@^نافذة البوووح ^@

**رفيق الليل** · 14-03-2020, 10:02 PM

رد: @^نافذة البوووح ^@

يالله يالمعبودياخالق الناس
ياللي بيدينك تملك الكون كله
تزيل عنا الهم والغم والباس
وتغفر جميع الذنب دقه وجله
وتجعل لنا عفوك وعافيتك لباس
وتجعل لنا امنك وامانك مظله
وتحمي وطنا من حقودين وانجاس
واهل القلوب اللي علينا مغله
وتحفظ بلدنا عن عميل ودساس
وعن فتنة عدونا يستغله
وثبت علينا الدين للقلب نبراس
اللي جعلته للبشر خير مله
ونحيا الحياة اللي بها نرفع الراس
ونموت مامرت علينا مذله
بوحي

**رفيق الليل** · 16-03-2020, 10:56 PM

رد: @^نافذة البوووح ^@

ياللي بحسن الدل طاغي ومملوح
مثل القمر لاطل يضوي على الكون
ريح ضميرك ياهوى البال والروح
مافيه غيرك منزله داخل النون
كم مرة قلبي لك اسراره يبوح
اللي كتب لك صك بالحب مضمون
مايكفي اني صرت بالحب مفضوح
الين كل قال عاشق ومفتون
وش عاد تبغى من بيانات وشروح
اكثر من اللي قالوا الناس مجنون

بوحي

**رفيق الليل** · 22-03-2020, 11:18 PM

رد: @^نافذة البوووح ^@

يبقى الغياب بسوق الاحباب ميزان
يعطيك عند اهل الغلا كم وزنك
اماغديت برجعتك غال الأثمان
والا اخلف اهل السوق بالسوم ظنك
بوحي

**رفيق الليل** · 25-03-2020, 11:24 PM

رد: @^نافذة البوووح ^@

مع شديد الأحترام لكل شخص بهالبلد
للمواطن والمقيم وللصغير وللكبير
اعرف ان الوضع ماهو بهالبساطة ياولد
واعرف ان الأمر هذا يالخوي والله خطير
كل يوم لهالوباء المنتشر يولد ولد
والسبب ناس تجاهل بالغباء كل تحذير
كم عنيد للأوامر طاع نفسه وانجلد
خاطر بنفسه وصابه عقبها سوء المصير
لكن اللي التزم بالأمر للراحة خلد
قدر الموقف بفعله للسبب والله قدير
ندري ان الله خالق والد وما ولد
لكن المولى عطاك العقل حتى تستنير
بوحي

**رفيق الليل** · 31-03-2020, 01:44 AM

رد: @^نافذة البوووح ^@

الكرونا بينت ناس كثيره
يوم داعي الحرب طبله دندنه
يوم كل بالرخا حاله ستيره
تكشف الشدات وشو معدنه
بينت حال الذهب من حال غيره
كل موقف للرجال تبينه
مير يالله تردع الجند المغيره
وان حال المسلمين تزينه
بوحي

**رفيق الليل** · 17-04-2020, 10:47 PM

رد: @^نافذة البوووح ^@

لاياعساني عند الأجواد وان غبت
ان طروا اسمي صرت مذكور بالخير
والقى المحبة عندهم لاتواجدت
وبقلوبهم القى معزة وتقدير

بوحي

**رفيق الليل** · 19-04-2020, 10:12 PM

رد: @^نافذة البوووح ^@

مشاعرك قلها ولوكنت محجور
لأجل الغلا بين الحبايب طلايب
منتا على كتم الأحاسيس معذور
اطلق عنان خيولها للحبايب
اهل الفضاءوالعلم مامنهم قصور
خلوا بريد الحب فوق السحايب
عبر الفضاء ترسل احاسيس وشعور
كله بضغطة زر والبال طايب
بوحي

**رفيق الليل** · 20-04-2020, 08:15 PM

رد: @^نافذة البوووح ^@

ارحميني من كثر هذا الغياب
كيف ابرضي رغبتك ياغايبه
اتبعه دربك وينده لي سراب
والدروب الي تدلك ذايبه
انتظرتك ارض واشرفت السحاب
غبت خليت الأماكن شاحبه
بعد هذا جاي تقتلني عتاب
عن صدود حضرتك سبايبه
انت سبة ماجرا لي من عذاب
يعني انت الي لزوم اعاتبه
بوحي

**رفيق الليل** · 22-04-2020, 12:35 AM

رد: @^نافذة البوووح ^@

ادري ان اللي ابي مابه مجال
والمصيبة ماله بقلبي بديل
وادري انه صار في حكم المحال
بس شسوي احب المستحيل
بوحي

**رفيق الليل** · 24-04-2020, 02:37 AM

رد: @^نافذة البوووح ^@

الشهر مبروك يالربع الكرام
يوم حل بدارنا شهر رمضان
ارجي من الله نصومه كل عام
وكل عام ودارنا أمن وأمان
بوحي

@^نافذة البوووح ^@

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget