.. زهـايـمر حكـي .~

**تنهيدهـ** · 22-11-2016, 12:01 AM

رد: ✒ .. خآصرة حرف رمآدية

‏يآ ليل ما هيب , معقوله
ما فيه غيري احد حولك ؟

المتعب يطيح .. من طوله
الا انا طحت , من طولك

**تنهيدهـ** · 22-11-2016, 03:20 PM

رد: ✒ .. خآصرة حرف رمآدية

‏انا بوادي و هذا البال في وادي
احس بشي عن كل المشاعر غير

انا اللي ( آسفة جدا ) و انا عادي
و انا ( الغلطة ) وانا ماصار إلا الخير

**تنهيدهـ** · 23-11-2016, 09:21 PM

رد: ✒ .. خآصرة حرف رمآدية

من محاولات الإبقاء على الشعراء الجميلين في الساحه إنك تفتقدهم بطريقتك ..
كانت هالبيتين مني والرد عليها من أخي الشاعر الكريم كالعاده العجمي ..

أقول ..
‏
لا تشح ببوحك الباذخ أبد
انتظر لحظة رجوعك من زمان

عن حروفك يا عزيزي لا تصد
في وجودك ساحة الشعر بأمان

ويرد بكرمه اللامستغرب ..~

‏البلد .. ما عآدت لـ أهل البلد
عشرهم من حزنهم صارت ثمآن

ولا يحس بحسرتك غيرك أحد
حتى دمعك من عيونك .. لا يبآن

الشعر حالة مشاعر في جسد
ينسكب جرحه و ينبت لك حنآن

ي لمى .. والشعر ترنيمة سهد
مالها في زحمة الوآقع ، مكآن

يوم شفته صار .. تكمالة عدد
مارس الحبر الخيانه لين خآن

ي لمى والحرف لحروفك سجد
علميهم !؟ كيف طبع الزعفرآن

جعل عين ! م تحبش ... للرمد
وجعل قلب ! م يودش .. للهوان

أترك لكم التعليق على صدى صوت حرفي ..

**تنهيدهـ** · 24-11-2016, 11:03 PM

رد: ✒ .. خآصرة حرف رمآدية

505361

وصلت لنص مليون بالتقييم .. ربما رقم غير مسبوق هنا ..
أشكر الجميع والله على كل كلمة حلوه يكتبونها لي وعلى
رأسهم أنة حرف .. لأن كلامها وتحفيزها جدا يطرب القلب

Thank you so much من كل ألبي ..~

تصدقون في أشخاص من أول مارجعت هنا ماشفت لهم ولا تقييم
لكن علاقتي فيهم منتازه لأبعد حد .. بس شكله بخل بالكلام الحلو
ولا الرقم ماله معنى هالقد .. يعني هالفتره احتاج جدا للكلام الحلو
والتحفيز يعني امممممم احتاجه وبس

عموما .. أخبار نهاية الأسبوع كالعاده فيها كمية دلاخه فيني اكتشفها
على الدوام يعني مثلا ..
اليوم الصباح زعلانه وكذا .. اسوي لي حليب قبل الطلعه وعندي كوب
لكن بلاستيك .. توه البارح جايني هديه .. مع إن عندي مثله
لكن ما انتبهت لشي فيه ..
سويت الحليب وجيت أصبه انكمش الكوب عقب انتبهت انه بلاستيك
خفيف .. مايتحمل الا المويا .. وخسرت الكوب الجنوبي
والآن رجعت لكوبي القديم

شي ثاني .. مبسوطه جدا بعودة شاعر عبير المخضرم جدا
برق .. وأخيرا بدأ قسم الشعر يستعيد عافيته .. جدا استمتع
بلعبة تحدي الشعراء أحس فيها نوع من صقل الموهبة وأيضا تعليم
المبتدئين .. بجد اتمنى عودة الجميع بلا استثناء ..
ربي يسعدهم وين ماكانو ..

