حبتين ツ

**نفركويس** · 30-05-2016, 02:50 PM

رد: حبتين ツ

ياخي نس تحب الشماته
من السباقين الى الشماته
الحين قلب مراعي هاجره مدونتي من ايام الملك خالد
وجاية اليوم تعطين لايك على الكلام اللي فيه زعل وتغير موود

ماعندك مشكلة اهم شي جاء منك لايك ع بالي ناسية وين مكانه
-
اللي يشوف مصيبت غيره تهون عليه مصيبته
صراحه مهما كان اللي صار اليوم ما يعاد جحفلة السومة للنصر
فالحمد لله ان الاتحاد طلع من بدري صح طلع بخمسة بس ما تشهى بالكاس
وتصدقون لو ماهو الوسمي نصراوي واحبه كان صارت شماته بالمدونه
هههههههههههه
-
روقنا وزانت النفسية
شفتو كيف انا طيوب يامسرع ما تزين نفسيتي حتى اسالوا اللي يعرفوني

-
المهم الحين وش الحل مع اخر اسبوع بشعبان
في عندنا بالغربية شي يسمونه شعبنه وكذا
انا ودي اشعبن بس بسفرية كوذا والا كوذا
الناس تجهز لرمضان وانا ابي الهجه والفكة
على طاري تجهيز رمضان ياخي وش هالعالم اللي لها كم يوم تعبي عربيات وتخرج من المولات
تراه نفس الاكل ونفس الوجبات والاهم انو نفس الكرش ماتغيرت وين يروح هالاكل كله ياعالم
قبل يومين واحد يقول لي الحمد لله احنا في رمضان او غيره طلباتنا وحده بس نزود شوفان وتوت وتطلي
اول شي مدري من وين جاب كلمة تطلي ذي قلبت اوم العلبة كلها ما لقيت اسم تطلي لا بالعربي والا انقليزي
ثاني شي اليوم جاء يقول رحت البارح ابشرك وخلصت مقاضي رمضان وريحت راسي
كويس من وين رحت وكيف الاسعار قال رحت كارفور الفاتورة طلعت 3200 وعليها شوي
يارجل هذا وانت تقول ما تزود غير شوفان وتوت وتطلي اجل لو تقضي زي بقية العالم كم تطلع
بصراحة مقاضي رمضان الكل يشتكي منها والكل يبي يشتري وما يبقى شي
البارحة قريت خبر يقول ( اكثر من 90 طن ارز تم القاءها بالزبالة في السعودية خلال عام )
اذا قريت هالخبر وشفت بعض حاويات الزبالة على الطريق تعرف وين تروح مقاضي رمضان
تحياتي لمن دمر حياتي
قصدي تحياتي للجميع دون استثناء

**نفركويس** · 31-05-2016, 01:24 PM

رد: حبتين ツ

يقول لك
لا تثق باللي يقول انا قلبي ابيض
لان قلوب الناس كلها احمر هو ليش قلبه ابيض اكيد فيه بلا
-
منجد كلنا نقول عن انفسنا الخير وهذا طبيعي
لكن افعالنا هي من تصدق هذا الكلام هل هو صحيح اولا
حتى ابليس يقول انه طيب
قال لادم عليه السلام ( اني لكما لمن الناصحين )
لا وبعد حلف لهم ( وقاسمهما )
فالشاهد مهما مدحنا في انفسنا وقلنا عن انفسنا
لن تجد سفيرا لك ويعكس صورة عنك الا افعالك
ماتعرفون المثل اللي يقول اسمع كلامك اصدقك اشوف افعالك استغرب
هو ذا اذا توافقت الافعال والاقوال صارت نفر كويس
الافعال افضل من الاقوال انت اكوس نفر
الاقوال قرقر كثير افعال مافي انت نفر خربان
ومو شرط نوصل للكمال ونكون افضل ناس
اهم شي اني احاول اسوي الصح
-
اكبر غلطه يرتكبها الواحد انه ياخذ بقلبي على اي شخص
الدنيا ماتستاهل الزعل وعلى قول خالد الفيصل
دنياك ياصاح ما تستاهل الضيقة
ابد صار غلط والغلط مردود وان ما رد الغلط خلاص كل واحد يصلح سيارته
وكل واحد يروح يخلص شغله بدون ضيقه وزعل وشيله بالخاطر
-
اليوم من صباح الله بالتخصصي والحمد لله صارت الامور على افضل حال
دعواتكم بس الله يشفي كل مريض ويفرج هم كل مهموم
طبعا مو انا المريض يعني بس اقول

**نفركويس** · 01-06-2016, 10:12 PM

رد: حبتين ツ

يسعد مساكم ياحلوين
يالوسمي ياخي قول لعزوز احبك تراه مزه اسالني عنه
يمكن شفتوا كلام عزوز وابو الاوسام عن كلمة احبك بين الشباب
فعلا ياخي عندنا تصحر في التعبير عن مشاعرنا
باسم العيب ومايصير وش يقولون ومايجي اصبحت مشاعرنا قاحله
مع ان النبي صلى الله عليه وسلم قال لمعاذ يامعاذ والله إني لأحبك،
أوصيك يا معاذ لا تدعن في دبر كل صلاة تقول:
اللهم أعني على ذكرك وشكرك وحسن عبادتك)
هذا نبي يقول لصحابي اني احبك
اجل ليش احنا ما نقولها ونتادلها بيننا بصدق
وقال النبي صلى الله عليه وسلم في حديث اخر
إذا أحب الرجل أخاه فليخبره أنه يحبه
وفي حديث اخر
( أن رجلا كان عند النبي صلى الله عليه وسلم ،
فمر به رجل ، فقال : يا رسول الله ! إني لأحب هذا ،
فقال له النبي صلى الله عليه وسلم : أعلمته ؟ قال : لا .
قال : أعلمه . قال : فلحقه فقال : إني أحبك في الله .
فقال : أحبك الذي أحببتني له )

ياخي خل نوقف هالتصحر المشاعري ( تذكرت الكذوبه مشاعري حساسة )
جد اللي يحبني يجي يقول لي احوووبك يانفر
استقبل كلام الحب في اوقات الدوام الرسمي
وخارج الدوام من العصر الين الساعه 10 بالليل ونقفل
ياخي تعلموا من البنات وطالعوا ردودهم على بعض
تحس انك تتفرج مسلسل تركي من قوة كلام الحب
بالله شيكوا على مواضيع البنات وشوفوا كيف
مشكوره حبيبتي ، تسلمي حياتي ، فديتك الله لا يرحمني منك
ويدلعون بعض كمان مو مثلنا اذ مره مره قلنا يابوالشباب
شويتين حب رومنس شبابي بس عاد مو نوصل لدرجة هشام الراشد
خلاص تم ياعيال

-
فيه نشاط حلو بالمدونات وباذن الله يولع الكلاسيكو
اليوم جاي لاقي مدونتي بالحارة الثانية
يعني في ناس تهربت وهذا شي جيد
لا تخلون الخاص وتويتر والكيك تاثر على المدونات

-
مدونة الوسمي يبي لها تبخير وقراءة المعوذات
شمس حطت عينها عليه وصاكته بعين عشان مثرة المعجبين
وسمي اعرض المدونه للبيع عشان تروح العين
منجد عندنا يقولون اذا سيارت والا شي لك جته عين اعرضه للبيع
تروح العين مع اني ماقد جربته لكن يقولون هيك تروح العين
-
هلا شهرزاد
لا ابد محد مقلبنا شكلنا احنا كنا ماخذين مقلب بانفسنا
عادي وانا اخوك هذا جو عبير تزعل ترضى وترجع تشخبط
واقول مهما كان الزعل المفروض انه ما يوصل للقلب
في حياتنا الطبيعية المفروض يكون الزعل مجرد شي عابر
وليس اساسي بالعلاقات
لانه اذا صار شي اساسي يعني ان صاحبه عنده مرض لابد يتعالج منه
مدري وش كنت بقول بالضبط لكن شكلكم عرفتوا وش كنت بقول
-
نشوفكم غدا باذن الله تعالى
سارعي للمجد والعليا**** مجدي لخالق السماء
وارفعي الخفاق الاخضر ****يحمل النور المسطر
رددي الله اكبر ياموطني
موطني اذ عشت فخر المسلمين
عاش الملك للعلم والوطن
طن طنن

