-
-
رد: قصة راكان(الجزء الأول)
السلام عليكم
تسلم يمينك رواية شيقة ومتيرة والأكثر اتارة فكرة الالغاز
ساندرا و أنة حرف خفو على اسمهان شوية (هههههه)
بالتوفيق ان شاء اللهتعليق
-
رد: قصة راكان(الجزء الأول)
قصة تحاكي مايحدث في مجتمعنا ..
ويزد من من مشاكل الحياة الزوجية على الشركاء وأبنائهم ..
من تفكك اسري ومن تباعد ثقافي بين جيل سيتكون من عالئلة ينقصها الاتزان ..
قصة اجتماعية من خلالها أبحرت بذكاء ما نحن فيه من قصور بداية في غلاء مهور ..
ولا نهاية لأسباب اخرى كاشوفة شرعية للطرفين وغيرها من أسباب تؤدي الى تدهور أسرة وجيل ..
كثيرة وأكثر الكلمات التي تعجز عن تحليل القصة وهدفها ..
وعن عن جمال ما تخللها من أشعار والغاز ..
استمر لأننا على أكيد أنك مبدع وستزد ..
تحيتي ..تعليق
-
رد: قصة راكان(الجزء الأول)
الجزء العاشر من(قصة راكان)
ام وليد طبعا استغلاليه ولقت صيدتها اللي هي اسمهان وبدأت تلعب لعبتها تعشوا مع بعض وخلصوا من العشاء وام وليد حطت اسمهان براسها بدت تخطط كيف تستغل اسمهان
راكان يرجع للبيت...وينادي اسمهان وينك..اسمهان ترد موجوده ياعمري تامر على شي
راكان ...لا ياحياتي انتي تامرين على حاجه..اسمهان لا شكرا ياراكان
اسمهان.. لاتنسى ياراكان بكرا الصباح نبي نروح للمستشفى راكان ..خلاص باذن الله وفي الصباح راحوا للمستشفى وعند الدكتور فحوصات وتحاليل قال الدكتور مبروك ياسمهان انتي حامل بالشهر الخامس...فرحت واخبرت راكان وانبسط راكان من هذا الخبر..ورجعوا للبيت
راكان ..يسأل اسمهان وش قررتي بشأن المشروع..اسمهان..خلاص ياراكان انا موافقه...راكان ..لكن عندي شروط ياسمهان ترد اسمهان انا قابله بشروطك..قولها
راكان شروطي كالاتي..
1- تسوين لي وكاله عامه من المحكمه الشرعيه بحرية التصرف بجميع مايخصك ولا يمكن الغائها الا بحضور الطرفين..
2- توقعين لي على ورقه ان جميع التكاليف والأموال التي بالمحلات هي من حق راكان وهو الذي تكفل بتوريدها للمحلات وليس لي الحق بالتصرف بها..وتكون هذه الورقه مصدقه من الغرفه التجاريه
3- تكون حصتك من الربح الربع فقط لاغير
قابله بشروطي ياسمهان ..ترد اسمهان نعم قابله وعلى هذا تم الإتفاق..وما كان شرط كان سلام
وفي الصباح الباكر يروحوا للمحكمه الشرعيه ويعملوا الوكاله العامه وبنفس اليوم يستخرج لأسمهان السجل التجاري ..بعد تأثيث المحل ويعمل لها الإشتراك بالغرفه التجاريه ويوقعها على الورقه التي هي من ضمن شروطه رقم(2) ويصدقها من الغرفه التجاريه
راكان يبدأ اعماله التجاريه بعد ان استكمل كافة الإجراءات اللازمه للتراخيص من البلديه والسجل التجاري وجميع مايخص المحلات..
ام وليد..تتصل على اسمهان الو....الو... ترد اسمهان اهلين ام وليد كيفك وكيف العيال.....
ام وليد.....الحمد لله بخير ونعمه..ام وليد تقول لأسمهان...اذا ماعندك مشوار الليله ابجي لعندك نتسلى مع بعض
اسمهان....الله يحييك وابجهز العشاء.....ام وليد...تقول عساك على القوه...
يرجع راكان للبيت وينادي اسمهان ...ياسمهان...ترد اسمهان..نعم ياعمري
راكان...الليله نبي نطلع انا وانتي وفيحان نتعشى برا...
اسمهان..بس انا ياراكان عطيت وعد لأم وليد تبي تجي الليله ونتعشى سوا
راكان..يصير تاخذين قرار من دون علمي تراها اخرمره اسمح لك فيها بعدها تحملي مايجيك سمعتي والا ...لا....اسمهان..سمعت ياراكان وانا اسفه..جاء المغرب وحضرت ام وليد ومعها اولادها
راكان....عن اذنكم انا رايح اتعشى برا....تبين شئ ياسمهان قبل مامشي.....اسمهان..لا ياعمري
ام وليد....هاه ياسمهان وش الأوضاع عندك
اسمهان...الحمد لله وابشرك راكان اثث المحلات واستخرج جميع التراخيص اللازمه وسويت له وكاله عامه بحرية التصرف وبكرا يبي يروح لمكتب العمل لأستخراج تأشيرات العمال..
ام وليد...يعني مايطلع بايدك شئ اذا طلبتيه منه...
اسمهان...لا ماعليك راكان يحبني ولا يرفض لي اي طلب...
ام وليد....شوفي ياسمهان اسمعي كلامي زين..من مشروعك هذا عندي لك مشروع صغير تكسبين من وراه ذهب.....اسمهان تقول كيف يعني مافهمت...
ام وليد...تقولين لراكان يخصص اربع تأشيرات على سوريا وهذا من حقك..وحده ابغاها لأخوي اباجيبه عندي والباقيات ابيعهن لك بالنصف بيني وبينك..تدرين ان الثلاث تأشيرات الباقيه
قيمة الوحده(14000) ريال يعني الثلاث يصفن لك(42000) ريال نتقاسم قيمتهن حسب ماتفقنا عليه يعني كل وحده منا يطلع نصيبها(21000) ريال
اسمهان...اكيد يام وليد
ام وليد...اكيد وستين اكيد كل العالم عايشه على التأشيرات بس لاتقولين لراكان نبي نبيعهن ...وحاولي فيه قدر المستطاع لاتخلينه يغلبك ويتصرف على كيفه
اسمهان...خلاص ولا يهمك مادام الدعوى فيها فلوس......راحت ام وليد هي واولادها...ورجع راكان للبيت سلام عليكم ...اسمهان ...وعليكم السلام..
اسمهان...عندي موضوع اباكلمك فيه ياراكان
راكان....خلاص اجلي الموضوع بعدبن...وبعد مضي كم شهر..ام وليد كل يوم تتصل على اسمهان ..هاه وش صار بموضوعنا... اسمهان ترد عليها انا جيت اباكلم راكان بالموضوع وطلب تأجيله ...أم وليد..ماهي مشكله بس اهتمي لي بالموضوع..اسمهان تقول خلاص ولا يهمك..
فجأة تتعب اسمهان وتنادي ....راكان...ياراكان...يرد راكان نعم ياحياتي
اسمهان...وديني على المستشفى حاسه بتعب راحوا للمستشفى.. وبعد التحاليل والكشف قال الطبيب لراكان زوجتك بحالة ولاده..وعلى غرفة العمليات وراكان ينتظر هالمره وش يكون المولود...جاء الدكتور لراكان مبروك ياراكان اجتك بنت تتربى بعزك..راكان الله يبارك فيك يادكتور..وقال راكان... واسمهان حالتها كيف يرد الدكتور كلهم حالتهم مستقره....
راكان يطير من الفرح وبعد يومين تطلع اسمهان والأموره معها..وتتصل على ام وليد...ابشرك رزقني الله ببنت..ام وليد الله يبشرك بالخيرولقتها فرصه خلاص الليله ابازورك والعشاء خليه عليه انا باسويه بالبيت واجيبه معي.... اسمهان تقول خلاص خليني اباقول لراكان اول واعطيك خبر..ام وليد ..خلاص انا بانتظارك..
اسمهان..تقول لراكان وش رايك ام وليد تبي تجي زياره وتبارك لنا بالمولود وتبي تجيب العشاء معها تبي تسويه عندها بالبيت
راكان..خلاص خليها تجي...حضرت ام وليد واولادها معها ومحضره العشاء..
راكان يقول لأسمهان..لاتاخذون حسابي بالعشاء انا معزوم عند صديقي الليله..اسمهان..كنت اباكلمك بوضوع ياراكان وانت قلت اجليه بعدين والان جاء وقته
راكان شنهو الموضوع..اسمهان...ابي منك لو سمحت تتطلع لي اربع تأشيرات على سوريا على كفالتي...راكان يشرد ذهنه شوي ويقول لأسمهان..هذا الطلب اختيارك والا اختيار غيرك
اسمهان..تبي الصراحه..طلبت ام وليد مني على شان تبي تجيب اخوها وعيال عمها....راكان اشتغل فكره وعرف ان فيه عملية استغلال..وعنده خبره عن التأشيرات والعماله..
راكان ...طيب خلي ام وليد تجي ابا اسألها كم سؤال..اجت ام وليد سلام عليكم...راكان وعليكم السلام...ام وليد...مبروك المولود ويتربى بعزكم...راكان الله يبارك فيك
ام وليد..والله اشتقنا لك بدأ الان تمسيح الجوخ...راكان ...تشتاق لكم العافيه....وش عندك ياأم وليد وش انتي طالبه من اسمهان....ام وليد..الله يرضى عليك ياراكان طلبت منها ابيك تتطلع اربع تأشيرات على سوريا ابا اجيب اخوي وعيال عمي.. راكان طيب ماهي مشكله خلينا بأخوك بالأول عندك صوره لجواز اخوك على شان تطلع التأشيره بمهنته... ويسألها سبق اخوك جاء قبل هالمره للسعوديه....قالت له ام وليد..لا.. هذي اول مره يجي فيها للسعوديه وهذه صورة الجواز..اعطت راكان الصفحه الأولى من الجواز والصفحه الثانيه تبين اسمه وبياناته...
راكان يصير خير ياأم وليد...راكان ذكي ولكن ام وليد اغبى من الغبيه..راح راكان للجوازات يعرف له ضابط بالجوازات وقال له ابي منك خدمه..قال الضابط امر ياراكان...قال راكان ابيك تشوف لي الإسم هذا سبق وان جاء للسعوديه واعطاه صورة جواز اخو ام وليد دخل الضابط على جهاز الكمبيوتر وادخل الإسم وبياناته..وقال هذا سبق ان عمل بالسعوديه وقبض عليه بعملية اختلاس مع كفيله السابق وانهى محكومية سجنه ودفع المبالغ المختلسه وتم ترحليه ولا يحق له الدخول مره ثانيه للسعوديه سكت راكان وشكر الضابط وطلع..
راكان يفكر..ام وليد وش تخطط عليه..نادى لأسمهان وقال لها متى تبي تجي لمك ام وليد.قالت اسمهان يمكن اليوم قال راكان اتصلي عليها وخليها تجي ضروري....
اسمهان...يعني مشى موضوع التأشيرات ياراكان....راكان يرد عليها قولي ان شاء الله..اسمهان تتصل على ام وليد تراى التأشيرات مشي حالهن وراكان طالبك تجين بأسرع وقت وحضرت ام وليد هاه بشر ياراكان...راكان يقول لأم وليد ابشري بالخير..التأشيرات حصلنا عليهن ولا حددنا الأسماء...
ام وليد...نسيت اقول لك على حاجه ياراكان...راكان قولي يام وليد..تقول لراكان الجواز اللي عطيتك قديم واخوي من سنه حصل التباس باإسمه وغير اسمه ..راكان يقول ..غير اسمه فقط
ماغير اسم ابوه والعيله...ترد ام وليد نعم اسمه فقط اللي تغير....
راكان....اسمعي ياأم وليد اخوك جاء من اربع سنوات للسعوديه وعمل بمحلات وقبض عليه بعملية اختلاس وتم ترحيله من سنه.. والاعيبك خليها على غيري والتأشيرات حولتهن على جنسيات اخرى يستاهلونهن..شوفي غيري تلعبين عليه...ام وليد تفاجأت وفنجرت اعيونها وقالت صحيح اني غبيه انا ليش عطيته صورة الجواز القديم لازم اصبر واقول لأخوي يرسل الجواز الجديد بعدين اعطيهياه..راحت لأسمهان وقالت لها جوزك مصيبه ماينلعب عليه انكشفت الأمور...وخربت خطة ام وليد...وتحاول تدور على خطه ثانيه كيف الله اعلم..
وقال راكان هذه الأبيات واللغز موجود بكلمه واحده باخر الشطر الأول من البيت الثاني ...وتكون بين قوسين باللون الأخضر..الكلمه يوجد فيها اسم ام وليد من خمسة احرف
واسم بنات ام وليد وحده من اربع احرف والثانيه من ثلاثة احرف واسم بنت راكان المولوده الجديده من ثلاث احرف...............
.................................
انقطعت الامال والله وصرتي بعيني صغيره
....................وصرت أدور على اللي يزهاها لبس العباة
وانفصل حبل الموده والمحبه عن مسيره
..................هذا شعري وابي اسم ام وليد واسماء البنات
ام وليد ياأسمهان اطلعت انسانه حقيره
....................ودها تلعب لعبتها عليه وعليك بكل الجهات
ياسمهان انتبهي لبيتك ترا هذي خطيره
..............وانسي صداقتها واتركيها وقولي لها مافات مات
.............................
اسمهان تقول لراكان وش قصدك بها القصيده ...يرد راكان عليها اعتقد فهمتي قصدي ...والى هنا ويكفي..اسمهان تلزم الصمت
فجأه يدق جوال راكان....ويناظر الرقم ويقول الرقم هذا ماهوغريب عليه..
راكان ....يرد..الو.....الو...مين معي .....ترد انا امل ياراكان
راكان يتفاجأ......أمل
ترد نعم انا أمل
راكان كيفك ياأمل
ترد أمل والله الوضع ياراكان سئ
اسمهان...تستغرب يوم سمعت طاري اسم أمل..وتعلي صوت التلفزيون من القهر وتدير وجهها الى راكان وتفنجر اعيونها...شو بدك فيها ياراكان مانت طلقتها وانتهت من حياتك شو بدها بعد...
راكان ماعليش ياأمل سكري الخط خمس دقائق واتصل فيك...راكان يقول لأسمهان انتي وش دخلك فيها لاتنسين انها ام بناتي واذا كان فيها شئ أكيد ابساعدها
اسمهان..طلعت من الصاله وراحت بسرعه على غرفتها
راكان يتصل على أمل وترد ..كيفك ياأمل وش اخبارك
امل..والله ياراكان الوضع سئ للغايه اهلي زوجوني بالغصب من رجل كبير بالسن عمره(65 سنه) وعنده زوجتين وعياله ماشاء الله هذا الكلام من خمس سنوات وانجبت منه ولد وبنت ولكن شاء القدر ومرض زوجي بالمرض الخبيث السرطان الله يحمينا وياكم منه وتوفي ولكن قبل وفاته باسبوع رمى عليه الطلاق بالثلاث ورجعت لبيت اهلي هذا الكلام من خمسة أشهر وضاعت حقوقي من الميراث والأن انا عند اهلي ووضعي سئ للغايه ..حتى عند اهلي زوجات اخواني يكرهوني مادري كيف أسوي....
راكان.....خلاص ياأمل ولا يهمك انا بكرا اباجيكم زياره ان شاء الله واجيب معي البنات أحلام وعبير تشوفينهم ويسلمون عليك...انتهى الجزء العاشر
ماهي الأفكار التي تدور برأس راكان..وماذا تتوقعون ..ويش يبي يحصل..وماذا يحصل لأم وليد وابنائها ..احداث غريبه وعجيبه سترونها بالجزء الحادي عشر يوم الثلاثاء القادم ان شاء الله
حقوق الطبع محفوظه للسحاب (الساري)التعديل الأخير تم بواسطة السحاااااااااااب; 23-11-2013, 01:13 PM.تعليق
-
رد: قصة راكان(الجزء الأول)
لغزالجزء العاشر
موجود بكلمه واحده باخر الشطر الأول من البيت الثاني ...وتكون بين قوسين باللون الأخضر..الكلمه يوجد فيها اسم ام وليد من خمسة احرف
واسم بنات ام وليد وحده من اربع احرف والثانيه من ثلاثة احرف واسم بنت راكان المولوده الجديده من ثلاث احرف...............
.................................
انقطعت الامال والله وصرتي بعيني صغيره
....................وصرت أدور على اللي يزهاها لبس العباة
وانفصل حبل الموده والمحبه عن (مسيره)
..................هذا شعري وابي اسم ام وليد واسماء البنات
ام وليد ياأسمهان اطلعت انسانه حقيره
....................ودها تلعب لعبتها عليه وعليك بكل الجهات
ياسمهان انتبهي لبيتك ترا هذي خطيره
..............وانسي صداقتها واتركيها وقولي لها مافات مات
كلمة( مسيره )
يوجد بها
1- اسم ام وليد من خمسة احرف
2- اسم بنت ام وليد الكبيره من ثلاثة احرف
3- اسم بنت ام وليد الصغيرة من اربعة احرف
4- اسم بنت راكان المولودة الجديده من ثلاثة احرف
يالله شدوا حيلكم والجائزه مرصوده تحياتي للجميع وبالتوفيق
تعليق
-
رد: قصة راكان(الجزء الأول)
جزء رائع بالفعل
يعطيك العافية كل جزء يزيد التشويق والحماس أكثر
الحمدلله ع رجوع أمل للأحداث مرة أخرى
وإن شاء يرجعها راكان وتجي تجلس ع قلب اسمهان الغثيثة
بانتظار الأجزاء القادمة
بالنسبة للغز
اسم أم وليد (سميرة)
اسم البنت الكبرى(سمر)
اسم البنت الصغرى(ميرة)
اسم بنت راكان( ريم)
اتمنى الحل يكون صحيح
تحياتي للجميع
واحترامي وتقديري للمميز السحاب
بس عندي سؤال للسحاب يصير نكرر الأحرف أو لاالتعديل الأخير تم بواسطة أنة حرف; 23-11-2013, 03:26 PM.تعليق
-
رد: قصة راكان(الجزء الأول)
بارت جميل جدا يا السحاب
يعطيك ألف عافيه عليه
اتوقع ان راكان حيرجع أمل بما انها تزوجت اخر ودخل بها وانجبت بيقدر يرجعها وتكون حلاله
وانا شايفه هادا اللي حيصير
واتصال امل انها كانت بدها من ركان يرجعها لعصمته
وبالنسبه لام وليد مبعرفش ايش حيصير فيها صراحه وباولادها
بس طالما اخوها مكار راح يوقع اسمهان بمصيبه من خلال ام وليد
وراح تشغل مخها هالمره
وبالنسبه للغز
كلمة( مسيره )
يوجد بها
1- اسم ام وليد من خمسة احرف<<سميره
2- اسم بنت ام وليد الكبيره من ثلاثة احرف<<سمر او سهر
3- اسم بنت ام وليد الصغيرة من اربعة احرف<<سهير
4- اسم بنت راكان المولودة الجديده من ثلاثة احرف<<ريم
يالله شدوا حيلكم والجائزه مرصوده تحياتي للجميع وبالتوفيق
هادا اللي طلع معاي
وبارك الله فيكتعليق
تويت
تعليق