الحلقة التاسعة عشر..


بالليل بأحلى لفنادق واحلى لقاعات الي كانت منتظمه بأحلى صوره بين لورود والشموع وابتدة لمعازيم بالحضور ومتألة لقاعه

ادخلت لعروس على نغمه هادئه جدا ورايقه والاضائه كانت مركزه عليها تمشي على لجسر بكل حيا ورقى تتمايل في مشيتها كل من وقعت النظر عليه صلى على النبي من جمالها تمشي بفستانها التركواز

الازرق الي كان لفه من عند الصدر ومن تحت الصدر فيه شريطه تحزمها عليه ومخصر عليها لحد لخصر وبعدها تجي النفشه بسيطه جدا وعلى لفستان ورود ذهبيه مزينه لفستان وبمسكتهالاروبيه.. وبتسريحة شعرها لمكسره ومكياجها الناعم كانت تمشي مثل لفراشه وصلت لكوشه واجلست فيها..

براء لقاعه اوقفة سياره وانفتح لباب بس مانزل الشخص منها..شافها وابتسم وترك لجماعه الي واقف يمها راح لعندها واهي نزلت وسكرة لباب..

ياسر..ساندرا ليه ماخبرتيني انك جايه كان اجيت وجبتك
ساندرا واهي تعدل لثمه..ماحبيت اخذك من خواتك الليله اهم احوج لك مني
ياسر..مافي احد ياخذك مني
ساندرا..تسمحلي اعبر ولا هذا ممنوع
ياسر فسح الطريق..ممنوع على لغير بس انتي لا
ساندرا واهي تمشي..تسلم حبيبي

بداخل لقاعه كانت مريم ماره الا بدخلت ساندرا..

مريم..ساندرا

ساندرا احضنت مريم وحبتها على خدها

مريم كانت تتألم من الضرب مع حضان ساندرا بس كانت كاتمه هشي

ساندرا..الف مبروك
مريم..الله يبارك فيك ولفال ان نفرح فيك

ساندار استانست انها دعوه من اخت حبيبها

ايه لمحت ساندرا من ابعيد وجات بغرورها..هذا انتي
ساندرا ماستقربت لانها تعودة على اسلوب ايه..اي انا

مريم خافت ان ايه تقول لها جابك زوجي اسحبت ساندرا ودخلتها داخل..

بفلة خالد

سندس توها طالعه من لمطبخ وبتصعد فوق الا اسمعت جرس لباب استقربت

سندس..مين جاي لعندنا..عمي عنده مفتاح وهم ساندرا خلينا نشوف.وافتحت لباب ولقت منصور
منصور..هلا حبيبتي الي فاتحه لباب لزوجها وتستقبله
سندس..انت شجابك
منصور..يلى لبسي عباتك وتعالي
سندس..انا مو طالعه من لبيت

سحبها من ايدها ولقى عباه على لكنب خذها وطلع ابها من لبيت..

بفلة خالد الثانيه

طلع من غرفته وهو يجر بالكرسي لين الصاله

الوليد..وين لبابا
متعب..لبابا مشى
الوليد..اوكي قوموا بدلوا ملابسكم وتعالوا
سعود..وين بتودينا
الوليد اتلفت اعصابه..انتوا بدلوا وبعدين بتعرفون
متعب وسعود..تمام..تمام..بس لا تعصب

بفلة خالد الولى

ساندرا..حبيبي بابا مانام
خالد..انتظرك تجين جالس بروحي
ساندرا..اجل وين سندس
خالد..سندس راحت مع منصور
ساندرا..متى
خالد..شفتهم بالشارع على تقاطع بيتنا وانا راد
ساندرا بداخلها..سويتها يامنصور

بفلة ام منصور

منصور فتح لغرفه ودخل سندس فيها..

منصور..من يوم ورايح راح تكون هذي غرفتك انتي ولبيبي لانك راح تشتغلي مربيه لولدي
سندس وادموعها على خدها..لا مو على كيفك تشغلني خادمه لك ولزوجتك
منصور وهو يشد شعرها..انتي الي حديتيني اسوي معاك كذا ولا كان سكتي اول ماعرفتي ولا علمتي ساندرا
سندس..انا اشلون انخدعت فيك وشلون صدقة كلامك وحبك لي اشلون بس
منصور وهو يمشي ويشيل لمفتاح من داخل ويحطه من براء..لان اعقولكم اصغيره وينقص عليكم بكلمتين..وقفل لباب

سندس اجلست بزاويا ولمت نفسها تحس برد بالغرفه وشلون ماتحس ولغرفه فاضيه مافيها اثاث حطت راسها على ركبتها..

بالشارع يم عماره لسكن

متعب..الوليد مين شقته هذي
الوليد..شقة سدره
سعود..وانت بالله عليك منيلك لعنوان
الوليد..دقيت على فارس وهو الي عطاني لعنوان
متعب..خفظوا روسكم في سياره جايه

اوقفت السياره يم باب الشقه ونزل منها رجال وبعدها مراء كانوا بدينهم اكيس كثيره..

احمد..عمري عطيني اشيلهم عنك

سدره بدلع بدون قصد سوت حركه قربت من احمد ماكانت تدري ان في شخص يراقبها ان اثناء ماعطته لكيس باسها وحضنها..

سدره..احمد احنا بالشارع
احمد..ماسوينا شي غلط يلى خلينا ندخل

بالسياره

التفتوا على اخوهم لقوا لدموع تارسه خده من لبكي

متعب..الوليد نحرك
الوليد..اي حرك

وارجعوا لبيت ودخلوا اخوهم غرفته وحطوه على السرير واطلعوا ماحبوا انهم يزدونها على اخوهم

الوليد..ماحسبت احساب ان بيجي ليوم الي بتكونين لغيري اهو الي يحضنك ويبوسك ويدلعك وينام بجنبك

هذا كان تفكيره مايدري ان سدره مازالت تحبه وتفكر فيه..

بشقة احمد

جالسه على طاولة الاكل تتناه ينزل ليفطرون مع بعض حطت ايدها على بطنها وحركة بأيدها واشردت اشوي بالوليد الي فكرها ميت هذا ظنها وظن لجميع..

سدره..الوليد انا احمل بداخلي طفل بس مو منك من شخص ثاني يحمل دمي بس مو دمك الي يحمله دم ثاني ولحم ثاني..الوليد لو كنت عايش وعرفت اني حامل بولدك او بنتك كيف بتكون فرحتك نفس فرحة احمد او ازيد منه..لا..لا..الوليد غير لو يدري كان سوا اكثر من الي سواه لي احمد

في بيت ناصر

واقفه بالمطبخ تسوي فطور كانت عامله فول واجلست على لكرسي تستنى ناصر وعبير ليفطرون مع بعض شافت اوراق خذتهم وبدة تمزق فيهم ماكانت تدري شنو فيهم هالاوراق دخل لمطبخ وشافها تمزق بأخر ورقه عصب وقرب منها وهفاء كف..

مريم..ليش ناصر
ناصر ماكتفه خذها وسحبها ورقع براسها لجدار وطاحت على الارض وبعد ماكتفه جلس يضربها برجله

ناصر..انا اسهر الليل لخلص الشغل وانتي تجين وتهدين شغلي
مريم بألمها ودمها الي ملئ لمكان..انا ماكنت ادري ان الاوراق لك وفيها شغل لك

ناصر انعمه على قلبه ماهتم لكلامها جلس يضرب ويضرب لا بمرة عبير صوب لمطبخ وشافت ناصر يضرب مريم ماهان عليها ماتساعدها وراحت لتبعد ناصر عن مريم بس ناصر سحبها ورمها وجلس يضرب فيهم هنتينهم..

بفلة بوتركي
عند فراس بالغرفه

اول مارفع راسه من لمخده خذ جواله ودق على قلبه يبي يكون اول شخص يصبح عليه..

في بيت ام ياسر

عند منيره الي كانت صاحيه قبل فراس بس ماقامت ظلت منسدحه على سريرها رن جوالها خذته وشافت لقلب يتصل ابك حست برعشه بجسها لان هذي اول مره راح تكلمه على جوال ضمته وبعدها ارفعته

منيره..الو
فراس..احبك
منيره ماردت
فراس..تدرين انك احلى شي حصلي
منيره....
فراس..منيره ابي اسمع صوتك ادري انك تستحين مني
منيره..فراس
فراس..يابعد طوايف فراس
منيره من كثر ماهي مستحيه ماعرفت شنو ترد على جملة فراس بس بالاخير قالت..اكلمك بعدين..ودة لخط
فراس..اشفيها هذي سدته
منيره..اشفيني انا لمفترض اكلمه طبيعي هذا صار زوجي ياربي انا وش ساويت ليكون زعل من طريقتي بسداد الخط

بفلة بونادر
بالظهر

كان جالس بالصاله وحاطه لاب تب بين ارجوله يتصفح في لمواقع زهقان يفكر انه يقطع اجازته ويداوم جات لعنده واجلست يمه..

هيا..حبيبي نادر

نادر كلش مو معاها عينه مارفعها من شاشة لاب تب

هيا ملت من سكوته معاها جات بتقوم الا

نادر..هيا
هيا..نعم حبيبي
نادر كان راسه يألمه وعيونه يحس فيها حراره مو قادر يركز على لاب تب..شوفي اعيوني
طالعة هيا في اعيونه مافيهم شي لا حمرا ولا شي ثاني..طبيعيه مافيها شي
نادر..ليه من اجلس على لاب تب كله اعيوني اتشخط ولا اشوف لحروف بوضوح
هيا..يمكن تحتاج لنظاره
نادر..انا ماكنت اشكي من اعيوني بس من فتره بسيطه حاس

هيا ابعدة عنه لاب تب ومسكته من ايده وقومته ومشت ابه لفوق نادر ماوده ان ينجمع معاها بمكان مافيه احد غيره وغيرها بس مجبور لانها بنهايه زوجته..

بفلة ام منصور

فتح باب لغرفه عليها شافها نايمه على الارض ولامه نفسها قرب منها ونادى عليها..

منصور..سندس
سندس فتحت عيونها واوقعة انظرها له..
منصور..قومي طلعي من لغرفه بيجون لعمال يركبون الاثاث

سندس قامت وطلعت من لغرفه ونزلت تحت وتبعها منصور لقت منتهى جالسه بالصاله مرة من يمها ولا عبرتها راحت صوب لباب افتحته ماشافته ينفتح معاها..

سندس..ليش لباب مقفول
منتهى..عشان ماطلعين من لبيت
سندس ماهتمت لكلام منتهى..عمتي..عمتي
منصور..أمي مو بالبيت أمي سافرة انا وانتي وحبيبتي منتهى
سندس ولدموع بعيونها..اذا تبي لفلوس اخذها انا مابيها ابي حريتي ابي ارد بيت عمي
منصور..ابيك تكوني مربيه لولدي لاني ماراح اثق بالخدم
سندس..هذي منتهى موجوده شلك فيني
منصور وهو يمد ايده وتحط منتهى ايدها وتقوم لعند منصور ومنصور حضنها وحط ايدينه على بطنها..منتهى لي انا مابي تنشغل عني وانتي بدال مايكون عندك وقت فراغ عيتك مهنه انك اديري بالك على ولدي

سندس انقهرة من اسلوب منصور لها ومن طريقته ودلعه لمنتهى واهي مالها شي من هالدلال اطلعت لغرفتها واهي تبكي..

بفلة خالد
بالليل

كانت جالسه بالحديقه تنتظر جيته لها حاطه عبايتها وشيلتها بحضنها لمحت السياره الي ادخلت لفله وقفت
واوقفت ولبست عبايتها وشيلتها وحطت لثمه عليها وراحت صوب السياره افتحتها ولقت ورد بنفسجي و
فوق لورد علبه صغيره وانيقه ابتسمت من تحت الثام وانتبه للأبتسامتها..

ساندرا..هذا لي
ياسر..اي لك ياقلبي

خذة ساندرا لورد وشمته ولعلبه بأيدها ماسكتها اجلست بالسياره وسكرة لباب وافتحت لعلبه وشافتها خاتم الماس ناعم مرصع بالكرستال..طلعته من لعلبه ولبسته..

ساندرا..مشكور حبيبي..هذي اول مره تنطقها
ياسر فرح من قلب بس ماحب انه يخجلها ويطلب منها انها تعيدها قال..تقطعينه بالعافيه

في بيت ام ياسر

عند منيره الي رتبت لمجلس ونظفته خلته يلمع وحطت على الطاوله لحلا وشاي ولقهوى ناظرة بنفسها بالمرايا الي في لمجلس عدلة شعرها ورتبت فستانها كانت لابسه فستان وردي قصيرلتحت الركبه بقصة

صدر وكلها شك واسيور ولفستان واسع ومكسر ولابسه كعب عالي انطق لباب راحة تشوفه فتحته وشافت فراس وشايل بين ادينه بكيه ورد وكيس صغير لونه ذهبي دخل وسكر لباب..

فراس وهو منزل راسه وحبها على خدها..السلام عليكم
منيره بخجل..وعليكم السلام

بالشارع

وقفت السياره يم فلة بوسديم اجلست ساندرا تناظر بالبيت وادموع اعيونها تنزل تذكرة اوقاتهم مع بعض شلون كانوا يقضونها مع بعض حط ايده على كتفها ولتفتت له..

ساندرا..مو قادره انزل
ياسر..اجل جلسي اهني وانا انزل اشوف
ساندرا مسحت ادموعها وحطت ايدها على ايد ياسر..الي بيجري عليك يجري علي داخل لبيت مافيني اخليك تروح لحالك
ياسر بأبتسامه ساحره..تخافين علي
ساندرا..اي اخاف عليك..يلى ننزل

نزلوا من السياره وادخلوا بمدخل لفله وضلوا واقفين يم لباب

في بيت ام ياسر

ماسكين ادين بعض اهو يمش قدامها واهي وراه وكل دقيقه يلتفت ويشوفها كيف تخبي خجلها منه اوصلوا عند باب الشارع ولف لها ورفع ايده ورفع راسها وابتسم بوجهها..

فراس..بخاطرك شي يالغاليه
منيره..بدي سلامتك
فراس خن براسه وباس خدها الناعم..تصبحين على خير
منيره..وانت مثله
فراس..مافيه شي ثاني
منيره اعرفة شو يبي منها لفته وافتحت لباب..يلى تفضل
فراس لف..خلاص مانبي منك بوسه بس عاد لا تشحتيني
منيره بنظره ترجي..فراس
فراس داخ من نظرتها..خلاص رايح الا هالنظره
منيره..هههههههههههههههههههههه
فراس وهو يشبك ادينه ابعض..ياي..ياي..ياي..تخليني ماطلع اللحين
منيره..لا..لا..بخبيها لك الضحكه للمره الجاي
فراس..هذي طرده
منيره..لاهذي مو طرده هذي بتكون ولهه للمره الجاي
فراس فتح لباب وقبل مايطلع..باي..وطلع وسكر لباب
منيره واهي حاطه ايدها على باب الشارع..احبه..احبه

بفلة بونادر
بغرفة نادر

كانت مجهزه نفسها لابسه بلوزه بلا اكتاف لونها بنفسجي وفيها شريطه على شكل ورده فوق الصدر مع تنوره سوده جلد اقصيره لحد الركبه افتحت شعرها وبعدها شغلت لشموع راحت لعنده اجلست يمه على

السرير لانها عارفه انه بيجلس لانها شافته مضبط ساعة الجوال على ساعه محدده بعد بكم دقيقه فتح عيونه وانبهر بلي جالسه يمه مد ايده وحطها على اذراعها وقربها ليمه صار وجهه بوجهها افرحت انها بتقضي لليله ولا اروع منها بس للأسف ماتهنت بهالليله الا رن الجواله وارفعه..

نادر..الو هلا محمود كيف وين خلاص انا جاي لعندك
هيا..لا تقول انك طالع
نادر وهو يقوم من السرير ويدخل لتواليت وقبل مايسكره..عذريني عندي مشوار مهم

قامت هيا من على السرير واهي تلعن بالي اتصل وخذ نادر منها.راحت ارفعت شعرها وطفت لشموع
كلها ولعت الليت..

اما عن نادر بالعكس اول ماطلع من لتواليت وهو فرحان ان الاتصال جاء في وقته ومنعه من شي اهو مايبيه يصير..

بفلة بوسديم

نرجع على فلة بوسديم لساتهم واقفين وماتحركوا من يم لباب..

ياسر..ساندرا اذا مو مستعده خلينا نرجع ونجي بكره
ساندرا وادموعها على خدها..لا بندخل احنا جاين جاين.بس بالاول ادق على لبابا لخبره ان احنا وين
ياسر..اوكي
ساندرا اضغطت على الزر وظل يرن ويرن ليمن خلص..مايرد
ياسر..اجل طرشيله مسج وكل لحالتين بيشوف لمسج وبيشوف الاتصال
ساندرا..تنصحني اعمل كذا
ياسر..اي

بعد ماكتبت ساندرا لمسج ودزته لابوها وادخلوا لبيت وياسر كان بالمقدمه وراه ساندرا كان لبيت اظلم بس اول ماشعلت الاناره استقربوا ان لبيت امرتب ولافيه ذرة غبار..

بالمطعم

فراس..جميله بمعنى الكلمه ولا شفت بحسنها وطيبه ولا خلق ربي مثلها مثيل..ولازال فراس يوصف في منيره من جلس مع محمد

اما عند محمد كان مقهور مضايق صاكه الدنيا فيه مو عارف شلي صاير فيه وليه يتصرف مع فراس هيك

فراس..محمد ماودك تقولي شي بعد لوصف الي وصفتلك فيه منيره
محمد واعيونه بدة اتحره من كثر ماجمع لدموع فيها ولا خلاها تنزل كل الي قدر يقوله..الله يهنيكم ابعض
فراس رفع ادينه يدعوا..مشكور ياخوي والله يبلغني اشوفك معرس وتكلمني عن خطيبتك وحبيبتك و تقر على راسي مثل ماقر على راسك

ابتسم محمد بوجه فراس ابتسامه ولا لها اي معنه خاليه من التعابير بس مجامله

بفلة بوسديم

ساندرا..وين بتكون كل لبيت دورنا فيه وماحصلناها
ياسر..مافيه غرفه معزوله بهالفله
ساندرا واهي رافعه صبعها..الا لملحق بتكون اكيد اهي فيه

ياسر مسك ايد ساندرا ومشى ابها للملحق

عند نادر

بسيارة نادر كان يمشي بسرعه جنونيه رن جواله شاف لمتصل هيا وارفعه..الو
هيا..ها حبيبي ماخلصة شغلك من ساعه وانت طالع
نادر وهو ماسك الدركسون بقوه وصرخ بوجهها..انتي نامي ولا نتنظريني
هيا..انت ليش تعاملني كذا ماكأني عاروس بشهر لعسل
نادر عصب..هيا انا مو فاضي لك..وسد لخط

بفلة خالد الثانيه

كان نايم لان اعياله طالعين براء لبيت وتوهم رادين فيه ادخلوا وشافوا ابوهم نايم على لكنبه خافوا ان يجلس ويعصب عليهم لانهم اطلعوا بدون مايدري اهو..

الوليد..لبابا نايم وان قعد والله لايغسل اشراعنا
متعب..اقول كل واحد يروح غرفته وينام ولوالد خلوه نايم ولاتصحونه
سعود..يلى نودي الوليد غرفته قبل

جروا كرسي اخوهم وبدوا يمشون الا صحى خالد..

خالد..توكم رادين

التفتوا ثلاثتهم ولا نطقوا بأي كلمه

خالد شاف فيهم لفرحه بهالطلعه وماحب انه ينزع عليهم هالفرحه..كان خبرتوني لأروح معاكم
الوليد..قلنا بتقول لنا ليه اطلعون

خالد خذ جواله يبي يشوف الساعه لقى عشر مكالمات ورساله وفتح الرساله وقراها واندهش بالي موجود فيها

متعب..بابا علامك منبهر
خالد..اختكم تقول انها لقت سديم في بيت عمكم وانا رايح اشوف
سعود..نجي معاك بابا
خالد..لا انتوا خلكم

الحلقة العشرون


بفلة بوسديم

ادخلوا لغرفه وافتحوا الليت شافوا بنت منسدحه على السرير ولافه نفسها للجهه الثانيه قربوا منها اجلسوا يمها على الارض

ساندرا بصوت مخفوظ..ياسر هذي سديم
ياسر ويشوف لفرحه مرسومه على وجهها..اي
ساندرا ارفعت ايدها وادموعها تنزل قربة ايدها وامسحت على شعرها..سديم حبيبتي

لفت براسها وكانت فاتحه عيونها ولا قالت شي..

ساندرا ولازالت ادموعها تسيل..سديم شوفيني انا ساندرا بنت عمك
سديم مدة ايدها في لهوا..ساندرا

ساندرا استقربت منها كيف ماده ايدها بالمكان لخطأ ولوحت ساندرا بأيدها قدام سديم ولاشافت اي رمش من عيونها..

سديم..وينك ساندرا
ساندرا فاقت من الصدمه..سديم انتي عميتي ولا انا اتواهم
ياسر الي حط ايده على كتف ساندرا..ماتتوهمين فعلا بنت عمك عمة

براء لفله اوقفت سياره ونزل صاحبها منها ودخل داخل لفله ودور فيها ليمن شاف نور بغرفه براء لفله وراح لها ودخل فيها..

نادر..سديم
سديم رن اصوت في أذنها..نادر
نادر..اخيرا لقيتك

راح لعندها وسحبها من على السرير وانسحبت معاه كانت ماده ايدها لساندرا وساندرا اوقفت ومسكت ايد بنت عمها واهي تشد فيها ونادر يشد فيها صارة سديم بالوسط امبينهم..

ساندرا..اتركها
نادر..ماراح اتركها راح اعلمها كيف تتركني

ياسر واقف ماقدر يسوي شي لانها بين بنت عم وزوج بنت عم مادخل نفسه..

اما نادر قدر انه يسحبها وساندرا طاحت على الارض ونادر طلع ابها بس سريع نهضت نسها من الارض ولحقته لبراء..

سديم..اتركني مع بنت عمي انت تزوجة خلني عندهم
نادر مايشوف قدامه..هذا بعدك اخليك عندهم
ساندرا..نادر الله يخليك خلها انت شلك فيها
نادر لف ولف سديم معاه ووجه كلامه لياسر..وانت اقولك وينها وانت تقولي ماندري عنها ماشفناها لحد اللحين وانت تدري وين مكانها
ياسر..والله ان ماندري اهي وين الا اللحين وجينا على طول
نادر..انت كذاب..كذاب..كلكم كذابين..وادموعه تسيل

توقفت سياره واعيونه كلها بالي واقفه يم نادر نزل وحضنها..

خالد..سديم حبيبت عمك وينك انتي

سديم الي اشتاقت لحضن عمها تمسكت فيه حيل كأنها فاقده شي ولقته..

بس نادر ماخلاهم عم يحضن بنت اخوه وماحترم الي قدامه سحب سديم من حضن عمها وركبها السياره وركب ومشى ابها لحقوه اهم وهم واقفين يم السياره ويترجون فيه بس مافيه فايده رجع على وراء ولف ومشى

خالد وهو واقف..سديم..وخر

ساندرا الي التفتت اهي وياسر وشافوا الي طايح على الارض وركضوا له..

ساندرا وادموعها تنزل حيل..بابا..بابا

بفلة ام منصور

تسمع اصواتهم بين الضحك ولتغشمر انقهرة قامت وسكرة لباب وسدة أذانها بس لازال الصوت يرن في أذنها بكت من حرقه الي بقلبها وافتحت لباب ونزلت تحت ماتبي تسمع اصواتهم الي مو قادره تكره حبيبها على الي يسوا فيها..

بفلة بونادر

بعد مانزلوا من السياره وادخلوا لبيت وكل الي جالس وقف من الي شافه قدامه..

ام نادر بأعلى صوتها..نادر مو قلتلك هذي ماتدخل لبيت انت ليه تبي تكسر كلامي
نادر..يمه
ام نادر..انا مو امك ان هذي اجلست اهني
اهني هيا توها تستوعب مين الي ماسكها نادر..يمه هذا مرته سديم مو
ام نادر..اي حبيبتي بس لاتخافين بيطلقها

نادر الي يطالع في امه جر سديم ومن عظم الجره ازلقت على السراميك وطاحت يم ارجول ام نادر..

نادر..هذي اهي تحت ارجولك اخذيها وحطيها بالغرفه الي كنت بعملها لها

ام نادر افرحة وشقة الابتسامه على وجهها وانزلة لمستوا سديم وامسكتها من شعرها وبدة تسحب فيها

سديم المها شعرها بس مافكرة بألم شعرها كان الالم في قلبها ماتوقعة من نادر كذا..

نادر الي يطالع كيف امه تجر سديم عوره قلبه اشوي بس قواه ولتفت على هيا..وانتي لحقيني

هيا الي طارة من لفرحه ان اهي بتكون الزوجه الاولى والاخيره بحياة نادر بعد الي شافته ليوم من نادر ومشت وراه..

بالمستشفى..

نروح للمستشفى لي وافقت دمعتها واهي تبكي على ابوها كانت جالسه على لكرسي يم غرفة لملحظات تراقب اوجيه الي يطلعون ويدخلون محد معطيه اي مبلاه مشغولين بالحاله الي عندهم..تقدم لعندها وهو حامل في ايده كاس ماء قربه لعندها واهي ناظرة بالكاس ولامدة ايدها..

ياسر وهو مو عارف كيف ايطلعها من حالتها..حبيبي شربي ماي والله راح يطلع ابوك منها صدقيني

ساندرا واهي تناظر في عيون ياسر وتقول في خاطرها..ياليتك زوجي اللحين كان حطيت راسي على
صدرك وبكيت وانت حضنتني لتواسيني

ياسر قرا كل الي كان يدور في بالها ورد عليها بنفس الاسلوب..وانا كنت اتمنى انك زوجتي لحضنك ولا اخاف من احد اذا كنت معاك

ساندرا..ياسر
ياسر..لبيه ياقلبي
ساندرا..اجلس لاتظل واقف
ياسر..بس بالاول تشربي لماي
ساندرا..مالي نفس
ياسر..على الاقل بلي ريقك ابه..ومد لكاس لها مره ثانيه

ساندرا خذة لكاس منه وقربته لشفايفها واشربت قليل وبعدته الا طلع الدكتور وطلعوا مع الدكتور ممرضاة واهم يجرون بالسرير

اهني ساندرا اوقفت ورمت لكاس..وين مودين لبابا
الدكتور..حالته حرجه ومعاه جلطه بنحطه بغرفة لعنايه

ساندرا ماتحملت سريع خرت على الارض تبكي ونزل ياسر لها وخذاها لحضنه الدافى واهي تصرخ وتم ايدها ليرجعون لها ابوها واهم يجرون فيه..

ساندرا..ياسر قول لهم يردون لي لبابا هذا عزوتي وكل اهلي ياسرحبيبي قول لهم يردونه
ياسر وهو يحضنها اكثر..ساندرا تماسكي اكثر ان شاءالله يرد ابوك احسن من قبل

ساندرا اغرست راسها في صدر ياسر اهو الامان لها بعد كل اهلها راحوا منها..

خذها ياسر وطلعها من لمستشفى ووداها للفله دخل ابها لفله وصعدها لغرفتها ورمت نفسها على السرير بدون ماتفصخ لعباه طلع من لغرفه وسكر لباب ونزل تحت فتح لباب ليطلع من لفله بس قلبه ماطاوعه سكر لباب وجلس على لكنبه وعينه على الدرج..

بنهار جديد راح نبتديه بفلة بونادر كان لكل جالس على لفطور يفطرون تقدمة لخادمه واهي شايله صنية الاكل وجات ابه يم ربت لبيت..

ام نادر..وديه لها حطيه يم لباب وتسكرين لباب
الخادمه..حاضر مدام

نادر وقف وخذ الصنيه وحطها على الطاوله واشر بعينه على لخادمه انها تروح وهو جلس بمكانه يكمل اكله

بونادر..ليه عملة كذا انت بتوديه

اهني هيا خافت ان صج بيوديه ويجلس معاها وينساها..

نادر وهو يبلع لقمه..لا
بونادر..ليه ماخليت لخادمه اهي توديه
نادر..لان ماراح تاكل شي بالثلاثة الايام الاولى غير لماي بيدخل عليها فقط لا غير
بونادر ماعجبه كلام ولده قام من على الطاوله وهو يقول له..ماهقيتك ياولدي قاسي

بالغرفه الي فيها سديم كانت تمشي تتحس لجداران ادور على النافذه لتفتحها بحكم انها عميه واخيرا لقتها افتحتها ودخلت اشعة الشمس للغرفه ودخل لهوا فيها كانت صافيه اشعة الشمس الا انفتح لباب واصقعة

الشمس بعيونه وسكر عيونه وبعدها فتحها وراح وتل سديم من يم النافذه ورماها على الارض وسكر النافذه وحط كأس لماي يمها

نادر..هذا لماي يمك شربيه

سديم حركة ادينها على الارض لتتحسس وين لماي لانها عطشانه ومالقته..

اما نادر الي مالاحظ عليها شي طلع من لغرفه وتركها لحالها اقدرة انها تحس بالماي بس فترةماتحسسته اكثر طاح لكاس وانكب لماي منه..

بشقة احمد
الظهر

ردة لبيت واهي مضايقه على سندس بعد لحال الي شافته ليوم في بيت امها..افصخت الشحاطه واستغربت ان لليت بالمطبخ شغال قربت من لمطبخ وشمة رائحه مميزه اعرفة ان احمد رد لبيت

واوقعة نظرها على الطاوله الي فيها الاكل محطوط شكله كان حلوا وشهي لفت نفسها بتروح تشوف احمد وينه الا شافته بوجههها..

سدره..احمد
احمد..هلا حبيبتي

ومسكها من ايدها ومشى ابها وسحب لكرسي وجلسها فيه وحط لها الاكل بالصحن وراح اهو وجلس على لكرسي حقه..

سدره شافت الاكل بالصحن وبكت..

احمد..افى ليش لبكي اللحين
سدره..انا ماقدر على حنانك
احمد قام وراح يمها وجلس على الارض ولف راسها بأيده ومسح ادموعها..افى انا رديت لبيت بدري قلت اسوي غدا لذيذ لحبيبتي واعيوني وبنجلس جلسه رومنسيى وانتي تبكين وتخربين لغدا خلاص زعلاة انا..ولف وجههه
سدره اضحكة ضحكه جانبيه..حاضر حبيبي راح اوقف لبكي
وقف احمد وباسها على راسها..عفيه حبيبتي

في بيت ناصر
بعد الظهر

اطلعة من غرفتها واهي تجر في نفسها تبكي تبي احبوب يسكن الالم الي في جسمها مرة بالصاله وكان جالس بالارض وحاط الاوراق على الارض ويمه كوب شاي..

ناصر..من امس ماشفتك
مريم بنظره بارده..نسيت الي سويته فيني
ناصر..يلى روحي عني وبلا هذره

مشت مريم واهي مانتبهت كزة برجلها لكوب وانكب على الاوراق..

ناصر..انتي شنوا عملتي
مريم خافت ان اصر يسوي لها شي..والله ماكان قصدي
ناصر قام من على الارض ومشك شعر مريم..قصدك ولا مو قصدك راح اعلمك
مريم بترجي..ناصر تكفى مافيني حيل على الضرب

بس ناصر ماكان يشوف شي قدامه جلس يضرب فيها سنه بساعه وهو مو حاس شنو صار تحته اما عبير كانت اتشوف من ابعيد ماقربت منها الا من بعد مابعد ناصر عنها وطلع جات لعندها..

عبير..مريم..مريم..حبيبتي فتحي عيونك
مريم..عبير اتصلي على اخوي ياسر
عبير.ان شاءالله..وقامت عنها

بالمستشفى

بالعنايه لمركزه كانوا جالسين عند ابوهم يبكون على حالة ابوهم..

الوليد..بابا شلي جره لك ورماك هالرميه..قوم انت املنا بهالدنيا انا مافيني اشيل لحمل انا عاجز

متعب الي مو عارف يواسي نفسه او يواسي اخوانه الي يشوفهم يبكون عند ابوهم..

سعود..بابا الله يخليك فتح عيونك شوفنا كلنا حواليك
متعب قرب منهم وحط ايده ليمين على الوليد وايده ليسار على سعود..الوليد سعود مايجوز كذا انتوا ادعوا ان الله يقومه لنا بالسلامه مايجوز نقنط من رحمة الله
الوليد وهو يمسح دموعه..ونعمه بالله

بمدخل لمستشفى دخلت اهي وياسر متجهين صوب لعنايه لمركزه الا رن جوال ياسر توقف وتوقفت معاه..

ياسر..الو مين معاي..كيف انا جاي اللحين..وسكر منها
ساندرا..ياسر علامك
ياسر..ساندرا عذريني لازم اروح عند اختي..اختي تعبانه
ساندرا..روح وطمني عليها

راح ياسر عنها واهي اتجهت صوب لغرفه شافت ثلاثه طالعين من لغرفه وشبهت عليهم بس سريع مامحت هشي من راسها وادخلت واهم ظلوا واقفين يطالعون فيها..

بالسوق

في احد محلات لكبيره ولفخمه كانوا يتمشون يجهزون لشقتهم ادخلوا محل الاثاث وبدوا يطالعون بالي موجود..

فراس..حبيبتي اشرايك بالكميدينه هذي
منيره اعجبتها حيل وخصوصا صايره من اطراز لمغربي..واي حلوا حيل

ومشوا اشوي وشافوا كنب معروض اجلست منيره عليه وجلس فراس جنبها وقرب منها حيل..

فراس واعيونه عليها..مريح مو حبيبي

منيره انحرجة اكثير وخصوصا انهم بمكان عام ابعدة عنه وهو قرب منها اكثر..

منيره..فراس مو وقت هالحركات
فراس..كيفي

كان فيه شخص يراقبهم من ابعيد ويعصر من داخله على لمنظر الي يشوفه..

بالمستشفى

اطلعت من غرفة ابوها ومشت ومشوا وراها اخوانها راحت لدور على ياسر اذا جاء او لا انتبهت لبنت عمها

ساندرا..سندس

سندس الي كانت جالسه فزة من مكانها وراحت لبنت عمها واحضنوا بعض..

ساندرا..شخبارك سندس انتي بخير
سندس..اي انا بخير

وبعدو عن بعض وخلوا لعيون اهي الي تشوف حال بعض

سندس..انتي شجايبك لمستشفى
ساندرا رمت نفسها بحضن سندس وبكت..لبابا طاح علينا
سندس تمسح عليها ومتفاجئه..واشفيه عمي
ساندرا..لقينا سديم في بيت عمي وبالوقت الي احنا داخل جاء نادر وخذاها منا من لبيت واحنا واقفين معاه براء نترجاه ان يتركها لبابا جاء وحضن سديم ونادر خذها من حضن لبابا ولبابا طاح..وزادة بكي وخرت بين ادين بنت عمها منهاره

سندس اجلست ابها على الارض واهم حاضنين بعض كل الي يمر يمهم يتحسر عليهم يفكرون ان ميت عليهم احد على لبكي الي اهم يبكون بس ماخلاهم كذا قطع عليهم سحب سندس من حضن ساندرا

وساندرا لساتها شابكه ايدها بأيد سندس..واتحركت غيرة متعب على اخته وبنت عمه خطى خطوه ليروح ويساعدهم الا مسك الوليد ومنعه

متعب..الوليد
الوليد..مالك حق تروح
متعب..هذي اختي وبنت عمي
الوليد..بالاوراق هذي اختك وبنت عمك بس بالواقع يقول انك ميت وانت اللحين غريب
متعب..ولحل
الوليد..انك توقف وتتفرج

عند منصور

منصور..يلى تعالي بنروح لبيت
سندس..مابي اروح ابي اتم مع ساندرا
منصور..مافيه
ساندرا واهي تتمسك في سندس اكثر وتبكي..منصور خل بنت عمي تجي معاي

منصور دز ساندرا وتحرك متعب وطاحت بحضن اخوها لقفها اما سندس سحبها منصور ومشى ابها وكل وحده ماده ايدها لثانيه..

ساندرا..سندس
سندس..ساندرا

انتبهت انها بحضن رجال لفت نفسها لتقوم بس شافت وجهه وهو يحاول انه يخبي وجهه عنها..

ساندرا..متعب اخوي
متعب قام عنها..لا..ومشى ومشى وراها الوليد وسعود
وطلعت ساندرا وراهم واهي تركض..متعب..متعب

متعب كان يلتفت وراه ويشوف ساندرا كيف تناديه وتبكي وتجلس على الارض وتناديه بأسمه

ساندرا..متعب ياخوي..وارتفع صوتها وكل الي مروا فكروها مجنونه

بفلة ام منصور

رد منصور ومعاه سندس دخلها لغرفه بعد ماتجهزة من الاثاث وكل احتيجات الطفل

منصور..انتي راح تجلسين اهني وانا رايح اطمن على منتهى ولبيبي..وقفل لباب وراه
سندس راحت وحاولة تفتح لباب..منصور افتح لباب انا مليت من لحبسه منصور

بالمستشفى

ياسر..شنو معاها اختي
الدكتور..لازم نبلغ الشرطه هذي ماكله ضرب
ياسر..لا انت غلطان يادكتور عمر اختي مانضربت
الدكتور بعصبيه..انت بتعلمني شقلي..ادخل وسأل اختك مين ضاربها

ياسر دخل على مريم..مريم علميني مين الي اضربك

مريم اطالع في ياسر وتبكي

ياسر..مو وقت لبكي علميني مين
مريم انطقت..ن ن ن ناصر
ياسر..وليش يضربك ومن متى
مريم..من تزوج

بفلة بونادر..

دخل عليها بالليل ولقاها نايمه كان حامل بين ادينه كوبايت ماي بارد قرب منها وسكب لماي على وجهها وانتغزت..

سديم..بسم الله ليه اعملتي كذا خالتي
نادر وهو يجلس على اطراف اصابعه..انا مو خالتك
سديم..نادر
نادر..اي..شلون شايفه النوم بالغرفه
سديم تبي تقهره..نومه مريحه اكفايه انها غرفة حبيبي يابختي انا
نادر..تطنزين حضرتك
سديم..لا اطنز ولا شي
نادر انقهر منها حيل..انتي ماتحسين ماعندك احساس
سديم اعرفت انه انقهر..لا لحساس مات عندي

نادر قام وقف وسحب ايد سديم وحط ايدها على الطاوله ورفع لمطرقه الي على الطاوله وضرب فيها ايد
سديم..سديم بكت بس بصمت ماطلعت اي صوت

نادر..يألم مو يلى طلعي صوتك انك متألمه
سديم صرخت..ماني مطلعه صوت
نادر..لا تفكرين انا مستانس بلي اسويه فيك بس من حرقه لي في قلبي
سديم..عارفه وانا راضيه بالي تسويه فيني

كانت ماره ام نادر وشافت نادر كيف يعامل سديم افرحت من قلب ماقلت عندي بنت ومتزوجه يجي يوم ويسوي له مثل مايسوي نادر في سديم الا كل الي سوته ابتسمت ومشت..

هيا الي تصعد الدرج وتسمع اصراخ سديم مع نادر عورها قلبها على سديم ادخلت وابعدة نادر عنها..

هيا..انت مجنون
نادر..طلعي ولا لك شغل
هيا..ماني طالعه الا وانت معاي كفايه لمعامله الزفته الي انت تعاملها فيها مايصير على الاقل احتم الايام الي عشتها معاها
نادر..ياليت هالايام ماعشتها معاها ولا شفتها بحياتي
سديم..هيا طلعي وخليه يسوي الي يبيه
هيا..ماني طالعه الا معاه

نادر سحب هيا وطلع معاها وقفل لباب..


بفلة خالد

بعد مارجع ابها ياسر واهي طول اطريق دمعتها مانشفت ومو عارف شنو الي بكاها

ياسر..ساندرا ليش كنتي جالسه براء وتبكي ابوك صار له شي

ساندرا هزة براسها بمعنى لا..

ياسر..اجل ليه تبكين

ساندرا وادموعها تنزل واطالع في ياسر

في بيت ام ياسر

ايه جالسه على اعصابها كل مادقت على ياسر مايرفعه..

ام ياسر..يمه يابنتي بسك وانتي تدقين راح يجي لبيت

ايه قامت ومشت عن ام ياسر راحت غرفتها ودقت على عهود..

ايه..عهود
عهود..نعم
ايه..ابيك من بكره تراقبين ياسر لي واتشوفينه مين يقابل ومن معاه يقضي وقته كله
عهود..ليش
ايه..بعدين اقولك انتي سوي الي قلتلك اياه
عهود..كم يوم تبيني ارقبه واردلك خبر
ايه..عند ك اسبوع

الحلقة الواحدة والعشرون..


في بيت بومحمد

كان بغرفته يبكي كل ماتذكر ان زواج حبيبته وصديقه قرب ينهار حيل بالبكي مو عارف يتخلص من هالحب الي سيطر على قلبه وكيانه دخلت عليه اخته وشافته يبكي وهو منسدح على السرير ومعطيها ظهره راحت لعنده ولفته وتنهدة على حال اخوها..

محمد..زينب قوليلي كيف اتخلص من هالحب
زينب الي اجلست على السرير يم اخوها..انك تحكم عقلك وتدوس على قلبك وتمنع هالحب
محمد مسك ايد اخته ونهض نفسه وحط راسه على ادين اخته..ليه حظي بهالدنيا قليل كل ماحبيت وحده تروح مني..مي بنت خالتي حبيتها حب جنوني وخذها مني ولد خالي ومنيره راحت مثل غيرها
زينب تمسح على شعره..انت كنت تعرف ان فراس يبي منيره صديقة اخته
محمد..كله منه اهو السبب اهو الي زينها لي من كثر ماكان يتكلم عنها حبيتها بدون ماحس..ويبكي
زينب ارفعت راس اخوها ومسحت ادموعه..بس تأكد ان الصداقه اهم من لحب لا تخلي لحب يعميك ويخليك تضر صديقك
محمد..انا مو مجنون لأعمل في صاحبي كذا..سعادة فراس ومنيره اهم من سعاتي انا
زينب ادمعة عينها وحبة محمد في جبينه..هذا اخوي

بفلة ام منصور

سندس..طمنيني عنك وعن احمد
سدره..بخير
سندس..وشفيك تقولينها بدون نفس
سدره..لاني احس ظلمت احمد معاي
سندس..شلون يعني
سدره..لان قلبي لساته مع الوليد رغم حنان وعطف احمد لي وحبه لكبير لي ويجيبلي الشي اول ما اقول اني اريده..الا هالقلب مو جاي ينسه ويحب
سندس..على الاقل انتي عارفه ان احمد يحبك مو مثلي انا يدخل علي حده يبي افلوس مني او كلش يسأل اذا قصي محتاج شي او جايب مستلزماته
سدره..ماعليه بكره بيتغير وبيعرف قيمتك..انتي اللحين شايله لبيت بطلباته منصوب وحايفه ولده حيف مو اهي من سفره لسفره
سندس..وانتي متى قالوا لك راح تولدين
سدره حطت ايدها على بطنها..بنهاية الشهر
سندس..الله يقومك بالسلامه
سدره..بس من اللحين راح تساعديني في تربيته
سندس..هههههههههههههههههه
سدره واهي تشد خد سندس..اي هذي الضحكه الي خاشتها عنا
سندس..لهينا بالسوالف وماسألتك شنو تحبين تشربين
سدره..انا مابي اشرب ابي اكل جعت

بالمستشفى

كانت تمشي بكل فخر وعز حامله بكيه ورد ومتجهه للغرفه شافها من ابعيد وفز قلبه لها حبها خلال لخمس لشهور الي ترددة للمستشفى وقرب منها..

فهد..انسه ساندرا
ساندرا..نعم
فهد..ممكن تتفضلي معاي على لمكتب
ساندرا..ليه اتفضل معاك ومن تكون
فهد..انا دكتور لوالد ممكن اللحين
ساندرا..حسنا
فهد..تفضلي قدامي
ساندرا استنكرة هشي..ليه مو وراك
فهد..انسه ساندرا
ساندرا..خلاص

ومشت قدامه وكل عيونه عليها يبي يحفظ طريقة مشيتها وكل اشوي تلتفت له تقول وين الف ليمن وصلوا داخل لمكتب وجلسوا فيه..

فهد..انا كنت ابي اتكلم مع اخوك بس ماشفته جا معاك
ساندرا..اخوي انا ماعندي اخو
فهد..اجل مين يجي معاك كل يوم مو اخوك..وخاف انه يطلع زوجها
ساندرا..هذا مو اخوي
فهد يبي يتأكد اكثر..اجل مين يكون
ساندرا ماحبت انها تقول شنو وظيفته الاساسيه حبت ترفع من شأنه..هذا يشتغل معاي واضراعي اليمين وح..وسكتت
فهد ارتاح..اجل سمعي لوالد صحى ونقلناه لغرفته لخاصه
ساندرا قامت من لكرسي واهي طايره فرح..والله بأي غرفه انا رايحه..ومشت وافتحت لباب بس
فهد..بس لازم تعرفي شي ثاني
ساندرا التفتت..الا اهو
فهد ماحب انه يضيق خلقها بعد لفرحه الي شافها..لوالد انشل ونطقه بالكلام راح يكون صعب اشوي
ساندرا بعد لفرحه تحولة لدموع..ياقلبي..وبعدها تحولة الى قوه..مو مهم لمهم لبابا قام بخير..يلى قوم ودني

فهد قام وطلعوا وحب دلعها ومشوا ليمن اوقفوا يم لغرفه فتحها لها ودخلت فيها وسكر لباب وتمنى ان الي في باله يصير..

عند باب المحكمه..

ياسر..هذا احسنلك ولمصلحتك
مريم..انا ماكنت اتمنى الطلاق بس انتوا اجبرتوني
ياسر حط ايده على اذراع مريم..يامريم ياختي راح تكرهين هشي انك مطلقه بس هذا لمصلحتك هالمره الله ستر وصار مجرد كدمات لمره لجايه مايندره شنو يكون وحياتك مع ناصر مستحيل انها تتصلح حتى لو قلتي راح اصبر عليه

مريم اقتنعة بكلام اخوها..

بفلة بونادر
بغرفة سديم

دخلت لخادمه على سديم بعد ماخلصت شغل شايله صنيه فيها قطعتين توست ممسوح فيها جبن مع كاس عصير حطتهم يم سديم وطلعت وكان نادر واقف يشوف وبعدها انقفل لباب..ولوحت سديم بأدينها ليمن

اوصلت لصنيه تلمست الي موجود فيها واقطعت قطعه صغيره وكلتها واشربت اشوي من لعصير لتبلل ريقها الناشف..

بغرفة نادر

دخل غرفته وشم فيها ريحة عطر جوا عرف ان هيا مسوي له جوا رومنسي..اطلعت هيا من لغرفه واهي مثل لعروس ببلوزتها بكتف واحد لفيروزيه مع تنورتها لقصيره لبيضه وبالميك اب خفيف مطلع

انوثتها وبارز جمالها مشت لعنده وامسكت ايده وسحبته لغرفة النوم اشلحت لجاكيت الي لابسه وجلسته على السرير واجلست جنبه بدة اداعب نادر بالحركات اما نادر كان فكره مع سديم..

نادر..كل الي يفصلني عن سديم خطوات قليله ليه انا جالس مع هيا ليه ماروح حق حبيبتي الي انا ادور عليها ليه انا جالس اهني مو مع سديم

اما هيا اي كان فكرها ان نادر معاها ومبسوط على لحركات الي تسويها له ليمن وقف نادر ومشى..

هيا..حبيبي وين
نادر بدون مايلف..تذكرة ان عندي شغل..ومشى

اهني هيا انقهرة اعرفت وين بيروح لانها متأكده شو ماسوت ماراح تخلي نادر يحبها..

اما نادر وصل على غرفة سديم فتحها وقفلها عليهم ظل واقف اما سديم اعرفة مين الي دخل عليها...

بفلة ام منصور

الساعه الحاديه عشر كان نايم وبحضنه منتهى نايمه..نايم مو حاس ان في وحده معاهم بالبيت تتألم على لوضع الي اهي فيه بعد مانيمت قصي بعد عذاب من لبكي أخيرا طفت الاناره وطلعت من لغرفه

تمشي بالممرات بهدوا وبدون حس ليمن افتحت باب لغرفه ادخلت فيها راحت على لجيهه الي ينام فيها مدة ايدها وتحسست وجهه الناعم والي اشتاقت له وكل ماتمرر ايدها ادموعها تسبقها وتنزل اهو حس ان

في احد حط ايده عليه بس ظل مغمض ليمن ابعدة ايدها وابعدة نفسها فتح عيونه ليشوف مين هذي ليمن طاحت عينه على الي قاعده على لكرسي وتبكي بصمت وانين..

بغرفة سدره

كانت تسمع صوت قصي يبكي راحت لعنده شافت لغرفه فاضيه خذة قصي وسكتته ونيمته ورجعته على سريره اطلعت من لغرفه وشافت ان غرفة اخوها مفتوحه استغربت وراحت شافت سندس جالسه تبكي راحت لعندها وحطت ايدها على راسها ولتفتت وادموعها على خدها..

سندس..اشتقت له
سدره حضنتها..سندس تعوذي من ابليس وقومي لا يجلسون ويشفونك جالسه
سندس..لاني احبه انا اهني

ارفعتها سدره من لكرسي واطلعت ابها وسكرة لباب فتح عيونه ولا رق له عين الا احتقر تصرفها معاه
ماحن على الانسانه الي عطته كل الي يتمناه..

بفلة بونادر
بغرفة سديم

سديم..نادر اشجابك لعندي مو لمفروض تكون مع زوجتك

نادر قرب منها مسك ايدها وقومها لصق راسها في لجدار وضغط بأيده على راسها واهي تتألم..

نادر..تألمتي

سديم اكتمت بداخلها الالم ولبكي ولا تكلمت

نادر..تألمي مثل مانا تألمت ذوقي من لكاس الي ذوقتيني منه طالعي بالغرفه شفتي هالغرفه كانت بتكون مملكتنا اول مايتسكر لباب راح تكون لنا حياتنا..جرها ولسات وجها على لجدار..بس هذي لغرفه ماراح تكون مملكتك من ليوم ورايح راح تكون جحيمك ونارك
سديم حست ان وجهها تشوه من الشموخ الي صار فيه..نادر بعد ايدك عن راسي انا اتألم
نادر بعدها وحط وجهها اقبال لمرايا..شوفي وجهك بالمرايا كيف راح لجمال بشوية خدوش عليه طالعيه

سديم ظلت تمسح بأيدها الدم من خدها وتبكي..

نادر..قوليلي ليه تخليتي عني
سديم اصرخت بوجهه..لاني احبك
نادر..كذابه انتي ماتحبيني
سديم..لو ماحبك ماكان بعدة عنك
نادر..لا تنطقين كلمة احبك
سديم بين ادموعها..ليه جاي لعندي روح لها طبطب عليها حط راسك على صدرها وقول لها انا احبك مو زوجتك احق مني بهالكلام يلى روح عن غرفتي
نادر مسك حنك سديم..اي احبها لانها اجمل منك وانعم منك واظرف منك فيها كل لموصفات الي يتمناها الشخص في حياته
سديم..اجل روح لها

نادر طلع من لغرفه بعد صراع من الالم ولحسره ماعرف يكذب اكثر من كذا..

اما هيا اسمعت لحكي وفرحة وقبل مايوصل نادر لغرفه سكرة لباب بشويش وراحت وحطت راسها على لمخده لتنام..

ودخل نادر لغرفه وانسدح يمها بعد نوبه من لبكي نام..

بالمستشفى
الصباح

دخلت على ابوها مع ياسر شافت لممرضه عند ابوها توها تعطيه الاكل شافت كل لغرفه ممتلئه من لورود شدها نظرها على ورده من لورود كان استايلها غير راحت يمها ورورة فيها بس مالقت كرت
اتركتها وراحت عن ابوها بعد ماخلصت لممرضه وطلعت لمت ابوها حيل..

ساندرا..بابا خبرني الدكتور انك بكره بتطلع من لمستشفى
خالد بداخله..انا لازم اقول لها
ساندرا..بابا
خالد بصعوبه قدر انه ينطق بهالكلمات..ساندرا قربي بقولك كلام

ساندرا قربت من ابوها وحطت أذنها اقريبه من فم ابوها عشان تسمعه..

اهني ياسر حس ان لموضوع هام وخاص حب انه ينسحب من يمهم..

ياسر..انا انتظرك براء

خالد لف براسه وناظر في ياسر وياسر فهم عليه وجلس ورجع انظره..

بفلة بونادر

الخادمه..مدام انا شنو ليوم اودي لمدام سديم
ام نادر..هذا نادر يمك سأليه
نادر وعينه على صحنه..من ليوم ورايح مادخلون عليها اي شي
الخادمه..حتى ماء
نادر..حتى النفس اذا تقدرين تمنعينه منها منعيه

بفلة ام منصور
بغرفة قصي

سندس..ياحلوك ياقصي بس حبيبي لا تبكي بردة اللحين البسك وادفيك بس بالاول اسكر لحفاظه

منصور واقف يم باب لغرفه حب حنان سندس على ولده الي ماشاف منتهى شايلته كثر سندس..مشى كم خطوه نحوا سندس وقف وراها تم واقف ولا تكلم لفت سندس واهي حاطه قصي بحضنها..اهني
سندس ابتسمت تمنت ان منصور راح يعتذر منها ويردون مثل قبل بس خاب ضنها..

منصور..ابي منك فلوس
سندس واهي تمشي تحط لفوطه مكانها..ماعندي
منصور راح لها ولفها عليه..لا تكذبين علي
سندس..مو انت مانعني اني اداوم بالشريكه منيلي انا لفلوس
منصور..من احساب اخوك علي
سندس..لا هذا لاخوي انا وساندرا متفقين ان نسوي له اعمال ابها
منصور..بتعطيني والا شلون

سندس اعرفت اذا شدة بالكلام معاه ماراح توصل معاه نتيجه طلعت من الدرج دفتر شيكاتها واكتبت فيه ومدته له..

سندس..هذا كل الي بحسابي لا تجي وتطلب مني
منصور..وقت مابي راح اجي

بالمستشفى

ساندرا بفرحه..سمعت ياسر شو قال بابا
ياسر..اي سمعت..فرح لفرحها
ساندرا..بابا ماراح تضايق اذا رحت لعندهم

خالد لف براسه يمين ويسار يعني لا..

بالمستشفى ثاني
بالكفتيريا

مصعب..طمني شقالك الدكتور
نادر..طلب مني اقص نظاره للقراءه..استقربت من اطلبه انا ماعمري اشتكيت من انظري ولا في احد من اهلي يلبس
مصعب..لا انت اخر واحد يلبس ولا اول واحد في اكثير يلبسون

بفلة خالد الثانيه

ردو لبيت بعد ماتطمنوا على ابوهم ماخبرهم ان اختهم اعرفت عنهم..

متعب..الانوار مشغله
الوليد وهو يمشي بالعكاز..تحصل لخدامه شغلتهم مو شي جديد
سعود..مابقيت الا لخادمه اتشغلهم هذي 24ساعه مقابله التلفزيون على الافلام لهنديه

قربوا ثلاثتهم على الصاله شافوا الاكل محطوط على الطاوله فكروا روحهم يحلمون كل واحد يطالع بالثاني...

الوليد..لا..لا..في شي صاير في بيتنا ليوم
متعب..جلسوا ناكل هذا اكل بيت مو مطاعم لوعد الي بيجي ويحاسبنا

كانت تراقبهم وادموعها على خدها مو مصدقه ان بعد اربع سنوات تلتقي ابهم ماتحملت انها تشوفهم من ابعيد اطلعت لهم وهم ماحسوا عليها الا بالصوتها..

ساندرا..عليكم بالعافيه

الوليد ومتعب وسعود احذفوا لملاعق من ادينهم وفكروا انهم يتخيلون لفوا ثلاثتهم وشافوا مين واقفه من كثر ماهم مو مصدقين ماتحركوا من مكانهم..

بالمطعم

بعد ماتعشوا خذ لكيس الي يمه وافتحه وطلع منه علبه طويله

فراس..تفضلي ياقلبي
منيره..شنو هذي
فراس..فتحيها وتعرفين
منيره فتحتها وشافتها اسواره ناعمه..مشكور حبيبي
فراس..لعفو
منيره مدة لسواره له..ممكن تلبسني
فراس ابتسم واهو ياخذها وفتح لقفل ولبسها اياه وبعد ماسكرها باس ايدها ومسكها..منيره
منيره..نعم
فراس..قولي امين
منيره بدون تفكير..امين
فراس..ان ايدي ماتترك ايدك للابد
منيره واهي تدمع عيونها..امين

في بيت ام ياسر

ايه..وأخيرا عرفت ان عندك بيت لتنام فيه

ياسر من بعد لكلام الي دار امبينهم ماقام يكلمها مر من يمها ولا عبرها..

ايه..هين ياياسر ماردي اعرف مين الي خذتك مني

بغرفة مريم

ياسر..كيف حاسه نفسك صايره ليوم
مريم..بخير وكل يوم عن ليوم الثاني اكون احسن منه امي ومنيره مو مقصرين معاي
ياسر..دوم تكونين بخير
ادخلت منيره عليهم..كأني سمعت اسمي مو الأ انا يتهيألي
مريم..لا مايتهيئلك
ياسر وهو يطالع في منيره..وانتي من وين جايه
منيره..طالعه مع فراس
ياسر..بهالملابس طالعه
منيره خافت..اي اشفيها
ياسر سوا نفسه معصب..وتقوليلي اشفيها ماهقيتها منك
منيره واشوي وتبكي..والله عباتي مستوره ولا بين شي من ملابسي
مريم اضربت ياسر على رجله..ياسر بسك تمثيل صدقة لبنت انك معصب عليها
ياسر ويطالع في منيره الي واقفه في مكانها..ههههههههههههه..روحي غرفتك بدلي وتعالي
منيره اضربت ارجولها بالارض مقهوره..هين..ومشت
مريم..اشرادك لبيت بدري
ياسر..ماكوا بس ساندرا بتبات عند اخوانها
مريم..لحظه..لحظه..شوشتني اي اخوان
ياسر..صدق ماقلتلك

نرجع لفلة خالد الي لساتهم جالسين ويطالعون في اختهم راحت يمهم وامسكت ادينهم ثلاثتهم واجلست اقبالهم...

ساندرا..الوليد متعب سعود انا حقيقه مو خيال
الوليد سحب ايده ولمس ابها خد ساندرا..ساندرا اشلون عرفتي
ساندرا ادمعت عينها..اشتقت لأسمي على لسانك

احضناها ثلاثتهم وظلوا يبكون على لسنين الي ضاعة من حياتهم ..

في بيت ام ياسر

ايه انتبهت على مريم ومنيره انهم لابسين عبايتهم..وين رايحين
مريم..ياسر بيطلعني
ياسر وهو نازل من الدرج وحامل عمار..هاجاهزين
منيره ومريم..اي ماتشوفنا لابسين

مشى ياسر ومشوا وراه منيره ومريم وانقهرة ايه واصرخت..

ايه..وانا ماتسألني اذا انا بروح معاكم او لا
ياسر..يمكن لمشوار الي بنروح فيه مايعجبك مو من مستواك يكون
ايه..لو كان تسألني
مريم..هدوا يا جماعه..والتفتت على ايه..واذا بتروحين معانا تفضلي
ايه..اي بروح انتظروني

راحت البست عبايتها بسرعه وانزلت لهم واطلعوا من لبيت..

بفلة بونادر

بونادر..شنو هالاكل الي جايبته للبنت
الخادمه خافت..هذي اوامر بابا نادر
بونادر..روحي غيري الاكل وجيبي اكل سنع مثل الناس

ومشت الخادمه من يم بونادر ورجع ونادى عليها..

بونادر..عطيني مفاتح لغرفه

الخادمه مدة لمفتاح ومشت عنه..وفتح بو نادر لغرفه وشغل الليت ولقى سديم جالسه وتهز في نفسها قرب من يمها..

بونادر..سديم
سديم ارفعت راسها ولكن عيونها بالارض..نعم عمي
بونادر..قومي طلعي من هالغرفه تعالي جلسي معانا بالصاله
سديم..لا ماطلع من غير شور نادر
بونادر..وهذا لكلب احد يسوي سواته
سديم..لاتقول عنه كلب هذا لغالي
بونادر..والله انتي فيك لخير ولبركه

ادخلت لخادمه عليهم واهي حامله صنية لعشاء خذها منها بونادر وعطاها نظره انها تمشي ومشت وحط الاكل اقبالها..

بونادر..تفضلي يابنتي اكلي
سديم..تسلم ياعمي مو جيعانه
بونادر..شنو شبعانه من زين الاكل لي ينجاب لك
سديم..عمي
بونادر..نعم
سديم..سمعت اخبار عن عمي وبنات عمي
بونادر احتار شنو يقول لها عن عمها ظل ساكت..
سديم..عمي انا اكلمك شفيك ساكت
بونادر..كلشي بهالدنيا بأمر الله وانتي مؤمنه
سديم اعرفت ان عمها صار فيه شي..عمي فيه شي
بونادر..الليلة الي جاء نادر ياخذك مو عمك كان اهناك
سديم..اي
بونادر..طاح عمك وانشل واللحين بالمستشفى
سديم ادمعة عينها واهي لساتها منزله راسها..لا..انا السبب بالي صار في عمي
بونادر..لا تقولين كذا كلشي من الله

دخل نادر بالغرفه وجن جنونه انه يشوف ابوه وسديم بالغرفه..

نادر..يبا شنو تسوي بالغرفه
بونادر..بعد بتحاسبني
نادر..لعفو يبا..ولتفت..وانتي لا تحاولين في ابوي انه يطلعك من هالغرفه انسي
سديم تبي تطمن على عمها..نادر ودني لعمي اتطمن عليه
نادر..ماراح تطلعي من لغرفه الا على قبرك انسي ان لك اعيال عم
سديم..نادر تكفى امشان لعشره الي امبينا

نادر مسك سديم من ايدها وقومها وكزها على لجدار وطاحت..


بونادر..حرام عليك يا ولدي
نادر..اهي لو تعرف لحرام ما اتركتني
بونادر..لا تصير لأيم
سديم..عمي مايخالف انا راضيه

طلع بونادر من لغرفه لانه تعب من نادر ومن الي يسويه في سديم..

اما بفلة خالد كان لجوا رائع بين الاخوه الي نايمين كلهم بغرفه وحده وحاطين ساندرا امبينهم ويتكلمون عن لسنين الي قضوها ابعدين عن بعض

؛
؛
؛
؛
؛
؛

مرة الايام كلها الم بالنسبه لساندرا وسديم وسندس انهم ابعدين عن بعض..

سديم اتعبت نفسيتها من لعذاب الي عيشها فيه نادر...

اما سندس الي صابره على لمر الي اهي عايشته فيه اهو قصي...

اما ساندرا عايشه بين صراع الفراق ولجمعه الي انجمعة بأخوانها..


بشقة احمد

احمد..سدره
سدره واهي مضايقه من كبر بطنها..نعم
احمد..فكرتي بأسم لبيبي
سدره..لا..اذا صار ولد شنو بتسميه انت
احمد..نفسي اسميه اسامه
سدره..واذا صارة بنت
احمد..لا لبنت انتي بتسمينها شنو تبين تسمينها

سدره لفت براسها اشردة تسمع صوت الوليد مو احمد تذكرة

الوليد..اذا بنت شنو بتسمينها
سدره..غلا
الوليد..واو يطلع اسم فني غلا الوليد
سدره..لان من غلاك
احمد هز سدره..ماقلتيلي شنو الاسم
سدره خلت الاسم في قلبها..ماتفرق معاي سمها انت

بفلة بوخالد

بالظهر على لغدا كان جالس اهو على راس الطاوله وعلى جنبه اعياله الاربعه يطالع فيهم وهو مبتسم تمنى ان سديم وسندس موجودين معاهم لتكتمل لفرحه ساندرا ارفعت نظرها ولقت بعيون ابوها لفرحه والسعاده...

بفلة ام منصور

فتح باب الرئيسي ولقى اشناط محطوطه على الارض نادى عليها..

منصور..منتهى..منتهى
نزلت منتهى واهي حامله شنطتها لصغيره..نعم
منصور..ليش سويتي فيني كذا ليه..وهذا انا مئمنك على حلالي تعملين معاي كذا
منتهى واهي تمشي بكبرياء..لفلوس هذي مو لك لي انا انا الي خططت ودبرة كلشي اما انت بس نفذة
منصور هف منتهى كف..انتي انسانه حقيره خليتيني اعمل في بنت الناس كذا
منتهى واهي حاطه ايدها على خدها..طلقني..طلقني
منصور..انا الي مابي اعيش معاك مو انتي بس ولدي ماراح تاخذينه
منتهى..انا مابيه مابي شي يذكرني فيك

بفلة بوخالد

دخلت بين عمها اقدرة انها تطلع من بيت عمتها استقربت انها تسمع اصوات غير صوت ساندرا ماتحملت تظل واقفه راحت ولمت بنت عمها بين لدموع ولفرح واتركوا بعض وراحت وسلمت على عمها وعلى اعيال عمها..

بالليل
عند فراس

طالع من بيتهم بيروح لعند منيره فتح سيارته وركب فيها وراح لعندها وصل لشارع الي فيه بيت منيره بس كان ازدحام نزل من السياره وكمل طريقه مشي لكن تدرون شنو فيه هالشارع كانت الشرطه تطارد

مجموعة شباب مهربين بين اطلاق النار مانتبه فراس الا بذيك الرصاصه الي انطلقة من مسدس الشرطي على فراس بالغلط وطاح فراس على الارض..اهني راح صوت طلق الرصاص لمنيره

انزلت من الدرج واهي تركض خايفه على فراس اطلعت من لبيت مثل لمجنونه وبدون عباه بفستانها الزهري لقصي الي فوق الركبه لمخصر على جسمها ولعاري حيل وشعرها لمفتوح وطاير بالهوا

اوصلت للمكان الي فيه فراس شافت ادم على الارض راحت لعنده واجلست يم راسه وارفعة راسه وحطته على حضنها فتح عيونه..

فراس..منيره
منيره وادموعه تبلل وجه فراس..ياقلبي انت
فراس..احبك

وعلى أذان لعشاء اول مانطق لمؤذن الله اكبر سلم فراس روحه للباري عز وجل ونطق الشهاده..

بالمستشفى..

وقت الاستراحه كان نادر جالس مع مصعب بالكفتيريا..

مصعب..ومتى حقدك بيخلص عليها
نادر..احبها بس اتذكر انها اتركتني استجن
مصعب..هدها خلها تعيش حياتها
نادر..اهي تعيش حياتها وانا اتعذب هذا من ابعد لمستحيلات لازم احرها مثل ماحرتني اشهور وانا ابكي خلها تذوق نفس لكاس الي ذوقتني منه

كان دكتور جالس يم الطاوله الي جالس فيها نادر التفتت عليه..

الدكتور..وماحطيت احتمال ان هالعيون الي انت تطالع فيها اعيون غيرك مو اعيونك
نادر استقرب من كلام الدكتور..طبعا عيوني
الدكتور..متأكد
نادر..ممكن توضح كلامك

بأكبر مجمع بالرياض كلنوا يتمشون ومعاهم ياسر يمشي ادخلوا محل ياخذون اواعي للصغار وبعد ما اخلصوا اطلعوا راحوا صوب الالعاب

سدره..مشتهيه العب
ساندرا..وانا مثلك
ياسر سحب ساندرا..انتي اختاري لعبه الي تبينها وانا وساندرا نلعب ابعيد عنك
سدره..اوكي

توهم يتفارقون بعد ماتفقوا وين مكان لملتقى الا طفل اصغير نادى ياسر من ابعيد..

عمار وهو يركض..بابا

ياسر احتار في امره رفع انظره لساندرا الي انبهرة بالطفل..

ساندرا وادموعها تنزل..ياسر مين هذا
ياسر..خليني افهمك
ادخلت بالخط ايه..انا اقولك هذا ولده عمار وانا زوجته انتي مجرد سلم يصعد عليه والا اهو مايحبك انتي مجرد مطاف سير ومرده يخلص لانه ماراح يتركني لاني محاصرته
ساندرا..يعني خدعتني مو ولد اختك مريم مثل مافهمتني

ياسر ظل ساكت ماعرف شنو يرد اما ساندرا اعرفت سكوته شنو معناه مشت عنه الا طاحت مغشى عليها..

بفلة بونادر
بغرفة سديم

استغلت فرصة ان الشغاله تاركه لباب مفتوح ادخلت هيا على سديم لقت انسانه متشوه وجهها من كثر الضرب عيها..

هيا..سديم
سديم الي كانت لافه وجهها بالناحيه الثانيه..نعم جايه تضربيني مثل مايضربني زوجك
اهني هيا رق قلبها على حال سديم..لا بس حبيت اشوفك حبيت اشوف الانسانه الي حبها نادر
سديم ارتاحة لها واهي لساتها على حالها..ممكن تسدين لي خدمه
هيا..اي تكلمي شنو بقيتي مني
سديم..بوصيك وصيه اذا صار لي شي ابيك تروحين لبيتنا وتدخلين على غرفتي تلقين صندوق صغير لونه بني ابيك تعطينه لنادر اذا مت انا مو من حقي اطلب منك هالطلب بس مجبوره
هيا..حاضر عطيني لعنوان

بفلة خالد

كانت جالسه بغرفتها بعد مانيمت قصي تذكر ذكرياتها فيها كيف كانت تطير من لفرح اذا قال لها منصور كلمه حلوا انطق لباب ودخلت لخادمه عليها..

الخادمه..ماما سندس في بابا منصور تحت

سندس خافت انه بيهاوشها ليش جات بدون اذنه حطة الشيله على راسها وانزلت

سندس..اش جابك يامنصور
منصور وتعابير وجهه كلها ندم..جيت اعتذر عن كل الي سويته لك وجايب معاي ورقة طلاق
سندس ابد ماحطت في باله انه بيطلقها ادمعة عينها..طلقتني يامنصور
منصور وهو يمد لها لورقه..اي طلقتك
سندس..وطبعا قصي تبي تاخذه مني
منصور لف نفسه ومشى اشوي..لا قصي من حقك انتي امه ماتبيه اهربت بلفلوس انتي امه انتي الي
ربيتيه وتعبتي عليه
سندس واهي تمسح دمعتها وتضحك..مشكور يامنصور


بالمستشفى

دخل بوتركي وتركي لقوا منيره جالسه يم باب غرفه وكل ملابسها دم قربوا منها

تركي..منيره..منيره..ليه انتي بدون عباه وين فراس

منيره وادموعها على خدها وتناظر بالغرفه وناظروا معاها واعرفوا شنو صار بالي شافوه متمدد على السرير مغطى..وفصخ بوتركي شماغه وحطه على منيره..

بوتركي..تركي ودها عندنا لبيت

تركي..ان شاءالله

الحلقة الثانية والعشرون


بالمستشفى

دخل بوتركي وتركي لقوا منيره جالسه يم باب غرفه وكل ملابسها دم قربوا منها

تركي..منيره..منيره..ليه انتي بدون عباه وين فراس

منيره وادموعها على خدها وتناظر بالغرفه وناظروا معاها واعرفوا شنو صار بالي شافوه متمدد على السرير مغطى..وفصخ بوتركي شماغه وحطه على منيره..

بوتركي..تركي ودها عندنا لبيت
تركي..ان شاءالله

بفلة بونادر

دخل نادر لبيت وصعد على طول لغرفه فتحها راح لعند سديم جلس يمها حط راسها على صدره وادموعه تنزل..

نادر..سديم حبيبتي سامحيني على كل الي سويته لك..سديم انا من حبي لك سويت كذا..سديم تكلمي قولي شي

سديم لا حركه مسكره عيونها على الاخر ماتحركة ايئس نادر منها ورفع راسها من على صدره ولقى وحده بلا نفس ولا نبض..

نادر وادموعه على خده..سديم..سديم

سديم لا حركه ولا استجابه..

نادر صرخ..سدي م

بالمستشفى

جاء خالد وعياله الثلاثه للمستشفى بعد ماتصلت عليهم سدره اركضوا صابها سدره مانتبهت بس في شي خلاها ترفع راسها وطاحت الانظار في بعض اوقفت وادموعها تنزل وتهز في راسها..

خالد..سدره شنو صار

سدره بس تطالع في الوليد وتبكي وبهمس..الولي
الوليد..سدره

خالد بعد عن سدره لانه لمح ياسر جاي وراح لعنده

اما سدره ماتحملت انظار الوليد انه يشوفها حامل سريع حست بألم يسري في بطنها وطاحت على الارض واهي تتألم..

بفلة بوتركي

اسمعت جرس لباب يرن اركضت لعنده افتحت لباب وتفاجئت من الي شافته شافت منيره وبملابسها الي كلها دم وبدون عباه ماغير شماغ محطوط على اكتافها مع تركي استنكرة من لي شافته جات منيره
واحضنت اسراء...

منيره واهمست في اذنها..فراس مات
ظلت اسراء ساكته وبعدها..مو فراس الي يتركنا

ارتفعت الاصوات لسماء اصوات كلها حزن على موت فراس وعلى موت سديم لمفاجئ وقضت ايام لعزا ومع ايام لعزاء مضت لشهور وساندرا على حالها..

في بيت بومحمد
بغرفة محمد

كان جالس وحاط بين ادينه البوم اصور يطالع في صوره اهو مع فراس وادموعه تنزل...

محمد..اخ يافراس ذبحتي بموتتك ياليتك اخذتني معاك ولا اني اعيش لحالي بهالدنيا وينك مين بيمسح دمعتي ومن الي يتهاوش معاه ومن الي باكل معاه ليه يافراس..

ادخلت عليه زينب وادمعة عينها على حال محمد..محمد
محمد..زينب
زينب ماتحملت راحت واحضنت اخوها..خلاص يامحمد انت ادعي له بالرحمه ولمغفره وان الله يسكنه فسيح جنته..
محمد..ماقدر مو متخيل ان فراس خلاص ماعاد موجود
زينب ارفعة راسه..قوم غسل وجهك تركي دق يبك تجيله بيتهم
محمد..ليه
زينب..مادري

قام محمد ودخل لتواليت وخذه شور اما زينب اطلعت من لغرفه وبعد ساعه طلع محمد من التواليت لبس لبسه ورشله عطر ونزل وطلع من لبيت ركب سيارته وجلس يدور على علبة لمنديل ماحصلها تذكر انه حاط في اطبلون افتحه وسحب العلبه وطاح دفتر خذه وادرفت ادموعه تذكر..

محمد..فراس انت اشعندك كل ماركبت سيارتي طلعت الدفتر وكتبت شنو تكتب
فراس ضحك..هههههههه اكتب ليوم الي صار لي ولك عشان بكره يقرونه اعيالنا
محمد مد ايده ياخذه بس فراس بعد ايده..
فراس..ماراح اسمحلك
محمد..اوكي اللحين انت تنزل وانا بعدين افتحه لانك بتركه بالسياره
فراس..ماتسويها

ورجع للواقع باس الدفتر وافتحه وادموعه تنزل فتح اوراق اكثيره ضحك على لكلام الي مكتوب والرسوم الي كانت مرسومه وفتح اورقه وتفاجئ من الي مكتوب..

فراس..ادري ان صاحبي محمد يحب زوجتي منيره من كثر ماكنت اتكلم عنها له اشوف لدموع بعيونه متجمعه بس ماحبيت اني احرجه واحرج نفسي اذا قلت له..

وقلب الصفحه وانصدم حيل بالي مكتوب..

الوصيه..

وصاتي لك من بعدي ... تموت فيها علشاني
ابيها تعيش وتحيا بك ... واظل بالذاكرة مفقود
وصاتي لك تنسيها ... ملامح وجهي وتنساني
وتعزفها قصيدة حب ... لي عكس اللي عزفته بعود
وصاتي لك تبعدها ... عن اشعاري وقيفاني
تراها مغرمة بالحيل ... ويشهد لي عدد الردود
وصاتي لك تسايرها ... ترى فيها من احزاني
طلبتك لا يضيق بالك ... طلبتك بالطلب مردود
وصاتي لك تناديها ... حياتي,عمري,ازماني
انا عوتها دايم ... ادلعها وانا موجود
وصاتي لك تعاملها ... بطيبه قلب واحساني
تراها تذرف الدمعه ... ودمعتها بليا حدود
وصاتي لك تحفضلها ... صور وايات قراني
وتخبرها عن الميت ... رحل لا يمكنه يعود
وصاتي لك ترسمها ... على قبري واكفاني
ايها لوحة تبقى ... على طول الزمن محدود
وصاتي لك تمازحها ... وتشوف الضحكه بأسناني
سعيتك ياضحك هالكون ... طلبتك لا تصير جلمود
وصاتي لك تقهويها ... من دلالي وفنجالي
تراها تعشق السمرا ... ويكفيها دخول العود
وصاتي لك تركبها ... على خيلي وعلى حصاني
وربي فارسة من قلب ... شهادة ماهي لشهود
وصاتي لك تسفرها ... بلاد الشام ولبناني
ترى يحلالها تقطف ... وردة وردة من بلد الورود
وصاتي لك تراقصها ... على اكان رحباني
ترى فيها عرق خالة ... وفيها من جنون السود
وصاتي لك تحببها ... فأبونورة بهد هاني
وتنسيها ندم غلطة ... انا فيها المقصود
وصاتي لك تكرهها ... في تاريخي وعنواني
ابيها تلعن اللحظة ... وتلعن كل فرح موعود
وصاتي لك تكلمها ... عن المجني وع الجاني
وتخليني انا الظالم ... وانا من حرق الاخدود
وصاتي لك تشبهني ... بدم أحمر فاني
وانا هالقاتل السفاح ... مجرم من عصر ممرود
وصاتي لك تحلفها ... تتوب تحبني ثاني
ترى يكفيها ماعانت ... ويكفي حيلها مهدود
وصاتي لك تنسيها ... وصية قالها لساني
انا اخبرك رجل موقف ... وانت قدها وقدود
صديقي مالقيت غيرك ... يعرف وشلون تنساني
امانه ضعها بقلبك ... ترى (ف)..رحل مايعد

مسح ادموعه وسكر الدفتر واحضنه..كنت تدري انك بتموت يافراس ياليت ماحبيت وانفضحت
ورجع الدفتر مكانه ومشى بالسياره..

في بيت ام ياسر

جالس بغرفة يبكي كل ماتذكر شلي صار بالمستشفى بعد ماخبرهم الدكتور عن وضعها..

خالد..ياسر مو انت كنت معاهم

ياسر سكت ومنزل راسه

خالد..ياسر
جاء شخص وانقذ ياسر من سؤال خالد..بابا الدكتور طلع
خالد..وينه الدكتور
متعب..اهناك واقف يم سعود

طار خالد ومعاه ياسر ومتعب اوقفوا يم الدكتور..

خالد..دكتور شنو وضع بنتي
الدكتور..ادخلت في غيبوبة ربوا انا خبرة ياسر من قبل انه تدرون بالكم عليها
خالد استغرب..وياسر شيدخله
الدكتور..من فترى جابها لمستشفى وانا حذرته
اهني ياسر بكى وهستر..انا السبب انا الي وصلتها لهالحال
سعود مسك ياسر من ثوبه..وش سويت في اختي
ياسر صرخ وادموعه تنزل..اعرفت اني متزوج وانا مخبرها اني مو متزوج
سعود..ليش سويت كذا
ياسر..لأني احبها

ادخلت عليه ايه واهي كل ماتشوفه ترسم ابتسامة النصر لانها امنعت ياسر من ساندرا

ايه..وانت بتتم طول يومك تبكي عليها

ياسر مسح دموعه وطلع من لبيت راح للمستشفى ودخل عليها لغرفه وجلس على لكرسي وطلع ايدها من تحت لغطا لقى لخاتم في اصبعها وباسها وحط راسه على ايدها وهو يبكي..

ياسر..ساندرا انا من اول ماشفتك بالمطعم مع علي وتمنيتك لي حبيتك من كل قلبي اشتقلت عنك بس لا كون قريب منك كنت ناوي اقولك بس خفت انك تتركيني حبيتك وحبيت كلشي فيك

فتحت عيونها ونادة بأسمه..ياسر
ياسر..ياعيون ياسر
ساندرا..اطلع من غرفتي ماعاد لك مكان بحياتي
ياسر..ادري ان لكلام يطلع من براء قلبك لاني اعرف شنوا بقلبك
ساندرا وادموعها تنزل..روح لزوجتك اولد اهم احق مني روح
ياسر قام من يمها مايبي يزيدها عيها..بس تأكدي اني احبك

ساندرا تسمع كلامه واهي تبكي طلع ياسر من لغرفه..

بشقة احمد

كانت جالسه على لكرسي وبحضنها ولدها ترضعه نزلت عيونها لتشوف جمال ولدها وابتسمت تذكرة كلمه الوليد لها بالمستشفى وقت اطلق..

الوليد وهو حاط ايده على رقبتها..حبيبي اشفيك تتألمين
سدره واهي تطالع فيه..شكلي بولد
الوليد فرح كأنه لولد ولده اهو..خلاص حبيبي لا تتوترين كلشي بيمر طبيعي

قطع عليها خيالها صوت احمد لها..حبيبي جاهزه لنروح بيت اهلي
سدره..بس ارضع اسامه

بالمستشفى

بعد مانقلوها لغرفتها لخاصه لكل صار حواليها تطالع بوجيهم وتبتسم افتقدة شخص امبينهم..

ساندرا..بابا وين سديم
خالد طالع بكل الي موجودين بالغرفه احتار وطلع فيها قرب منها وحضنها لصدره..سديم ماتت

ساندرا بس اسمعت هالكلمه خدر انينها وانفاسها..

خالد رفعها..ساندرا
ساندرا وادموعها على خدها..قول بابا غير هذا لكلام
خالد ودمعته على خده..ماقدر اغير كلامي

اهني ساندرا اصرخت صرخه من لقلب انها اخسرة بنت عمها وحملت الرياح هالصوت لبعيد..

بعد يومين بالمطار..

ساندرا..دير بالك على لبابا يالوليد وطمنا بكل شي يصير معاكم
الوليد وهو يحضنها..لبابا بعيوني وان شاءالله نرجع واهو يمشي

بعد التوديع بينهم راح الوليد وهو يجر ابوه بالكرسي اما ساندرا واخوانها بس لمحوا انهم ادخلوا مشوا ليطلعون من لمطار لمحت ياسر مع زوجته واولده اجلست تناظر فيه وهو انتبه لها وناظر فيها..

ساندرا بداخلها ولعيون اهي الي تحكي..ياسر خلاص بتسافر
ياسر..مجبور ياقلبي بس تأكدي اني احبك مهما بعدتنا الدروب
ساندرا..وتأكد اني احبك
ياسر..مايحتاج انا واثق

اما عن عمار بس شافها طار لها واهي انزلت لمستواه وباسته على خده..بسافر خاله
ساندرا..استانس بسفرتك حبيبي
عمار..على امرك
قرب ياسر ماقدر انه يكون ابعيد عنها..ساندرا
ساندرا..نعم
ياسر طلع ظرف بني ومده لها..هذا لك

خذته ساندرا منه وهو خذ ولده ومشوا ليمن ايه وبعدها راحوا داخل اما ساندرا طلعت اهي واخوانها وركبوا السياره..

بفلة خالد

بالحديقه كانت جالسه سندس مع قصي ودخل عليهم منصور وهو حامل اكياس في ايده بعد لشهور الي قضاها مع سندس حبها حب مو طبيعي بس مو قادر يصارحها..

منصور..السلام عليكم
سندس رق قلبها دق حيل تحبه..وعليكم السلام
منصور وحط الاغراض يمها..هذا لك ولقصي
سندس..وليه مكلف على نفسك كلشي موجود
منصوربندم وحب..سندس
سندس..نعم
منصور..اشرايك نرد لبعض ونربي قصي انا وانتي
سندس ساكته وتناظر فيه..
منصور مسك ايدها..سندس انا احبك..
سندس اسحبت ايدها منه..تأخرة اكثير انك تقول هالكلمه انا نسيتك ولا ابيك..بقلبها..اي ابيك واحبك
منصور..صدقيني منتهى انتهت من حياتي انتي حياتي
سندس من وراء قلبها واهي تنزف من داخل..لكلام اللحين مامنه فايده..

قام منصور من يمها ومشى وقلبه ينزف انه خسر ومافاز بقلب سندس وبهالوقت دخلوا لبيت ساندرا على طول ادخلت غرفتها واقفلت عليها لباب
افتحت الدرج وطلعت من صندوق وافتحته طلعت منه سلسال يحمل صورة علي وطلعت صوره اصغيره

لياسر وحطتها بالسلسال الي فيه صورة علي والبستها وبعدها خذة دبلة علي والبستها والبست فوق دبلة علي دبلتها والبست في ايدها الثانيه خاتم ياسر..

وسكرة الصندوق وردته بالدرج وسكرة الدرج وبعدها فتحت شنطتها وطلعت الظرف فتحته وطاحت منه اسطوانه شغلتها واجلست تسمع فيها

فراق وكان له صوت يهز ويفتق المستور
يمر بين الحنايا ويجرح عروقي في زلزاله

انا المشطور في نصفي هنا وهناك بعد مشطور
وتحت هذا الركام اللي بقى هو قلب ب لحاله

انا كنت اكثرك كنتي اكثري ياكثري المهجور
وتتهاوى ضلوعي من صفير اليل وأغلاله

ورحتي والحزن يطحن تفاصيل الصور ويدور
ولكن مادرو مزن الصور في بالي هماله

يابنت اللا مدام أن النعم هي كلمة المجبور
قوليها والبحر يكسر شموخه من على جاله

الا ياليت هم يدرون عمر كل الحياه شعور
وان الحب بالعاشق تكون البصمه في باله

يحسبون الغلا قتل وجنازات المحبه سطور
مع أن الحب لو تقتل وصوله يزيد بأوصاله

أحبك والمدى أقرب من عيوني على العصفور
أحبك والجدار اللي أحتوانا طول ظلاله

أحبك ينتفض هذا المسى من أول يدين النور
احبك جوع يطفي حياتي ويشبع اشعاله

مثل حكي الندى لما يعانق بالحنين زهور
في قلبي شفت قطرات الوله في عين مواله

أنا قلت الفراق أطهر تراب داخل الديجور
وقلت أهدي من عيون الضوى دمعات ل هلاله

ونبت في داخل عيون المسى ضو من الممطور
وعرفت أن الوداع أزهر في قلبي قمرة أرحاله

وبعد ماخلصت اطلعت من غرفتها وراحت غرفة علي فتحتها وادخلت فيها افتحت الليت فيها ناظرة فيها وامسكت السسال بأيده وادموعها على خدها

ساندرا..علي من ليوم ورايح بعيش على ذكرياتك انت حبيبي اشتقت لك بس بهالذكريات راح يشاركنا ياسر فيها لانكم انتوا احبابي انتوا بقلبي..

بهالنحو تكون قصتي انتهت على النحو التالي..

؛
؛
؛
؛

بس خلونا انشوف مابعد النهايه

نبتدي في مريم..
بالمستشفى

كانت جالسه على كراسي لنتظار وجنبها ولدها على مايصرف زوجها الدواء لمتحت شخص مار يصرف
دواء فز قلبها له..واهو حس بعد مالتفت شافها عرفها قرب منها..

ناصر..شخبارك مريم
مريم وقلبها يدق حيل وترتجف..الحمد لله وكيف زوجتك عبير
ناصر..طلقتها وتزوجة وحده ثاني والحمد لله الله رزقني بولد..وانتي
مريم..تزوجة..واشرة..وهذا والدي
ناصر..يلى مع السلامه
مريم..الله يسلمك

ومشى واهي تطالع فيه..

مريم بداخلها..على الي صار لي منك لساتني احبك ومانسيتك


بفلة بونادر
بغرفة نادر

كل ماجلس بينه وبين نفسه يفتح الصندوق ويقراء الي موجود فيه رفع لورقه وقراء فيها..

أنا عيوني حرمت غيرك تشوف ..
والقلب حرم غيرك يحب ثاني .."
كف الدموع وأبعد الشك والخوف ..
القلب لك يا بعد عمري مواني .."
دخيل قلبك سو بي عاد معروف ..
لا تذرف دموعك تبعثر كياني .."
إضحك أنا لضحتك مشتاق ملهوف ..
يا من غرامك عن زماني خذاني .."
ويا من بحبه صرت مغرم ومشغوف ..
لله درك وين حبك رماني .."
ماقول لك بالروف ماقول بالروف ..
أقول زدني من الهوى ماكفاني .."
أنت الوحيد اللي على القلب مألوف ..
وانت الذي أسقيه صافي حناني .."
في وسط قلبي يالغلا أدخل وطوف ..
أنا بحبك يا حبيبي أناني .."
لني عطيتك في الهوى عهد وحلوف ..
واعطيك قلبي فوق عهدي ضماني .."
ويا خل غيرك حرمت عيني تشوف ..
والقلب غيرك حرم إيحب ثاني

نادر بعد ماقراء لقصيده قراء الي مكتوب تحت..انا مبسوطه ان حبيبي يشوف الدنيا بعيوني بعيون حبيبته..وسكر لورقه..ليش سويتي كذا كان جيتي وقلتلي حبيبي انا تبرعة بعيوني لك ليه تحملتي مني القسوه والضرب والشتم ليه كذا..

بالممشى..

كانت جالسه على لكراسي بعد مامشت بالممشى اتشوف الرايح ولجاي اتشوف كيف كل واحد ماسك ايد حبيبته ويمشي معاها..

كان يمشي مع صاحبه شافها وترك صاحبه وراح لها..

محمد..شخبارك منيره
منيره..تمام وانت
محمد..انا من شفتك بخير..تسمحيلي اجلس يمك
منيره..تفضل

جلس محمد وظلوا ساكتين مو عارفنين شنو يقول لبعض بس بالنهايه..

منيره..محمد مو زعلان مني اني رفضتك
محمد..لا
منيره..ماتبي تعرف السبب
محمد..لا مو لازم اعرف هذي حياتك
منيره واهي تبكي..لاني اذا اخذتك بظلمك معاي..لاني بشوف فراس فيك بشوف ضحكته وغشمرة
فيك انت..واهي تهز راسها وادموعها تنزل اكثر..لاتلومني
محمد وهو بيحط ايده على ايدها بس سحب ايده يبي يهديها..منيره
منيره..نعم
محمد..انا مالومك اني رفضتيني لاني انا نفسي مابيك تنسيه يلى عاد ابتسمي ومسحي دموعك

منيره مسحت ادموعها وابتسمت ظلوا جالسين يم بعض بين السوالف..


بالشريكة خالد
بمكتب خالد

جالسه بين الاوراق توقف فيهم تبي تخلص دوامها لانها من الشريكه للمطار بتروح تستغبل ابوها مع اخوها طق لباب عليها دخل شاب وهو يحمل ظرف معاه ومده لها وخذته..

سالم..ليوم بيجي من اسفره
ساندرا بقلب يدق وشوق له..كم الساعه طيارته
سالم..مع طيارة لوالد
ساندرا..مشكور

طلع منها واهي افتحت الظرف وشافت كل اصوره لانها من سافر ياسر واهي مطرشه شخص يتبعه ويجيب لها تغارير عنه..

بمكتب سندس

كانت جالسه ترتاح على مايجي موعد لجتماع تذكر ايامها مع منصور وكيف خذلها وطلقها وبعد ماطلقها جاي ويعتذر لها خذة لجوال وشغلت لها اغنيه..

مابين بعينك على كثر ماجاك لا واحسافه ليتني ماعطيتك

تخطي وعذرك واتحمل خطايك هوويت غلطاتك كثر ماهويتك

ضحيت بالدنيا عشان دنياك وخليت كل الي يبيني وجيتك

كنت بعيوني وين اطالع القاك حتى ولو غمضت عيني لقيتك

من كثر ماحبك واقدرك واهواك ماذكر اني في حياتي عصيتك

ولا فاد كل الي اسويه وياك اتعبت قلبي ليتك تحس ليتك

واللحين روح ساعدني انساك ولاتجي حتى لو اني بغيتك

وان جا على بالي بقاياذكراك بحاول انساها مثل مانسيتك

كانت تبكي مع كل كلمه يقولها تحس ان كلمات الاغنيه مقصوده فيها..

نرجع لمكتب خالد

بعد ماخلصت توقيعات قامت خذة شنطتها بالتطلع الا دخل سعود عليها

ساندرا..سعود
سعود..مفاجئ جاي لمكتبك بس معاي ضيف
ساندرا..حياك انت وضيفك
سعود..تفضل
دخل شاب عرض لجسم مملوح..السلام عليكم
ساندرا حطت ايدها على فمها..تركي ولد خالتي عندنا يامرحبا يامرحبا
تركي بغشمره وهو يحط ادينه على وجهه..اخجلتيني بتوضعك
ساندرا..شوفوا مين يخجل

نرجع لمكتب سندس
على طاولة الاجتماع

سندس..فيصل مين مكانه هذا لفاضي
فيصل..في شخص مابعد يجي
سندس..مين هذا الي بيعطلنا على لجتماع
دخل عليهم..انا الي تنتظرونه
سندس..منصور
منصوربحب واعيونه تلمع اول ماطاحت عينه على عين سندس..اي منصور انا الي بتشركيني بالمشروع
سندس بداخلها..ماتوقعت اني بالتقي فيك بمكان شغلي غير جيتك بالبيت ياي اشكثر اشتقتلك بعد غيابك

بالمطار

نزلت الطياره ونزلوا كل الركاب فيها كانوا واقف وشادين اعصابهم يطالعون خروج المسافرين مشاتقين
حيل لهم وبعد انتظار اخيرا طلعوا شافت الوليد يمشي ولا شافت ابوها خافت عليه مسكت في ايد متعب الا بعد ثواني طلع ابوها يمشي وراء الوليد اضحكوا من قلب وبدواء يناططون بالمطار قربوا منهم واحضنوا بعض وخذه اغراضهم بيمشون الا تطيح عينها بشخص ماهمى بعد بيظل بالقلب ينبض

ساندرا بهمس..ياسر
ياسر سمع صوت يناديه لف يدور عليه وطاحت لعيون ابعض..ساندرا

طالعوا بعيون بعض وحكت لعيون بدال السان

ساندرا..اشتقتلك اكثير
ياسر..وانا ماصدقت اني اجي واشوف كيف حالك
ساندرا..بخير

انحطت ايد على كتف ساندرا وطالعت فيه اما ياسر استنكر من هالشخص وناظر بعيونها..

ياسر..متى تزوجتي
ساندرا..ماتزوجة هذا ولد خالتي جاي يزورنا

لفت عن ياسر واطلعت من لمطار وركبوا السياره يمشون على لبيت

بالفله لكل مجهز لحفله بمناسبة رجعت خالد والوليد بالسلامه بالاضاه لقويه الي مركزه على طاولة البوفيه..

كان جالس يلعب بالعبته ادخلت السياره وتوقفت اوانزلت منها وشافها ركض لها واهي افتحت اذراعها له

سندس..حبيبي
قصي..ماما ليوم لمدرسه عطتني طياره كبيره لنروح انا وانتي لبابا
سندس بضيقه على حال قصي من كبر ماشاف ابوه الا مرتين..خلاص نروح
قصي..ونودي معانا اسامه

دخلت سدره معاها احمد

سدره..السلام عليكم
سندس..وعليكم السلام
سدره بلهفه..وينه خالي والوليد
سندس..بطريق

احمد تضايق اشوي من سدره لانه عارف انه لساتها تحب الوليد..

في بيت ام ياسر

منيره..سنتين تغبون عنا
ايه..شنسوي كل ماقلت لياسر خلنا نرجع يقول لا بدري..بكذبه
منيره عارفتها..قلتيلي

ياسر الي من رجع وهو ماسك لجوال يدق على ساندرا لكن ساندرا ماترفعه مل سكر لخط ودخل على ولده بالغرفه..

عمار..بابا
ياسر..شنو تسوي على لاب تب
عمار..انزل لي العاب جدد

نرجع بفلة خالد

بعد ماتعشوا اجلسوا يسلفون عن مشاريعهم لجديده بالحياه ماكان موجود الوليد امبينهم لانه مايحب يسولف عن الشغل كان يلعب مع قصي واسامه

الوليد..يلى قصي عطني لكره
قصي..لا ماني معطيك اياها بعطيها اسامه
الوليد..قصي عطني لكره

قصي وهو يرمي لكوره وتجي في اسامه ويطيح على الارض يبكي وراحله الوليد وقصي

الوليد وهو ينظف ملابس اسامه ويهديه..بس بابا
اسامه وهو يعكر في عيونه..عمي اضرب قصي
الوليد..راح اضربه بس هدي

وشال الوليد اسامه حطه على رقبته وقصي ماسكه في ايده ويمشون..

اسامه..عمي قول لنا قصه
الوليد..كان في بنت حلوه جميله مافي مثلها بالجمال..الا سكت شاف سدره واقفه اقبالهم
قصي وهو يتل ايد الوليد..كمل
الوليد واعيونه كلها على سدره وقلبه يخفق باسمها..شنو اكمل
اسامه وهو يشد شعر الوليد..القصه
الوليد تبلعم ماعرف ينطق بوجود الملكه يمه وبالاخر..وفي شاب يحبها موت كل ماشافها يختبص مايعرف شنو يقول لها
بلقافه قصي..كان قال لها احبك
الوليد..قال لها احبك واتفقوا على الزواج بس سافر الشاب وماجه الا اهي متزوجه

اما سدره تسمع كل الي يقوله الوليد وادموعها على خدها مانشفت..

كان واقف شخص ابعيد عنهم يشوف كيف لحب يطلع من اعيونهم كان يعصر من داخله بس مايقدر انه يسوي شي..

في بيت ام ياسر

لساته ياسر في غرفة ولده بعد ماقام عمار جلس ياسر على لاب تب نزل له اغناية راشد الماجد وبعد ماكتملة دق على جوال ساندرا ظل يرن

بفلة خالد

كانت واقفه يم سندس تضحك الا جات لخادمه بالجوال..

الخادمه..ماما جوالك يدق

خذته ساندرا وشافت المتصل ايدها ارتجفت حست فيها سندس وحطت سندس ايدها على ايد ساندرا

سندس..اشفيك
ساندرا وادموعها تنزل..ياسر متصل علي
سندس بأبتسامه..ردي عليه

ساندرا ابعدة عن سندس وارفعته ظلت ساكته ماردة..

في بيت ام ياسر

كان يسمع صوت تنفسها يصعد وينزل ماتحمل ادمعة عيونه..

اما ايه كانت واقفه وحاسه ان ياسر متصل على ساندرا اعرفت اللحين ماهمى خذة ياسر لبعيد وتبعده عن ساندرا الا قلبه ماقدرة تنسيه حبها

اما ياسر بعد لجوال من على أذنه وحطه يم سماعة لاب تب وشغل الاغنية

جبار حبك ولكنك علي غالي
وقلبي على حبك الجبار وصيته

يا اول غلا في خفوقي واخر أمالي
من قلبك الحب والاخلاص حسيته

مرة شهور بغيابك وانته فبالي
اشتاق شوفك وبعدك ماتمنيته

غيبتك ياروح روحي عذبة حالي
عانيت جرح الغلا والشوق قاسيته

ماهمني قول عذالك وعذالي
ولا الزمن لا نوى الفرقى تحديته

والعمر دونك حبيبي كيف يحلى لي
غيرك من الناس كم ياني وصديته

عادي تموت البشر بس انته تبقى لي
يامن على الروح قبل القلب وليته

غالي وتبقى على بعد المدى غالي
مايطوي الوقت صفحة شخص حبيته

بفلة خالد

كانت تسمع الاغنية وادموعها تنزل تمنت ان ماعرفت ياسر ولا حبته بجنون مسكة السلسال الي معلقه على صدره وباست الصورتين..


"النهاية"

راح اتكلم عن كل شخص

سديم ونادر

احترت فيهم وكيف انهي حياتهم مع بعض فكرة ان اذا عرف يردون لبعض ويرجعون حبهم بس قلت لا اموتها عشان يحس انه ظلم انسانه ويتندم..

سندس ومنصور

بالبدايه ان بعد مايلعب هلعبه انه بالنهايه يحبها ويندم على الي سواه فيها بس فاجئني منصور ان مافكر يعطيها لفلوس حقتها بعد ماعرف بخيانة منتهى له وتاخذ كل لفلوس حده اعتذاره لها على لي سواه فيها فقط

اما سندس فجئتني بحبها له الي مهما سوا لها ظلت تحبه لليوم هذا..

ساندرا وياسر

بالبدايه فكرة انه مو متنزج وبس ماياخذها بحكم فرق الوضع بعدين غيرة مجرى حياتهم بس فاجئوني انهم لازالوا يحبون بعض بعد الفراق..

الوليد وسدره

قلت بعد مايجلس من لغيبوبه يرجع لها ويتزوجها بعدها تغير فكري وخليتها تتزوج ولا تزال تحبه

منيره وفراس

ماكنت حاطه هالاحتمال ان تنتهي قصتهم بموتته بس كنت جالسه وجات في بالي لفكره وحطيتها وخليت نهايتهم كذا

مريم وناصر

ماعرفت كيف اخلي حياتهم بس لو اقولكم ان هالشخصيتين حقيقه مو من خيالي هذا واقع بس حطيت اشوي من خيالي وبس افرقة الاسماء

انتهت قصي قصة ودي ارتمي بحضك واقولك كلمه منك تكفيني ياعذابي

على النحو التالي

مع اطيب الاماني للكل

شفتك بعد غياب واسرني الحزن والهموم بغيابك