الشي الثالث والأخير .. مبسوطه اني أدبت نفسي والتزمت بجدول
معين ونظام نوم ورياضه وأكل منتاز .. وصرت اسمع كلام نفسي
واخاف من تهديداتي

ممنوع السهر .. وممنوع أدخل الصباح قبل ما اسوي رياضتي
وممنوع أمسك الالكترونيات وقت الأكل .. أيضا ممنوع أطنش
رياضة يدي وقت ما أكون ماسكه جوالي مستقعده لنفسي
مرااا .. بس إن شاء الله على سنع ..

أحاول ارجع لطبيعتي وابعد عن شراهة التعمق الإلكتروني لأني
اضيع وقت جدا كثير .. وأهمش أشخاص مهمين في حياتي علشان
اريح راسي من الكلام والنطق مش أكثر ادري اني مرا لأ بس
الإدمان أحيانا يفقدنا توازن التفكير .. لكن لابد مانراجع سلوكياتنا
ونعدل ..

خودافس يا جميلين ..~

**تنهيدهـ** · 25-11-2016, 09:01 PM

رد: ✒ .. خآصرة حرف رمآدية

يا مساء الحب والشعر و أنا
يا مساء النصر والحظ البخيل

ان بغيت تحب الخطه هنا
ارتبط في شخص مجنون وجميل

بوح ..

**تنهيدهـ** · 26-11-2016, 04:33 PM

رد: ✒ .. خآصرة حرف رمآدية

مساؤكم جميل مثل جمال هاليوم ..~

اليوم ملكة الجميلة أختي إن شاء الله .. أسأل الله أن يكتب لها
السعاده ويوفقها .. وعقبال كل العاوزين يارب .. مدري هي
وش تحس الآن بس أكيد شي كذا حلو ومرحلة جديده يعني
أنا بالنسبه لي أحسها تخوف بس معرفش ..

المهم يا جميلين واللي سألوني عن ماسك الموز والبيض اللي
كان على شعري ونتيجته .. بالنسبه للبنت اللي يكون شعرها ناعم
راح تعاني في الشتاء .. خصوصا انه يلبد الشعر يعني يعتبر
مثل الكيراتين بس طبيعي .. وله نتيجة نفس البروتين اللي طايحين
فيه هاليومين بس نتيجته أخف .. لذا اللي تعاني من نفشة الشعر
راح يناسبها .. أما أنا عن نفسي ندمت لأن شعري صار نايم ومع
البرد فيه التماس
لكن اللي شعرها جعد راح تستفيد منه كثير وراح يعجبها لأن نتيجته
جدا منتازه وماتوقعتها .. يوم سويتها انصدمت انها وضحت بالشكل
ذا من أول مره .. ندمي كان انه شال النفشه اللي أحبها بشعري
ولا باقي الأمور تمام .. انا احسه شي حلو للي ماتبي تستشور
وكذا ..

عموما .. حبيت افيدكم بالشي اللي استخدمته وأقول إن البيض
مايستخدم للشعر أكثر من مره كل شهر ونصف والأفضل شهرين
لأن البروتين يتراكم بفروة الرأس واذا كثر البروتين يتساقط الشعر
الاعتدال كويس ..

ربي يسعدكم جميعا ويزوجكم ويرزقكم من واسع فضله ..

وبس والله ..~

**تنهيدهـ** · 27-11-2016, 06:02 AM

رد: ✒ .. خآصرة حرف رمآدية

يسعد صباحكم يا جميلين ..~

والله لأن عجزت أنام من البسط اللي كان البارح وعسى الله يديمه
استرجعت أيام أول وسهرت في قسم الشعر بيتي وموطني الأول
الله يسعد الشاعر الفخم جدا برق امتعني فعلا بالطرق الأنيق
رغم انه جاب قافية صحصحتني وخلت مخي يطلع الف كلمه ويوزنها
على المعنى ونفس اللحن
لكني جبتها ميه بالميه شكله كان يختبرني اذا فيني
حيل ولا لا أستمتع جدا بالكتابه رغم أني ادري اني من جنبها
ومب قويه بزيادة في البوح .. محتاجه شوية دروس علشان اقول
اني اكتب شعر مقارنة باللي أقرا لهم يعني

الزبدة سهرة أمس هنا للمهتمين بالشعر وما شابه .. طبعا معروف
الشعر مين وما شابه مين الأوله عمو برق والثانيه لي
اي وايش بعد .. كان ودي اقول شي بخصوص نفس الموضوع يعني
أي تذكرت .. الجميلات اللي يشاركونا البوح معانيكم جميله وبداياتكم
موفقه لكن فيه بعض الكسور في البيت وخلل بسيط في القافيه
يعني الكسر عادي ممكن انه يجاز لكن اختلاف القافيه صعب ومخالف
لشروط اللعبه .. لذا تحتاج اللعبه انتباه للقافيه علشان يكون التركيز
على الوزن بس وحياكم الف ..

والله عندي موضوع ودي اتكلم فيه لكن محتاج كوب نسكافيه
ومخ حاضر .. وأنا مخي محتاج فطور ورياضه علشان يصحصح
لذا نوثقه هنا بعد مانستوفي الشروط اللي علينا تعرفون الوضع يعني
وانتو ابخص بالقوانين الجديده

واي صح ربي يسعدكم على التقييمات والكلام الحلو مثل طلتكم
البهيه .. ويخليكم ذخر ..

خودافس يا جميلين ..~

**تنهيدهـ** · 27-11-2016, 04:40 PM

رد: ✒ .. خآصرة حرف رمآدية

‏ريح المطر ذكرني بلحظة حنين
كان المطر فيها يشابه له عطر

ياربنا خذنا لعينك ....... تايبين
وشلون جناتك إذا هذا المطر

بوح ..

**تنهيدهـ** · 27-11-2016, 05:06 PM

رد: ✒ .. خآصرة حرف رمآدية

جمال المطر يبكي والله .. سبحان الله الجو غيم وحولك شجر خفيف
ومع الأمطار .. وودك تطير .. شلون الجنه أجل .. كل ما حاولت
اتخيلها أتذكر تقصيري عسى ربي يتجاوز عني ويغفر زللي ..

كنت الصبح بتكلم في موضوع .. اللي هو يخص الخادمات أو العاملات
المنزليات .. لكل شخص عنده هالأمانه أتمنى إنه يخاف الله فيها
بهالاجواء أكثر من أي وقت ثاني .. خصوصا حنا معشر النساء لا تقولين
عندي عامله الحمدلله ماراح أحس بالشتا وبستمتع ..
برضه هي لها إحساس يفوق احساسك لأنها تشيل هم إنها مجبورة على
العمل ولازم تنجزه في وقت قياسي ..

لو كانت علاقتك فيها سطحية حاولي تكونين قريبه وتقرأين على الأقل
ملامحها مثل ما تقرأين ملامح خيتك .. عطيها ساعات راحه وساعات متعه
وأيضا اذا عملها بسيط لا تعيرينها جارتك أو اختك لأنها تحتاجها ..
والبسيها مما تلبسين .. نحتاج هالرحمه في التعامل ما بيننا ..
إذا ربي وسع علينا أرزاقنا واستقدمناهم فهو امتحان لنا وحمل على
عاتقنا راح نلاقيه أمامنا يوم القيامة ..

والله انا يجيني يوم كل أسبوع وأحيانا يتعداني أسبوع ما اغسل
صحون أو ملابس .. لكن أشيل همه وهو يوم فما بالكم باللي
تاخذها يوميا ..

الرجال برضه تفقدو عاملاتكم وتفقدو منازلكم .. ربما سوط
التعذيب بيد أحد من أهل بيتك يجلد بهالمسكينه .. لاتغفلون
أسأل الله أن يكتب لنا أجر نيتنا فيهم ويغفر لنا تقصيرنا معهم
وبس والله هذي سالفتي ..

خودافس ..~

**تنهيدهـ** · 27-11-2016, 05:32 PM

رد: ✒ .. خآصرة حرف رمآدية

‏‎
أسكن هنا لكن خفوقي عندك
يحبك ولك بالمشاعر ماطر

رافض بنود الكل لكن بندك
غير البنود وصار عندك شاطر

بوح ..

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget