رد: بين ثقوب آلقلب وضغط آلرئة

لا لا لا لا ...
كتبت تعليق طويل رد لذكريات زمان بموضوع النقاش و كبست ارسال وماكان النت موصول وما شيكت وما ظهر الرد ...
مافيني اكتب من جديد ..
تهي تهي تهي تهي

رد: بين ثقوب آلقلب وضغط آلرئة


بكرة عندي موعد ..
احتمال كبير الغي الموعد ..

رد: بين ثقوب آلقلب وضغط آلرئة

‏اذا رضينا بقضاء الله ..
فلنعلم ان الله سيرضينا بجمال قدرنا ..

رد: بين ثقوب آلقلب وضغط آلرئة

‏ربي ابعد عنا مايحزنا وما يضرنا ف انت خير من يستودع وخير الحافظين ..

رد: بين ثقوب آلقلب وضغط آلرئة

انتظر صلاة الفجر ..
حتى اصلي وانام ..
واليوم مافي موعد بلغيه ..
ياسلام بنام براحتي ..

رد: بين ثقوب آلقلب وضغط آلرئة

صباح الخير ..
امس اول ماصحيت الظهر حسيت بصداع شديد وعدم وضوح برؤية وضيق بالصدر وعدم ارتياح ..
تحملت الالم وتحملت لما الساعة 9 مساء وماقدرت اكمل صبر ..
و دورت عن مسكن للالم حصلت خلص ..
ورحت عند الوالد وطلبته يروح الصيدلية يجيب لي اقوى مسكن ..
واستلمني تهزيئ ومحاضرة طويلة ..
حياتك كلها مسكنات كل ماحسيت بصداع والم تاخذي مسكن ..
مافي مسكن تبغين اوديك المستشفى طيب البسي عبايتك ..
رديت عليه ..
مابغى مستشفى مني رايحه خلي يمر شهر واحد ع الاقل بدون زيارة المستشفى اكثر من 3 مرات بالشهر ..
اذا حتجيب لي مسكن الحين بنتظرك ..واذا ماتجيب لي بلغني الحين عشان بروح انام ..
ردي علي ..
مني جايب لك مسكن ..اذا ماتقدري تتحملي الصداع البسي عبايتك اوديك ..
رديت عليه بزعل وعصبية ..
لا مابغى شكرا بروح انام ..
ودخلت غرفتي شغلت المكيف ..طفيت الانور ..
وحطيت راسي على المخدة وانفجرت بكاء ..
الوالد انتظر ساعتين ماطلعت من الغرفة وحن علي وراح جاب لي مسكن ..
ودخل عندي بالغرفة واعطاني المسكن وقالي يابنتي خففي من المسكنات كثرت استخدامها تضرك ..
انتظرته يطلع ..
واخذت حبتين ونمت ..
ماطولت بالنوم وصحيت ..
حسيت بنبضي سريع وضيق للان ..
لكن يهون اقدر اتحمل اي الم الا الصداع ..
اهم شي الصداع خف ..ولو انه مازلت احس بصداع لكن اهون من اول ..
الحين بصلي الفجر وبنام ..
تصبحون على خير ..

رد: بين ثقوب آلقلب وضغط آلرئة

انا اليوم الحمدلله طيبه ..
حاسه نفسي افضل من امس بكثير ..
اليوم فيه موضوع شاغل بالي شوي ..
بحاول اتناسى ..

رد: بين ثقوب آلقلب وضغط آلرئة

احلم بحياة لا يقترب منها فراق ..

رد: بين ثقوب آلقلب وضغط آلرئة

بين فترة وفترة بفكر ارفع طلب بحذف مدونتي ..
او اعتزال مدونتي ..
ربما بالقريب العاجل اتخذ القرار الحازم ..
مافي سبب معين ..
ولست متضايقة من احد ..
ولكن ..
اشعر .................
ربما انني بمكان لست بنفس مستوى الجميع ...
وربما ... وربما ..

رد: بين ثقوب آلقلب وضغط آلرئة

ولما احد يبي يرد على احد خاص ومايملك ميزة الرد ..
اش العمل ؟