الجزء الثاني

في بيت بوعلي

سارا..بوعلي متى بتظل شايل على بنتك مايصير كل مايات عندنا لبيت تهاوشها
بوعلي..كل ماطلعت بويهها اذكر كل السالفه
سارا..هذي متزوجه وعايشه حياتها
بوعلي..هذا زواج اجباري وبيوم بينتهي
سارا..لا تفاول ياريال

في بيت سيف

مرام..شنو صار عند الدكتوره
حوريه..اخوج مافتح فمه معاي بشي
مرام..حوريه انا اعتذر عن ذاك اليوم الي عصب عليج فيه سيف بسبتي
حوريه..بأي يوم ذكريني
مرام..بيوم الي يفكر انج طلعتي فيها واحد كان يتبعج..انا الي كنت براء لبيت وانا الي
احد لحقني
حوريه..اشلون
مرام..انا اقولج

خارج الكويت..بفرنسا

مشعل..ليلى زهبي حالج باجر بنكون بالكويت
طيف..مشعل انا طيف مو ليلى كلذا تحبها مو قادر تنساهى
مشعل..الحب مثل وخزة الابره اذا انوخزتي
طيف..حتى انا حبيته بس كان حمار واستقل ضعفي وغربتي
مشعل..لا تطرينه على اللسانج الحقير في بيتي

الكويت..في بيت بوريما

عصام..انا لمفروض اني انا الي اشتغل واشيل عنج الهم
ريما..انت مو مقصر ياعمي..كفايه انك شايل مصروف خواتي من المعونه الي يعطونك
الجامعه انت مو مقصر
عصام..ابي اسألج سؤال وابي منج اجابه صج
ريما..قول
عصام..شمبينج انتي وسامي

في فلة بوحمد

ام حمد..سامي اشعنك كله يالس بسيارتك مانشوفك لاء قليل
سامي..مافي شي بس سياره يديده مو قادر اشبع منها
حمد..خبري في السنه تبدل سيارتك اكثر من عشر مرات..كل شهر لك سياره
طارق..اقول شنو تسوي بداخلها
سامي..تحجه وشوف شنوا اسوي لك
حمد..قول
طارق واهو واقف وراء ام حمد..الي من يوم شفتها وانا مو عارف ليلي من نهاري
سامي..طروق حط لسانك داخل حلجك
طارق..وشراح تسوي فيني
سامي..اذبحك
نور واهي شايله صورتها ويايه لعند سامي..عمي متى توديني عند ريما
ام حمد..ومين ريما هذي
نور..هذي الي يت ذاك اليوم بيتنا وصلت فيها عمي
ام حمد..وانا وين كنت ماشفتها
مها واهي تحط على الطاوله السلطه..يمه لا تاخذين بحجي نور..رفيجته بالجامعه شافته
تعبان وحبت انها توصله للبيت مو طارق..بعد ماعطته نظره
طارق..اي

بالاستراحه..عند سيف

سيف مل من ليلسه يم الشباب طلع براء ومسك بموبيله ودق على حوريه بس مترد عليه و
جرب على موبايل مرام...

مرام..سيف
سيف..يمج حوريه
مرام..اي
سيف..عطيني اياها
مرام..لحظه..ومدت الموبايل
حوريه..الو
سيف..لاتنامين الليله لاء لمن ايي ابي احاجيج بموضوع
حوريه الي استقربت..الي تشوفه..في شي ثاني
سيف..سلامتج

عند زايد

زايد..ماشاءالله العلاقه الي امبينكم متحسنه بس الي اعرفه ان انتوا تنامون منفصلين
سيف..ماراح ارد عليك
زايد..اكيد ماعندك رد شنوا بترد علي وانت ماتدري اذا كانت بنت او مستخدمه من قبل
شخص ثاني
سيف..ماراح اوسخ ايدي ابك

في بيت بوريما

ريما توترة..مافي امبينا شي
عصام..متاكده
ريما..اي..لو فيه تاكد انك انت اول واحد راح تعرف
عصام..اتمنى منج هشي

عند سيف

طلع سيف من الاستراحه بيرد لبيت..زايد اتبعه بس سيف مكان يدري ان في احد يتبعه..
سيف كان مار من الشارع الرئيسي لان الشارع الي جنب الاستراحه مسكر..شاف ريال
كبير في السن اشوي بيخطف الشارع الاء سياره يايه بسرعه فادحه واضربت الريال وطيرته
بالشارع الثاني..سيف وقف سيارته ونزل منها...

سيف..ياعم..ياعم..انت ابخير

الريال لاحركه من ساكن في مكانه كان سيف يلتفت في الشارع يبي احد يساعده بس ماكوا
شال الريال وانقله المستشفى وزايد ياتله الفرصه واتبعه لمستشفى..

في بيت بوسعود


سعود..اسيل فجي لباب ابي اكلمج
اسيل..بنام تعبانه باجر تعال
سعود..بس اشوي فجي لباب
اسيل واهي تقوم وتفتح لباب..خير ياويه الخير
سعود..ابي احاجيج
اسيل..وماتقدر تأجل حجيك لباجر
سعود..امر ضروري وانتي اختي الوحيده
اسيل..اطربنا
سعود..ندى في احد بحياتها
اسيل..مقومني من سرير عشان تسألني عن ندى
سعود..انا ودي اخطبها
اسيل..اخطبها احد ماسكك
سعود..انتي ماجاوبتيني
اسيل..الي اعرفه لا
سعود..طمتيني الله يطمن قلبج

بالمستشفى

الشرطي..انت سيف الجراح
سيف..اي
الشرطي..تفضل معانا المركز
سيف..ليش
الشرطي..انت تعال وراح تعرف

بمركز الشرطه كانوا يحققون مع سيف عن الحادث لانه اهو المتهم الرئيسي في القضيه

سيف..انا بس شفته واسعفته
المحقق..بس فيه شهود شافوك انك انت الي دعمته بالعمد
سيف..شهود بس الشارع مكان فيه احد
المحقق..يعني تعترف انك انت الي دعمته
سيف..والله مو انا ..طيب ورني لشهود
المحقق..اللحين انادي عليه

في بيت سيف

حوريه كانت تدور على كبر لبيت سيف وايد تاخر عليها وتتصل على موبايله وكله تحصله
مقفول خافت عليه راحت لتصحي مرام بس تراجعت وطرى على باله علي اخوها..

حوريه..يلى علي رد
علي..حوريه اشفيج
حوريه..سيف..سيف مارد لبيت من بعد ماوصلني لبيت مارد
علي..لا تخافين بييي اللحين
حوريه..اقولك من طلع..وبعدين موبايله مسكر الله يخليك روح شوف وينه
علي..تكرمي

سكر علي من حوريه ولبس ملابسه وطلع يدور على سيف في المستشفيات والمخافر

نرجع لسيف بمركز الشرطه

المحقق..هذا الشاهد
سيف لف..مو معقوله انت
زايد..اي انا شفته وهو يسرع بالسياره مثل المينون ودعم الريال واعترف بجريمتك
سيف..شنو اعترف بشي انا ماسويته

في فلة بوحمد

سامي ظل يتقلب على سريره مو يايله نوم خذه موبايله ودق على موبايل ريما

في بيت بوريما

ريما كانت يالسه تذاكر باجر عندها اختبار مهم..بس وين تذكر وكل مايات تحط اعيونها بالدفتر اتشوف
صورة سامي بوسط الدفتر..وكل مايات تكتب..القلم لحاله يكتب احبك سامي..احبك

سامي..بس قطع عليها الحلم الجميل رنة الموبايل..وكان فيها النوم بس حاولة انها تتقلب
تبي تكمل المذاكره

ريما..الو

سامي تردد انه يتكلم اويظل ساكت

ريما..الو..الو..مين معي..ماتتحجون

سامي...

ريما..والله ناس فاضيه ماعندها احترام تزعج الناس
سامي بعد صمت..احبج واموت فيج وحياتي من دونج ولا شي ولاشي
ريما الي تعدلت وطار النوم من عيونها..سامي من وين حصلت رقمي
سامي..من رفيجتج حنان
ريما..انا اوريها
سامي..لا لا تعصبي عليها انا الي طلبت منها حبيت اسمع صوتج بأي طريجه
ريما الي قلبها يفرفر من مكانه من تسمع صوت سامي..وانا راح اريح قلبك واقولك حتى
انا حبيتك يامينون

سامي الي كان يالس على السرير بس سمع طار من مكانه وهو ينطط على السرير ويصارخ

ريما..يالمينون هدي اشوي راح تيلس كل الي بالبيت
سامي..مايهمني شي..الي كنت انتظره ايام واسابيع نطقتيه بكلمه وحده بالليله حتى القمر
كامل ليشهد على حبنا..
ريما..يلى هذا انت سمعت بأذنك..يلى تصبح على خير
سامي..وين
ريما..عندي اختبار ولازم اخلصه
سامي..بس توعديني ان باجر اول ماطلعين من جامعتج نلتقي
ريما..اوعدك

بمركز الشرطه

وصل علي على مركز الشرطه وتوه بيسأل الاء شاف سيف يطلعونه من الغرفه وادينه مكلبشه
استقرب وراح لعنده...

علي..ها سيف اشفيك شلي صاير لك
سيف..متهميني اني صاقع واحد..بس انت ماقلتلي شلي عرفك اني اهني
علي..حوريه اتصلت علي باله منشغل ابك
سيف..روح لبيت طمنهم علي شكلي بطول ليمن يصحى الريال ويقول الي عنده
علي..ان شاءالله..تبي شي محتاج شي
سيف..لا

في بيت سيف

حوريه ظلت ماسكه الموبايل تنتظر خبر من علي ايطمنها على سيف..قلبها النوم ونامت
على الكنبه وظل الموبايل بأيدها..علي بهالحظه احتار يدخل يقول لها الخبر بس مايتحمل
يشوف ويهها وتعابيره رجع لسيارته ودق عليها..حوريه انتغزت من رنة الموبايل..

حوريه..الو
علي..حوريه سمعي الحجي الي بقوله لج وبدون اي انفعال تسوينه
حوريه..قول اسمعك
علي..سيف..سيف..بقطوط بالنظاره
حوريه اوقفت..ليش
علي..موقفينه بسالفه تافهه
حوريه..وحده وحده وخبرني

خارج الكويت..بفرنسا

بفرنسا الساعه ثلاث الفير لساته صاحي نزل من فوق شافها نايمه على الكنبه راح لعندها
وحط ايده على جبينها وشاف شاب نار خاف عليها تذكر حجي الدكتور انه راح ترتفع حرارتها
من بعد الاجهاض..راح المطبخ وياب مويه بارده مع فوطه بللها وحطها على جبينها..

الكويت

بالكويت عند سيف الي تضايج من الموضع الي فيه مخطط انه يقضي مع حوريه ليله من
بعد الخبر الي سمعه عنها بس الحظ عاكسه ومخلاها انه ينبسط معاها حط راسه على الكرسي

لينام بس يشوف صورة حوريه مرسومه على السقف..

عند علي

اما علي رجع لبيت وغير ملابسه واول شي اعمله قبل ماينام رسل رساله لأسيل..بعد ماتأكد انها اوصلت حط راسه لينام

في بيت بوسعود

اوصلت الرساله لاسيل..

يا(اسيل)يا أحلا البشر
دعيني أزف اليج الخبر
بأن قلبي بهواج انأسر
وعقلي وفكري بجمالج انبهر
سأبقى احبج مهما أبعدج عني القدر

في بيت بوعلي

لعند علي وصلته رساله من اسيل

رأيت نور القمر بعينيك
وجمال النجوم بمقلتيك
وبياض السحاب بوجبنتيك
وسواد الليل بحاجبيك
ونعومة الورد بشفتيك
سبحان من كونك يا أحلا البشر
يا بدر السماء اذا اكتمل

مر على سجن سيف عشرين يوم..وعلى علاقة ريما بسامي اهم عشرين يوم..وعلى
ردة مشعل وطيف هم عشرين يوم...

في فلة مشعل

مشعل كان راد لبيت يوعان حده ماشاف جدامه غير صحن اخيار محطوط على التلفاز خذه
ويلس ياكل فيه..ادخلت عليه طيف ونجلاء..

