رد: روايه فرسان على جمرالغضى..للكاتبه وديمه العطاء

ول ما قام فهاد التفت للمها وشاف انها نايمه وهي تحضن طرف اللحاف تذكر ان النوم ما جاه الا بالساعهات الاخيره كان حاس بيها وهي كل شوي تجلس وتناظر اطراف الخيمه

تتوكد ان ماجا شي وكان يموووت يوم ايحس انه تقرب منه وتحضن ايده بالكامل بدال كفه

مير انه مسك حاله وتجاهلها لجل ما يصير شي يندم عليه

فهاد وابتسامه تلوح بشفايفه"هالحييين نايمه يالمها من بعد ما طلع الضو

رفع فهاد صدره وحيله متكي على ايدينه وهو يقرب منها وينفخ خصلات شعرها الي متناثر على وجهها ظل ايناظرها من قرب اكثر ووده لو شفايفه تلامس خدها

فهاد"يا جهد البلا وش الي قاعد يصيرلي

نط فهاد بسرعه وهو يطرد كل الي يتمناه واخذ سلاحه وحزامه وطلع بالسرعه للمجلس

.صحيت المها وماشافت فهاد جنبها اكيد ماحست به وهي طووول الليل صاحيه وخايفه


قماد كان يمشي يحوش الحلال وتلاقى مع الشيخ طايل الي نادا علييه

الشيخ طايل:انت يا ولد ترعى الحلال ذا

قماد:ايييه يا عمي

طايل:خويك عتيبه وين راح؟

قماد:طلع مع الشيخ فهاد من طلعة الضو وهو جاي وكاد هالحيين

الشيخ طايل وهو يحك لحيته ومحتار:ايييه ...اسمع يا ولد اترك الحلال اهنيا ورح مع بنيتي من الجهه ذي هي ودها تتدرب على ركوب الفرس ودي اياك تكون رفيق الها

قماد وحس بقليبه فز لاكنه تذكر ان عتيبه وكاد راح يانبه لو راح:بس انا ياعمي الشيييخ رجال اخاف ومقدر ابعد عن الديره اخاف يجينا حد من قطاعين الطرق

الشيخ طايل:مابه قطاعين طرق اهنيا انت بس رح وخلك متواجد قريب منها ما ودي اياك تسوي شي

قماد:وو والحلال يا عمي

الشيخ طايل:الحلال ماعليه شر بالمرعى وانت تقول ان عتيبه بيعاود هالحيين

هي بس ساعه يا ولد وبعدها عاودو

قماد:الي تشوفه يا عمي

راح الشيخ طايل ونادى على بنيته شووق الي قربت منهم وهي على ظهر الفرس ولان شوق وحيدة ابوها كان مدلعها حيييل وكل الي تبيه يتنفذ

شووق:يبه انت كل يوم ودك تخليني اطلع مع واحد من الرعيان

طايل:يا بنيتي الرعيان ماعندهم وقت وكل اوقاتهم مشغولين والي احصله فاضي اطلعج معه

ابتسمت شوووق وهي تشوف قماد الواقف بثوبه القصير ومتلثم

شووق:يبه تدري اني من زمان كان ودي اشوف وشلون هي النخله مير هالحييين الرويعي ذا وفا عن شوووفها ههههه

الشيخ طايل:يا بنيتي وش الهرج ذا؟

شوق وهي تدور بالفرس حولين قماد وهي تضحك: وش بك يبا تراه الا رويييعي خلنا نوسع صدورنا عليييه انت ماتشوووف شكله اقووول يا نخله الحقيييني ههههههه

ركضت الفرس بشوووق وناظر قماد الشيخ الي كان مبتسم وهو يناظرها تروووح

طايل:الحقها يا ولد

قماد وهو يلحقها"رويييعي ونخله هذا والله شين جديد مير بعدج ماعرفتي قماد يا بنت الشيييخ"

ركض قماد وراها وكان ركيضه عجييب قدر انه يلحقها بالسرعه وقفت شوووق ودارت بالفرس حوليه

شوق:وكل ذا يطلع من رجيلاتك وش السرعه ذي الي تركض بيها

قماد:ا ا انتي امانه يا عمتي ولزوووم الامانه ما تغيييب عن عيييني

شوق وهي تضحك بصوت عالي:ايييه ما دريييت اني مرافقه زرافه ...زرافه ولا نخله هههه الحقيييني الحقيييني يالزرافه

لحق قماد شوووق وصار يركض قريب منها وهي كل ما التفتت وراها شافت انه مهب بعيد عنها حاولت تسرع اكثر وتتركه

وقفت الفرس والتفتت له وكانت متضايقه انه ملازمها وما فارق عنها

شوق:اسمع انت ما ودك توقف من لحاقي اتركني لحالي

قماد:للا يا عمتي ما اتركج لحالج انتي امانه من عمي الشيخ

شوق:ايييه وش هالبليه..اسمعني زييين رح واجلس فوق التل ذا وانا ودي العب بالفرس شوي

قماد من اول ماشافها انهبل عليها وعلى ضحكتها ...هز راسه بلا

قماد:مقدر يا عمه لزوووم اكون معج

شوق انقهرت منه:ايييه انا ودي العب بالفرس خلك بعيييد عني

قماد:العبي يا عمه وانسي اني اهنيا

شوق:تراك مهبووول وماتفهم لحجيي انقلع اقعد فوق التل

قماد يهز راسه بلا:للا

شوق وهي تركض بلفرس:الله يوخذك

كانت تناظر على جنب وهيه معصبه حدها منه وهو يلحقها بكل مكان

وقفت الفرس الي رفعت حوافرها لفوق والتفتت له صرخت عليه

شوق:اسمعني زييين تراك اتعبتني والله ان ما تركتني لحالي اني اشكيك عند الشييخ تفهم

قماد :ايييه يا عمه انا خايف علييج ما ودي الفرس تاذيييج

شوق:وانت وش تقدر اتسوي؟؟هبيييل انقلع من قدامي

تركها قماد وراح عنها مسافه صغيره وجلس يناظرها

ابتسمت شوق :هالحييين ودك تشوف وش انا اقدر اسوي

فكت الشال الي على راسها ورمته لبعيد قماد انهبل ازود من زينها الي فتنه حييل

قامت شوق وحاولت انها توقف على ظهر الفرس لجل تخلي الفرس تمشي بها وهي واقفه قماد انجن من الي تسويه ووقف بسرعه وتداركها قبل لا توقع وطاحت بحضنه على الارض انقرفت شوق منه ومن ريحته الي كانت بسبب المرعى

