رد: تدرون وش أصدق من الدمعة على خد اليتيم للكاتبه صرخة وفا

(وفيات..تركت خلفها ضحايا..)




دمعة يتيم
دمعة يتيم انزلت
على خده بقهر
تحفرعلى وجهه حظه
باقي العمر

الغيمه
هلت
ومن المطر
ماملت
لكنها ..
مالحه
مثل السكين
جارحه
فيها كل أسى الأيام
الماضيه
فيها كل معاناة الأيام
الجايه
دمعة يتيم لامست خده
لكنها مالامست باقي
قلوب البشر
دمعة يتيم عبرت
عن حزنه
لكنها ما أعبرت
للضماير النايمه





دمعت يتيم ..
عليهم هانت
دمعة يتيم
ترجمة ظلم الأيام
وباحت

يقولون
شنو يعني يتيم وبكى..؟؟!!
شنو يعني...؟؟؟
مجرد دمعة
ساحت
وعلى خد طفل
نامت
ويمكن شوي عليه
ناحت..
لكن مومشكله..!!!!
أشوا..
على الأرض طاحت.!!!!
وأكيد من جمر خده ارتاحت..!!!








لا يا بشر
هذي دمعة
قهر
اصفى من ماي
المطر
ملوحتها اعذب من ماي
النهر
شذاها اعطر من
الزهر
هذي دمعة يتيم..
ماهي دموع عشاق
بليل السهر
ولاهي دمعة من فارق حبيب
وقمر
لا يا بشر
هي دمعة يتيم شكى
ظيم الدهر
مل من جور الأيام
وقسوة البشر
لكنه مؤمن وارتضى
حكم القدر





الوقت عندكم ليل
وسهر
طلعات وسفر
زيارات أحباب وأهل
وهو..
يومه ليل وكدر
وباكر مجهول
مجهول الخبر


لا يابشر
بدمعه يعاند الألم
بدمعه يدعي الأمل
بدمعه كل معاني الحياة

ما مسحتو يا ناس دمعته
ولاعرفتو وشهي قصته
ماغير كلمة؛
ياحرام يتيم
يكسر الخاطر..!!!!

منو فيكم اخذ بيده..؟؟
منو فيكم بيوم اسعده...؟؟
منو فيكم ضمه على صدره
وبالخير أوعده..؟؟
ماغير يا حرام يتيم
يكسر الخاطر




قبل 17سنه..


دخلت عليه الغرفه واتجهت ..على سريره ..
ام عبدالاله :زياد ماما حبيبي قووم ..
زياد وبوزه شبرين جلس وهو يطالعها :نعم..
ام عبد الاله تمسح على شعره:شفييك ماما ..لييييه تسووي كذا ..
زياد ودمعاته نزلوا على خده:ماما لاتتزوجييين ابوو عبدالاله ..الله يخلييك ..
ام عبدالاله حضنته :بس حبيبي شفييك لييه البكى اللحيين ..
زياد وهو غايص باحضانها:ماما لاتتزوجيينه ..لاتتزوجيينه ..
ام عبدالاله رفعت راسه :ماما زياد ..لييه طيييب..هذا زي بابا ..بيصير..
زياد طالعها :انا ماعندي بابا اصلا وهو كله يهاوشني ..لقلتله زي عبدالاله وريوف بابا..
ام عبدالاله تنهدت:انت تقوول له عموو ..طييب
زياد:طيييب لاتتزوجيينه ..
ام عبدالاله طالعت في ولدها ..الصغيير ..بنظرات ..مو عارفه تفسرها ..هو يطلب فووق ماتتصوور..هي تبي ترجع لبوعبدالاله زوجها الاولي..وهذا مناها..باست راسه ..
ام عبدالاله:نام ماما ..ويصيير خييير..
زياد مسك ايدها:قووولي وعد ماتتزوجينه ..
ام عبدالاله غصب عنها نطقت:وعد يماه ماتزوج ..
غطته باللحاف وقامت سكرت النوور..
زياد:ماما..
لفت عليه وطالعته:نعم حبيبي ..
زياد:انا احبك..
وغفت عينه ..
زياد طفل يتيم الاب ..انولد ..وابووه مات ..ابووه طبعا كان كبيير في السن ..وكان نفسه ..يشووفف ولد ...تزوج ..وحملت زوجته ..لكنه مات قبل مايفرح بالطفل..
وارث عن ابوه خيير لايعد ولايحصى...وكله باسمه ..بس طبعا..المتصرف فيه عمه ..مطلق ..اللي يخاف الله في حلال ولد اخووه..اللي راح ..
اول العائلات..
بوزياد"متوفي"
ام عبدالاله لديها
من عبدالله :_
عبدالاله 30 سنه ..,,,ريوف 25سنه..,,,الاء وعلاء17 سنه..,,,
من عبدالمحسن :_
زياد24سنه..,,,


"بوحسن متزوج زوجتين طبعا"
بوحسن :دامك فضلتي هالخايس ..عليينا ..ماراح تدخليين هالبيت ابدا فاهمه..
حمده تصيح:يبه تكفى الله يخلييك ..لاتسووي كذا انا بنتك ..لاتعذبني اكثر من عذابي ..
ام حسن :امشي..من قدامي يلاه..خلي اللي بديتيه على عيال عمك ينفعك برا..
حمده..
طلعت تجر رجيلها جر ..ابوها وامها حطووها باصعب موقف بحيياتها ..ومحد راح يدفع ثمن هالقرار..غيرها هي ..هي صح تززوجت ..وخذت ميكانيكي ..بس هالميكنيكي هو نفسه اخو زوج اختها ..بس الغلط اللي سواه ودخووله السجن خلى اهلها ..يكرهوونه ..ويكرهوون اهله ..وطالبووها بالطلاق لاكنها ..عنددها ولد منه ..دمرت حيياه اختها ..وتدمرت حياتها هي بعد..
جلست بالسياره ..وهي تشيل ولدها وتحطه على حضنها..
حمده:خلاص امش اسامه..
بهذي السياره..صار الحادث ..وتيتم محمد اللي ماله غيير شهريين ..مولووود ...خذاه عمه ورباه..
وحتى عمه مالحق يذوق حنانه لانه راح..
وجلس مع ولد عمه ابراهيم ..
البيت الاول
ركزوووا معاي ..عشان ماتلخبطوون ..لانهم عايله وحده بس اخوان من اب..
الابناء..
(حسن -عصام-ناصر-خيريه-عنود-حمده-فهد)..
حسن زوجته جمانه..ابنائهم :_
فراس 31سنه..،،،،تركي29سنه..،،،،رعد23سنه..،،،،رغد21سنه.. ،،،،
عصام مطلق واللحين زوجته سهير..ابنائه:_
انور29سنه..،،،،عبدالعزيز27سنه.،،،،سوسن25سنه..،،،،ع بدالله 24سنه ..،،،،امجد22سنه..،،،،وداد20سنه..،،،،
خيريه وزوجها متوفيان ابنائهم :_
ابراهيم29سنه..،،،،همس17سنه..،،،،
حمده وزوجها متوفيان ابنائهم:_
محمد17سنه..،،،،
ناصر زوجته شيماء ابنائهم:_
راكان25سنه..،،،،ريناد23سنه..،،،،ريماس20سنه..،،،،ري تال18سنه..،،،،
فهد مطلق ابنائه:_
من الاولى:
فيصل وخليل وعادل وجلال20سنه..،،،،
من الثانيه:
نوره 8سنين..
عنود مفقوده من 18سنه زوجها غازي ابنائهم:_
سعاد27سنه..،،،،غانم25سنه ..،،،،احمد23سنه..،،،،ريما18سنه..،،،،
ركزوا نفس ماقلت نكمل يلاه
"يتيمات بشكل اخر.."

في نفس ذاك الوقت..
وقف السياره وهو حامل الطفله الرضيعه 5شهور مولوده..كانت تصييح وهو يهديها ..لكن مافي فايده..
القرار اللي خذاه في انه يحطها عند اخته امينه..امينه العقيم اللي تزوجت ثم تطلقت لانها بحملها جاها نزيف واستاصلوا رحمها ..قرر يحط بنته اليتيمه الام عندها ..عشان يتفرغ لزوجته الجديده ولزواجه ..ولسفرته ..لان هذا شرط زوجته يترك بنته لانها ماتبيها ..
والاب فعل المستحييل عشان ترضى عليه ماريا ولما جاء على بنته قرر حتى من غير ما يفكر ..فيها وبمصيرها..
نزل من السياره ..وهو حاملها ..
عبدالرحمن:يلاه كوماري نزل اغراضكم بسرعه..
ودخل وهي وراه حامله الاغراض..
امينه ساكنه في فله كبيره ..من ثلاث ادوار كاتبها ابوها بيضمنها بحياته قبل مايموت..
وصل للصاله ..وشافها ..جالسه ..تتقهوى لحالها ..
حست في احد دخل عليها ..رفعت راسها ..
امينه :هلاء..والله عبدالرحمن ..حياك ..
عبدالرحمن دخل :الله يحييك امينه ..شلونك شخبباررك..
امينه مبتسمه :دامني اشوفك ياخوي اكييد بالف خيير..انت شخبارك وشخبار سارونه ..حبيبه عمتها ..
عبدالرحمن :الحمد لله بخير الله يسلمك ..نسال عنك ..
هنا دخلت كوماري ومعها الاغراض..
عبدالرحمن:احم ..امينه ..بطلبك طلب ..
امينه :اطلب ياخوي امر عيوني لك ..
عبدالرحمن:امينه انتي عارفه اني بسافر وانا مو دايما جالس ومستقر بمكان واحد ..والسبب شغلي ..امينه انا ابي اخلي ساره بنتي عندك..
امينه بفرحه:هذي الساعه المباركه ياخوووي وانا من قبل قايله لك لما تسافر ..هاتها عندي وانا بحطها بعيوني الغالي..
عبدالرحمن:لاء..امينه موكذا..انا قصدي..بخليها عندك على طول ...
امينه طالعته:لييه؟؟؟!!..شصاير عبدالرحمن..
عبدالرحمن:انامتزووج..وووووو...
امينه اختصرت عليه الطريق:وزوجتك ماتبي ساره صح..
عبدالرحمن طالعها وسكت..
امينه :عبدالرحمن ..ساره بعيوني لاتحاتي ..انا من يومها ومن اول ماجات وانا عادتها بنتي واكثر ..انت روح لاتحاتي ..
وقامت لعنده خذت الطفله ..
عبدالرحمن:وهذي كوماري خدامه جايبها عشان تخدم ساره و..
امينه :افا ياعبدالرحمن وهالبيت اللي كله خدم جايب خدامتك خلها معك ساره اللحين ملزومه مني ...
عبدالرحمن حط بطاقه:وهذا كرت البنك يامينه كل شهر بحط لساره مبلغ فيه عشان تصرفيين عليها منه ..
امينه :عبدالرحمن شفييك ساره بعيوني وماراح يقصرها شئ..
عبدالرحمن حب راسها:الله يعطييك على قد نيتك ياختي..
ومشى مسرع وخذا كوماري معاه..
وهذه اول طفله تصل لاحضان امينه ..
__ساره بنت عبدالرحمن
بعد خمس سنين من اللي حصل ..
كانوا بالسياره مع بعض الاب وابنه وبنته ..وزوجته..ومعهم اخوه وعياله ..
نايف+الجوهره=منصور10سنين-وجدان5سنين..
سلمان+فوزيه=امل7سنين-غاده5سنين..


سلمان:نايف امينه مهييب ملزومه من بنت عبدالرحمن بصراحه حرام علييه..
نايف:واحنا نتكلم من الصبح شنقول..اصلا حيم ولاسائل عن بنته هالست سنين اللي راحت ولامره شافها..
سلمان:انا ناوي اكلمه خصوصا انه جاي عشان يحضر زواج صاحبه بعد كم يوم..
نايف:الله يهديه والله كاسره خاطري هالبنت تيتمت وهي عادها صغيره الام متوفيه ..والاب مايسال..
سلمان:الله يعيين..
*يباه..انت به..
لكنه ماقدر يتجاوز الشاحنه ..اللي خشت السياره تحتها وتحولت لقطع في غضون دقائق..
في المستشفى..
توفى كلا الابوان ومنصور..وهانت يانايف يتمت اطفالك..
لم يتبقى سوى..
(امل-غاده-وجدان)..
خرجوا من المستشفى وايد..امينه محتضنتهم ..كانت تصيحهم وتصيح اخوانها اللي راحوا بغمضه عين ..
ركبتهم السياره..
امينه:اسف..ودي بنات بيت مال انا..
اسف:ان شاء الله ماما..
ومشت السياره..
جلست على الكرسي ورفعت الجوال..
امينه:الو..السلام عليكم ..عبدالرحمن البقا براسك ..سلمان ونايف وحريمهم عطووك عمره..بحادث اليوم العصر..تعال انت واخوانك للمستشفى..عشان تخلصون الاجراءت..
بعد ثلاث ايام ..
امينه وقفت:اييه البنات بيبقوون عندي...انتوا كل واحد لاهي بشغله ..انا ماعندي شئ..
عثمان:بس يا امينه هذا صعب علييك ..خصوصا..انه عندك بنت عبدالرحمن..
عبدالرحمن هنا تكلم:اذا على بنتي..انا باخذها ..
امينه :لاء..محد من البنات بيتحرك من بيتي..
سحر:طب يامينه عطيني ثنتين وانتي خذي ثنتين..على الاقل خففي من الضغط علييك..
امينه :انتوا ..شفيكم وكان البنات سلعه رخيصه جالسيين تشاوروون عليها ..اسمعوني ياخوني صحيح ..انا اصغركم ..ويمكن انكم تقولون اني مو قدالمسئوليه بس ترا انا مستعده لهالشئ ..انا مو ممكن اجييب عيال ..خلوهم عندي..بعديين بييتي على قولتكم انه البيت العود..انه مكان جمعتكم ..خلاص متى ماحبيتوا تشوفونهم تعالوا هنا ..
بوفراس:خلاص ..بس ترا مصرفهم علي يامينه ..
امينه:اللي يريحك ياخوي ..
وقف عثمان:يلاه سحر تبيني اوصلك على بيتك ..
سحر :اييه ..اذا ماعليك ..امر ...
ووقفوا وطلعوا ..
عبدالرحمن :انا راح امشي ..امينه ..
امينه :بتمشي ياعبدالرحمن ..
عبدالرححمن:اييه تبيين شئ..امينه محتاجه شئ لايردك ..الا لسانك..
امينه :عبدالرحمن انت ماشفت بنتك ساره..لك ست سنين ..والحين بترووح حتى من غيير ماتشوفها ..
عبدالرحمن :اللحيين خليها نايمه ..بكره انا بمرك الصباح وبشوفها اللحين مو فاضي..
وخرج عبدالرحمن ..تاركا وراء الباب طفله ..كانت تستمع لهذا الحديث..تستمع لابيها وهو يرفض رئيتها ..كانت متشوقها لان تراه..لتحضنه مثل جمانه ..وامل ..مثل هند ووجدان..لكن كل هذا الشوق تبخر بقلب ساره..

واصبح لدى امينه الان اربع بنات..وهي اللي ماتجيب عيال..
ساره بنت عبدالرحمن
امل بنت سلمان
غادهبنت سلمان
وجدان بنت نايف

بعد ايام ..
سحر ودمعتها على طرف:تطلقني ياجمال..
جمال طالعها:سحر اذا لوسمحتي..ممكن تتفضليين ..برا..خلاص النفس عافت ..
سحر:وبنتك كذا ...حتى مافكرت فيها ..على الاقل عشانها ..
جمال صرخ:سح ر..
سحر وقفت بغضب:اصلا انا من زمان ابي هالشئ ..وانا اللي ابي افتك منك ..
وقامت سحر تلم اغراضها .
وبعدها خذت بنتها واتجهت لبيت امينه ..اختها..
وبعد 9شهور تقدم لها ...واحد ..تزوجت وراحت مع زوجها لكنها تركت وراها طفله اخرى في احضان اختها امينه ..
تركت الطفله الخامسه ..

سميه بنت جمال

البيت الثاني
الابناء..
(عبدالرحمن-سلمان-نايف-عثمان-سحر-امينه)
عبدالرحمن +زوجته ماريا ابنائه:_
ساره18سنه..،،،،ياسر17سنه..،،،،
سلما وزوجته متوفين ابنائه:_
امل19سنه..،،،،غاده17سنه..،،،،
نايف وزوجته متوفين ابنته:_
وجدان17سنه..،،،،
عثمان +زوجته سهى ابنائهم:_
احمد24سنه..،،،،هند17سنه..،،،،
سحر متزوجه وعندها بنت من طليقها :_
سميه18سنه..،،،،

والان سنبداء بفصوول هذه الروايه ..

والبقيه غداباذن الله

رد: تدرون وش أصدق من الدمعة على خد اليتيم للكاتبه صرخة وفا

بداية حلو موفقه اختي
بس ياليت تكبري الخط
وان شاء الله اكون من متابعينك ياعسل
يعطيك العافيه وربي يسعدك...

رد: تدرون وش أصدق من الدمعة على خد اليتيم للكاتبه صرخة وفا

البارت الاول...

ما مداك بس تموت يابوي ممداك
الا وجا يهدي لعمري الهزيمه
وما بين غبنه ذاك وجروح هذاك
وفراق كلي منه روحي سقيمه
وهذا انا يابوي من بعد فرقاك
تذكار كنت وصار اسمي يتيمه






"مفاجاءت"


اعتيقيني ...
ي الجروووح
المؤجعة....!!




يوم السبت الساعه 7صباحا الساعه ترن وترن وترن ...
خبطها بيده..
وجلس وهو يثاوب يله الله يعيين مشوار جديد..للبحث عن عمل ..
التفت لمحمد..اللي نايم..
ابراهيم :محم د..
محمد نقز:هاه..
ابراهيم وقف:يلاه قوووم الوقت تاخر ومارحت المدرسه لانت ولاهميس..
محمد طالع في ابراهيم:حنا مقرريين اليوم نغييب ..
ورجع راسه ..
ابراهيم حذف عليه المخده:لاوالله احلف باذن من ان شاء الله...
محمدمسك المخده:ابراهيم الله يخليك من بدت الدراسه ولا يووم غبنا ..طول وقتنا ..دراسه ..
ابراهيم :طب على الاقل عطوني خبر مو انت وياها تقررون وانا مدري ..
محمد:ياخي زوجتي وكيفي..
ابراهيم خزه:اقووووول قلنا زوجتك مو تخليها كسلانه ..
محمد:ان شاء الله تامر على شئ ثاني..
ابراهيم:ابد سلامتك ..قوم انت وياها من بدري مو طوول وقتكم نووم..فاهم ..
محمد وهو يرجع للنوم:طيييب..
قام ابراهيم ودخل الحمام طالع بوجهه بالمرايه..يبي لي احلق وجلس يحلق دقنه..وبعدها طلع وسحب ملفاته..وعلى مهنه بحثه الشبه يوميه عن عمل ..
ابراهيم:_
شاب ..ترعرع في الفقر ..عاش عند جار لهم ..يوم كان صغيير هو مع اخته وولد عمه ..بس يوم صار عمره 18 دخل الجامعه ..وطلعوا سكنوا بشقه ..واشتغل ..واللحيين هو مهندس ..بس ووين الوظيفه ..
محمد:_
يتيم الاب والام ..تربى في احضان ابراهييم..وعاش معاه..يدرس باخر سنه بالثانويه ..مملك على همس بنت عمه ..مع انه مشاعره تتجاهها لاتتعدى الاخوه..بس كان هالشئ بطلب من ابراهيم..
همس:_
هي ايضا يتيمه تقريبا عايشت نفس ظروف محمد..تحبه وتعشقه بجنوون بس ماتطلع هالشئ كاتمته بقلبها ..ماتتعدل واجد ويمكن ماتعرف لهالشئ الا نادر..لانها..ماتطلع لحد غيير حموود وابراهيم..

في المدرسه ..الحصه الخامسه..
ريما:يلا ريتال ..خلصينا نبي نروح للفصل ..
ريتال:ريما شووي بس..هذي اللفه..
ريما:بسرعه ..قبل لايدق الجرس..
ريتال:طييييب..امشي قدامي..
واتجهوا للفصل ..ودخلوا..
المعلمه :هاه..وين كتبكم ..
ريتال:استاذه..انا اللي خذت كتابي تقول ...انها رجعته بس انا مدري..
ريما:وانا استأذنت ..
المعلمه عارفه انهم كذابين:دخلوا..دخلوا..
دخلوا ثنتينهم..
ريما:بس رتوله..
ريتال:هاه..
ريما:تجين بيتنا اليوم ..
ريتال:اليوم سبت شفيك..ابوي ماراح يوافق انتي تعالي..
ريما:لا بعد انتي خليها بكره...محد بيوصلني...اليوم كلهم طالعيين ..

ريتال:_
فتاه هاديه الملامح ..تحب اللعب والفرفشه تجيها حالات تصييير لعينه ..وشرسه ..احيانا لاتطاق ..وتقط كلام ..كبييير وماتثمنه ..
ريما:_
رائعه كل شئ فيها صغيير شفايفها ..خشمها ..عيونها ..وجهها ..وقزمه ..بس مع ذالك فيها جاذبيه كبيره...وخاصه للي يشووف طوول شعرها ..عندها زمام في خشمها ..تحب شئ اسمه راكان ..لها سنه ونص تقريبا..حبته في ليله عرسه ..


متربع ..بالصاله ..ويلعب معاها ..اونو..مستانس عليها وعلى حركاتها ..رفع راسه لها..ينتظرها تحط ورقتها ..وهي تحك بشعرها ..عضت شفايفها ..ثم طالعته..
هند:جسوور ..شرايك تطلب لنا اليووم من المطعم ..انا مالي خلق اطبخ..
جاسر نزل نظره عنها :ان شاء الله راح نطلب بس العبي اذا سمحتي ..ترا من جد ..تاخرتي واجد ..
هند حطت ورقتها :طييب ..لعبت ..
ورجعت عيونها على الورقه ..
وهو رجع يناظر فيها ..مسكت لها شعره من شعرتها ..وجلست تلعب فيها ..ثم طالعته ..
هند:شفيك..العب..
جاسر تنهد:اممم ..طيب..
حط ورقته ..ورفع عيونه عليها ..شافها تطالعه :شفييك ..؟؟لعبي..
هند رمت الاوراق:انا ملييت مابي العب..
ووقفت ..بتمشي..
وهو رفع بصره لها وجلس يطالع في جسمها ..ياه عليها جسم يذبح ..ياناس..هالخصر ..اللي يدووخ ..
انتبه لها تطالعه نزل عيوونه ..ولم الاوراق :هند ..شوفي اي مطعم تبين تاكليين ..
جلست على الكنبه وطالعته :مو مهم ..شوف انت اللي يعجبك ..واطلب لنا منه ..انا مو في بالي شئ ..
جاسروقف وراح للتلفوون وطلب لهم ..بيتزا ..وبيبسي..وبعدها راح جلس عند التلفزيوون..معها..
هند كانت تتفرج على مسلسل خليجي..وكانت مندمجه مرره معاه لدرجه انها ...كانت جالسه وتهز رجيلها ..وتقرض اظافرها ..
جاسر قام وجلس جمبها وهو يستنشق عبير عطرها الرائع :هند ..
هند توترت من قرب منها شيبي ويين اتفاقنا..اللي قبل يوومييين شيبي..
لفت عليه وهي تقووي قلبها:همم ..
جاسر ماحس بنفسه الا وهو يحضنهاويبوسها بقووه:هند انا..
هند هنا دفته عنها وصرخت:جاسر..
جاسر ظل يطالعها متالم ..
هند وقفت وهي تمسح على كتفها:كم مرررره بنتكلم في هذا الموووضوع هاه..قلت لك ياولد الناس لاتلمسني..لاتلمسني..
ومشت بخطووات سريعه ..متجهه لغرفتها ..وسككرت الباب..وقفلته ..اسندت نفسها ..على الباب وصاحت ..سامحني ياجاسر..سامحني..سامحني..انا اعرفك ..تحبني..وتعزني..وتقدرني..
بس ماقدر وربي ماقدر..
جاسر سند نفسه ..على الكنبه ..متندم ..على اللي سواه فيها ..هو عارف ..انه اتفاقه وياها بليله العرس اللي امس..اتفاق فاشل وانه مايقدر يقاوم ..جمال هاللي قدامه ..لانها الوحيده من بين كل البنات حبها وعشقها بجنون ..ليته ماتفق معها هالاتفاق ليته..ماقرر هالقرار الفاشل..
هو اصلا قرره عشانها اهي ..عشان بس تهدي ليله العرس لانها كانت منهاره..مع انه تزوجها وطوول فتره خطوبتهم كانوا يحبوون بعض وبجنوون بعد..
لام نفسه على ابعادها نفسها ..لانه لو هو شخص ..عدل ماسوت معه هالشئ..اي اكييد شايفه علي شئ..من سواليف قبل..
ياربي ياجاسر اصبر ..اصبر على البنت ..اصبر..اكييد بس خووف ورهبه من هالشئ..
"جاسر وهند ..بطلان ..من ابطال الروايه ..قبل يومان كان زفافهما.."
جاسر:_
شاب ككل الشباب خطب بنت جيرانهم ..اللي يحبها ..وقرر زواجها منها ..وتزوج ...لكن صدمته في يووم العرس بصد حطم فؤاده ودمرره كليا..وهو كل اللي في باله ..انها خايفه من الحياه الجديده..
هند:_
من وهي صغيره عاشت على حب جاسر..وكبرت عليه...خطبها ووافقت ..وبيوووم العرس سوت اللي هي سوته ..
هنا السؤال ..
ليه ياترى ياهند كل هالشئ؟؟والرفض؟؟معقوله خوووف؟؟


ريماس:ريناد يلا قوليلي وش السالفه اللي قلتي بتقولينها لي..
ريناد وهي تجلس وضرب فخذها:السالفه ياطويله العمر..ان حبيب القلب جاي بعدكم يوم ويمكن الليله مايندرى..
ريماس:ومن حبيب القلب ياست الكل ..هاه..
ريناد وبإبتسامه خبث:علينا..
ريماس بابتسامه استغراب:طب وضحي اكثر..مافهمت وربي..
ريناد:مسكين ولد عمي خطيب الغفله خطيبته متنحه..
ريماس:شنو..متنحه بعد انتي ومن قال ان في احد خاطبني..
ريناد مستغربه:وليه ماقالوا لك ان عبدالله خاطبك..من يوم الصدمه اللي جمعتكم العام..
ريماس وعلى وجهها علامات استفهام؟؟؟؟
رينا:وبعد ابوي اعطى موافقته..
ريماس ابوي وافق ..ابوي اللي له اسبوعين مايكلمته عشانه معاقبني لاني صرخت على راكان دلوعه..
ريناد وهي طالعه من المطبخ:اقوول بلا دلع بزران ..الكل عرف انكم لبعض خلاص..
ريماس جلست على الارض ودمعتها بطرف رمشها ..
ريماس:انا اخذ عبدالله ..انا ..


ريناد:_
فتاه همها الحياه تكووون حلووه وبس..خطبوها واجد بس رفضت ..ماتبي الا اللي يدخل مزاجها ..ومحد عاجبها من الشباب..وكله الشباب عندها متخلفين ..
ريماس:_
هاديه ..وماتحب تسووي شوشره اذا فلت السانها فلت ..تكره عبدالله .. ماتوقعت ولا واحد في الميه انه يكوون يبيها او حتى يفكر فيها..جمالها صارخ جدا..


الظهر قصر بوفراس..
حطت راسها بدلع ..على رجل ابوها تبي تقهر اخوها..
رغد:من الحره اللي ماكله قليبك..
رعد:اي مرررره واللي يرحم والديك ..
رغد:احسن منك واحلى عنك..
رعد:اتحداك..
بوفراس:رعد خلاص خل اختك بحالها ..
رعد:كنت متاكد بتوقف بصفها مو حبيبه قلبك..وعمرك..
رغد تمد لسانها:اممممم ..حره..حره..
رعد:شفت شفت..قو باسها علينا ...حنى اللي تطيح براسنا السالفه ..
بوفراس:شرايكم ثنينكم تسكتوون ..تعبتوني ..
تركي وهو داخل :السلام عليكم ..
ردوا عليه السلام..
بوفراس:وينه اخوك ..ماشوفه ..وياك..
تركي:جالس يكلم برا ..
رغدبعد ماتعدلت عدلت شعرها ..
رغد:شتبوون عشاكم ..
رعد:ولييه عسى مو انتي اللي بتسوينه ...
رغد ترومش:ياس ..هو في حدا غيري ..
تركي:عزه الله بكره عزانا..
رغد:يباه..شوف عيالك ..
رعد:ههههههههههههه..هذا وهو توه..داخل سوا فيك كذا..بعدين احد يفكر بالعشاء..وتونا ماتغدينا ..
بوفراس:تركي..رعد..خلاص ويله روحوا كل واحد يغيير لبسه عشان تاكلون ..ونادوا امكم..
رعد:انا برووح ابد وبنام..مابي غداء لاحد يصحيني..
وطلع فوق..
لحقه صوت بو فراس:رعد..الغداء لاتتاخر عليه وهالكلام ماينعاد فاهم..الغداء..كلنا موجودين فيه..
رعد:يبه..
بوفراس:توكل ولا تتاخر..
صعد رعد على فوق ..هنا دخل فراس..
وجلس جمب ابووه..
فراس:يبه..الحمدلله العمارتين انباعوا ..وبنفس السعر..اللي تبيه ..
بوفراس:الحمدلله ..
فراس:بكره بتداوم ..ولاء..
بوفراس:اكييد بكره لازم اجي الشركه..
تركي طالع ابوه:يبه انت للحين تعبان ..ارتاح على الاقل اسبوع..
بوفراس:الحمدلله ..انا الحيين ..بخيير..ومافيني..شئ..

رد: تدرون وش أصدق من الدمعة على خد اليتيم للكاتبه صرخة وفا

رواية مره حلوووه
بنتظار ياعسل
يعطيك العافيه وربي يسعدك..

رد: تدرون وش أصدق من الدمعة على خد اليتيم للكاتبه صرخة وفا

حسن"بوفراس":_
رجل ملياردير له اربع من الابناء فراس-تركي-رعد-رغد..مستقر بحياته مع زوجته وعياله ..نادر مايظهر مشاعره حتى لعياله..

فراس:_
هذا كبيير اخوانه متزووج ..وحده من معارفهم ..وهي ببيت اهلها ..مو صلاح وياها بالرغم من حبها الشديد له..دائما متعالي ورافع خشمه..

تركي:_
إنسان عادي ..جدا مهندس وشاعر بنفس الوقت ..يحب الرومانسيه ..بس للأسف كل هذا وماله حبيبه..محد يرد له طلب مو لشئ بس لانه راكد ..وهادي ..ونادرا مايغلس على اي احد..ماعدا اخته رغد..

رعد:_
شخص حبوووب جدا..يحب الفرفشه والوناسه ..صديقه الصدووق سلطان..يحب يطلع الطلعات الكشته وكذا ..يحب له وحده امها لبنانيه وعايشه بلبنان..بنعرفها بوقتها..

رغد:_
على نياتها ..وبريئه الكل عندها تثق فيه تموت بشئ اسمه امجد على الرغم من ثراء ابوها والخدم ..الا انها ماترضى حد يخدمها او تاكل من ايدهم ..من علمتها مرت عمها الطبخ ..يعني من 6سنين...

/



جالسه بغرفتها تحضر بعض الاوراق وهي تعدل طاحت بيدها..ورقه تخص ساره..طالعتها ثم تنهدت وهي تتذكر الحوار اللي دار بالتلفون بينها وبين اخوها عبدالرحمن...
عبدالرحمن:اميينه خلاص قلت لك بنتي وكيفي ازوجها اللي ابي ..
امينه وهي تصيح:عبدالرحمن كذا تزوجها ..من غيير ماتستشيرنا حرام علييك والله حرام ..البنت لودرت بتنجلط ..حرام علييك..
عبدالرحمن:اووووه...امينه مو اني حطيت بنتي عندك تتحكمين فيها خلاص..
امينه:ليييه..تووك تتذكر ان عندك بنت حرام علييك حرام ...
عبدالرحمن:على العموم ..انا ارسلت لك عقد الزواج علميها بطريقتك السنه الجاييه رجلها بيجي..
امينه:حسبي الله عليييك..حسبي الله علييك..
وسكرت السماعه..
مسحت دمعتها اللي فرت ..ووقفت دست هذي الورقه...مووقتها اللحين تغلق البنت ..
طلعت من غرفتها ..وشافت البنات بجناحها يذاكرون ..
امينه :هاه يابنات خلصتوا ولاء..
وجدان:والله ياماما امينه تعبنا عطينا فرصه شوي بس اروح اشوف نتيجه المباره واجي,,
امينه تكتفت:حلفي انسه وجدان والمذاكره متى تخلص..
وجدان تاشر:بس ثواني..
امينه :طالعي الكتاب,,
لفت على ساره ..كانت ماسكه الكتاب وتلعب بشعرها ومبيين انها مو مع الكتاب مررره
جلست جمبها ..
امينه :ساروونه شفيها ..
ساره طالعت ماما امينه :مافيني ماما امينه ...اذاكر..
امينه :عينك بعين ماما امينه ..
ساره منزله راسها :ماما امينه ..
حطت راسها بحضنها وهمست باذنها:ماتبين تعلمين ماما امينه شفييك..
ساره:ماما امينه اذا حسييت اني محتاجه اقولك بقوول ..
ابتسمت لها ولفت على البنات ..عارفتهم لو ماتجلس على راسهم كان ماذاكروا ابد..
امينه :سميه كلمتي امك..
سميه:دقيت عليها بس ماردت علي ..ماما امينه ..
امينه :معليه دقي عليهها مرره ثانيه ..
ينطق الباب ..
امينه :تفضل...
دخلت الخادمه وقالت لهم انه الغداء جهز..
امينه :يلاه ..قوموا تغدوا ..
قاموا كلهم ..طلعوا ..وبقت ساره على حالها..
امينه:ساره ماماه..قومي تغدي..
ساره:ماما امينه انا مابي اكل ممكن تخليني اروح انام احس اني تعبانه شوي ..
امينه :اي حبيبتي روحي..
طلعت ساره ورا البنات لكن مو على غرفه الطعام على غرفه النووم ..
....
ماما امينه:_
امراءه طلقت وعمرها 17سنه ..والسبب استئصلوا رحمها بعد النزيف اللي جاها وبعدموت ولدها..عاشت في بيتها اللي سجله ابوها باسمها ..وكانه حاس باللي بيصيير معها ..حنوونه ..حيييييييل ..مديره مدرسه ..39سنه ..
ساره:_
فتاه جميله بكل المقاييس شعرها قاصته فراوله ناعمه تحب الترتيب وهي راعيه المكياج بالبيت ..كارهه لوالدها..
وجدان:_
ملامحها هاديه ..هي ضحكه البيت ..وشعرها مايطول قاصته ولد..دائما عاديه ماتركز واجد على شكلها صديقتها الصدوقه هند بنت عمها عثمان..
غاده:_
عايشه حياتها ومحد ضابطها غيير امينه تونس حالها بحالها ..لو بغوا اي حاجه هي اللي تقنع لانها حنانه ..
امل :_
شخصيه حبوبه ..وحنونه تعشق شئ اسمه افلام هنديه..ومومخليه فلم هندي الا شايفته ..سمره..جمالها صاررخ ..رومنسيه حدها..
سميه:
نسخه ساره الثانيه ..بالتصرفات والميول ..مليانه شووي وهذا اللي معقدها ..بشرتها بيضاء خدودها حمراء شعرها طوويل تحب ابووها بشكل غيير طبيعي ..وطبعا هي دلوعته..
.......
على الغداء..
ساره:ماما امينه ..ماما امينه ..
امينه وقفت خايفه:بسم الله الرحمن الرحيم شفييك حبيبتي..
ساره وهي تلهث وقفت بنص الغرفه..
امينه :ساره شفييك خبصتي قلبي..
ساره وهي تاشر على الباب:جاء برا..
امينه جلستها وقامت تشوف خافت من يكووون هذا اللي جاء ببرا..
اول ماطلعت للصاله شافت اخوها عبدالرحمن مع زوجته ماريا وولدهم ياسر ..
امينه بصدمه:عبدالرحمن..
عبدالرحمن:هلاء امينه ..منهي هاللي انحاشت من قدامنا كذا..
امينه باسى:هذي بنتك ..
عبدالرحمن تجاهل كل شئ:ومافي حمدلله على سلامتك..
عند البنات..كانت ساره متعلقه في سميه خايفه ..من تواجد ابووها بالسعوديه..ابوها اللي ولا مرره سال عنها ..ولامره سمعت صوته الا بذاك اليوم المشئوم ..ابوها اللي من سنين ماشافته ..وهو حتى مايعرف صورتها..يمكن حتى نسى ان عنده بنت اسمها ساره..
وجدان:سوووير..شفيييك لاتخرعييننا كذا ..شاللي صاير ..من اللي جاء..
ساره:ابووي..
كلهم انصدموا ..وطالعوا فيها خايفيين ..حييل عليها ..كان وجهها اصفر ..وترجف ..هي من صحت الصبح وهي حاسه بيصير شئ..وهذا خوفها ...تترجم بشوفه ابوها ..
وجدان:بنات تعالوا شوفوا ..
غاده:شنو صاير..
ساره ماكانت قادره تمشي ..فضلت جالسه ..والبنات راحوا يشوفون ..
عبدالرحمن :لييه فيها شئ لما اجي اخذ بنتي ..
امينه :تاخذها على ويين ان شاء الله..
عبدالرحمن :حلوه هذي امينه اظن انا ابوها ..
امينه:ماقلت شئ واظن انك انت نفسك الي رفضتها يومها صغييره ..ورفضت تشوفها وتسال عنها ..واللحيين بعد 18سنه ..جاي..
عبدالرحمن:اييه جاي بعد 18سنه فيها شئ..
امينه طالعته وتنهدت:عبدالرحمن تعال داخل اكلمك ..
ومسكته وهو يقول:مافي احد غريب عشان تسوين كذا..
سكرت باب المكتب ولفت عليه:انت شنووو ماتحس ياعبدالرحمن ..ماتحس بنتك خايفه منك تدري ولا لاء..طول عمرها خايفه من هاليوم المشئوم..مو كفايه راميها وماتدري عنها ..جاي تبي تاخذها عند مرت اب..مو كفايه مزوجها واحد الله اعلم عن خبايا هالزواج ..حرام علييك..
عبدالرحمن تكتف:امينه ..عن التدخل بحياتي الخاصه مع عيالي..انا حطيتها عندك واللحين خلاص مشكوره ابي اخذها معاي..بعدين انا زوجتها لولد خالها..
امينه جلست:وبهالسهوله من غيير مقدمات بتاخذها وين تبي توديها هاه..قولي وين تبي توديها ..
عبدالرحمن:انا استقريت هنا ..وعايش هنا خلاص يعني مالها لزمه ..جلستها هنا ..بيت ابوها ..يضفها وبعدين هي بعد سنه بتروح بيتت رجلها يعني تبيني اخليها هنا وانا هناك ..بتكوون بعيده عني..
امينه :ماشاء الله ..اللحيين بتكون بعيده عنك و18 سنه اللي راحت وين ..هاه..
عبدالرحمن:امينه ..عن كثر الحكي ..وناديها لي ساعه من جلست هنا ولافتكرت تسلم علي..
امينه :لييه انت افتكرت قبل 12سنه يوم جييت وجلست ثلاث ايام..حتى مافكرت تسلم عليها ..
عبدالرحمن:امينه,,
امينه وقفت وهي تحبس غصتها:لي طلب عندك ياعبدالرحمن الاختبارات ماباقي عليها غير 3اسابيع ..لاتخبرها بسالفه زواجها طلبتك ياعبدالرحمن...
عبدالرحمن:اصلا من قال اني بقوول لها ..اللحيين الولد السنه الجاييه بيجي من لندن يعني لقربت جيته خبرتها ..
امينه:تعال معاي..
طلعوا من المكتب..ومروا من الصاله باتجاه غرفه الطعام ..امينه دخلت عليهم ..كانوا ملتميين على ساره..اللي ترجف خايفه..
عبدالرحمن :السلام عليكم ..
كلهم طالعوا في عبدالرحمن خايفيين..
امينه:ساره تعالي سلمي على ابووك ..جاي يشوفك ..
ساره طالعته ثم لفت وجهها للجهه الثانيه ,,
وكانها تقول مابيك ..عايفتك ..كارهتك..
عبدالرحمن تقدم منها ..بداخله عارف انه اخطئ يوم خلاها ..وهي صغيرره..بداخله عارف كل اللي يسويه ..خطاء لكن..يسيطر عليه شئ ثاني مو مخلييه يركز باللي يسويه ...تسيطر عليه ماريا بافكارها ..
البنات باشاره من ماما امينه ..طلعوا وظل عبدالرحمن مع ساره ..تقدم وجلس جمبها ..لف وجهها له ..
عبدالرحمن:كذا الوحده تستقبل ابوها..
نزلت يده من وجهها...
عبدالرحمن:على العموم انا جاي اخذك معاي بتروحين معانا ..انا وخالتك ماريا واخوك ياسر..
ساره وقفت:ومن قالك بجي معك..
عبدالرحمن طالعها:ولييه ماتجيين معي انا بوك واولى من الغريب..
ساره بضحكه ساخره:غريب..ومن الغريب ان شاء الله ..لاتكوون ماما امينه ..محد غريب غييرك انت..
ومشت مسرعه وطلعت من الغرفه ..وبسرعه على غرفتها فوق..

عبدالرحمن :_
اب لكن غيير الاباء..اب يحب بنته بس بطريقه غيير..حب تملك بكيفه يمشيها وبكيفه يسووي اللي يبي..زوجها ..لشخص عشان بس الفلوووس....راجع عشان يزوجها ويرووح

رد: تدرون وش أصدق من الدمعة على خد اليتيم للكاتبه صرخة وفا

ووواووو روووووعه
كملى من جد حماس
يعطيك العافيه ياعسل...

رد: تدرون وش أصدق من الدمعة على خد اليتيم للكاتبه صرخة وفا

دخل البيت بعد ماتعب في البحث..واستغرب الهدوء..وعلى طول ..استنتج شنو السبب..اكيييد للحيين ماصحوا ..
اتجهه على غرفه همس فتح الباب الا تفاجاء فيهم جالسين على الارض..
ابراهيم:شتسوووون..
محمد رفع راسه :جييت..
همس:تعال برهووم ..مو فاهميين ..هالمسأله..
ابراهيم مستغرب :اللحين انتوا..شتسوون..
محمد خبط راس همس:هميسووووه..صحتني تقول مانامت عشان هالمساله..
ابراهيم جلس:من جدك انتي..
محمد انسدح:ابي انام حرام علييييك...
همس:نام ..خلاص جاء ابراهيم ..بيذاكرها لي..
ابراهيم:قومي حطي لي الغداء..وبسووي لك اللي تبيين ..حدي جايع ..
محمد:مصدق بتحط لك غداء ..الاخت ماسووت شئ..
همس وقفت:طيران برووح اجيب لك اي شئ تاكله ..وجايه ..
وطارت ركيض على المطبخ..
محمد وقف:انا ابي انام ..تدري انت الصبح ..وهمس الساعه 9 ماشبعت نووم..
انسدح على سرير همس وجر اللحاف عليه ..وابراهيم خذا الكتاب ..وجلس يقراء شنو ..اللي عالقيين عنده..

جالسه بغرفتها وتفكر شلي خلى ابووي يوافق من غيير مايشاورني ..ومايزوجني الا عبوود ..شيبي هذا ..والله ماحبه ...ولا احب سيرته ..من عقب ذاك الموقف العبيط اللي حطني فيه..انا لازم اقول لابوي عن رفضي له ..واني مابيه ..مو غصب الزواج..

بيت بوخليل..
خليل:يبه..يلا تعال الغداء حطيته ..
بو خليل طلع من غرفته وجاء لعنده بالصاله..
بو خليل جلس:بسم الله ..
خليل مد لابوه الملعقه...
بو خليل:هاه شصار على شغلك..
خليل:ابد..نفس كل يووم محد جاء ..يشتري بس البضاعه الجديده..اليوم على وصول..ان شاء الله ..يكون فيه..إقبال..
نوره:أقول انت أصلا ماتعرف تبيع ابووي لما كان يبيع احسن منك..
خليل :لا والله حلفي..
نوره:والله..
خليل:ياعيني الاخت على كيفها تتكلم ..
بوخليل:خلاص انت وياها ..بسكم ..اكلوا بهدوء..
سكتوا ..وظلوا يتغدون ..
وخليل يتوعد نوره بس بعد الغداء..


بوخليل:_
عايش في بيت شعبي مع ولده الكبير خليل ..وبنته الصغيره نوره..مقاطع مع اخوانه بعد مشاكل عن الورث والعيال مايدرون عنهم ..وعياله الباقيين يراقبهم من بعييد لبعييييد..لانه لوقرب منهم بينوخذ منه خليل مثل مانوخذوا منه اللي قبل ..
خليل:_
يدرس في الجامعه مع اخوانه بس ولا مرره شافهم..متعلق باخته وابووه ماعمره صادق اي شخص ..دووم بالبيت او بالمحل او بالجامعه ..طبعا نسخه اخوواننه بس مايتواجد بامكان تواجدتهم و لا حالفه الحظ في يوم يتقابل معاهم..

اما في بيت ام خليل .."نوره"..
فيصل وقف من على طاوله الطعام:الحمد لله ..
ووقفوا معه جلال وعادل ..
ام خليل:وين حبايبي ماكليتوا شئ..
عادل:الحمدلله يماه..
جلال:انا طالع انام ..
وطلعوا من غرفه الطعام..
بونوره:دريتي عن ولدك خليل..
ام خليل :ووش فيه خليل ..
بونوره:يشتغل في محل بيع ملابس ..فشلنا الله يفشله ..
ام خليل :رزقه يايبه رزقه ..
بونوره:اجل رزقه هاه..انا مدري لييه ما ختييه مثل اخوانه ..
ام خليل طالعت في ابوها وسكتت ..
(على الدرج فيصل وجلال وعادل)..
فيصل:لازم نروح نشوفه..
جلال:انا قايل لكم من قبل بس ماتسمعوون كلامي..
فيصل:المغرب بنروح له..المحل..

الجد "بونوره":
هو انسان متسلط نوعا ما..يحب بنته لدرجه جنونيه ..وبو خليل عيشها بالفقر من خذاها ..وبعد ما انجبت له هالتؤم ..طلقها وخذا التؤم الثلاثه وبقى خليل عند بوخليل ..مايواطن عايلتهم ..ابد..

نوره:_
تطلقت اجباري عنها وهاجرت مع ابووها كانت دوووم تتكلم مع عيالها عن ابووهم ..وانه طيييب وانه حنوون ..بس ماتبيهم يقووولون للجدهم عن هالكلام اللي تقوله لهم وقايله لهم عن اخووهم ..بعد..

فيصل:_
حبوب وودائما هو الراس المدبر..يحب المغامرات غرامه شئ اسمه هلال ..يدرس اعلام ..
عادل:_
تقريبا نفس فيصل ..حبوب ..وعصبي نوعا ما..يحب الفله..وغرامه شئ اسمه نصر..يدرس لغه عربيه..
جلال:
عصبي حده ..وماتظهر عصبيته الا بالهوشات ولا بالبيت حمامه سلام ..واذا يبون يعرفونه ..شوفوا الشموخ اللي بوجهه ..غرامه شئ اسمه الاتحاد..يدرس هندسه ..


بيت امينه كانوا البنات بحاله مايعلم فيها غير الله ..
البنات خايفيين من فقد ساره..
وماما امينه ..هي اكثر وحده خايفه ..من هالشئ..

ابراهيم ابتسم لهم ..منسدحين بالارض وكل واحد ماسك له ايد..ويلعبون سوني..
همس:حميدان..لحظه لحظه ..خلني اسبقك..
محمد:لا والله حلفي..
همس صرخت:لاء..
محمد خبط راسها:لاتصارخيين ..
همس:لييييييه تغلبني...
محمد:حلوه هذي اقوول اللي مايعرف الصقر يشووويه ..شعرفك بالسووني..
همس:اللحين هذ جزاتي جالسه معاك.."عدلت جلستها"..برهووووم قووم شدخه ..شووف كييف يتشمت فيني هاللي محسوووب علي رجل..
ابرهيم ضحك عليهم:ههههههههه ..اقوول شرايكم تقومون تبدلوون عشان نطلع..
همس:وووووين..
محمد:اسئلتك واجد..
ابراهيم:بوديكم البحربالمره..نتعشى برا..
همس نقزت وراحت تبدل..
محمد طالعه :ابراهيم انت اشتغلت ..
ابراهيم:لاء..بس ان شاء الله ..ربي بيسرها..
محمد:طب مالها داعي ..هالطلعه خلنا ..
ابراهيم:اقوووول ..قوم بدل..احسن لك..

بعد المغرب ..
في محل بو خليل..البضاعه ..وصلت ..وخليل يشرف على توزيعها..
نوره:خلولي..
خليل:خلولي بعيينك..جاب بس لاتتكلميين..
نوره:خليل احترمني..
خليل فتح عيونه:لا والله ..انا اللحين وش اللي مخليني اجيبك معاي..
نوره ترومش بعيونها:لانك تحبني..
خليل:الثقه ..مقطعتك ..تقطع ..
خلص اخر قطعه وراح جلس..
نوره:خليل انا جيعانه ابي اكل..
خليل طالعها:شتبين تاكليين ..
نوره:ابي اكل ..شئ ينوكل..اكل يعني..
خليل:عارف اكل ..قصدي شنو نووع الاكل..
نوره:برجر..وبيبسي..
خليل:طييب انتظري شوي وياذن ...بوديك البيت ...ومره وحده نمر على المطعم..
بهذي اللحظه ..دخل رجل كبير بالسن..
خليل:حياك عمي..
بهذي الاثناء الشباب الثلاثه "فيصل-عادل-جلال"وقفوا عند الباب وتراجعوا ..وهم يشوفون جدهم ..داخل على خليل..
عادل:جدي شيبي عنده..
فيصل:جدي محد يعرف شيبي..
عادل: اسكتوا..وطالعوا..
خليل:اقدر اخدمك بشئ..
بونوره:هالمحل بكم..
خليل:لاياعم هالمحل مو للبيع..
بونوره:انا سالت جاوبني على قد السؤال..
خليل:وانا هذا ردي..تبي تسمعه اهلا وسهلا..ماتبي بكيفك..
بونوره:ولو قلت لك اخذه بمليون..
خليل فتح عيونه:نعم..
بونوره:اللي سمعته..
خليل طالعه ثم طالع المحل:هذا المحل بمليون..
بونوره:اييه..
خليل:والله ياعم..المحل..المفروض تسال صاحبه مو انا..
بونوره:ومن هو صاحبه..
خليل فتح الدرج وطلع كرت ابوه :هذا كرته ياعم..
بونوره:لا لاء..خله عندك ..بلغه انا بكون هنا..بكره الصبح..
خليل:ان شاء الله..
طلع..
نوره طالعته:انا عارفه هذا يبي يشتري المحل انا سمعتكم..
خليل خبط راسها:دامك عارفه ليييه السؤال..هاه..
عند الشباب يمشون بالسوق..
فيصل:طلب جدي مو غريب شوي..
عادل:الا غريب وبزود بعد..

رجعوا للبيت..
همس:اخ..ياإن رجيلي تكسرت ..وتقطعت وتمزقت وكل حاجه..
محمد ضحك عليها:هههههههه ..حلوه..بس ترانا مامشينا واجد على فكره..
همس :ادري بس ..والله من زمان مامشيت هالكثر..
محمد جلس وهو يطالع في ابراهيم :ابرهيم..
ابراهيم طالعه بذهن شارد:نعم..
محمد يوم شاف همس دخلت لغرفتها ..
محمد:شفيك ؟!من جاتك المكالمه ..وانت مو على بعضك ..
ابراهيم ابتسم له:ولاشئ..بس انا ابي انام..
وقام اتجهه للغرفه بينام..
ومحمد ظل يفكر شهالمكالمه ..اللي قلبت..كيانك ..يا ابراهيم ..

دخل غرفته ..وفتح التكييف ..ومسك الجوال ودور على "حبي الوحيد"..واتصل جاه صوتها اللي يعشقه ..
عبدالله:هلا والله ..بغناه الروح ..هلا بشذى..
شذى:هلا فيك حبي..
عبدالله:هاه..شالاخبار..وشالعلوم ..
شذى:انا بخير ..متى وصلت..الشقه حبي..؟؟!..
عبدالله:توني واصل..
شذى:ياعيني علييك وعلطول دقيت علي..
عبدالله:ماقدرت من الشوق ذبحني..
شذى:والله عاد ظروفك ماتسمح تدق علي ..استحمل ..
عبدالله:مو على كذا بس..
شذى:لابس ولا شئ..
عبدالله تضايق منها:خلاص ..حبيت اسلم واقولك على الساعه 3 وعيني..
شذى:خلاص حبي لاتزعل ..
عبدالله:ازعل من روحي ولا ازعل عليك..
شذى:يلا باي ..حبي تمسي على خيير..
عبدالله:وانتي من اهل الخيير..
عبدالله:_
يكلم شذى له خمس سنوات وهو يموت على التراب اللي تمشي عليه رغم انه ولا مره شافها وحاط في باله انه راح يتزوجها ..اما شذى ماحبته بس تتظاهر بحبها له ..وماخذه حبه لها تسليه ..وسيييم حده..وله غمازه على خده..عيونه عسليه ..ودائما مسوي سكسوكه..



الساعه 10 الضحى..
وقفت وهي تطالع فيه ..ثم لفت وجهها عنه..
عبدالرحمن قرب وجلس:جهزي حالك..
ساره طالعته:حق وش..
عبدالرحمن:بعد شنو..انا رجعت خلاص مالك قعده ببيت عمتك..ولانسيتي كلامي امس لك ياساره..
ساره شوي وتصيح:انا مو رايحه معاك خلني عند امي..مابي ارووح وياك..
عبدالرحمن :انا ابووك..وامينه مو امك ..وباخذك لو بالغصب فاهم ه..
امينه دخلت على صرخه عبالرحمن..
امينه:خيييييير ياعبدالرحمن ..شعندك تصارخ "طالعت ساره"ساره يماه شفيكم ..
ساره ركضت لامينه وحضنتها:ماما امينه ..الله يخلييك ..خليه يبعد عني ..مابي ارووح معاه تكفيين..ماما امينه..
عبدالرحمن:ساره. .
امينه:عبد الرحمن..عن الصراخ..لو سمحت ..
ساره متعلقه في امينه وهي خايفه ..ماتبي تروح معاه..تحسه شخص غريب عنها ..
عبالرحمن :خليها تجهز نفسها..انا الليل جاي خذها فاهمه..
.....
ساره جالسه تصيح :مابيه ..مابيه تووه افتكر انه عنده ..بنت حرام علييه ..
سميه حضنتها:بس حبيبتي ماعليك ..ماما امينه ماراح تخلييه ياخذك..
وجدان:يعني شنووو..بترووحيين معاه..
امل:لاء ان شاء الله لايقووله ..
ساره طالعتهم:يقووول في الليل بيجي ياخذني..انا مابي اروووح معاه.."واسترسلت بالبكاء"
سميه:لاتخافيين ماما امينه ..راح توقفه ..وانتي ماراح تتحركيين من عندنا..
دخلت غاده مسرعه:بنات عندي لكم بشاره..
كلهم:شنووو..
غاده:عمي حسسسسسسن بيتدخل بالمووضوووع واكيييد راح يحله لنا ..وسارونه ..ماراح ..ترووح من عندنا ..

ريتال:شفيها ريماس..
ريناد:مدري والله ..من درت عن عبدالله وهي موطبيعيه ..
ريتال:ليييه هي مو موافقه مثلا..
ريناد:وانا شيدريني..يمكن..
ريتال حطت الصينيه على الطاوله :انا رايحه اناديها عساس تجلس معنا ريما بتجي بعد العشاء..
ريناد:طيييب..
وقامت ريتال راحت على فوق..
راكان هنا دخل:السلام..
ريناد:وعلييكم السلام..
راكان جلس:وينهم محد جالس هناء..
ريناد:يجهزون بيجوننا بنات..
راكان عرف انها طرده:طيييب ..ريناد ..اليوم بجيب ولدي..
ريناد طالعته:طيييب..
راكان:ابي احطه عندك المغرب الى العشاء..وبعدها بجي اخذه..
ريناد:ولييه ماتاخذه من امه العشاء..
راكان وقف:يعني ماتبين تمسكينه ..
ريناد توها بتتكلم ..
بوراكان داخل:جييبه وبتمسكه ..غصب عنها..
ريناد انقهرت..
راكان:لاء خلاص انا بوديه ..معي..
بوراكان:قلت لك تجيبه تشل ولدك ...بكل مكان تروحه وعندك خواتك...
راكان سكت مايردد ابووه من عمره..
ريناد صعدت لفوق ...وراكان رقى وراها ..رايح على غرفته ..
ماكانت تدري انه وراها فتحت غرفه خواتها :اففففففففف..لازم نتنكد ..كل يوم بسبه هالولد ..
ريماس وريتال طالعوا فيها يبونها تسكت..
ريناد لفت لورا وشافته ..
راكان تعود يسمع مثل هالكلمات قدامه على سبيل مزح ..وهو ععارف انه مبطن ...لاكن هالمرره سمعها وبالنبره اللي يحبها ..
طالعها بنظره..ثم لف عنهم متجهه لجناحه ..
البنات سكروا الباب..
ريماس:انتي حماره تدرييين..
ريناد:يوووووه..وانا شيدريني انه وراي..
ريتال:خخخ ..والله انك غبيه من جد..

بوراكان:_
ناصر..رجل حازم في التعامل واللي يبي منه شئ لازم يقنع فيه اليين مايقوول بس موافق ..عنده ثلاث بنات وولد..وعنده هالولد ..بالدنيا كلها ..والا زعله وماينحط شئ بخاطره..

راكان:_
شاب وحيد ابوه هو الوحيد اللي ماينرفض له طلب ..وابوه مايجلس في مكان مافيه ولده وحاس بغيره خواته اللي يحاولون يخفونها ..ماله روحات ولا جيات اغلب وقته على النت او عند عيال خواله او عند ولده..عيال عمه مايعرفهم الا كل جمعه خميس ..يتغداء ويطلع ..واكثر شئ يروح لبو غانم..وصاحبه اكثر شئ من عيال عمامه عبدالله اللي كل اسراره عنده حنون بشكل مو طبيعي ..وسيم وله غمازتين ..على خده مطلق وعنده ولد عايش عند امه ..


دخل احمد على خواته ..سعاد وريما ..:ممكن اجلس معكم ياخبيلات ..
ريما:خبيلات بعيينك..انت ووجهك ..شتبي تووك مهزئني..تحت..
تحدم وهو يجلس:والله انا ياخت خبيله ماطبت رايك واذا بقعد على كيفي موكيفك...
سعاد:اجل ليييه تستاذن اجلس ومعلييك منها..
ريما:انا تق..والله وقلبتي ..علي يالمفعووصه..
سعاد:شسوي احد يقدر يقاوم وسامه حمادي حبيبي..

سعاد:_
كبيرتهم ..هاديه وراكزه وهي بمثابه الام لهم ..حنوووونه مررره كذا شخص تقدم لها بس ترفض عشان تربي اخووانها ..
احمد:_
هو ضحكه البييت الكل يحبه ..مايستغنون عنه ..ابد..يحب يناجر الكل..ووارث هالطبع عن ابووه..

احمد وهو يحضنها:وانا فداها اختي اللي تعرف الاصوول..
ريما طنقرت:اقوول انت وياها اسكتوا لا اللحيين ..
احمد يقاطعها:لا لانسه خبيله ..خلي اعصابك هاديه ..ريلكس ..ريلكس.."وهو يسوي حركات بيده يعني اهدي"..
سعاد:ههههههههههههه "فقعت ضحك عليهم"..
ريما:ووجع ...قوموا اطلعوا برا انتوا سوستيين ..
احمد:اذا انا سوس..انتي ايش...هاه..
ريما:اكيرتك فاهم..
احمد يطالع في سعاد:ويع..انتي اميرتي ..كان مت من زمان ..
ريما وهي تمسك كتابها:اقوول احمدووه انت واختك ان ماتطلعون لافركم ..بهذا الكتاب فاهم..
احمد:شلووووت لاماني فاهم ابي افهم..كيييييف؟؟
ريما خلاص الامبير وصل حده:احماد..وعم ى..."وقامت عليه"..
احمد:يبا اه..
وراح يركض لانه يعرف بتحذف كل شئ قدامها ..
طلع برا الغرفه ...وقال افتكييت منها..لكن الاخت ريما ماخلته لحقته وهو نزل تحت يركض ..شافت قدامها الخدامه قاعده تكنس الوصخ ..واحمد كان خلاص ..واقف حسباله انها استسلمت خلاص..
فجاءه يتفاجاء فيها تتناجر مع الخدامه وتسحب المكنسه منها وتجييه كالثور الهائج ..احمد قال مافي الا استنجد بابووي هو اللي قدر عليها وانزل ياحمد تحتوانت تصارخ ..
احمد وهو ينزل الدرج:ييباه..يب اه..يب اه..
وتوه بيدخل لين ذيك المخده اللي جايته من وراه وطيح ياحمد على وجهك..
احمد وهو يرفع جسمه:بل حشا ماسوت علينا مب اخت اي.."لف عليها"ريموووووه..
ريما:احمدوووووووووووه..انت اللي بادي..
احمد يطالعها ولا انتبه لأبووه واللي معاه :حلفي والله ...
بوغانم:الا احلف انت وياها..
لفوا ثنينهم ...وانصدموا الا انعقد لسانها هي بالذات ..
وفهت وهي تطالع فيه..

ام خليل:فيصل عادل ..كلوا شفيكم ماتاكلون الاكل ماعجبكم..
بونوره:شنو الاكل مو عاجبهم سفره مليانه طول بعرض شميعجبهم..
فيصل:لايمه ..حنا الحمدلله شبعنا نين..
ووقف :انا رايح ارتاح ..بكره وراي جامعه..
فيصل طلع من الصاله ولحقووه اخوانه ..اللي نفسهم مسدوده عن الاكل..

مسكها من شعرها وهي تصيييح وتترجاه يتركها ..لكن هيهات كان..يجر فيها ..والبنات ..يطالعونها ويصيحوون .امينه ..على الارض..بعد مادفعها عنه ..تصيييح وتدعي عليييه ..
وساره منهاره حدها تحس نفسها خلاص ضاعت ..تطالع فيهم وهي تصارخ تبيهم ماتبي بعدهم ..ولا تبي فراقهم ..لكن ابووها ..قررر..مافي جلسه غيير في بيته ..
البنات مسكوا ماما امينه ..اللي طاحت مغشي عليها وصاروا يصيحوون بجنون ..وعبدالرحمن لف عليهم وانصدم ترك ساره من ايده واتجهه مسرع لها ..



هنا ينتهي البارت الاول
اتمنى انه حاز على رضاكم واستحسانكم ..واعجابكم ..

رد: تدرون وش أصدق من الدمعة على خد اليتيم للكاتبه صرخة وفا

البارت ( 2 )







يبه ... وطارت قبل طلقة لساني
وألفين طلقة صابت أقراب وأجناب

كن الزمان اللي خذاك و عطاني
لا أعطى ولا أهدى في حياتي ولا جاب

شنو زماني ؟ وأنت اخر زماني
بأولى ابتدائي و أمتلي هم وارتاب؟!!!

ادري طفل .. بس كنت طفل و أعاني
شابت سنيني ... هين الراس لا شاب!

يبه دخيلك شوف وقتي رمادي
غريب صادق بالشقا ... كل الأغراب

اذكر كتبتك لين حزني محاني
واذكر قريتك و الفضا جرح وعتاب

يبه و أتمتم دمع عيني غشاني
الكل ينطقها ..!! وانا اكتب على تراب

والريح تمسح ماكتبت بثواني
وارجع اشخمط ما كتبته على باب

(( يبه )) لاني قلتها لك ولاني
اللي نساها يوم؟؟ قلت الزمن خاب

والوقت لا اقفى وش تفيد الأماني.؟؟
طبع الأماني لأقبلت .. ماتبي أسباب

مليوووووون مرة قلت لحزني عشاني
لين امتلى كاسي من الهم ... وإنساب

ماكن لي قلب وجسمي حواني
لكن لي قلب احتوى جسم وارتاب

يتيم ... وش له بالغلا والأغاني..؟؟؟
وحيد ما يغريه من حوله (( أحباب ))

يتيم .. يزرع طيبته بالمحاني
يصير حظه من ردى الوقت حطاب

كبرت أكثر من جميع المعاني
حزنت .. كني ذنب عنه الفرح تاب

واللي نسى يوم راح ليته خذاني ..
ما هوب كاذب لكن الوقت كذاب ..!

واللي نسى معذور لو هو نساني
لو ما تعذر طيبتي عذر وأسباب

واللي نسى ما كان لحظة مكاني
ويشوف قدره ..... بين عيني والأهداب

يبه
يبه
يبه
وأتمتم .... ودمع عيني غشاني
الكل ينطقها .... وأنا اكتب على تراب

شفني كبرت ولا نطقها لساني
أغار لا قالوا " يبه " بعض الأصحاب







فتح عيونه وطالع فيهم على راسه ..
عبدالله ضحك:هههههههههه شفييك انت ووجهك قوووم فز..
زياد تعدل بجلسته وهو يتثاوب:شتبوون انت وياه وبعديين من مدخلكم البيت..هاه..
سامي:ههه قووم بس الاخ شكله فاقد ..قووم شووف بيتك شصاير فيه ..
زياد خاف وقام طلع برا ..اول مانزل انصدم ..وش هالحووووسه ..رفع راسه وطالع في عبدالله وسامي ..
زياد:من مسووووي كذا ..
سامي نزل الدرجات :الله يسلمك ..امس مو انت قلت للشباب انك ملكت ..انزييين ..عاد قاموا من اليل سوو لك حفله ..ههههههه ..
عبدالله :انتظروك تجي على بالهم انت برا ..ولا احد جاء..
زياد:حلفوا والله .."صرخ"..سوزي..
سوزي جاته تركض :اهلا يابيه أأدر اخدمك في اييه ...
زياد:من سمح لكم تسوون هالازعاج ..
سوزي :اسفه يابيه بس الاستاذ جوون طلب مني اعمل هييك ...وانا عملتا كرمالك ..
زياد:لموووو هالحووسه بسرعه "على صوته"امي اليوووووووم جايه ..
عبدالله نزل له:زيوووود شفيييك ..
زياد جلس على الكنبه وتنهد:امي يالحلو بتجي هي وزوجها وانا بصراحه مو فاضي لهواشه ..وهذا جونووه انا اوووريه مو اول مرره يسوويها ..
سامي وقف:على العموم انا ماشي تامروني على شئ..
زياد:مايامر عليك عدو بس تو الناس ..
سامي :لاء لازم امشي ..عندي شغل .."طالع عبدالله "تبيني امرك ..
عبدالله:لاء انا لخلصت رحت بتاكسي ..
طلع سامي ..
وعبدالله لف على زياد اللي منزل راسه :زيوووود عاد خلاص ..
زياد طالعه :ايش اللي خلاص ..
عبدالله :بلا زعل يعني اللحيين بتقنعني ماكنت تدري..
زياد:وانا لو ادري سمحت في هالشئ..انت تدري فيني انا ماحب هالشئ..
عبدالله طالعه:الا تعال شفيهم اهلك بيجوون مو احنا بنرجع بعدكم يووم..
زياد طالعه:الله يسلمك عبدالاله تزوج ..وجاي مع مرته ..فلحقوهم ..
عبدالله :اهاه متى تزوج ان شاء الله ..
زياد :قبل اسبووع..
عبدالله :زيوووود مو كانك صرت تخش عني..شلوون تزوج ولا حضرت عرسه مو اخووك ..
زياد طالعه:الا اخووي..بس ترا انا تووي ادري امس ..مثلك ..
وقام وقف:انا بفطر تبي شئ معاي ..
زياد:بالبدايه رووح غسل وجهك بعديين افطرر...



زياد:_
التهميش من اهله هو عنوان حياته ..قبل كم اسبوع مملك..على وحده..وان شاء الله ..بيعرس عليها لرجع ..هادي بطبعه ..لكن لصار اقشر صار اقشر..دائما مع عبدالله ..من هو صغيير..حنطاوي..وجماله يذبح ..دائمامتالق..انسان دفره..ويعشق شئ اسمه ..الدراسه ..هذي اخر سنه له ..له قصه في زواجه راح نعرفها بوقتها..من عممره عقدته كلمه يبه..يبكي احيان لمايسمعها ..لانه لما كان بيقولها ..كان احياناينضرب..

جلس محمد جمبه :ابراهيم ..
ابراهيم طالعه:همم شفييك ..
محمد:شفييك..قوولي صاير شئ..
ابراهيم ابتسم له:لاء لاتحاتي..
محمد:الا صاير شئ انا حاس انت من جاك التلفوون وانت مو على بعضك قولي شصاير..
ابراهيم طالعه :حمووود ..الفلووس راحت..
محمد باستغراب:اي فلوووس..
ابراهيم تنهد:اللي حطينها بالاسهم ..نزلت في الارض السهم اللي 100 صار بريال ..
محمد:طييب ابراهيم تتعووض شفيييك لاتسوووي بنفسك كذا ..
ابراهيم طالعه:شنو لا اسووي بنفسي كذا محمد هذي مو بس فلوسي فلوسك انت وهمس..
محمد:ابراهيم ..حنا طوول عمرنا عايشيين معاك والحمدلله ماقرصرنا شئ انت لاتحاتي..بعديين ..حنا ما حطينى شئ من عندنا كلها من فلووسك انت ..ابراهيم ..خلاص عاد ..
ابرهيم تنهد ورجع راسه عى السرير يفكر ..

سعاد هزتها:شفييييك بسم الله ..طلعتي بشكل ورجعتي لنا بشكل ثاني ..
ريما طالعتها:....
سعاد:شفييييك..
ريما:مافيني شئ..
سعاد:لا بالله فييك شئ..
ريما سرحت هنا ياه من زمان من زمان ماشفتك ياراكان معقوله انت جاي بيتنا ياترى شعندك جاي ..ياترى شعندك ..
صحتها سعاد من سرحانها..
سعاد:ريمووووه..حبيبتي احمد راح صووته وهو ينادييك ..يلاه عن تتاخريين ..
ريما:هاه اتاخر عن شنوو..
سعاد:ههه شفييك انتي مو اليوم بتروحين لعند ريتال يلا خلصينا..

دخل بوفراس البيت وشاف البنات الي يصيحوون خاف انه صاير لهم شئ..
بوفراس:شفييييكم شصاير...
وجدان بسرعه راحت لعنده:عمي ماما امينه ..ماما امينه ..
بوفراس بخووف:شفيها شصاير تكلموا ..
وجدان:طاحت وهي بالمستشفى اللحيين تكفى عمي نبي نرووح لها الله يخلييك ..

عبدالله:زيوود ..
زياد رفع راسه وطالعه:هممم شفييك ..
عبدالله:شنو اللي شفييك انت اللي شفييك ..سؤال بس انت صاير معاك شئ ..
زياد طالعه:لاء ..
عبدالله :اجل شفييك ..
زياد طالعه :عبوود انا افكر مانزل هالاجازه..
عبدالله:لييييه..
زياد تنهد:مدري بس حاس بشئ كابت على صدري ومومرتاح من روحتي بجلس هنا ..
عبدالله :اللي يريحك ..
زياد:ممكن اطلبك طلب ..
عبدالله اللي فهم له :امر تدلل كم عندي زياد انا ...
زياد:اقوول جب بس ..
عبدالله :اللحيين انا جالس اتغزل وادلعك وانت جالس تسب فيني صج ماتنعطى وجهه ..
زياد ضحك:ههههههههه ..معالينا شراييك تقعد هالاسبوع لاترووح ..للسعوديه ..
عبدالله:عايدي مافي مشكله اجلس معاك ..
زياد:الله يخليك لي بس ..

راكان وهو جالس بسيارته وولده باحضانه يفكر بالحاله اللي وصل لها..
دق جواله شافه ابوه ماحب يرد عليه..لانه عارف بيكلمه ليش انه ماجاب ولده للبيت حط جواله صامت ..وشال ولده النايم باحضانه ودخل على البيت ..كان يسمع صوت ضحك ريتال ومعها ريما طبعا..ماهتم لهم ..ومشى بخطوات سريعه ..بيطلع على الدرج صادف امه ..
ام راكان :حبيبي راكان وييين كنت ..
راكان ابتسم لامه وقرب منها :هلا يمه كنت عند عمي بوغانم ..وهذاني جييت ..
ام راكان:حبيب جدووه نايم ..
راكان ابتسم لها :تعبني على مانام ...بس يصييح ويصييح ..
ام راكان :كان جبت هنا عندنا ..
راكان:اجيبه عند منو انتي طالعه يماه..
ام راكان:خواتك هذا هم جالسييين ماعندهم شئ..
راكان :معليه انا بغيييت اخذه معاي ...يلاه يماه عن اذنك ابي ارتاح ..
ام راكان:طب هات نصوري ..وروح انت خله عندي..
راكان اللي عارف ان امه راح تخلي الولد عند خواته ..
راكان:لاء انا بوديه معاي بالمره اغير له لبسه ..
وصعد درجات السلم ..
وام راكان تطالعه..شقد تعذب بهالزواجه ..وهذا اللحيين حتى ولده يجلس عنده اكثر من مايجلس عند امه ...اللي كله راميه الولد على راكان ..
راكان صعد الدرجات وبيده ولده ..دخل جناحه الخاص ..
حط ولده على السرير وحط حوالينه المخاد ..فسخ بلوزته ..وطالع بوجهه بالمريه ..ابتسم على شكله صار نحيييف حيييل بهالفتره اللي راحت ..
اتجهه للاب وفتحه ..
رما حاله جمب ولده..وصار يمسح على راسه ..من غيييير مايحس نام...

فتح الباب وطلع الدكتور شال الكمامه :الحمد لله تستاهلون سلامتها ..
عبدالرحمن بقلق:شفيها؟؟
عثمان:طمننا دكتوووور..
عبدالرحمن :دكتور..
الدكتور:بصراحه اهي فقدت الجنين ..
عبدالرحمن بصرخه:ايش؟؟اي جنين..هاه..
الدكتور طالعه:ياستاذ حنا بمستشفى ..عن الصراخ ..
عثمان:دكتووور انت متاكد..
الدكتور:اي متاكد..اجل لييه نقلتها لغرفه العمليات وسويت لها العمليه هاه..
جلسوا ثنينهم منصدمين..
عثمان:دكتور هي من زمان مسوويه عمليه شالت رحمها ..انت شتقووول دكتور كلامك مايدخل العقل..
الدكتور:انتوا تتكلمون عن مييين ..
عبدالرحمن:امينه منصور ال"..."..
الدكتور:اي ياخوووي انا مسووي عمليه لها واللحيين سريرها بيطلع ..
راح عنهم الدكتووور..
عبدالرحمن طالع عثمان:اختك متزوووووجه شئ ..
عثمان طالعه وبعجز:لاء...
عبدالرحمن:والله ذبحتها على ايدددي والله.........
*ع بد الرحم ن..

خذا كرسي وجلس جمبه ..
مسك ايده وباسها :عمي ذعار ..يلاه قووم انا مالي بالدنيا غييرك انت ..قوووم ياعمي انا محتاجلك ...محتاجلك ..كفايه ابووي راح وخلاني ..كفايه علي ياعمي ..تكفى اصحى ..تكفى اصحى ..تتكفى اصحى..
اسند راسه على السرير وبكاء بمراره..
نواف:_
شاب عمره 22 سنه ..ملامحه هاديه جدا..قبل شهريين توفى ابووه بالمرض الخبيث..والمصادفه ان ابووه يوم توفى ماقال له انه مو ولده الحقيقي..واكتشف هالشئ من اخوان ابووه..ذعار هو الوحييد اللي كان يحبه ..لكنه طاح بغيبوبه ..في يوم وفاه ابووه..بالضبط من كلام قاله له ابووه..

كان جالس رايح جاي ياربي شفيها ماتصلت ..هي قالت باتصل ..ولابجيك ..اففف هذا وقتك..
رفع جواله واتصل عليها للمره الي مايدري ..كم ..ونفس الشئ ماجاه الرد من احد..سوا اتصاله الاخيير على امل يلقى بصيص من الامل اتصل على بنته ..
جمال :الو باباه سميه ..
سميه اللي كانت تصييح:هلا باباه ..
جمال :بابا حبيبتي شفيييك شصاير..
سميه:بابا ماما مينه ..
جمال طاح قلبه في بطنه :شفيها..شفيها..
سميه:طاحت علينا ..خالي عبدالرحمن يبي يذبحها يبه..
جمال:انتووو وين اللحيين ..
سميه:حنا بمستشفى ال.."..."

رد: تدرون وش أصدق من الدمعة على خد اليتيم للكاتبه صرخة وفا

رواية روعة
ننتظر التكملة
يعطيك العافيه وربي يسعدك...