون سياط الفراق
أقسى من سياط " الخذلان "



سجانتي مهلا..
قولي أجيبيني هل قيدك الدامي يوما سيثنيني؟؟

سكر باب الغرفة عليها وقفله
طلع لهم بملامح جامده
: حنا بنظل هنا !
الجميع سكتوا كل واحد يعرف الحقيقة بنفسه ومقر فيها لكن ساكت
مسائل العشاق ماحد يقدر يتدخل فيها لأنه واحد من الاثنين بيتضرر هذا إذا ما كان اثنيناتهم
قمت اخذ أغراضي وأنا موقنة تماما إنه لتين ما وافقت أصلا بسام ما يكذب
قال بنظل هنا ما قال وافقت
بس ملامحه وتعبه سكت الكل
تفاجأت بخالتي نجد وهي توقف قدام أبوي
بدر لو سمحت إذا لتين مو موافقه ما أقدر أخليها هنا وأروح إنت تعرف إنها حامل
بدر بضيق تعوذي من الشيطان يا نجد ما بيصير إلا الخير إنتي شايفه الوضع ما أقدر اتصرف أكثر من كذا
يلدا بتوتر بسام مستحيل يأذيها ما يحتاج نخاف أكثر من كذا
مسحت دموعها بس ممكن أي ضغط يأثر على حملها
ضمها بندر بحنان وهو يمسح ع ظهرها يممه دخيلك لا تتوترين أكثر بسام لو طلع وشاف كل هالحوسة بيعند أكثر
رويدا تقطع النقاش بعد هدوءها يللا قوموا خلينا نطلع خليهم يحلوا مشاكلهم سوا ومثل ما قالت يلدا مستحيل بسام يأذي لتين بشي




إن جيت أنا مشتاق لك قلت ما أقرب وإن غبت عنك
قلت يا قو قلبك و إذا تبعتك شرق إنت تغرب
ولا جيت ابمشي غرب غيرت دربك أنا تعبت عناد
وإنت ما تتعب ياخي بتهدم حبنا خاف ربك

كان ودي أصرخ أكسر الأغراض أي شي بس عشان يفهمون إني ما أبي أجلس معاه
ياربي وش هالمصيبة
دخل وقفل الباب وراه
فصخ جاكيته وجلس ع السرير وهو يفصخ شوزه
وقفت قدامه وأنا أقاوم دوختي وشعوري بالغثيان
وبرجا الله يخليك خليني أروح معهم
رفع راسه لي بهدوء خلاص راحوا
نامي الحين أكيد إنتي تعبانة بعد كل هالحوسة
تخصرت بقهر ودموعي تجمعت ليه خليتهم يروحون أنا قلت لك ما ابي اظل معاك
وقف مقابلني وثبت كتوفي
حاولت ابعد يدينه عني برجفة
لكنه ما تحرك ظل ماسكني من كتوفي
وبحنان نانا ناظرني قولي إنك تحبيني وبخليك تروحين الحين بهاللحظة
ناظرت عيونه ما قدرت.. ما قدرت أقولها
صعب علي أنا ما تعودت أناظر عيون بسام وأكذب
الحين بهاللحظة مو قادره أقولها اللي أحس فيه أكبر من الحب
شي غريب ينفرني منه
هذا من الوحام بس هو مو راضي يفهم
ارتجف جسمي بلمسته
بعد قميصي وناظر السلسلة اللي أهداني ياها بيوم سفره بالخبر
للحين مقيده نحري
لمحت نفس النظرة اللي كانت ترتسم بعينه بالخبر قبل لا أعرفه
نظرة كلها إصرار..تساؤل وأسى حب وعتاب
خنجر طعن صدري
نزلت دموعي بتعب أترجاك شيل يدك هزيت راسي بخوف بعد يدينك عني
بعد يده على طول انزين تعالي نامي
بعدت عنه ما أبي أنام معاك
ابتسم ابتسامة خفيفة ما بقرب منك بس بعد ما أقدر أطلع برا الجو بارد وشكله بينزل مطر
ناظرته ما كان يكذب
ساعدني انسدح ع السرير
أعطيك كوتي تلبسينه؟؟
أومأت براسي اييه
جابه وهو حطه علي غيرت رأيي على طول
حطيت يدي على فمي شيله عني ريحته جابت لي الغثيان
شاله ورماه ع الكرسي الخشبي بزاوية الغرفة
غطاني زيين
وانسدح ع الطرف الثاني من السرير قمت جلست على حيلي
رفع راسه شفيك؟؟
برمت شفتي ببكي معليش تعطيني ظهرك
بسام بعصبية خلاص عاد لتين زودتيها وش مسوي لك مانتي طايقتني لهالدرجة
مسحت دموعي بدون ما أرد عليه ما راح يفهمني وهو بهالعناد
زفر وهو ينسدح بالمقلوب
يعني مو بس عطاني ظهره صرت ما أشوف منه وهو نايم إلا رجوله
انسدحت مره ثانية وقلبي يدق مو قادره أنام





هل يحق لي مغايضتهن ..!
بأنك لي , لا لهن ..

اخ يا طلال والله أشك إني بشيب قبل الأربعين
هههههههه عسى ما شر وش مسويه فيك بنت أخوي
وافي وهو يشغل اللاب قول وش ما سوت؟؟
ههههههه تستاهل يوم قلت لي بخطبها قلت لك فارق السن كبير وتعتبر بزر بالنسبة لك
ها عن الغلط هي صح مجننتني شقاوة بس بعد مجننتني حبا
ابتسم طلال أجل وش له هالشكاوي اصبر عليها وبتعقل
تنهد تخيل بس رايحه السوبر ماركت بدون إذن مع السواق وداليا اللي على أساس ما يطيقون بعض بس سبحان الله في المشاوير تطلع المحبة
طلال وش سويت إنت طيب
ما بعد أسوي شي أبغا حل يعقلها قالك بتسوي مغامرة
ضحك طلال لين ما دمعت عيونه
وافي يسوي جدي الحين قاعد اقولك عشان تضحك حضرتك
طلال بضحكة والله وحشتني هالبنت أول ما أجي ان شاء الله بزوركم
حياك إنت متى راجع؟؟
بكره إن شاء الله
إن شاء الله توصل بالسلامة يللا أشوفك
قفل منه لأنه لمح جمانة داخله
عقد حواجبه وتظاهر بإنه منشغل بشغله ع اللاب
وقفت قدامه
: وافييي
رفع عينه ونزلها شتبين؟؟
مدت بوزها ناظرني
: مشغول حدي
قفلت شاشة اللاب بقهر وهي ترص على أسنانها
لما أتكلم معك لا تناظر اللاب يعني هو أهم مني
رفع حاجب إذا بتسألين هالسؤال قولي لنفسك السواق أولى مني تروحين معه ولا تفكرين حتى تطلبين الإذن مني أنا زوجك
نزلت عيونها بطفولية انزين غلطت وما بعيدها
رفعت راسها وهي تأشر عليه إنت بعد غلطت ترى
وافي بدهشة أنا؟!؟
تكتفت بحده قلت إني بزرة
صغر عيونه وهو يخبي الضحكة بذمتك هاللي سويتيه مو بزرنة
وشو اللي مغامرة عدنان ولينا حنا
غمضت عيوني بغيض يعني الزفت داليا خرت الأول والاخر عنده
ناظرته بغيض تتمسخر حضرتك؟؟
ابتسم ببرود لا ابرر تصرفاتك
انزين سامحني
أحد يقول سامحني بهالطريقة شوي وتسطريني كف على وجهي
شديت على أسناني بعصبيه قلت لك سامحني
ما رد وظل يناظرني
قربت منه بتسامحني وإلا شلون
سحبني طيحني بحضنه
وهمس
وإلا شلون؟؟
ابتسمت وأنا اضربه كف خفيف هذي وإلا شلون حقتي
بعد يدي بصدمة مصطنعة تضربين زوجك؟؟
ضحكت ضرب الحبيب زي أكل الزبيب
ابتسم شوفي مين وراك؟؟
دخلت داليا وهي تناظرني بطرف عينها
بسته ع خده بقوة
يا روحي إنتا متى بنروح اليوم
ابتسم وافي وهو يهمس حرام عليك لا تقهرينها
ابتسمت وأنا احط راسي ع كتفه اوكيه اتفقنا وتثاوبت بنعس
بروح أنام عشان أفضى لليلة
وقمت وأنا مطنشتها
حسيت ودها تذبحني وتشرب من دمي بهاللحظة هههههههه
تستاهل هذا جزا اللي يحط راسه براس جمون بنت الفهد





المطر والليل , والبرد وأنا فاقدينك وأنت تسرف في الغياب ~

بنص الليل
كان المطر قوي بشكل مرعب
الرعد والبرق يهز البيت هز
بسام نايم عرفت من نفسه المنتظم
مستغرق بالنوم كأنه صار له فترة مو نايم
عادة نومه خفيف مره
فزيت وأنا اضم اللحاف صوت الرعد قشعر بدني
وغصب عني قربت من بسام لقيته نايم وجهه للسقف
انسدحت جنبه
لمعة السما بنور البرق
ضوى لي المكان شوي وشفت وجه بسام
المرتخي بأمان
حطيت راسي ع المخده جنبه
أقاوم تعبي بس الخوف اللي فيني أكبر
ما قدرت
قمت جلست ع حيلي
يعني لا أقدر أنام جنبه ولا أقدر أرجع مكاني المكان يخوف أول مره أجيه
تعوذت من الشيطان وأنا أنام جنب بسام وأعطيه ظهري
فتح عيونه ناظرها وابتسم
هنا قدرت عينه تغمض بسلام





لا تحلم أحلاما صغيرة !
أنت أعظم بكثير من أن تحلم أحلاما صغيرة !
يقول والت ديزني : لو استطعت أن تحلم ، استطعت أن تحقق حلمك

قصيت أطراف الصورة الزايدة
حطيت عليها شوية صمغ ولصقتها بأول الصفحة
أخذت قلمي الأسود السائل وخطيت تحتها
بندر الصايغ اخر أحلامي ..!
سكرت الدفتر وحطيته بالدرج تحت علبة فاضيه
زفرت وأنا انسدح ع السرير
يا رب هو حلم لكن إذا ما حققته ارزقني الأحسن منه
قمت عن سرير قفلت باب غرفتي
شغلت المسجل وربطت على خصري وبديت رياضتي المفضلة
قعدت ارقص اللين حسيت عضلات خصري تستنجد
الرقص حل لأي دهون زايدة عند الخصر
ابتسمت مو من كثر دهوني لكن
عادة أحب أمارسها
فتحت الدولاب طلعت لي ترينق وبلوزة كت بينكية
أخذت منشفتي بدخل اتحمم
دق الباب
عقدت حواجبي تفضل
دخل وهو ساكت
ناظرته حياك خالد وش فيك؟؟
زفر بعصبيه بنت خالك المحترمة رفضتني
تنهدت بداخلي وبعدين من هالموضوع اللي مو راضي يتقفل
ابتسمت له وإذا؟! بنات منصور ملي القصور
ناظرني بقهر إنتي عارفه وش قاعده تقولين؟؟
سارا وهي تترك الأشياء ع التسريحه وتقرب منه خالد افهم
فكر بعقلك شوي هذا اللي قاعد تسويه وش فائدته غير حرق الأعصاب والقهر وتظل تاكل بنفسك هذا اللي ربي كاتبه إنه يارا ما تكون لك
لا تفكر بالموضوع
أنا بخطب لك وحده تنسيك يارا وطوايفها
ناظرني لا إنتي من جد فيك شي
وجا بيطلع
تخصرت بس اعترف إنه كلامي واقعي وصحيح
لف عليها وهو ماسك مقبض الباب مو هو هذا اللي مستغرب منه أول مره تكوني واقعية وبعيده عن عالم الخيالات
وتركني لحالي
ناظرت نفسي بالمرايا
سمعتي وش قال؟؟
ضحكت على نفسي حسيت إني مو أنا اللي كنت قاعده اتكلم قبل شوي
رجعت أخذت المنشفة ودخلت الحمام
اخذ لي دوش منعش يمكن أنام على خيال ناس!!






اللهم أنت وحدك تعلم ما أتمناه ف : حققه لي يا ا ا ا رب

جلست بتعب
فيصل يساعدني براحة الحمدلله هذا الدكتورة قالت كل شي تمام
ارخيت راسي ع صدره بس ولدك متعبني وبعد باقي له أقل شي شهرين لين يطلع
ضمها لصدره ولدي!! المشكلة ما أقدر أأدبه وهو ما بعد يطلع
ضحكت ع الخفيف يعني ناوي عليه من الحين يا ويلك مني
ابتسم والله ناوي بس ما أعتقد
ضحكت وهي تمسك بطنها المتحجرة حبوو وإذا طلعت بنت
لا عاد إذا طلعت بنت بتاخذ كل الدلع
دخلت خالتي سلاف وهي تهلي أخيرا حنيتو علي وشفتكم
فيصل يبوس راس أمه والله يا يمه هالمره قدرت علي لمار عادة ما أخليها تطلع من البيت بس الحين لأننا كنا بالمستشفى
جلست جنبها بحنان ووش قالوا لكم
لمار بابتسامة الحمدلله كل شي تمام
مسحت ع كتفها الله يقومك بالسلامة يا قلبي
اميييين






إن من بدأ الماسي ينهيها...!
ومن فتح الابواب يغلقها
ومن اشعل النيران يطفيها..
ريف توسكانا// 9:30 a.m
تحركت بكسل ورجعت بنام حسيت إني على شي دافي
فتحت عيوني شفت نفسي نايمه ع صدر بسام وهو حاط يدينه تحت راسه يتأمل السقف
قمت على حيلي بسرعه
: إنت شلون تسوي كذا
ناظرني وهو يعدل جلسته أنا؟!
بعدت شعري عن عيوني اييه إنت ليه خليتني أنام عندك
أخفى ابتسامته أنا اللي كنت خايف من المطر ؟!
طاح وجهي رمشت بعفويه بس أنا ما حضنتك
سكر أزرار قميصه الفوقيه والله وش أسوي إذا إنت لما تنامين ترجعين لتين الأوليه
وبنظرة لتين زوجتي
بلعت ريقي كذاب إنت اللي خليتني اجي عندك ماحد قالك تجيبني بهالمكان
ابتسم قومي غسلي وجهك عشان أحط لك الفطور
قمت بسرعه عن السرير وأنا متضايقه ومرتبكة أحس إنه بأي لحظة بيهجم علي
صاير تفكيري سوداوي
بس ما أنلام بعد اللي سواه الحقير ذاك
طلعت من الحمام وأنا أنشف وجهي شفته داخل وبيده صينية
أشر لي اجلسي
جلست ع السرير حطها قدامي
كوب من الكافي باللاتيه مع قطعة تشيز كيك
أخذت الملعقة وأنا أناظره
قام لا تناظريني كذا بطلع من نفسي
وطلع وتركني بحالي
قعدت اكل بشويش والله ماحد قاله يغصبني على شي ما ابيه؟!
.
يتبع

رد: .رواية [[ خنقت الورد يآ يمه وبيدي انكسر ذبلآن]]..! /

من يشرب الكاس المعكر بغمي..؟

فتحت الباب بحذر
دخلت وفتحت ستاير الغرفة العريضه
قربت منه وجلست جنبه ع السرير
: بندر حبيبي الساعة عشر ما بتقوم الدوام
فتح عيونه بكسل هممم
قوم خايفه على إختك حاسه إنها مو بخير
تقلب ع الجهة الثانية يممه وبعدين من هالأفكار
زفرت بضيق طيب ليه للحين ما اتصل بسام
ناظرها بحب انزين دقي عليه
بتفكير اتصل عليه إنت بيقول لك كل شي
أخذ جواله من الكمدينه جنبه وهو يعتدل ع السرير واتصل
ناظرها باحباط مقفل جواله
وقفت بخوف قلبي مو متطمن شفت شلون أكيد صاير شي
ابتسم بندر إنتي قلتي انه بسام يقول لي كل شي وبسام لما يكون مع لتين حتى لو يتقهوى يقفل جواله أدري فيه
تثاوب الساعة كم؟؟
وناظر الساعة الرقمية بالجدار
رمى اللحاف وهو يقوم الله يهديك يمه تأخرت ع الدوام ليه ما قومتيني
نجد تتكتف واش قاعده اقول من الصبح أجل
دخل الحمام وهو يقفل الباب من الحين بقولك ما بفطر بس كوب الكافيه حقي
ابتسمت وهي تطلع الله لا يحرمني منك ولا من إختك يا رب





كتب هنا.. ضريح الحب استشهد لحظة الفراق

كان برد مره طلعت من الغرفة استغربت إنه بسام تاركها مفتوحه
كان مقفل علي
مشيت بالبيت
مرتب كأنه ما كان أمس في بارتي فيه
أول مره ألاحظ الديكور زين ما مداني امس أشوفه
تذكرت جوالي كيف ما خطر ببالي أدق على أمي أقولها تاخذني
دخلت يدي بجيوبي ما لقيته
زفرت بعصبيه أكيد اخذه يا رب تصبرني لين أطلع من هنا والله لأوريه وش بسوي
طلعت من الصالة
لقيته واقف في البلكونة الخارجيه والنار مشعله تدفي المكان بنورها
قربت منه بغيض بسام وي...
ابتسم وهو يلف علي شوفي شلون الثلج معبي المكان
سكتت وأنا أتأمل المكان فعلا الثلج مو مبقي شبر مو مغطيه
شديت على جاكيتي وأنا أرص على أسناني بسام وين جوالي؟؟
قال ببرود وش تبين فيه؟؟
تكتفت شرايك يعني بقول لبندر يجي ياخذني مو طايقه أجلس هنا ثانية وحده
غمض عيونه بصبر وفتحها على فكرة أنا بنقل أوراقك هنا عشان تكملين دراستك
قلت بنرفزة ما ابي برجع بكمل دراستي هناك
صرخ بوجهي بعصبيه شلووون؟؟؟ تبين اللي صار يتكرر شوفي للحين ما راحت اثاره شايفه لين وين وصلنا كل واحد منا بطريق
صرخت فيه بس انا ما ابي اظل معاك خلاص افهم عاد برجع مع امي للخبر
طالعني بجدية وبكل هدوء انزين هذا اللي انتي تبيه ما عاد تبيني اوكيه يللا قومي برجعك
ناظرته بعدم تصديق
رفع حاجب مو انتي تقولين ما تبيني برجعك لأهلك ولين تولدين يصير خير
ومشى قدامي باتجاه الباب الخارجي
رحت أخذت شنطتي والبالطو حقي ولحقته للسيارة






قلبت قنوات التلفزيون بزهق
لما خلصت الدراسة فضيت وما عندي شي أسويه قاعده أفكر اشتغل عشان أمشي وقتي
نزلت تاله وهي لابسه بتطلع
ناظرتني تعالي معي لين
على وين؟؟
بروح لل باربييري
" المشغل"
زفرت ولو إني فاضيه بس مالي خلق
إنتي تطولين هناك وأنا ما أحب هالأماكن
هزت كتوفها كيفك
ناظرتها قبل لا تخرج لا تتأخرين هالمره عشان نطلع ميرا تشم هوا
هزت راسها وهي تطلع إلورا بحاول
ارخيت راسي ع الكنبة أفكر ببسام ولتين
يمكن انحلت مشكلتهم ويرجعون هنا ياليت والله
أتمنى يصير هالشي من كل قلبي كفايه بعد اللي صار فيهم






كمل جميلك واحفر القبر لا هنت دنيا بدونك لعنبو من رجاها .!

وقف قدام البيت
لف ناظرني
: تفضلي
همست ما بتنزل؟؟
ارخى راسه ع المقعد بصفتي وشو؟؟
بلعت ريقي وأنا افتح الباب
ضميت نفسي بالبالطو ومشيت
رجعت لفيت عليه قبل لا أدخل
شفته ينتظرني
لفيت وسرعت بخطواتي لداخل وقفلت الباب
تسندت عليه ودموعي نزلت
بكيت بضعف ليه يصير معي كذا يا رب لييه
ألم ببطني اجتاحني وكأنه اللي يداخلي يذكرني بوجوده
رصيت على بطني بقوة
أنا لازم اتخلص منه بأسرع وقت
دخلت شفت بندر وأمي بالصالة
أمي بخوف لتين ؟! فيك شي حبيبتي
هزيت راسي بتعب لا بطلع غرفتي ارتاح
بندر بتساؤل وينه بسام؟؟
رصيت ع أسناني راح
راح
راح
ظليت واقف بمكاني أول ما طلعت مع أمي ع غرفتها
طلعت جوالي ودقيت عليه
ما رد وتقفل الجوال بعدها
أخذت البالطو حقي وخرجت على طول
سدحتني ع السرير وجلست بقربي تمسح ع شعري
ارتميت بحضنها وبكيت
ظليت ابكي اطلع اللي بجوفي لأني والله
تعبت..





قلبي في حبك ذايب و هايم ` . .



مجودي حبيبي بكره أول يوم رمضان تفطر عندنا
: يا قلبي أول يوم لازم أكون عند أهلي حتى ربى تجي من غير زوجها
يعني كل واحد يرجع لبيته أول يوم
ابتسم تقدرين تقولين كذا
يعني إذا تزوجنا بتوديني بيت أهلي أول يوم
لا حبيبتي مو كذا بس إذا تبين يعني
رفعت الملابس بالدولاب مو كذا ها؟؟
ضحك وبهمس يا روحي أنا ما أقدر أفارقك حتى برمضان
ضحكت بحيا غصب عنك بتفارقني
تنهد لنا الله وش نسوي حكم ربنا
قلت بغيض وأنا ابعد الملابس ياربي وين حطته هذي
: مين هي؟؟!!
الخدامة رتبت ملابسي ومدري وين حطته
: وش هو؟؟
ملابسي الدا.........
ها لا ولاشي
عضيت ع شفتي كنت بجيب العيد
ماجد بخبث أقدر اجي أدورها إذا تبين
سكرت الدولاب بإحراج وأنا اخذها لا الله يعافيك لا تجي
افا
ابتسمت بحيا ماجد
وش أسوي طيب خاطري اتعب نفسي واجي أحب أبحث عن الأشياء المفقودة
ضحكت خلاص لقيتها
خسارة فاتني
ممممماجد
: عيييييونه
قفل بروح اتروش
تنهد اه ياقلبي ياليتني بانيو والا شامبو
هههههههه والله ما تنعطى وجه مجوودي
هههههه يللا حبيبتي حمام الهنى مقدما
تتهنى بحياتك يا ألبي





Best friends are the siblings Allah didn't give use

صبيت لي كوب عصير برتقال
نورميا Mrs. Abdullah do you need anything
أشرت لها بيدي no, you can go
ظلت واقفه تنتظر أي أمر
طنشتها أخذت التوست من الحماصة حطيته بالصحن
وطلعت للصالة
حطيت الصحن وقابلت كتبي بكره اخر اختبار لي
بخلص الاختبار وبروح لأبوي اخبره بسالفة نقلي
تنهدت الله يستر من البلاوي اللي بتصير لو عرف إني بتزوج اخت بسام
والله اللي يسمع ما يقول هذولي اللي كانت روسهم ببعض قبل شهور
تذكرت إني اليوم بروح أتسحر مع سامر وفيصل ببيت التنور
والله مشكلة لما ما يكون في أهل برمضان
الله يخلي أخويائي لي
ناظرت الجوال
أخذته ودقيت عليها
ما ردت علي كالعاده وعطتني بيزي
زفرت وأنا ارمي الجوال ع الطاولة
قلبت صفحات الكتاب بملل
بعض الأحيان أشك إنه أمي أم
استغفر الله
أخذت كتبي بطلع للبحر أذاكر يمكن تنفتح نفسي شوي





ضميته بحب كل سنة وإنت زوجي وحبيبي بخير وصحة وسعادة يارب
أخذ يدي ومسك اصبع اصبع وقام يعد
كل سنة وإنت روحي وعمري والانسانة اللي ما أقدر اعيش بدونها
حبيبتي وزوجتي وصديقتي وووكل شي حلو بهالدنيا
ابتسمت بحب حبيبي انتا
باسني ع خدي
يعني هذي اخر ليلة بشهر شعبان تكون لنا بدبي وأول يوم برمضان بنقضيه بالطيارة
حطيت يدي ع خده ومسحت عليه برقة كلها كم ساعة حبيبي الخبر قريبة
ارخى راسه ع كفي وغمض عيونه بتنهيدة الله لا يحرمني من غلاتك
امييين
قطع علينا صوت الباب
قام طلال أكيد هذا السيرفر
قمت عدلت الطاولة اليوم بنتعشى بالفندق وننام بدري عشان نقضي الصبح بطلعه قبل لا نرجع الخبر
حط الصينية قدامي حبيبتي بوشو سرحانة وأنا قدامها
ابتسمت له وأنا أقوم هو في عندها شي غيرك حبيبي تسرح فيه
جلسني ع الكرسي وباس راسي فديت روحك





ما علموك ان البعد يجرح الروووح ؟
ما علموك إن, البعد يجرح الروووح..؟!
............... و إن‘ي عقب فرقاك { تنزف ج روحي
و إن المشا ع ر *--{ صم تها ، يقتل البووح
............. و إن السكوت أحيان يكشف ط موحي
حطي تك ذكرى على البال وين ما تروح..
................ح تى تروح ل / خالق ال كون روح،ي..!

دخلت البيت لقيت لين جالسة وأول ما شافتني سحبت الغطا وحطته ع شعرها
ابتسمت سكوزا شلونك لين
" اعتذر "
عدلت جلستها بحيا لا تهتم الحمدلله شلونك إنت؟؟
تمام إلا وينه بسام
ردت باستغراب بسام؟؟ ليش لتين رجعت عندكم
مسكت راسي اووفف شكلي خربتها اييه لتين عندنا بسام ما رجع
تنهدت يعني ما انحلت المشكلة
لا والله ما شكلها صدق اللي قال
و لو تحن المشاكل عقب حب الخشوم
كان حبيت خشم المشكله و استحت
لين بهدوء ايوا والله ياليت
خليني اطلع أدوره الحين لا تخوفين أمك إذا سألت عليه
أومأت براسها إلورا إنت إذا شفته طمني عليه
طيب
طلعت وأنا بالسيارة حاولت أفكر وين ممكن يكون راح وقبل لا أكمل تفكيري
شفت سيارته موقفه بالباركينق
نزلت من سيارتي ورحت له
دقيت الشباك بخفة
فتحه وهو ساكت
تنهدت شصار بعد شفيكم كذا رجعتوا كأنكم متناحرين
بسام بضيق بندر واللي يرحم والديك فكني مو طايق نفسي ترا
تسند ع الباب انزين بس قولي وش صار؟
ناظر الشجرة قدام عينه على طول وبتعب مسح وجهه
وصلنا لطريق مسدود تركتها خلاص
قالت تبي ترجع وإنها ما تبيني ما قدرت أمنعها
ناظره بألم شلون أغصبها بعد ما قالتها
حتى نظراتها تغيرت كل شي فيها يقول إنها كارهتني
لأول مره أحس بضعف بسام
شكله يوحي إنه منتهي
أخفيت تأثري وأنا أشوف حالته بسام قول لا إله إلا الله خليها تعدي هالشهر على خير وبترجع طبيعية
سند راسه ع السييت لو سمحت اتركني بحالي
بس..
قاطعتني دمعة شفتها واقفه بمحجر عينه
ما قدرت أسوي شي حتى حرف ما قدرت انطق
فتح باب السيارة ونزل
دخل البيت من الجهة الخلفية اللي تطلع على جناحه على طول
ضربت السيارة برجولي مصدوم ببسام أنا معاه من يوم ما حب لتين
من مراهقته ما قد شفته بهالشكل وبهالحاله
بالأحرى ما قد شفت دموعه
لو بيدي والله كان رجعتها له بنفسي لكن كثير أيام الأمور تطلع من تحت سيطرتنا
دق جوالي وشفتها مكالمة من العمل
رجعته
قفلت الدنيا بوجهي مو عارف وشلون اتصرف
تذكرت عبدالله قلت أدق عليه يمكن ينورني
لكني تراجعت لما تذكرت إنه بكره عنده اختبار الفاينل
ركبت السيارة ومشيت بلا هدى
الله يهدي قلبك يا بسام!!
*
*
*
LIFE'S SHORT. If you don't look around once in a while you might miss it
الحياة قصيرة، إن لم تستغلها ضاعت عليك الفرصة

نهاية الجزء السادس والأربعون

رد: .رواية [[ خنقت الورد يآ يمه وبيدي انكسر ذبلآن]]..! /

الجزء السابع والأربعون

حينما تجبرنا الحياة على سلوك طريق واحد وتختفي الخيارات ،
‎نكون مثل الذي تربطه الأيام بخيط
‎وتجره بإتجاه معين دون أن يكون له قرار ..
‎سوى التأمل
لكل ما يمر من جانبه ..!




اه،،، لا صار الغلا ب الجرح ساكن !

وقف السيارة
يحتاج أنزل معك عبود
عدل شماغه بتوتر وأخذ نفس لا انتظرني ما بتأخر
قفل السيارة لا بنزل معك بس بظل بالانتظار
صدقني ما يحتاج
طنشه قلت بظل معك برا بس ماني داخل
وفعلا نزلوا الاثنين
دخل لمكتب الضابط لو سمحت عندي زيارة لأحمد الخالد
ناظره الضابط بصمت
سامر متكتف وواقف بجنبه
عبدالله رجع كرر كلامه لو سمحت...
وقف تقدر تتفضل اجلس
جلس عبدالله بهدوء وهو يحسب الكلام اللي بيقوله لأبوه وشلون بتكون ردة فعله
تحمحم إنت تعرف يا أخ عبدالله إنه هذا محجر لمرضى الإيدز
رفع حاجب وش مناسبة هالكلام الحين
بلع ريقه للأسف إني أخبرك بوفاة الوالد الصبح
عقد حواجبه بعدم استيعاب وهو يناظر الضابط وسامر بصدمة
سامر حط يده ع كتوفه عبدالله قول لا حول ولا قوة إلا بالله
بعد يده عنه ووقف وريني ياه أبي أشوفه
وقف الضابط تقدر تتفضل
مشى معه بالممر
سامر بجدية عبدالله وش بت..
لف عليه وقف وبقسوة سامر خليني أشوفه واخلص أهلي ما يشرفون الواحد يحزن عليهم
عض شفاته وهو يسحبه معه تعوذ من الشيطان هذا أبوك ما تجوز عليه إلا الرحمه
فتح لهم الضابط الباب تفضل
ناظره سامر إذا ما تبي تدخل خليك هنا
دخل معه وهو ساكت
إذا ما كان معه الحين متى بيكون...؟





•° تذكر °•
ان للكون ربا لا تأخذه سنة ولا نوم
يراك من حيث لا تراه
يعلم ب خفايا النفوس

قفلت الباب وراها بعد ما عجزت معها تاكل
قمت من سريري بضعف قفلت الباب بالمفتاح
وأخذت جوالي دورت على رقمها إللين لقيته
دق قلبي بقوة وأنا انتظرها ترد
شوي وجاني صوتها
: بينفونوتي
"مرحبا"
تشاو وسن كيفك؟؟
وسن بفرحه يي اهليييييييين توتا كيفك إنتي
تنهدت تمام إنتي بتورينو وسن
ايي حبيبة ألبي إنتي هوون؟؟
وقفت قدام المرايا وأنا اتلمس بطني البارزة ع الخفيف اييه
ايي لازم شوفك لكن
زفرت بضيق وسن ممكن تساعديني بشي
ايي تكرم عينك حبيتي اطلبي كوالي؟؟
"ماذا؟؟"
بلعت غصتي ابيك تحجزين لي عند....





املؤوا قلوبكم بالله ، بسعة رحمته . . .
ثقوا بيقين أن لا أحد أرحم من الله ، ولا أكرم من الله ،
ولا ألطف من الله !
أعلموا جيدا أن أقداره خير في حقيقة أمرها ،
وإن كانت في ظاهرها مكروهة وموجعة

صرخ بوجهه عزى ماني مسوي تفهم إنت وإلا شلون
بنرفزة لا ما أفهم هذا أبوك شلون ما تسوي له عزى يا عبدالله
أشر ع نفسه شلون تبيني أروح بكل وجه وأسوي عزا لإنسان ما قدر الناس وهو حي بتقدره وهو ميت شلووون؟؟ ها
سامر بزفرة عبدالله إنت وش صاير فيك ليش صاير تفكر بهالطريقة الميت ما تجوز عليه إلا الرحمة
وقف السيارة ونزل على طول
قرب منهم وضمه عظم الله أجرك يا عبدالله
بعد عنه بوجوم أجرنا وأجرك ما تفقد غالي يا فيصل
اميين ناظر سامر وأشر له بدون صوت وش فيه؟؟
سامر بعصبية شف خويك هذا اقنعه عقله المقفل ما يبي يسوي عزى ورحلته بكره ما بيأجلها
فيصل بصدمة عبدالله ليش ما تبي تسوي عزى؟؟
تنهد بعمق لأني حمار خلاص ارتحتوا كذا
ورجع ع السيارة ركبها جا بيشغلها ما لقى المفتاح
نزل وراح له مد يده بعصبيه عطني المفتاح
سامر بهدوء ماني عاطيك اعقل وذيك الساعة تاخذه
عبدالله بصراخ عطني المفتاح أقولك
فيصل يهدي الوضع عبدالله هدي اعصابك شفيك
مسح ع شعره لا تكلمني بالموضوع لأني ما بسويه الظالم عمره ما يلاقي خير
ربت ع كتفه خلاص لك اللي تبي عزى لا تسوي وبكره سافر لا تأجل رحلتك بس هدي أعصابك وخليك عبدالله خوينا اللي نعرفه وماحد بيمنعك من شي
لف ع سامر بهدوء عطني المفتاح
مشى قدامه سامر اركب أنا بوصلك
ناظر سعة البحر قدامه حط يدينه ع وجهه يمسح دموعه قبل لا تطيح
تركه فيصل وراح لسامر
خله يمكن يقدر يفرغ اللي بداخله ويرتاح






كيف أقول إني بخير و باين ب / قلبي النزيف !
______ و الملامح بان فيها عين ما عادت تنام

فتح الباب كان لابس بنطلون بني وبلوزه بيضه سميكه عليها جاكيت بدرجة بني أفتح وشال أحمر
استغرب الوجيه اللي واقفه تنتظره
ناظرهم وهو يقفل الغرفة في شي؟؟
يلدا بتساؤل حبيبي فين رايح؟؟
: الجامعة
استغربت يوم شفته طالع كذا توقعت رايح للتين
ا شلونك الحين بسام
ابتسم ابتسامة خفيفة شوفة عينك مسح ع شعري وباس جبيني
وباس يد أمي دعواتكم عندي امتحان لاب
يلدا بتفطر معنا أكيد؟؟
أومأ براسه اييه
كنت واقفه بمكاني مو قادره اتكلم
قرب مني وباس راسي انتبهي ع نفسك
يلدا والدموع بعينها بسام إنت مو رايح الجامعة قول لي وين رايح
ضمها ع الخفيف ما قد كذبت عليك يمه أنا رايح الجامعه ورفع شنطته الجلديه
شوفي!!
وطلع
لحقته بتردد وقبل لا يخرج
: بسام
لف علي بنظرة عتاب يخالطها حنين تبين شي؟؟
بلعت ريقي وأنا اضمه ودموعي نزلت ايوه سكوزا..
" انا اسفة.. "
ظل واقف لثواني وبعدها مسح ع ظهري بحنان خلاص لا تبكين
رفعت راسي ودموعي تنزل أول قول إنك قبلت اعتذاري
ناظر ساعته بتأخر عن اختباري
عقد حواجبه إذا جا أبوي خبريه إنه أحمد التبن توفى الصبح
استغربت مين أحمد التبن؟؟
جاوب باختصار الخالد
بعدت عنه بصدمة تمالكت نفسي وهزيت راسي إن ش..اء الله
عطاني ظهره وطلع
مسكت قلبي أكيد عبدالله يحتاج من يوقف معه الحين مهما يكون هذا أبوه
غمضت عيوني ونزلت دموعي أكثر يا ليتني أقدر أكون معك وأخفف عليك
يا قلبي





ضاقت عليك
مالقيت الا انا تقولي ..
وش رايك في محبوبي الجديد ؟

أول يوم رمضان الكل مجتمع ببيت جدتي حتى الأصهرة مسويين تحالف
وافي وربى وماهر زوج سجى أخت فيصل حتى عبدالرحمن خطيب يارا جا فطر معنا
أول رمضان تكون العائلة مجتمعه فيه مع نسايبهم
طبعا كل واحد طلعت له حجة عشان يحضر هالجمعة
والسر إنه اليوم بعد الفطور بتصير خطبة يارا الرسمية
دخل فيصل متأخر لأنه كان حاضر دفن أحمد أبو عبدالله
جلس بينهم
ماهر ناظره حيالله بو الفصل
فيصل بابتسامة هلا والله وغلا أخيرا نورتنا وين أختي؟؟
ضحك ماهر شوي شوي علي أول شي تعرف تسأل عنه أختك ها
ابتسمت والله غالية وإنت من غلاتها غالي
وشلونه بزركم؟؟
: يسلم عليك
جات عيني على خالد اللي مشمر أكمامه بملل ويختلس النظرات لخطيب يارا
والله شكله رجال وما عليه كلام
ابتسمت هالغبي بيفضحنا
قمت رحت عنده خويلد شفيك تطالع الرجال كذا؟؟
وخر عيونه مين قال إني أطالعه تنهد اخر اهتمامي
اها شرايك فيه طيب
: ملعون
ووقف وطلع من المجلس
عقدت حواجبي بصدمة هذا يقصدني أنا وإلا عبدالرحمن
انتبهت عليه يسألني إنت فيصل أجل
ابتسمت اييه حياك الله بيننا
الله يحييك





ههههههه سجوو فاتتك مغامرات جمون وداليا
سجى هههههه يا قلبي ع داليا إلا صح شلونها؟؟
جمانة وهي تشرب الفيمتو لا شفتيها إسأليها صايره حيوانه
سجى بضحكة حرام عليك
تنهدت اخ بس الله يعيني شلون بكمل باقي العمر معها
وقفت ربى فوق راسها جموون إنتي ما تستحين على وجهك
ناظرتها ببراءة وش سويت؟؟
تخصرت قاعده تشربين قدام الكل وما بعد يأذن
احمم تكفيين عاد كأنه في رجال بيننا
ابتسمت انزين بفضحك عند جدتي عشان تقول لهم كلهم
جمانة بخوف تخفيه يا ويلك
ضحكت ربى امزح عليك بعدي لي
وبعدت لها جلست بينهم
جمانة بقهر ذكرتوني اليوم جات الملقوفة قالت لوافي بأعلى صوت شفت جمانة قاعده تشرب مويه وتاكل بسكويت
أنا وجهي راح خرايط وقتها
الكل ههههههههههههه
سارا بضحكة يا فشلتك يا جوجو
بغيض وتلوموني ليه ما أطيقها
سجى ههههههه انزين وش سوى وافي
تنهدت ما سوى شي بس تعرفين التعليقات اللي مدري وش تبي
هههههههههههههههههههه
فجأة استوعبت ولفيت ع ربى بستها ع خدها وحشتيني يا دبا كيف انبسطتي بالسفرة
ابتسمت بحب صباح الليل بس انبسطت واجد يا قلبي على طلال الله لا يحرمني منه
البنات بصوت واحد امييين
لمى وهي تصرخ أذن يا بنات
وحطت صحن التمر بينهم
لمار خلوا جمانة تشيل السفرة كاملة اليوم بما إنها صايمه!!
ناظرتها بغيض يا زينك ساكته
الكل ههههههههههههههههه

.
يتبع

رد: .رواية [[ خنقت الورد يآ يمه وبيدي انكسر ذبلآن]]..! /

وما زالت تمتمة الواقع تؤلمني
.
.
احتاج ل/ بعض من مراسم الهدوء ,
والمزيد من الجرعات الصامته ,
لاعلم مالذي اصابني ..!
فقط ( مشتته ) , ولم يعد ينفع ( تجميعي )
وما زالت تمتمة الواقع تؤلمني !!!

كنت جالسه مثل اللي ع راسه بطحه مدري ليه خايفه يدي على طول على بطني
إن شاء الله كلها كم يوم وينتهي هالعذاب
باقي أربع ساعات ع الفطور
انتبهت ع صوت بندر
: لتين ما رديتي علي والله ما يهون علي أشوفكم بهالحاله وما أسوي شي
قلت بصبر بندر إنت اطلع منها وهي عامره
ناظرني بصدمة شف أنا أخوك الكبير يالقزمة
شهقت أنا قزمة أجل إنت وش تطلع
: ناطحة سحاب!!
ابتسمت غصب عني هو جنبي فعلا ناطحة سحاب
تحولت ملامحه للجد يللا عاد لتين قولي أي شي خليني اتطمن على مستقبلكم حرام عليك تخربين شغل سنين
صغرت عيوني فيه شغل سنين؟؟ اعترف وش هو هالشغل وأنا بقول لك وش مقرره
جلست أمي وبيدها ظرف بندر حبيبي هذا إنت طالبه من محمد
أخذه اييه توه يوصل؟؟
توها عطتني ياه جاكلين
فتحه والله أنا هالمحمد شكلي بعطيه لفت نظر عشان يتأدب صاير يأخر الشغل على كيفه
أمي بشرود انتبه يا بندر تراه كان ساعد أبوك الأيمن يعني لو صرفته بتتعب بالشغل هو يعرف كل شي هو والمحامي سامح
ولفت ع لتين بوشو سرحانه توتا
هزيت راسي معكم
شدت ع كفها كيف صرتي الحين أحسن
اييه الحمدلله
بندر ترك الظرف كنت قاعد أقول لها ت...
قطع كلامه مكالمة خارجيه سكوزا ثواني
رد يا هلا والله بأخوي من أختي
:................................
تحولت ملامحه من الفرحه لصدمة
وقف لا حول ولا قوة إلا بالله عظم الله أجرك يالغالي
أمي ويدها ع قلبها مين اللي مات بعد
بندر رجع ياخذ مفاتيحه
وقفت بخوف في مصيبه جايه بالطريق
أمي توقفه لا تروح
بندر ينهي المكالمه انا بنتظرك تدق وإلا أنا بدق عليك
خلاص إلورا
قفل الجوال وهو يمسح وجهه ونظره ع لتين
أبو عبدالله عطاكم عمره
مسكت بطني بألم حسيت بخناجر تطعني
سندتني أمي وهي تسمي علي
بندر وهو يجلسني ع الكنبة الطويلة ارتاحي لتين مو زين عليك
كانت أوصالي ترجف
عبدالله!!
أخوي أكيد متكدر كيف وهو أبوه
حطيت راسي ع كتف أمي ماما عبدالل..ه
بندر بتلقائية لا تشيلين همه هو بكره جاي على رحلته
ناظرته باستغراب هو قال لك
أومأ براسه اييه بس ما فهمت منه بالضبط قال بيرجع يدق علي
جاتني حالة من الصمت
حسيت كل أيامي بهذاك البيت انعادت
كل شي
الجامعة
والشغل
والطبخ
حتى اختباراتي اللي كان يذاكرها لي عبدالله
هو الصدر الحنون الوحيد اللي كان يضمني
عمي اللي ما يستاهل هالكلمة
كل قسوته وبشاعته
للحين أذكر اليوم اللي ضربني فيه بسبب سيتا
وبسام كان معاه
للحين أذكر يوم دخلني ع الرجال
وبسام غطاني بشماغه
حسيت بمشاعر متناقضه
كل اللي أحسه الحين إني مو طايقه بهاللحظة لا بسام ولا عمي
ولا أفكر حتى إني أبكي عليه
مو قسوة لكن هذا شعور الظلم والحمدلله اللي خلاني أعيش وأسمع هالخبر
وياليتني شفته بعيني وهو يموت ويريح الناس من وجوده ..





خلهمم| . . .
بس كذا ، تذبححهم " الغيييرھ "
ﻵ شافوني احيا بك ~
و و و إنت مييت فينيي

دخلت البيت أنا وسجى ويزيد الفصعون
ورانا ماهر ووافي
تنهدت اه وين سريري
سجى تمد بوزها الحين إنتي من جدك متضاربه مع دلوي
رفعت حاجب ذكرنا القط جانا ينط
نقزت ع سجى وحشتينيييي يا قلبي
ضمتها سجى وإنتي أكثر يا عمري
كأنهم مهابيل يناقزون
سحبت يزيد منها وقعدت تعفس فيه اللين ما صار يبكي بيدينها
تخصرت حتى الأطفال ما سلموا منك
مدت لسانها لي موووتي بحرتك
: بسم الله عليها داليا وش قلنا حنا
لفيت كان وافي وماهر واقفين
الحمدلله إني ما فكيت نقابي
استحيت من ماهر وسجى تمووت حيا من وافي قالك غريب الأطوار عشان كذا تستحي منه تركت ولدها وطلعت على فوق
تذكرت عمي طلال نفس عبارته غريب الأطوار
داليا بنرفزة هي بدأت
ماهر يهدي الوضع شوفي ولدي شلون يناظرني مفجوع
عقدت حواجبها شقصدك؟؟
أخذ يدي وافي وطلعنا غرفتنا
سمعتها وأنا اطلع شوف شلون ماسكه يده يا عساها الكسر يدينها
تقههههر
ابتسمت وأنا أشد عى يد وافي حبيبي
نزل راسه ع كتفي هممم
شفيك حبيبي
فاتح عين والعين الثانية مقفله وأنا قاعده افتح الغرفة بالمفتاح نعسان
وأنا بعد نعسانه
مين قالك إنك بتنامين
أجل بتفرج عليك
دخلني الغرفة وقفل الباب لا تنامين سليني
ابتسمت بوشو أسليك حدي نعسانه وافي ومو رايقه
عض على شفاته وهو يجر خشمي بمرح ممزوج بحب يا ربيييي تصبرني
ضحكت بدلع وأنا أفصخ عبايتي امييين





جالسين في الصالة السفلية أنا وهي نناظر في بعض
ناظرتني وينه راكان
رديت بوجوم مدري عنه
شفيك إنتي كل هذا عشان أبو عبدالله ترا ما يستاهل
غرقت عيونها بالدموع بس عبدالله ما عنده أحد الحين
ابتسمت والله إنك لا يشوفك أحد بس وإنتي تبكين
نزل راكان وبيده علبة
ناظر فيهم عندي لكم خبر
لين بانصات وشو؟؟
أشر ع تاله بكره
: اييه
تربع ع السجاده في الأرض وفتح العلبة وطلع لعبة تركيبه
رفع راسه لهم بكره بيجي أحد
لفت انتباهي كلامه ناظرته بغيض مين؟؟
تنهد بحالميه حبيب القلب عبدالله
فتحت عيوني بصدمة
لين كذاب
وهو يركب التركيبة كيفكم لا تصدقون
تاله بعدم تصديق وإنت مين قالك؟؟
طنشهم وهو يلعب
رمت عليه الخداية حم###
ناظرها بشيطنة اللهم إني صائم
صرخت بقهر حل عني
لين وهي تشوف الخدامة داخله وراها رويدا اششش هذي نونا جات
وقامت تسلم عليها
رويدا بابتسامة كومي ستاي؟؟
: الحمدلله شلونك إنتي جدتي
هزت راسها كويسه ناظرت تاله اللي حضنتها وراكان اللي باس يدها
أنا رايحه لروما مين بيجي معي
وش بتسوين هناك؟؟
تاله بتلقائية كولكشن برمضان؟؟!!
قالت بإحباط إنتي راسك ما فيه إلا كولكشن وشوو !!
راكان يصحح المعلومة عفوا نونا وعبدالله بعد
رويدا هههههههههه
صغرت عيونها تدري إنك سخييف
لين عن جد نون... اها عرفت رايحه لل موسكو
" مسجد "
ابتسمت عليك نور بظل اسبوع وبرجع انتبهوا على نفسكم
وسلمي على مامتك إذا رجعت
إلورا
طلعت نونا بعد ما سلمت علينا
جلست ع الكنبة بخمول
مدري شصاير فيني عقلي مقفل شلون نسيت إنه جدتي كل رمضان تروح لروما
تقضي فيها كم يوم تجلس عند خالي مؤيد وكل يوم تروح لأكبر مسجد في اوروبا
بس هالمرة خالي مو فيه شكلها بتظل بالهوتيل بس مين معها
: أقول لين مين بيروح مع نونا ؟؟
زفرت وهي تطالع فيني إنتي من جد حالتك مستعصية ما سمعتيها يوم قالت خالي بشير وإياد
تنهدت لا والله ما سمعت
راكان بابتسامة طبعا ما بتسمعين وإن...
قاطعته وأنا أقوم لا تخليني أخرب صيامك عليك
رفع حاجب بذمتك ما بعد يخرب يعني
لين تضحك وهي تشوفني لفيت عليه شرر يتطاير من عيني
خلاص عاد تاله طنشيه
رصيت ع أسناني الله ياخذني وأرتاح
صرخ فيني يا غبية لا تدعين كذا إنتي صايمه يعني ممكن تستجاب دعوتك
قلت بغيض أحسسن خلني أرتاح منك ع الأقل
وطلعت الدرج أغلي
متوتره ومتنرفزة وجوعانه بعد !





نتناسى، لأن الكائن الذي نحب ترك العتبه .. وخرج

شفت عقد الشراكة الي قلت لك عليه
اييه طال عمرك وهذي صورة منه
قدمها له
قرأ العقد وعطاه ياه وين الأصل
الأصل معي طال عمرك
ناظره بتركيز أرسله لي فورا والسيد حسام إذا كلمك قول له يأجل شوي موضوع تجديد العقد هذي السنة
ابشر
طيب ووش صار على موضوع منذر ورويد
أخذ نفس طال عمرك لازم نصبر شوي حتى نقدر نضبط الوضع من غير لا يشك خصوصا إنه ساكن مع أبوه
رتب الأوراق بالشنطة وهو يسكر اللاب توب خلاص إنت روح الحين ونظل على اتصال حاول تعجل لي في الموضوع
عبدالعزيز اوكيه ما يصير خاطرك إلا طيب
ابتسم وهو يشوفها قدامه بسام
: حياك تفضلي
ياسمين بابتسامة عذبة لا أنا بس جيت خبرك رحلتي بكره ع كندا وما بقدر أجي ع المطار ممكن شوفك هناك مشان أعطيك الملف تبع خي
إلورا نو بروبليما
" طيب، ما في مشكلة "
غراتسيا مره ثانية تعبتك معي
بهدوءه المعتاد وبروده الخارجي بريسيمو بريجو
" العفو، هذا شيء لا يذكر"
لوحت له وراحت
رجع لعالمه وهو يتأمل حرم الجامعة
ضغط ع راسه بصبر
قاطع شروده نغمة الجوال
رفعه كانت مكالمة من أبوه
رد على طول
هلا يبه
يا هلا فيك شلون اختبارك اليوم
الحمدلله ختامه مسك
طيب أبي أشوفك في البيت بعد شوي
أنا جاي ع الفطور الحين
إلورا إذا ما في وقت نتلاقى وحنا رايحين التراويح
ما في مشكلة طيب
قفل منه وقام
شال الشنطة واللاب
طلع من الجامعة يحاول يتناسى همه
يتناسى إنسانة ما عاد لها وجود في حياته
لكن بسام إنسان عنيد ومصر إذا حط هدف قدامه يوصل له
وحبيبته أعند
لكن مو هو اللي يوقف بطريقة شي حتى لو كانت لتين .






ما أعمى الذي يعطيك من جيبه ليأخذ من قلبك

قفل تلفونه وحطه ع الطاولة قدامها ها يمه شرايك خلي جناح عبدالله اللي جنب جناحي
سوي اللي تبيه حبيبي على راحتك أهم شي يكون هو مرتاح ولا تسوي فيه شي خليه هو لما يجي يرتبه تعرف بيعيش هنا
إلا من كنت تكلم تو
سامح عطاني الحساب اللي أبوي حاطه لك
رفع عيونه لها تدرين يمه يقول إنه أبوي قال له إنه ما كان راضي يطلقك حتى ما يحرمك من الورث لأنها الطلقة الأخيرة
نجد بهدوء الفلوس ما تصلح شي بالدنيا يا بندر
بندر بأمل بس هالشي يا يمه حسسني بقيمتك عند أبوي يعني هو كان حاس بالذنب باللي كان يسويه فيك مو مثل ما كان يقول إنه ما يطلق حتى ما يشوه اسمه
بلعت ريقها وهي تبعد شعرها بأناقة اييه ما قلت لي بسام ما بتشوفه
كالعاده غيرت الموضوع لا والله بيشغل نفسه كلمته قال إنه بالجامعه عنده اختبار كأنه بيتهرب من وجود لتين
نجد بخوف شلون يعني؟؟
تنهد بندر والله يمه أحس إنه لتين قاعده تخسر حب بسام ومع هذا ما أصدق إنه ممكن يتخلى عنها يمه تدرين زين بحكاية بسام
زفرت المشكلة مو عارفه كيف اتصرف معها وما أبي اضغط عليها أكثر من كذا أصلا مو راضيه تتكلم بالموضوع نهائيا
صغر عيونه الحين كل هذا وحام يمه صدقني إنها كارهته من جد
فال الله ولا فالك خليها تعدي هالشهر وبترجع طبيعية إن شاء الله
زفر ياليت...





{ لا إكراه فى الدين قد تبين الرشد من الغى فمن يكفر بالطغوت ويؤمن بالله فقد استمسك بالعروة الوثقى لا انفصام لها والله سميع عليم } .

قفلت المصحف
حطيت كفوفي ع وجهي ودعيت بداخلي
يا رب
يا رب
يا رب

اللهم إني أسلك التقى والعفاف والمغفرة
يا رب تغفر لي وترحمني وتجبرني وتسترني يا ربي يا ستار
يا رب ترزقني الحكمة والصبر
يا رب توفقني يا رب تبعد عني كل سوء وتلهمني الصواب وتكتب لي الخير وين ما كان
يا رب لا تحرمني من أمي و تخليها لي
يا رب أنت تعلم ما أتمناه فحققه لي يا رب
يا رب تحفظ عبدالله وبندر من كل سوء يا رب حرمتني من عزوتي في الدنيا يا رب تجعلهم عزوة وسند لي يا رب العالمين
نزلت دموعي بغزارة وأنا اتذكر قراري وبسام
هزيت راسي بألم و بلحظة ضعف
يا رب تبعد عني بسام
....إلى الأبد





الكلمه اللي ب صدري باقيه جوه,/
اقول: [هانت] ،
وهي والله ما هانت !

دق الباب
: تفضل
دخل وقفل الباب وراه
حياك بسام تعال
قدام المكتب في جلسة مكونة من كنبتين من الجلد البني المحروق تتوسطها طاولة
عليها مزهرية بورد النجمية
صب له من الشاي الأخضر وعطاه
بسام يشرب قلت تبيني؟؟
بدر بجدية اييه إنت وش قاعد تسوي الحين؟؟
عقد حواجبه يبه مصانع السامي والكابر يبون يجددون عقد الشراكة
وأنا ما أقدر أتصرف حاليا إلا إذا سألت لتين
هز راسه اها بس أنا شايف إنه هي بهالحالة ما ينفع تسألها ممكن تتخذ قرار بتأثير مشاعرها وتروح فرصة من يدها
وأنا هذا بعد اللي قاعد أقوله
بدر انزين ووش ناوي تسوي
رجع كوب الشاي الصغير ما أعرف !
ابتسم بدر لأول مره بعد كل هالسنين بسام ولد الفيصل يقول ما أعرف
رد الإبتسامة بمرارة لو كانت أمي مثل لتين بتضطر إنك تعترف بهالشي كثير حتى لو ما قلته
أومأ براسه أنا كنت قاعد أقولك قول لها الحقيقة بس حاليا أنا بقول لك اصبر شوي
سكت بسام بشرود
يرجعه لست سنوات ورا.....





قمت من النوم أحس لقمة واقفه بحلقي
لوزي نازلة
وحرارة خفيفة بجسمي
الظاهر إني مرضت
بعدت البطانية عني مدري كم بطانية فوقي
ناظرت جنبي ما لقيته
تذكرت إنه اليوم أول يوم دوام لطلال
مسحت وجهي بتعب وأنا أقوم عن السرير
حسيت بشعور بايخ لأني ما قمت معه وهو رايح الدوام
دخلت الحمام
فتحت المويه وأنا أغسل وجهي انتبهت ع ورقة ملصقة ع المرايا
صباح الحب
حبيبتي ارتاحي اليوم شكلك مريضة
بنفطر عند أهلك
كابتن طلال
ابتسمت وأنا اشيلها ما يحرمني منك ربي يا أحلى كابتن
نشفت وجهي ورجعت انسدحت ع الصوفا السكريه بنص غرفتي
أخذت جوالي أدق ع ليلى أمس ما قدرت أجلس معها زين





إن چ اك غيري لا تحبه .، تكفى ط لبتك إلعن أبو جد ج ده..
صباح رمضاني بنكهة اللقاء// 8:30
وصلنا المطار أنا وبندر وعمي بدر
وحنا بصالة انتظار القادمين
كنت متوترة لأنه باقي أقل من اسبوع على موعدي
قفلت جوالي خفت تتصل وسن وأحد يحس بشي
يا إني مشتاقه لعبدالله
ودي ارجع أنام بحضنه مثل أول
وعيت على صوت بدر الحنون لتين ما بتسلمين ع أخوك
استوعبت نطيت عليه بلهفة ودموعي تنزل عبوووودي
ضحك ع الخفيف وحشتيني يا قلبي
تركته وأنا اتمسك فيه ما ابيه يضيع مني مره ثانية وإنت أكثر
ابتسم بدر طيب عبدالله شرايك تروح تريح وفطورك عندنا
بندر ويده ع كتفه أفا يا عمي وعزيمتنا وين تروح
بدر بإصرار خله عندنا اليوم ومن بكره بيظل عندك لين تشبع منه
بندر ابتسم إلورا خليني أكمل الإجراءات معاه وناخذ الشنطة خليك هنا إنت عمي مع لتين
سرحت في الوجيه قدامي
لفت انتباهي شخص
دققت أكثر شفته هو
بسام!!
تحرك شوي كانت قدامه بنت
رصيت ع ذراع عبدالله لا إراديا
ناظرني باستغراب يألمك شي لتين
ما رديت من الصدمة انعقد لساني
وصدمتي لفتت انتباههم مكان ما أطالع
كان بعيد عنا ما نسمع منه شي
البنت محجبة
كان مبتسم قربت منه بتسلم عليه عروبي
لكنه صدها بلطف
لوحت له وهي تضحك وراحت
لف علينا وجا كأنه يدري من أول بوجودنا
نزلت عيوني ليديني اللي صارت حمرا من الضغط عليها
سلم على عبدالله الحمدلله ع السلامة شلون كانت الرحلة
عبدالله بهدوء الحمدلله إنت شلونك؟؟
بسام وعينه ما جات علي حتى والله عايش الجامعه اخذه أكثر وقتي
بدر اللي حس بالجو المتوتر إلورا بندر إنت خلص الإجراءات مع عبدالله وحنا سابقينكم ع السيارة
بسام بتجي معنا؟؟
بسام يطلع جواله وبيده ظرف لا أنا كنت جاي اودع ياسمين واستقبل عبدالله الحين برجع عندي شغل بسويه
بلعت ريقي بغصة عمي أنا بروح السيارة
ابتسم وهو يحوط خصري وأنا معك
مشيت بألم شوفته مع غيري حسستني بغيرة
مين هذي حتى يجي يودعها بالمطار
وش تعني له لهالدرجة
تنهدت بصوت مسموع
عمي لتين تبين أجيب لك مويه
هزيت راسي وعيوني غرقانة لا بس تعبت شوي
شد ع يدي وكأنه يقول لي لا تخافين الكل معك
بس أنا ما عدت أفهم نفسي إذا ما أبي بسام ليه حسيت إني بموت يوم شفته معها
رصيت ع أسناني بقهر على باله بيضغط علي يعني
متى يجي يوم الإثنين بس..
*
*
*
DON'T cry over anyone who won't cry over you
لا تبك على من لا يبكي عليك

نهاية الجزء السابع والأربعون

رد: .رواية [[ خنقت الورد يآ يمه وبيدي انكسر ذبلآن]]..! /

....
.
بسم الله الرحمن الرحيم
الجزء الثامن والأربعون

.., ‎أكاد أتهاوى عند الإحساس بالألم من المجهول
مضطربة" أنا " حروفي مبعثررة هنا وهناك
‎ألملمها لأكون حروف تنم عن شتات موجع إلى
‎حد الاه ...!

اضغط على الصورة لرؤيتها بحجمها الطبيعي

سحقا لقلوب تنبض بعشق من لا يستحق !

فتحت الغرفة بعد ما دقيت
عبد الله ك...
سكت وأنا اتراجع بطلع
كانت أمي وراي
ها وش قالك؟؟
فتحت لها الباب
ناظرتني أمي باستغراب وهي تمد راسها تشوف
حطت يدها على فمها بتأثر
ابتسمت لا تبكين الحين يمه
أمي وهي تشوف عبدالله شبه جالس ع السرير ولتين متسنده عليه
نايمين
همست يا قلبي عليهم
خليني أعدلها لو صحت بتحس بالألم حتى عبدالله
بندر وهو بيقفل الباب لو حسوا بيصحون خليهم شوي
مشيت معها خارجين
شرايك يمه أنا بروح لمكتبي تجين معي أبيك توقعين على كم ورقة
عقدت حواجبها أوراق وشو؟؟
في فرع بفينيسيا أبوي كاتبه باسمك ويحتاج نسكره في بعض التشطيبات
إلورا إنت ما تقدر توقعها؟؟
نو، للأسف لازم إنتي
طيب انتظرني ألبس وأجيك....




تقضي الحكمة على الأعرج ألا يكسر عكازه على رأس عدوه
حطيت صحنين ع الطاولة سجوو هذي حشوة اللحم وهذي الجبن
ثواني بودي يزيد لماهر وبجي
اوكيه لا تتأخري
طلعت أكياس سمبوسة سويتز المثلثات وخلطت شوية طحين بالمويه عشان لما نقفله ما ينفتح بالزيت
رجعت سجى وتربعت ع الكرسي ناظرت الأغراض وين الدجاج
ماما قالت هي مسويه دجاج عشان داليا ما تاكل لحم ولا جبن
أخذت نفس اللهم إني صائم
سجى ههههههههههه خلاص انتي إبدأي بذولي وأنا أسوي الدجاج
جمانة تغير الموضوع كثرت الجبنة لأنه وافي ما ياكل لحم تدرين ولا دجاج واثاريه طالع على عمي
سجى وهي تفتح العجينة اييه عمي ما ياكل لحوم بس ياكل لحم مفروم
جمانة بضحكة خبث تدرين خاطري مره أأكل وافي من غير لا يدري قطعة لحم ني
سجى بقرف الله يقرفك ليه ني طيب يعني هو المستوي ما ياكله بتأكلينه ني اللي ماحد يستسيغه
هههههههههههه بتخيل شكله يمكن تروح العقده
سجى مره أول ما تزوجت جوني أهل ماهر عمي ووافي وخالتي وداليا
سويت لهم سفره يا طولها
وما كنت أدري إنهم ما ياكلون لحم تخيلي نص الأكل ما نأكل
جمانة بقهر وماهر ما يعرف يتكلم
إلا والله بس يقول كسرتي خاطري ما حبيت أقولك بعد ما شفتك جهزتي كل شي
إلا تعالي جموون وافي كان ينام بطريقه غريبة للحين ما غيرها
ابتسمت وتحولت ابتسامتي لضحكة قويه
سجوو حسستيني إنه في شي غير طبيعي
سجى بابتسامة إحراج لا عاد ما قصدي كذا
هو للحين ينام بنفس الطريقة بس أول ما تزوجت كنت أخاف أنام يعني والله يا سجى ما في شبر بالغرفة ما في شمعة
الحين ثنتين وتخب عليه بعد
ههههههههه أدبتيه يعني
اييه مره سويت فيها إني انخنقت وضاق صدري قام خاف
تعود خلاص
سجى زين سويتي أصلا هو تعود ع الوضع الأول أكيد بنفس الطريقة بيتعود ع غيره
اييه حياتي من المتوسط وهو ينام بين الشموع تخيلي
وأنا أحط الجبنة ع العجينة سجو حلو يكون عندك بيبي
سجى بحنان إحساس الأمومة غير عن كل إحساس والله يا جمانة إنه إحساس ما تقدرين تعوضينه ولو عندك كل شي بهالدنيا
جمانة بتفكير أنا ما عندي مشكلة بس وافي متخوف من الفكرة شوي
: متخوف؟؟!!
اييه يقول إنه ما بعد يكون عنده هذيك المسؤولية اللي تخليه يكون أب
سجى ما عليك منه كل الرجال يقولون هالشي بعدين بالذات وافي أحسه ينفع يكون أب باله طويل وحنون
جمانة صادقه حتى أنا بعد نفس الشي أقول ب...
قطعت كلامها وهي تفتح عيونها وإنتي وش دراك إنه وافي حنون!!
ضحكت سجى مالت عليك يعني بتغارين عليه مني يا حم## تراني متزوجه أخوه
جمانة ترتب السمبوسة بالصحن بضحكة وباستهبال شنسوي تعرفين هالزمن ماحد يأمن فيه
رفعت ملعقة الطحين والمويه بوجهها والله لأمرغك فيه
جمانة تبعد ههههههههههههههه خلاص استهبل عليك
دخلت داليا اممم جوعانة حدي
سجى كلنا جوعانين حبيبتي بس لازم نصبر
أشرت على جمانة بس جوجو مو صايمه
جمانة تغمض عينها اللهم طولك ياروح
سجى بضحكة عيب حبيبتي تقولين كذا هي أمس كانت فاطره لأنها مريضه
داليا ببراءة بس وافي قال لها إنتي كم يوم عادة تفطرين يعني هي دايما تفطر مو مريضة
جمانة وجهها حمممر رصت السمبوسة اللين ما تقطعت بيدها
سجى تورطت يوووه دلوي ماهر يناديك أكيد يزودي طفشه روحي شوفيه
طلعت من المطبخ أول ما سمعت اسم يزيد
سجى جموون لا تاخذين عليها ترا والله طفلة
جمانة بعصبيه والله وافي بيشوف اليوم إذا خليته ينام بسلام
هههههههه حرام عليك وش ذنبه هي سمعتكم
وطت صوتها بقهر أنا من جد بدأت أفكر إننا لازم نطلع من هالبيت على بيت لحالنا
سجى قولي لوافي بس إذا تعرفين إنه هالشي بيأثر على علاقتك فيه أنصحك لا تقولين له جمون
جمانة بيأس والله يا سجى إنه مشاكل داليا هي اللي بتأثر علينا يعني الحين بناخذها بالضحكة بس بكره لما تكبر بيزيد الأمر سوء
إنتي قلتيها تكبر يعني بتعقل إن شاء الله





ولا زلت أشتاقك …
رغم كل شي ،
ورغم أني عاهدت نفسي .. كثيرا
لازلت أنقض ذلك العهد!

دخلت عليها كان بيدها شي حطته تحت اللحاف أول ما شافتني
ابتسمت قطعت عليك شي
لا تعالي ماما
وين كنتي؟؟
رحت مع بندر كان عنده شغل
اها
اليوم بتجين عند بيت خالتك أكيد صح
مالي خاطر أشوف أحد
نجد بجدية لتين إنتي ما ودك تشوفين بسام سكتنا بس خالتك وعمك لهم عليك حق لازم تروحين لهم كفايه أمس عبدالله ما قدر يروح وأجلوها اليوم عشانه
انفعلت بعصبيه بس أنا ما أبي أشوفه وما يهمني ولا أنا أهمه أصلا
ليش تقولين كذا إذا إنتي ما يهمك بسام مثل ما تقولين مين قالك إنك ما تهمينه
أخذت نفس بنرفزة عايش حياته ومو هامه شي وأمس رايح لصديقته المطار قالك يودعها وفوق هذا كله تقولين لي أهمه
نجد توتا اهدي شوي وش فيها لو راح المطار عشان يودعها معناها يحبها يعني
زفرت ما راح تفهمين علي يعني بسام ما قد عرفت إنه له أي علاقة بالبنات ليه هذي بالذات
ابتسمت يعني تغارين عليه
قامت بعصبيه لا وما همني بس مو أنا اللي يروح لغيري من بعدي
وبصراخ بدخل اتحمم
نجد بحزم ومع كل هذا بتروحين اليوم لخالتك
وهي تقفل الباب يصير خير
زفرت وبعدين مع عنادها والله ما أذكر إنه خالد كان عنيد لهالدرجة
ابتسمت بحنين لو ما كان عنيد كان ما ظليت ع ذمته وأهله مو موافقين
بفضول بعدت اللحاف عن السرير أشوف وش خبت يوم شافتني
انصدمت
شفت كارد !
أبيض محفور عليه بالذهبي
عيناك نازلتا القلوب حتى غدت لها اسرة!
أحن لتفاصيلك الدافئة!
بسام
رجعته وأنا اتنهد إذا تحبه ليه تكابر كل هالمكابرة
سمعت صوت عبدالله غطيت شعري
وفتحت الباب
يوم شافني استحى
ابتسمت حياك عبوود لتين بتاخذ شور
ابتسم حلوه عبود
نجد يللا عاد عبدالله لا تستحي مني تراني أكبر من أمك بعد
انقلب وجهه يوم جا طاري أمه انزين مطوله لتين
تعال اجلس بالصالة لين تطلع أنا بروح أشوف بندر
جلس بضيق بصدره وده يسأل عن تاله ووش صار عليها
أصلا مو عارف من وين يبدا خاطره اليوم يملك عليها لكن احترام لنظرة الناس له ونظرته هو لنفسه أبوه ما صار له يومين متوفي
سند راسه ع الكنبة بتنهيدة عميقه لو تدرين كيف أفكر فيك
كان كسرت خاطرك وطلبتيني بنفسك...!





حححتى عيوني صارت لأججل خاطرك ! ,
متممممرده اقولهههاإ نامممي ,!
تقول : أصصصصبري بتخخخيله ,!

قمت فتحت الأبجورة وجلست ع حيلي مو قادره أنام
الكل برا قايمين
عكس الناس أنا
برمضان أنام بعد صلاة العشا أصلي التراويح بالمسجد أو بالبيت وأنام وأقوم الصبح ع الساعة 7 ونص ثمانية
يكون الكل نايم
بس ما أقدر خلاص تعودت كذا
فركت عيوني بنعس
نعسانه حدي بس مو قادره أنام
فتحت الدرج بحذر وطلعت الدفتر
فتحت ع الصفحه حافظه بالتمام وين مكانها
تأملته بحب
حسيت قلبي يدق بقوة
مسكت صدري بألم
يا ربي ليه أحب إنسان مفقود منه الأمل
تأملت ملامحه
مرسومه بدقة أنفه مثل أخته لتين شفتها مره وحده بحفلتها اللي سوتها بداية سنة
أنف واقف مثل السيف
فمه عريض لكن شفايفه رقيقه لتين شفايفها مليانه
عيونه
تنهدت وأنا أقفل الدفتر نسيت إني برمضان وحتى لو مو رمضان ما يجوز إني أشوفه كذا
رجعت سكرت الأباجورة وانسدحت
تمتمت بداخلي دعاء الأرق عشان أقدر أنام
" لا إله إلا الله الواحد القهار رب السموات والأرض العزيز الغفار"
لكن مافي أمل أول ما غمضت عيوني
داهمتني صورته وهو يسألني فيك شي؟!!
رديت بداخلي
: اييه فيني
وإنت السبب..!




سكرت التلفون من لمار كان عندها خالد
زفرت بضيق
قمت صرت أشبر الغرفة رايحه جايه مو عارفه وش أسوي
طردت طيف خالد من بالي خلاص زهقت
خايفه
هذي حياة جديدة ولو حس عبدالرحمن بشي راحت علي وقتها
زفرت بضيق ما في إلا هالحل
قمت طلعت من غرفتي رحت لأمي بالصالة
بست راسها وجلست مامي
وهي تقلب بالتلفزيون هممم
ماما شرايك أملك الحين
لفت علي باستغراب وشو؟؟
أملك الحين على عبدالرحمن
أمي بضحكة تملكين إنتي على عبدالرحمن
ابتسمت بإحراج أقصد هو يملك علي المهم يعني الزبده
شرايك؟؟
أول شي طلبك غريب إنتي ما كنتي تبين تتزوجين والحين تبين تملكين بسرعه وبرمضان بعد!!
شديت شعري على ورى بقول لها واللي فيها فيها لو ما قلت لها ما بتوافق تقنع أبوي
شوفي مامي أنا كنت أحب خالد ولد خالتي والحين وافقت أتزوج عبدالرحمن وأبغا أبدأ معاه حياة جديدة وما في إلا هالحل
أمي بصدمة إنتي تدرين وش سويتي يا يارا ؟؟ توقعي أسوأ الاحتمالات توقعي عرف زوجك توقعي إنك ما حبيتيه وش بتسوين ليه ما وافقتي على خالد يوم جاك لحد البيت وطلبك؟؟
زفرت بعصبيه أنا استخرت ومدام ربي تمم معناها فيه الخيرة وبعدين أنا الحين ما عاد أحب خالد وحتى لو عبدالرحمن هو تركني ما برجع لخالد أنا أبغا اهرب منه الحين تماما
تبين تساعديني وإلا بنتظر عادي صبرت سنين ما بصبر كم يوم
ضمتني بحنان لا تضغطين على نفسك حبيبتي أنا بقول لأبوك وبشوف وش بيسوي
بقول له إنه في العيد بيقرب العرس وإنتي حابه تتعرفين عليه أكثر وما بيكون وقت مناسب
يارا بألم هو ما بيصدق بس حاولي تقنعيه إنتي
ابشري يا غلاتي أنا مين لي في هالدنيا غيرك....
جميل أن يكون أقرب شخص إليك في الحياة قريب إلى حد الأنا...!




أبيك تدري إنك حيل توحشني
وأحب قربك ولو طالت مسافاتك • •
التفينا على طاولة السحور الممدود عليها أشهى الأكلات
صراحة اشتقت لأكل دادا لينزي
لفت نظري إنه تاله مو موجودة وعبدالله مو على بعضه
وبسام بعد مو موجود
نجد بابتسامة يلدا وينه بسام
خالتي وهي تشرب من كوب العصير قدامها قال إنه بيتسحر برا
بلعت اللقمة بقهر أفهم من هالحركة إنه ما يبغا يكون موجود بالمكان اللي أنا فيه
بندر يرقعها شكله مشغول هاليومين لأني كل ما كلمته قال لي إنه بالجامعة
لين وهي تعطي الخادمة ماتيا تغرف لها سلطة يقضي وقته بالمكتبة أغلب الوقت
سكت وأنا مرتاحة من عدم وجوده لأنه لو دقق فيني بيعرف أكيد وأنا ما أبيه يعرف أبدا الحين
بندر ابتسم شلون تخرجك لين
نزلت عيونها..... ما رحت
رفع حاجب
ابتسمت أنا صح وعدتك بس ما قدرت أوفي بوعدي
اها يعني طلعتي خاينة
بدر بحب بنتي أحلى خاينة في العالم
الكل هههههههههههههه
لين بدلع بابا
دخلت تاله متحجبة بحجاب أخضر بحري وعيونها ع الأرض
همست بينفونوتي وهي تسلم علي وع أمي
وجلست باخر الطاولة
عبدالله يشرب مويه
همست له بسك تشرب مويه ما أكلت
ناظرني بربكة وأشر لي اسكتي
ضحكت وأنا اكل خالتو وين ميرا
يلدا بحب نامت حتى راكان تدرين عنده مدرسة
يا حياتي يداوم برمضان؟؟
ايوا والله يرجع هلكان حبيبي ينام على طول ما يصحى إلا ع الفطور
ما أقدر امنعه لأنه يتعب دوام المدرسة طويل وبنفس الوقت ما أقدر أخليه يفطر
يا قلبي والله وحشني خليه بكرا يمر علينا بعد الدوام
ابتسمت خالتي بقول له وأكيد ما بيمانع

*
يتبع

رد: .رواية [[ خنقت الورد يآ يمه وبيدي انكسر ذبلآن]]..! /

كوب المويا بعده
صحة وعافيه يا عمري
ابتسمت أنا الحين أحسن لا تشيل همي
انسدح قربي باقي خمس دقايق ع الأذان
مسحت ع شعره شلون دوامك اليوم
تنهد اه كان طويل لأنه أول يوم وبرمضان بعد بس ما ندمت أبدا ع الإجازة اللي أخذتها
ابتسمت بحب وعيوني تتغمض بكره بروح الجامعه
إذا حسيتي نفسك لسى تعبانة لا تروحين
لا حبيبي ما بقى ع اختباراتي شي لازم أروح
أصلا كلها أسبوع وبأجز هذا لأني ماخذه ترم صيفي
اليوم الفطور حلو عند أبوك
اييه مشاء الله خالتي ليلى طباخة
حط يدي ع عيونه خليها كذا شوي
استغربت بس ظليت حاطتها وأنا ساكته
شوي ارتفع صوت الأذان
فتح عيونه كنت بعالم اخر بس زين لحقت نفسي قبل لا يأذن
ضربته بخفه ع كتفه قوم صلي أحسن وبعد الشيطان عن راسك تونا ببداية النهار
وهو يقوم الحمدلله دوامي لين أربعه العصر ما يكون باقي كثير ع الفطور يعني مافي وقت كثير يمديني أتأملك فيه إلا ويأذن
ضحكت وأنا أدخل الحمام
بعد شوي بتشوف سالم
طلال من ورا الباب بعد شوي بتشوفين الجني الأزرق
ضحكت وما قدرت أرد لأني بالحمام
بس عادي اللي ما يعرفه إني ما أخاف من الجن...!




لو أححح بك كلمة ت اليها الض ياع..
والله لأعلنها ع لى راس الج ميع..!

برا برد مرا
وكلهم داخل
طلعت أشم هوا شوي
خايفه يجي بسام بأي لحظة ويشوفني جالسه بنفس المكان اللي جالس فيه عبدالله
شديت الجاكيت علي وحجابي ع كتوفي
الهوا طير شعري
حسيت بدفا وأنا أتذكر عبدالله شلون هادي قليل ما تكلم
كأنه مستحي منا يللا يتعود إن شاء الله
ع الطاولة في الجلسة الخارجية بين الزرع جيك عصير البرتقال محطوط
أخذت لي كاسة نظيفة وصبيت
وأنا أصب انتبهت عليه
شفته ناظرني ونزل راسه ورجع طالعني مره ثانية وبصدمة
: تاله
ارتبكت واهتزت الكاسة بيدي
عبدالله وهو بعيد شوي عقد حواجبه إنتي وش مسويه بنفسك
حطيت يدي ع شعري الأسود المصبوغ وبإحباط
: مو حلو..؟!
عبدالله بقهر لا مو حلو كأنك شيطان
مديت بوزي عندي شوو بعد رمضان عشان كذا صبغته
رد بضيق مو حلو أول أحلى كأنك فلبينية الحين
سكت بضيق لأنه ما عجبه وفجأة استوعبت
: تراك زودتها شيطان وفلبينية إنت وش تطلع أجل؟؟!!
رفع حاجب إنتي قولي وش أطلع؟؟ بعدين أنا شكلي طبيعي مو شوه
غطيت شعري مالك دخل فيني
ابتسم وهو يشوفها تدخل
مو حلو بس هي حلوه بكل حالاتها
ناظرت الجوال بيدي يوووه نستني أدق ع سامر
يا ....كل روحي




( الله ) . . . يجازيك ، ياللي - ذقت | منك ( الحسايف )

أصلا كله منك المفروض ما تتكلم وهي موجوده بنفس المكان
وافي ببرود وأنا وش دراني إنها راح تسمع
شديت شعري بقهر وأنا أبكي والله بموت اخر يوم ما اتحملها
وافي يمسك يديني وبحزم جمانة شقاعده تسوين
بعدته عني بغيض والله ووصل هالشي لأمك وأبوك كل ما حطت راسها براسي والله لأرد لها الصاع صاعين ولو اضطرني هذا إني اضربها بضربها
وافي وبدأ يتنرفز بس خلاص عاد كل يوم على هالحاله
جمانة ببكى أجل نطلع من هالبيت ونروح لبيت لحالنا
سكت وبكل هدوء ناظرها عيدي هالجملة مره ثانية وما بيكون لصالحي لا أنا ولا إنتي
رقعت باب الدولاب اللي كان مفتوح وأنا أجلس ع السرير أكمل بكاي
أكرههههههههها وأكرهك إنت بعد
تنهد يا صبر الأرض لو ما سكتي بترك لك البيت وأطلع
جمانة بصراخ لا لا تتركه أنا اللي بتركه والحين توصلني بيت أهلي
دق باب الغرفة
استمرت ببكاها بايعتها بتراب هالمره
فتح الباب كان ماهر واقف بطرف الغرفة بإحراج
: وافي عسى ما شر أبوي بيحس عليكم
وافي يمسح عيونه ما عليك وش تسوي لو متزوج بزر
ابتسم ماهر أحد ضربك على يدك
ضحك ع الخفيف والله أحلى بزره لو تعقل شوي
سمع صوت شي تكسر
ضحك ماهر وهو يتركه ويروح
رجع لها شافها كاسرة برواز صور من قزاز
تخصر بجدية جمانة بتعقلين والا شلون
صرخت بوجهه ما بعقل لين توديني بيت أهلي
قرب منها حضنها غصب عنها
همس عند إذنها بعبارة
سكتت أهلها
ضمته أكثر وطاحت دموعها
ألم لما تحب شخص وتجيك المشاكل قوية من حولك تحاول تشوه هالحب بأي طريقة





أسلوب الحقارة على غيري تمشيه .. و لا أنا أكسر ضلوعك و أفرقعها..!

انتظرها بأعصاب تلفانه مو معقولة كيف صارت تفكر هذي
مشت بهدوء تحسب الخطوة قبل لا تخطيها جاها اتصال من بسام كان هادي وفهمها إنه يبغا من لتين شي وماحد يقدر يسويه إلا هي
خايفه لأنه بسام عمره ما ارتاح لها الحين وش ممكن يكون يبغا مستحيل يكون يعرف بس هو يعرف كل شي
وقفت قدامه في وحدة من الحدايق العامة كان واقف قدام طاولة دائرية من الخشب
بلعت ريقها تشاو بسام
رفع حاجب وبعصبيه إنتي من وشو مخلوقه ؟؟
ها؟؟؟؟؟!
بعدت برعب شوفي ؟؟
شوووفي ! وين الموعد اللي حاجزته للتين بكره
بعدت شعرها ورى إذنها موعد شووو
ضرب الطاولة بقوة لا تخليني أشرشحك قدام اللي يسوا واللي ما يسوا
وبصراخ أعلى انطقي
تعفس وجهها موعد دكتورة نسائية
إنتي شلون ترضين لنفسك كذا إنتي مو مسلمة حنا ديننا ما يسمح لنا نقتل أبرياء
المفروض تحترمين هالشي ما سألتي نفسك ليش لتين ما جات لأحد غيرك
وسن بخوف بسام وطي صوتك انفضحنا
كمل كلامه بعصبيه لأنها تدري إنه ماحد يسوي الأشياء اللي ما تتسوى غيرك
والله واللي رفع سابع سما لو المح وجهك مره ثانية قريب منها أو حتى مكالمة
ارتفع صوته تنسي تنسي انسانة اسمها لتين بحياتك
عضت على شفتها ايييه فهمنا خلص
رمى الكرسي ع الأرض بقوة
مالت على أشكالك مثلك ما تستحق إنها تعيش حتى
وطلع مو مهتم لتجمهر الناس حتى الشرطة اللي جات طنشها لأنه ممكن يرتكب شي يتعاقب عليه
ركب سيارته العصبيه عاميته





لا تلقي علي بفاجعة فراقك وتمضي بك بعيدا عني ..
لا تتوارى خلف ظهري ل تدفن وحدك قلب إمرأة أحبتك بكل عاطفة الكون
رجوتك بربك
... إن أتى الفراق ...
كن أنت كما عرفتك
حنونا ..
.. كن رحيما
كن بارا بقلبي الذي أكبرك يوما ما بحبك ..
كن أنت فقط ..
وسأنصت لكل ما ستبرره .. حتى وإن كان غير مبرر ..
حتى وإن كان سيلزمني عمرا اخر لإستيعابه
وقلبا اخر لتحمله !

في بيتنا كنا جالسين أنا وماما وبندر وعبدالله
بندر فاكها ضحك اليوم مبسوط بزيادة هو وعبدالله إن شاء الله دوم
شربت من الشاي بندوري شرايك نروح التلفريك اليوم
عبدالله ما عليك منها ناويه تطيح اللي ببطنها
بلعت ريقي بخوف وبعدين استوعبت إنه رماها رميه
نجد تحط المكسرات قدام عبدالله عبوودي ع قولة توتا كل
ابتسم وهو ياكل من الكاجو إلا خالتي راكان مو قلتو بيجي اليوم
خاطري أشوفه من كثر ما تحكيني عنه لتين وت...
سكت لأنه كان بيقول تاله
تبادلوا النظرات لتين وبندر وضحكوا
نجد شفيكم؟؟؟
هزيت راسي ولا شي
عبدالله متوعدني اييه خالتي
نجد والله كان على أساس بيجي لكن يلدا كلمتني قالت إنه بسام خلاه يرجع البيت مدري ليه
وقبل لا تكمل كلامها
دخلت الخادمة مخطوف وجهها ودخل وراها بسام
رقع الباب بعصبية
أنا انفجعت لأنه بسام لما يعصب يعصب ع البارد شفيه كذا اليوم
نجد قامت وبندر
شصاير؟؟
وقف قدامي وسحبني من يدي قومي
عبدالله وقف بوجهه شفيك إنت في أسلوب تتعامل فيه
بسام وشياطين جهنم فوق راسه
تركها بقوة وهو يصرخ في أسلوب !
في أسلوب يوم ما تدري إنه حضرة الأخت حاجزة موعد عند الدكتوره بكره رايحه تقتل ولدها
التفت الوجيه ع لتين بصدمة
كانت ساكته وعيونها بحضنها
عبدالله بصدمة لتين!!
قومها بعصبيه إنتي صدق رايحه تجهضين الولد؟؟
نزلت دموعها وهي تبكي ما أبييييييه افهموني ما ابييه
بندر بنبرة قاسية أنا بجد ما أصدق إنه إنتي تطلع منك مثل هالتصرفات
وطلع فوق تاركهم
نجد تناظرها وتناظر بسام
بسام بنفس العصبية خالتي أنا ما باخذ رأي أحد يوومها عندكم ما دريتوا إنها بتسوي اللي تسويه مع إحترامي لازم تظل تحت عيني أنا
بلعت ريقها ما باليد حيلة تظل مع بسام ولا تسوي عملية ممكن تقتل نفسها فيها مو بس ولدها
زفرت إنت زوجها وإنت أولى سوي اللي تشوفه صح
ناظرها بعصبيه قومي البسي عليك شي انا بنتظرك
ناظرت عبدالله تترجاه الله يخليك ما بروح معاه
طلع من عندها حتى ما يضعف الحين أيقن إنه لتين عنيدة وما يمشيها إلا الأعند منها بسام
ما حد فاهم عليها إلا هو حتى لو كان العكس بنظرها
وبين بكاها و رفضها طلعها
: خالتي أهلي ما يدرون ياليت ما حد يعرف ما أبي صورة لتين تتشوه
عند أحد كافي اللي صار
مسحت دموعها انزين بسام انتبه عليها
خليك حنون معها ترى ما تستاهل اللي شافته مو قليل
باس راسها وهمس
: بعيوني




دق جوالي
أخذته وأنا أقطع البصل عشان شوربة لسان الطير
" كل حياتي "
جاني صوته مستعجل روبي افتحي درج مكتبي بتلاقين دفتر في رقم أول ما تفتحيه
طلعت على طول من المطبخ مستغربة عجلته فتحت الدرج
شفت الدفتر قدامي على طول
كان رقم وحيد
نقلته هو
شكرا حياتي
تعال طلال
هممم
ليش مستعجل
لأنه بسام اليوم اتصل علي قال يبغا اسحب ملف زوجته وارسله له بال DHL
عقدت حواجبي بسام الفيصل
اييه وعشان كذا أخذت رقم عميد الجامعه
اها طيب يللا لا تتأخر اليوم حبيبي
همس وأنا أقدر يا عمري
ابتسمت مع السلامة
سكرت الجوال وبتفكير بينقل ملف لتين أكيد الأمور متأزمة أصلا مستحيل ترجع هنا بعد اللي صار
دورت بالأرقام طلعت رقمها دقيت ما ردت أصلا لها كم يوم أتصل عليها مقفل
دقيت ع تاله أخت بسام وبعد كم رنه ردت علي
تشاو
اهلين تلوو كيفك؟؟
تمام مين معي؟؟
أنا ربى صديقة لتين ما عرفتيني
اها يا قلبي كيفك ؟؟
الحمدلله تاله كنت بتطمن ع لتين لأنها مقفله جوالها
تاله بتفكير شوفي أنا بعطيك رقم بسام اتصلي عليه وخذي رقمها الجديد لأني ما بعد اخذه
يا هالفلة عشان طلال يذبحني على غير قبلة
ابتسمت اوكيه إذا أخذتيه على طول عطيني ياه
إلورا لا تخافين
إلا تلوو ليه لتين مو عايشه عندكم
تاله بحسرة لا في مشاكل بينها وبين بس..
ما كملت جملتها لأنه راكان دخل بالخبر اليقين بسام رجع لتين لهنا وقاعده تبكي
تاله قامت بربكة إلورا ربى أكلمك مره ثانية
قلبي حسسني بشي اوكيه باي
حطيت الجوال ع الطاولة وسكرت النار ع البصل اللي انحرق
يووووه يا ربي
ظليت دقايق جالسه ع الكرسي أتأمل الفراغ
وش ممكن يكون صاير؟؟
يا ربي حتى وهي حامل مو مرتاحه..
تنهدت يا رب ترفع عنها كل هم وتجعل السعاده طريقها





يقول شكسبير:
تحبني أو تكرهني جميعها مفضلة لدي
إذا كنت تحبني سأكون دائما في قلبك وإذا كنت تكرهني سأكون دائما على بالك..!

قفل باب الجناح
أشر لها ع السرير ارتاحي
تسندت ع الجدار وبغصة
: شوف إذا كنت مفكر إنك بهالحركة بتستغلني وبترجعني عندك فهذا بعدك لتين الغبية اللي أول إنساها من اليوم أقولك
رفع حاجب ببرود وش بتسوين يعني .؟
يعني لا تفكر تقرب أو تسوي شي براسك
بسام بهدوء وهو متكتف إنتي تدرين زين إني ما قد لمستك بعدم رضاك
أكيد تعرفين إنه الزواج علاقة حب أرقى من كذا ما الله خلقنا ناس عشان نتصرف مثل الحيوانات
كلامه سكتها
إذا حابه أذكرك أول مره ل..
قاطعته وهي تفتح أزرار البالطو حقها ما يحتاج تذكرني بشي أنا قلت اللي عندي وأعتقد إنه واضح
قرب منها حضن وجهها بكفوفه
صنمت ما قدرت تتحرك لمجرد قربه
همس وهو يحط جواله قدام وجهها
: بعيوني إنت طفلة واليوم أثبت لي هالشي بقراراتك الواعية
وشد ع الكلمة الأخيرة
بهت بالصورة اللي بجواله
أذكر إني شفتها من زمان يوم كنت بالخبر عند عمي
صورته وهو يبوس بيبي شعرها كيرلي
ومكتوب عليها
حبيتها طفلة..
وإن قالت: قول اغا لعيونها ما أقول لا..
ناظرته وهو يبعد عني بينسدح ع السرير يعني مين هذي اللي بالصورة
ابتسم ابتسامة خفيفة وهو يعدل المخده تحت راسه
: تدرين وش أحلى شي يعجبني فيك
لما عقلك يوقف وتسألين أسألة ح ححححلوة
رمشت عشرين مره ورا بعض
تخصرت بغيض ما أثرت فيني ترا لأنك اخر اهتمامي وعطته ظهرها بتدخل الحمام
سمعت صوته الهادي وهو مغمض عيونه
: على قلبي مثل العسل
رقعت باب الحمام وراها بقهر


*
*
*
Some people make the world special just by being in it
بعض الناس يجعلون حياتك سعيدة، فقط بتواجدهم فيها

نهاية الجزء الثامن والأربعون