@^نافذة البوووح ^@

**رفيق الليل** · 29-04-2020, 01:03 AM

رد: @^نافذة البوووح ^@

ياربنا ياللي لك الخلق تعبد
ياواحد كل الملا يرتجونه
ياللي لك العباد تركع وتسجد
ماغيرك احد يالولي يعبدونه
تقبل دعاء من قام ليل وتهجد
واسبل من الخشية مدامع عيونه
تكتب له الرحمة ليا صام واجهد
وتغفر ذنوبه وتعفو عن ديونه
ومن الجحيم اللي لهبهاتصاعد
تجير عبدك من عذاب المهونه
وتكتب له الجنه وهي خير مقعد
في مسكن لأهل التقى يسكنونه
وجعله يوافق ليلة القدر وان جد
في ليلة رب البشر يسألونه
يدعي بهامن له مرام ومقصد
والناس فيهاربهم يطلبونه
ومن يطلبك يالواحداللي تفرد
يرجيك يالله لاتخيب ظنونه
ويالله عسى من صام يفرح ويسعد
ويفوز في رضوان خلاق كونه
وختامها واعداد ماحن وارعد
واعداد براق تلاعج مزونه
صلوا على المبعوث للناس احمد
ياللي لمنهاج النبي تتبعونه

بوحي
في 1441/9/5هجري

**رفيق الليل** · 07-05-2020, 07:38 AM

رد: @^نافذة البوووح ^@

انا ياناشدي صحراء وانا من هالحجر والطين
وانا ارض الحماد ومن جبال طويق تكويني
وانا كم مرة فيها مشيت وحافي الرجيلن
تحت شمس سبايبها غدا لوني وتلويني
اخذت من القمر بعده واخذت من النجوم البين
ومن شمس الضحى نورعلى الغربة يوديني
واخذت من الفصول الأربعة شدة قساها سنين
بأرض مابها غير الجفاف وبردها شيني
وانا اللي من طبيعتها قسيت وماعرفت اللين
ومن جو الجفاف اللي بهاصار الجفا فيني
ومن شدة ومن غلظة اهلها خطت لي ثوبين
وبشت من خشونة عيشهاوبره مغطيني
انا من ديرة تبدأ بنون وبعدها حرفين
ومابين الليانه والقسى تلقى عناويني
انا وش لون تبغاني بعد هاللي قريته زين
اجي انعم من خيوط الحرير وملمس الصيني
بوحي

**رفيق الليل** · 10-05-2020, 05:17 AM

رد: @^نافذة البوووح ^@

صباح الرحمة اللي من اله الخلق تغشانا
وغفران من المولى يطهر كل مافينا
ودعوات نرددها اذا مالليل امسانا
عسى ربي يحققها ويعطينا امانينا
بوحي

**رفيق الليل** · 13-05-2020, 03:48 AM

رد: @^نافذة البوووح ^@

تراهاالعالم الغربي فتح للمعرفة بيبان
الين انه وصل للكوكب اللي يلوح براقي
ولا وصل القمر لينه تطور بالفكر انسان
وحنا اللي بنظرتنا نقول ان شعبهم راقي
اجل وينه شديد اعجابنا يامعشر العربان
ورا مانتبع آثار القمر والساق بالساقي
لأنا نحفظ الفكرة وفي تطبيقها نقصان
وخلف اللي بهايوافق هوانا حيل ننساقي
كذا نبقى على قولة ترا كنا زمان وكان
ويبقى حالنا نفسه مدام ان الفكر باقي
بوحي

**رفيق الليل** · 16-05-2020, 06:09 AM

رد: @^نافذة البوووح ^@

عليك من الجفا عدة ملامح والورق شفاف
يبين بلون رسام الوعود ولوحة اعذاره
رسم فيها تماثيل الصدود اللي بها تنشاف
بريشه سولفت عن تركت البرواز لجداره
بوحي

**رفيق الليل** · 26-05-2020, 02:47 AM

رد: @^نافذة البوووح ^@

جعل هذا العيد مبروك وسعيد
وجعلنا نحياه في أمن وسلام
ونفرح بشوف القريب والبعيد
ونحتفل في جيته في كل عام
بوحي

**رفيق الليل** · 02-06-2020, 05:34 AM

رد: @^نافذة البوووح ^@

عندي أمل بالله كل يوم يكبر
حتى ولو الحظ عاثر له سنين
ان الفرج قادم ولوه تأخر
وان القسى قافيه عقب البطا لين
بوحي

**رفيق الليل** · 04-06-2020, 12:03 AM

رد: @^نافذة البوووح ^@

ليه اتنازل عن حقوقي واسامحك
وانت اللذي مخطي علي متعمد
انسى وابنسى لين اضيع ملامحك
واقسى وتلقاني شعور متجمد
كانك تغني للهجر في مسارحك
فأنا اشكرالله للبعد واتحمد
بوحي

**رفيق الليل** · 08-06-2020, 12:17 AM

رد: @^نافذة البوووح ^@

اروني من كاس حبك اروني
لا تخليني على جال الظما
امل كاسك بالوصال وغطني
اسقني تحنان ياعذب اللما
اغرق الخفاق حب وزيدني
ماء غرامك في شراييني دما
كأسك الي بالحياة يمدني
فلله مادامه لروحي نما

بوحي

**رفيق الليل** · 14-06-2020, 09:19 PM

رد: @^نافذة البوووح ^@

عشقت الليل لعيون السواد الي كسا شعرك
وحبيت القمرلانه خذا من طلتك نوره
نسيم الليل لانسنس اشمه بالفضا عطرك
يوديني على ذكرى مكانه باقي عطوره
انا والليل والقمرا ونجماته تحت امرك
تواعدنا على شوفك بناخذ في الهوى دوره
يزود الشوق ونسولف يطيب الليل في ذكرك
نقول انك قمرهالكون يادرة وبلوره
تعال وخلنا نسهرجميع بعاطفة اسرك
لان ارواحنا في طلتك بالنور مأسوره
بوحي

@^نافذة البوووح ^@

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget