رد: .رواية [[ خنقت الورد يآ يمه وبيدي انكسر ذبلآن]]..! /

حين توسعت مداركنا..ضاقت بنا السبل

ناظره بطرف عينه ليه ما تتكلم
زفر بضيق شوف طلال إذا بتجلس تهزأ وتعطي مواعظ ترى أنا مو ناقص وعارف إني غلطان والغلط راكبني من راسي لنعالي بس هذا هو اللي مكتوب والحمدلله لمار حالتها للحين مستقرة
ابتسم طلال أول شي ترى من راسي لرجولي مو نعالي
ابتسم من غير نفس لو صار شي بلمار ما بسامح نفسي
ربت ع كتفه وشد عليه لا تقول كذا توك مسوي فيها سبع البرمبه وقاعد تهزأني
عقد حواجبه صدق قلة حيا نسيت إني خالك
ضربه ع راسه استح على وجهك بيصير عندك ولد وللحين أعلمك الاحترام
رد له الضربه تعرف تقلب وجهك
وافي بهمس إنت وياه إبراهيم ويوسف بياكلوكم بعيونهم
عدل جلسته طلال إنت لك وجه تتكلم خليك ساكت يكون أحسن
ضحك وافي الظاهر إنك متضارب مع زوجتك وبتطلع حرتك فينا
تخسى والله ما أتضارب مع حياتي
أجل ،،
طلال بغيض حضرة زوجتك الموقرة هي اللي قالت إني وصلت وأنا اللي ناوي أظل اسبوع ع الأقل مع زوجتي من غير ما أحد ينشب لي
زفر اووووف يا ربي أعرف نشبتك الحين من بكره بتستلمني
ضحك وافي وهو يناظر فيصل واجد مصدق نفسه صح
قام فيصل وهو ياخذ جواله تصطفل إنت وياه طلال صاير سخيف شوي
طلال بصدمة أنا؟؟!!
ناظر وافي المخفي ابتسامته مالت عليك إنت وياه
وافي وهو يلف وينه خويكم عبدالله
بيجي بس شوي متأخر

توه مطلعها ع المطار ودعها بجفا ورجع
مشكلة إخواته مو فاهمين الحياه زين
عيشتهم برا مخليه كثير أمور متساهلين فيها والحين هو بيعاني حتى يفهمهم هالشي ولولا مصيبة لتين كان فضى لأخته وما تركها تروح وهو زعلان منها
لكن الظروف أيام تعاندنا
ركب السيارة كان جواله يدق
رد بهدوء
:الوو
بسام وينك للحين
معليش بندر روح إنت وعبدالله أنا لازم أروح للتين
إلورا لتين ما تب...
أنا بالطريق الحين اعتذر لي من طلال مره ثانية
حط الجوال ع السيت يقول رايح للتين يللا أجل توكلنا
تنهد بضيق حتى ما خلاني أشوفها قبل لا تروح
عبدالله لا تسوي لي فيها حساس إنت اسمع كلامي وبيصير اللي تبيه
ما رد عليه حاس بالذنب عشان تاله وبنفس الوقت مو هاين عليه غيابها مين بيناقر بعد اليوم يا حلو عيونها وضحكتها...
أنت سامعني وإلا اكلم الحيطان
انتبه عليه وش كنت تقول؟
أقول إنه إنت حاليا باقي لك تقريبا شهر ونص وتخلص دراستك وبسام ناوي ياخذ لتين لإيطاليا
وأمك راحت يعني جالس لا شغله ولا عمله وفوق هذا كله حبيبة القلب مو هنا
شرايك تجي تشتغل معي
سكت لدقايق وبعدها رد بغموض
اوكيه موافق
لف عليه بفرحه يشوبها الاستغراب جد والا تمزح
رفع حاجب أنا جاد إلا إذا كنت إنت تمزح
هههههههه لا والله يا خوي إني جاد

إذا تم كسر بيضة بواسطة قوة خارجية ، فإن حياتها قد انتهت
وإذا تم كسر بيضة بواسطة قوة داخلية ، فإن هناك حياة قد بدأت
الأشياء العظيمة دائما تبدأ من الداخل

تملت الغرفة ورد أبيض بصفاء قلبها الطاهر
عله ينقي لها حياتها من اللي شابها
ابتسمت الممرضة That's from your husband
شيليه عني ما أبغا منه ولا شي شيليييه
وصارت ترمي البوكيهات ع الأرض وتدعسها
شالت المزهرية الكبيرة ورمتها ع الباب
الممرضة انفجعت راحت تنادي للدكتوره
ولتين بحاله هستيريه من العصبيه كأنه حبها لبسام انقلب كره
دق الباب ودخل لما شاف الغرفة انصدم
وأول ما شافته صرخت بوجهه اطلع برا اطلع ما ابيك
بسام يناظرها بألم وبهمس
تدرين وش يعني اللي تقولينه
لتين حرام عليك اللي قاعده تسوينه بنفسك وفيني حرام
جلست ع السرير وهي تبعد شعرها بتعب ونفسها يعلى وينزل أنا أكرهك
خرج من الغرفة على طول كفايه اللي سمعه
هو يدري إنها تعبانة بس كلمة زي هذي يتمنى الموت ولا يسمعها من حب حياته
جلس ع الكرسي في الممر
متجاهل الدكتورة اللي دخلت
وانفعال لتين
حتى الممرضات اللي داخلين طالعين
دائما كأنه بعالم اخر
حتى لما تزوج بنى له ولزوجته عالم خاص فيهم
لكن إلا ما تهاجم هالخصوصية في أحيان...

شوفي أنا بحاول فيه مع إني عارفه الجواب قبل لا أسأله أمي لو عرفت بتذبحني
ابتسمت سارا وإنت حد قالك طاوعيهم ما عليك منهم
لمى بقهر سروووي خليك محضر خير
ضحكت ربى أدري فيها أصلا جمون هي ما تبي تنام هنا وتترك حبيب الروح
جمانه بسرحان ايوا والله إنك صادقه
هجمت عليها لمى ويارا حم### مسايرتنا من أول ليه
جمانة تنقز ياويلي هههههههههه
سارا تضحك قومي ربى خلينا نطلع الحديقة
اوكيه يللا
وحنا طالعين كنت شايله شنطتي تذكرت لتين أخذت الجوال بدق عليها إلا دقت وديم
اممم سارا إنتي روحي وأنا لاحقتك بس أكلم بنت خالتي
انزين سلمي لي عليها
طلعت لحالي بيت جدتي كبير مشاء الله
وبالأصح هو بيت أهلها بس كل فترة يرجعوا يرمموه واللي يشوفه ما يصدق إنه مبني من سنين لأنهم مهتمين فيه
البيت بالزاوية ع اليمين
وع يساره بيت شعر كبير للرجال
وبالخلف حديقه مو كبيرة مره فيها مراجيح للأطفال
تمشيت شوي وجلست ع المرجيحه الطويلة
هفت نسمة هوا حلوه
المكان هادي بس من بعيد تجي أصواتهم من داخل
حلوه جمعات العائلة الله لا يفرقهم
سمعت صوت في الزرع تلفتت ما لقيت أحد ظنيت إني أتوهم
دفيت المرجيحه برجولي بهدوء واسترخاء
قرب الصوت فتحت عيوني هالمره وأنا متأكدة
شفت واحد قدامي يكلم تلفون
واقف قدامي ما بيناتنا مترين بالكثير
معقولة مو منتبه
تيبست بمكاني أنا لما انصدم ما أقدر اتحرك
سكر تلفونه ولف بيرجع
رجع لف علي مره ثانية
،،،،ووقف الزمن
علقت عيوني بعيونه
حسيت بدوخه نزلت راسي وأنا أحط يديني ع عيوني
قرب مني
: فيك شي؟؟
بلعت ريقي ياليته ما تكلم
هزيت راسي بربكة وجريت ع البيت
جاني عبدالله بندر شفيك واقف هنا؟؟
لفيت عليه بتعقيدة ولاشي تعال ندخل بسام كلمني
يقول لتين كل مالها تنجن أكثر
زفر عبدالله كله من هالمستشفى لو خرجوها ورجعوها بيتها كان أحسن
مشى معاه يللا ما بنطلع
اصبر شوي شفيك مستعجل
بندر يناظر الفيلا لا بس نعست وأبي أنام
ناظره بنص عين نعسان
دفه بعد عني مو ناقصك
وتخطاه راجع
عبدالله باستغراب شفيه هذا؟؟!!

Joly Ms. latin presto vorranno ala Allve abitati, come quello che era precedentemente
: جوليا أبغا سويت لتين نفس ما هو كلها كم يوم وهي راجعه
رويدا بتفكير ليش مو ولدك قال إنها بتسكن عند نجد لين تخلص العده
والله يا ماما ما أدري بس جو نشوف هي وش يريحها
رويدا تتنهد أكيد
اليوم كلمني رويد يق...
قاطعتها بأدب معليش ماما بس هالإنسان لا تجيبين لي سيرته في هالبيت لا بخير ولا بشر
بعصبيه بس هذا حفيدي تبيني انفيه من الحياة مره وحده
يلدا بنرفزة يكون أحسن والله اللي سواه ما يسويه مجنون خلي مؤيد يحطه بمصحة نفسية يمكن يتعالج ويقدر يكمل حياته
رويدا ودموعها تنزل يلدا لو عدتي هالكلام لانتي بنتي ولا أعرفك
قربت منها وحضنتها بحنان إلورا ماما سكوزا بس هذا بعد ابني ولتين بنتي واللي يمسهم يمسني
جلس بدر شهالرومانسيات من صباح ربي
أنا وأنا راجع أمس بعد سفر ما سويتي لي اللي قاعده تسوينه لأمك
ضحكت رويدا وبنتها لا عاد لا تبدأ تتمسكن الكل يعرف إنه بنتي تموت فيك والظاهر ولدها طالع مثلها
بدر على طاري الأولاد
تاله بتوصل بكره
يلدا بصدمة جد ليه ما قالت لنا
بسام يقول إنه وجودها ماله داعي وإخوان لتين في البيت
يلدا باستغراب اها
وبسام ما قالك متى راجع
يقول بكره بيطلعوا لتين من المستشفى وبس ترتاح يومين راجعين على طول
تنهدت الله يقدم اللي فيه الخير خليني أقوم أجهز لرجعة تلو حبيبة قلبي
بدر بابتسامة ايوا والله هالبنت لها وحشة


صباح الإثنين // 9:00
على طاولة الفطور
مسح فمه بالمنديل أنا طالع بروح أزور أبوي وأروح الجامعه
بسام ساكت
بندر الله معك لا تتأخر بنتغدا سوا
هز راسه اوكيه
وقف بسام بعده حتى أنا طالع رايح للتين
بندر أنا معك مشينا
وفي السيارة
شغل المسجل وارخى الصوت
وش اللي شاغل بالك بعد؟؟
اليوم بتوصل نتيجة التحاليل من فرنسا
بندر بتفكير إن شاء الله كل شي يطلع تمام
اييه بس لتين مو تاركه فرصة حتى تتحسن كل يوم تزيد نفسيتها سوء
بندر بشرود اليوم بتعرف كل شي وترتاح


منت فاهم !
ياأغلى من مر بعيوني .. عاشقك
سلم أمره .. لل /غرام
شفت فيك " العمر ي " القلب الحنون
من عرفتك .. وأنا عايش في هيام !!

دقت الباب وهي تتثاوب طلال شقاعد تسوي
جاها صوته من داخل ثواني حبيبتي
تسندت ع الباب بنعس
فتحه ترررررن تفضلي يا ست البنات أقصد النسوان
ضربته ع كتفه بدلع طلال
ابتسم عيون طلال
لفت ع المطبخ
شافت سفرة فطور كامله مو ناقصها شي
مسحت ع بطنها ياي بظل اكل لين بكره
باسته ع خده برقة يسلمو حبيبي
ضمها و هو يبعد لها الكرسي بالعافيه حبيبتي بس دخيلك لا تسمنين
تدرين الجسم مهم
وغمز لها
قرصته من كفه طلال
صرخ بألم انزيين اسف وبابتسامة خبث
حلوه حتى لو كنتي برميل يا روحي
ضحكت بحيا خلاص عاد
فديت اللي تستحي
صب الشاي اوكيه بحليب والا بدون
أخذت الشوكة بحليب


متعبه!
منهم..منك..من الحظ..من النصيب
من الحزن..من الروح التي لم تعد لها القدرة
على شيء..من العمر الذي لا يريد ان يتوقف
من الخذلان ، من المجاملة , من الصبر ،
من الخبث في وجوههم ..
من الماضي ، من الغد الذي ليس له
ملامح من الإنتظار ,من الإختناق ،
من الأحلام البريئة .. من قوة
التحمل من البكاء , من الظروف
الرديئة ، من إفتعال النسيان
من , من ، من , من ..!

أصرت إلا وإلا تشوف التحاليل معهم وقدامها
في الأيام الأخيرة ماحد قادر يقرب منها أو يدعس لها على طرف تقوم الدنيا وتقعدها
يناظر في الورقة اللي عطاها ياه الدكتور بابتسامة وطلع
بسام جالس ع الكرسي مشبك يدينه بتوتر
ولتين هاديه
قرأ الأوراق وفي نهايتها كانت نتيجة التحاليل ايجابية
ناظر الإثنين اللي قدامه وبابتسامة واسعة أختي الحلوه طلعت حامل
وقف بسام بفرحه ارتسمت بكل ملامحه
سلم عليه بندر بحب والله فرحت لكم
فاجأتهم ببكاها
قرب منها بسام حضنته بدون ما تتردد ومن بين بكاها
أنا ما ابغا هالولد
حضنها بقوة وهو يمسح ع شعرها
: ليش حبيبتي؟؟
رمت القنبلة وهي تنتحب وتبعد عنه هذا مو ولدك ولد رويد
!!!!
بندر بوجه ما يتفسر وشووو؟؟؟
عطاها كف وراه الكف الثاني وبانفعال هذا ولدي أنا وما اسمح لك تعيدين هالكلام قدامي
لتين ودموعها تنزل قلت لك مو ولدك ما تفهم
هزها بقوة
بعده بندر بسام بسام خلاص
وقفت وهي تاخذ عبايتها أنا ما بجلس اللين يصير تحليل ال DNA
انعقد لسانه من الصدمة حبيبتة صدمته بتفكيرها كيف تشك بنفسها بهالشكل
بندر يهديه بسام اهدى المشاكل ما تنحل بهالطريقة
صرخ فيه هالتحليل ما يصير ولو على جثتي
راح لها قبل لا تطلع ورجعها ع السرير بالقوة بالصراخ والبكا
ناظرها برجفة اسمعيني يا لتين هالتحليل لو صار انتهت حياتي معاك
أنا لي كرامة ومو زوجتي اللي تشيك لا تكون حامل بولد غير ولد زوجها
ضرب صدره بقوة إنتي تقدرين تساعدينا بالحقيقة الكلب حلف إنه ما لمسك اغمى عليك قبل لا يقرب منك بس إنتي ناكره هالشي ومعيشه نفسك بوهم
وغير كذا المده مو كافيه حتى يصير حمل لو كان كلامك صحيح
طلع من المستشفى بكبرها الدنيا قفلت بوجهه ووصل لطريق مسدود
بندر بحنان لتين لازم تف...
أشرت له بهدوء الحق بسام ما يقدر يسوق
ناظرها بشك
انزين انتبهي ع نفسك
سحب كابه والمفاتيح وطلع

*
*
*
The Hardest thing to do is watch the one you love, love somebody else
أصعب ما على النفس أن ترى من تحب، يقع في حب شخص اخر

نهاية الجزء الثاني والأربعون

رد: .رواية [[ خنقت الورد يآ يمه وبيدي انكسر ذبلآن]]..! /

يسلمو روايه كتير حلوة بس ليش مو كامله

Sent from my SPH-L720 using منتدى عبير mobile app

رد: .رواية [[ خنقت الورد يآ يمه وبيدي انكسر ذبلآن]]..! /

بتكمل

رد: .رواية [[ خنقت الورد يآ يمه وبيدي انكسر ذبلآن]]..! /

يعطيك العافيه
استمري

رد: .رواية [[ خنقت الورد يآ يمه وبيدي انكسر ذبلآن]]..! /

الجزء الثالث والأربعون




فيأتي الرحيل ورائحة الفراق عالقة بردائه

دقت الباب ودخلت بازعاج
تلوووو،، تالا
جلست جنبها ع السرير وبعدت البطانية
تلوووو
سحبت البطانية بنعس لين قومي عن وجهي يكون أحسن
ميلت راسها وهي تكشف وجهها برقتها المعتاده تاله من يوم ما جيتي أمس وإنتي نايمه صاير شي معك؟؟
رصت على عيونها وهي تقوم لين أنا سويت غلط
زمت شفاتها غلط؟؟! زي ايش يعني؟
لعبت باصابعها بربكة وبهمس عبدالله
عقدت حواجبها عبدالله!! مين عبدالله
بعدت شعرها عن عيونها عبدالله أخو لتين
ابتسمت اها اللي تضاربتي معاه يوم أخذ لتين من هنا
هزت راسها اييه هو نفسه
ناظرتها بشك وش الغلط طيب اللي سويتيه
مسكت رقبتها وهي تبلع ريقها
غمضت عيونها بقوة وبسرعة قالت
باس###
لين بصدمة كيييف؟!!
زفرت خلاص عاد لا تسأليني غلطت بس المصيبة إنه بسام عرف والله خايفه تصير مشكلة بينهم
لين بتفكير كيف سمحتي له يسوي شي زي كذا يا تاله ترى حتى لو إنتي متعوده ع الإنفتاح بس في شي اسمه دين أصلا إنتي كنتي تجلسي معه لحالك؟؟
هزت راسها لا بس صار وخلاص أصلا أنا بحاول أنساه
اخفت ابتسامتها يعني تحبيه؟
حمر وجهها لا ما أطيقه وش رايك يعني
ضمتها بحب يا حليلك يا تلووو وأخيرا حبيتي
حطت راسها ع كتفها اخ بس كيف بصبر
انفتح الباب بقوة فجأة
صرخت تاله بفجعة وجععع إن شاء الله ما تعرف تدق الباب
تكتف لا والله ست تلو علميني
زفرت استغفر الله يا ربي يعني كل يوم بصبح على هالوجه الله يذكر الأيام اللي كنت عايشتها هناك
لين بنص عين لا
ضحكت تاله
راكان بنظرة طبعا خلينا ساكتين بسس!!
ناظروا في بعض تاله ولين برعب معقولة يعرف
عدل وقفته المهم البانتونيه بيبرد والفطور جاهز أبوي وأمي ينتظرون تحت
وخرج تاركهم وراه
" (البانتوني)كعك عيد الميلاد الرسمي في ايطاليا يترك ليختمر في علب من المعدن لمدة طويلة
مليء بالزبدة و يتخلله الزبيب والفواكه المجففة "
ما عليك فيه مو داري عن شي
ضربت راسها ايوا صح نسيتيني أقولك البانتونيه بابا جابه من روما يللا تعالي ننزل
قامت بفرحه يسلام وحشتني تورينووووو
ونقزت ع الحمام
ابتسمت لين
هذي هي تاله من يومها تحب الحياة بألوانها ومتمسكة فيها..!





من صارت المشكلة اللي صارت وما انفتح بينهم أي نقاش أصلا كأنها مو حابه تشوف أحد
دخلوها الغرفة
كان يحاول يراقب ملامحها
غرفتها مقلوبه فوق تحت حتى الديكور نفسه متغير
كان يحاول ينسيها اللي صار بس الظاهر راح يتعب كثير بقدر تعبها
بندر يلطف الجو غرفة مباركة يا أختي العزيزة
همست وهي تنسدح ع السرير بمساعدة بسام وعبدالله الله يبارك فيك
دق الباب
ودخلت خادمتين يجروا طاولة الأكل
أشر لهم بسام يحطوه ع السرير
لتين بعد صمت ما ابغا اكل
لازم حبيبتي ما أكلتي شي من البارح
عادت بحده قلت لك ما ابغا اكل
عبدالله بابتسامة يفتح الطبق واو باستا جراتان شكلي أنا اللي باكل بدالك توتا
بندر يعني مدلعينك ما في أكل مستشفيات
لا رد ونظرها ع الشباك الكبير بزاوية الغرفة
بسام ولمس يدها لتين عشان البيبي اللي في بطن...
قاطعته بعصبيه وصراخ وهي تسحب يدها ما ابغاه أنا ما باكل لأني ما ابغاه ابييه يمووت مو هو ولدك أنا ما ابيييه
انسحب عبدالله وبندر وقفلوا الباب وراهم
الجرح غاير بقلبها والا ما كان صار اللي قاعد يصير
وقف قدامها ورفع ذقنها بألم لتين فهميني ليش قاعده تسوين كذا لييه؟؟
بعدته لأني أكرههك
صرخ فيها أنا تركتك ورحت لظروف حياتنا إنتي أدرى إني أنا المتضرر من كل اللي صار
ابتسمت بسخرية وأنا ؟؟ أنا أكبر مستفيد من اللي صار أجل
فتح قميصه بقوة قطعت الأزرار
ارحميني أنا كل يوم أموت ألف مره نظراتك تذبحني وين رحتي لتين؟؟
تركتك لي ورجعت أشوفك إنسانه ثانية حرام عليك كفايه
لفت وجهها عنه اطلع برا لو سمحت ما أعتقد إنه اللي صار ممكن يتصلح
اوكيه لك اللي تبيه
طلع ورقع الباب وراه
بندر في الصالة الخارجيه يستناه
وقف بسام ص..
أشر له لا تقول شي اليوم لازم نرجع تورينو يمكن تصحى على نفسها شوي
زفر إلورا بشوف الحجز





چاني طير(ن) من بع(ي)د ,,
ېسالني عن الغلا اللي في ق(ل)بي ,,
ما درى إن من زود الغا ,,
ما عاد للغلا مكان من ك(ث)ره..!
تشبثت في البطانية وهي ترص ع بطنها ودموعها تنزل
كأنها سيل انحبس بعد ليلة مطر غزيرة
كل طعنة توجهها له تكون مطعونة فيها قبل
كل كلمة وكل نظرة أذته فيه أذت نفسها من قبل فيها
لكن اللي صار خلى المعاناة حليفها الأول..
بسام كل يوم ينتهي من حياتها أكثر
وكأنه سراب تشوفه من بعيد تحتاجه وبس اقترب ما يختفي هي تمسحه
بنظرة ألم.!




ما تبين أوصلك عند لتين
ناظرت جوالها لا أمس رد علي أخوها وقال إنها تعبانة وعلى أساس إنهم اليوم مطلعينها
تعرف وجود زوجها يحرجني شوي إني أروح لها
اها إذا تبين أكلمه أنا
بتفكير خليها شوي ترتاح وأشوف
وقف السيارة اوكيه يللا حبيبتي انزلي
تلفتت واو أحب البحر طلال
ههههههههه فديتك حبيبتي
نزلت معه بحماس
ضمها من كتوفها وهم يتمشون ع الرمل الناعم
ربى بحب أحب البحر لأنه يذكرني بشهر عسلنا
شبك يدينه بيدها وباسها كان أحلى شهر بحياتي
ربى وهي تتذكر صح الشمس والبحر والفطور الاستوائي كل يوم والحفلات الليلية ع الشواطئ اه لا تذكرني
ابتسم طلال حبيبتي إن شاء الله أنا ناوي عيد زواجنا الجاي نقضيه هناك
امم وعلى فكرة بكرة رايحين البحرين نظل فيها يومين وبعدين منها ع دبي عندنا أسبوع
قرب وجهه منها لحالنا
وبيأس بعدها سالم الله ياخذه بيستلمني
ضحكت بحب وهي تضمه حبيبي الله لا يحرمني منك
شد عليها ولا منك يا غلاي




: شرايك حياتي اليوم نروح السوق وبالمره نتغدا هناك
امم مو مشكلة كم عندي جوجو أنا
باسته بدلع وحده وبنظرة خبث وخلي يكون في وحده ثانية يا ويللك
وافي أعوذ بالله وأنا أقدر أفكر
داليا بزهق وافي حبيبي لما نروح أنا مشتهيه هارديز
جمانة بداخلها ليش ناويه تروحين إنتي؟؟
استغفرك يا ربييي
ردت بسرعه معليش داليا حبيبتي مره ثانية لأننا اليوم بنمر أول ع المستشفى عندي موعد
وافي موعد ايش حبيبتي؟؟
غمزته دكتورتي الخاصة تعرف لازم أبدأ من الحين أتابع عندها عشان في المستقبل إن شاء الله إذا حملت
هز راسه اها فهمت
داليا بغيض تخفيه اوكيه مثل ما قلتي خالة جمانة مره ثانية ان شاء الله
خلخلوا ضروس العدو أي خالة وش شايفتني؟؟
ابتسمت ببرود أجل؟ محسبه نفسك صغيرة؟!
وطلعت وهي اخذه جوالها من غير لا تنتبه عليها
شدت شعرها اخ يا عالم يا أنا يا هي بتموت في النهاية
وافي بضحكة كبري عقلك حبيبتي ما صار شي
قامت وهي ترص ع أسنانها بغيض إن شاء الله حبيبي ما صار شي
ورمت المخده وراها
ابتسم وهو يتابع شغله ع الجهاز الله يصبرني على هالثنتين..
كل وحده أجن من الثانية





ياصاحبي / لاتقول الهم ما أطيقه
حاول... تحب الحياه .. وعيش متفائل

بونا بنانا كافيه// 3:00
سكر تلفونه وحطه ع الطاولة
رشف من القهوة حجزت لهم بكره الصبح
زفر عبدالله وإنت بعد
أومأ براسه اييه تأخرت على أمي وعلى شغل الوالد تعرف ترك أشغال كثير وراه
الله يرحمه
عبدالله بشرود الله يرحمه
ضرب أصابعه بتناغم ع الطاولة تفكر بايش
تنهد لازم أروح الحين أشوف أبوي
بندر بضيق شلونه الحين
نزل عيونه بحزن خاطري أجيب لتين أوريها ياه يمكن تتشفى منه
بندر بتعقيدة شلون تقول كذا يا عبدالله نسيت إنه هذا أبوك
ابتسم بسخرية لا والله ما نسيت لكن هو نسى لحمه ودمه وظلمها ظلم ما قد سمعت أحد انظلم مثله في حياتي واللي قاهرني إنه للحين مصر إنه مو غلطان
وبألم دايما أسأل نفسي ليش أهلي مو مثل الأوادم الباقيين
ربت ع كتفه لا تقول كذا عبوود بكره تروح لتورينو وتنسى كل شي بالحياة الجديدة
قطع حوارهم شاب بالثلاثينات
السلام عليكم
: وعليكم السلام والرحمه
عبدالله تفضل أخوي محتاج شي
الشاب بابتسامة أنا منصور البلالي بس حاب أتأكد
أشر ع بندر إنت الأستاذ بندر محمد الصايغ
بندر بابتسامة اييه نعم حياك تعرفني من قبل معليش مو متذكر
منصور جلس لا والله بس في عندي كم سؤال بما إنك ولد المليونير
الله يرحمه
ضاق صدره بندر هنا كان بعيد شوي عن هالأجواء لكن ظنه خطأ
غمز له عبدالله وكأنه يقول خلينا نشوف وش عنده
زفر بداخله إلورا تفضل
ابتسم وهو يطلع نوته وقلم
بندر باستغراب إنت صحفي
عليييك نور لكن مو بجريدة أنا أنشر مقالاتي في مجلة
عبدالله بابتسامة وهو يقوم اوكيه بندر أنا رايح المشوار اللي قلت لك عليه إذا خلصت دق علي
ناظره بنظرة انزين الله معك
من ورا الصحفي أشر له الله يعينك ع التوهيقه المحترمه
خزه ورجع نظره للصحفي تقدر تتفضل
تحمحم اوكيه أول سؤال.......





أحبك وجعا يمتد في خاصرتي
أحبك صمتا يشيع بي في محاريب صمتي ..
أحبك لغة تهجئتها لتكون باكورة نطقي ..
حبك وطني / جهاتي الاربع / وكل أشيائي ..
لكن أحب أن أمارسه على طريقتي ..!
ب فوضتي وسكوني .. ب أقتحامي وهدوئي .. ب جنوني وعقلي ..

الغرفة واسعة جدارين منها قزاز من الزاويه يبتدي
يطل ع الحديقة كلها
كان متكتف يناظر برا عاطيها ظهره
ذبحه التفكير
ليش لتين تغيرت لهالدرجة المشكلة دكتورتها تقول لازم تراعي نفسيتها حتى ما تتأزم أكثر من كذا
لف عليها
خزته ولفت وجهها
قرب منها وجلس ع طرف السرير
: لتين
ناظرته بصمت
حبيبتي بكره بنرجع تورينو أكيد بترجع حياتنا مثل قبل كلهم مشتاقين لك
حتى ميرا
سكتت دقايق وردت
ليش مفكر إني بظل عندك بروح أجلس عند أمي أنا
سكت وهو ياخذ نفس ابتسم بعدها انزين حبيبتي مو مشكلة ناخذ سويت لنا عند أمك
من بين أسنانها بعصبية أنا قلت بروح أنا لحالي بهرب من وجودك افهم ما أبيك معي
وقف بسام بعصبية ورمى التحفه الطويلة جنبه ع الأرض
عندك حلين لتين اختاري وحده منهم يا إما بتظلي هنا على طول يا إما تورينو
وهناك بكون معك وين ما رحتي فاهمه
عاد اخر كلمة بعصبية سكتتها
تغطت وهي تمسك راسها اطلع بنام
شد ع قبضه يده بكره قبل السفر يجيني الرد والله والله يا لتين ما تعرفيني بعد وش ممكن أسوي
خرج وتركني
حسيت ببرودة سرت بجسمي أكثر من اللي أعرفه وش ممكن تسوي بعد؟؟!!





زلزال في قلبك و عقلك و كيانك
تفاجأ ب حريق يلتهم اطراف ثوبك واعماق قلبك
انها وللأسف الشديد الحقيقه
قل ل نفسك من المخطئ !
من الظالم .!
ف ان لم تكن ظالما
ولكن مخدوعا
ف من حقك ان تبكي قليلا من جراء مرارة الأخديعه ؛
ثم ابحث في الحياة
س تجد المخلصون كثيرون و الأوفياء كذلك ..}
وتذكر
ب ان الحب يبقى في النفوس الطيبه
ويضيع من النفوس الرديئه ..
ف ترى دنياك شديدة القسوه ؛


يبه الحياة قصيرة بكره أكيد بتندم إذا صار بأختي شي يمنعك إنك تعتذر منها على اللي سويته فيها
بصوت مبحوح متهالك وملامح تنطق خبث وضغينه
وشوو؟؟ أنا اعتذر للتبن زوجة الأخيس منها
زفر عبدالله بضيق يبه لين متى بتظل بهالعقلية
إنت مالك دخل فيني ما فيك خير ولانت ملزم إنك تجي تزورني لا عاد أشوف وجهك كل ما جيت أقول جاي عشان أبوه وأثاريك تبيني اعتذر أجل
تمسك بالقزاز وهو يغمض عيونه بصبر
وبنظرة ألم يبه والله تعبت ألاقيها منك وإلا من أمي اللي راحت وتركتني
أحمد بتفاجؤ ماتت؟!! يللا هذا مصير كل بني ادم لا تضيق صدرك على وحده مثلها
علقت عيونه عليه بمشاعر مختلطة
سؤال بداخله ينبض
يبه إنت من ايش مخلوق؟؟
عطاه ظهره وطلع من غير لا ينطق بحرف
إذا كان بالأمس في أمل فيه
فاليوم تلاشى..

*
يتبع

رد: .رواية [[ خنقت الورد يآ يمه وبيدي انكسر ذبلآن]]..! /

يعطيك الف عافية
مستنيه تكملة القصه

Sent from my SPH-L720 using منتدى عبير mobile app

رد: .رواية [[ خنقت الورد يآ يمه وبيدي انكسر ذبلآن]]..! /


يعافيك ربي بس انا ذا الاسبوع والأسبوع الجاي عندي اختبارات !!

رد: .رواية [[ خنقت الورد يآ يمه وبيدي انكسر ذبلآن]]..! /

لا اعلم ما اشعر به في هذه اللحظات
ل ربما غصة افتقاد
ل عدم وجودك ب بجانبي الان !
اوجاعي تغمرني وصورتك تحاصرني .. ولم اعد أنا
الا ب وجودك !

سكرت التلفون بزفرة
مو راضيه تكلمني
يلدا بخوف مين رد عليك
تاله تلعب بشعرها خدامه جديدة اسمها موري بسام غير الخدم بعد اللي صار
يلدا تشبك أصابعها ببعض والله مو معقولة اللي قاعد يصير
انتكست حياتهم مره وحده بعد ما كانوا مثل السمنه ع العسل
تاله بضيق سي هي كذا دايما ما تصفى الا ترجع تتلخبط كل الأمور مره ثانية
اممم وشلون كنتوا مبسوطين قبل ما صار اللي صار
ابتسمت تاله مرا والله ماما كانت لتين تروح الجامعه وأيام رحت معها
نطبخ سوا ونتسوق مع بعض مره كنا مبسوطين حتى عجوز جهنم ما كنا نشوفها إلا كم مره
وفجأة سكتت بتفكير
شفيك؟؟
عضت على شفتها أنا شلون ما خطر ببالي
أكيد سهوه هي اللي دخلت رويد ع البيت شلون قدر يدخل لحاله
يلدا بشك معقولة
والله يماما سوت أكثر من كذا وقفت على هذي
خليني أدق عليهم
على مين؟ دقي على بسام
تاله بربكة لا بتصل ع البيت وأكلم بندر
إلورا هي وينها الحين
يا حياتي عبدالله بيظل لحاله سمعت إنها راحت الإمارات عند أخوها عشان كذا الحي### بتهرب بس والله بسام يجيبها لو هي بسابع أرض
دقت الرقم
وانتظرت ع الخط
توني كنت داخل البيت مقفله معي
متضايق واصل حدي
دق التلفون
قلبي حسسني بشي غريب مين بيتصل على هالبيت
رديت بضيق
: نعم
جاني صوت أعرفه زين
وشلون ما أعرف اللي سهرتني الليالي
بلحظات تهيأت لي بنعومتها قدامي
عيونها الخضر ولمعتها أشوفها خيال يسقيني حبها في كل ثانية
: إنتي وينك لي رحتى وخليتيني بهمي؟؟
ارتبكت تاله ا ايه وصلت أمس الحمدلله
عبدالله بألم خلاص يعني انتهى كل شي
ارتبكت زيادة بندر جنبك
صرخ بعصبيه بندر مره ثانية وش تبين فيه؟؟
تنهدت وهي تناظر تعابير أمها بقوله شي مهم
بنبرة غيرة مشتعلة دقي على أخوك وخبريه الأشياء المهمه ست تاله
وقفل السماعه
قفلت التلفون بضيق يالله يا ربييييي
يلدا بعد صمت مين هذا تاله؟؟
احمم عبدالله أخو لتين كان معصب ما أدري وش فيه
اها
قامت أنا بروح أشوف لين قالت لي بنروح داما بيانكا سوا بقابل جدتي ضروري
يا ويلي منها بعد كل هالتأخير
هزت راسها بفهم إلورا رووحي
وبعد ما طلعت كلمت نفسها معقولة تكون... لالا
........!!





ليه أتصفح حياتك ؟؛ دام عذبني
~ الغلاف !!

حطت صحن الشوكلاته بينهم وهي تقدم الكابتشينو
يعني ماجد وطلال حنوا لأيام أول
وديم بحقد لا والله يا قلبي ماجد واعدني نروح نتعشى سوا الليلة لكن البركة في السيد طلال
ضحكت ربى يؤبرني حبيبي يهتم بنفسه قال ياخذ مجود معه مره وحده
تبين الصدق صراحة هو كان بياخذ وافي لكن طلع رايح مع جموون ع السوق
سارا بابتسامة لحقت مشاء الله جموون توها متزوجة ومجهزة ليه نازلة السوق
هزت كتوفها مدري ناظرت الساعة لا تخافين ودوم كلها ساعة وبيرجع ياخذني أصلا بمر ع لتين مسافره ايطاليا بكره
وديم بصدمة ليييه لا تقولين بتظل هناك
ربى بحزن اييه خلاص الظاهر الحياة مو راضيه تبتسم لها هالمره
سارا تفتح الشوكلاته لا تقولين كذا ربى إذا إنتي هذا كلامك هي وش بتقول
وقفت وديم أنا رايحه الباث رووم لو سمحتوا
ضحكت سارا الله معك
ربى تناظر الغرفة سروي غرفتك تدفي
ابتسمت أكيد مو مثل دفى طلال
ضربتها بخفه وإحراج حم###
ضحكت يمكن عشان ألوانها تدرين ألوان الأحمر.. الأورنج مع البني ع قولتك تدفي لأنها ألوان حاره
لفتت نظرها المكتبة الخشبية الصغيرة
مجموعة مجلات مهملة بأول رف
برتبها لك سروي
لا خليها هذي اليوم جابتها الخدامة ما بعد أشوفها
شالت المجلة الأولى واللي بعدها غلاف المجلة شد انتباهها
تركت باقي المجلات وهي تلف عليها سارا شوفي هذا بندر أخو لتين
قامت سارا وهي تمسح يدها وينه؟؟
هي الثانية يوم شافته فهت
معقولة هالدنيا؟؟ شهالصدف؟؟
ربى خلينا نقرى أشوف

بندر الصايغ:
وفاة والدي كانت أكبر صدمة تلقيتها في حياتي ولكن
والدتي هي أهم شيء أملكه لذلك لن أضعف لأجلها

ابن المليونير محمد الصايغ يكشف عن سر مكوثه في السعودية بعد وفاة والده مباشرة

بندر الصايغ:
تجارة الألماس مهنة أجدادي وبالتأكيد أسعى ليستمر اسم العائلة في المقدمة بإذن الله
تصدقين أحسه غريب مو داخل مزاجي إنه أخو لتين ابتسمت وبنفس الوقت أحس في شي فيه منها
سارا بعد صمت امم يتهيأ لي واضح إنهم أخوان
لتين كانت تقول لي إنه عبدالله مره يحبه بس هي ما كانت ترتاح له كثير لأنه مع بسام من يوم ما فتح عيونه على هالدنيا
زمت شفاتها ليه مو لتين علاقتها حلوه مع زوجها
ربى بابتسامة اييه بس تدرين في إخوان معك معك ولو وش ما صار مثل عبدالله
وفي إخوان أيام يلفوا عليك عشان مصلحتك بس إنتي ما تستوعبين هالشي
بشرود صح صادقه
وين رحتي؟
ابتسمت معك بس كنت ودي أقرأ ليش ظل بالسعودية بعد ما توفى أبوه
ربى وهي تفتح المجلة ع صفحته معقولة يكون ق...
وقبل لا تكمل جملتها ها شوفي

:وجود أختي في مدينة الخبر وسوء حالتها الصحية اضطرني إلى البقاء بقربها

سكرت المجلة قالت لي تاله إنه هو جالس هنا عشان لتين مع إنه أمه ما بعد تطلع من العده وهو وحيدها غير لتين
دخلت وديم وش كنتوا تحشون بغيابي
ابتسمت كنا نتكلم عن بندر أخو لتين
اييه مشاء الله عليه يشبهها
رفعت حاجب عطيني التلفون أدق ع ماجد
وديم بخوف مصطنع لا تكفيين أصلا مجودي يعرف إنه أجمل رجل بعيناي الجميلتان
ضحكوا كلهم
سارا تقوم وهي تضحك تكفيين يا أم عيون جميلة إنتي
أحد يبي شي لو رجعت ما بجيب لكم
ربى اممم أبي مويه
وديم تفكر ابغا عصير برتقال لو سمحتي اعصريه بيدك لأني ما أشرب من الخدامه
سارا وافقت على طول تبغا تجلس مع نفسها مده كافيه من عيوني
لما طلعت وديم مستغربة وش عندها سارا صايره مطيعة
ربى تنسدح ع السرير وهي تتثاوب اه مدري اييه صح ما قلت لك بكره بروح البحرين وبعدها دبي
وديم بفرحة يا قلبي روحي انبسطي مع إني أشك إنه أحد ينبسط مع الوحوش والغيلان
ربى بكشرة ودوووووم
ضحكت يا ربي وش أسوي إذا زوجك ثقيل طينة قلت لك لا تتزوجيه بس ما رديتي علي
ربى بغيض المشكلة إنه حبيب القلب أخوي ما أقدر أتكلم عليه
حركت حواجبها أحسسسن
رمت المخده عليها مالت عليك ......





كنت بالسوق مع وافي ما في شي ببالي بشتريه بس كذا
أحب أتمشى بالسوق
وحبيبي والله ما قصر إذا عجبه شي على طول شراه لي
مدري الرجال ما يفكرون مثلنا
يعني القطعة حلوه ليه ما تشتريها حتى لو عندك وتوك شاريه
أما أنا لا ما يصير أشتري توني مجهزة نفسي وما صار لي ست شهور متزوجة
عجبه شورت جينز غامق في بيرشكا
يا حبك لهالملابس وافي
ابتسم السر فيك محليتها وإلا لو غيرك متأكد ما بتعجبني
بنص عين طبعا ما بتعجبك
همس لها تذكري اليوم اللي سبحنا فيه بسدني
انحرق وجهها قالت باحراج وافي
ضحك وهو يحط اللبس عند الكاشير
سمعت دق
دق مصري كأنه دربكة وإلا شي كذا
تلفت بفشله شكلها دقت جوال
وافي بهدوءه وهو ياخذ الكيس من الكاشير شهالمسخرة
حسيت بشي يهتز بشنطتي اثاريه جوالي
أنا !!
الناس قامت تتلفت وواضحه السخرية بوجيههم
حتى إنه واحد من الشباب قام يستهبل ويرقص
ناظرني وافي وبكلمة وحده نشفتني قفلي جوالك
طلعنا من المحل
وأنا مو داريه عن شي
كيف صار كذا؟؟
في السيارة صرخ فيني بعصبيه أول مره أشوفها عليه وافي دايما هادي وما يعصب
جمانة أنا أدري بحركاتك لكن لهنا وخلاص ستوب في حدود برا البيت
انقهرت لأني مو أنا اللي سويت كذا أصلا ما أدري شلون جات هالنغمة بجهازي
وافي مو أن..
قاطعها لا تقولين لي مو أنا أجل أنا اللي حطيتها
ظليت ساكته أغلي من الغيض شلون صار كذا الله أعلم





نونا أنا مقهورة لأنه الشوو اللي فات صار بدوني
رويدا بنغزة والله حبيبتي إنتي مو فاضيه رايحه رحلة استجمام عشان كذا صار بدونك
هزت راسها بقهر نو نو نو ابغا هالشو يكون غير شكل
وبحالميه مثلا أنا بلبس فستان الزواج هالمره
ابتسمت لين وهي ترشف من قهوة الدار الخاصة
رفعت حاجب وهي تتأمل ملامح حفيدتها
تاله
وهي تتصفح كاتلوج الأقمشه اممم سي نونا
"نعم، جدتي"
بعدت الكاتلوج من يدها ولفت وجهها عليها
ظلت تناظرها وبعدها سألت
إنتي حبيتي؟!
تاله بصدمة وهي تبعد ها؟؟ هزت راسها بنفي نو نونا شقاعده تقولين
ضحكت لين وشرقت بقهوتها عليكم شكل
رويدا تناظرها إنتي تعرفين إختك مو هي اللي راحت
إللي ما تعرفوه إنه ما في عارضه تطلب تلبس فستان الزفاف عندي إلا إذا انشغل قلبها ولحد الان ما قد لبسته وحده وما تزوجت بعدها على طول
شوفي حتى لمعة عيونها غير
حركت عيونها يمين ويسار بتفكير وهي تتخيل نفسها ع المنصة مع عبدالله
دفتها لين بكوعها تصحيها
قالت تضيع الموضوع لا أنا بصمت يا نونا إنك ايطاليه بحت حتى النظرات ينعرف منها
ضحكت ايوا وش كنا نتفق ابغاه غير شكل نونا بلييز
شالت الكاتلوجات دخلتها الدرج ما في
كررت باصرار مافي ولا شي بلغي الشو هالمره إللين ما تعترفي
تاله شوي وتبكي أعترف بايش نونا بلييز
هزت راسها وهي تقوم لا
لين بسرعة إلوار نونا هي حبت بندر ولد خالتي نجد
لفت الجدة عليهم وهي خارجه
تاله كانت مصدومه وقاعده تتخيل خلقه عبدالله يموت قهر من بندر بس بنفس الوقت يحبه
رويدا بعتب وهي تناظر تاله بتفحص عيب الكذب لين أنا ما ربيتكم كذا
وطلعت
زفرت تاله
وابتسمت لين وهي تمد بوزها بإحراج وبعدين يسألون من فين بسام يدري عن كل شي الظاهر إنه وراثة علم المستور في هالعيلة
تاله برمت شفايفها باستسلام انفضحححت





دخلنا البيت وافي معصب وأنا شياطين ترقص فوق راسي من القهر
فجأة شفتها قدامي
مبتسمة بنظرة شقاوة انبسطتي أبله جوجو
خزيتها بنظرة وفجأة طلعت براسي
تخصرت دقيقة دقيقة وافي
ناظرني لا تكملي اللي بديتيه طالع أنام
قلت بغيض ليه ما تقول هالكلام لأختك حضرة السيدة هي اللي حطت هالنغمة بجوالي
عشان كذا قبل لا أطلع قعدت أدور ع جوالي وما لقيته على طول
داليا برعب ارتسم بوجهها لا أنا م...
ضربت رجولها بالأرض مو أنا
شفت بعينك كذبها أنا اللي تهزأت وبالأخير طلعت الست قاعده تتسلى فيني
وافي يناظرها وهو ساكت
داليا امشي قدامي
داليا بخوف وافي م...
صرخ فيها قلت امشي قدامي
طلعت معاه
وأنا ظليت تحت من جد تضايقت حركات التفاهه حقتها هذي ما تنطاق
جات خالتي يا هلا حبيبتي جموون تغديتي
مسكت بطني تذكرت إنه المفروض كنا نتغدا بعد ما نتسوق لكن صار اللي صار
هزيت راسي لا خالتي تضاربت أنا ووافي ورجعنا
شفافية جمانة مطيحه الحواجز بينها وبين حماتها
خاصة إنه في فرق كبير بالسن بينها وبين زوجها
هالشي مخلي أم وافي تتقبل شخصيتها وتحبها كأنها بنتها
ابتسمت ما عليه حبيبتي ترى وافي مو عصبي بس هو شخصيته غريبه شوي يعني لازم تحاولي تفهميه
أومأت اييه خالتي فاهمه عليك هالمشاكل عشان تصرفاته كانت تصير ببداية زواجنا بس المشكلة اللي صارت اليوم بسبب داليا
عقدت حواجبها وش سوت بعد اليوم ؟؟
انتهزت الفرصة تستاهل لازم تتعاقب عقاب قاسي عشان تتأدب
فجأة يا خالتي دق..
قاطعتني أول لا تقولي خالتي قولي ماما
ضميتها يا قلبي عليك ماما فديتك والله إن شاء الله
المهم فجأة دق جوالي بنغمة دربكة
وفي واحد صار يرقص عليها قام وافي ولع
وطلعت داليا هي اللي حاطه هالنغمة لي
هههههههههههههههههههههههههههه
ههههههههههههه يا حليلها هالبنت ما تغير حركاتها
ابتسمت بغيض الحين هذا اللي طلع معها قاعده تضحك على حركات بنتها الغبية
باستني معليش جمانة حبيبتي أدري فيها داليا بس تعرفين هي تحب وافي مره وغيرانة شوي
هزيت راسي اييه وبداخلي بنفجر أدري خالتي لازم نمشي أكيد
نزل وافي من الدرج
لفيت وجهي زعلانة لازم يحس باللي سواه
يمه جوعان ما بتحطين الغدا
قامت يا عيون أمك إلا على طول
وقامت تشوف السفرة
اختلست النظرات له لقيته يطالعني
لفيت وجهي بسرعه
قام وجلس قدامي
: ناظريني جمون
بعدت عنه بعد عني غلطان وجاي بعد اللي سواه
ابتسم وهو يلف وجهي بكفوفه الثنتين
ناظريني علق عيونه بعيوني
ما قدرت
وبقهر ضميته وافي
ضحك وهي يشيلني عيون وافي
شفتي عيوني يا حلاتها ماخذه هالحلا من نظرها
تعلقت فيه لا تثق بزيادة حبيبي لأنه مهما كانت عيونك حلوه فعيوني أحلى
سكت بتفكير صح حبيبتي معك حق
ابتسمت بداخلي اييه لازم أكسر مجاديفه حتى ما يشوف نفسه علي
...........





ي لبيييه ، من هوو ” يضممك ” وانت حييل تبكي ! يشدك على ا صصدره ويقووول / أنت أقووووى ا

جلست جنبها
كانت هاديه
ونظراتها مشتته كأنه في حكي كثير بجوفها
قلت ألطف الجو
تدرين توتا ودوم بتذبحني على أساس بتطلع مع ماجد
وجا طلال أخذه ع النادي معه ويوم عرف جايين عندك جا يسلم ع بسام توه يدري إنه هنا
ابتسمت شبه ابتسامة بصمت
تنهدت وهي تشد ع كفها
قربت منها لتين وأرخت راسها ع كتفها
ضمتها ربى يا قلبي يا لتين أنا أدري باللي صار فيك بس بعد أدري إنك أقوى إنسانة عرفتها وبتقدرين تتخطين هالشي
شوفي كل اللي يحبوك حولك أنا وبندر وعبدالله حتى بسام ما تركك
نزلت دموعها بألم وهي تشد عليها ومن بين شهقاتها
ربى أنا...
ناظرتها بحزن وعيونها غرقانة تمسح دموعها وترجع تطيح
أنا مو قادره أسامح بسام
تأثرت حسيت إني ببكي معها مسحت ع شعرها لتين حبيبتي هذا بسام اللي تحبيه ما له دخل وكل اللي صار مقدر ومكتوب
هزت راسها مو قادره أنا أحبه وجرحته كثير بس مو بيدي كل ما أتذكر اللي صار أذكر إنه هو اللي بإرادته تركني وراح _ مسكت بطنها بقوة _ حتى اللي ببطني ما ابغاه
ورجعت تبكي بأنين
رجعت ضميتها كانت تنتفض بين يديني ضعفت أكثر من قبل
همست وأنا أربت عليها وأمسح دمعتي الله معك لتين وما بيتركك لحالك بس دايما خليه ع بالك هو الوحيد اللي يقدر يخرجك من اللي إنتي فيه
زفرت بداخلي ليته فيني ولا فيك أشوف الألم نحت بقلبها
حتى الدموع ما ملت
تخدشت حياتها بجروح ما لها ذنب فيها
بس هي كذا
ربي كاتبها
*
*
*
TRUE FRIENDSHIP "NEVER" ENDS, Friends are FOREVER
الصداقة الحقيقة لا تنتهي، الأصدقاء دوما يبقون كذلك

نهاية الجزء الثالث والأربعون

.رواية [[ خنقت الورد يآ يمه وبيدي انكسر ذبلآن]]..! /

الجزء الرابع والأربعون

أما زلت تشعرين بي..؟
تفتقدينني؟
تتنفسين عطري..؟
أم أن الغروب قد غطى كل المساحات
فتاهت رائحة العطر وسط كوم العتب..!!



إكتب ب أول سطر كلمة :" أحبك "
وإكتب ب اخر سطر : " كنا حبايب "

وصلنا السواق
انفتحت بوابة القصر
شفتها واقفه عند السياج تنتظرنا
أنا وبندر بس
بسام سبقنا لشغل مهم يقول عنده
غريب هالإنسان فجأة تطلع له أشغال غريبة مثله
حسيت بشي بيدي
سحبت كفي على طول
بندر بابتسامة اسف نسيت تعالي ندخل
نزلت راسي وأنا امشي بوهن
مشيت بين الورد المزروع بكل مكان لدرجة إنه الخضار مو مبين من كثره
بندر بمزحه حضن أمه لتين بسلم ع أمي قبلك أدري ما بتتركك بحالك
تأملته وهو يحضن أمي
أمي تبكي وهو عيونه غرقانة
سرحت لحظات يا كثر ما تحب أمي بندر تموت بترابه وبسخرية ما كان رجعت لزوجها بعد أبوي لو ما وجوده
تركته وقربت مني مدت يدينها وكأنها تستأذني
ما تركت لها فرصة ارتميت بحضنها
بكيت ....وبكيت
طلعت كل لحظة كبت فيني
بعدتني وهي تمسح دموعي بكفها
حياتي توتا إنتي هنا بنتي لتين الدلوعة لا تخافين من شي كل شي يتنسى يا ماما
اتفقنا حبيبتي
حسيت إني طفلة ب 8 سنوات
ابتسمت بأمان وحشتيني
ورجعت ضميتها
أمي ودموعها تنزل يا روحي لو تعرفين شكثر أحبك...




ليتك
تشوف اللي جرى و صار فيه
وتشوف ما شافه ورا سود الأيام ..

ناظرته بطرف عيني
تحرك بؤبؤ عينه وتأكدت إنه مو نايم
همست
: عبد الله
ما رد علي
يحاول يتناسى همومه ولو شوي اختبارته النهائيه بتبدا هالأسبوع
وهو مو ناقص من أبوه يلاقيها وإلا من أمه المهملة وإلا أنا أقوله من وين يلاقيها
من حبيبة القلب تاله
أنا مستغرب شلون حبها
أولا عبدالله مو حق هالسوالف
ثانيا خبري إنه يشوفها متفتحه بزيادة
والحب الشريف أكيد نهايته زواج
يعني معقولة يبي يتزوجها
يتزوج أخت بسام اللي طلع روح أخته
التفت عليه شفته فعلا راح بالنومه
أخيرا
من سافر بندر جبته عندي لعل وعسى يرتاح
بس ما ظني
تنهدت وأنا أقوم عن السرير بشويش
طلعت من غرفتي قابلتني وديم
قام خويك؟؟
أشرت لها بهمس اششش توه نام
مدت بوزها وهي تطلع الصالة معي تدري سموور كاسر خاطري والله
ناظرت جوالي اكسري خاطرك ع زوجك الخبل وقولي له ياخذك ويفكنا
وديم بصدمة سامر؟؟!!
هييين هذا وأنا ما باقي لي غير سنة وأتزوج
سامر يعني إنه انفجع سنة؟؟!! حرام عليك يالظالمة شلون بتحمل غثاك سنة كاملة
لمعت عيونها أدري إنك تمزح بس يا ثقل دمك وطينتك يا سخيييف
وقامت
مسك يدها وهي تمشي
ورجعها جنبه
ضحك يا حبي لك ودوم تصدقين كل شي على طول ع بالك حساسة
رجعت وقفت وبصراخ بس عاد مصختها
سامر بفجعة عبدالله قام متأكد مليون بالمية
سحب يدها وباسها حقك علي اسف
نفخت صدرها ومدت اليد الثانية
باسها بعد رضيتي؟؟
نزلت راسها وراسي بعد
دفها أقول ولي زييين حلت لها الشغلة
ضحكت عليه وأنا أروح المطبخ سامر بسوي لكم العشى تتعشون مع ماجد
ما رد علي مديت راسي ما لقيته
شكله راح لخويه..





أرجوك يكفي ، عد
فالكل علم بمقدار ألمي ،
الكل بات يعرف عني .. أكثر مني
أصبح إشتياقي .. سيرة بألسنتهم
ويتناقلون سرا أخبارنا بينهم

جلس ع الكنبة بتعب
راكان يدور حوله ويتفحص
بسام بنظرة شقاعد تسوي إنت؟؟!
تخصر أدور لتين وينها؟؟
بدر بضحكة مخبيها بجيبه مثلا اجلس مكانك بس
وبنرفزة جلس قاعد انتظر شهور وبالنهاية جاي لحالك بدونها وربي ما يصير
ناظره بدر شلون رحلتكم يا ولدي إن شاء الله ما تعبتوا
ناظر أمه وخواته وركز ع تاله اللي نشفت بمكانها
لا الحمدلله
يلدا تجلس جنبه وهي تعطيه الكاس اشرب هذي حبيبي فيتامين سي يريح جسمك شوي
أخذ الكاس من يدها وباس راسها الله يخليك لي يمه
اميين إلا وين مرتك عنك
شرب من الكاس بهدوء وحطها جنبه وهو يناظرها
لتين عند أمها شوي بتريح عندها
بدر بابتسامة زين ما سويت يا ولدي خليها شوي تريح أعصابها أكيد نجد محتاجه لها
يلدا بحزن اثنيناتهم محتاجين لبعض يا قلبي
غير الموضوع وهو يناظر لين شلونك لين
ابتسمت بحب الحمدلله بخير
اعتذر بلباقة اعذريني ما حضرت حفل التخرج تدرين باللي صار
بهت وجهها وجاوب راكان عنها لا تشيل هم إذا هي نفسها ما حضرته إنت بتحضره
رفع حاجب صدق؟!
هزت راسها بإييه
سكت ما علق
يدري تماما إنه هي ما راحت لشي بنفسها وإذا بهالشي راحتها فمحد يلومها
وقف اسمحولي بطلع أرتاح
الله معك
بدر ناظرها
كانت تطالع يدها والمناكير الجديد اللي حاطته
: تاله
ظلت منزله راسها الدموع بمحاجرها لو رفعت راسها لحظة وحده بتتمرد وتفضحها
ناظر زوجته شفيهم صاير شي هناك بينها وبين بسام؟؟
يلدا بنفس الفكرة هزت كتوفها والله ما أدري
لين تقوم راكون اطلع شوف ميرا صاحيه إذا صاحيه قولي عشان اجي اخذها
زم شفاته بقوم مع إني أدري بالقصة
كان خاطري أذبحه بهاللحظة
بدر يناظرها بحزم تاله بابا أكلمك ردي علي
غطت وجهها بكفوفها وصارت تبكي
قام لعندها وهو يحضن كتوفها بخوف تاله شصاير؟؟
ناظر يلدا ولين
نزلت عيونها على طول بابا يمكن في سوء تفاهم بينهم
وقف ووقفها معه شكله شي جايد تعالي معي يلدا
لين تضرب خدودها يا ويلي لو بسام يقول له
يلدا بهمس يقول ايش فهميني لين
تاله كان الرعب بعيونها وهي تبكي حتى لو أبوها كان متفهم وش نظرته لها لو عرف
بعد ما طلعوا
ناظرت أمها ماما بسام عرف إنه تاله وعبدالله يحبون بعض
يلدا باستغراب طيب؟؟! ما هو حب لتين 6 سنوات ماحد قاله شي
بلعت ريقي لا ماما
سمعت صوت بابا يناديها وطلعنا كلنا فوق
دق الباب ع بسام
فتحه وهو لاف روب الديشانبور عليه بيدخل ياخذ شاور
نقل عيونه بينهم بهدوء وفتح الباب ع كبره حياك يبه
تاله ترجف ودموعها ما وقفت
: بسام يبه شصاير بينك وبين أختك
زفر وهو يشد حبل الروب عليه أبد يبه بس عبدالله الخالد خطبها مني
!!؟!؟؟!
شفت تاله حطت يدها ع عيونها وارتخت بحضن أبوي
صرخت تاله





RNEZVOUS RESTAURANT
رنديفو// البحرين
مساء الأربعاء 11:45
مسك يدي برقة
حضنت كفوفه بحب وبعيوني لمعة
غمضت عيوني حياتي
ابتسم يا لبيه يا روحي امري
بادلته الإبتسامة حبيبي تتمنى يكون عندك ولد الحين
أشر بيدبنه لا _وباستهبال_ نو بلييز ما بعد اتهنى
وفتح يدينه بعيش حياتي شوي وبضحكة خبث بستنزفك قبل لا يجي اللي يشاركني فيك
عضيت ع شفتي بحيا
أخذ الوردة الحمرا اللي تزين المزهرية البيضا الصغيرة ع الطاولة
حطها بالنص بيننا
شميها رووبي حلوه ريحتها
قربت اشمها أنا وإياه سوا
ولقطني
باسني ع خدي بقوة
ماحد قالك تسوين حركات الإغراء هذي
ضحكت بحيا حرام عليك كلي براءة
غرز الشوكة بالروبيان وقدمها لي إنتي كلك براءة حبيبتي أنا اللي ما أقدر أقاوم
أي شي يخصك
أخذت نفس وأنا العب بالسلمون المدخن شكلك ما بتخليني اكل اليوم
افا حياتي خلاص بسكت وغمز لي ورانا قعده لاحقين
كل نبضه فيني تنطق بحبه
تركت صحني ومديت يدي له
حط يده بيدي
شديت عليها وعيوني بعينه
أحلى لحظات حياتي لما أكون معك نزلت عيوني بحيا
لما تضمني لصدرك وربي يا طلال لو كنت أبكي تضحك لي الدنيا وكل ألم فيني ما يبقى له أثر
رفع يدي وباسها
وتنهد بألم وهو يحط يده ع خده أنا شبعت كلي حبيبتي بنتظرك
ناظرته بصدمة وضحكت
ضحكت لين ما دمعت عيني
يا جعلني ما أفقدك يا كل دنيتي




أخبروني أني سأجدك في اخر الطريق !
لكني أرتكب الأشواق منذ ولدت في داخلي , ولم أجدك ؟
هل ابتلعتك أساطير الأحلام ؟
أم غيبتك سرابات الدروب الطويلة ؟

قمت من مكاني بانكسار اتركيني أفكر ماما وأرد عليك
ابتسمت أمي وبادلها الإبتسامة أبوي مو مصدقين إني أخيرا اقتنعت أفكر بالموضوع
قلت لك أعطيها الوقت وهي بتبدأ تفكر بعقل
ملك أم يارا بنتك من قبل لا تتخرج من الثانوي وهي تنخطب بس دايما رافضه ولا تناقش بالموضوع أصلا ما تسمح لأحد يكلمها فيه
وبراحة الحمدلله هالمره قالت تفكر
أجل دامها قالت تفكر أنا بسأل عن الرجال وأشوف وش يقولون عنه
قفلت باب غرفتي بالمفتاح
ضميت نفسي ع السرير
نزلت دموعي بحرقة
شلون أتزوج وأنا بقلبي ساكن إنسان عديم إحساس
شلون يا ربي
أخذت جوالي ودقيت عليها على طول
لمار بنعس اهليين يويو
يارا بصوت باكي لمار معليش تجين الحين
لمار وصحصحت على صوتها اجي ؟؟ ليش صاير شي يارو
يارا ببكى خلاص لا تجين أنا بجيك الحين إنتي ببيتك
لا أنا ببيت أهلي الحين فيصل طالع مع أخوياءه وخالد معهم
نزلت دموعي خلاص دقايق أكون عندك
قفلت حسيت في شي صاير
الله يستر
رجعت انسدحت ع السرير بوهن كل ما تقدمت فيني مراحل الحمل يزيد تعبي
زيادة




ألوان الرعب كلها زارتني بسببك[أنت] وما أجمله من سبب!!

جالسة ع الكرسي المتحرك وأمي تشربني كاسة المويا
يا مامي كلهم حولي حاسة إني بنجلط بأي لحظة
ناظرت لين استنجدها
ابتسمت خلاص مامي أنا بطلعها لغرفتها ترتاح
راكان نقز بساعدكم
وبالفعل ساعدوني طلعت لغرفتي مع الخادمة
بدر يناظر بسام بجدية ممكن تفهمني وش اللي صاير؟؟
بسام بهدوء يبه ما صار شي هذاني قلت لك إنه الرجال طلبها مني
وليش ما طلبها مني أنا أبوها
مسح ع شعره لأنه ما بعد يتخرج قال أول ما يتخرج بيجي لعندك هنا ويطلبها منك
يلدا بشك إلورا أختك ليش انصدمت وبعدين إنت بالإساس ليش زعلان منها
وقف بسام بعصبيه مكبوته
يمه لو في شي يعني بخبي عليكم بعدين إنتوا طول عمركم مربينا ع الثقة
وهذا اللي احنا ماشيين عليه
هز راسه بدر بتفهم إلورا نشوف وش بيصير




وش قيمتك ي الحنين اللي على بابي..؟

دق الباب
التفت وأنا أقفل بنطلوني بريجو
دخلت الخادمة بابتسامة
: سنيورا لتين لاتشيبو
" سيدة، الطعام"
هزيت راسي إلورا
مشطت شعري من غير لا اتعطر كرهت أغلب عطوري مع الحمل
لبست شبشب البيت من الفرو الدافي
ونزلت
شفت أمي وبندر جالسين ينتظروني
قام بندر وبعد لي الكرسي
ابتسمت له غراتسيا
ولوو ما سوينا شي
التفينا حول الطاولة
أمي بحنان نمتي زين توتا
أومأت براسي واجد ارتحت الحمدلله
أخذت صحني الخادمة تغرف لي
نفسي مسدودة قلت بلوعة لا تغرفي لي
نجد بخوف الحمل متعبك حبيبتي
مسكت بطني قرفانة من كل شي بس أبي حليب
وفعلا ثواني كان الحليب قدامي
أخذت المعلقة الخشبية وحطيت فيها شوية عسل
بندر وهو ياكل شرايك توتا نطلع نتمشى اليوم شوي
وقبل لا أفكر قالت أمي
خلوها بكره اليوم جايين بيت خالتك هنا
ضاق صدري أكيد بيجي بسام ومالي خلقه بصراحة
ناظرتني أمي لتين فيك شي ؟؟ وجهك مصفر إنتي لازم تروحين الدكتور
بندر روح معها حبيبي بعد الغدا
ابش..
قمت لا كل السالفة إني ما أبي أشوف بسام
وطلعت تاركتهم وراي
بندر وهو ياكل يمه مو كأنه بنتك مزودتها
نجد تناظره حرام عليك يمكن الحمل متعبها
الحمل طيب وش دخل بسام؟؟
ناظرته وهي تقوم لا صرت حرمه إسأل وش دخله وطلعت
ناظر صحنه باستغراب لا صرت حرمه؟؟!!!
متى وشلون؟؟
هههه تخيلت


.
يتبع

رد: .رواية [[ خنقت الورد يآ يمه وبيدي انكسر ذبلآن]]..! /

بعض المشاعر لا تقال و إذا حاولنا أن نقولها , قتلناها !
أو على أقل تقدير نقوم بتشويهها ، لأننا مهما إمتلكنا من اللغة ,
لا نستطيع الوصول إليها..!

نشف شعره بالمنشفة الصغيرة وتركها ع كتوفه وهو يمشط شعره ويمهده بشوية جل خفيف
لبس بنطلونه الأسود وقميصه الأحمر وسحب بيده كوته الرمادي الطويل
أخذ البوك ومفتاح السيارة وجواله
بعد الستارة شاف أهله جالسين بالحديقة الخارجية
قدام المسبح
همس
وش مجلسهم برا بهالبرد
اتصل عليه وهو يتأملهم من الشباك
ما كانت موجوده بينهم
..كان جالس بين فيصل وسامر ع البحر على أمل يغير جو
شاف تلفونه يدق
استغرب يوم شاف رقمه
رد وهو يسكتهم صمتا إنت وإياه بسام متصل
سامر بضحكة صمتا المتنبي على غفلة
خزه بنظرة
الوو
بسام بهدوء السلام عليكم
وعليكم السلام حياك بسام شلونك؟؟
بخير إنت شلونك؟؟
الحمدلله
سكت لثواني وبعدها قال
أقول عبدالله أنا دريت باللي بينك وبين أختي
نقل عيونه بينهم عبدالله وهو يعقد حواجبه ويرص ع أسنانه
إحراج الدنيا ركبه
كن...
قاطعه أنا ماني متصل أحاسبك يا عبدالله أدري زين إنك مو من النوع اللي يلعب ويرمي بنات الناس
إنت وش قاعد تقول يا بسام
زفر بعصبيه وهو يشوف تاله جات وجلست بين أبوه وأمه
عبدالله أختي طايشه للحين ما وعت ع الدنيا وأنا تصرفت من عندي
خبرت أبوي إنك خطبتها وإنك بتجي نهاية هالشهر تخطبها رسمي منه
فتح فمه وشوووو؟؟؟
فيصل وسامر يناظرون بعض وش السالفة
سامر بهمس أقولك هذا خويك عشقان أخت بسام ومدري وش السالفة الحين بالضبط
إلا خالد وينه ما كأنه تأخر
فيصل يناظر الساعة راح يجيب العصير ويرجع مدري عنه
بسام وشوو اللي وشووو؟؟ وش كنت تبيني أقوله يوم هو شاك إنه أختي فيها شي
عبدالله بصدمة انزين أكيد بجي وهذا اللي كان بالنهاية راح يصير
بسام رجع لهدوءه انزين شد حيلك باختباراتك وحنا ننتظرك
وقبل لا يقفل رد عبدالله
بسام
: نعم
شكرا لأنك متفهم
ابتسم بمرارة لا تشكرني بس عدل غلطتك
وقفل منه
عبدالله يناظر التلفون
تدرون يا ملقه هالإنسان مدري شلون أختي متحملته
وبسرحان بس والله إنه نشمي
فيصل يضربه ع راسه أبو الشباب وش صاير معك
سامر صاير لي قيس بن الملوح على غفلة
استوعب مالك دخل إنت وإياه انشغلوا بأنفسكم
فيصل لا والله جد عبوود
عبدالله بابتسامة وربكة بنفس الوقت أول ما بتخرج بروح تورينو بشتغل هناك
توسعت ابتسامته وبخطب بنفس الوقت
سامر وفيصل بنفس الوقت شلووون؟؟!
رجع شعره وهو ينسدح ع الرمل اه يا محلى الحب
سامر يناظره بصدمه لا هذا مرا داخل جو
ومسك فنجان القهوة وعباه رمل وكبه عليه
عبدالله يفز يالحق###
ضحك فيصل عبدالله مين هي تاله؟؟
خزه بنظرة أول قول لي مين هي لمار عشان أقولك
تغير وجهه وتبن
ابتسم وهو يحرك حواجبه وحده بوحده والبادي أظلم
سامر ما عليك منه فصوول عقله فصل من بعد مكالمة أخو تاله
عبدالله أقول اسكت إنت يا سعديه
فيصل هههههههههههههههههههههههه
سامر باستغراب مين سعدية؟؟
عبدالله وهو يرجع ينسدح زوجة المستقبل
بسم الله علي إلا عبوود بتتكلم وإلا شلون؟؟
عدل جلسته بقول لكم بس يبقى سر
فيصل بحماس قرب وشوو؟؟
تحمحم ا خلاص غيرت رأيي استحي
كب كاسة المويا بوجهه سامر مالت عليك يالدب
ضحك بفرحة
اخيرا هالدنيا ابتسمت
اخيرا




أحيا واموت وعزتي راس مالي عهد على نفسي بنفسي خذيته من باعني بعته ولو كان غالي واليا شراني عقبها ما شريته

نزلت من السيارة
دقيت الأنترفون
ردت علي الخدامة
وفتحت لي الباب
شفت سيارته وأنا أدخل استغربت لأنه لمار قالت لي إنهم طالعين
وقبل لا أكمل تفكير شفته قدامي
وقفت لأني كنت بصقع فيه
دايما يبلم "ما يستوعب بسرعة"
وهالمره بلم قدامي
ناظرته بحده وقهر ومشيت
رفع حاجب وشفيها هذي؟؟
سمعت صوت أمي
خالد يمه أخذت الكيك
وأنا طالع اييه يمه يللا في أمان الله
سلمت ع خالتي ودخلت عند لمار على طول
يوم شافتني جات بتقوم عن السرير بس ما خليتها
سلمت عليها وجلست
لمار بتفحص يارا وش صاير معك ترى طيحتي قلبي وأنا جالسه هنا أنتظرك
رفعت عينها لي وبنظرة صلابة انخطبت
ابتسمت زين وهذا اللي مزعلك
تنهدت شوفي لمار أنا أدري إنه أخوك وإنتي تدرين بعد إني أحبه بس دامه عديم إحساس أنا قررت إني أوافق وأتزوج لين متى وأنا انتظره
زهقت وهو ما بعد يحس
لمار بألم وهي تمسك يدي يا قلبي عليك يا يويو والله لو تبين أنا بنفسي أقول لأمي تخطبك له
يارا بكبرياء لمار وش شايفتني أنا مستحيل أتزوج إنسان ما حطني بباله وأفرض نفسي عليه خلاص أصلا أنا بفكر بجدية
بستخير واللي ربي يقدمه يصير
زين ابتسمي عشان أصدق إنك مقتنعه بكلامك
ابتسمت بحزن وإصرار والله إني مقتنعه مواصفات عبدالرحمن ما تنرد مع إنه شوي كبير
بعدت شعرها عن عيونها كم عمره
33 سنة
اسمه وعمله وباقي المواصفات
عبدالرحمن السامي يشتغل بشركة أبوه ما غيرهم عيلة السامي اللي عندهم شركات و مصانع البلاستيك
عقدت حواجبي وش اسم أبوه؟
ما أدري بس الظاهر إنه اسمه عبدالله مدري عبدالكريم
هزت راسها مشاء الله عائلة معروفة وأعرف بعد إنه لهم شريك من عيلة الكابر
ايوا هو عليك نور
طيب ليه مو متزوج للحين
مدري بسأل أمي وأقولك
ضحكت لمار يا حبي لك يا يارو وأخيرا بتتزوجين
سرحت بتفكيرها شفتي شلون
ضميتها بود خلاص عاد يارا فكري بعقلك واتركي الوساوس اللي ما لها داعي
همست وهي تفصخ عبايتها إن شاء الله شلون البيبي اليوم
مسحت ع بطنها المنفوخه بابتسامة والله كل يوم يمر تزيد الامي بس يا عمري فديته يتحرك
إلا ما عرفتي ولد وإلا بنت
اييه عرفت بس لا تحاولين ما بقول خليها مفاجأة
صادقه حلوه المفاجأة وأي شي يجي من الله حلو
وين سارا؟؟
رجعت من الجامعة متأخر اليوم ونامت تدرين ما بقى شي ع الإختبارات
اييه أدري حتى أنا ما بقى شي ع اختباراتي إنتي ساحبه الترم اللي بعده بعد
هزت راسها اييه عشان البيبي
الله يعين
.....




ادمنت قربك ! ي عسساني . . م القى ل ادمماني / علاج

كبيت كل الشموع اللي بالغرفة
ورصيت شموع جديده
اشتريتها من كلير دي لون بجهازي وزدت عليها
تكييف الغرفة مرتفع
الشموع مختلفة روائحها وكذا نوع عطا خليط حلو من الروايح
عبيت الغرفة منها
ابتسمت خلي وافي يمخمخ عليها اليوم
طلعت قميصي
ساتان بنفسجي ماسك ع الجسم لنص الفخذ
ياقته مرتفعه وظهره مفتوح
تأكدت إنه الغرفة مرتبه
ابتسمت وأنا أغير ملابسي هذا أهم شي في الموضوع اليوم خالتي وعمي وداليا راحوا لماهر وسجى في الرياض وما بيرجعون إلا بعد يومين
زين أقدر اتنفس من غير المشكلجية ذيك
سكرت سحاب القميص من الجنب
بعد ما دهنت جسمي بكريم نيرسيسو
تمكيجت مكياج ناعم وفتحت شعري
غرتي نازلة وشعري لأكتافي أسود فاحم
التفت ع الصوت أكيد هذا وافي
دخلت لبسي في الدولاب وطفيت الأنوار
انتظرته يدخل
تحرك مقبض الباب وانفتح
دارت عيونه ع الغرفة وتركزت علي
دخل وقفل الباب وراه بابتسامة
جوجو؟!!
قربت منه روح جوجو
ناظرني باعجاب وهو يحضني
يا روحي
تعلقت فيه وبهمس
: وحشتني
همس لي بنفس الطريقة
: وافي تحت أمرك
..........!





لك / ۈحششه غطت علي كل ﻤخلوق ياشينھا ﺂلساعات // والل ه بدونك!!
تورينو // 1:00



على ضو القمر كنا جالسين بالحديقة بين الزرع
الجو بارد
بس الجلسة بالبرد أحلى من الربيع نفسه
قهوة الإسبرسو موزعه بيننا وحلوى الفدج تدفي الواحد غصب
بندر يزيد النار وسطنا ويرمي الخشب فيها
تاله صرخت بضحكه بندر كنت بتحرقني
ابتسم بندر إلورا بعدي شوي لاحقه ع الأكل
مدت بوزها وهي تشوي المارشملو مع لين وراكان مابي مشتهيه عليه
تبي ومدتها له؟؟
بندر جا بياخذها ورجع يده لا مو مشتهي وهمس لها عبدالله لو شافك بينحرك
ناظرته لثواني وبعدها عضت من البسكويت اللي حشته بالشوكلت والمارشملو المشويه
تدري إنك سخييف ليش ذكرتني فيه يالله قدرت أنسى السالفة
ضحك وهو يناظرني توتا تبين مارشملو
هزيت راسي بالنفي يسلمو باكل فدج أحبه أكثر
جلس قربي أجل أختي طالعه علي أنا بعد أحبه
ابتسمت له يا حبي له والله بندر ينحب مو مثل ما كنت ماخذه فكره عنه
تنهدت بسام ما جا معهم ع أساس عنده شغل ضروري بعد أحسن مو طايقته مدري ليه
زين حس على نفسه وقدر مشاعري شوي
حسيت بشي ع كتوفي
لفيت بسرعه
عمي بدر بابتسامة تدفي يا بنتي شكلك بردانة
ضميت الشال حقه تسلم عم...
ناظرني بحده يستهبل وش قلتي ها
ابتسمت تسلم بابا
اييه صح لسانك
خالتي يلدا تلفني بردانة حبيبتي
هزيت راسي شوي بس عاجبتني الجلسة وينها أمي؟؟
الحين جايه كانت تكلم جيهان
وفعلا دخلوا هم الثنتين
يا تفاهة هالإنسانة ما همها إلا شعري وجسمي وأظافري ووو
ما شفت أتفه من كذا
ابتسمت لي شلون البيبي متعبك مثل أبوه
سكتوا كلهم
ناظرتها من فوق لتحت ولفيت وجهي
مو قادره مو بيدي عديمة الإحساس
الكل عارفين إنه هالموضوع مزعجني ساكتين ولا أحد جاب لي طاريه جات هالقرده تثقل دمها
همست لي أمي توتا شفيك حبيبتي هذي خالتك عيب تناظريها كذا
زفرت وأنا احط الكوب ع الطاولة اسمحيلي ماما ما بلعتها
ابتسمت وهي تمسح ع شعري يا عمري إنتي
بستها ع خدها الله لا يحرمني منك





حنيت للماضي فدمجته بالحاضر..

ربت ع كتفه أخيرا يا الشايب قررت تتزوج
عبدالرحمن بابتسامة إنت عطني بنتك أقصد بنتي وخليك ساكت
لفت عليه ليان وهي تلعب بالعروسة عموو بتوديني السوبر ماركت صح
ضحك بحب وهو ياخذها اييه صح حبيبتي بس أول قولي لي مين تحبين أكثر أنا وإلا بابا
حركت عيونها بتفكير وأشرت عليه إنت شكلك زي بابا
ضحك عبدالإله تستاهل ناوي تفرق بيني وبين بنتي
دخلت سحر وأخلاقها مقفله أنا مين قال لي أتزوج وأجيب عيال
ضحك عليها عبدالإله وعبدالرحمن اللي قال استغفري ربك لا الله يحرمك منهم
استوعبت برعب لا يا ربي استغفر الله بس والله يزهقون الواحد
إلا صح تعال عبودي مامي قالت لي إنها خطبت لك مبروك يا قلبي
ابتسم ابتسامة صفرا الله يبارك فيك ليكون بتناديني عبودي قدام العروس وأنا بصك الأربعين
اربعين في عين العدو إنت بقمة شبابك 33 عمر أهل الجنة
ابتسم بس تصدقين العروس بزر عمرها 23
سمر تحسب بينكم عشر سنوات حلو
قام عبدالإله انتبهوا على بنتي أنا طالع مشوار
سحر إنت للحين ما غيرت هالعاده تطلع مع هند وتترك بنتك عندنا
ضحك يالله عاد خليني اتهنى بشبابي شوي
وخرج بسرعه
ضحك عبدالرحمن وهو يبوس ليان يا حبي لها هالبنت بفقدها إذا تزوجت
سحر بحب الله يوفقك يا قلبي إن شاء الله تجيك اللي تسعدك وتعطيك على قد نيتك
اميين




قل ل السما لاعاد تمطر !
حبايب..
انا ظهري امتلا من طعون الحبايب .. .. ..

على جلستنا دخلت الخادمة
سنيوري بسام اريفاتي
" سيد، وصل "
وبعدت له
دخل
السلام عليكم
الكل وعليكم السلام
قامت أمي وبندر يرحبون فيه
سلم ع الكل
باس جبيني وجلس قربي
انكمشت ع نفسي
وأنا ابعد عنه
بدر سويت شغلك يا بسام
فتح الشال حقه وخلاه مهمل ع كتوفه ما بعد انتهي بس تابعت جزء منه
همس له بندر ليه ما جيت من أول
أشر له بعيونه ع لتين
ابتسم أول عاملتها بطريقه قاسيه خليتها تحبك غصب عنها والحين وش تسميه هذا هروب
هز راسه بالنفي لا بس أنا بعد إنسان وأحس وهي ناسيه هالشي شكلها
كنت قاعده اكل رافيولي محلى بالسكر والقرفة مشتهيه الحلى كثير مع الوحم
متجاهله بسام ولا كأنه جنبي
بالأحرى قاعده أحاول اتجاهله بس وجوده جنبي مربكني
لف علي فجأة يناظرني
قرب مني
ريحة عطره
ملامحه اللي راسمتها بداخلي
كله على بعضه
حسيت بشي داخلي يتقطع
مسكت بطني بألم وأنا اترك الأكل من يدي
همست بعد عني
همس لي بنظرة ألم
ما فكرتي حتى تسألين عني!
حطيت يدي على فمي وأنا أقوم
جريت ع الحمام
رجعت كل اللي بداخلي
مو معقول كيف مو طايقته
نجد بإحراج قامت بسام الظاهر زوجتك هالكها الوحام
هز راسه بتعقيدة وهو يضرب ع الكرسي بطرف أصابعه
توتر الجو
قامت لين مع يلدا يشوفون لتين مع نجد
جيهان بدلع لا تشيل بخاطرك حبيبي بسام كل الأزواج تصير بيناتهم مشاكل بعضها تنتهي وبعضها للأسف تنحل بالإنفصال إنت شوف اللي يناسبك..
دف الأشياء اللي ع الطاولة بصراخ بس خلاص ماحد له دخل هذي حياتي وأنا حر فيها
أسوي اللي أبيه لا تدخلين إنتي فاهمه
جيهان برعب وهي تبلع ريقها أنا ما قص...
قاطعها وهو يقوم مالك دخل أتزوج ابليس ان شاء الله ما لك دخل ولا تدخلين باللي ما يخصك
بندر يقوم بسام استهدي بالله
احتقرها بنظرته لا اله الا الله
بدر يتنهد وهو يناظرها وبداخله من جد اللي قال الملافظ سعد
طلع من البيت وهو ما صار له عشر دقايق واصل
رجعت يلدا وينه بسام شصار؟؟
تاله بتنهيده طلع توه وينها لتين
حطيناها بغرفتها تنام
بدر قام يللا أجل حتى إحنا نستأذن
بندر وين يا عمي ما جلستوا
بدر بضيق إن شاء الله هالأربعاء نتلاقى على خير
ناظرها أول ما طلعوا بقهر
لو سمحتي جيهان لا تحشري خشمك باللي ما يخصك فيه مره ثانية
صرخت فيه بعصبيه وأنا وش قلت ما قلت إلا الحق
بندر بعصبيه إنتي ما تقولين إلا كل خير خاصة بموضوع لتين بس لا عاد تدخلين باللي ما يخصك خلاص عاد زودتيها ما تشوفين الرجال حالته حاله وقتك إنتي
سحبت شنطتها ناتورالمينتى بروفيسوري بندر إنت اللي فاهم كل شي
" بالطبع، أستاذ "
ضرب الكرسي برجوله أول ما خرجت الله يلعنك
زفر وهو يدخل استغفر الله

*
*
*
DON'T let the past hold you back, you're missing the good stuff
لا تجعل الماضي يعيقك، سيلهيك عن الأمور الجميلة في الحياةنهاية الجزء الرابع والأربعون