قصة راكان(كاملة)

**" عهد الهناء "** · 26-11-2013, 04:54 AM

رد: قصة راكان(الجزء الأول)

ماشاء الله حكايه امل طلع المخ شغال قبل ماتروحين للجامعه ههههههههههه

خلاص اذا فيه لغز ثاني حليه قبل ماتروحين

مبرووك لج

**السحاااااااااااب** · 26-11-2013, 07:07 AM

رد: قصة راكان(الجزء الأول)

الجزء الحادي عشر من (قصة راكان)
راكان.....خلاص ياأمل ولا يهمك انا بكرا اباجيكم زياره ان شاء الله واجيب معي البنات أحلام وعبير تشوفينهم ويسلمون عليك...
من الصباح الباكراخذ راكان البنات وراح لأمل عند اهلها وصلوا ونزلوا راحن البنات عند امهن امل ....
وراكان.... دخل عند ابو امل واخونها وسلموا على بعض وسواليف بينهم وشربوا القهوه ومحضرين الغداء طبعا(مفطح)تغدوا وارتاحوا شوي
راكان...يقول لأبوأمل ودي اقابل أمل شوي اذا سمحتوا
الأب...ماعندنا مانع ياراكان انت اصيل وشهم وابن حموله خليني اعطيها خبر...جت أمل وسلمت على راكان..الأب وابنائه مفكرين انه يبي يرجعها لكن راكان يبي يسوي الواجب اللي عليه.....
راكان..اسمعي ياأمل.. وابوك واخوانك يشهدون على كلامي...انا عندي شقه اباتنازل عنها لك واسجلها باسمك تسكنين فيها انتي واولادك ولك مصروف مني كل شهر(5000 ريال) تقضين فيها حوائجك انتي وعيالك.من بكرى تجهزين حالك وتحضرين انتي وابوك عند القاضي وتجيبين معك بطاقتك الشخصيه
ونسجل الشقه باسمك...
أمل...صحيح اني ماعرفت اتصرف معه صح يوم كنت زوجته ولكن راكان طلع شهم واصيل انا كنت مفكره انه ينساني بعد ماطلقني ولكن الله يرضى عليه جاء بالوقت المناسب اللي انا كنت فيه محتاجه لأحد يساعدني فكرت ان اسمهان تغيره عليه وعلى بناته..وأول الغيث قطره.يمكن يفكر انه يراجعني بيوم من الايام الله يجيب اللي فيه الخير
وفي الصباح الباكرعلى حسب الموعد يحضر راكان وأمل وابوها عند القاضي ويسجلون الشقه باسم أمل وتستلم الصك ويروح يسلمهم الشقه بكامل اثاثها..ويشكرون راكان على مافعله معهم..
راكان...الشكر لله سبحانه لكن باقي حاجه وحده يامل تروحين انتي وابوك معي للبنك تفتحين حساب وتأخذين بطاقة صراف تأخذين فيها مصروفك كل شهر....راحوا للبنك وفتحت امل حساب واستلمت البطاقه واخذ راكان رقم حسابها وودع لها بالحال (10000) عشرة الاف ريال وقال لأمل هذي تشوفين فيها حوائجك مبدئيا... ومع السلامه
رجع راكان للبيت ونادى لاسمهان جت اسمهان امر ياروحي..راكان يقول وين فيحان اسمهان تقول له راح مع اصحابه للنادي ويجي بعد اشويه ..
راكان يقول اذا جاء قولي له ابوك يبيك ضروري...جاء فيحان وجت اسمهان..راكان يقول اسمع وانا ابوك انا تنازلت عن الشقه لخالتك أمل هي واعيالها وخصصت مصروف لها شهري خمسة الاف ريال..وهذي وصيتي وانا ابوك لو صابني مكروه ماتتخلى عن خالتك أمل سمعت وانا ابوك
....فيحان اينعم سمعت يابوي واعتبر وصيتك وصلت..
اسمهان...تفكر اشوي وتقول الله يجزاك خير ياراكان
فيحان...على فكره يابوي وش اخبار خالتي أمل...يرد راكان بخير وانا ابوك وتراها تسألني عنك...
اسمهان تنقهر من فيحان يعني ابني بصف خالته أمل ........أأأأأأف.........أأأأأأف.......أأأأأأف......بس ...وتتصل على ام وليد.. الحقيني يأم وليد...ام وليد خير ياسمهان وش فيه صاير لك شئ....محلاتك صار فيهن شئ
اسمهان.....ياأم وليد الليله لازم تجين ابيك ضروري
ام وليد...خلاص ولا يهمك اجي انا والعيال...عشانا عندكم الليله
اسمهان... تستأذن من راكان ترا ام وليد تبي تزورنا الليله عندك مانع
راكان.....خلاص خوذي راحتك انتي وياها.....وبينه وبين نفسه يقول اباشوف وش خاتمة ام وليد...
اسمهان.... تتصل على ام وليد وتلزم عليها عليها لاتتأخرين تكفين
ام وليد...مارايح اتأخر عليك .جت ام وليد خير ياسمهان وش فيه
اسمهان....راكان يبي يضيع من ايدي تنازل عن الشقه لأمل وخصص لها مصروف بالشهر خمسة الاف ريال والله يستر كان مارجعها لذمته...
ام وليد...لا...لا...شيلي هالفكره من راسك انتي ماعرفتي طبع السعوديين انا جايه للبلد قبلك من 7 سنوات واعرف طبعهم..مارايح يرجع أمل..لكن يمكن يتزوج عليك اذا اهملتيه
اسمهان ..تفاجأت معقوله يتزوج عليه..ترد عليها ام وليد ...ايه معقوله لكن لاتقصرين معه بشي وحاولي تلعبين بمشاعره..ترا السعودي كلمتين حلوات ....يذوب فيهن ويروح وطي اسمهان..احضرت العشاء في وقت متأخر وتعشوا وخلصوا من العشاء..
راكان..يرجع للبيت حوالي الساعه الواحده...ويقول ماشاء الله سهرانين الى هالوقت...
اسمهان .....ايوه سهرانين تأخرنا وانا قلت ينامون عندنا الليله والصباح رباح..راكان يقول يالله خوذوا راحتكم.....أجل انا ابارجع للإستراحه......وبكرا الصباح راجع ان شاء الله.. بينه وبين نفسه نومتهم عندنا وتأخرهم فيها شي..
ام وليد..تنادي عيالها...يالله ناموا على شان تصحون بدري ونروح لبيتنا... راحوا في غرفة فيحان ولكن ماناموا يسولفون مع بعض ...فيحان..وليد...سمر...سميه نايمه عند امها
فيحان عمره(17 سنه) وليد عمره(18 سنه) سمر عمرها(20سنه )
اسمهان..... تقول لأم وليد ويش تبين نسوي هالحين...ترد عليها ام وليد خلي الموضوع عليه اعطيني فرصه افكر كيف اتصرف مع راكانوه مفكر نفسه ذكي وانا الغبيه..لا..يابن الناس
وتستأذن ام وليد من اسمهان ...يالله ياولاد نبي نروح لبيتنا.....
سمر...ماما....ماما...بدي اجلس عند خالتو اسمهان كمان يومين اساعدها واسليها...ام وليد تقول لبنتها شوفي خالتو اسمهان اذا رضيت.....اسمهان...لا يام وليد.. ولو..اسمهان مثل بنتي
وجلست سمر وراحت ام وليد هي وابنها وبتها الصغيره....ورجع راكان للبيت حوالي الساعه9 صباحا تفاجأ بسمر جالسه هي وفيحان بالصاله ويتفرجون على جوالات بعض..رجع راكان للورا...ونادى لاسمهان ...جت اسمهان تعم راكان...يسألها راكان ام وليد ماراحت الى الان...اسمهان.... بلى راحت بس اسمهان تبي تجلس عندنا يومين
راكان....اسمعي ياسمهان الوضع كذا مايعجبني..انتي نسيتي ان الأثنين بسن المراهقه مالازم يجلسون مع بعض لوحدهم ....اسمهان ليش هذا ابننا ياراكان ومربينه على الصح....

يتبع

**السحاااااااااااب** · 26-11-2013, 07:13 AM

رد: قصة راكان(الجزء الأول)

راكان...ياسمهان انتي عارفه الشيطان حريص وعارفه مايجي بالجوالات من صور ومقاطع فديو وسخه تنكرين هذا الشئ
اسمهان....لا ياراكان مانكر هذا الشئ وكلامك صحيح....
راكان ...من بكرا اتصلي على اهلها يجون ياخذونها ترا مانقصني مشاكل ووجع راس...
اسمهان.....تعصب وترفع صوتها على راكان....انت شكيت فيهم بنيه عاطله ياراكان مايصير ترا توهم صغار...
راكان....اسمعي ياسمهان هذي القصيده وحلليها وفسريها بالحرف الواحد...
..........................................................................
امسكي نفسك لاتصرخي وتعصبين
........................اناتحملت مافيه الكفايه والكثير
اناصبرت وعليك اقول الله يعين.
......................ومن كلمة أبغضهالله اناستخير
لكن تراوالله اني حالف يمين
.....................هذاعنادك مشكله وفيه امرخطير
لاحل الغضب يمكن لبيتك تفقدين
.....................وتجي بدالك وحدة اسمها(؟؟؟؟؟)
تراكلمتي وحده ماتصيركلمتين
.......................اناحذرتك وكل على عقله يسير
............................................................
الشطر الثاني من بيت الشعرالرابع هو اللغزعبي الفراغ المملؤ بعلامات الإستفهام
بشرط ان تنسخ البيت كاملا وتكتب الإسم المفقود واليك الخيارات ..
هل هي
1- سهير
2- أثير
3- عبير
4- غدير
5- هجير
شدوا حيلكم تراه بسيط
............................................................
اسمهان.... تتفاجأ ......معقول يمكن يتزوج عليه.....لا....لا.....ماظن لكن قصيدته هذي خطيره.....
راكان...ياسمهان انا مسافر بكرا ناقصكم حاجه قبل ماروح.....ترد اسمهان لا...مشكور..تقولها وعقلها شارد بالقصيده...وتتصل على ام وليد..راكان يبي يسافر ولازم تجين عندي نتسلى مع بعض......سافر راكان وتوكل على الله...
ام وليد...كالعاده جت هي وعيالها...ليش ياسمهان شكلك مو عاجبني اليوم
اسمهان.....والله يام وليد صار عندي شك ان وليد يبي يتزوج عليه..
ام وليد...شيلي التفكير من راسك اصلا راكان مايصبر من دونك...وبعدين لقيت لك مشروع يدخل لك فلوس بالهبل..انا اعطيك الفكره وانا خليني برا لاتجيبين لي سيره بالموضوع عند راكان
اسمهان...كيف قولي بس لاتورطيني عند راكان مثل أول....
ام وليد....لا...ماعليك فيه مشغل نسائي(صالون)معروض للبيع خلي راكان يشتريه وينقله بإسمك..وتطلعين عليه تأشيرات خياطات وكوافيرات من سوريا ونبيع التأشيرات تدرين قيمة التأشيره الوحده بعشرة الاف ريال يعني الأربع بأربعين الف ريال زي ماتفقنا بالنصف بيني وبينك...نجيب زوجة اخوي وزوجات عيال عمي واذا وصلن بعد شهر يطلبن ازواجهن زياره
نكون حققنا اللي نبي بلا منة راكانوه...يصير اخوي جاء وجوا اعيال عمي...وادارة المشغل عليها عليه ولا يهمك...
اسمهان....خلاص اكلم راكان وارد لك خبر...راحت ام وليد هي واعيالها لبيتهم..وراكان رجع من السفر...كيفك ياسمهان وكيف العيال...
اسمهان.....تمام الحمد لله بخيروسلامة الأسفار وعسى ماتعذبت بالطريق والله اشتقنا لك ياراكان.....
راكان ...الله يسلمك.يدق تلفون راكان ويرد...الو....الو...مين معي....امل خير ياأمل فيه شي محتاجين شئ...
أمل...والله ياراكان خلص الغاز عندنا ولا عندنا احد يجيب لنا غازشوف لنا حل الله يرضى عليك
راكان .....طيب ولا يهمك ياأمل
اسمهان.....ياراكان هذي شو بدها ...ورانا ...ورانا
راكان....هذا شئ مايخصك ولا تدخلين نفسك بأشياء ماتخصك...وينادي راكان لإبنه فيحان... شف ياولدي تروح لخالتك أمل وتشوف وش طلباتهم وتكملها لهم وترجع.....
فيحان....حاضر يابوي....تروحين معي ياماما...هههههههههه..ادري انك مقهوره
اسمهان...ترد عل فيحان...والله مادري يابني انا اللي ارضعتك والا أمل...
فيحان.....هههههههههههههههه.الله يخلي لنا حليب النيدو..والسيريلاك...اللي يجهلك يقول حليمه السعديه....ويروح فيحان ويسلم على خالته وبقضي حوائجهم وقبل مايطلع تعطيه خالته ورقه تقول سلمها بإيد ابوك ويرجع فيحان للبيت ويعطي ابوه الورقه...
راكان...يفتح الورقه ويحصل فيها قصيده من أمل تقول فيها.....
...........................................
راكان ياللي تحب الخير
................افرح الى جالكم طاري
وقتي التالي حصل تغيير
.............ليت يتدخل بيننا الساري
اللي يقول السحاب يصير
...........وعن حالتي وحالتك داري
راكان فهم انها ودها ترجع له ورد عليها بها الأبيات
..........................................
اللي ابعدني هو التقصير
..................جاء منك واحتارت أفكاري
والمسأله تبي لها تفكير
................وبالدنيا انا اكملت مشواري
ذي قصتي مالها تفسير
....................الا من عند ربنا الباري
اسمهان..تنادي راكان..يجي راكان وتقول له اباطلب منك طلب ياراكان ان شاء الله ماتردني خايبه
راكان...قولي اللي عندك ياسمهان ان شاء الله خير...
اسمهان...فيه مشغل نسائي( صالون) معروض للبيع ودي تشتريه وتنقله بإسمي واشرف عليه في وقت فراغي..
راكان.....خليني افكر ياسمهان والله يكتب اللي به الخير...
اسمهان ...تتصل على ام وليد انا كلمت راكان بموضوع المشغل والفكره دخلت راسه وقال خليني افكر وارد لك خبر بعد كم يوم....
ام وليد...اسمعي ياسمهان لايجي لي طاريي بالموضوع وانتبهي يكشفنا راكانوه ترا ماهو بسيط مخه شغال على طول...والله لاجيب خبرك ياراكانوه...انتهى الجزء الحادي عشر....
فيحان....وسمر بسن المراهقه والله يستر
أمل..ويش يبي يصير لها بعد قصيدة راكان
أم وليد ...هل تفلح بمخططاتها مع راكان
السحاب ..الساري..هل يرد على قصيدة أمل وقصيدة راكان لأنه صار بالوسط
هذا مانراه بالجزء الثاني عشر ان شاء الله يوم السبت القادم
حقوق الطبع محفوظه للسحاب(الساري)

**السحاااااااااااب** · 26-11-2013, 07:25 AM

رد: قصة راكان(الجزء الأول)

اخواني واخواتي الكرام هذا لغز الجزء الحادي عشر
من( قصة راكان) بالتوفيق للجميع

لاحل الغضب يمكن لبيتك تفقدين
.....................وتجي بدالك وحدة اسمها(؟؟؟؟؟)

الشطر الثاني من بيت الشعرالرابع هو اللغزعبي الفراغ المملؤ بعلامات الإستفهام
بشرط ان تنسخ البيت كاملا وتكتب الإسم المفقود واليك الخيارات ..
هل هي
1- سهير
2- أثير
3- عبير
4- غدير
5- هجير
شدوا حيلكم تراه بسيط

**احلى حياه** · 26-11-2013, 10:08 AM

رد: قصة راكان(الجزء الأول)

قصه جميله جدا

بالنسبة لحل اللغز

لاحل الغضب يمكن لبيتك تفقدين
.....................وتجي بدالك وحدة اسمها(عبير)

أتوقع كذا ^_^

**هدووء** · 26-11-2013, 10:14 AM

رد: قصة راكان(الجزء الأول)

قصه جميله جدا ورائعة جدا
واسلوبك راقي ..

بالنسبة لحل اللغز

لاحل الغضب يمكن لبيتك تفقدين
.....................وتجي بدالك وحدة اسمها(عبير)

**أنة حرف** · 26-11-2013, 11:12 AM

رد: قصة راكان(الجزء الأول)

بالنسبة للغز
لاحل الغضب يمكن لبيتك تفقدين
.....................وتجي بدالك وحدة اسمها(؟عبير؟)
واو روعة القصة
اتمنى ما تخلص أبدا
بس متى رح نرتاح من اسمهان الزفتة
اللي قهرني أنها عاشت كل عمرها عند راكان والعيال كبروا
وأمل أتوقع يردها راكان
وأطلب من الأخ السحاب التدخل السريع لصالح أمل
أخي السحاب أنا قبل طلبت منك عدم التدخل بالقصة بس اللحين بليز تدخل
بليزززززززززززززز

وحاضرين بالرشوة اللي تبيها

تحياتي لك والأبيات ما قدرت غير أقول عنها روعة
أضافت للقصة الكثير والكثير
تحياتي لك ويعطيك العافية

**3asola** · 26-11-2013, 11:14 AM

رد: قصة راكان(الجزء الأول)

ههههههههههههههههههع توحفه

Sent from my iPhone using منتدى عبير

**الكاتبة ساندرا** · 26-11-2013, 11:38 AM

رد: قصة راكان(الجزء الأول)

صباح الخير ~

أعجبني وبشدة تصرفات راكان مع أمل , الله يجزيه خير ..
وكلامه سديد عن أبنه , وهي عادي عندها لأنو ببيئة تختاف عن بيئتنا للأسف , وهذا ما أشرت إليه سابقا وعن أضرار الزواج من الخارج :/
والجيات أكثر , وهالشيء طبيعي , وتم دراسته من العديد من الدكاتره المختصين بهالمجال النفسي والتربوي , النفسي بالبداية كما قد لاحظنا أن راكان
سعيد مع أسمهان وبعد السنين تختلف ذلك , والتربوي بطريقة تربيتها لأبنائها , والجميل حقا أن راكان هو ضدها بتلك الأمور ..
وأنه ليس كما قالت الغبية أم وليد , فا الرجل لا يتعلق قلبه لفتاة أخفت عنه الكثير من الأمور المهمة , وتكثر من التساؤلات لغير غاية !
أو هدف معقول , لا تراعيه أو تخفف عنه , لا تهتم به , حينها يقل الحب والتأخي بين الزوجين بالتدريج ..
وإن ذهب الأحترام بالعلاقة الزوجية , ف قل وداعا حينها لتلك العلاقة !

وأنني يقينه أنه سيحدث مشكلة لم تكن بالحسبان , السؤال بداخلي من المفروض أن تهتم له أسمهان وأن تخبره كل شيء ..؟
الأهم هو رضى الزوج , فرضاه من رضى الله , ومن ماتت أمراة وزوجها راضن عنها دخلت الجنة , ورسولنا الكريم قد عظم قدر الزوج ..
ف لما هذه الغفله , من تلك الحقاده , سليطه اللسان على زوجها بالاوان الأخيرة !!
عجبا لها ولأمثالها ..
أن أستمر با أفعالها سيسقط مكانتها ب قلب زوجها , وهذا ما أتمناه بالواقع , لكي تعلم وتستفيد من افعالها الغير ناضجة ..
تصرفاتها بدعوة أم وليد وتشير لراكان با أسلوبها المتعجرف كما لو كانت تقول أنا قلت لها تجي وأنت بكيفك رضيت ولا أنرضيت !!
بل تأتيه با أسلوب لبق ومحبب له , فتخبره أود أن تزورني جارتي أو صديقتي لبيتنا , ف هل تسمح أو أتمنى ما أزعجك أنا أريد كذا وكذا ..

أمل ردها أسعدني والجميل أنها حاولت تتقبل معروف راكان من دون أي مقاضاه أو ردود تجريحه ..
وتقبل والدها للأمر برحابه صدر ..
أعتذر للأطالة , ف قصتك لا تستحق أي رد مختصر , لروعتها وجمال أسلوبك بالسرد ~
جدا راق لي البارت ومتشوقه للبارت القادم أستاذي الفاضل , أسعدك الله |

**"اقدار"** · 26-11-2013, 11:47 AM

رد: قصة راكان(الجزء الأول)

مساء الخير

جزء رائع ويسلمو ايديك ..
دايما مبدع استاذنا السحاب وما شاء الله على قلمك
والصراحه .. مش شفقان على ركان لو تنقلب عليه اسمهان
لاني حسيته ظلمها لأمل بطلاقه لها
وام وليد رح تخرب عش اسمهان
واسمهان اجاها الدور عشان تغار من امل
المهم ... جزء رائع ...وبأنتظار الجزء الجديد.
وبالنسبه للغز .. هو صعب نعرف شو الي في بالك
بس انا شفت اسم هجير مناسب لابيات القصيده اكثر شي

لاحل الغضب يمكن لبيتك تفقدين
.....................وتجي بدالك وحدة اسمها(هجير)

ودمت بألف خير ..ويعطيك الف عافيه . . /

قصة راكان(كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget