رجع بعد لقفوه الي خذها رجع ليكمل حياته

بوعلي ويحط ايده على ايد سيف..سيف ولدي الشيخ يكلمك
سيف وهو يبلع ريجه ويعدل من نبرة صوته..نعم
بوعلي كرر السؤال..سيف شفيك..اقولك الشيخ يكلمك
سيف..معاك..(والتفت على الشيخ)..تفضل اسمعك
الشيخ..انت موافق على الزواج بكل قواتك العقليه..بدون اي ضغط من احد او اكراه
يسف يكلم نفسه..وانا فيني حيل امنع الزواج ماقدر اقول لأختي شي..
الشيخ..ها سيف موافق او لا
سيف..اي موافق

فوق عند حوريه

كانوا يضعون لي لميك اب انا سؤال يدور في ذهني منو هذا الي بيزوجوني له يعرف عني شي او
لا..او ماخبروه شي يمكن يكون شخص محتاج فلوس..وابوي اقراه بالفلوس منو هذا..

كيف شكله حلوا او بشع..مفترس او حبوب..كيف بيعاملني او كيف انا بقدر اعيش معاه تعبت
انا من هشي متى ياربي ينتهي كلشي من حياتي..كيف الليله طويله ومش راضي تخلص..

سارا..كيف شايفه نفسج
حوريه..عادي
سارا..طالعي زين نفسج بالمرايا
حوريه..يمه منو هذا الي بياخذني

سارا ماعرفت شنوا اجاوب..

حوريه..يمه اكلمج انا ردي علي
سارا..واحد
حوريه..ادري انه واحد..منو..وحده..بس منو
سارا..اللحين تعرفين

كان يصرخ من داخله كيف انا رضيت بهالمهزله تصير..اهي تعتبرتي خال لها..وانا كيف رضخت
..ماحد اجبره..انا محتار على امري..كنت احلم اني ازف اختي بثوب لعرس واهي سعيده

..مو مقصوبه على الزواج..
حوريه..علي شفيك واقف فيك شي..تعبان
علي..لا..انتي شلونج..مرتاحه
حوريه..شتفرق اذا كنت مرتاحه والا لا
علي..كنت ابي اباركلج..بظروف احسن من هيج..بس ديري بالج على نفسج وعرفي اني
انا موجود بأي وقت انتي تحتاجيني فيه
حوريه..عارفه

براء عند سيف

كان يتأمل السماء يكيف صايره والنجوم كيف متقاربه من بعض..وهو كيف صاير ابعيد عنها تنهد
وغمض اعيونه وفتحها..ومسح دمعته والتفت على الصوت الي نادئه..شافها ماتغيرة عليه مثل
ماشافها اخر مره قبل لا يسافر..

حوريه انبهرت اذا اهو الزوج او مجرد ازياره لاخته..سيف لحد اللحين ماتغير هذا اهو..
تعابير ويهه ماتغيرة..يمكن تغير فيه شي واحد..هذا اهو الشي الي ماعرفته فيه..ليش قرب

سارا..وهذي عروستك ياسيف
حوريه الشنطه طاحت من ايدي..شنوا هذي تقول
علي..حوريه انتي بخير
حوريه...
سيف..يلى..تبين شي سارا
سارا..لا..سلامتك
سيف..الله يسلمج

ركبنا السياره وكنا ساكتين مغير صوت المسجله شغال على دعاء..وانا اطالع فيه واقول في هذا
اهو الشخص الي كنت اناديه خالي..يقولي انا احبج..ماكنت اقدر جملته على بالي انها حب

خال لبنت اخته..اللحين عرفت لج ابوي دايما..يقولي تستري يمه لا تليسين بملابس عاريه..
وانا اقوله هذا خالي..وطبيعي اني ايلس يمه كذا..وهو يتنرفز من كلامي..كيف بناديه خالي
سيف..و اذا سألوني الناس منو هذا..شنو بجاوب عليهم..

في بيت سيف

سيف..هذا اهو البيت يمكن ماتغير عليج
حوريه..لا ماتغير
سيف..على شنو اطالعين
حوريه..على استايلك بالبيت دايما تبهرني
سيف..اخذي راحتج
حوريه..انت بتطلع
سيف..اي بقيتي شي
حوريه..لا
سيف..على فكره نامي لا تستنيني
حوريه..ليش مش راد لبيت
سيف..لا تستعملين معاي الاسلوب هذا..فهمتي
حوريه..بس انا ماقلت لك شي..ليه حمقة علي..

راح صوب لباب حط ايده على مقبض الباب حس ان لباب مو راضي ينفتح معاه..كأن لباب يقوله
ارجع لوين رايح تترك عاروستك..مثل هذهي الليله..بس ماهتم دفع لباب بقوه ونفتح معاه..

بس برضوا وقفه صوت ناداه..ترك لباب ولف لمصدر الصوت..كان واقف بجامته ويفرك..
عيونه بأيده فيه النوم بس سمع ان احد يئه نزل يشوف منو هذا..

خالد..خالي انت ييت البيت
سيف ونزل لعنده..اي حبيبي بس بطلع..بقية شي
خالد..اي ابيك تنام عندي..امي بطول بالمستشفى
سيف رفع راسه ويكلم نفسه..ماقدر ايلس انا وياهى بنفس لبيت اهي حبي..بس النار تشعل
بصدري..واحس ان روحي بتطلع من مكانها..
خالد..خالي ليه لعرق يصب منك
قربت لعنده وحطية ايدي على راسه..انا اليوم بنيمك بحضني..وخالك يروح مشواره زين
خالد..انتي منو شنو تسوين في بيتنا
حوريه..انا..انا..انا..
سيف..هذي زوجتي
حوريه..ماألومه يمكن اربع مرات شافني فيها عندهم بالبيت..لهذا مايعرف انا منو وشو بالنسبه
لخاله..

في بيت بوعلي

علي..يمه قومي اتصلي بحوريه شوفي شلون صايره
سارا..مايجوز ماخذة الا ساعه من اطلعت من عندنا
علي..يمه..طلبتج..اهي ماكسرة خاطرج..بطلعتها من البيت..جذي..كأنها وحده
بيعدمونها..
سارا..اخاف ابوك يعصب علينا
علي..ماعليه..بس اكيد ابوي نايم اللحين

في بيت بوسعود

اسيل..يبه رحت ملجة حوريه
بوسعود..لا اخوانج مو هون..وامج ماخذه لدريول معاها
اسيل..انا كان ودي اروح بس خفت من عمي..وماحبيت اني اشوف حوريه هيج
بوسعود..لو متحجيه كان رحنا لعندهم اكيد عمج تلقينه منهار على بنته
اسيل..يبه ماعرفتوا منو هذا الي مسوي معاها هيج
بوسعود..لا كلشي لقيناه بالعلبه..بس ياليت اخوانج طايعيني وماخذين بنت عمهم..
اسيل..يبه لعتب مو عليك..لعتب على ولدك..الي تركها

في بيت سيف

نام خالد وطالعت الساعه..واييد تاخر طلعت من لغرفه..وبحكم اني ماعرف لغرف وين
صايره نمت بالصاله..قلت عشان اذا جاء احس على ييته..

رد لبيت وشافه اظلم شغل اليت الي بالدرج..وصعد وشاف الابجوره الي بالصاله مشغله..راح
يشوف منو..حصلها نايمه حاول ان يلمس شعرها بس تراجع..ودخل غرفته ولا ياله نوم قام

فتح لباب ويلس على لكرسي يلس يراقبها لان غرفته مقابله لصاله..ويلس يرسم فيها لمن استوى
الصبح..وقام وراح لعندها

سيف..حوريه..حوريه..

حوريه ايلست وارفعت ادينها لتتمقط.

خالد..صباح الخير خالي
سيف..صباح الخير يلي مجهز نفسه ليروح على لمدرسه
خالد..خالي انا بنزل تاخرة على باص لمرسه
سيف..لا تروح لمن تتريق
حوريه..وخالتي مايات من لمستشفى..
سيف..لا خالتج مابعد تيي..ممكن تحضريلي الريوق على مابدل..
حوريه..حاضر..تبي شي معين..
سيف..لا..الي تسوينه..

بفلة بوحمد

دخلت غرفته كانت ظلمه..ودخلت معاها بنت عمرها حوالي خمس سنوات شعرها طويل..
اصعدت على السرير..تيلس فيه وماعطاهى موباله انقلب على بطنه..بهالحظه افتحت الي

ادخلت معاها افتحت الستاير ودخل ضوء الشمس ..وتضايق ورفع لمخده الي تحتى وحطها فوق
راسه..وايأست انه ييلس وطلعت من لغرفه..وارجعت سريع وحط بويهه حمرة شفاه على
شفايفه..وعلى اخدوده..وطلعت..وبعدها بساعه يلس وشاف نفسه بالمرايا وصرخ...

في بيت سيف

سيف..هالمره بعديها لج..
حوريه..ليج
سيف..انا مواعيد ريوقي وغداي وعشاي ثابت..
حوريه..والي اهي..
سيف يبي بس يتلف اعصابها والا اهو ماله مواعيد ثابته..ريوقي الساعه6:30بس قبل بنص ساعه
اشرب عصير واقراء جرايد..وغداي الساعه1:45وان تاخرتي دقيقه ياويلج مني..ولعشاء
الساعه8:30..وخفايف
حوريه ابتسمة ابتسامه خفيفه..بس انت تدلل
سيف حس انها تتمضخر عليه..انتي تطنزين علي
حوريه..لا..ابد ماعاش مين يدوس لك طرف..
سيف..اوكي انا ساير..ونظفي لبيت عدل
حوريه..ان شاء الله

في فلة بوحمد

طلع من غرفته بعد ماصلى لفير متاخر ونزل بالصاله الي بدار الثاني ونادى عليها...

...نور..نور..
ساندي..بابا سامي الريوق زاهب..
سامي..يبيه لعندي..
ساندي..تفضل
سامي..شنو هذا
ساندي..ريوق
سامي..انا كم مره اقولج غير لجبن والزيتون..لا تيبين لي شي غيره
حلا..من ولد هلي ماتاكل الا كذا..ولا خايف لبنات مايتحادفون عليك
سامي..انا ولد الراهي مو واحد ياي من الشارع
حلا..نشوف ياولد الراهي غرورك لوين بوصلك..
سامي..بيوصلني..لفوق..لفوق..لفوق..

كانت تطل براسها من الصاله تشوف تعابير ويهه كيف صايره..اذا اهو حمقان عليها..او لا

سامي..نور..نور..نور
مها..لا تنادي عليها مادري عنها انزلت تسرع اهي مسوي شي
سامي..نور..نور..تعالي انا مو زعلان منج..
نور اوقفت يم يدتها..انت صاج
سامي..اي

ويات لعنده وايلست يمه بالكنب..وهو شالها وحطها على اريوله..وشال اول لقمه بيحطها في
حلجه..ولتفت وحطها بحلج نور..

حلا..ياعيني عليك..ماشاءالله صاير ذرب
سامي..انا لو ماشوفها..استخف..اين..هذي نوري الي مابدله
بوحمد..سامي..سامي
سامي..نعم

بوحمد وهو يمد لمفتاح له..

سامي..هذا مفتاح السياره اليديده..
بوحمد..اي
حلا..وانت ماتدوم عند سياره كله مكسرها..
سامي..ونسيتي ماكليتي..مو ابوي كاتبلج..شقه باطاليا..هدية زواجج..يالغبيه..
حلا..اي شقه بنستفاد منها مو انت..
بوحمد..ماحد له شغل بولدي..لو يكسر كل يوم سياره تفداه...هذا اصغر واحد بعيلة
الراهي..

سامي انسان يحب شي اسمه لمغازله..بس اوه شخص حساس..صاحب الابتسامه اللطيف
اي مافيه شي اسمه سامي لبيت ماله داعي يصير كأيب..

في بيت سيف

مرام..صباح الخير حوريه..والف مبروك
حوريه..الله بارجلج..رديتي من دوامج
مرام..اي بس انتي ليه حايسه بالبيت..وليه لبسه هيج
حوريه..اوامر اخوج..طلب مني اني ارتب لبيت
مرام..لا طاوعينه انتي عاروس يديده
حوريه واهي تنظف بالطاوله..اي عاروس..
مرام..اي انتي عاروس..مافي مثيل مثلج..
حوريه..بسج من الحجي..روحي دارج ونامي وانا خليني انظف
مرام..اسف ماشاركتج بهالمناسبه..ومن اول يوم خليتج فيه تسوين ريوق لاخوي وولدي..
حوريه..مافيه داعي تتأسفين
مرام..ايل انا بروح انام
حوريه واخطرة علي فكره شيطانيه..مرام
مرام..نعم
حوريه..سيف كيف يفضل الاكل..
مرام..تبين اقولج

في فلة بوحمد

حمد..نور لحد اللحين يالسه عند عمج ماتيين تسلمين على ابوج..
نور..سلمت عليك قبل لا تطلع من البيت
حمد..اللحين منو ابوج انا والا اهو..وليكون تحبينه اكثر مني

نور اطالع في ابوها واطالع في عمها سامي ..وباست سامي في خده..وجاوبت

نور..احب عمي
حمد..ها
مها..مادري يوم كانت ابطني ماتتحرك الا يمه هلي تحبه اكثر مني ومن ابوها..
سامي..يلى ياعيوني مدامج جاوبتي كذا بوديج معاي..الجامعه وبعدها نروح نتغدى باكبر
مطعم بالكويت..
نور واهي ترفع شعرها..انا انت روح الشريكه انا يبيلي اربع ساعات لزهب نفسي فيه تعرف اني
ماطلع من لبيت وانا مو مترتبه..
سامي..اوكي ايل جم الساعه امرج فيها..
نور..الساعه 1:30واذا تاخرة علي راح تغديني بأغلى مطعم بالكويت..
سامي..وانا من الساعه وحده بكون عندج..

يسلمووو على البارت الرائع
ممكن تحددي لنا مواعيد تنزيل البارتات




شكرا حبيبتي ع التشجيع

ان شاءالله ان يكون من الخميس على حسب اظروف

كاتبتي لعزيزه بكلمات لعظمه والرقيقه فانتي تدعميني

اسعدني ماكتبته من تعليق بروايتي فجزائي الله خير