الجزء الثاني


في بيت بوعلي

دخلت غرفتهم شافته ساجد على السجاده ماحبة انها تقطع عليه..ادخلت التواليت تلم الملابس الي
يبيلها تنظيف..وبعد ماخلصت طلعت..توقعته خلص بس ماشافته هيج..طاحت السله من
ايدها اتعبت عليه وبدت تنادي عليه بس ماستجاب لها ونادت على ابنها....

سارا..علي..علي..(وقامت واوقفة يم الباب وارجعة ونادت عليه)..علي..علي

علي وهو يرمي لموبايل من ايده ويركض لعندها..

سارا..علي ابوك مادري شعلامه..

علي يتحسس من النبض...

في بيت سيف

اسيل..كيفج حوريه انتي بخير
حوريه..بخير بظلين واقفه..
اسيل..بالاول ريلج المصون هون
حوريه..لا..الله يعيني اذا رد
اسيل..والله يمج بتغدى عنج..ومارح يفج حلجه

بالجامعه

طلال..سامي تتغدى معانا اليوم

سامي يسكر الدفتر مسوي روحه كلش انسان يحب شي اسمه دراسه ومذاكره وهويرقم البنت

طلال..سامي انا احاجيك
سامي..لا انا عندي موعد غدى مع احلى بنت بالكويت
طلال..ياخين ولا تعزمنا
سامي..تبي تعال مين ماسكك..ويلتفت على محمد..الا جم الساعه حمود
محمد..الساعه 12:15
سامي..ووووووووووه تاخرة
طلال..وباي مطعم
سامي..بمطعم القيصر لحقوني

بالمستشفى

الدكتور..انا مو قايله لكم لا تخلونه يتعب
علي..انا نسوي كل الي كلته لنا
الدكتور..بس قلبه تعبان وايد..ديرور بالكم عليه

في بيت سيف

حوريه..شفيك الاكل ماعجبك
سيف..الا تسلم ايدج

حوريه قمت من مكاني واخذة المعلقه واضفت لها اكل بالصحن..وانتبهت ان اسيل ناقعه من
الضحك على سيف...

سيف وهو يطالع بحوريه..هذي تبي تينني تعرف اني ماقدر اني ماكل من ايدها رغم ان الرز
مالح حده ولا ينوكل...

بالمطعم

سامي..اوووووووووف شيابها هذي معاهم اكيد سوالف طلول..انا اوريه

طارق وهو يبوس نور ونور اخذت المنديل الي على الطاوله وسحت خدها فيها ماتحب طارق حيل

محمد..ايل وينها لبنت الي عازمها
سامي..والي يالسه يمنك
نور..اظاهر انا مو قدر لمقام
صبيحه قاطعة محمد..متى بطلبون لنا الاكل
سامي وهو يحاجي طلال بعد ماقرب لكرسي لعنده..انا مو قايلك لا تيبونها معاكم
طارق..شسوي معاها تعلقت فينا
محمد..ماطلبون لنا اكل
سامي..لو سمحتي ممكن تيين

بنفس المطم..عند ناس

حنان..روحي انتي انا بحاسب الطاوله السابعه
...اوفففففف مبين عليهم شباب سخيفه
حنان..انتي شعاليج منهم

على طاولة سامي

راحت لعندهم واوقفت يمهم تبي تشوف شنو يبون بس ماحد عطاها ويهه..واحترقت اعصابها
وانفجرة عليهم..

...اذا خلصتوا مؤتمر الولايات المتحده نادوني

رفع راسه انصقع من جمالها تسبه فيها..اول ماشافها يايه لعندهم فكرها اجنبيه مو بنت ابلده..

سامي..اثر تتكلمن زياتنا
...ماشاءالله اثر عندك خفت دم

صبيحه حست باهتمام سامي لها وسريع جاوبتها..

صبيحه..انا بدي روبيان على التوست

اما طارق ومحمد طلبوا لهم ماستو موستر..وسامي ونور رول الدجاج..اكتبت طلاباتهم ..
وراحت عنهم وبعد دقايق انياب الاكل..صبيحه ماكان همها بالاكل هماها انها تطالع بالمطعم اشكثر
انبهرت فيه كبير..مطعم مشهور بالكويت والاكلات التركيه والاطاليه والارانيه والهنديه والصينيه

في بيت سيف

سيف..اي علي لا..لا تقولها واللحين شلون صار..اي اوكي بخبرها..لا تخاف

حوريه كنت يالسه يمه وانقبض قلبي اكيد ابوي صار له شي..

سيف سحب ايدها من على قلبها وخبرها ان ابوها تعبان..وبجة حوريه ان ابوها تعبان وحاسه
ان اتعبه منها اهي..وطلبت من سيف ان يوديها لعنده...وقالها عشر دقايق تكونين زاهبه.

بالمطعم

...التافه تدلع علي تقولين اجحت منها
حنان..رموي منو هذي
ريما..هذي التافه الي يالسه مع الشباب ماتستحي على دمها
حنان..وانتي بعد..حاجيها بنفس الطريقه لا تسكتين عنها

ظلت ريما تتكلم مع حنان وخلصوا الشباب من الغدا ونادا لريما انها اتييب الحساب لانها ادخلت
الراس..بس ريما اطلبت من حنان انها تروح اهي...

عند طاولة سامي

سامي..انا طلبت من الي لابسه الفيروزي مو انتي روحي زقري لها
حنان..بس اهي مشغوله انا اخدمكم
سامي..انا مابيها الا اهي

ريما شافت الشاب يعلي صوته على حنان وراحت لعندها خافت ان يطلع المدير وتكبر السالفه بعد
ماحصلت من المدير تهزيئ بسبب انها رفعت صوتها بويه زبون..

ريما..نعم
سامي..هذي البطاقه دفعي لحساب

ريما خذت لبطاقه من دون نفس وراحت وارجعت سريع..

سامي..ليج رجعتي
ريما..مسوي نفسك بو لعريف في النهايه بطاقتك مافيها رصيد
طلال..هاج بطاقتي

بتاخذ لبطاقه بس سامي رفض وعطاها بطاقه ثاني بتسحب روحها بس بنت تتل في المريله

ريما..نعم
نور..ممكن تنزلي اشوي

انزلت ريما لمستوى نور وساسرتها بأذنها وضحكت ريما وطلبت منها انها تستدير..لان سحاب
فستانها انفتح وريما سكرته لها...

نور..مشكور

راحت ريما وندفع لحساب واطلعوا الشباب من المطعم وكانت مو بس صبيحه حاسه بهشي في
شخص ثاني لحظ هشي وانقهر اكثير وبداخلها تقول كيف بتخلص من صبيحه عشان تطلع الي هذي

بالمستشفى

حوريه..يبه شلونك بخير
بوعلي..انتي شجابج هني انتي مو بني يالحقيره
حوريه وسالت ادموعها على خديها..انا يايه اسأل عن ابوي

بوعلي وهو يشد شعر حوريه ويكزها وطاحت بحضن سيف الي حس ان قلبه بيوقف من قرب
حوريه منه هالكثر...

بوعلي..طلعوها من هون لا ارتكب فيها جريمه

اخذ سيف حوريه الي انهارت بجي لان ماكان الا اهم وارجعوا لبيت وشاف سياره واقفه يم بيتهم
تنهد ودخلوا لبيت..كانوا يالسين يسلفون وبس المحت حوريه راحت ضحكتها...وانقلب
ويهها وتغيرة ملامح ويهها...سيف حب انه ينهي النظره السخيفه...

سيف..خالتي عندنا ياهلا ياهلا نورة لكويت بوجودكم..
ام سالم..لكويت منوره باهلهى

شافته ماعبرها وحبت انها تبادر قبل وتسأل عن احواله...

دانه..شخباك سيف..وكيف الزواج معاك
سيف..احلى شي
دانه..بس الي يشوفك يقول الزواج متعبك وايد..وهاد حيلك
سيف يعرف حركاتها وحب يجاريها بس الاسلوب..كل الي يشفوني يقلونلي اني احلويت اكثر
دانه..يكذبون عليك

كانت واقفه ومنقهره ان ماسلموا عليها ولا حتى شافوها..التفتت تدور مرام بس ماحصلتها..

حوريه..عن اذنكم انا طالعه غرفتي

مرام الي اطلعت وشافت دانه مستانسه ان سيف ماعطى حوريه ويهه...

مرام..تو الناس عن النوم..واغمزة على سيف.

سيف وهو يمسك ايد حوريه ويلفها لعنده ويلسها يمه وحط ايده على جتفها..وخلها يصرون
اخدودها حمر..

سيف وهو يبوس حوريه ويبي يوصل لدانه ان حوريه عنده بالدنيا كلها وحد بياخذ مكانها بقلبه..

دانه نقهرة وحوريه استحت حيل ونزلت راسها بالارض ..وام سالم حبت انها تعدل بالجو..

ام سالم..الا كيف اهلج حوريه
حوريه..بخير ويسلمون عليج
مرام..سيف فج عن لبنت حرجتها..
سيف..انا ماقدر افارج عيونها لحلوا لو تروح عني اموت

حوريه ابتعدت اشوي عن سيف بحجة انها بتروح تغسل ادينها وراحت وراها دانه لانها قالت نفس
الشي..

بالمستشفى

اسيل..عمي علامه مضايج
علي..ياة لعنده حوريه ومسح ابها الارض
اسيل..مسكينه كل مايات تعدل ينعفس عندها من يها ثاني الله يعينها حوريه..
علي يبي كلمه ان اسيل نفسه تكله مشاعر..وانا مابتواسيني
اسيل كش شعر بدنها منحجي علي..مافهمت
علي كأنه خاب ضنه..ولا شي..وقام من يمها وراح لعند امه

في بيت بوريما

ريما..يمه انا رايحه الجامعه باخذ عمي
ام ريما..لا تنسين تمرين الجمعيه تشترين النواقص
ريما..ان شاءالله يمه

ريما اهي لبنت الكبيره والمعتمد عليها ابوها طاح مريض بسبب سقوطه من المبنى بالشغل وانكسر
ظهرها..عندها هنيتن خوات اصغر منها..وعمها ساكن عندهم وساعدها لانه نفسها يدرس..
ويشتغل بنفس الوقت..

في بيت سعد

حلا..ها شرايك سعد..
سعد..مو حلوا يوم اجربه بنت بالمحل كان عليها احلى منج..
حلا واهي ترمي عليه المخده ويمسكها..انا اوريك من يوم وطالع البس لك جلابيه..
سعد وهو واقف وراها ويحضنها ويبوسها على خدها..انت الحب كله انا مالي غيرج حبيبي انتي

في فلة بوحمد

سامي فكره كله بريما شلون بنت اصغيره بالعمر وتشتغل الي بعمرها ينوجدون بالاسواق
والمجماعات واهي بمطعم..تعب واهو يفكر فيها غمض وهز براسه..وانا شعلي منها..

مها..ها سامي بنت يديده
نور بدون شعور..اي شافها بالمطعم ونهز كيانه كله
مها..عاد بالمطعم
سامي يطالع نور بنص عين..اوريج ان وديتج معاي المارينا مول

نور تمش وراء سامي الي طلع من الصاله..

نور..تكفى غير رايك
سامي..يلى روحي انا بنام..

مشكوره ياغلاي

على ردك الجميل