غرام احباب
((حامد زيد))

ماتقبلت الفراق ما ليدي فيه حيله
اه لو ان الظروف المقبله تكشف قدرها

لو يعرف الشخص منا وش مع الغيب ابيجي له
كان جنبنا المشاكل من قبل يوقع ضررها

ما هقيت الليله اللي جابت الفرقا طويله
لين صارت ليلة امس بعيني اطول من شهرها

والعذاب اللي يذوب بعين من يفقد خليله
عندي اكبر من عذاب العين لو تفقد نظرها

والحبيب اللي صدوده مثل مداته جزيله
صد عني واعرفه لو صد عن حاجه هجرها

كن روحي يوم حست في جفاه وصعب نيله
بشرتني بالضياع وشدة العزم لسفرها

ما رحمها من هلاك وما تقبلها دخيله
تحتضر قدام عينه لين ماتت من قهرها


عاد ليت اللي ذبحها وارهب الموت بوسيله
ما دفن وجه الضحيه والسكاكين بنحرها

ليت قلبه يوم سوى فعلته كمل جميله
لو غسلها من عروقه وبكفن صدره قبرها

من حفر بضلوع قلبه حفرة تكفي قتيله
ليه ما يدفن قتيله بالضلوع اللي حفرها؟

اشتكيته للرفوف وللبراويز الهزيله
وانذعرت من النياح اللي سمعته في صورها

رحت اسولف للجبال الصم عن قصة رحيله
ما تركت متونها الا ينحت الدمع بصخرها

واحد حقق جماله كذب اساطير الف ليله
يسكن السبع البحور ويحبس الحور بدررها

الدروب بكبرياها ترتجف تحته ذليله
والورود اللي تقبل خطوته تنبت بأثرها

والغصون اليا بغاها تنثني له.تنثني له
والفياض ان حب ينثر عطرها يلمس زهرها

لو يصوت للغدير المنجرف جفف سبيله
وان تبسم للجبال الصامته نطق حجرها

كل حاجه تستوي له. لي بغاها تستوي له
بالنظر واستغفر الله لو بقول : انه سحرها

ذاك لو بس يتمنا فاكهة شجرة ضليله
بس يفتح راحت ايده ويتساقط له ثمرها !

كن ربي سخر له المعجزات المستحيله
واصبح اسطوره وكل الالسنه تنقل خبرها

هان محجر دمع عيني لين جفف سلسبيله
والتفت لأخير دمعه قبلت يده ونثرها

دمعة كن بشقاها يوم طاحت في شليله
جادل جات بدوي تطلب الستر وسترها

له علي انه ليا من طاح من عيني تشيله
ولي عليه انه يرجع لابتساماتي ثغرها


لو طعوني بالسكاكين بيده تشفي غليله
لاشتريها من عذابي وادفع بدمي مهرها

واطلبه ينهال فيني طعن لين يطيح حيله
بس لا يترك عيوني تنحرم نعمة بصرها

له بعيني مثل ما للطهر بالنفس الاصيله
تقطع يدين الردا لو مس شعره من شعرها

مابغيته غير درب شتت اقدام الدليله
مزنة ما بللتني واستحيت اطلب مطرها

والعطايا من يدين الخلق للطالب قليله
والوهايب من يد الله للعباد اجل وأرها

وان نسيت اني زرعت العشق وحظوظي بخيله
ما نسيت ان العطايا تستحق اللي شكرها

صعب تلقى شخص وافي يجزي الطيب بمثيله
والعرب قد قالت ان : الناس ما تترك قشرها

**************************************


نرجع للبلاد
حبيبي برشلوني " نغمة الفون "

ريم : امبيييه فوني
وركضت حق الشنطة اضهره و تحطه صامت يوم يت تبا ترجع الفون دخلت الفراشه سرينا:ريموه انا كم مره قول مافي جيب تليفون مال انتي
ريم:سرينوه حبي ياروحي (طلعت من جيبها عشر دراهم)اذ تبيني دوم اعطيج فلوس لاتخبرين حد
سرينا :انا مايريد عشره انا يريد خمسه عشرين انتي معلوم انا يريد كلام بجا صغير
ريم في نفسها(مالت عويهج صدق ماتنعطين ويه ) : انزين ها اندوج عشر الحين ويوم الحد بعطيج ميه بس لاتخبرين حد
يت حسنا : سرينوه ترا عطيناج وايد ويه انقلعي يله
ريم :سكتي يالخبه بعدين بتخبر العبده العوده (المديره)
حسنا: ماعليج ماتروم اتقول شي وان قالت قوليلي وانا اصرفها الزوله
ريم : يله سرينا روحي روحي
سرينا : ريم والله انا حوبي انتي انتي زياده كريم
حسنا :صدق الدنيا مصالح اقول سرينا روحي روحي بس
سرينا:اه يعني واحد مايقدر كلام انا روح احسن والله بنت مافي تمام انتي
وراحت سرينا
ريم : حسون قمنا انروح عند لطوف
حسنا : اوكي يالله
وراحن
لطيفه:وين رحتن يالكلبات
ريم : محد كلبه غيرج
حسنا : اقول يا حبايبي انتن شوفو العصر بمر عليكن تتجهزن الانه بوديكن دبي لانه الصراحه مليت من اجواء العين
ريم: ياخي يلوموني يوم احبج
حسنا :اخجل يابنت ...المهم وجهزن شنط مال يومين اوكيه
لطيفه : اوكي والله صدقج نغير جو
ريم : انزين يله ترا دق الجرس خلنا نروح الصف
حسنا فتحت عيونها ع لاخير : من متى تهتمين
لطيفه: خلنا انروح مافينا ع المس الله يلوع كبدها
ريم :يالله
(الين مايخلص الدوام خلنا نوصفلكن اشكال بطلات الروايه )

ريم)

بنت جميله تجذب الكل صوبها وجميله بمعنى الكلمه ومهتمه بنفسها بس مش لدرجه الغرور شعرها يوصل الين ضهرها وبني الون وعيونها كبار و زرقا لان امها الله يرحمها امركيه وتنحب بسرعه طبعا حسنا تسميها بنك اسراري الانها امينه وموثوق فيها ومتواضعه و ابوها ملاياردير طبعا ريم وحسنا و لطووف بنات عم فعشان جي وايد مع بعض و ريم بعد دفشه

(حسنا)

من معنا اسمها ملكت الحسن والجمال من ناحيت الدفاشه دفشه بس جسمها حساس عشان حي مايضربونها ربيعاتها وحبوبه (وابوها ملياردير) بس مع هذا متواضعه ولاكنها غنيه

وشعرها طويل بنتي غامق وعيونها نعسانه عسليه

(لطيفه)

بنت رقيقه وانيقه وحبوبه واجمل من جميله وحساسه وتلبس نظارات ومتواضعه جدا شعرها طويل وعيونها كبار عسليه وبيضا جدا (مشالله)


نرجع الى ابطال الروايه
خلص الدوام في استراحت امدرسه الفي غرف ينتضرون البنات فيها اهليهم
يت خدامتين من خدم حسنا
حسنا : سالي خذي شنطتي انا وريم ولطوف
سالي (لبنانيه ) :حضر طال عمرك
لطيفه : حسون ماريد اتعبج بخلي الدريول اي
حسنا : كلي تبن بس يالله قدامي
ريم : حليلج ههه
حسنا : يالله .. سالي اي سياره جبتي
سالي: بنتلي طال عمرك
حسنا: اوكي .. يالله رحنا
في السياره
حسنا :عاد سمعن الحين تردن البيت وتتغدن وتقولن الاهاليكن انكن بتروحن دبي فاهمات
ريم : مب لازم اه صح بشوف من دقالي فون هالي بغا يفضحني اليوم
(فتحت الشنطه وشافت حمدان استغربت الانه نادر مايتصل)
ريم : بعدين بدقله
لطيفه: من ها
ريم : حمدان
لطيفه: غريبه احيده مايدقلج الا ناد
ريم :حتى انا استغربت
حسنا (بعد الترجمه الانها يالسه تكلم الدريوليه): سوزي روحي بيت ريم
سوزي الاجنبيه: اوكي مام
وصلنا بيت ريم
في بيت ريم
ريم: ويريوه
ميري :شو يريد ماما
ريم: كم مره اقولج انا مافي ماما انا مافي بجا المهم اقولج ميري جهزيلي شنطه مالت يومين عشان بروح دبي عند حسنا ولطيفه
ميري :انزين.....ريم مافي مشكل انا روح سمسيم انتي انا مليت يقاد مني مافي سديق سمسيم انا
ريم : شوفي حبيبتي انا مافي مشكل بس قولي حق ريلج رلجو مافيه عليه انا ليش وليش شلتي حرمتيه بدون انا ماعرف
ميري :راجو مافي مشكل ابا بس قول مشان هو حبيبي هادا يسمع كلام
ريم فتحت عيونها ع لاخير: روحي جهزي الشنطه اليقرفج انتي وشفه ريلج ترا انا بروح العصر قالت حبيبي قالت قومي ليش واقفه قدامي الله يلوع جبدج مثل مالوعتي جبدي قولي امين
ميري: انزين انزين مافي يصرخ الحين بروح بسمالله
ريم :بسمالله من وهج ادق على حمدان ابرك من وهج
وطلعت الفون ودقت على حمدان
ريم : او حمدان شحالك
حمدان : هلا هلا بها الصوت انا بخير دامني سمعت صوتج
ريم بعدم تصديق: شعندك داق كنت بتفضحني اليوم
حمدان: غريبه مداومه اليوم
ريم: هيه اقول حمدان قو شو عندك
حمدان : اقولج ريموه انتي حد من ربيهاتج مسافر تدرس برا
ريم:حمدانوه شعندك تسال
حمدان : بس اسال
ريم : انزين بقولك بس بشرط
حمدان :شوهو
ريم : انا برح عند حسنا ولطوف دبي بنات هنا يومين
حمدان: انزين ماعليه بس تروحين بعباتج سامعه
ريم :اوكي هي عندي واسمها خلو والله انها شيفه وتلوع الكبد وماتنبلع
حمدان: بل بل بل عنبو كلها فيها ..حليلها مشبهنتي فيج مشبهتني في والله
ريم : ونت شعليك ..المهم حبيبي حمدان دير بالك ع نفسك ولاتحبها تراها اكبر مصلحجيه
حمدان:اوكي حبي حتا انتي ديري بالج ع نفسج ولاتخافين اخوج زيب بس ماقلتيلي منو بيوديكم دبي
ريم :انا وحسون ولطوف في سياره و اخوها سهيل ومحمد في سياره
حمدان: اوكي وصليله سلام مني
ريم :يوصل ... شي تامر علي
حمدان :لا سلامتج شي تبين بعد
ريم : لا باي
حمدان :باي
--------------------------------------------------------------

عند حسنا ولطوف في السياره وتحديدا قدام بيت لطيفه
حسنا : لطيفه ...
لطيفه : عيونها
حسنا لا مابا عيونج ابا اقولج شي .. بس مدري من وين ابدا.
لطيفه : باكلبه لازم تقفطيني .. قولي عادي
حسنا:لطيف سهيل يقول انه ..انه محمد بيروح معانا
لطيف في صدمه : .........
حسنا: عادي اذ ماتبينه يروح اقول حق سهيل مش لازم يروح
لطيفه: لاعادي حبيبتي بس الله يخليج لايشوفني وقولي حق سهولي لا يون صوبنا
حسنا:شدعوه سهولي مره وحده ... اوكي ولا يهمج
لطيفه : اوكي يالله باي
حسنا : باي
نزلة لطيفه وبقت حسنا طلعت فونها وتصلت ع ابوها
حسنا:هلا بابا
ابو حسنا:هلا هلاهلا وغلا بها الصوت
حسنا : هلا حبي .....بابا انته وين
ابو حسنا : والله يا بنتي انا اليوم الفجر سافرت بريطانيا اشوف البضاعه
حسنا : اوكي بابا ... بابا انا وبنات عمي نبا انرح اليوم دبي بنبات اليومين ونرجع سهيل وربعه بيروحون معانا
ابو حسنا : اوكي انا ماعندي مانع بس سهيل وربعه يباتون في الفله الثانيه اوكي
حسنا:ثانكس بابا وبقول حق سهيل
ابو حسنا : ليش كم حسنا عندي انا هي الابنت وحده
حسنا:ههه ثانكس اجل اخليك عطلتك
ابو حسنا:لاعطلتيني ولا شي اصلان انا كنت ناوي اتصلج واسال عنج وعن امج وشدي حيلج في الامتحاناتتراهن قربن
حسنا :من عيوني من عيوني اجل يالله باي حبو
ابو حسنا :باي
-------------------------------------
عند لطيفه
ام لطيفه:هلا هلا وغلا ببنتي الحلوه
شما (اخت لطيفه الصعيره عنرها خمس سنين): لا لا مايستوي انا بس الحلوه الطيفه مث حلوه
لطيفه:ههههههه ايه بس شماني الحلوه
ام لطيفه (وهي تنادي الخادمه البنانيه):نتلي تعالي شلي شما رقديها
نتلي:حاضر طال عمرك
ام لطيفه : شكرا ....
لطيفه وهي تصعد الدرج سمعت صوت امها تناديها
ام لطيفه : لطيفه تعالي ابا ارمسج شوي
لطيفه وهي متوجه عند امها : بغيتي شي
ام لطيفه: والله يابنتي سامحيني ابوج يبا الصلح من ابو محمد ويتعاونون انتي تعرفين بس انا ماودي اغصبج عليه
لطيفه : لا ماما عادي ... بس الله يخليج غيري السيره مالي خلق ولا اقولج انا بروح انام و قيل اذان العصر خليهم يقوموني عشا انا وبنات عمي رايحين ع دبي
ام لطيفه : شو عندكن هناك
لطيفه : حسون ملت من العين اتقول نغير جو يومين
ام لطيفه : ماعليه انتي روحي نامي وانا بخلي الخدم يجهزون شنطت يومين
لطيفه : اوكي مع سلامه
ام لطيفه: الله يحفظج
‫------------------------------------------------------------------------‬
برا البلاد عند هزاع و حمدان
حمدان: هزاع خلنا انروح الكفتيريا والله يوعان
هزاع : يالله ..
حمدان وهو ماشي صوب الكفتيريا شاف الملاك الي شافها في الجامعه اليوم (البنت اسمها ساره وهي سعوديه من ام اماراتيه )
هزاع: هي انته استح ع ويهك يالس اتشوف البنت احرجتها
حمدان(لا حياة لمن ينادي):.......................................
هزاع : اقولك
حمدان : .....
هزاع : روحلها ترا حتى هي اتطالعك ،تضحك مر يمها واشرلها بتعالي
حمدان: والله فكره
حمدان مر جنب ساره واشر لها بتعالي ولحقته عند كاشير الكفتيريا
حمدان:هلا
ساره:اهلين
حمدان : انا حمدان من الامارات
ساره:جد والله انا ساره من السعوديه من ام اماراتيه .. انته كيفك
حمدان : بخير بشوفتج
ساره وردت اخدودها: نعم!!
حمدان : اهه اسف ... تشرفنا
ساره مستحيه: ..........
حمدان: اهه هاكرتي اذ بغيتي مني شي فانا موجود
ساره :شكرا...
حمدان ابتسم بسمه اتذوب
ساره ماتت من الحيا :.. امم بغيت شي شفتك تاشرلي بتعالي
حمدان توهق : لا بس ...شبهتج باحد اقاربي
ساره ضحكت الانها عارفه انه يكذب ومتوهق : هه ه اها ...... بس ماقتلي من وين من الامارات انته
حمدان : من العين ونتي
ساره : انا من ارياض اجل اخليك رفيقتي اتناديني ..
حمدان وهو يشوفها حتى انها ماحطت عينها بعينه
ابتسم وراح عند هزاع
‫----------------------------------------------------------------------------------‬
عند حسنا: وهي مسويه اتصال جماعي هي ولطيفه وريم
حسنا :يالله بخطف عليج ريم ظهري
ريم: انزين طفرتيبي تراج
حسنا :كلي تبن انزين
ريم: والله لوريج في السياره
حسنا: بنشوف اذ لمستيني المهم يبي البدي قارد مالج ونتي بعد لطوف
ريم ولطيفه: اوكي
ريم شافت سياره حسنا واحت وركبت السياره وصكرت الخط
حسنا: لطوف حبي ظهري الحين بنيج ولاتخافين محمد ماراح تشوفينه الانه بيباتون في فلت سهيل وان ونتي وريوم في فلت بابا
لطيفه: الحمد الله
حسنا :اوكي ضهري نحن قرام بيتكم.. باي
وصكرت الخط
ريم : اقول حسون
حسنا وعيونها ع البلاك بيري : هلا
ريم : يا كلبه يالسه اكلمج طبي ذالمخيس عنج لاحقه عليه
حسنا خافت من ريم تضربها : شو تبين ياقلبي انتي بس لاتضربين بليز
ريم: ايوه جي اباج... خلا يعني مافي امل انشوف العيال
حسنا : لا وفكه منهم
وصلو بيت لطيفه ودخلت لطيفه السياره وراحو ع دبي طبعا خط الين ماتروحون من العين والين دبي
‫--------------------------------------‬
نهايت البارت ابا ردودكم
شو بيستوي في دبي ؟؟
ولطيفه هل بتشوف محمد؟؟
وريم ومغمراتها وين بتوديها ؟؟
وحسنا هل بتصقط في قصت حب؟؟