نجلاء اوقفت جدام التلفاز..طيف انا حاطه صحن فيه خيار شفتيه
طيف..لا انا توني يايه
مشعل..انا شفته واكلته يوعان
نجلاء..انت مينون هذا انا حاطته على بشرتي للتتغذى
مشعل..وانا ايش دراني شفته واكلته
طيف ماتحملت..هههههههههههههههههههههههههههههههه
مشعل حرجها..بدال ماتضحكي قومي بوجباتج الزوجيه بدال مانركض ونخبي اسرار عن
ينفضح الي مستور
طيف انحرجت وصار ويهها احمر..اسفه على سخافتي
مشعل وهو قايم..هذا الي فالحين فيه..وهذا الي مخذينه منج

عند ريما

كانت تنتظره على الكورنيش تطالع في ساعتها تلتفت تبي اتشوف اذا ياى اولا..اتعبت واهي
واقفه ايلست على صخره وخذة حصاه من الارض وترميها في البحر..ياى من وراها و
حامل ابيده ورده حمراء..قربها على خدها وحركها على خدها اهي خافت ولفت ويههها

ريما بأبتسامه ساحره..سامي
سامي..اي سامي
ريما..جذيه تخليني يالسه وقت طويل انتظرك والشمس احرقت ويهي
سامي وهو يطالع بعيونها بلمعه جذابه..بس الي انا شايفه مو الشمس الي طالعه..شايف
القمر طالع ولكل يبي يقرب لعنده ويشوفه
ريما..اول مره اشوف قمر يطلع بالنهار
سامي وهو ييلس يمها..لنج قمري..قمر سامي الراهي
ريما واهي تحط ايدها بأيد سامي وتبجي..سامي انا ماستحق هالحب كله الي اشوفه بعيونك
سامي..انتي تستحقين اكثر من هيج..انتي سماي..شفتي كلمت احبج من اربع حروف
لكل يقولها بس ماحد يتمعن ابها الي ينكوي بنار الحب..وانا انكويت بنار حبج

ريما واهي ترش ماي على ويهه سامي لانها انحرجت واهو يطالع فيها مانزل عينه من عليها
من يلس..سامي انتغز

سامي..ليش عملتي هيج
ريما..انا ماتحمل نظراتك لي انا اذوب فيها
سامي..دخيلج ان ذبتي انا وين القاج بعدها

عند حوريه

حوريه اليوم راحت اتزور سيف بالمركز الشرطه..خذة له جم غرض ودتهم له

سيف..حبيبي انتي شيابج اهني
حوريه..ماتحملت اني ماشوفك فيها..بعدك عني قتلني
سيف..لا تخاطرين هالمخاطره على شاني..مابيش تتعرضين لأي كلمه كل مايتي لي
حوريه..يعني ماتبيني ازورك فيها
سيف..اي ويلى اللحين رجعي لبيت ولا ابي تجين لي مره ثاني
حوريه بجت..سيف
سيف ضغط على قلبه اشوي وسمعاها حجي جارح..لا تبجي مابي ادموعج التماسيح هذي
تنزل علي..انتي من عرفتج ولماصيب تتحادف علي من كل صوب
حوريه..هذا حبك لي هذا
سيف..مين قالج اني احبج روحي من اهني
حوريه اوقفت ومشت وافتحت لباب..انا عارفه ان هالحجي من وراء قلبك

عند ريما

كانوا ماسكين ايد بعض بعد ماقضوا يوم حلوا على الكنيش ياى وقت الفراق..بدوا يتركون
ادين بعض بصعوبه لحد ماوصلوا لاطراف الاصابع اهني توقفت الاصابع عن المشي..

سامي..ليش كل مايى وقت الرحيل قلبي مايطاوعني اني اتركج وان ليوم خل معاج بسرعه
ريما..لان دايما العشاق يبون وقت اطول مع بعض
سامي..انا الليله مين بخاوي بنومتي على شنوا
ريما..على صوتي
سامي..بس صوتج مايكفيني..ابي اشوفج..ابي ارسم ملامح ويهج بعقلي وقلبي مابي
عقلي يقفل عن رسم ويهج البهيج
ريما..ماراح يقفل لان القمر راح يذكرك ابي مو انا قمرك انت كل ماطالعت القمر راح
تذكرني
سامي..احبج ياعذابي انتي
ريما..وانا اموت بالنفسك

عند دانه

دانه بعصبيه..احنا ماتفقنا جذي
زايد..انتي وافقتي على كل الي اسويه يعني تسكتي ولا تتكلمين..انتي تفرجي بس
دانه..ولمتى بيتم بالسجن
زايد..لا تخافي كلها ايام قليله ويطلع..هذا الريال بدى يتحسن ولد عمج له حظ قوي
دانه بأبتسامه..الحمدالله

عند ريما بالشريكه

مر يوم جميل على سامي وريما..اليوم رايحه الدوام اظهر لان محاضرتها صايره الصباح
ادخلت الشريكه لكل بدى يسلم عليها..تعودوا على وجودها امبينهم حبوها لانها طيبه..
بوحمد كان داخل الشريكه توقف يوم شاف ريما يالسه اتوقع على حضورها انشد لها انعجب

ابها وبيمالها الي يعذب الشخص من شوفتها راحت لمكتبها واهو تم واقف..ايلست على
مكتبها كلعاده شافت باقة ورد من سامي..لحد اللحين ماتدري انها تشتغل بشريكتهم..

وجالسه تكلم سامي على التليفون

ريما..توني واصله الشريكه
سامي..انا مابعد اسألج
ريما..عارفه حبيبي شنوا تبي اتقول..ومشكوره على الورد الي كل يوم تيبه لي
سامي..هذا قليل بحقج
ريما..يلى باي
سامي..ليه مستعجله
ريما..وراي شغل وصوتي سمعته
سامي..مايكفيني

بالمكتب بوحمد موعارف يشتغل لساته فكره شارد بلي شافه بمدخل الشريكه ضغط زر الي
يوصله على السكرتيل رد عليه

بوحمد..تعال عندي

انطق لباب

بوحمد..تفضل
احمد دخل..سم بوحمد
بوحمد واعيونه على الاوراق..اليوم شفت موظفه يديده عندنا بالشريكه تعرف مين اتكون
احمد بدون تفكير..هذي ريما سالم الراهي..توها متوظفه عندنا ماخذة فتره طويله
بوحمد عرف مين اتكون من عرف اسم ابوها بدى يكلم نفسه..الله صار عندك بنت جميله
ياسالم..انا وين عنها طول الوقت
احمد..بوحمد بدك خدمه مني
بوحمد..اي اطلب لي من القسم الي اهي فيه موظيف يجي لي المكتب
احمد..الي اتشوفه

طلب احمد الرقم على قسم الي موجوده فيه ريما..رد عليه وائل وطلب منه انه يجي لعند
بوحمد راح لعنده..طق لمكتب واذن له بدخول...

وائل..طلبتني
بوحمد..شنو اتعرف عن ريما الموظفه اليديده
وائل..عن ايش بالتحديد
بوحمد..عن كلشي عنها

عند اسيل وعلي

اسيل..علي ليش ماحضرت المحاضره
علي وهو يلعب بقلاص العصير بالمصاص..انتي اتعرفي اذا انتي موجوده بالمحاضره
اعيوني كلها عليج ولا اقدر اركز بالمحاضره يكفي النابه الماضيه شلي صار بالقاعه
اسيل..اخ ويلموني ليش احبك..وماحد يدري شلي حبيبي عامل فيني
علي..الاء قولي شلي انتي سويتي فيني خليتيني مينون بحبج...ومتيم بهواج
اسيل..علي
علي..ياحلوا اسمي على السانج
اسيل..لاني اعشق هالاسم ومن ينطري لي اسم علي اين وفي هواه الاسم

في بيت بوفهد

ندى طول الوقت واهي تفكر شلون تخرب علاقة اسيل بعلي..دخل عليها اخوها فهد وياتها
الفكره الجهنميه...

فهد..انتي مارحتي الجامعه
ندى..مانمت
فهد..ليش
ندى..افكر فيك..
فهد..بشوا
ندى..ليش ماتتزوج اسيل بنت عمي اهي تصلحلك وراح تعيش معاها ايام سعيده
فهد ماكان ملاحظ اسيل بس ندى خلته ينتبه..اسيل
ندى..اي اسيل..اشفيك تجمت
فهد..عمري مافكرة
ندى..فكر تراها بنت حلوا ولا تضيعها من ايدك
فهد..انا ماذكر حتى شلون شكلها

ندى طلعت صورة اسيل من الالبوم وعطتها فهد..وفهد خذها ويلس يطالع فيها

ندى..اعجبتك
فهد..وايييييييييييد اعجبتني
ندى..عليك بالعافيه اخذها

الفصل الخامس
الجزء الاول

في بيت بوريما

عصام..يمه..يمه
ام ريما..تعال انا يم اخوك بالغرفه
عصام..يمه حطيلي غدا انا ميت يوع قبل ماروح الجامعه..وانا اكمل لبس اخوي
ام ريما..تعال

عصام راح لعند اخوه وام ريما اطلعت من عندهم..وردوا عهود ودعاء من المدرسه بعد
ماتغدا عصام طلع وبعد نصف ساعه طق لباب ريال وراحت عهود تفتح لباب..

عند عهود يم لباب

عهود..مين
...ابوج موجود
عهود..اي مين يبقاه
...قوليله بوحمد يبقاك
عهود..ان شاءالله دقايق

راحت عهود وخبرت ابوها بوريما استقرب من الامر بس طلب منها انها ادخله عليه..

داخل لبيت عند بوريما

بوحمد..اشلونك بوريما
بوريما..وانت اشايف
بوحمد..انا ياي لك بصفقه مربحه اذا وافقت عليها راح تعيش انت واهلك بخير
بوريما..شنو تبقى مني
بوحمد..انا طالب ايد بنتك ريما
بوريما..انت ينيت طالب ايد بنت من عمر بنتك
بوحمد..لنيدد شبابنا..فكر وراح ارد لك بعد اسبوع

ريما ادخلت لبيت وايلست تنادي على امها..الاء بطلعت بوحمد من غرفة ابوها...

بوحمد..شلونج ريما
ريما استقربت..انت تعلافني
بوحمد..اي اعرفج من وانتي اصغيره يلى مع السلامه وسلمي على عمج عصام
ريما..يوصل

عند سامي بالجامعه

طارق..كيف بوشباب علاقتك بريما
سامي..ولا اروع منها
محمد..اسكتوا بنت عمك يايه صوبنا
سامي..هذي الي بتنقص عمري

عند عصام

عصام..هنادي..هنادي

هنادي كانت يايه لعند سامي بس يوم شافت عصام ينادي عليها غيرة اتجاه طريجها...

هنادي..كيفك عصام
عصام..ابخير اشفيج تاخرتي بالييه
هنادي..ابد بس ابوي ليوم اصر علي ان نتريق بالمطعم
عصام..عليج بالعافيه

في فلة مشعل

يه من الدوام تعبان دخل غرفته ويلس على مكتبه ماشاف نفسه الاء نايم على المكتب ادخلت
اهي الغرفه وشافته نايم..ايلست تحرك بشعره وادرفت دموعها...

طيف..يالله يامشعل لو اقولك اشكثر احبك ماراح تصدقني..بس ياليتني التقيت فيك بظرف
احسن من هيج انت انسان نبيل الي رضيت انك ترتبط بأنسانه هيج مثلي انا

مشعل الي سمع كلام طيف كله بس ظل مغمض اعيونه ولا فتحهم ظل هيج لحد مارن تليفون
طيف الي انتغزت وارتجف جسمها كله تردد انها ترفع او لا بس يوم شافت مشعل تظايج من
الرنه اطرت انها ترفعه حسبالها مشعل نايم..

طيف..الو
الطرف الثاني..اشتقت لسمع صوتج
طيف..انت اشتبي مني
الطرف الثاني..جذي تنسيني مره وحده ولا تتصلين علي
طيف..مشاري ان شفتك تتصل على هالرقم راح اتصرف معاك تصرف ثاني مايعجبك
مشاري..حبيت اقولج اني بالكويت رديت وحبيت اعلمج انا بنفسي عشان اذا صادفتيني
ماترتعبين مني يلى باي
مشعل بعدماتأكد انها صكت التليفون سوا نفسه يالس من النوم..مين الي متصل عليج
طيف..هذا ابوي يسلم عليك
مشعل..الله يسلمج

في فلة بوحمد

ام حمد..وينك يا سامي من طلعت الصبح مارديت فيه
سامي..مريت الشريكه اشوي وبعدها رحت الجامعه ومن الجامعه للبيت..يمه شفتي
موبايلي
ام حمد..لا اكيد بغرفتك
سامي..لا انا لبارح تركته اهني
ام حمد..اسأل الخدم يمكن شالوه
طارق..واحنا ياعمتي مالنا سلام
ام حمد..لا تواخذني ياولدي مانتبهت لك

نور واهي تسرع شايله الموبايل واصقعت بطارق وطاحت على الارض..ونزل طارق
لعندها ورفعها من الارض

طارق..حبيبتي حاسبي جذي تطحين وتتعورين
نور..عمي ريما..ريما على الخط
سامي وهو ياخذ الموبايل من ايد نور ويطلع لبراء..مساء العسل
ريما..حبيت اخبرك اني خلصت اختبارات بالجامعه يعني انا فاضيه لك اسبوع كامل وريني
وين بتوديني
سامي..اوديج للقمر اذا حابه
ريما..خلنا على الارض احسن لنا
سامي..استعدي
ريما..سامي احبك
سامي..وانا احبج

في بيت سيف

بالليل كان الوقت مو متأخر حيل كانت حوريه بغرفة سيف يالسه فيها واهي ادور شي يخليها
تسرح في خيال سيف.ايلست على الكرسي وخذة قارورة العطر وبخت بخه وشمت الريحه

واسرحت فيها حست ان احد يحاول فتح باب لبيت اطلعت من الغرفه وبدت تنزل من الدري
انفتح لباب ودخل..حوريه انصدمت حطت ايدها على ويهها من الدهشه..بس سرعان
ماتحرررت من الدهشه وراحت احضنته بقوه وايلست تحب في خده..

حوريه..اشتقت لك ياسيف
سيف..وانا اشتقت لج ياحبيبتي..ليش يالسه مانمتي
حوريه..اشلون انام وانت مو بالبيت

سيف وهو يطلع على الدري وحوريه ايدها لساتها بأيد سيف ليمن وصلوا عند باب غرفة
حوريه..حوريه اتركت ايد سيف وحطت ايدها على مقبض كالول لباب..

حوريه..يلى تبح على خييييييير
سيف وهو يمسك ايد حوريه ويمشي ابها..من الليله ماراح انام منفصلين عن بعض

مشت حوريه بدون ماتنطق بأي كلمه راحت معاه فتح باب لغرفه ودخل ابها وسكر لباب

عند سارا

سارا..صباح الخير
مرام..يي سارا عندنا من الصبح
سارا..ايي بوعلي سافر ويت انا عندكم الاء وين حوريه
مرام..شكلها لساتها نايمه ماصحت

خالد وهو يضحك..

سارا..ضحكنا من الصبح

خالد لساته يضحك

مرام..ياولد اشعندك تضحك من صبح

عند سيف

سيف نزل من الدري ودخل المطبخ واهم يالسين على طاولة الاكل باس خد سارا وبعدها خد
مرام ويلس على الطاوله..

سارا..يييي متى طلعت
سيف..لبارحه بالليل
مرام واهي تصب شاي..ايل وين حوريه
سيف وهو ياكل ويبتسم..اللحين تنزل
سارا..اخوي اشعندك تبتسم من الصبح
سيف..الي تبونه صار
مرام..يعني
سيف..يعني حوريه بنت ابنوت ماحد لمسها غيري انا لبارحه بالليل
سارا..يعني انقول لبارحه ليلة الدخله مثل مايقلون اخوانا المصرين

في فلة مشعل

مشعل..لمين الورد
الخادمه..لمدام طيف
مشعل..عطيني اياه

الخادمه عطت الورد لمشعل..ومشعل شاف كرت صغير وخذه وقراء الي فيه صباحج سكر

طيف الي اتجهت لصاله مكان ماكان يالس مشعل..لمين الورد
مشعل..لج وكاتبلج صباحج سكر

طيف اوقفت اعرفت ان صج مشاري رد للكويت مكان يمزح معاها بالمره..