الفصل الثاني..

الجزء الثاني


الاحوال مطربه بين حوريه وسيف كل واحد ينام بصوب مو بس اهم فيه شخصين نفس الوضع
مشعل وطيف..مشعل كل ماتذكر شنوا فيها طيف يتردد بالعلاقه معاها واهي على باله انه..

مايبي يقرب منها وسبه حبه لليلى..سامي حالته الصحيه متدهوره تعبان..غياب ريما متعبه
موبس اهو حتى اهي تعبانه بس اهي مو عارفه التعب من شنو..دانه اعرفت ليش سيف تزوج
من حوريه لانها نبشت بالموضوع اللحين كلشي بيتوضح..

بالسوق..عند ريما

كانت ريما داخله محل للاجهزه الكهربائيه اهي ودعاء اختها..كان اهناك بالمحل سامي
ونور جالسين يلعبون بلاي ستيشن..مانتبه لها..

ريما..لا ناخذ هذا..هذا قد افلوسنا
دعاء..لا هذا اكبر
ريما..بس هذا ازياده خمس تلاف
دعاء..لزياده انخليها اقصاد
ريما بعد تفكير..اوكي..يلى تعالي نروح اليهى الثانيه

راحت ريما مع دعاء ومرور بنفس المكان الي يالس فيه سامي مع نور كانوا يالسين على
مخدات يلعبون..

سامي..اشفيج انتي لعبي عدل
نور..انت الي اشفيك
سامي غلب نور وقام واقف ويدور..واو غلبتج..وهو هيج انتبه ووقف..

اما عن ريما حطت ايدها على فمها وتضحك..

سامي..ريما
ريما..ماشاءالله هذا انت صاحي مافيك شي وين اتعب راح
سامي فعلا كان تعبان بس خاف عليه اوجعه..من شفتج
ريما ارفعت حاجب..باي
نور..عمي..عمي خلنا نكمل

سامي حمل نور وطلع ابها براء المحل بس ماقدر يكمل حس بمقص جاله بالكليته هد نور
ويلس بالارض يعصر بنفسه بها الاثناء طلعت ريما من المحل ودعاء وركبوا السياره..

دعاء..انتي اشفيج اتشوفينه وبتركيه لحاله
ريما..كيفه يدبر راسه
دعاء واهي ترجع راسها:ماتوقعتج قاسيه

ريما حركة بالسياره وطالعت وراها بالمرايا شافته لساته هيج ولبنت الي وياه تبجي رق قلبها
لكبير ولحنون ارجعت وانزلت من السياره..سامي استانس لان بالاساس ماكان يتوجع
بالبدايه كان وبعدها رجع على طبيعته..

ريما..انت معاك سياره
سامي وهو يطالعها بعين والعين الثانيه مغمضها..اي
ريما:يلى قوم خلني اوديك بيتكم
سامي:ابي مساعتج..مافيني اوقف
ريما:لا تيلس تدلع علي بتقوم..والاء امشي
سامي:لا قايم اشفيج انتي..اليوم اعصابج فارطه على الاخر

قام سامي وركب السياره وريما اطلبت من دعاء تلحقهم بسيارتهم..نور مايلست وراء
ايلس امبين سامي وريما كانت تتعبث بالمسجله..

ريما..شنوا حبيبتي تبين وانا احطه لج
نور..مو شغلج هذي سيارة عمي مو عمج انتي
ريما انحرجت..معاج حق انا اسفه
سامي..نور يلى بسرعي اعتذري والاء ماخذج معاي
نور..انا اسف..بس انا ابي اسمع اغنيه
سامي..طلبي مني وانا احطلج

سامي شغل المسجله مباشره وكانت اغناية عبدالمجيد عبدالله اليوم طالع قمر..شنها
الاغنايه يات في وقتها يلس سامي يطالع بويهه ريما الي يشع من نور بنت حبوبه وناعمه
الي اسرقت قلبه من نظره وحده..

يا أرض احفظي ما عليكي
حبيب قلبي حضر
**
اليوم طالع قمر
في طلتك يا سلام
حلاة غير البشر
وأخذت مشي الحمام
--
يا أرض احفظي ما عليكي
حبيب قلبي حضر
يا ارض احفظي ما عليكي
اليوم طالع قمر
--
شفتك وضاع الكلام
ضيعت حتى الغزل
اعذرني والله جمالك
ما خلى فيني عقل
وقفت قلبي بسحرك
يا روحي والله ستر
--
يا أرض احفظي ما عليكي
اليوم طالع قمر
**
يا عيني .. ع الابتسامة
تمشي وسهامك تصيب
اللي يشوفك يقول
يا بخت راعي النصيب
يموت بك من يشوفك
لو كان قلبه
حجر ..
--
يا أرض احفظي ما عليكي
اليوم طالع قمر
يا قمر
***

بفلة مشعل

طيف الي كانت تتريق وحست انها دايخه والاكل مايدخل بمعدتها قامت واهي حاطه ايدها على
فمها ودخلت التواليت..مشعل ماهتم يلس يمكل ريوق..امه حست ونادة عليه

ام مشعل:ماتقوم تشوف حرمتك اشفيها
مشعل:اشفيها من كثر ماكلت الاكل قص بفمها..انا ماشي بدكم شي
ام مشعل..سلامتك

بفلة بوحمد

سامي..مو داخله
ريما..اكفايه اني وصلتك لحد بيتكم
سامي..دخلي اشوي اللحين امي اذا اعرفت والله بتبهدلني
ريما..انتي خلج هون بس ادخله مدخل بيتهم وانزل لج
دعاء..اخذي راحتج

داخل لفله

نور..ماما احنا اجينا
مها..حبيبت قلب امها وين رحتوا
نور..رحنا لعبنا
سامي..تفضلي لا تخجلين..اعرفج هذي زوجت اخوي
ريما..اتشرفت فيج
مها..وانا حصلي الشرف
ريما..انزين انا اطمنت عليك اللحين عن اذنكم
سامي..وين تو الناس
مها واهي ترص على اسنانها..سامي
سامي:خليني اوصلج عن لباب
ريما:لا انت ارتاح
عند طارق

طارق كان جاي شاف هالسياره الي اشوي مهرهره..يفكر شي وحده تطر..

طارق..اسفين ياختي هون مو جمعيه لصدقات
دعاء التفتت..وانا ماطلبت منك مساعده
طارق الي سحر بهالعيون الجميله..اخ قلبي انتي من وينلج هالعيون الي تذبح مثل
الصاروخ
دعاء..استح على ويهك تغازل بنت واطيه ببساط بيتكم
طارق..انا اشذنبي
ريما..يلى دعاء مشينا

عند دانه بالبيت

دانه كانت حدها مستانسه تهف بالورقه الي عندها..وبعدها حطت طرف لورقه بين اسنانها
واسترجعت الي صار..

كانت طالعه من عند سارا وصادفة شاب ماشي بالطريج ووقفته..

دانه..اخوي لو سمحت
الطرف الثاني..انا مو بخوج..انا اسمي زايد
دانه..انزين مابقه الاء تضربني..بسألك..انت تعرف بنت صاحب هذا لبيت
زايد..قصدج حوريه
دانه..ايوه..اختصرت علي مسافه طويله
زايد من نظرته عرف ان دانه من النوع الخبيث..شنوا تبين بالضبط اعلمج ابه انا اعرف
هالنظرات قوليلي يمكن اساعدج..
دانه..زواج حوريه فيه قصه وانا ابي اعرف
زايد..ههههههههههههههههه..لاني انا سبب هالزواج
دانه..اشلون
زايد..شفتي النافذه هذي..والف..وشفتي هذي النافذه
دانه..اي خلصني
زايد..دار بين هاتين النافذتين تصور لبنت رائعه بالجمال واهي اتبدل ملابسها..ودزيت
اصور لبوها ويفكرها مع واحد ..بس للاسف صارت لواحد غيري
دانه:انا اساعدك في هالشي انك تسترجعها

انقطع هذا لحوار

...دانه..دانه..وقفي ضحكج
دانه..اماني خليني انتي اشعنج داخله غرفتي
اماني:سمعت ضحكج ودخلت

في فلة بوحمد

طارق:طلعت مو هين وجبت لبنت لحد بيتكم
سامي:شعلبالك
طارق:ومين لبنت الي وياها
سامي:ها بدينا نطالع..بس شكلها اختها
طارق وهو يصافر:صاروخ
نور ملت من كثر مايتحجون عن ريما واختها اصرخت..بس ماعندكم سيره غير سيرة
ريما واختها انا مليت انتوا مامليتوا
ام حمد..مين ريما
سامي..زميله معاي بالجامعه
طارق..ليه خايف قول لها مين

بفلة مشعل

مشعل رد لبيت ومادخل على امه على طول راح اتجه لغرفته لانه تعبان..دخل و طيف
كانت طالعه من التواليت..

طيف..رديت بدري
مشعل..تعبت ورديت
طيف حست بدوخه..مشعل
مشعل..نعم

وطاحت طيف مغمى عليها..احتار مشعل معاها كل الي قدر عليه انه شالها وحطها على
السرير وهو دخل التواليت..

في بيت سيف

كانت حوريه تلعب مع خالد غميمه غم عيونها وهو راح يتخبى عنها..لان مافيه لبيت غير
اهم..بعد ثواني دخل سيف البيت وشافها هيج..اعجبته واهي متسكرين عيونها يلس على
طرف الكنب وكتف ادينه ويلس يطالع فيها..اهي ماتدري ان فيه نفس ثالث معاهم بالبيت

حوريه..انا يايه لك ياخالد وين بتروح مني..وتمشي..وتمشي

سيف كان ماد اريوله ماخذ راحته مانتبه ان حوريه صايره اقريبه اكثير سرح بخياله لبعيد..قربت
اكثر وتفركشت بريل سيف..


حوريه..اي
سيف الي يلس..سلامتج حبيبتي..سلامتج مافيج شي
حوريه ارفعت العصبه من اعيونها وشافت عيون سيف حمراء مثل ليمر..سيف اشفيها
اعيونك
سيف..مافيهم شي..
حوريه..بس شوفهم شلون صايرين يمر
سيف..حساسيه من تلوث لجوى

حوريه ابتعدت عنه بس مسك ايدها..والتفتت له

سيف..حوريه اطلعين معاي انا مال من ليلسه بالبيت
حوريه..اوكي بس ابدل هدومي وايي
سيف..انتظرج..ونادى على خالد..خالد خالد
خالد..نعم خالي
سيف..روح بدل بنطلع
خالد..انا مو ياي معاكم انا بنام باجر عندي دوام بالمدرسه
حوريه..انا زاهبه
سيف..يلى

في بيت بوريما

ام ريما..هذي فاتورة التليفون جاءت سديديها
ريما..هاتيها يمه
عهود..ريما
ريما..نعم
عهود..قومي ابي احاجبج
ريما..ماتشوفيني اوكل ابوي
عهود..اذا خلصتي تعالي ابقاج..

عند عصام

عصام..يمه..يمه
ام ريما..تعال انا انشر الملابس
عصام..اشلونج يمه..وشلون اخوي اليوم
ام ريما..على حاله..وريما جنبه توكله
عصام..ليش ريما ماراحت الدوام اليوم
ام ريما واهي تحط الشرشف على الحبل..تقول ماعندها دوام

عند ريما

ريما..بس هذي اخر قفشه يبا
بوريما يشوف بنته ويتحسر عليها وبداخله يقول..اخ يابنتي حلاتج اللحين براء لبيت مع
رفيجاتج بدال هالحكره..
ريما..يبا اشفيك اطالعني شذي
بوريما..مافيني شي يابوج
ريما..اجل انا سايره داخل

عند لبنات

دعاء..والله ماعندها مسكينه كل الي وياها ادفعتهم اليوم بالمحل
عهود..وانا محتاج
ريما..ها عهود شنوا بقيتي
عهود..ابي افلوس طالبين علي عمل
ريما..بعد يومين اعطيج اياه بكره اخر الدوام المدرسي
عهود..الي اتشفينه ياختي
عصام..اشعندهم بنات سالم الراهي حاطين روسهم بروس بعض..شتخططوله
دعاء..اسكت بس يامعود الي يسمعك اللحين يقول من اصحاب الملايين
عصام..وانتي اشعندج مارحتي الدوام
ريما..ماخذه ايجازه

عند اسيل بالليل بالقناه تقدم برنامجها

اسيل..اهلا وسهلا في برنامجنا..نلتقيكم بحلقه جديده..من برنامجنا حلقتنا اليوم تتكلم
عن الغيره..ونستقبل اول اتصال..الو

عند سيف

حوريه..اهئ هذي اسيل بنت عمي..عل الصوت اشوي خلنا نسمع
سيف..ليه بنت عمج تقدم برنامج
حوريه..اي
سيف..خلينا نجلس اهني
حوريه..مثل ماتبي

ماحسوا مين الي جاي من وراهم كان زياد مع شله من ربعه..

زياد..ياي شوفوا مين جاي وماسك ايده
التفت سيف وطبعا معاه حوريه..انت..انت اشتبي منا
زياد وهو يميل نفسه على حوريه..ابي لغزال الي معاك..مو اهي من واحد لاحد عطنا
اياها
سيف وهو يبعد زياد..انت ماتستحي على ويهك يالتعبان
زياد..خلينا الحيه لك ولأمثالك..ها اشتقلتي يا حوريه
سيف..الحجي معاي مو معاها اهي
زياد حب انه ينرفز سيف..ها خبرني شنوا اكتشفت زوجتك عذراء او او..عاد انت
افهمها..

سيف هجم على زياد بيضربه الاء ايد حوريه اتعلقت بذراع سيف..لا سيف خله يولي

سيف..حوريه انتي لا دخلين نفسج..اكفايه ان المصايب من تحت راسج
حوريه..انا
زياد..اي انتي طلعي منها وبتكونين ابخير

حوريه من بعد ماسمعت كلمة سيف وزياد مشت عنهم وخلتهم ابروحهم يتعاكرون...

بفلة مشعل

طيف كله تحس بدوخه براسه ماتدري من وين يايه لها من تيلس من النوم وكل جبدتها تلوع.

مشعل..قومي جبيلي قلاص ماي
طيف..على امرك
ام مشعل..خف على لبنت مو بهاطريقه تعاملها فيها
مشعل كل مليذكر شنو فيها ين يستخف عفريد ادنيه تركبه..يمه خلينا اعامها بالطريقه الي
ترضيني مو اكفايه جبرتوني ابها

طيف كانت راده ومانتبهت بالي مرمي بالارض..كانت علبة بيبسيى فاضيه ماشافتها و
حطت ريلها عليها وازلقت..ماكان لعوار بريلها كان لعوار بمكان ثاني..

طيف..اييييييييييييييي
مشعل الي لحظ وقام..اشفيج
طيف..زلقت
ام مشعل..مشعل شيلها..ودها المستشفى

مشعل احساسه بارد مع طيف مافيه حراره..مافيها شي اللحين اتقوم مثل لحصان مو
طيف تتلم من ظهرها بس ماحبت انها تجبره على شي..اي اللحين اطيب لا تقلقي

مشعل مر من جداء طيف ولا حتى ساعدها بالقومه..

عند علي بالشارع

علي كانت يستنا اسيل براء بقى على نهاية لبرنامج دقايق ويخلص لياخذها ويودها على بيتهم

عند اسيل داخل لقناه

اسيل..اعزائي المشاهدين اين ماكنتوا نستودعكم بالله..من خلف المقرفون اسيل

خذة اسيل اغراضها واطلعت لعند علي بس وقفها شخص..

...اسيل..اسيل
اسيل..نعم راشد
راشد..فيج بكره تقدمين برنامجي انت ماعندج اي ازعاج
اسيل..اشوف دفتر مواعيدي
راشد..انتظرج

اسيل ماكنت عندها اي علم ان علي ياي لعندها..تفكر انه مايه لعندها واهي تفل بالدفتر و
علي يعصر في مكانه..

اسيل..ماقدر شوف غير
راشد..مشكوره يلى عن اذنج

ارفعت اسيل اعيونها وشافته وابتسمت واهي تمشي لناحيه..افتحت باب السياره واجلست

اسيل..السلام
علي الي ماشافها من لعصبيه رد عليها بدون مايناظرها..وعليكم السلام
اسيل..اشفيك ياقلبي
علي..مابقى لاء تمسكين ايده وتبوسينه ياخت اسيل
اسيل..الله كلذه شفته وانت ياي لي..عندك عين زرقاء اليمامه
علي..اتنكتين حضرتج
اسيل..خلاص بالمره القادمه مالتفت او اوقف اذا احد كلمني..بس لا تمد لبوز علي انا
ماقدر اشوفك كذا
علي وهو يقلد صوتها..ماقدر اشوفك كذا
اسيل..ههههههههههههههههههههههههههه