اعتدلت شوق بسرعه وكانت معها جربة مي صغيره معلقه على طرف واحد من اكتافها نزلتها وبدت تضربه بيها

حط قماد ايديه حاجز من ظربها وهي تضربه وتسبه

شوق بقهر:كله منك انت..انت الي خوفت الفرس وش الي يخليييك تنط قدامها هاه

قماد وهو يحاول يتفادى الضرب:يا عمه ياعمه هونج بي انا والله مقصدي انج ما توقعي

شوق:انت هبييل هبيييل ماتفهم والله اني اشتكييك عند الشيخ ابوي

قامت من بعد ما فكت حرتها بيه بالضرب ومشت للفرس

قماد كان نفسه يضحك بصوت عالي مير انه كتم ضحكته وهو مبتسم من تحت لثامه

ولانه كان قريب من الفرس وجالس على الارض اول ما شافها جت تركب الفرس ظرب برجله رجل الفرس الي رفعت حوافرها لفوق ورجعت شوق وطاحت مرتن ثانيه بحضنه وهو كان يريد ذا

ثارت عليه ازود وجلست وهي تضربه ازود بالجربه

شوق:الله يوخذك الله يوخذك

قماد ما زال يحاول يصد الضرب الي يجيه:يا عمه هونج علي انا ما سويييت شي

شوق:انقلع انقلع من قدامي الفرس ما ودها فييك

قماد ولازال حاطط ايديه متفادي اي ضربه منها:زيين زييين يا عمه

قامت شوق وهي مقهوره منه وظلت تناظره بغيظ

قماد سحب حاله وهو يزحف على ورا

قماد"يا ويلي ويلاه وش هالبنيه والله انها ناويه تهبلبي اجل انا قماد تضربني بنيه ...ماعليه اضربيني وسوي بي الي ودج اياه

راضي يا بنت الشيخ

ركبت شوق الفرس وركضت بيها لبعييييد وقماد صار يلحقها حاولت انها تهلكه مير هي تعبت وهو بعده ماتعب

رجعت بالفرس وعاودت للديره وهو يركض وراها وقبل لا يوصلو الديره بمسافه وقفت شوق والتفتت له وهي مقهوره منه حييييل

شوق:شالي .....شفت شالي وييين

وقف قماد يلهث من التعب وهو متساند على ركبه بيديه:للا للا يا عمه

شوق:وشلووون وشلووون هالحييين ادخل الديره من غير شالي اسمعني زييين تعرف المكان الي وقعت فييه

قماد:ايييه

شوق:اجل عاود اهناك وهات الشال

قماد:ماقدر مقدر يا عمه انهد حيييلي

نزلت شوق من الفرس:خذ الفرس ورح جب الشال

قماد:ييييه يا عمه وانا وش يعرفني بركوب الفرس

شوق بغيض تحاول تكتمه:اسمعني زييين هالحييين تركب الفرس وتروووح تجيييب الشال

قماد:يا عمه

شوق وهي تضربه بنبته اقتلعتها من الارض:اركب الفرس اركب

قماد:ايييه زين زيين هالحييين اركبه مييير يا عمه وشلووون يركبووونه

شوق:اهنيا اهنيا حط رجولك وخذ ثقلك لفوق

قماد وهو متوهق كيف وده يركب الفرس..حط الرجل الثانيه وارتفع وركب الفرس بالعكس تحركت الفرس وانبطح عليها وهو متشبث فيها ورجوله واصله لرقبة الفرس

قماد بصراخ:يا ويلي ويلاه ياعمه ويييينج وش الي يصيرلي

شوق ما قدرت تمسك حالها من الضحك وصارت تنط على الارض وهي تضحك بصوت عالي والفرس رايحه به للمكان الي كانو بيه كان قماد يناظرها لانه جالس بلمقلوب ومبتسم

قماد"يالبي هالضحكه ...وش علييج اضحكي

من كثر ما ضحكت على شكله جلست على الارض

وصل قماد للمكان الي بيه الشال وخذ الشال وعاود وهو معتدل بالجلسه الا انه منبطح على الفرس ومتمسك بشعرها

اول ما وصل عندها رمى حاله على الارض وقعد يتوجع

شوق:والله انك مهبووول

خذت الشال واخذت تلفه على راسها بعدها ركبت الفرس وراحت تاركتنه وراها سند قماد راسه على ايده وهو يناظرها تبتعد للديره

قماد:يا ويلي ويلاه والله انها دلوووع ويحق لها الدلع مير اصبري على وانا اورجيج الدلع وشلووون


...................................

في ديرة الشيخ حماد كانت العمه مع البدور تمشي رايحه ابها للغدير

البدور:يا عمه كافي كافي والله اني ماقوء

العمه:يا بنيتي حنا ما مشينا غير اشوي وشلوون تتعبي

البدور:يا عمه ماقوء احس بجسمي يرتجف ماقوء على السيير

العمه:هذا كله من جلوووسج بالبيت لزووم كل يوووم تمشي وتطلقي رجيلاتج

البدور وهي تناظر حريم الديره باحراج:يا عمه الحريم يناظرن بي

العمه:ما عليج انتي مرة الشييخ وما علييج من حد

البدور:للا يا عمه ماقوء على السير وما ودي اياهن يناظرن بي جذا ...وكاد هالحيين يناظرن بوزني وشكلي

العمه:يا بنيتي الحريم كلهن يحبلن وش الي يخلفج عنهن

البدور:نرجع يا عمه نرجع ارجاج

العمه:الي تشوفيه يا بنيتي الي تشوفيه

..........................


دخل فهاد على المها الي قفزت من الخوف على دخوله

فهاد:بعدج خايفه؟

المها ونظرها لتحت:انت فاجئتني يا شييخ

فهاد:تعالي

قعد فهاد وجت المها وجلست قريب منه

فهاد:انتي تعرفين للسلاح يا المها

المها:وشلووون يعني

فهاد:تعرفي وشلون تستخدميه

هزت المها راسها بلا

فهاد:ولا للخنجر

المها:لا ماعمري استخدمت سلاح

فهاد:وشلوون ابوج واخووج ما علمووج على السلاح لو ما قدرت الحق علييج البارح وش تتوقعي يصير بج

ارتجفت وهي تذكر الذيب

فهاد ومن بعد ما حس انه رجفت لطاري الذيب وطى صوته معها:لزووم يا المها تتعلمي تمسكي السلاح

هزت راسها:ما اقدر اخاف

فهاد:يوم تتعلمي لزوم ان الخوووف يروح

المها ظلت تناظر لتحتوهي تفكر بحجيه

فهاد:باقي لي يومين ثلاثه واروووح لجل اخذ بثار اخووج

وقف

فهاد:بالعصير ودي اخذج ونطلع للبريه بعيد عن الديره واعلمج كيف تمسكي السلاح وتستعمليه

رفعت نظرها له متفاجئه

المها:الذيب وده يعاود مرة ثانيه؟

ابتسم فهاد:لزوووم يا المها تتعلمي والدنيا مهب بس فيها ذياب

المها:مقوا على مسك السلاح....ارجاك لا توجع راسك بي

فهاد:العصير خليج جاهزه

وقفت المها:ودك ترووح؟

التفت ليها:تريدين شي؟

المها:ا ا انت مترييد قهوه

تردد فهاد انه يجلس مير رجع والتفت وجلس:هاتي اقهوتج

ابتسمت المها وراحت للضو وين لقهوه وجابت الدله جلست اقباله وبعدها متبسمه فهاد حاول يصد بنظره من بعد ما هبلت فيه بسمتها

المها:لقهوه يا شيييخ

ناظرها ورجع يناظر لمكان ثاني واخذ الفنجال كان يدري انها تناظره وهو يشرب لقهوه

كانت اتشوف عيونه الي تلمحها اشوي وتصرف نظرها لمكان ثاني ..ما وده يناظرني

المها:ازيييدك يا شيييخ

انتبه فهاد انه شرب فنجاله وما اعطاها اياه وهو سارح

قام بسرعه وهو يذكر حاله بالي بينهم :ودي اروووح لمجلس ابوووي لا تنسي تكوني جاهزه

تركها وراح وهي تناظره لين ما غاب



...........................................


غيث:يا عتيبه لزووم نغزي الديره باكر ولا وراه

عتيبه:ما عليه بالاول نشوف احوال الشيخ فهاد لجل نقدر نطلع.....وبنية الشيخ طايل بعد ودها من يطلع معها كل يوووم

قماد:انا ما ودي اطلع معها من بعد اليوووم هلكتني ومعاد بي حييييل

ابتسم عتيبه:اييييه انت تحجي جذا

قماد:ايييه وانا وش انا عندها راعي مغير رح اهنيا ورح اهنيا انا ما ودي اطلع معها نوبتن ثانيه

عتيبه:لا ودك تطلع معها ومحدن راح يطلع معها الا انت

قماد:يا خوووي اليوم مسكت حالي مير نوبتن ثانيه مقدر

عتيبه:والله انه يكون اخر يوووم بحياتك ان فكرت تسوي الي تريده

قماد:ما ودي اطلع معها

عتيبه:باكر نشوف من الي يطلع معها

.................................................. ....


وقف فهاد فرسين قدام بيت الشعر ونادى على المها الي طلعت وتفاجئت بالفرس

فهاد:جاهزه

المها:ودك اياني اركب الفرس؟

فهاد:ليييه وش بيها

المها:انا يا شيخ مقد ركبت الفرس وانا اخاف منها

التفت الها متفاجئ:وش اتقولي مقد ركبتي الفرس لييييه يا المها وشلووون كنتي عايشه ذي امووور لابد منها

المها:يا شييخ انا كل كائن حي اخاف منه ويوووم كنت بالهودج كنت ارتعد من الخووف

تقرب منها فهاد لين صار واقف قدامها وهو يناظر بعيونها

فهاد:وش الهرج ذا....لزوووم تكوني فارسه وتمسكي السلاح الدنيا دواره

نزلت نظرها تحت مستحيه من قربه وكيف كان يناظرها

فهاد:وشلووون ودي ارووح وانتي ماتعرفي لركوب الفرس ولا السلاح

المها:انت....انت ليييه عاصب راسك بي يا شيييخ

فهاد:مهب مرتي؟

المها:اييه مير... انت.... قلت ....انه ودك ترحلني

فهاد:ايييه حنا اتفقنا على هالشي وانتي الي حديتيني عليه مير ما ودي تكوني جاهله بامر السلاح

التفت عنها وهو متوتر

فهاد:اسمعي ....

صعد على الفرس ومد ايده لها

فهاد:تعالي

هزت راسها بلا

فهاد:هاتي ايدج ...اليوم اعلمج على السلاح وباكر على الفرس هاتي ايدج

ترددت بالبدايه وبعدها مدت ايدها وجرها لفوق لجل تجلس قدامه ورجولها على جنب تشبثت فيه بالحيييل لين ما طوقته بيديها وراسها بحضنه

ابتسم فهاد ومشاعر دوخته صارت تعصف بيه وهو ينطلق بالفرس لوجهته


!! !!

رد: روايه فرسان على جمرالغضى..للكاتبه وديمه العطاء

الجزء الخامس



بعيد عن الديره وصل فهاد ومعه المها الي كانت دافنه راسها بحضنه وهي ترجف

اول ما وصل بعد راسها عنه واخذ يناظرها بابتسامه وهو ماسك وجهها

فهاد وصوته متغير من قربها:وشلون اقدر اعلمج على السلاح وانتي ترجفي من خوفج من الفرس... انتي وش انتي يا المها.. الي يشوفج اول ما جيتي على الهودج وتطلبي الي طلبتيه ما يقول انج انتي الي جالسه قدامي ترجف

المها:قليبي محروووق على اخووووي وابوووي مات من حرقة قلبه عليييه...النار بعدها قايده بصدري يا فهاد

فهاد:عهدا علي اني اخذ بثارج وبقلبه قال ليت انج تكلمتي معي بس

ناظرت المها فهاد وظلت عيونهم متشابكه لين ماتحركت الفرس ومسكت بيه بقو

نزل من على الفرس ونزلها معه

مشى لبعيد عنها يحاول يسيطر على مشاعره ووقف عود من الحطب ورجع لعندها

فهاد:تعالي

قربت منه

فهاد:اجلسي اهنيا

جلست المها وهي تناظره وهي متدري وش اتسوي

فهاد:امسكي الباروده ذي

المها:ارجاك اتهقا اني راح اقدر والخوف يدب بصدري

زجرها:امسكي

مسكت المها الباروده وكانت تحس بيها ثقيله

فهاد:ترا دلع البنات ماودي بيه ودج الييوم تتعلمي زيين

هزت له راسها بالسمع والطاعه ووقف ومسك بارودته وصوبها للعود

فهاد:وهالحيين امسكيها مثل ماتشوفي

حاولت المها بالبدايه وكان الامر صعب عليها:ارجاك يا فهاد

فهاد:تعالي واجلسي اهنيا

ومن بعد ما جلست قرب منها وحاوطها بيديه ومسكها الباروده وهو يورجيها اشلون تصوب الباروده

المها برجفه:يا فهاد مقدر مقوا

فهاد:الامر بسيط اضغطي على الزناد

كان هو بعد يحاول ما يبين توتره من وجودها بقربه

صارت ترجف وهو محتويها لين ما ضغطت والطلقه راحت لفوق تركت الباروده والتفتت متخبيه بحضنه هو ما قدر غير انه يضحك بصوت عالي

فهاد:ليييه هذي بدايتها صار جذا الله يعييين على تاليها

المها:ما ودي ما ودي

فهاد:ناظريني الامر بسيط والله انه بسيط...اتركي عنج الخوف

ظل فهاد يحاول يعلمها بالاول حصل صعوووبه معها لين ما قدرت اخيرا تمسكها وتصوب لحالها مير انها ما كانت تصوب على الهدف زييين

فهاد كان الوقت الي مضاه معها من اجمل الاوقات الي مرت فيه حس بسعاده غييير ولذه حلوه بتعليمها... كل شي بيها ابهره رجيفها كلامها مسكاتها ليديه حتى خوفها ونظرة عيونها وده يحس ان مابينهم حواجز مير كل ما تذكر الي لزوووم يصير بينهم يبعد حاله عنها

................................

عتيبه جاب رعيان يكونو بدالهم لجل يقدر هو وغيث وقماد يطلعو ومحد يدري بيهم وترخص من الشيخ طايل انهم باكر ما يقدرو يطلعو مع ابنيته

قبل طلعة الضو راحو لوجهتهم ديرة السدر وقبل لا يوصلوها ابعثو رجال يقول لهم ان عيال العطاوي اليوم ناوييين يغزونهم

طاري عيال العطاوي يكفي لجل يبعث الرعب والخوف في القبيله لجل تسهل المهمه لهم لان كثير من القبايل اول ما يوصل الخبر لهم الشيخ وبعض جماعته يهربو تاركين القبيله وهم متاكدين انهم ما ياذون الشيوخ والحريم

على الضحى صار الهجوووم وكانت المعركه بسيطه رجال قلايل الي واجهوهم حوشو النسوان والصغار لمكان وحطو عليهم حاجز جمعو الي يريدونه من الحلال

قوت كانت من الي حجزوهم بالحاجز وكانت مقهوره حيييل من الشيخ وربعه الي فرو من الديره

دخل غيث للحاجز وصار يكشف عن كل وحده متلثمه ويناظر بعيونها

غيث بنبره جاده:هاتي ذهباتج

الحرمه:ما عندي ذهبات

التفت لعتيبه الي واقف من ورا الحجز

غيث:وذي بعد تقول ما عنده ذهبات

عتيبه ارتاب بالامر:الي ما ودها تقول عن مكان الذهبات نقطع من اذونها شوي

بدت الحريم تصارخ وكلا يحلف ويقول انهن انهبن

غيث وهو يرفع سلاحه عليهن:انكتمن ولا ترا بالباروده ذي تنكتمن

وحده من الحريم:حنا ما عندنا ذهبات الديره كل يووم بيها حد يسرق الذهبات ماندري والله من الي يسرقها

كانت قوت جالسه بين الحريم وساكته ما ودها تكون بالصوره

عتيبه:اييييه وحنا بهايم نصدق الحجي ذا....اقول يا لييث خرج لي النسوان وحده وحده والي ما ودها تقول الذهووب وين اقص الها اذونها

غيث بقسوه:انتي اطلعي لبرا

الحرمه:والله انه ما عندي شي والله ان ذهباتي انسرقت

غيث:امشي يا حرمه

عتيبه:هات السكين يا ليث

مد ليث بالسكين لعتيبه

طلعت الحرمه واخذها عتيبه لمكان بعيد وما انسمع منها الا صرخه

كل الحريم الباقيه رجفت من الخوف وصارن يبكن ويقسمن بالي صار لهن

رجع عتيبه وهو يمسح الدم الي بيده

عتيبه:هاه وين الحرمه الثانيه

المكان على بيه العويل والبكاء

وناظر غيث عتيبه وهز له راسه

قوت وهي تمسك بالحاجز وتنادي بيا جده

قرب منها عتيبه:وش بج يا حرمه

قوت وهي تمثل انها عميا:اريييد جدتي جدتي وييين ...وش الي يصير

ظل عتيبه يناظرها:انتي ماتشوووفي عميا

قوت:جدتي وييين اتركني اروح اشوووف جدتي

عتيبه باستغراب:تشوفيها !!!؟

قوت:اريييد جدتي اتركني ارجاك جدتي كبيره ووكاد انها طاحت بمكان

عتيبه:ما شفتيها مع النسوان

قوت:للا ماهي موجوده انا ما خليييت حرمه وما لقيتها ارجاك تتركني ارووح اشوفها

فتح عتيبه الها الحاجز

عتيبه:تعالي من اهنيا

غيث:ليه تتركها تطلع

عتيبه:عميا ما منها خوووف

غيث:ووين ودك تتركها تروح الديره ما بها حد

ظل عتيبه يناظرها وهي تروح وتتخبط بمشيها

عتيبه:ما عليها خلها تشوف سبيلها

من بعيد ظل عتيبه يناظر قوت وهي تمشي وتدووور بالقبيله متخبطه ومتعثره بمشيتها

شافها وهي تتعثر بحجر كانت مربوطه فيه فرس وانفك رباط الفرس بدا يمشي وراها من بعيد لبعيد وده يعرف وش ناويه عليه

الفرس خذت طريق وقوت خذت طريق ثاني لخيمتها متامله من بعد ما تنهي مهمتها انها تركب الفرس وتهرب

شافها وهي رايحه للخيمه وبدون ما تشعر لحقها وظل يناظرها من فتحة الخيمه شاف الي وده يشوفه ورجع وهو ينادي تركت الذهبات مكانها وطلعت

اول ما طلعت

عتيبه:هاه لقيتي جدتج

قوت وهي تبكي:ما لقيتها مالقيتها ارجاك تدورلي عليها وييين ودي هالحييين القاها

عتيبه:اسمعي زيين انتي تعرفي تمشي بالقبيله لحالج

قوت:ايييه

قرب منها ولفها لمكان معين

عتيبه:سيري بالدرب ذا وكاد انها هي العجوز الي لمحتها من قبل اشوي

قوت بريبه:انت شفتها

عتيبه:ايييه كثير من العجايز حنا ما قدرنا عليهن وكاد انها وحده منهن

مشت قوت وظلت تمشي بينما ابتسم عتيبه وهو يدخل ويكشف عن المكان الي شافها تكشف عنه وطلع الذهبات

عتيبه:ملعوونه تقول انها عميا وودها تاخذ الذهبات وتهج وكاد ان حريم القبيله مامنه ذهباتها عندها

طلع عتيبه ورجع للمكان الي بيه قماد وغيث واشار لهم ان كل شي منتهي

الحرمه رجعت للحجز وماكانت اذنها مقصوصه مثل ما وهم عتيبه الحريم الباقيه انه قص اذنها تطمنت الحريم

قوت رجعت للخيمه وما حصلت ذهباتها وماتت من القهر عاودت للمكان الي فيه الحريم محجوزه وكانت تمشي وهي تشوف قدامها

عتيبه وهو يرفع لها حواجبه:اجل عاودتي وانتي تشوفي

ناظرته بنظره وكملت طريقها لجنب الحجز

ركب غيث وعتيبه كل واحد فرسه ونادو على قماد الي قرب منهم وهو مجلس بنتين وراه

عتيبه:قماد!!!!

قماد:عهدا على ما نزل وحده منهن والي ودكم تساونه ساووه البنيات راضيات ومن حالهن جن

انطلق حينها بفرسه مبتعد عنهم

حرك غيث وراه الا ان عتيبه اعترضت طريقه قوت

عتيبه:وش اتريدي

قوت:ليه خويك اخذ البنيات؟

عتيبه:حلاله

مسكت بلجام الفرس:ايييه اجل خذني معك انا بعد

التفت لها عتيبه:وش اتقولي انتي انجنيتي؟

قوت:وش ودك اياني اسوي اهنيا انا مالي حد بالديره ذي ودي اروووح معك ارجاك

عتيبه:اسمعي يا حرمه اتركي لجام الفرس وانقلعي من قدامي

قوت:ارجاك ارجاك ودي اروووح معك انا سبيه حالي حال غيري ارجاك

عتيبه:وش هالنشبه ...قومي من طريقي اقووول

قوت باصرار وترجي:ليييه ما ودك تاخذني هذا هو خويك اخذ ثنتين

عتيبه:هذا مهبول وانا لاحقه لجل يترك لبنيات يعاودن وش الديره ذي

قوت:انتو نهبتو كل حلالنا ورجالنا هجو من الديره حنا وشلووون ودكم ايانا نعيييش من بعد الحلال والرجال

عتيبه:ابعدي ابعدي وانقلعي من طريقي

قوت:ارجاك ارجاك والله اني اكون تحت رجيلك وانفعك بكل الي تريده كل حاجه تريدها اسويها ودك اياني اطبخ اكنس ارعالك الحلال اي حاجه انا مستعده اسويها

عتيبه:يا جهد البلا اتركي لجام الفرس وعاودي ما ودي اياج

ظلت قوت تلحقه وهو يحوش الحلال الي اخذه وماتركته وهي تعيد وتزيد انها لزوم تروح معه

طلعو لمكان بعيد من الديره وهي تترجى وتطلب منه ياخذها معه

عتيبه صرخ عليها:والله انج نشبه انقلعي اقووول

قوت:ارجاك خذني معك

عتيبه نزل من فرسه ومسكها من كتفها وهو يهزها:وش اتريدي هاه وش اتريدي تروحي مع الرجال اسمعيني زييين...والله ان لحقتيني انك تشوفي شي ماتمنيه تفهمي

تركها بعد ما رماها على الارض وركض لفرسه وركبها وانصاب انها واقفه قدامه وماسكه بلجام الفرس مره ثانيه

عتيبه:انتي ناويه تجننيني يا حرمه انقلعي اقووول

قوت :للا ودي تاخذني معك ارجاك

ناظر عتيبه لبعيد وهو منتشب معها وماقد نشب به حد بحياته مثل ما انشبت هي

سحب بارودته من ورا ظهره وصوبها عليها

عتيبه:تدرين ان الحجي معك ضايع انقلعي اقووول قبل لا اصوبك بالباروده

قوت:للا خذني معك او اقتلني ما ودي شي من الدنيا

عتيبه:يا ويلي ويلاه

حرك فرسه من بعد ما ابعدها من طريقه وابتعد عنها وهي تلحقه وتترجاه حاول انه يتجاهلها ويكمل تحويشه للحلال وقال انها وكاد تتعب من المشي وراه

كانت قوت تلحقه وهي تحوش الحلال معه اتورجيه انها اتساعده

عتيبه:اتركي الحلال وارجعي للديره

ما سمعت وش يريد وصارت تلحق الي يهرب من الحلال وترجعه

حط ايده على راسه منتشب بيها:وش اسوي هالحييين هذي نشبه مقد انتشبت بحد مثلها

..........................

فوق بالجبل قماد :اقطع ذالوجييييه عووووووذه

نط قماد وهو مستعد يهرب بينما البنتين كل وحده مسكته من جنب

قماد:الله يقطع وجيييهكن اتركيييني اتركيييني انتي وهي

البنتين كانن جميلات مير يوم تبسمت كل وحده منهن انكشفت له اسنانهن السودا والي كان عددهن قليل تغيرت ملامح وجيههن بابتسامتهن

اخيرا قدر قماد يهرب وينزل من فوق الجبل وهو يركض على رجوله كانه شايف الموووت بعينه

وقف عتيبه يناظره ومستصيييب وش فييه

قماد وهو يركض لوحده من الخيوول:تووووبه توووبه يا خووووي معادني بعايدها عووووذه عوووووذه

عتيبه:وش بك يا رجال

قماد وهو يقفز على الفرس:الجن يا خوووي الجن شفتها بام عييييوووني

وانطلق قماد وعتيبه مهب فاهمن شي:هذا وش به

قربت منه قوت وناظرها وهو مستغرب ويتسال بنفسه"تكون البنت ذي بعد من الجن هو امرها والله يخلي الواحد يرتاب بيها

عتيبه:اسمعيييني زيييين

قربت منه وهي مبتسمه:وش تريد؟

عتيبه:هو خويي وش جاه من لبنيات

ابتسمت قوت اكثر:البنيات ذيلا مهبولات ووكاد خويك دري بيهن

عتيبه:اييييه وكاد

قوت:ايييه

عتيبه:وانتي ما ودج تتركيني وتعاودي للديره

قوت:اعاود وش اسوي....تراني يتيمه ومالي حدن ارجع ليه ...ارجاك يا النشمي خذني معك وانا اكون لك عووون بكل شي تريده

عتيبه:انتي حرمه وحنا رجال وش الهرج الي تقوليه

قوت:انتو عيال العطاوي حنا سمعنا عنكم كثير ...ونعرف انكم مهب من الي نفوسهم شينه

عتيبه:ليه ما شفتي خويي وش كان وده يساوي بالبنيات

قوت:انت مهب مثل خويك ...وانا متطمنه على حالي معك ويرخصلك الحال يا فارس الفرسان انا سبيتك وكلي فدن لك

عتيبه اخذ يدور بالفرس حوليها:انتي انجنيتي ووكاد ان براسج موال

قوت:ارجاك تاخذني معك

عتيبه:اخذك لوين؟

قوت:لاي مكان ودك تروووح له

قرب غيث منهم:وش بك يا عتاب

عتيبه:المره ذي ما ودها تتركنا لحالنا

نزل غيث بارودته وصوبها ناحيتها:بعد عنها وانا اخوووك ما ودها تفهم الا بالباروده

قوت ظلت واقفه وما تحرك فيها شي ومتحديه الباروده المصوبه ناحيتها

غيث انقهر منها واطلق طلقه بين رجولها على الارض انتفضت قوت من الي سواه ونزل عتيبه بسرعه من الفرس وهو يصرخ على غيث

عتيبه وهو يركض لها لانها جلست على الارض:وش سويت يا ليييث

غيث:اتركها وخلنا نمشي

قرب منها عتيبه وعيونه تدور ان صابها شي كانت ترتعد من الخوف

قوت:الله ياخذه وياخذ روووحه ليييه يسوي فيني كذا

عتيبه:صابك شي؟

قوت:للا مير صب قليبي....اقووول ما ودك تاخذني معك

وقف عتيبه من بعد ماتطمن والتفت لجل يركب فرسه

عتيبه:عاودي للديره

ركب فرسه وانطلق لاحق بغيث

وقفت قوت وهي مقهوره منهم ولحقتهم تركض ورا الحلال الي كانو يحوشونه

غمض عتيبه عيونه ونفث الهوا الي بصدره اول ما شافها انا اشهد انها بليه

رجع الها غيث واخذ يطلق النار حوليها يرهبها لجل اتعاود لاكن مافي فايده ظلت تلحقهم لين ما يائسو يسوو شي لجل اتعاود وكانت فارضه حالها وهي تساعدهم بتحويش الحلال معهم وتمنعه انه يهرب

وبعد مسافه كبيره جلسو يتريحون جنب واحد من الغدران يسقون الخيل والحلال جلست قوت في مكان بعيد عنهم وهي تناظرهم

قرب قماد من عتيبه:يا خوووي وش هالبنيه الي تلحق الحلال

عتيبه:ما ودك بيها؟

قماد:معاذ الله توووبه من القبيله ذي ...وش يدريني ما تكووون ذي ام الجن لللا للا يا خوووي

والله لو يكووون مابها عذروووب انها تحرم على انا ما هقيييت اني قدرت انجي بروووحي

ضحك عتيبه بصوت عالي وهو يشوف قماد يتحجى وهو مرعوووب

عتيبه:اها يا خوووي اجل انت شفت شي ماقد شفته بحياتك

قماد:انا اشهد يا خوووي محلاهن وهن يناظرني والزين يقطر منهن ..واول ما تبسمت الا وذيج الخفسه الي انقلبت لي عووووذه وتجيييك الثانيه من فوووقها مابها الاسن واحد يناظرني...شيييينه عوذبالله

عتيبه:ههههههههه اجل جذا السالفه ...بس ذي يا خوووي مزيووونه

قماد:للا للا......من القبيله ذي مالي حاجه

عتيبه:هذا شي زييين وان شالله انك تترك الطريق ذا

قماد:انا لزومن اروح عند شيييخ لجل يقرا على من الايات ويحصني من الجن يا خوووي انا الي شفته جن مهب انس يا دافع البلا وتقولي رح لذي الي جايه برجليها ورانا

ترا انا اقطع ايديني انها وحده منهم ايييه يا خوووي لزومن انها مخبيه شي ترا بعمري ما شفت انسيه تلحق الحلال وصاحيه مابها شي يا خوووي الخيل هلكت من الركيض وهي ابد ما تقول صابها شي

قرب غيث منهم وهو نظره عند قوت:تهقا يا عتيبه حجي قماد صحيح

وقف عتيبه وهو يناظر ناحيتها:والله مدري يا غيث ...وش ودكم نساوي لجل نعرف وش سالفتها

غيث:خلنا ندز قماد يحاول يتحرش بيها ونشوف وش ودها تساوي

نط قماد مثل الي لسعته عقرب:عووووذه ........ولييييه انا انا تراني هالحييين ماشي ومهب بمجنووون لجل اسمع حجيكم ان كان ودكم تدزو حد انت يا ليث كفو تراك تعرف بالسوالف ذي

وحركله حواجبه

صرخ غيث على قماد :انكتم ...وانقلع هالساع ما ودي اسمع منك هرج

قماد وهو ماسك بارودته ويمشي رايح لفرسه وعينه عندهم:اييييه انا رايح مهب مجنووون اسمع شوركم

وراح قماد بسرعه لفرسه وانطلق عليها

غيث:ودي اقطع لسانه الغثيث

تبسم عتيبه:اتركك منه وقلي وش انسوي مع ذا لبنيه

غيث:نبيعها مع الحلال الي راح نبيعه بعد ما نلاقي الشراي

ابتسم عتيبه اكثر:انا اشهد انك جبتها

رد: روايه فرسان على جمرالغضى..للكاتبه وديمه العطاء

كملو طريقهم وقامت قوت ولحقتهم وهم يضحكون عليها

وبعد مسافه قرب منها عتيبه

عتيبه:اسمعيني زييين

قوت وهي تلهث ووجهها يتصبب من العرق والتعب هاد حيلها:اييه اسمعك

عتيبه:الحقي الحلال ولاتخلينه يبتعد كثير من الجنب ذا

قوت وهي تاخذ انفاسها بصعوبه:اييه تحت امرك يا شيخ النشامى

وركضت قوت ورا الحلال ووقف عتيبه ينظر لها وهو مستصيييب من امرها ..... وش هالنشبه

قبل لا يوصلون عند الشراي قعدو يتريحو اشوي وينتظرونه يجيهم ...قدرت اخيرا قوت تاخذ لها نفس وتريح اشوي وهي ميته من العطش الا انها اول ما جلست حست بدوخه قويه تجيها والدنيا تلف من حواليها

قوت:يا وييييلي وش الي يصير لي

مسكت قوت راسها بيديها تحاول انها ماتفقد وعيها لاكن صار الي كانت خايفه منه

نزل عتيبه من الفرس اول ماشافها وهي تحاول تمسك حالها انها ماتسقط وقرب منها بعد ما وقعت على الارض

عتيبه:اييييه وش بيها ذي والله انها نشبه مابحياتي انتشبت بيها

مسكها ورفع راسها على رجله واخذ يضرب وجهها لجل اتفوق

عتيبه :انتي يا حرمه وش الي صارلج انا اشهد انج بليه انتي يا حرمه

شاف عتيبه ان وجهها محمر كثير واخذ يفك عنها الشال الي لافه بيه شعرها واول ما رفعه وانتثر شعرها حولين وجهها شاف ان شكلها تغير وبان زينها بشكل ثاني

عتيبه:ايييه مابج عذروووب مير مدري وش سالفتج

نزل جربة المي المربوطه بكتفه واخذ يرشها بالمي

قوت اول ما حست بالمي على وجهها صحيت وهي تطلب المي وتمسك الجربه وهي تشربها تركها عتيبه تشرب المي وقعد يناظرها

مسحت قوت المي الي على طرف شفايفها واخذت تناظر عتيبه

قوت:انا وش صارلي

قعد عتيبه على الارض من بعد ما كان بس قاعد على رجوله

عتيبه:اريد اعرف انتي وش سالفتج ليييه تشقييين حالج وانتي مهب قد الي تساوييه

جلست قوت وهي ترفع شعرها الي نزل على وجهها وكانت ملامحها الزينه تبان اكثر واكثر

قوت:انا قلتلك ....مالي حد بالديره لجل اظل عنده الرجال هربو والحلال اخذتوه ومن بعد ماتمشو يهجمو علينا قطاعيين الطرق ويسوو فينا الهوايل

عتيبه:قطاعين الطرق؟؟!!!!؟

قوت:ايييه انتو يا عيال العطاوي حنا ندري بيكم انكم جايين تنتقمو من الي تخاذلو يوم تصير الغزوه على ديرتكم ونعرف وش تريدو من الديره ما عمرنا سمعنا انكو اذيتو حرمه ولا شيخ...مير قطاعين الطرق الي يعرفو وين ودكم تهجمو يكونو مجهزين حالهم من بعد ما تمشو ييجو ويقضو على كل شي بقي

عتيبه باستغراب اكثر:وش اتقولي ...انا مابعمري سمعت عن قطاعين الطرق ذيلا وشلون حنا ما درينا عنهم..والله انه يكون اخر يوم بحياتهم

قوت والي كان كل الي تقوله من نسج خيالها:ايييه ترا انا مدري ان كانت لعلوم ذي صحيحه ولا لا مير انا ما ودي اكون عرضه لهم امن على عمري معكم ولا اكون بين ايديهم

اخذ عتيبه يناظرها وعيونه تستحسن زينها وحست انها قريب تحمر اخدودها وصارت تصرف نظرها لمكان ثاني

هز عتيبه راسه يطرد الي يحس بيه ووقف

عتيبه:اسمعيني زين ان كان كلامج ذا صحيح تراج مامنه ولا تخافي من شي ...وهالحيين قومي وامشي للفرس الي مربوطه اهناك واركبيها..وتراج مهب معفايه من الي طلبتيه ودج تكوني تحت الشور وتسمعي الحجي تسمعييين

وقفت قوت وهي فرحانه حييل:اييه اييه يطولي بعمرك انا تحت الشور والسمع والي تريده امر عليه واتشوف مني الي يسرك

عتيبه:اجل امشي امشي والحقي الحلال ورديه

قوت:ابشر والله

ركضت قوت للفرس وكان عتيبه يناظرها وزاد استغرابه من تمرسها بركوب الفرس وانطلاقها بيها وهي تلحق الحلال

لحق عتيبه غيث وقال له بالي كانت لبنيه خايفه منه

غيث:يا خووي هو به قطاعين طرق غيرنا ترا مقد سمعنا عنهم من وييين طلعو ذيلا

عتيبه وعيونه تراقب قوت من بعيد:مدري عنها تقول لعلوم جتهم كذا

غيث:وش راح تسوي معها

عتيبه:نشوف الشراي وش يقول عنها


بعد ما لقيو الشراي باعو عليه الحلال كله واستلمو المال وقوت تناظرهم وهي متعجبه من الي يساونه

عتيبه وهو يكلم الشراي:تشتري لبنيه يا رجال؟

الرجال التفت لقوت واخذ يناظرها:خلها تجي اهنيا وتخلع شالها لجل اشوف ان كانت تستاهل اني اشتريها

نط غيث بوجهه:وانت وشله تريد تشتريها مهب لجل اتكون جاريه تنفعك وش له تريد تشوف انكانت تستاهل

عتيبه:خلاص يا غييث خلاص ما ودنا نبيعها

غيث:اجل وش راح تسوي معها

التفت عتيبه لقوت

عتيبه:تعالي اهنيا

تقدمت قوت منهم

عتيبه:الرجال وده يشتريج

قوت ظلت تناظرهم من دون ماتتحجى بشي

عتيبه:وش قلتي؟

قوت ونظرها لتحت:شوووري بيدك والي ودك تسويه سووه

ظل يناظرها لثواني

عتيبه:يقول وده يشوفج من دون شالج

رفعت قوت ايدها لجل ترفع شالها ووقف عتيبه بسرعه:تمهلي انا ما قلتلج ارفعيه

قوت:السموووحه والله اني ما دريت انت وش تريد مني

عتيبه:امشي امشي وعاودي لمكانج

قوت:ابشر يا عمي

راحت قوت وهي مبتسمه بابتسامه خبيثه وكل الي ودها اياه يتحقق لها السمع والطاعه لك يا ولد العطاوي

اخذ غيث يناظر عتيبه والتفت عتيبه للرجال واسترخص منه وقام هو وغيث راجعين لخيولهم حتى الفرس الي كانت قوت راكبه عليها باعوها وهم معتقدين انهم راح يبيعوها مع الحلال

كانت قوت واقفه جنب خيولهم ركب غيث فرسه وظل عتيبه يناظرها

عتيبه:تراني بعت الفرس الي كنتي تركبيها

نزلت قوت نظرها لتحت وهي مستعده لكل شي يطلبه

عتيبه:كنت ناوي ابيعج للرجال مير اني شفت ان نيته مهب زينه وقلت اشوف لج ناس ثانيين يقبلوبج تكوني عندهم

قوت:الي تشوفه يطولي بعمرك

عتيبه وهو يناظر غيث الي ينتظرهم ويرجع يناظرها

عتيبه:وهلحيين وشلون ودي اخذج معي؟؟

وبنظره مقصوده تريد تذوب مشاعره من وراها رفعت نظرها له وهي ترمش...عتيبه صد بنظره عنها اول ما شاف نظرتها وظل يناظر غيث الي بعده واقف ينتظره

عتيبه وهو مايدري وش به:تعالي واركبي وراي

ركب فرسه وركبت قوت وراه وهي مبتسمه بانتصارها للي تريده الا ان عتيبه شاف انها ما مسكت فيه ومسكت بحواف السرج الي على الفرس حرك حواجه مستغرب منها لفوق وانطلق لاحق بغيث وهي بعدها متمكنه من مسكتها لحواف سرج الفرس حتى انها مالامست ظهره والي بوضعها وكاد انه متمرس بركوب الفرس

رجع غيث لعتيبه وساله عن السكين الي اعطاه اياها من بعد ما تحسست ايده صدره مكان لجروح

عتيبه:هقوتي نسيتها بالديره

غيث:نسيتها الله يهداك يا عتاب

وحرك غيث فرسه راجع للديره لجل السكين

......................................

رد: روايه فرسان على جمرالغضى..للكاتبه وديمه العطاء

الله الله الله

وبعدين. كملي. متحمسه. معك

بس الله الله. لاتطولي بتنزيلها

وان شا الله الاعضا يقرونها ويستمتعون مثل ما ستمتعت فيها

وتسلم ايدك. لنقلها

رد: روايه فرسان على جمرالغضى..للكاتبه وديمه العطاء

يعطيك العافيه

استمري يا عسسل