.. زهـايـمر حكـي .~

**تنهيدهـ** · 06-11-2016, 08:54 AM

رد: ✒ .. خآصرة حرف رمآدية

‏أحيان ودك تجمع الشوق .... وتغييب
ترحل عن الدنيا ... و تترك أذاها

وأحيان ودك تحتضن شخص به شيب
شيبه يساوي قلوب باين رداها

بوح ..

**تنهيدهـ** · 06-11-2016, 11:44 AM

رد: ✒ .. خآصرة حرف رمآدية

تقول أنا امممممممممم << تلحن

يقولون الصباح اللي بدونك ماهو بفاخر
وانا اقول الصباح اللي بدونك فاخر بقوه

تعال .... اسمع خذ الكلمه من الآخر
صباحي .... له سنين اقشر ضبط توه

وصح لسانك يا انا

واصله إلى مرحلة اللاشعور واللاتعليق .. نو كومنت ياجماعه
مدري شكله مخي بدا يفصل .. النت بعد ما صار مفوتر لك
عليه

اشوف مواضيع تمر من جنبي تستحق النقاش وأمر من جنبها
تقل مب تنهيده ذي .. اللي تحارش حتى الكيبورد
لهالدرجه أفكر بعمق قاعد يسلبني تركيزي وكذا ..
وافتح اقرأ التدوينات والمواضيع بصوت جهوري علشان
استوعب بالرغم اني انا ولا عمري رفعت صوتي اذاكر

خلاصة السالفة لحد يستغلني الآن ويجيب مواضيع نقاش
تحتاج حضور عقل .. قسم انبرش عليه وما يفكه مني
إلا الصمت الجارح

قسم ودي اصيح من وضعي .. وش ذاااا الحاله ..
تقل نفس مستوى فريق جاب قول آخر الدقايق على
آخر فريق بالدوري

الدونيا دواره هاه مرااااا دواره لحد يستقعد << بتصيح

برب ،،

**تنهيدهـ** · 06-11-2016, 12:34 PM

رد: ✒ .. خآصرة حرف رمآدية

الحب في تنازلات كثيره
وجزء من هالتنازلات,’
الكرامة يصير فيها شوي
تنازل,’

معروف إن زمن الموت من أجل الحب خلاص ولى وانتهى
يعني أقصد البنت تموت علشان تحب واحد أهلها ما عطوها
فرصه تجرب حياتها معاه << حره كيفي بنسبها للبنت
فتضاءلت حجم هالظاهرة وصارت تندرج تحت مسمى
التنازلات المفرطة .. والتنازلات أساس كل علاقة يعني اذا
كان ودنا تستمر وتبقى لكن بشرط وجود مساحة لهالتنازلات
واحترام للطرف الآخر ..

يعني اللي بتتعود على هالتنازلات بتصير في حياتها هالعاده
كسلوك يومي معتاد .. يهدم كل شي باسم التضحية
في الحب .. وطبعا مش كل الأشخاص مثل بعض ومش
كل الظروف تتشابه .. فكل شي له حد وشرط .. يتناسب
مع الموقف والشخص واطباعه

لأن ومن واقع تجربة وقفت على تفاصيلها الدقيقة .. بعض
التنازلات تهدم حياة أسرة كاملة باسم الحب ..

فلاتصيرين دلخه بزياده وتتنازلين حتى عن طموحات نفسك
وعيالك لأنك تحبين واحد يعشق التملك .. واناني يبغى
يسير الحياة باتجاه واحد علشان مايتعب

وازني الأمور .. على حسب الشخص والموقف ..
بكرا بتكون كرامتك اللي ضحيتي فيها مجرد
وسيلة لوصول الطرف الآخر للي يبيه ..

تنازلي عن شي يرتقي بهالحب مش يدمر كل حياتك
ومشاعرك .. ومشاعر أطفالك مستقبلا ..
ليكن طموحك ارتقاء مش أقل

**تنهيدهـ** · 06-11-2016, 07:15 PM

رد: ✒ .. خآصرة حرف رمآدية

‏مرة اخواني يتهاوشون واللي بقناة الساحة يقول "خلوووووها"
واضحكوا ووقفوا الهوشة.
شفتوا كيف المحاورة مهمة؟
اسمعوا محاورات لحل مشاكلكم الأسرية

**تنهيدهـ** · 07-11-2016, 09:53 AM

رد: ✒ .. خآصرة حرف رمآدية

يسعد صباحكم الخوقاقي ..~

من بدري صاحيه لكن كالعاده متنحه .. استفتحت صباحي بحكيات
مع جميلتي شهرزاد وأخذت أخبارها .. وبعدها تنحت .. مع اني
المفروض افتح الانستغرام واطلع على أمور مهمة يعني واخفف
من شغلي الأيام الجاية

بس والله حاطه بشعري زيت جوز الهند ومستمتعه بالريحه
ما تعرفون قد ايش أقدس شعري واحبه لذا أي وحده تبي
شي يختص بالشعر وطبيعي لايردها إلا لسانها >> ماعندها سالفه

أحب أشكر الجميل جدا والكريم جدا جدآ نفر بن كويس على تقييماته و
دعمه الأنيق .. لكن برضه بعد الشكر محتاره يعني
أركز على الكلام الحلو ولا الكلمه اللي بينهم شوفو وش قال ..

داخل اليوم بس عشان اقيم وكذا
ومن المغرب الى الان في مدونة تنهيدة هي احيان تنهيده واحيان تهديده
بس بصدق مدونة جميلة اوي تشدك من اول حرف لاخر حرف مايمدي تسحب ع شي منها
واحسن مافيها انها ماتجيب طاري الاتحاد بشي شين
حيلها كله بالهلال والله يبعدها عنا ويعدي القيم الجاي على خير

تهديده هاااه .. بس يلا علشان متصدر وأكبر مني ولأن فريقك فيه
لون أصفر بسامحك << شدخل .. ..
وتشكرات على كلامك العسل .. وباقي ثمنطعش يوم على القيم
الجاي بندقكم دق .. ماتتفرعنون إلا على الفريق المحلي
الحكومي وكذا
والله ودي لو أني ولد واشغل اغنية ياعالمي على آخر صوت
وادعس على البنزين واصفر الطبلون ومعاي خواتي الهلاليات
بعلمهم كيف القدحه << بعذرهم ماخلوكم تسوقون

آخر الفترة ذي صرت أقول الحمدلله إني بنت وقسم ربي راحمني
أحس المجتمع الخارجي ماينفع له وجهي الواحد يبي لهم
كم لون علشان تمشي حياتهم .. وأنا ما اعرف إلا أني أكون
أنا

يلا وخرو بقوم أسوي كم حركة بهلوانيه رياضية احرك عظامي
وكذا ..

برب ،،

**تنهيدهـ** · 07-11-2016, 11:33 AM

رد: ✒ .. خآصرة حرف رمآدية

احيان تعرف شخص يسوى كذا شخص
حكيه جمال و كل ما به .............. تحبه

صدفه جميله احساس مايوصف برخص
حتى عيوبه لو غلط .............. مستحبه

بوح ..

**تنهيدهـ** · 07-11-2016, 10:33 PM

رد: ✒ .. خآصرة حرف رمآدية

أحد يقلب بمجرد ما عرف انت من أي دولة
وتغيرت معاملته وانقلب 180 درجة فجاءة
هذي ثاني مرة اتعرض لهالموقف من تاريخ تواجدي هنا

معليش تعال هنا ياللي مسوي هالموقف .. ودي اتفاهم معك
فيس تو فيس
ودي بس أفرغ راسك وافهم الفكرة الرئيسيه اللي راسمها
والخطط .. وثقافتك .. ومصدرها .. واحط لك كم دوله
واخليك تجاوب بشكل موضوعي عليها بدون اختصار ..

لأن والله مش متخيله كيف شخص بالغ يرسم في راسه
هالفكره المصديه ،،
القهر اني ماعرف الشخص ذا لاني والله يا بقلبي كلام
ثقيييييل مرا ..

وقسم انه ماتو اللي يفكرون كذا بعصبية قبلية ومذهبيه و
فيهم نعرات مااااش .. لكن تواجدت أجيال الآن العن واطم
من اللي قبل .. معليش عزيزي مب عاجبتك الدوله الفلانية
لاتتحمس وتجرح بخلق الله بأسلوبك .. شوية احترام لمشاعر
الناس ..

اتقزز جدا جدآ من الناس اللي لسا تفكر بطريقة بدائية مثل
هذي .. انت حر بتفكيرك لكن مش حر بأسلوبك اللي تستخدمه
لأنه برضه ردود الأفعال تختلف من شخص للثاني ..

والله عيب بجد عيب .. إننا بلغنا من العمر مبلغ مش هين ..
ودرسنا وتعلمنا مآثر المسلمين وصفاتهم وووو وآخر شي
كذا .. تحطمت جدا واللهي ..

عتب شديد اللهجة لكل شخص لسا يقيس الناس بمقاييسه
اللي مدري كيف جايه ..

بس نقول يلا عوافي ..

خودافس ..

**تنهيدهـ** · 08-11-2016, 11:35 AM

رد: ✒ .. خآصرة حرف رمآدية

المشاعر تنكتب في كل حين
أي لحظه ممكن تحس بضمآ

حب | دمعه | لحظة فراق | وحنين
صمت باذخ والحزن فينا نما

بوح ..

**تنهيدهـ** · 08-11-2016, 01:57 PM

رد: ✒ .. خآصرة حرف رمآدية

المشاركة الأصلية بواسطة لاشي يستحق

اللهم لك الحمد على كل حال
وبحمده تزيد النعم,’
وبحكم احساسي بخوتكم لي
وقرب قلوبكم لي
وفرحي من فرحكم
ازف لكم بشرى بقدوم
مولودة,’
احمد الله كثير بقدومها
بارك الله فيها
وجعلها الله من حفظة كتابه

كل التوفيق لكم جميعا
و عقبال الجميع يارب
وافراحكم دائمة عليكم.,’
محبكم,’
عبدالعزيز

ألف مبروك ياطاقيه .. وربي انه أطلق خبر سمعته هالاسبوع
بس يارب تطلع نصراويه قبل كل شي .. ولو تسميها باسمي
ياسلاااام .. << بتعلم وش اسمها

يارب أشوف عيالكم كلكم وقسم انبسط بالاخبار ذي .. تزوجو
ياجماعه وفرحوني << وانتي طيب
يلا باقي الوسمي ووزير السلطان والعزابيه اللي هنا بشرونا
بالله قريب

كان صباحي بطعم الظهر الآن صار الظهر بطعم الليل ..
وه بس يازينكم .. بحاول اكتب قصيده في الطاقيه
الصغيره

برب ،،

**تنهيدهـ** · 09-11-2016, 06:59 AM

رد: ✒ .. خآصرة حرف رمآدية

صآحيه من صباح الله وأحدث بنتايج الانتخابات .. مدري وش
مشغلني بالكفآر .. بس أبي الحرمه تفوز وماظنتي
مآعلينا قلت بكتب لبنت ابو العز بيتين وجبتهم معي بختم
الصفحه وكذا .. تقول الشاعره ..

طآق طآق طآقيه هههههههه لا والله أمزح وقسم ..
يلا اسمعو ..

جينا نبارك لك نزف التهاني
نكتب لك أجمل بيت من بحر الابداع

تربعت في حضنك اغلى الأماني
في وصفها شعري غدا حيل طماع

شيخه سليلة مجد من نجم داني
من نسلكم تحمل مزايين الاطباع

تعجز تواصيف الكلام وتعاني
عن وصفها والحرف بالحيل ملتاع

يخونني بوحي بعزف الأغاني
والحاني تخون المشاعر بالاتباع

بكتب لك اجمل قاف وبشكل ثاني
من حرف خان البوح والشعر انواع

بوح يسطر لك بحور بثواني
والبوح الآخر صعب ياصل اذا ضاع

في زحمة الفرحه تضيع المعاني
نعجز عن التعبير في شتى الاوضاع

والخاتمه يارب و العمر فاني
تكتب لها حظ عظيم به ابداع

وبس والله .. نبي شرهتنا يعني جبنا بيتين مش ولابد
بس حقات التفكير ذولي << برا بس
ويالله عساها تتربى بعزك وبعز جدها اكثر يعني
ويلا وخر خلصت فقرتك ابي اسولف على فانزاتي << خفي علينا

الموهم ياجماعه أحس اني فاصله على الصبح أحد يجي يشبكني
ايش تقولون .. سامجه ..؟ اها طيب شكرآ مرااا

يلا خودافس لأن طاااااالت بزياده

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget