تويت
رواية اخرى لك
بسم الله الرحمن الرحيم
رواية اخرى لك اول روايه اقوم بنشرها ،اسلوبي في الكتابه جريئ لذا من لا يعجبه ارجو منه عدم قراءة الروايه ، لا احلل اي شخص يقوم بنقل الروايه بدون ذكر اسمي وفي النهايه ارجو ان تستمتعوا في القراءه ^.^
ملاحظه: اتمنى ان لا تحكموا على روايتي من البارتات الاولى
.....
قامت من سريرها بدون حيل و راحت غسلت وبعدها اتجهت للصلاة و بعدها تجهزت للجامعه لبست بنطلون اسود و بلوزه حمراء و اكسسواراتها المعتاده و بعد ما لبست عبايتها طلعت ووصلت للجامعه و اتجهت للمكان اللي متعودين يجلسون فيه لقت وحده من صاحباتها موجوده و راحت لها
ملاك: لولي!
لورا : هلا ملوك
ملاك: كيفك بعد سهرة امس متكسره صح ؟
لورا : ايوه مره تعبانه وانتي
ملاك: مثلك ، الا وين الصبايا
لورا: ههههه شكلهم ما راح يجون تلقينهم نايمات
ملاك:معذورين
*جاء وقت المحاضره و دخلو*
شهد دخلت في نص المحاضره و كانت متاخره مره عشان كذا انطردت برا و جلست تتنظرهم يخلصون
لورا: يامهبوله وشو هذا ليه متاخره كذا
شهد: وشو اسوي ما قمت كله بسبب ميمي
لورا: احسن تستاهلين الطرده
شهد: انا ! المهم نمشيها وين ميمي
لورا : للحين جوا
شهد: طيب انا بروح بتبدا المحاضره حقتي
لورا: باي
"بعد ما راحت شهد"
ملاك : وينها شوشو
لورا: فاتتك راحت للمحاضره
ملاك: يوه مالحقت عليها
لورا: عادي عادي نشوفها بعد ما تخلص
ملاك: انا ما اقدر لاني بكون طالعه اليوم بس محاضره وحده
لورا:يا خاينه بتتركيني
ملاك : سوري لولي لكن بتلقوني بالمول اول ما تخلصون تعالو
لورا: اوكي
"سلمو على بعض و راحت ملاك"
.......
~ملاك و شهد و لورا صاحبات من زمان و دايم مع بعض بالنسبه للتعريف حقهم فا
ملاك: ب اول جامعه ،نحيفه و طولها حلو ،جميله لكنها ابدا مو مهتمه لنفسها مره زي بنات جامعتها باعتبار انها لسا صغيره ، طيوبه لكن مو للكل و عصبيه مره بس صديقاتها متعودين على طبعها اسلوبها جميل تحبيها من اول ما تكلميها و عندها اخو واحد اكبر منها اسمه فيصل و ابوها غالبا مشغول تجلس مع فيصل كثير اما بالنسبه لتعريف فيصل فا راح يكون تحت
شهد: ب اول جامعه ، نحيفه و عيونها عسليه ، جميله برضو زي صديقاتها ، تسامح بسرعه و قلبها ابيض مستحيل تزعل من احد ، عندها اخو اصغر منها اسمه خالد و بتتعرفون عليه تحت
لورا: ب اول جامعه تشبه صديقاتها ، عليها افكار جهنميه ، جميله واللي يميزها غمازاتها ، شكلها طفولي ، عندها اخ و اخت توام صغار ~
........
سامي : حبيبتي متا اشوفك
لمار : ما شبعت امس شايفني و طالعين مع بعض
سامي: برضو ياقلبي ما راح اشبع من شوفتك مو زوجتي
لمار:هههههه عرفنا زوجتك كم مره لازم تعيدها
سامي :هههه للابد انا اعشقك و اموت فيك
لمار استحت : خلاص سامي !
سامي : بس ان * دخلت اخته *
ساره : سامي!
سامي : لحظه شوي ... ، سوير من سمح لك تدخلين يلا برا
ساره : اخلص علي امي تحت تبيك بسرعه !
سامي: طيب طيب اطلعي وسكري الباب
ساره: مو طالعه الا معك و بعدين مين تكلم ها ليكون لمار بعد
سامي: اقول *بعصبيه * اطلعي برا
خافت ساره و راحت برا
سامي: يلا حبي اكلمك بعدين
لمار :اوكي باي بيبي
و نزل سامي تحت عند امه
سامي : هلا يمه
ام سامي: وينك يا يمه كنت ابيك تروح لخالتك تجيب اغراض
سامي : سمي يمه
.......
نبعد شوي عن الاجواء الهاديه و نروح لزحمة الشغل
راكان : وين الملفات بسرعه تركي يبيهم
دخل تركي
تركي معصب : راكان من متى وانا اقول ابي الملفات
راكان: طيب الحين يجونك انت بس لا تعصب
دخل الموظف ومعه الملفات المطلوبه و كملوا شغلهم و بين فترات يبدا استهبال الاصحاب
وليد فتح الباب بقوه و دخل : شباب
راكان : وش تبغى ترانا مشغولين
وليد: شفتوا الصاروخ اللي كانت عند الباب
تركي: وانت ما تترك السوالف هذي مو فاضين لك انقلع برا مشغولين
راكان: ايه برا و خذني معك
تركي ناظره نظره تخوف : وين يالاخو
راكان : ياخي مليت بطلع اتنفس شوي
وليد: ايه يلا مشينا
تركي عصب و رجع يشتغل
........
~تركي: صاحب شركه كبيره ومهمه ، وسيم جدا لكن ما عنده شغل وليد بالمغازل ، عنده اختين اصغر منه و ابوه يعتمد عليه كثير ، عصبي واذا عصب ما يعرف امه من ابوه ، جرئ جدا ولا يهمه احد و اللي براسه يجيبه ، جسمه رياضي ، يحب اجواء برا و اللون الاسود صاحبه
راكان : يشتغل بشركة تركي لكن تركي معوده انهم زي بعض و يعتمد عليه في الشغل ، وسيم وجسمه رياضي زي تركي ، اصحاب من زمان و لهم شقه مع بعض يروحون لها كا تغير لاجواء الڤلا ، فيه من طبع وليد ،دمه خفيف و متا ما احتجته يكون موجود
وليد: يشتغل بالشركه لكنه ساحب بقوه ،العضو المضحك في الشله و لا يهمه احد ، وسيم و اهبل ، بس طبعا وقت الحاجه يقلب انسان ثاني
......
جالسه بهدوء تام تتصفح جوالها و تشرب الكوفي حقها شافت ساعتها و انتبهت انه البنات تاخرو دقت على لورا بس ما ردت عليها فا قررت تدور شوي و ترجع تكلمهم دخلت محل و ما عجبها شي و طلعت و دخلت محل ثاني و لقت فيه جينز حلو و اخذته و استمر الحال لكن ذوقها كان صعب ولانه ما عجبها شي و حست ببعض من الملل قررت تدخل محل اكسسوارات تاخذ لها كم من غرض و ترجع على البيت لانه البنات طولو دخلت المحل و عجبها اساور كثيره و راحت تحاسب العامل حق الحساب شافها حلوه و قام يستضرف عندها ما كان لها خلق للمشاكل فا سلكت له و هي طالعه خبطت بالغلط ببنت
ملاك: اسفه ياقلبي
: لا عادي انا ما كنت منتبه
ملاك : برضو حبيت اعتذر منك عزيزتي
البنت عجبها اسلوبها : مشكوره الا حبيت اسالك وين دورة المياه (وانتم بكرامه )
ملاك وصفت لها بس ما عرفت فا راحت معها تدلها
:اسفه ما عرفتك على نفسي انا سمر
ملاك: عاشت الاسمي انا ملاك
سمر : حلو اسمك بس جاني فضول تتمشين بالحالك بهذا الوقت ..
ملاك : كله من صاحباتي تركوني
سمر: مالهم حق الصراحه
و جلسو يسولفون و كانت سمر من البدايه ودها تتعرف على ملاك مو مشان دورة المياه و بعدها اخذو ارقام بعض و تواعدو انهم بيوم من الايام يجتمعون بعدها جاء وقت رجوع سمر
سمر: اسفه يا قلبي طولت عليك
ملاك : لا بالعكس استمتعت بوجودك و ان شاء الله نجتمع مره ثانيه
وراحت سمر و رجعت ملاك لحالها تدور و يوم ملت و حست انه خلاص مافي امل يجون صاحباتها قررت تروح و اتجهت للبوابه عشان ترجع للبيت
: وين رايح الحلو
ملاك تعودت على اللي زي كذا : لجهنم اسلم على اهلك
: اووف، تصدقين صوتك عذاب
ملاك: انا صوتي طبيعي زي اي انسان بس انت متعود على الجلسه مع الحمير
: اوكي ياحلو مو ناوي تعطيني رقمك ولا احنا نعطيك
ملاك ناظرته باستحقار : ما بقا الا ذي الاشكال بعد
: ليه ياحلو ما عجبناك
ملاك شافت انه مافي فايده معه فا راحت عنه بتطلع بس هو مسك يدها بسرعه انفجعت ملاك من الحركه اللي سوها و حطت يدها الثانيه عليه و بحركه سريعه لفتها على ورا و صار يتالم لانها شاده بقوه عليه ومو مخليته قادر يتحرك
ملاك : وين اللي كان مسوي نفسه رجال قبل شوي
انقهر منها بس ما قدر يرد لانه متالم بقوه وبعد فتره تركته و راحت و هو كان يتحسس يده من الالم اللي جاء منها اما بالنسبه لها فا علطول رجعت البيت و غيرت ملابسها و نامت بعد التعب اللي شافته بالمول
......
