الفصل الثاني


الجزء الاول



في بيت سيف

مرة اربع ايام على حوريه ممله وكئيبه بعد ماطردها ابوها من حياته ياى البيت متاخر ليت فاضي
صعد الدري راح صوب غرفتها شافها واقفه يم الدريشه ولا حجاها وراح غرفته...اضغطة
على ايدها وتوجعت تذكرة جرح ايدها....

دانه..ممكن جلاص فاضي
حوريه..اي تفضلي

دانه مامسكت الجلاص عدل وطاح على الارض ونزلت حوريه تلم الزجاج ..ونزلت دانه
لمستواه واخذة قطعه..

حوريه..يسلموا حبيبيتي ممكن اخذها من ايدج
دانه واهي تحطه بأيد حوريه وتظغط عليها..ابيج تبعدين عن سيف..سيف لي انا وبس مو من
حقج تاخذينه مني وتحرميني منه..
حوريه انا غمضة اعيوني وانا اتالم من الوجع وادمعة عيني.حرام عليج هدي ايدي ايدي تعورني
دانه..ابيج تذوقين لوجع

غيرة الفه من ايده وتعوذة من ابليس..في الطرف الثاني ماياله نوم واخذ موبايله واتصل ..

سيف..الووووو
...اممممممممممم
سيف..اسف تركي اجع وكمل نومتك
تركي الي مايدري مين متصل عليه..اوكي باي

بالجامعه

دخلت الجامعه ولموبايل في اذنها تبي تعرف عمها باي جهى صاير...وبالطرف الثاني نفس اشي
ومانتبهوا لبعض وصار....

...ريحتها غريبه مامره شميتها في احد ثاني..يالله انا في مين صقعت بالجنه او بالنار..

ايلست تلم الاوراق واهو بعد يلس يلم الاوراق معاها ورفعوا روسهم لبعض..

سامي ..ياي كان احد قالي روح الجامعه سندريلا بتي اهناج
ريما ...ساندريلا في عينك
سامي..امبيه مين عافسج هيج
ريما..ماحد يلى فارج عني

ومشيت عنه وبصدفه وقفتني بنت مادري منو اول مره اشوفها

هنادي..اذا مابعتي عن سامي راح اوريج ويهي الثاني
ريما..مين سامي هالي كل وحده بتهددني فيه ليكون ولد وزير وانا ماحصل لي خبر
هنادي..اتغشمري مثل مابدج..بس انا بحضرج

عند عصام

عصام الي ايأس من ييت ريما وراح يدور عليها واخيرا حصلها..واهي شافته ياي لعندها واتهزة
الفرصه عشان تفتتك من لبنت..الي ماتدري من وين اطلعت لها..

ريما واهي تبوس خد عصام..هلا قلبي وينك من امساعه وانا ادور عليك
عصام استغرب منها بس بادرها بنفس الشعور..وانا اشتقتلج موت يا ريوم
هنادي حست ان ريما مو معطي سامي شي وقررة انها تشيلها من راسها..عن اذنج
ريما..اذنج معاج
عصام..مين الاخت
ريما..وحده فاضي لا تشغل بالك..
عصام..بس لا تناديني يا قلبي اخاف لبنات ماتعطيني ويهه
ريما واهي تمسك في اذراعه..ياحليلك ياعمي تفكر انك تسوي لك علاقه مع بنت

بالشغل

تركي..لبارحه واحد ماصخ متصل علي
سيف..ليه ماعرفت مين المتصل
تركي..انا بعز نومتي وتوه الحلم خاطفني يتصل علي
سيف وهو يضربه بالقلم..ياتعبان انا لمتصل
تركي..اوكي كان قلت لي ان انت الي متصل..بس تعال ليه متصل مو لمفترض تكون غرقان
بالحب والعسل..
سيف..اي حب واي عسل
تركي..مو هذي لبنت الي اذيتني عليها وانت تتكلم عليها الي يسمعك اللحين ويشوفك يقول هذا
تبدل عن الي كنا نعرفه..
سيف..كانت اللحين اذا دخلت البيت احسن البيت مو حلوا..مخنوق منه..ماطيق اني ايلس
فيه..غريبه مني بس ابعيده عني
تركي..استهدي بالله وبعدين مواهي شلي غيرك عليها
سيف..ماقدر اقولك اي شي..اني استعيلت بالزواج منها
تركي..اشتغل اللحين يطب علينا وفنشنا من الوظيفه
سيف..وانت صاج من خطب واهو من عفس علينا..كانه مجبور على الزواج
تركي..وهذي بنت عمه الي بياخذ..

في المستشفى

مرام..اقولج انه مايقرب عليها اهي بصوب واهو بصوب مايي الا وقت الاكل ويطلع ومايرد الا
وقت النوم تقولي لبيت فندق له..لازم نعمل شي لهم او لبنت بتتحطم نفسيتها..
سارا..بعد يومين يايه عندكم ..لان معزومين بعرس باجر..
مرام..اوكي اخليج عندي مراجعين وايد
سارا..سلام

في فلة بوحمد

سامي..نور نور..انتي وين

نور بس شافت عمها وخلت اعيونها فيها لمعى انها وايد متأسفه وضمت اديها على بعض ..
وقربتهم لعند قلبها...

سامي الا هالنظره يستسلم لها وينسى شلي سوتله ..لان مايتحمل

نور..حبيبي عمي كلهم اطلعوا ماما..ويدتي ويدي ..ولبابا..خلوني مع الخدم..
سامي وهو يشيلها..يلى نروح نتغدى برى

سامي مو راح نفس لمطعم بس عشان يلتقي فيها مره ثاني بس للاسف الي ماحسبه ان ليوم اجازه
لها ونقهر يوم سأل عنها وخبروه..

في بيت بوسعود

اسيل..حبيبي يبه وافق لا ترفض اطلبي انا طلبتك
بوسعود..ياحبيبتي هذي مو شغله تشتغلينها..مين بيوديج وييبج..
اسيل واهي اطالع علي..مثلا علي يوديني..مو علي

علي الي بيذوب بنظرات اسيل له رغم انه رافض فكرة شغلها بس رضى كله من الحب وادروبه

علي..خلاص عمي انا اوديها واييبها

اسيل الي ودها انها تحضن علي..لانها هذا الي تبيه انها تطلع وياه وتتقرب منه اكثر...

في بيت سيف

حوريه الم يزيد عليها بأيدها لانها ماخبرة احد كل الي قالته انه جرح بسيط واهي تقص البصل..
وفي هذا الاثناء يات عندها دانه الي كل يوم والثاني طابه عندهم..

دانه..ان شاءالله الحق على الغدا
حوريه..تطمني راح تلحقين

في السوق

ريما..ساعه وانتوا تنقون في الملابس
عهود..بعد محتارين بالونين..انتي شنو تقولين
ريما..انا اقولج بسرعه عمج وراه دوام

يات مطيوره واهي شايله الشنط..اي وحده هذي والي هذي

ريما..دعاء رجعيهم لاني ماراح ادفع جيمتهم
دعاء..مشكوره عمي عطاني

عند سامي

نور..يلى سامي انا تعبت مشي..
سامي..يلى اعيوني بس ينفتح

وانفتح المصعد وتوه بيتسكر الا تيي وتمسكه...

ريما..لحظه انا نازله

سامي يلس يطالع فيها وهو يشكر ربه ان شافها..اهي لاحظت نظراته بس حاولت انها تجنبه.
الا في شي صار وخلها تشبك فيه..

ريما..بسم الله شو صار
سامي..المصعد وقف

ريما ماحست انها الصقت بسامي وسامي كان قلبه يدق حيل..وبدى يشم بعطرها المميز وشعرها
الي له ريحه ماقدر يوصفها..

نور غارت من ريما..اخييير انفتح
ريما توها تلاحظ القرب..اسفه
سامي..والاء يهمج

في بيت سيف

دانه..سيف ممكن توصلني لبيت
سيف يعرف شمقصد دانه..حوريه قومي معانا..ومنها نتمشى
حوريه..وخالد
سيف..خالد مو بيحس بطلعتنا

في فلة بوحمد..عند سامي

سامي دخل غرفته يبدل فصخ الكنزه بس حس ان الكنزه لصق فيها شي..وشمه ولقى ان عبير
عطر ريما فيه..وتم يشم فيه قرابت خمس دقايق..

بالصاله..

هنادي..وين رحتوا
نور..رحنا المطعم تغدينا وبعدها رحنا مجمع وصادفنا..
هنادي..اي كملي مين صادفتوا
نور..ولا شي
مها..ها سامي كيفك وكيف الطقس معاك
سامي سرح وهو يتكلم عن ريما وكان يطالع في هنادي..حلوا اهي صوتها يصهل مثل صهيل
الخيل..والا اعيونها تجدح مثل الخيل..جميله كل مافيها نظراتها..ويهها..اديدها..
مها..اووووووووووه هذا لمين
سامي..للي سندريلا شفتها..صعبت اوصفها لو اتم اسنين ماقدراوفيها ربع اليمال الي فيها مو
صح نور..
نور..اي صح

هنادي كانت يالسه وتفكر ان الحجي لها اهي ماتدري انه يوصف وحده ثاني..

بالسياره عند سيف

حوريه كانت بسياره حاط ايدها على راسها من سرحانه بعد ماوصلوا دانه شافت شخص واقف يم
اشارة المرور..واتعبت ومسكت بأيد سيف اضعظت على الجرح بدون ماتنتبه...

سيف وهو يحس بشي انطبع على اثيابه والتفتت وشاف ان ايد حوريه تنزف دم..

سيف..حوريه..حوريه

حوريه الي اطالع بشاب واهي قلبها يرقع من الخوف..ماتدري من شوا..سيف الي كان ينادي
باسمها بس ماعطته اي مبالهه

سيف..حوريه شفيج ليه ايدج تنزف دم
حوريه الي انتبهت..جرح بسيط
سيف..كل هذا جرح بسيط شوفي الجرح عميق
حوريه..واذا شراح تسوي

في بيت بوريما

عهود..ريما الا مين هذا الي ماشال عينه منج بالمصعد
ريما واهي تكتب بالدفتر..مافي احد
عهود..علينا

ريما الي حتى اهي بدة تفكر بسامي مو بس اهو الدفتر مكانت تكتب فيه الا اسمه..اسمه وبس

بالمستشفى

حوريه وادموعها تسيل..الا الابره مابدي
الممرضه..لازم عشانج ..وعشان مايكون تسمم بأيدج
سيف..ياهل..انتي اشفيج..
حوريه وادموعهاتسيل..الا الابره انا اخاف منها
سيف..خلاص شلتي المستشفى شيل..بصوتج الا يسمعج يفكرج بتولدين مو ابره
حوريه..خلاص بس بشويش واهي تدقها

بالمطعم عند سامي

طارق..انا مليت من اكل هذا المطعم مافيه اكل الا بهذا المطعم قلت المطاعم
سامي..بس بشوف اذا اهي موجوده والا الا
محمد..مش موجوده

في بيت سيف

حوريه واهي نايمه واهي تهادي باللي لحقها بالمنام وايلس مفزوعه سمع صوتها سيف وياى لعندها

سيف وهو يشغل الليت..حوريه ليج تصارخين
حوريه واهي حاط ايدها على قلبها..شفته يلاحقني يقولي ماراح تتخلصين مني انا خايفه..
سيف وهو يسدحها ويلحفها..نامي..انتي بس تتوهمي
حوريه واهي ماسكه بأيده..سيف تم يمي انا محتاجتلك لتهدي بروحي

سيف الي كل مره ويزيد في حب حوريه ويتعلق فيها اكثر حتى اهو نام معاها بنفس الغرفه..

مرام ردت من الدوام الساعه هنتين الفير وانتبهت لضوء الي بغرفة حوريه وراحت وشافتهم نايمين
مع بعض واستانست اكثير..احمدت ربها ان بدى الثلج يذوب..


اليوم عطلت الاسبوع لكل كان مستعد لها سيف وتركي بيرحون الزواج..زواج مديرهم الي راح
ليوم يعرس..ريما اليوم دوامها مايخلص الا متأخر..وسامي كعادته يروح بس يشوفها..

في بيت سيف..بالليل

مرام..شرايك سيف بحوريه بلبسها اليديد

سيف كان حاط ايده على خده وحاط ريل على ريل واطلعت حوريه من الغرفه وسيف بقق اعيونه
على الاخر..

مرام الي انتبهت في سيف..ها ماخبرتني
سيف وهو يخزها من فوق لتحت..ها انا مادري بس كيف صار هيج
مرام..شقصدك..اذا على البس انا شريته..بس انت ماعطيتنا رايك
سيف وهو يبتسم لحوريه واهي ردتها باحلى ابتسامه..

سيف..جميله بمعنى الكلمه..ناعم تسحر الناظر..تسحره بكلامها الناعم..
حوريه استحت ونزلت راسها..مشكور
سيف..بس ماقلتولي وين رايحين بكل هالاناقه
مرام..الزواج مع سارا

بفلة مشعل

نزل من الدري وحاط بشته على ايده..وامه كانت يايبه البخور لتبخره كانت سعيده..ومن
وماحد عطتها ساعدتها..بس اهو كان مخنوق بالي يصير اعيونه مليان ادموع بس لمين يفضي

حزه..كان بالاول يفضي حزنه لحبيبته بس لمن سافرة..كلا يكتم بصدره..مايبي هازواج
بس عمه يريده..يريد يستر على بنته..

ام مشعل..اللحين رفعت راسي مو ذيك البنت الي تبي تتزوجها..بس اشوه انها سافرة

مشعل وهو ينزل راسه ويحب ايد امه بس ماقدر يمسك حاله نزلت ادموعه على يد امه ..وامه
ارفعت راسه وشافت اعيونه محمره...

ام مشعل..يمه ولدي..ليج البجي هذي ليلتك مالازم تخربها انت ولد وكل الاولاد..
مشعل..يمه هذي مو ليلتي هذي ليلتكم انتوا..انا من غير حبيبتي ضايع وهايم بذكراها

في بيت بوسلطان

بالطرف الثاني كانت ناعمه مثل النرجس يمالها طاقي ببج الليله بس هذي الليله مو الي كانت تتمناه
طالعت ابوها الي كان يبجي من الي سوته بنته فيه ماتخيل ان بنته تعمل هيج..يطالعها وادموعه
تنزل حيل كانه فقد بنته الى الابد...

طيف..يبه سامحني
بوسلطان وهو بيوس راس بنته وبعدها ويساسرها بأذنها..ديري بالج على ولد عمج..وانسي
سالفت الصايع حقج..واياني واياج اسمع انج مضايجه مشعل..
طيف..ان شاءالله يبه

بالمطعم

كان في شخص مضايج ريما بالمطعم واهي تقدم الاكل لهم..كل مابعدت ايدها يجرها لناحيته

ريما..وبعدين
..يلسي معانا اكلي
ريما..استخفيت
...الي يشوفج يستخف

ريما اسحبت حالها بس يودها ومسك ايدها لمن صار حكاك بالكلام..سامي كان داخل وشاف كذا وبدى
يتهاوش مع الشاب لمن الشاب ايئس وبدى ينادي المسؤل..

...وينه المسؤل هون
ريما..الله يخليكم وطو اصواتكم لا تفضحوني

دخل بالخط المدير

المدير..ريما شصاير ليج الواقفه يم الشباب
...انت المدير اذا مادبت موظفينك انهم مايتحرشون بالزباين راح اقدم شكوا
سامي..انت ليج تألف على البنت
المدير التفت لريما..لمي اغراضج وانتي مستغيله من هون
ريما وادموعها تسيل..حرام انا ماسويت جذي اهو الي بدى

في بيت بوسعود

لكل كان اعيونهم على علي..بس مايدرون ان علي قلبه متقلق باسيل ومافيه احد غيرها بياخذ
المكان..بس في اعيون تخطط انها شلون تبعد علي عن اسيل..

ندى..مين بيودينا..لكل طلع ماغير علي هون ورحت له بس رفض
اسيل..انا راح اقنعه

راحت اسيل لباب الميلس وطقت لباب على اساس انها تبي تكلم ابوها عن روحتهم لزواج بنت
عمتها ربيعه...وطلع لها علي وهو فاتح عيونه على الاخر..

علي..منو هذي قمر نازل لي من السما
اسيل..تودينا الزواج لكل طلع
علي وهو مدخل ادينه دخل القميص..وانا وقلبي يهون عليج تتركينه بعد ماضاق حبج
اسيل الي ماتت من الحيا..علوي
علي..اخ من علوي انا بموت من حبج
اسيل..بتودينا
علي..اي من يحصله انج يالسه يمه ويقول لج لا

ندى الي سمعت الكلام وقلبها شاب نار بس اكتمت لمن تقوم تنفذ في خطتها..

عند ريما

اطلعت من المطعم واهي تبجي على حظها الي دايما يعاكسها..ولحقها سامي لمن وقفها عند
سيارته..

ريما..انت شتبي مني
سامي..انا ابيج..انا احبج
ريما..انت شقاعد تقول انت شقاعد تخربط
سامي..لا تبجين انا مايهون علي اني اشوفج تبجين
ريما واهي تضرب على صدر سامي..انت السببب دمرة حياتي ومستقبلي ليج تيي وادافع عني
انا اقدر اني احل مشكلتي..وخرت على الارض واهي تبجي..

سامي نزل لمستواها ..
ورفعها لعنده واهو كان يحمل علبة عصير زجاجيجه..انتبهت ريما لزجاجه واخذتها منه..

ريما..روح دور لك على بنت من مستواك ياولد الراهي
سامي.زبس قلبي اختارج انتي
ريما ارفعة الزجاجه واحدفتها على الزجاجه الاماميه..انت ..مستحيل اني افكر فيك..

طارق الي ياه لعند سامي وشافه مهتز من الي يشوفه بحالة ريما..وريما مشت عنهم لبعيد

سامي..شفت طلال حبيبتي راحت وانا ماقدرة ادافع عنها
طارق..اي..بس انت ليه تصرف جذي
سامي..طلووووووووول مادري

بقاعة الزواج

دخلوا المعاريس على بعض..لكل كان يترقب دخلتهم لبعض لكل كان يطالع فيهم ومنبهرين.
كانت ماتتعده جتفه بس كانوا اثنينهم لكل يشهد على حبهم..الي يشوفهم يقول ان الحب وياهم

وهم في بطن امهاتهم..بس الي يدري والي مايدري كانت اقلوبهم ابعيده عن بعض كل واحد
يتخيل محبوبه واقف يمه..

مشعل وهو يلتفت لطيف وتخيل ليلى وادمعة اعيونه..ليلى ياليلى..الي لدموع تسيل من
ينطرى اسمج فيه

طيف حست ان مشعل بعالم غير..بس خلته ولفت ويهها عنه تبي تذكر حبيبها الي راح وخلها

في بيت بوريما

ريما الي رمت نفسها على السرير واهي تبجي..انا شلون اقدر ادبر امور البيت..ماقدر
اخبر عمي عمي مو ناقص هم الي فيه مكفيه..بس ليج انا تصرفت مع سامي جذيه اهو ماله
ذنب بالي صار بس ليج انا تحمقت عليه..

عند عصام

عاصم الي مانام ولا حس بييت ريما على لبيت لانه منهمك بالبنت الي شافها بالجامعه متعجب من
جمالها تشبه ريما بجمالها سبحان الله..يخلق من الشبه..تنهد ونام..

بفلة بوحمد

لكل رد من الزواج ويتكلمون عنه ام حمد الي امدحت اهل المعرس واهل المعرسه لكل بدى
يضحك على لموقف الي صار بالعرس..بس هالضحكه سرعان ماراحت بدخلت طارق وهو
ماسك سامي تعب عليه لاول مره بنت تصده بهالشكل..

ام حمد..سامي يمه اشفيك
طارق..مافيه شي بس ساندريلا ماعطته ويهه

سامي وهو يناظر طارق انه يسكت

ام حمد..مين ساندريلا

مها الي افهمت على طارق لان سامي مايخش عنها شي باصغر التفاصيل كان يقول لها....

مها..مو انا قايله لك طول بالك على البنت
سامي..لين متى قلبي صار مثل الطير..الي اي ريح تذبه حتى لو كان واقف
طارق..انا بستفسر عن الوضع واخبرك

بفلة مشعل

بعد ماودعوهم وباركوا لهم..اطلعوا على شقتهم مشعل الي دخل التواليت وشغل صنبور الماي
يهد عليه كان فكره كله مع ليلى ومرضها تذكر يوم قالتله انه يبتدي حياه يديده بدونها لا ينتظرها
يمكن انها ترد ويمكن الله ياخذ امانته..

ليلى..مشعل اذا طلعت من المطار واقلعت الطايره انسى ان فيه وحده بالطياره اسمها ليلى
خلها ماضي وراء ظهرك..وابدى حياه يديده
مشعل..ويهون عليج حبيبج مشعل ان الدنيا توقف ضده
ليلى..لا مايهون علي..بس المرض سيطر علي وحبني كثر مانت حبيتني..بس الفراق
لابد منه يامشعل
مشعل وهو يحط ايده على حلجها..الا هالجلمه لا تقولينها انتي بتردين مثل قبل واحسن..
تذكرين اول مره شفتج فيها

ليلى ضحكت من خاطرها بس هالمره سلمت عليه بالايد مافيه بوسه على الايد..

مشعل..اول مره تسلمين على كذا مثل البرود مافيه حراره وين لبوسه..
ليلى..لان الفراق ابيه بارد

مشعل نفض الافكار من راسه وطلع من التواليت والقاها يالسه على السرير ترفع بشعرها..

مشعل..لساتج صاحيه
طيف..اي وانت مو نايم
مشعل..لا نامي انتي

مشعل وقف يم النافذه يطالع بالي رايح وراد..وحاط ايده على النافذه وراسه على ايده..لمح
مينون يمشي بوسط الشارع تمنى ان اهو مكان المينون..فكره مرتاح وقلبه مطمن..حسد

المينون على هالحظه..مرت ساعات وهو يهج..رفعت راسها شافت الساعه 3لفير..
وهو لساته صاحي ترددت انها تحاجيه او انها ماتحاجيه..بس بالنهايه قامت من على السرير

وحطت ايدها على جتفه..اهو حس ان ايد انحطت على جتفه بحنيه يفكرها ايد حبيبته ليلى
سالت دمعه من عينه نادى باسم حبيبته وهو يلتفت لها...

مشعل..ليلى انتي مانمتي ليج حبيبتي

طيف اهي حاسه ان مشعل يحب بينون..واللحين بس تأكدة من هشي..وحست نفسها سخيه
انها احرمت قلبين يحبون بعض..

طيف..مشعل انا اسفه
مشعل..ليش تتأسفين
طيف..لاني حمرمتك من حبيبتك

مشعل حبيبتي اهي الي خلتني وراحت بس ياليت القى عندج الحب..او اني احط راسي على
صدرج واحس بالامان..بس جذب عليها وقال لها..انا ماعندي حبيبه