حبتين ツ

تقليص
X
تقليص
 
  • الصفحة لـ 332
  • الوقت
  • عرض
إلغاء تحديد الكل
مشاركات جديدة
السابق 1 159 209 249 250 251 252 253 254 255 256 257 258 259 260 261 262 263 264 265 266 267 268 269 309 332 template التالي
  • نفركويس
    V - I - P
    • Apr 2009
    • 3674
    •
    #2581
    رد: حـبـتـيـن ツ

    هلا طيف بنت عابر منوره
    وين جنانوة السطوح معاد تحكين عنها
    لايكون جابوا جني يقرا عليهم عشان تطلعين منهم
    والا يمكن برد ما يطلعون السطوح

    على طاري الجن اذكر مره قعد اسولف مع جنية
    يمكن ذكرت القصه قبل باختصار واحد متلبس بجنية وجلست اتكلم معاها ليش انت معاه وليش ماتروحين
    قالت احبه
    شوف ياخي الحب ذا جنن الناس وانس الجن
    يعني الحين الحبيبة حقين الجن اذا تكلم عن خويته قال ياخي خويتي مننستني واحنا نقول مجننتني

    اقول لكم شي
    احس اني افتقد نفر
    انا مو انا معاد اعرفني

      تعليق

      • نفركويس
        V - I - P
        • Apr 2009
        • 3674
        •
        #2582
        رد: حـبـتـيـن ツ

        احد شاف شي
        التعديل الأخير تم بواسطة نفركويس; 26-01-2016, 02:58 PM.

          تعليق

          • نفركويس
            V - I - P
            • Apr 2009
            • 3674
            •
            #2583
            رد: حـبـتـيـن ツ

            يسعد مساكم
            داخل من الجوال اتطمن ع عيالي بعبير
            وفيه وحده تقول بتنزل حدث صار بيننا وانتظره من امس
            اخلصي خن اشوف كيف شكلي وانا معصب
            -
            المنتدى نور النهار ده بقدوم عميد المدونين اخصائي تدوين مميز الدكتور الوسمي
            ياخي فقدناك وصارت حالتي حاله وجلست اسمع شيلات فلبينية مسرعة
            حياك يالخوي ومن طول الغيبات جاب العيد
            -
            امس من الفضاوة رحت مدونات العربان الاولين كنت اقرا مدونة فجر المحبة ع فكره اخر اخبارها جاها بنوته
            عقبال البنات اللي هنيا يعرسون مع اني متيكد بعض البنات محد بيضحي وياخذهن عارفات انفسهم
            -
            اليوم نوم بنوم بنوم صح مو باليت بس نمت كويس واحس النوم ماشبع من عيوني
            ما ألوم النوم إذا م شبع من عيوني ......
بالله عيوني مين اللي يمل منها
            مابه الا صداع قليل بيفك شويات وبس
            ماني شايل الاهم تنسيق التدوينه الحين وانا داخل من الجوال
            يامعين الصابرين
            دمتم سالمين

              تعليق

              • نفركويس
                V - I - P
                • Apr 2009
                • 3674
                •
                #2584
                رد: حـبـتـيـن ツ

                يسعد مساكم
                وشفيهم العالم من حطيت هالرمزيه وهي قابه علي
                غيرها يانفر وش ذا النظاره اكبر من وجهك
                مالقيت الا هذي الرمزيه
                ياخي مو عاجبتكم لا تطالعون
                بعدين تعالوا هنا
                دامها ماجازت لكم خلو عندكم شويت زووءء وسوو لي رمزية وتوقيع
                خلوكم مثل هذولاك حقين الطاقه والمدربين
                لا تفكر في المشكله بل فكر بحل المشكله
                يعني لا تفكرون بالرمزيه فكروا كيف تسوون لي بديل عنها
                -
                مدلي كيف الواحد يكون مبسوط ومرتاح نفسيا ويروح يدور شي يحزنه ويقلب نفسيته
                مثل هالاوادم اللي تكون الضحكة تشق وجهه ومرتاح ويقوم يتفرج مسلسل كويتي
                قدر الله وجلسست مع امي وقت مسلسلها وقلت بتابع معها قسم بالله خاست نفسيتي وتعبت منه
                كله بكاء وخيانات ومواقف محزنه وبراطم
                وش الله بلاني وخلاني اتفرج عليه ومدري وش حب امي تتفرج لا والمشكله تعلق طول المسلسل تعلق
                هذي كلها من سبايب هذيك الملعونه والله ما تستاهل هذي المسكينه
                وش حادك يمه اللي فيك كافيك لا تعورين قلبي عليك
                -
                شفتوا النور اللي هل علينا بعبير
                مالاحظتو المشرف الحلو اللي طل
                الف مبروك ي الوسمي ع الاشراف
                وعقبال بقية الشله يجون
                ننتظر لمساتك السحريه عالقسم ياقمر
                -
                ع بالي كمن شخص لو ربي يهديهم ويطاوعوني
                وتزين الامور باذن الله
                على طاري اللي يرسلون يقولون نفر فيه شي
                مو نفر الاولي بك شي فيك شي
                ابشركم اني بخير وعافيه وارقص طربا
                في شويت شيئات شاغله البال وباذن الله تيسر الامور
                شكرا من الاعماق لمشاعركم
                -
                دمتم سالمين
                التعديل الأخير تم بواسطة نفركويس; 28-01-2016, 12:05 AM.

                  تعليق

                  • نفركويس
                    V - I - P
                    • Apr 2009
                    • 3674
                    •
                    #2585
                    رد: حـبـتـيـن ツ

                    اليوم تذكرت اخونا القيصر قلت خل اراسله واتس
                    وفعلا ارسلت له سلمت وسالته كيفه وكيف الاهل
                    وقلت لك وحشه ياحلو وين ايامك
                    طبعا رد الحمد لله تمام وانت
                    انا وجهي قمط وش هالرد البارد
                    رديت قلت الحمد لله
                    جت الطامه اللي بعدها
                    قال ( مين معاي لو سمحت )
                    الله يصلحك ياذكريا جبتها وسط الصندحه
                    انا نفركويس
                    او اللي كنت كويس قبل شويا
                    المهم سلمنا ع بعض وانا بدون جبهه

                    المهم اني مرسل لكم واحد من ربعنا بعبير والى الان محد رد الله يستر هههههههه
                    بس برد قلبي عبدالعزيز لاشي يستحق بالرسائل اللي تبرد القلب وتسر الخاطر الله يسعده

                    المهم القصير يسلم عليكم كلكم فردا فردا
                    -
                    اليوم جتني رساله تحذيريه من الارصاد
                    باختصار يقولون فيه موجة برد وثلوج وصقيع على شمال المملكة ومرتفعات تبوك
                    وتتاثر بها الشرقيه وحائل والقصيم والرياض
                    طيب دامكم عارفين كذا ترسلونها لاهل جده ليش تبون تقهرونهم يعني
                    شوف ان صارت فيضانات او مشاكل بهالمناطق فبقول لكم من الحين تراهم اهل جدة صاكينكم بعيون مو عين
                    -
                    فيه ناس عندي جوالاتهم ونفسي اراسلهم بس خايف على جبهتي بصراحه
                    تعرفون عاد الصنادح اغلى مايملك الرجل ما يفرط فيها
                    المهم شو رايكم اراسلهم او لا
                    -*
                    دمتم سالمين
                    التعديل الأخير تم بواسطة نفركويس; 28-01-2016, 01:03 AM.

                      تعليق

                      • نفركويس
                        V - I - P
                        • Apr 2009
                        • 3674
                        •
                        #2586
                        رد: حـبـتـيـن ツ

                        اكره شخص عندي هو اللي يتغير عليا فجاءة وماعرف السبب
                        ياخي خلك انسان مو حيوان تعال ودق الباب وقول نفر موجود
                        بقول مين يبيه اذا قلت انا بقول لك انقلع ما ابيك تدخل بيتنا
                        قول اصلا ماجيت ادخل انا جيت اقول لك اكرهم يانفر
                        اكتشفت فيك كذا وكذا وكذا
                        سمعت عنك كذا وكذا انخدعت فيك
                        وروح والله ماراح امسك فيك ولا اترجاك ترجع روح يستين داهيه بس علمني ياخي
                        لا يجي ببالك بترجاك بالعكس ممكن اقول لك قرب بقول لك سر
                        واهمس باذنك واقول (نحاك السده ) الترجمة لغير الناطقين بالزهرانية يعني شوف الباب
                        بس علمني ياحيوان علمني لا تخليني افكر ماحب افكر كثير
                        بغض النظر اللي سمعته صح او لا
                        وبغض النظر اللي فهمته صح او لا
                        وبغض النظر اني خبيت عنك شي او لا
                        وبغض النظر انخدعت فيني او لا
                        تراك بهذه الطريقه اثبتت انك ما تساهل صداقة نفر
                        يقول المثل
                        اذا احببت نفر لا تقطعه مره
                        عاد مدري كيف يجي بس القصد علمني ياخي تكفى
                        قبل فترة حاس فيه عضو متغير راسلته يرد من طرف خشمه
                        لاتقول كيف شفته يبان من الردود اذا من طرف خشمه والا لا
                        المهم ارسلت له وانا معصب وش فيك متغير
                        رد وش فيه
                        رديت غريب
                        مدري وش رد ومدري وش رديت
                        بعدين ارسل رساله ينكت
                        خذوا عقلك تنكت وانا معصب
                        احترم عصبيتي ياخي
                        نفروبك يابو الخنافر والشعر النافر
                        -
                        قبل اخرج
                        عبدالعزيز لاشي يستحق
                        يسلم عليكم نفرا نفرا ونفرة نفرة
                        -
                        دمتم سالمين
                        التعديل الأخير تم بواسطة نفركويس; 28-01-2016, 01:09 AM.

                          تعليق

                          • نفركويس
                            V - I - P
                            • Apr 2009
                            • 3674
                            •
                            #2587
                            رد: حـبـتـيـن ツ

                            يسعد صباحكم
                            الحين صباح والا مساء
                            بش شفت الوسمي مداوم جا عبالي الحين الصبح
                            مشاء الله تبارك الرحمن تف تف تف
                            المنتدى شغال بالطالع وعلومه زينه
                            ومشرفين ولا اروع وباذن الله فيه ناس تانين ربي بيهديهم وينظمون للاشراف
                            ومنها يترقون للرقابه باذن الله
                            من عرف عبير زمان يقدر حماس الاعضاء لعودة المنتدى لمجده
                            وبكل صدق المنتدى يقوم على المشرفين اذا المشرفين يقومون بعملهم كويس
                            يعني المنتدى اكوس منتدى ومن حسن الى حسن ( تذكرت معلم النصوص )
                            اكون معكم صريح ما اطمح يرجع المنتدى مثل اول لكن باذن الله ينتعش المنتدى
                            -
                            يقال ان رجلا جاء عند جحا وقال اريد استعارت حمارك لاحمل عليه بعض الاشياء
                            فقال جحا ان الحمار ليس بالبيت قد استعارة شخص اخر
                            فنهق الحمار
                            فقال الرجل وهذا وشهو
                            قال جحا اتكذبني وتصدق الحمار
                            وش الفايدة من القصة
                            الفائدة هي بان الحمار قد يفضحك احيانا هههههههههههههه
                            عاد المعنى في كرش الشاعر
                            لكن انتبه لا تعتمد على حمار
                            مدري وش عندي بذا السالفه بس حاسس وراها شي مدري وش هو
                            -
                            سوال او استفتاء او استشارة المهم عطونا رايكم
                            الحين لو في وحده لديها صديقه عزيزة مره اقوى شي
                            وهالصديقة لها علاقة مش ولابد مع شخص برضوا مش ولا بد
                            المهم هالوحده تبي تخلي صديقتها تبعد عن هالشخص
                            هل لها الحق تهكر جهازها او تخترقه لاخذ بعض الرسائل الخاصه
                            وتعرضها عليها وتقول هذي رسائلك مع فلان لا تنكري
                            ولازم تبعدي عنه تراه مو كويس وهالشي حرام مايجوز
                            ياليت تعطونا رايكم وتعطونا حل وش تسوي هالبنت مع صديقتها اللي تحبهاوتبي تنقذها

                              تعليق

                              • نفركويس
                                V - I - P
                                • Apr 2009
                                • 3674
                                •
                                #2588
                                رد: حـبـتـيـن ツ




                                وأشد ما يكوي فؤادك والدما
                                ويحيل دنياك السعيدة مأتما
                                أن يطعن القلب الحزين بخنجر
                                ممن ظننت بأن يكون البلسما






                                  تعليق

                                  • نفركويس
                                    V - I - P
                                    • Apr 2009
                                    • 3674
                                    •
                                    #2589
                                    رد: حـبـتـيـن ツ

                                    من يتابع الاعلام في اليومين الماضيين يجد انه عاد للغمز واللمز بعد توقف دام سنة كاملة
                                    واخر صيحات الغمز واللمز والتلفيق هو مافعله العلياني في برنامجه مع الشخ الدكتور العريفي
                                    مع اني لست من متابعي العريفي ولست من المهتمين بما يطرحه كثيرا وبصدق تستهويني الدروس العلمية اكثر من المحاضرات
                                    ورغم انني جمعني به ثلاث لقاءات فقط الا ان الرجل نعم الرجل رغم انف العلياني ومويديه ومناصريه
                                    ومافعلة هذا الاعلامي الصغير من بتر وتلفيق لكلام العملاق العريفي هو دليل ان اعلامنا لا يمثلنا بتاتا
                                    بل في الواقع انه يدار من دولة مجاورة ظاهر تعاملها معنا الرحمة وباطنه الحقد والغيظ وقد تبدي الايام الاسوا
                                    وفي عهد وسائل التواصل الاجتماعي اصبح كذب مثل هالاعلاميين سريع وحبلهم سريع الانقطاع
                                    لكن ما يشجعهم على الاستمرار هو دعمنا لهم من خلال التفاعل مهم في قضايا اخرى
                                    فهم على مدى شهور في عدة حلقات يطرحون قضايا تهم المواطن وتلامس احتياجاته وبعد تكوين جمهور لاباس به
                                    يبدون باختيار شيخ او داعية او قضية دينيه او جهة معينة ويعرضون حلقة خاصة عنها ويبترون المقاطع ويزورون المقالات
                                    وما العريفي الا واحد من عشرات الدعاة والجهات التي ثبت براءتهم من افتراءت اعلامنا
                                    لكن السوال الذي يطرح نفسه لماذا اعلامنا يفعل هذا ولصالح من يتم تقسيم المجتمع ومن المستفيد من اسقاط العلماء والدعاة وهل الخير

                                      تعليق

                                      • نفركويس
                                        V - I - P
                                        • Apr 2009
                                        • 3674
                                        •
                                        #2590
                                        رد: حـبـتـيـن ツ

                                        ودي اسجل المواقف الطريفه اللي تحصل للاعضاء
                                        لاحد يقول ماقد صار موقف طريف او محرج
                                        كلنا ذاك المفهي اللي يقع بموقف
                                        اذكر مره بلقاء مع اخوة من الامارات وكنت اتكلم عن مركز صيفي
                                        وتحمست وهم تحمسوا معاي لانشطة المركز واعجبهم الوضع فقال احدهم
                                        وش اسمه انا عبالي يسال عن اسمي قلت احمد الزهراني
                                        قال غريبه مركز صيفي بهالاسم
                                        المهم مالقيت ترقيعه للموقف

                                        اذا ممكن كل شخص يرسل لي موقف صار له مع اهله في المدرسه في الجامعة مع اصحابه
                                        ارسلوها وبنزلها هنا بدون اسم اذا حابين
                                        اذكر مره وحده ارسلت لي موقف تقول رحت العمرة مع اهلي
                                        والناس تدعي وانا مو عارفه وش اقول
                                        قمت دعيت وقلت ( اعوذ بالله من الخبث والخبائث )
                                        ابوي سمعني وقال خسارة التذكرة فيك

                                        عطونا ماعندكم من مواقف لكم او سمعتوها او شفتوها
                                        التعديل الأخير تم بواسطة نفركويس; 29-01-2016, 08:50 PM.

                                          تعليق

                                          السابق 1 159 209 249 250 251 252 253 254 255 256 257 258 259 260 261 262 263 264 265 266 267 268 269 309 332 template التالي

                                          google Ad Widget

                                          تقليص
                                          يعمل...