دانا : وانتي كذا من جدك على طول شفتي البنت و طلبتي رقمها
سمر: ايه وليش لا
دانا : ما ينفع بتقول وشو هذي ما عندها احد
سمر: لا عادي البنت مره طيوبه
دانا : ايه طيب نشوف
سمر: اتركينا منها الحين وشو صار على اختبارك
دانا : كويس لكن بكرا بتطلع الدرجه و ان شاء الله اجيب شي زين
سمر: شطوره اختي الصغيره
دانا: انا مو صغيره !
و كملو سواليف مع بعض لكن فجاء خالتهم طلبتهم و نزلوا تحت مستغربين من اللي يشوفونه شافو بنت مملوحه بس لبسها مره ضيق و مخلع و بعدها خالتهم عرفتهم عليها و كانت باينه ان الغرور فيها
ام اياد : حبيت اعرفكم على بنت صديقتي اسمها سجى
سجى : هاي قييرلز
سمر و دانا : اهلا
ام اياد : دانا حبيبتي شرايك تروحين مع سجى برا الحديقه و تورينها قطوتك
دانا : اوكي تعالى سجى
و طلعت دانا و سجى و بقا بالمجلس الكبير الفخم ام اياد و سمر
ام اياد: شرايك فيها يا بنتي
سمر : هي حلوه يا خاله بس شفتي ايش لابسه
ام اياد : عادي يا بنتي مافيها شي كل البنات يلبسون كذا
سمر: لا ياخاله مو الكل و غير كذا هذا الشي ما ينفع كيف امها ترضى تطلع بنتها عند الناس كذا و اذا جاء اخوي و شافها انتي بتاخذين اثمها ياخاله البنت مفصخه حيل و باين جسمها
ام اياد : بس يا بنتي انا جبتها معي و انا اعرفها البنت حلوه و تنفع لاخوك
سمر : انا صراحه ما عجبتني و انتي تعرفين رأي تركي بالموضوع
ام اياد: بس لو اصريتو عليه مو معيي و البنت كويسه و مو ناقصها شي جمال و دلال و رزه
سمر : والله انا مدري يا خالتي بقول لتركي لكن متاكده من رأيه
تركي دخل عليهم : متاكده من ايش ؟
ام اياد: جابك الله يا تركي
تركي: ليه وشو السالفه . .
سمر : خالتي ام اياد تقول ....
في حديقة البيت الواسعه و قريب من النافوره اللي مزينه البيت بجمالها كانو جالسين يسولفون
سجى : اقول لك شي عن جد واو ما تتخيلي
دانا و هي شوي و تنام من الملل : ايي ه حلو.
و جت قطوة دانا و جلست جنبها تلاعبها سجى اول ما شافت القطوه قامت بسرعه و راحت بعيد و صارخت
دانا : شفيك يا سجى
سجى وهي تصارخ : بعدي هذا الزباله عني
دانا : بس قطوتي مو زباله بالعكس مره نظيفه
سجى: وع وع وع او ماي قاد كيف عايشه مع هذا القرف
دانا : خلاص يا سجى لا تصارخين ببعده
في المجلس
تركي: كم مره اقول لكم لا
ام اياد: بس يا تركي
تركي قاطعها : خلاص يا خالتي الموضوع منتهي
وطلع برا للحديقه و علطول جت قطوة دانا له تلعب
سجى : افف فكه
و اول ما التفتت شافت تركي شايلها و يلعب معه و انجنت على شكله كان باين انه توه راجع من الشغل و تعبان بس لسا شكله خطير قربت له و مدت يدها
سجى : هيلوو انا سجى
تركي كان منشغل يلعب مع القطوه ولا انتبه الا بيد ممدوده و سمع صوتها و اول ما رفع راسه شافها و علطول لف لان شكلها بصراحه مو لايق لكنها استغربت من حركته و ما لقت حجه الا انها تلعب مع القطوه عشان تقدر تتقرب منها
سجى : واو القطوه مره تجنن ممكن تعطيني اياها
تركي عطاها و راح لدانا : مين هذي
دانا ميته ضحك و هي تشوف قطوتها تخربش سجى و باين انها مو طايقتها : هذي سجى اللي خالتي جايبتها
تركي: خليها تطلع برا و عطيها شال ولا شي
دانا : اوكك انت اطلع بس شكلها جايه لنا
تركي: ههه يعني اهرب
دانا : ههههههه بالضبظ
طلع تركي بسرعه من عندهم و دخل غرفته بدل ملابسه و نام بالنسبه لسجى اول ما شافته راح رمت القطوه و دخلت لام اياد و هناك اخذت تهزيه على اللبس حقها و طلعت مع ام اياد معصبه مره
سمر : تصدقين انها تحفه ههههههه
دانا: لو تشوفين وجه تركي و هو يهرب منها ههههه تقولين شايف له شيطان مو بنت
سمر:هههههههه مسكين اخوي
دانا دق جوالها و طلعت فوق غرفتها تكلم صاحبتها اما بالنسبه لسمر فا كانت جالسه تشوف التلفزيون
......
~ عائلة ابو تركي
امه متوفيه و ابوه غالبا ما يكون بالشغل
سمر: بثاني جامعه ، طيوبه مره و تتعرف على الكل، صديقاتها واجد يعني اجتماعيه مره ، تهتم باختها الاصغار منها و تعتبرها شي مهم لها مره ، جميله و تحب تطلع تتسوق كثير
دانا : باول ثانوي ، شكلها برئ لكن افكارها جهنميه زي لورا ، تشبه تركي شوي و تحب تجلس معه و هو بالمثل يجلس معها و يفهمون على بعض ، عندها قطوه تحبها اسمها لالي و بس شايلتها و تاخذها معها دايم ~
.......
لورا بعد ما قامت من النوم بكسل اخذت جوالها و شافت الساعه و بعدها راحت تصلي و غيرت البجامه وجلست على الصوفه تشوف جوالها و فجاء تذكرت ملاك انفجعت يوم لقت اتصالات كثيره منها و علطول دقت عليها اما بالنسبه لملاك فا كانت لسا نايمه و ما انتبهت لجوالها لكن لاصرار لورا وهي تدق تنبهت من النوم و ردت عليها بكسل
ملاك بصوت ناعس : الوو
لورا: قومي يالعجوز للحين نايمه
ملاك بكسل : اسكتي بس كله منك
لورا: هههه ايه صح اسفه
ملاك قامت من السرير : اوصص بس حسابك انتي بعدين يلا اصحصح و اكلمك
لورا : باي
قامت ملاك و راحت تغسل و تصلي و تتجهز و بعدها نزلت تحت و شافت امها اتجهت لها و سلمت عليها
ام فيصل : صباح الليل
ملاك: ههه صباح الليل مامي فيه اكل جوعانه
ام فيصل : ايه بالمطبخ و بعد ما تخلصين تعالي بكلمك
ملاك راحت للمطبخ عشان تاكل و بعدها غسلت و رجعت لامها
ام فيصل : اسمعي يا بنتي ابيك تتجهزين بكرا بنروح مزرعة عمك ولازم تكونين موجوده
ملاك: بس يا ماما ما احب اروح لحالي عادي اجيب لولي و شوشو
ام فيصل : ما يخالف بس لا تنسيين تستعدين و الحلى عليك هالمره
ملاك استانست لانه صديقاتها راح يكونو موجدات فا علطول وافقت ووعدتها باحلى حلى في الدنيا و بعدها راحت و دخلت للمجلس تكلم البنات اتصلت على لورا بس سديم ردت عليها
سديم : الووو
ملاك: لوووليي
سديم بطفوله : انا مو لولو انا ثديم
ملاك : اوووه اهلين سدومه كيفك
سديم: كويثه انتي قوليي ليا كيف فيثل
ملاك : ها -.- ايه فيصل كويس يسلم علي ك * فيصل في هذي اللحظه كان داخل و بسرعه سحب السماعه منها*
سديم : الوو * لورا شافت سديم تلعب بجوالها و سحبته *
فيصل : الوو
لورا: فيصل !
فيصل : لا جدي ، ايه فيصل بس ليش كنتي تسلمين علي
لورا: ايش ابي فيك سديم كنت تلعب
فيصل : اي اي حطيها فسديم
لورا انقهرت : اكييد سديم ولا انا وشو ابي فيك
فيصل يستهبل : لا تكونين المعجبه اللي تقولي عليها اختي ها اعترفي
لورا: بسم الله علي اخاوي جني. ولا اخاويك
فيصل صار يركض لانه ملاك ورا تحاول تاخذ الجوال : لا لورا حبيبي انتي بحالك جنيه تبين جني ثاني بعد
لورا: فصيييل اخلص و عطني ملوك
فيصل: افا وين المعجبه اللي توو
لورا : طير بس قال ايش قال معجبه
فيصل هرب بسرعه ودخل غرفته وقفل الباب : ها الحين عاد ملاك برا و انا بالغرفه لو ما اعترفتي ترا مو معطيها الجوال
لورا انقهرت: اخخ اكرهك !
فيصل : اييش ما سمعت شكلك ما تبين الجوال
لورا : لا لا لا خلاص انا معجبه و انتي احلا شي في الدنيا و انا اموت فيك يا فيصل بس اعطي ملاك الجوال
فيصل فقع ضحك : ويع وشو ابي فيك انا عاد ،من زينك يلا خذي صديقتك
لورا ماتت قهر لانه يلعب فيها: اففف منك يا فصيل
ملاك: اخيرا
لورا: كله منك انتي
سلمان : لورا !
لورا : لحظه ملاك ،،، هلا سلوم
سلمان : انتي ليه تقولين لفيثل انك تموتين فيه ؟؟
لورا انفجعت يوم سمعته : ايش! لالا حبيبي هذا شي ثاني
سلمان : ثديم اثمعي لولا تحب فيثل
سديم جت بسرعه يوم سمعت فيصل: لا لا هذا لي و بث
لورا: ياحووول ياخي ما احبه
ملاك: منوو ذا
لورا تركت الصغار و راحت للغرفه : اخوك جالس يتفلسف و ذول سمعوني
ملاك:ههههههه المهم سمعي
لورا : وشو
ملاك: بكرا جهزي حالك بنروح المزرعه
لورا: ها؟ -!
ملاك: بنروح و انا طلبتك تجين
لورا : بس انا ما اقدر بكرا ماما و انا بنطلع
ملاك: ايش ! يعني بروح مع شهد بس
لورا : سوري بس بكون معكم اربع و عشرين ساعه متى ما احتجتوني اتصلو
ملاك بزعل : طيب يلا باي اجل بروح الحق على شوشو
لورا : باي
راحت ملاك تكلم شهد و لورا راحت للصاله و شافت سلمان يلعب و جلست تشوف تلفزيون و بعدها جاء ابوها قامت و سلمت عليه و جلسو مع بعض
سلمان : بابا بابا
ابو سلمان : نعم يا بابا
سلمان : اليوم ثويت اثياء كثير بالمدرثه
ابو سلمان : صدق زي ايش
و كانو يسولفون و لورا اخذت الايباد و جلست تتصفح المواقع الى ان سمعت . . .
سلمان : و لولا تحب فيثل و تقول له اموت فيك وانتا احلى ثي
ابو سلمان : ايش ؟ ! و مين فيصل ذا !
لورا انجنت يوم سمعت سلمان يقول كذا بس مشتها من عندها كالعاده : لالا يا بابا انتا مو فاهم هو سمعني اكلم ملاك و هي كانت تقول لي انه فيصل اخوها يحب سديم و يقول يا ريت تجيبونها عندي بس لاني كنت اقول اللي تقوله ملاك حسبني اتكلم عن فيصل
ابو سلمان صدقها : اها اجل كذا
سلمان كان بيتكلم بس هي علطول سكرت فمه و قالت له شرايك نطلع فوق اعطيك حلاوه عشان تسكته و بعدها طلعت و عطته و هو صدق قصتها و راح يفرح سديم
.......
~ عائلة ابو فيصل
ابو فيصل :مشغول و يكون دايم برا المملكه
ام فيصل : غالبا مع عيالها و مالها الا هم ، طيب بالحيل و اهم شي عندها سعادتهم
فيصل : اخر سنه بالجامعه ، وسيم و كثير يستهبل ، دايم مع ملاك و يحبها مره ، عكس ملاك هو هادي لكن اذا ما صار اللي في باله يقلب علطول و بتتعرفون عليه زياده مع الروايه
~ بالنسبه لعائلة ابو سلمان : هو يفضل يترك الشغل للموظفين اكثر عشان يكون مع عائلته
ام سلمان : اهم شي سعادة عيالها حتى لو تظررت هي و تثق في بنتها لورا كثير
سديم و سلمان التوام : عمرهم اربع سنين ، سديم تحب فيصل مره و سلمان يحب يجلس مع صديقات لورا ، كيوت شكلهم مع بعض~
تعليق