الجزء الثاني

الكويت..بفلة مشعل

كانت تركض..تركض بغابه مظلمه مو عارفه من وين تطلع وبأي اتجاه تسلج شافت ريال
يالس راحت لعنده وحطت ايدها على جتفه...ولف لها

طيف...مشاري
مشاري..وين بتروحين مني وراج وراج

طيف اركضت منه وهو ركض وراها ومسج ايدها واهي تصرخ بأعلى صوتها..

بس اللحين ان انحطت ايد على جتفها وينادي عليها..طيف..طيف..طيف

طيف افتحت عيونها..هلا مشعل
مشعل..قومي صلي الفير تأخرتي على الصلاه..ومين هذا الي تهدين بأسمه وانتي نايمه
طيف خافت..ماكنت اهاذي
مشعل..وليش انايم يسمع الي يقوله
طيف واهي قايمه..ماكنت اقول شي
مشعل..ههههههههههههههههه
طيف..ليج فيني شي بيضحج
مشعل..لا بس حبيت اتغشمر معاج

في بيت بوريما

عهود..عمي وصلنا ابطريجك المدرسه
عصام..بس برجعه دبروا راسج لاني ماراح ايي اخذج
عهود..مافي مشكل

بالشريكه

حسام..اشفيها هذي مايات من امس
وائل..عساها ماتيي
حسام..حرام عليك اهي اشسوت فيك
وائل..الحقيره بسبتها نزلوا راتبي
حسام..بس انت الي بديت معاها
وائل..انا راح اخليها تدفع الثمن..على فكره انا مو مداوم بعد الظهر
حسام..ليش
وائل..عندي شغل براء لكويت

دبي..عند ريما

ايلست ريما من النوم بعد طرق لباب عليها قامت من سريرها واقفت يم لباب..

ريما..منوا
سامي..انا سامي
ريما..اشفيك يالس من بدري
سامي..يلى زهبي نفسج بنروح مشوار عندج ربع ساعه انا استناج بالوبي
ريما..خلاص انت روح وانا ايي لك

دخلت التواليت غسل ويهي وفرشت اسناني من حسن حظي اني متروشه بالليل قبل مانام
فتحت الكبت وطلعت لي من الكبت ابلوزه لونها وردي لبستها وفيها قبعه من وراء واحزام

وطلعت معاها بنطلون جنز ازرق لبسته معاها مع سير بسلاسل..وفكيت شعري وحطيت
لي كحل ولبست لي صندل ونزلت لسامي في اللوبي...

ريما..وين ماخذني من الصباح
سامي..باخذج على قلبي

بالشغل..عند سيف

تركي..زين يت اليوم لمدير سأل عنك
سيف..اشيبي هذا
تركي..يمكن بيعطيك محاضره عن غابك الاسبوع الماضي

في بيت زايد

شيخه..زايد..زايد مين هذي لبنت الي تيي لك انت شنوا يالس تخبص
زايد..مالج شغل فيني

في بيت بوفهد

ندى..ماشاءالله عليك يافهد بسرعه خليت اسيل تحبك
فهد..وانتي شدراج
ندى..توني مسكره منها وقالتلي اني اوصل سلامها لك

فهد من كثرة مكانة اتكلمه ندى عن اسيل حبها حيل صارة اهم شي بحياته..مايدري ان
اخته تخدعه بس تبي تبعدها عن طريجها وتفضي الساحه لها مع علي..

فهد..عطيني رقم اسيل
ندى..تبيه
فهد..اي
ندى..سجل عندك

دبي راحوا على جزيرة النخله ادخلوا على مدينه العاب مائيه العبوا في الالعاب وبعدها راحوا
على خليج الدلافين..

ريما..حلوا انا بهالبس
سامي.اي حلوا اكثير
ريما..تتوقع الماي بارد او دافي
سامي..دافي ماراح يصيرج شي

ومشينا على مكان مو موجود الدلافين نزلنا على الماي انا مسكت ظهر الدنفيل وهو يمشي
ابي اما سامي وهو يحدف الكوره ويمسكها الدنفيل

سامي..اعجبج المكان
ريما..حلوا حبيبي تسلم

سامي..اهم شي اشوف ابتسامتج الي اذوب القلب

الكويت..في بيت سيف

رجع سيف البيت على العصر شاف حوريه بالمطبخ اتسوي كيكه مع خالد ودخل لعندهم

خالد..حوريه حطي الكريمه بنيه
حوريه..موعلى امرك حبيبي
سيف..كلمة حبيبي مغير لي تنقال
حوريه واهي تحط الكريمه على الكيكه..تغار من ولد اختك
سيف..واغار من نفسي بعد
خالد..لباب يطق بروح اشوف منو

سيف وهو يشيل الكريمه من على الكيكه ويخرب شكلها

حوريه..شفت خربت منظرها

سيف وهو يعفس اكثر وحوريه تبعد ايده واهم هيج اختربت الكيكه وظلوا يلعبون بالكريمه

حوريه..لا سيف
سيف وهو يحاوط خصر حوريه ويملي ويهها من الكريمه..احبج انا
حوريه..وانا احبك..بس شوف شنوا سويت خربت كلشي مسكين خالد اللحين بيزعل
دانه..مساءالخير
حوريه واهي بحضن سيف..مساءالنور حياج دانه
دانه..شلونك سيف
سيف وهو يحب خد حوريه وماعطه دانه اي مبلاه..ابخير انا
دانه انغهرت من اسلوب سيف معاها..شكلي ييت بوقت غير مناسب
سيف..اي والله جنج تدرين
دانه..ايل استئذن انا
حوريه واهي تفك نفسها من سيف..لا اشدعوه حياج

دبي

سامي..بقه مكان اوديج فيه لان اليوم بنرد الكويت
ريما..انا وين ماتوديني راضيه حتى لو على النار
سامي..مستحيل النار تجيلج وانا بقربج..هاج لبسي هذا
ريما..ليه الملابس هذي
سامي..بندخل بهالاسطوانه وبنرتفع فيها يعني كأنه بالفضاء

ريما ولبسنا هالملابس ودخل سامي بالاول وبدى يشغلب فيه العامل الي دخل وياه وبعد ماطلع
سامي دخلت انا وسواي مثل ماسوا لسامي وبعدها طلعت انا...

سامي..اشعورج
ريما..ولا اروع منه

الكويت..بفلة مشعل..عند طيف تكلم مشاري

طيف..انت اشتبي فيني اطلع من حياتي اكفايه الي سويت فيها خلني اعيش مثل مابي
مشاري..ابي اشوفج
طيف..ماقدر
مشاري..اذا ماجيتي الشقه باجر اعرفي ان اصورج منتشره ليمن ماتوصل لعند ريلج المحترم
طيف..مافيك اتسويها
مشاري..لا تتحديني انتي تعالي وبس

بفرنسا

بفرنسا خلصت علاج ليلى وبترد لكويت مره ثانيه بس حزينه لمين ترد وحبيبها خلاص صار
لغيره احزمت شنطة ملابسها..

سعاد..علامج
ليلى..مين لي بعد مشعل
سعاد..مشعل يحبج وراح تردين له
ليلى..مشعل نساني..مشعل يحب مرته طيف
سعاد..وانتي اشدراج
ليلى..تذكرين يوم طلبت منه يورني زوجته طلع لي من بوكه صوره لها
سعاد..عادي
ليلى..مشعل كان من قبل يحمل صورتي بوكه واللحين يحمل صورة طيف..يعني شالني
من قلبه وعقله وحل محله طيف

الكويت

بالكويت بالتحديد ابيت بوفهد اليوم ياين بيت بوسعود زايرين عند بوفهد كانت يالسين فهد وسعود
وندى واسيل براء لان الجوا حلوا...

سعود..شلون ادراسه معاج
ندى..دخيلك لا ذكرني ابها

اسيل كانت ماله من سافر علي مع ابوه واهي تحس ان الحياه مالها اي معنه من دونه وفهد
ماشال عينه عن عين اسيل..ندى قامت من يمهم سوت نفسها بتيب شي يشربونه يوم

شافت اسيل تلعب بالموبايل حان الوقت للخطه خذة موبايلها الي عندها ودزت مسج لفهد
وفهد فتحه وطار من الفرحه يفكر انه اسيل راسلته له
وارسلت له رسالة حلوه

قراها بتمعن رسل رساله بهالوقت يات رساله لأسيل وفرحت لها الرساله من علي وفهد على
باله انها افرحت من الرساله الي رسلها اهو

اسيل تقراء الرساله واهي وشوي وتدخل بوسط الموبايل...

أنا ماأبي من الدنيا سوى لحضه لقى وحده-
أبي أطيح من طولي على صدرج وتحضني..
تعبت أشد بج حبل الشوق وأمده..
أبي أشكي على صدرج عطش هالحب؟؟
أرويني..دخيلج لا تخليني ترى صبري وصل حده..
""أهيم بعالمج طفل أمانه لا تخليني؟؟
""أحبج""

دبي

دبي بالفندق بعد ماردوا وتجهزت الشنط ايلست ريما تكتب رساله وادموعها كلها تنزل على
الورقه لانها عاشت مع سامي اسبوع ينن لان على وصولها للكويت راح تفترق عن سامي
للبد...

الكويت..في بيت بوريما

عهود..اش كلذا يمه كله لريما
ام ريما..اي اشتقت لبنتي
عهود..الله الله عليج ماظل اكله ماسويتيها لها
عصام..ريما تستاهل كل خير اهي شمعت هالبيت كله
دعاء..وانت شتكون اذا اهي شمعته مصباح لبيت انت
عصام..هههههههه بايخه

بالمطار

بالمطاردبي ركبوا الطائره صاروا بيهت الدريشه..سامي من داخل وريما من براء..
سامي مغمض اعيونه لانه يحس بدوران بالطياره..اما ريما اعيونها كلها على ويهه سامي

تبي تتمعن بهالجمال الرباني الي عطاه ايه ربه..غارقت ادموعها بوسط عينها ماقدرة انها
تحبسها خلتها تنزل على خدودها بحراره قاتله..حس سامي انها تبجي فتح عيونه لها..

سامي..حبيبي
ريما واهي تمسك ايده وتحطها على خدها وتحرك خدها على ايده..تأكد اني احبك واني
مجبره على الشي الي راح يصير بس ماقدر اغير القدر
سامي..اشفيج من صار وقت مابنرد وانتي تبدلتي
ريما..لان الي بيصير بعد مانرد لكويت اكبر مني ومنك
سامي..الي يسمعج..يقول انج بتودعين الدنيا
ريما..لا تهتم بالي انا اقوله خلك بنفسك
سامي..انا بس ارد راح ايي واطلب ايدج من اهلج لا تفكرين اني اخدعج
ريما..حتى لو انك تخدعني..انت عيشتني ايام اتخليني اغفرلك

سامي كان وده يقول لها عن موضوع هنادي بس ماحب لانه عارف هنادي ماراح توافق لانها
حبت عصام ومستحيل احد يغير رايها..

ريما واهي تحط راسها على اذراع سامي وتسمع دقات قلبه وتبجي من خاطر سامي الي مو
عارف شلي فيها ظل يمسح على شعرها ويقراء عليها المعوذات..وبعد ماخلص سألها

سامي..ريما اشفيج الي ايشوفج هذا اخر لقاء بيجمعنا فيه..رفعي راسج حبيبتي لكل
يطالع بستقراب
ريما..مابي ابي اظلج جذي ابي اشبع منك اخاف عليك

سامي حتى اهو بعد قلبه يدق حيل يحس بنفس شعور ريما انهم راح يفترقون عن بعض بدت
تنزل ادموعه بدون اشعور..

ريما ظلت هيج وتشم بريحت سامي اليمن خذاها النوم وماصحت الاء عند وصولهم الكويت
يلسها سامي بالخفيف..

سامي..ريما..ريما..حبيبتي يلسي وصلنا لكويت يلىعشان تنزلين من الطياره اكيد
اهلج ياين يستقبلونج بالمطار..

ريما افتحت عيونها على وسعها ظلت تطالع في سامي وبعدها قامت من الكرسي وقبل ماتمشي
انزلت لمستوا سامي وحبته حبه قويه ونزلت دمعه بللت خده فيها وقالت له قبل ماتمشي..

ريما..سامي حبيبي انت..ابك تعرف انك حبيبي أغلى من الروح..سامحني ارجوك
ابيك تعرف اني احبك اكثر من نفسي...ومشت عنه

سامي ظل يناظر فيها ليمن اختفت عنه الاء شي ماختفى عنه عبير عطرها الي ظل يشم فيه

عند لبنات بالمطار

دعاء..وينها من ساعه حطت الطياره وماشفنا لها اثر
عصام..اجرئات اكيد اتعطلت بشي
عهود..كاهي اطلعت

ريما شافت خواتها وعمها ولوحت بأيدها لهم وارسمت على شفايفها ابتسامه ممزوجه بألم و
تعب العمر كله راحت لعندهم واحضت واحد واحد فيهم وقبل ماتطلع من المطار لفت ويهها

وشافت سامي وهو يجر في شنطته..ارفعت ايدها لوحت ابها تلويحت الوداع..وهو
بداره لوح بأيده والادموع تسيل من تحت النظاره...

في بيت بوفهد..عند فهد

فهد..اسيل شرايج نبتدي اول خطوه
...والهي
فهد...اني اخطبج
...مو تو الوقت بدري خلنا اشوي وبعدين نخطب
فهد..بس انا اشتاقلج بكل لحظه تمر علي
...وانا مثلك ويمكن ازود اشوي
فهد..مع السلامه والقلب معاج
...الله يسلمك

عند ندى

ندى..برابوا عليج لعبتيها صح ياغنيمه
غنيمه..مو حرام نجذب على اخوج
ندى..اخوي غبي الي مايميز صوتج عن صوت اسيل
غنيمه..واذا عرف اخوج شراح تسوين
ندى..يفرجها الله وانتي خليج باللعبه
غنيمه..الي تشوفينه

بفلة بوحمد

نور..عمي حبيبي
سامي حضن نور حيل وظل يشم فيها يحس انها الي بتعوضه افراج ريما..اشتقت لج
نور..سامي اشجبت لي
سامي..كلشي بقيتيه مني
ام حمد..الحمدلله على سلامتك

سامي وهو يرمي نفسه بحضن امه كان مقهور حيل يحس ان يبل يالس على صدره وكاتم على
انفسه..

ام حمد..يوه رجعت ياهل يبي حنان من امه
سامي..يمه قنعتي ابوي انه يبعد الفكره عن راسه بزواجي من هنادي
ام حمد..لا اهو مصر انه باجر انروح نخطب لك
سامي..يمه انا احب ريما.ريما خفوضي..خفوضي بين اضلوعي

مها كانت داشه عليهم الصاله واتئلمت من حجي سامي لانه عارفه ان سامي اذا حب ماراح
يسمح لحب ثاني يدخل بحياته

مها..الحمد الله على سلامتك سامي..جلذا دبي نستك اهلك
سامي..معاج مين ينسيني اهلي
مها..نتمنى

توها سامي بيجاوب على مها الاء ياتله رساله من ريما فتحها...

ودي أبعد عن تفاصيل الزمان ..

واسكن جروحك ولو فيها نكد ..

دامني معاك الدنيا أمان ..

عيونك المرسى وقلبك لي بلد ..

بسألك بأسم الواحد الرحمن ..

ما تبخل علي أبد ..!!
ولو تباعدنا بالمكان

سامي بعد ماخلص من القرايه حب الموبايل..ورسل رساله خلاء ريما تتعذب وتبجي واهي
تقراها من اعماق..اعماق..اعماق قلبها..

لاغبت عني دمعة العين
تبكيج

وان جيت يمي خافق القلب
حياج

موج البحر ونسمة الليل
تغليج

وشلون مايغليج شخص
تمناج

مهما تهب الريح والغيم
يخفيج

لابد يوم تشرق الشمس
وألقاج

ريما رمت نفسها على السرير ولمت موبايلها لصدرها وظلت تبجي واهي اتمتم بالكلمات..

ريما..سامي..حبيبي..سامي لانك راح تسمع بخبر زواجي وراح تكرهني اكثير بس
عشان حياتك مستعده اضحي بحياتي..

الله يعافيك

هذا من ذوقك انك تشوفينه جميل

وتسلم ايدك على ماخطت من تعليق

الي اشرف انك تكوني متواجده بصفحتي المتواضعه