رد: بين ثقوب آلقلب وضغط آلرئة

من كم يوم عملت شي ..ماعرف اذا يحق لي او لا ..
هو غلط بشكل عام بس صح بشكل خاص ..
من كم يوم وقفت ادوية للرئه و اسبرين ودواء التشنج ..
انا انسانه ماتحمل ولا اتقبل استخدم دواء معين فترة طويله ..
حدي 3 شهور واوقف اخذ استراحه وارجع اكمل ..
صح انه طبيب الاعصاب نبهني على دواء التشنج مايتوقف حتى لو حسيت انه وضعي تمام ومافي اي تشنج ولو توقف بيعطيني جرعات اقل من اللي اخذها حاليا ..
انا بقررت نفسي ماؤمن بكلام الطبيب وصحه كلامه ..
اؤمن بالله ..تركت الدواء او ماتركته ماراح يصير لي الا اللي كتبه لي ..
الله خالقني وخالقه ولو اراد لشي ان يكون سيكون ..
وموا الدواء وكلام طبيب اذا تركته يحصل مضاعفات ..
من داخليا مرتاحه موا حاسه بضيق رغم بعض التعب اللي يحصل معاي هالايام والخفقان ..
الا تعبي ماتغلب على سعادتي وراحتي النفسيه ..

رد: بين ثقوب آلقلب وضغط آلرئة

القصطرة القلبية مع تقدم الطب لاحظت تقدم في اجراء القصطرة ..
زمان كان عذاب كانها عملية جراحيه ..
فيها خياط مكان القصطرة ..
وكان لازم المريض مايتحرك على من السرير اقل شي 5 ساعات عشان ماينزف ..
لو حصل نزيف يرجع لمعمل القصطرة ..

رد: بين ثقوب آلقلب وضغط آلرئة

القصطرة نوعين ..
في قصطرة تشخيصية ..
وهي تدخل القصطرة لتشخيص واخذ قياسات معينه ..
اما القصطرة العلاجيه ..
بتكون هدف علاج اما توسيع شريان او تركيب دعامه او علاج عيب خلقي ..
غالبا مايحصل مضاعفات ..
ولازم بعد القصطرة الجراحيه او التشخيصيه كاهم شي يبتعد المريض عن اي جهد ومايصعد الدرج اقل شي اسبوع .. لو كانت القصطرة بالفخذ ..لانه هنا مايقدر يتحرك كثير ..

رد: بين ثقوب آلقلب وضغط آلرئة

نصيحة لكل مريض يراجع المستشفى من خلال تجربتي الطويله ..
اي مريض يجيد يتكلم انقلش لايتكلم وياخذ ويعطي مع الاطباء او الممرضين بالانقلش ..
يتكلم عربي ويحاول يبين انه موا فاهم وش يقولون ..

رد: بين ثقوب آلقلب وضغط آلرئة

من 10 سنين بديت ادرك مرضي وبديت افهم وضعي ..
معاناتي مع مرور السنين بدءت تكبر ..
برغم من مرور 25 سنه على مرضي الا انه ماعندي الا حلم واحد بسيط والباقي عادي تحققت او لا ...
حلمي اجري عمليه تعديل العيوب الخلقيه بالقلب ..

رد: بين ثقوب آلقلب وضغط آلرئة

قابلت بحياتي اصنإف من الاطباء فيه منهم الجيدين وفيه السيئين حتى الطب بريئ منهم ..
من تجربتي الطويله ..
اصبحت اقدر احدد 70 %من شخصيه الطبيب بالجلسه الوحده اذا هو جيد او لا ..
30 % على 3 او 4 جلسات اقدر احكم على الطبيب ..
قدرت اعرف الطبيب الصادق بكل كلامه والكاذب ..

رد: بين ثقوب آلقلب وضغط آلرئة

اللي سالني جاوبت ياليت تشيكوا على الايميل ..

رد: بين ثقوب آلقلب وضغط آلرئة

كثير من الاشخاص لما يدخل القطاع الصحي يتعلم دروس من المرضى والحالات ..
يتعلم قيمه الصحه لما يشوف غيره يتالم ..
وبالمقابل اوقات المريض يتعلم من طبيبه درس احيانا يكون من كثر التعب ماركز بالدرس اللي تلقاه من قبل ..
عن تجربه شخصيه تلقيت درس من اخصائي تخدير قبل بضعه شهور ..
قبل مايخدرني بالقصطرة فرغ بالوريد مميع الدم ...
ومعروف مميع الدم جدا مؤلم المه مثل الالم اللي ذكرته باشعه الصبغه لكن اشد ..
احس بنار بداخل جسمي ومن شدة الالام أبكي وامسك يدي اشيل الابر لكن هما يثبتون يديني مضبوط لما يروح الالم ...
هذأ ألاخصائي لما كانوأ يفرغوا المميع بيدي ..
قالي الحين لما يحطوا الدواء بيدك ابيك تقولين وراي كل شي اقوله بنفسك ولا توقفين الا أذا وقفت اتفقنا ..
قلت له طيب ..
بدءت الممرضه تفرغ المميع بيدي وبديت احس بحرارة وغليان ..
والاخصائي بدءت يقول قولي معاي ..
بسم الله الذي لا يضر مع اسمه شي بالارض ولا بالسماء وهو السميع العليم ويكرر بدون توقف ..
ولمأ يشعر انه موا معاه بردد يطلب مني ركزي معاي وسبيك من الباقين حولك ركزي باللي اقوله ..
بدءت اردد بعده والله ماصرت احس بالم ودخلت بنوم عميق ماحسيت بنفسي إلا بعد الافاقه ..
فالله يجزاه الف خير ..

رد: بين ثقوب آلقلب وضغط آلرئة

‏بين ثقب القلب وضغط الرئه ..
ابصر بامل يراودني ..
وروح تغلب المستحيل ..

رد: بين ثقوب آلقلب وضغط آلرئة

‏يارب اسعدنا في ابسط تفاصيل حياتنا وقرب لنا الخير حيث كان ..