**نفركويس** · 02-06-2016, 12:18 PM

رد: حبتين ツ

صباح برائحة رمضان
الاسبوع الجاي مثل هذا الوقت ونحن صيام باذن الله
نسال الله ان يبلغنا رمضان ويكتبنا فيه من عتقائه من النار
نحن ووالدينا واحبابنا واخواننا واصدقائنا
افضل استعداد لرمضان هو بالعفوا عن الناس لعل الله يعفوا عنا
بعض الناس يقول اعفوا عن كل الناس الا فلان مقدر اعفوا عنه
قلبي مايطاوعني اللي سواه كبير ما اتخيل اني اسامحه
ترى هذا هو اللي اذا عفوت عنه باذن الله تدخل في معنى العفوا
هذا اول واحد حاول تعفوا عنه حاول تنظر لاجر العفوا لا عظم مافعله
-
ياخي امس لمحت لمحة بس على الاواني المنزلي لقيت زحمة مو طبيعية عندها
الحريم بيتهاوشون عليها وكان بيوتهم مافيها ولا كاسه
تتصور قبل رمضان في ايش كانوا يطبخون الاكل يمكن كانوا يستخدمون سطول مو قدور
-
الله يعينكم يالبنات برمضان شغل وكرف بعز الصيام
احتسبوا الاجر كل اكله تسونها احتسبوا فيها تفطير صايم
ويكون لكم مثل اجر الصايم
بالنسبة للشباب ياخي قدروا تعب البنات ووقفتهم بالمطبخ اليوم كله
عشان تسوي لك فطور وسحور وعصيرات وعلوم سنعه
فاذا جيت وهي تعبانه ومرهقه ومنهد حيلها
قول لها قومي اوديك السوق وتعال شوف سبحان من يحي العظام وهي رميم
-
عزوز حبيب قلبي فديتك وفديت مشاعيرك المجروحه
الوسمي ياقاسي الحب قطع قلوب العذارى ارحمنا ياخي

يا قاسي بص في عيني.. وشوف إيه أنكتب فيها
دي نظرة شوق وحنيه .. ودي دمعة بداريها
وده خيال بيين الأجفان.. فضل معاي الليل كله
سهرني بين فكر وأشجان.. وفات لي جوه العين ظله
وبين شوقي وحرماني.. وحيرتي ويا كتماني
بدي اشكي لك من نار حبي
بدي احكي لك ع اللي في قلبي

-

**نفركويس** · 16-06-2016, 02:00 PM

رد: حبتين ツ

يسعد مساكم ياحلوين
الله يتقبل منا ومنكم
سحبت على مدونة تراويح مافي وقت صراحة
معوضين خير بعد رمضان بصككم بمدونة ثانية
-
اول شي للناس اللي تقرا اول كم سطر وتروح تعطيك لايك ماتكمل
ياليت تسيرون على الخيمة الرمضانية سدحت موضوع هناك
-
كل خميس عندنا سحب على اربع جوائز نقدية بالعمل طيعا لا احد يطالعني كذا
اول شي المسابقة عبارة عن سوال يطرح يومي ونوزع نموذج اجابة حق اسبوع كامل
يعني تاخذ نموذج الاجابة تخليه معاك وكل يوم نعلق سوال بلوحة المسجد ما عليك الا انك
تاشر على الاجابة الصحيحة بالنموذج ويوم الخميس توضع بصندوق ونفرز الاجابات
وبعد الصلاة اخوكم يقوم يسدح كلمتين ويبدا بالسحب كل واحد يطلع اسمه يختار ظرف
وهو وحظه وش يطبع بالظرف ( 250-200-150-100) وهكذا كل اسبوع
المشكلة اللي صارت اليوم هي ان اكثر الفائزين الاسبوع الماضي وهالاسبوع زهارين
وتعال شوف التعليقات بعضهم يقولها بمزح وبعضهم مزحة بردحه لكن الله فوق
بقول لكم شي قبل اقفل موضوع المسابقة طبعا اللي سوا تصميم نماذج الاجابة
والاسئلة واعلان المسابقة هم اعضاء بعبير كل وحد منهم سوا شي قبل سنتين اذا ماخانتني الذاكرة
ومن اجل استمرار الاجر لهم باذن الله تعالى ماغيرت شي اللهم اتصل على المطبعه اقول له
غير التواريخ واطبع لنا عدد معين من كل نموذج حسب الحاجة
فاسال الله ان يكتب اجرهم ويسعدهم مدري بيقرون هالكلام او لا بس اذا قريتوه يعني وكذا
غيروا لنا التصميم الناس ملت من الشكل ههههههههههههههه امزح والله الله يوفقكم
-
انا قايل لكم من اول مدونة الوسمي جاها عين من شمس الله يصلحها
محد صدقني الحين وين الوسمي وين مدونته وش صار الله العالم
شمس الله يحفظك اخلع ضرس العقل وارسلية لانة حرف عشان تبخر به مدونة الوسمي
الله يسعد هالادامي المدونات ما تسوى من دونة مع فائق احترامي وتقديري لكل المدونين
عاد اذا تقرا كلامي يابو الاوسام سير علانا ياخي وطمنا عليك لو بنك ثاني اهم شي نسع علومك
-
ماشاء الله تبارك الله شهرزاد العضو النشيط بالمدونات وصارت مدونتها دورة تطوير الذات
شو رايك تغيري اسم المدونة تخلينه شهرزاد والسبع صنايع
ماشاء الله عليها تبارك الرحمن لا يجيها شي تقولون نفر
همة ماشاء الله وعدم استسلام ومثابرة وتجديد وتطوير وتحصيل
ربي يوفقك ويسعدك ويحقق امانيك يارب حطي معها حفظ جزء او اكثر من القرآن تكمل المنظومة

-
نشوفكم على خير باقرب وقت باذن الله
لا تنسوني من الدعاء

لي مو علي طبعا

**نفركويس** · 20-06-2016, 11:21 PM

رد: حبتين ツ

اخيرا وصلت مدونتي
مشوار صراحة وما فيني امشي هالمسافة
بس الحمد لله وصلت بعد مرور كم محطة بالطريق
حمدالله على سلامة وصولي
-
اول شي اللي يسالوني عن الوسمي بصدق بصدق والله انا مثلكم ما اعرف عنه شي
ولا ادري وين اراضية ولا ليش ساحب على المنتدى واللي يقولون داخل بنك ثاني
يمكن ليش لا بس اذا مافيه اي ملاحظة على اي عضو ما راح ادخل ملفه ابد ولا يحتاج اعرف
اذا كان عضوا قديم او جديد حياه الله بنكه الجديد او القديم واللي يقولون في منتدى ثاني مسجلين فيه
مجموعة من عبير برضوا معرفشي سيرت عليه وشفت اعضاء يشبهون اعضاءنا بس ما حبيت اتلقف
لذلك يكفي الوسمي وكل شخص غائب دعواتنا لهم بالحفظ والسعادة والتوفيق دوما وابدا
وليعلموا انهم بالقلوب لهم مكانة ونتشوق لشوفتهم من جديد قريبا باذن الله
-
هنيئا لمن يستطيعون الذهاب للصلاة في الحرم المكي
هل تعلم ان الصلاة في الحرم المكي ب 100000 صلاة
وهل تعلم انك تحتاج الى 55 سنة لكي تصلي 100،000 صلاة
شفت كيف الوضع صلي فرض تحصل على اجر 55 سنة من الصلاة
صلي فرضين 110،000 وهكذا لذلك اذا ذهبت للعمرة حاول تصلي فرض
اي فرض ظهر عصر مغرب عشاء فجر المهم حاول تصلي فرض في الحرم
وفي رمضان الاجور مضاعفة وماتدري كم يضاعفها الله لك
لان الله كريم ذو فضل لا تتخيل انه يعطيك شي قليل ابد بل تخيل اكبر كرم يخطر ببالك وسيعطيك الله اكثر منه
-
دخلنا في العد التنازلي لرمضان اليوم ليلة 16 انتهت وبقي 14 ليلة ياويلي ويلاه مسرع رمضان
اذكروا اخوانكم واصدقاءكم واحبابكم بدعوات في هذه الايام لعلهم لا يصلون لمنزله عاليه الا بدعواتكم
حافظا على دعاء اللهم اغفر للمسلين والمسلمات والمومنين والمومنيات الاحياء منهم والاموات فانها
دعوة لهم وحسنات لنا بكل مسلم حسنة عاد انت احسب كم مسلم من ايام ادم الى يومنا هذا
طبعا اذكروني بدعوة معاكم اللي ما يدعي لي يارب يصير متين وتضيق عليه ملابس العيد
-
على طاري ملابس العيد عندي ثوب طويل شوي ولي اسبوع ابي ارجعه الخياط عشان يعدله والى الان ما وديته
وعندي ثوبين عند خياط ثاني المفروض اخذتهم من اول يوم رمضان وما اخذتهم ما نقول غير الصلاح من الله
او على قول تلك الفتاة المهسترة ( السودان في قلوبنا )
-
اخيرا
كل يوم يمر علينا هو يشبه اختبارات الدور الثاني
فرصة للتوبة ، للنجاح ، للحب ، للسعادة
بغض النظر عن نتيجة اختبار الدور الاول نحن امام اختبار دور ثاني ينقلنا لمرحلة جديدة ان احسنا استثمارة

