-
-
رد: حبتين ツ
صباح الفل
وليس كل مايقال مقصود
وليس كل مايكتب واقع نعيشه
ابتسامة صادقة وقلب نظيف وتعامل حسن ونفس مرحه وكلمة طـيبة
هكذا تعيش جمال الحياة
يقال ان الرجل يذوب في الطبيعة
فاذا قالت له البنت احبك ذاب عشقا
واذا قالت تعال اخطبي ذاب كالملح
-
يصعب علي الرد على مثل هالرسائل
احس اني لاني مقيد ولا مفكوك هههههههههه
ادري مالها دخل بعبير بس لاني ماادري وش اقول جبتها
-
كتبت ومسحت اكثر من مره
كل مااكتب شي اقول يبغاله جلسه عشان اكتبه كويس
مدري وش فيه البال مشغول بسالفة هالاسبوع
ربي يسهلها بس وتجي زي مابغاها
من كثر ماهو البال مشغول
فتحت صفحة بالعام بكتب موضوع
قمت كتبت هالتدوينه بدال موضوعي
بس واحد انتبه وارسل لي يقول وش سالفة رمادي
قلت موضوع ضاع حقه هههههههههه
وسلامتكمتعليق
-
رد: حبتين ツ
صباح الورد
ساعات تتوهم انك شي كبير بقلب شخص
بس يمر موقف يخليك تضحك ع سخافه ظنك
-
ماعلينا
موشرط علينا أن نتحول إلى أعداء إذا لم تنجح علاقاتنا
فـ للأمور خيارات أخرى كثيرة
التغاضي والتناسي وأهمها إحترام العشره والذكريات
-
طيب نجي لسالفة النسوان
صراحة بحكم اني سيء جدا واتابع اخبار السياسة والدول الاسلامية وكيذا
تابعة موضوع تعديل قانون ارث في تونس
وشدني غباء المطبلات للقانون وفرحانين فيه
لان 4 حالات فقط اللي ترث البنت نصف الرجل
ويمكن اكثر من 25 حالة ترث البنت اكثر من الرجل او مثله وحالات ما يرث الرجل
اضف الى هذا ان من ترث نصف الرجل غالبا تكون تحت حكم من يصرف عليها شرعا
يعني الخسران من هالموضوع البنت والكسبان الرجل
دام فتحنا موضوع امنسوان خن نكمل السالفة
الفروق واضحة وحتى لو ماهي واضحة فهي بديهية
وليس الذكر كالانثى
تصدقون ان حتى حليب الام يختلف اذا كان المولود ذكر او انثى
والبنت تحتاج كميات اكبر من الحليب
من صغرهم يشفطون حليبنا واذا كبروا قالوا مهضوم حقنا
صدق والله دراسات تثبت فرق ونسب المعادن والاحتياجات بين الذكر والانثى
وكلها لصالح كافرات العشير
حتى بول الصبي اكرمكم الله مختلف عن الفتاة
الفتاة اغلظ ويجب غسله على عكس الصبي اللي يكفي فيه النضح ( يرشه بماء )
ولا يعني هذا ان نهضم حق البنات بانقاص حقوقهم لكن لابد من الانصاف واتباع الحق
احس فيه شي ناقص بس مدري وشهو
-
جوناثان ريتشز
هالادامي صاحب اكبر رقم قياسي في عدد القضايا اللي رفعها على الناس
رفع قضية على شركة العاب لانها اصدرت لعبه اثرت عليه نفسيا ايام المراهقة
رفع قضيه على المحامين اللي يدافعون عنه وقضيه على جورج بوش
حتى خطيبته ماسلمت منه وحتى في السجن رفع قضية على السجن عشان الاكل
مره كان جالس مع امه ويقلب يده شاف ندبه صغيره بيده فسال امه قال من ايش هذي
قالت وانت صغير كنت مشغوله باعمال المنزل وانت تلعب باعواد الكبريت فاحترقت يدك
فرفع قضية على امه .. ياذا النشبه
ويوم حطو اسمه في موسوعة جينيس اكثر شخص يرفع قضايا قام رفع عليهم قضية ليش ماعطوه خبر قبل يحطون اسمه
-
فيه ناس جوناثيين يقفون عند كل كلمة عند كل حركة عند كل همسه
ويستقعدون لخلق الله
لا الدنيا مش كذا ياحباني المفروض نعطي مساحات اكبر للخطا الذي قد يصدر
ونخلي صدورنا شماليه
-
بالضبط
وسلامتكم
عساك سالم يانفر
التعديل الأخير تم بواسطة نفركويس; 04-12-2018, 10:47 AM.تعليق
-
رد: حبتين ツ
اخوي نفررررررررررصبحك الله بالخيرررررررررر
حبيت اصبح عليك واتطمن انت واااااعي والا ناااااايم
ما ادري بعض اللي قريته هو علم والا حلم
دمت بود
هلا وغلا حياك ربي
اي كلام بالضبط كل كلامي من جنب القدة
مديرة قسمنا اللي ماشي كماه لخبطت بين نفركويس ونور الفجراخي نور كويس
ما الومك وانا اخوك كثرنا عليك الحكي وتشتت المخ
زين طلعت نور كويس ماهي نفر الفجر
امين الله يسلمك ويسعدك ويحفظ لك اهلك واحبابكاخي نفر حمدلله على سلامة بنيتك الله يخليها لكم ويرعاها من كل سوء.
بس
نشوف باقي االعلوم ونرجع تاني
تعليق
-
رد: حبتين ツ
صباح الورد
هلا اخوي نور الفجر نورت المدونة
عادي اخر صفحة كان اخذتها
اخر حبه للي تحبه
بس تعال دخلت مدونتك مافهمت شي
انت قلت كلام مافهمته سالتك رجعت رديت علي بكلام مافهمته برضو
معليش اخوك شايب واجنبي ومتقاعد يعني فهمه على قده
بس قول اول جملة وانا بفهم الباقي هههههههههه
-
للمتورطين بالحب
اعانكم الله على الاشتياق
-
واحد مرسل لوحدة قال
الله يجعلك من اهل الجنة قولي امين
قالت امين اجمعين يارب
قال لها
طب ممكن ترسلي صورتك عشان اذا شفتك بالجنة اعرفك
بس والله
-
ماعندي سالفة صح
الصدق ماعندي شي اقوله
بس يوم شفت لي كم يوم مادخلت قلت ياولد خن ادخل وانور المنتدى له كم يوم مطفي
على طاري النور والظلام وكيذا يعني
هل تعلم ان اول جامعة لتعليم النساء فتحت سنة 841 م تحت الحكم الاسلامي
بينما اول جامعة نسائية للغرب وبعد نزاع شديد كانت عام 1821 م
بينهما 980 سنة
-
وسلامتكمتعليق
-
رد: حبتين ツ
صباح الورد
ربي يرزكم بذبانه زيها تسوي لكم طززززززززززززززززززيط
-
ما علينا
ياخي لو ان الدنيا بدال ما تعطينا دروس تعطينا فلوس احسن
ويصير كل وحد يدرس على حسابه افضل
كان زمان هالدروس والنصائح والتجارب تنباع بقروش
الحين محد يبغاك ولا يبغى وجهك انت ونصايحك
اصبحنا كل واحد مسوي نفسه ابو العريف اللي ما حد يفهم مثله
وفيه ناس بزيادة كمان يشوف نفسه انه افضل من خلق ربي
ويحس انه هو وحيد زمانه ويتحسف على وضع العالم
وما يدري انه مضيع علومه بس ماخذ مقلب بنفسه
مااخص فئة معينه او اشخاص معينين
السالفة تقريبا صايرة وباء منتشر فينا الا من رحم الله
لاعاد نقتنع بكلام مفتين ولا علماء ولا خبراء ولا اباء ولا اكبر منا سنا
ليس شرطا ان يكونوا هم اعلم منا بوضعنا لكن الاستفادة من كلامهم على اقل تقدير
اصبح على قول المثل اختلط الحابل بالنابل ( لاحد يسالني من وين وايش يعني )
انا اشوف ان اكبر مشكلة تواجهنا هو هالتفكك الاجتماعي الغريب
حتى داخل البيت الواحد تجد شكل من اشكال التفكك
ولم يعد هناك الشخص الكبير المطاع المحترم الذي كلامه يمشي لو على الاقل من باب التقدير
اشوف هذي مشكله ويمكن يطلع مافي مشكلة بس انا من الناس اللي مسوين ابو العريف
-
من الاسباب اللي خلتني ما استمر بالعمل هي مشاكل الناس
احيان تجيك ناس اكبر منك سنا ومرتبه ومكانه يبدا يحكي لك
وبعدها تحس انه بدا ينهار واقصى شي ممكن اسويه وقتها ان اقرب له علبة المناديل
واحيان تجيك مشاكل تخلي شعر راسك يوقف رغم اني ابين لهم اني ماني مختص ولا عندي خبره بهالاشياء
لكن شكل الناس تبي تفضفض وتطلع اللي جواها
من كثر ما اسمع حالات احس بتجيني حالة نفسية
على قول المثل ياليتها بحملها تقوم
انا يالله ادبر عمري فما فيني كمان اتحمل مشاكل احد بهالكبر
ورغم اني احيل كثير منهم لمختصين ومدربين لكن يضل قسمي هو المتنفس الوحيد لهم
المشكلة لي اكثر من 5 سنوات اطلب برنامج رسمي يهتم بهذا الجانب
واخيرا امس جت الخطة السنوية معتمدين برنامج اسمه الارشاد النفسي والاجتماعي
قلت يعني يوم ماحضرت الاجتماع عجبكم الاقتراح
المهم انهم اخيرا اقتنعوا بالفكرة والله ياهب لهم معونه
انا رايح وهم بكيفهم
على فكرة هالتدوينه كاتبها من الصبح بس صار شغله ورحت اخلصها وتو جيت اكمل الباقي وانزلها
وسلامتكمتعليق
-
رد: حبتين ツ
صباح الورد
رسالة
لا يوجد أحد يخلو من ضغوضات هذه الحياه
نعيش علي أرض أعدت للبلاء ولم يسلم منها حتي الأنبياء
فــ شگرا لمن ألتمس لنا العذر قبل أن نعتذر
ولمن قدر أوضاعنا قبل أن نشرحها
ولمن أحبنا رغم عيوبنا
وعفا الله عنا وعن من أذانا وقال فينا ما ليس فينا
-
حلقي تعبان وماشاء الله هلت علي الوصفات من كل مكان
والمشكلة مافي وصفة شبه الثانية
-عسل
-مويه دافيه
-رب التمر اللي راحت تجيب صورته وللحين ماشفتها
طلع هو نفسه دبس التمر
-مويه وملح
-حلاوة مص عشرميت نوع
المهم بشربها كلها وان مت يكون ارتحتوا مني وان عشت وصرت طيب
الله يعينكم على ثقالت دمي
وانتم مقروعين لا احد يرسل وصفات يكفي اللي وصل
وسلامتكم
تعليق
-
رد: حبتين ツ
مساء الفل
-
من كم يوم مدري كم شهر وعندي واحد جالس على راسي يقول فتح محل يبيع ثياب كويتيه حلوه
عاد انا قلت بروح اشوف هالثياب تعرفون احنا الشيبان لازم اي شي جديد نروح نشوف
وش عندهم وش تبيعون وش جابكم حارتنا راعينا انا زبون قديم وهالحكي
رحت ولقيت ثياب اقمشتها حلوه بس تفصيل شكل واحد جميع الالوان والمقاسات نفس الشكل
ذكرتني بالثياب ايام المتوسطه المهم اني شريت اثنين واحد ابيض واحد ملون
رحت البيت طبعا لابد البسه واخذ لفه بالبيت وكيذا
لبسته حسيت نفسي بالسالمية
دق الجرس قلت هو منو يانا هالحزه
مو بس كذا كل ماشافني احد بالبيت قال وش دعوه يبه
البيت كله صار صاروا كواتيه
-
دام الشغله فيها استعراض تسوق خن اعلمكم بساعتي
دخلت على مدير قسم ونسولف وكيذا وهو طول وقته ياشر بيده اليسار
قلت له مبروك على الساعة طال عمرك .. ضحك وقال والله ياحمد مامر علي ساعه مثلها
وجلس يوف لي مزاياها ومن المزايا انها تنفك وتصير سماعة بلتوث
هنا انا عجبتني الساعة مره وقلت له بكم قال رخيص مسوين عليها عرض في اكسترا
المهم ما جاء الظهر الا انا عند اكسترا دخلت سالت عن ساعة هواوي وراني الساعات
اخترت اللي عجبتني وشفتها عند امرجال واحاسب وامش
هذا لا قال لك خذها وانت مغمض
عجبتني صراحة والحين سرت نفس حركة صاحبنا لما اتكلم مع احد اشر بيدي اليسار
واذا احد سال قلت لا تفوتك الساعة حلوه مره وارخص من ابل
وحتى لو محد سال اصلا اي موضوع ينفتح لازم ادخل فيه سالفة الساعة
تذكرون الولد صاحب موضوع التعبير الجمل سفينة الصحراء
سرت مثله بالضبط
وش رايكم بالهذرة اللي مالها داعي
-
يقول احد خالد توفيق
كل المشاكل بداخلك سببها هو انك تظاهرت بالغباء عندما فهمت
وابتسمت وقت الحزن
والتزمت الصمت وقت الكلام
هذا نسف قاعدة
طنش تعش تنتعش
يبغالك اللي يرد عليك بكلمه ترد بعشرة
وسلامتكمتعليق
-
رد: حبتين ツ
صباح الورد
تقول فيروز
انا مين اللي صحاني من عز النوم
صوب عيونك وداني من اول يوم
هو ذا بس عشان طاري العيون قلته
-
ادري فيه ناس ماخذه بخاطرها من عدم الرد على الخاص
اقول لهم والله ان اخوكم قصدي جدكم مقصر مع الجميع
واتس سناب صراحة والمنتدى كله مو بس الخاص
ماهنا ذاك الشغل لكن وش نسوي عاد هذا حسينوه وهذي خلاقينه
على قول البلطان لكن عاد معتمدين على مكانتنا عندكم وكيذا
فالعذر والسموحه
-
ماشاء الله اشوف ناس تنزل من السطوح تكتب كلمتين وتطلع
ياخي ماتعبتوا من الدرج نازلين طالعين والمنتدى ما بيركبون مصعد
فتعالوا خلوكم عندنا على قول الشاكر الكبير معرف اسمه
اقعد عندي وكل برتكان
عموما انستونا بطلتكم وياليت تستمر الطلة وتتطور وتسير تبليطه
-
فيه قروب اضافني فيه واحد معرفة مش قوية بس شفت القروب كويس
فيه فواد علمية ونقاشات حلوه ماتخلى من النقاشات الحادة وانا متفرج في الغالب
المهم قبل كم يوم واحد نزل بيس قال منظمة الصحة العالمية تحدد سن الشباب في الستينات
والكهولة في التسعينات وبعد 100 معمرين
قام واحد علق وقال حديث النبي صلى الله عليه وسلم اعمار امتي بين ال60 و 70
علقت انا بطرافه وقلت يعني نموت شباب حلو
صاحبنا اخذ الموضوع اننا نخالف حديث النبي صلى الله عليه وسلم وسوى لنا محاضرة
في الاخذ بالسنة واحاديث النبي وانها مقدمه على التجارب العلمية ومن هالحكي
جلست انا اتفرج على التعليقات والردود وانقسم القروب الى 3 اقسام واظنهم لو قدام بعض
كان يمكن كبو العشاء والمرقة
مشكلتنا اننا نبغى نجبر العالم على قولنا لمجرد اننا نشوفه صح
معاد فيه رايك خطا يحتمل الصوب ورايي صواب يحتمل الخطا
صار رايك خطا وانا صح مره لا تحاول حتى تفهمني ولا تقول لي
اتوقع اننا في فترة من الفترات عانينا من التنمر الديني
والذي تطور الان واصبح تنمر ديني وطني موسسي كروي ... مجالات كثيرة
والسبب والله العالم انه الفكر اصلا مبني على الاقصاء واننا نمتلك الحقيقة وغيرنا لا
اعتقد ان التطوير يبدا بتغير هالعقلية وليس بفرض اجندات وافكار تخالف القيم والمبادي
اذا اردنا التطور لابد نطور العقول وليس فرض افكار على العقول
لننا سوف نصل لنفس المرحله الحالية ويمكن اردى
وبس اكثر من كذا يصير مشاكل
وسلامتكمتعليق
-
رد: حبتين ツ
مساكم الله بالخير ياقوم
مبروك للبنات عاد هالايام ايامكم بحق والا بباطل
المهم يقولون انه بعد شهرين فيه بطوله نسائية في كرة القدم
بتكون اول بطولة خليجية للنسوان تقام في الشرقية وكيذا
عاد لا نوصيكم هالله هالله باللعب الزين والمستويات المشرفة
مو الواحد يصوم يصوم ويفطر على بصله
وعلى الاقل متعونا بالمواهب مو نطلع لا كوره ولا مواهب
-
وسلامتكم انتهى الدوام
تعليق
تويت
تعليق