ودمتم سالمين

**نفركويس** · 21-06-2016, 01:52 PM

رد: حبتين ツ

.
.
.
‏"هل سمعتم عن فؤاد
‏راحل يهوى المدينة؟
‏حين غنى بهجير الشوق
‏أغرته السكينة
‏كيف لا يهوى ثراها
‏وهي للتقوى معينه"

**نفركويس** · 23-06-2016, 10:29 PM

رد: حبتين ツ

اخر صفحة للي تحبة
اذ لم نحسن استقبال رمضان
فلنحسن وداعه
يومين وتدخل ليال العشر
فيها ليلة القدر خير من الف شهر
يعني خير من اكثر من 83 عام
بعض الناس تمر عليه ليلة القدر وهو يتلو القرآن
او قائم يصلى او يذكر ربه او يدعو ويكتب له عمله هذا كانه عمله ل 83 سنة
وبعض الناس يكتب ليلة القدر عمل 83 سنة يدور جزمة على مقاسه او فستان لونه ع الموضه

عارفين برامج المسابقات اللي تصل ويحاول يجاوب قدر يفوز بجائزة وقد يدخل على السحب النهائي
رمضان كذا انت الان متصل برمضان فلا يخرج رمضان وانت لم تفز
لان في الحديث فيما معناه خاب وخسر قيل من قال من ادرك رمضان ولم يغفر له
معناة فيه ناس يدركون رمضان لكنهم لم يغفر لهم
تخيل ياخي كل هالملايين الذين اعتقهم الله عز وجل من النار من اول يوم رمضان الى اخر يوم
ولم نجد لنا اسماء بينهم
وتخيل ايضا ان كل هالملايين اعتقهم الله وانت واحد منهم
اسال الله الذي تفضل علينا ببلوغ رمضان ان يوفقنا لقيام ليلة القدر
-
فيه ناس يقولون صارت حبتين زي قناة المجد
قلت اي والله حتى انا ابي ارجع لقناة وناسة مو جاي معاي ههههههههه
-
اللي عنده اعتراض على قناة المجد يرفع يده
واللي عاجبته يفتح فمه

**نفركويس** · 11-07-2016, 07:51 AM

رد: حبتين ツ

السلام عليكم ورحمة الله وبركاته
اسعد الله اوقاتكم
وكل عام وانتم بخير
وتقبل الله منا ومنكم وجعلنا واياكم من المقبولين
ومن العائدين يارب

**نفركويس** · 12-07-2016, 10:27 AM

رد: حبتين ツ

لما بنداوم بنروح الجنة

صباح الخيرات والمسرات
تشكرات لكل اللي سالوا عني
واللي عايدوني خاص او تقييم او خارج المنتدى
وشكرا للادارة على الترقية الجديدة او المسمى الجديد
تحيه خاصة لكل من سال عني عن طريق بعض الاعضاء
ياخي تعال واسال مباشرة ما يحتاج تكلم احد تراني متواضع يعني مو لازم مواعيد وكذا
-
تحديث سناب الجديد ما جاء الا بعد ما وقفوا حسابي كم مره
اخيرا قرروا يفتحون التحميل من الاستديو للسناب مو لازم مباشر
من اول محمل برنامج يحمل مقاطع ويصور للسناب ويوقفون حسابي
الحين يوم صار خاصية بالسناب احسه مو زين ما احسه سناب
ما نحب المشي بالسليم لازم نسوي خروقات

-
عندي حكي كثير عن العيد ومظاهرالعيد وبعض الاشياء اللي صارت مثل الشيلات بمسجد بجدة
ومواقف صارت وهيك لكن اذا الله يسر بيصير لها وقت مناسب واسدحها
فره سريعه عالرعية ويمكن نعود

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget