حبتين ツ

**نفركويس** · 09-09-2012, 11:01 PM

رد: حـبـتـيـن ツ

ياخي اتكيت في كل شي
بعض الناس ماشاء الله فاتح مدونه
وفارشها احسن فرش ومزين المدخل بنجوم
وحاط عند باب المدونه زباله
شفتوا كيف العالم المتحضره
موبعض الناس 4 نجوم بس

تذكرني بشقق ابها المفروشه

**نفركويس** · 09-09-2012, 11:06 PM

رد: حـبـتـيـن ツ

تحياتي للجميع
وشكري وتقديري لكل من سال وتابع حالتي
ابشركم انا بسبع ارواح ع قولت ابوي الله يحفظه
تطمنوا باذن الله مافيني غير العافيه
وانتظروني غدا ان شاء الله في مدونة حركات
وبابداء بالشان الرياضي السعودي والحال الكويسه اللي احنا فيها
انتظروني
يالا
تصبحون مساءا

**نفركويس** · 11-09-2012, 10:19 AM

رد: حركات ^_*

صباحكم حركات
هل تعلم اننا صرفنا 40 مليون يورو ما يعادل 120 مليون ريال سعودي
ريال ينطح ريال عشان نشارك في المبياد لندن
ودفعنا 12 مليون ريال سعودي عشان نلعب مع اسبيانيا
الفرق الوحيد ليس في المبلغ فقط
بس حتى في النتائج
في لندنا دفعنا وتهزنا وتطلشنا ( المتسابقه السعودية في الجودي
اما مع اسبانيا الله فكنا من التطليش دفعنا واتهزنا بس
ال 120 مليون اللي دفعناه في لندن شملت شراء خيول
اجل وين الخيول اللي راجينا فيها القناة الرياضيه
اللي ما نشغلها الا اذا جانا ضيوف
طلعت حمير وهم ضاحكين علينا
وابشركم القناة الرياضيه بتنقل الدوري السنه هذي والجايه بعقد حصري
ابوي يقول
قهر في امه غدا ينكح
يعني واحد ماقدر ياكل امه ويسكنها راح تزوج
هذا المثل ينطبق على القناة الرياضيه
عالتنا ه القناة وغاثتنا ولا عندهم سالفه
قاموا زودو جرعات الغثاء وخلوها 6 قنوات
ولا في اي تجديد لا في الاخراج ولا البرامج والا التصوير اللي كانهم
يصورون بكيمرات جوال

راح شتاء وجانا شتاء وانا انتظاري لا متى
ماشفت وطنيه زي نادي النصر
شافوا المنتحب ما يحقق بطولات ولا يفلح في شي
فسوو مثله لا بطوله ولا مستوى ولا مدربين
معليش يالنصر في هالاشياء خل الوطنيه ع جنب

جبنا ريكارد يدربنا وكان ماشاء الله وجهه منور ومتعافي وكله حيويه
الحين اللي يطالع في ريكادر مسكين صاير عمره تقول 100 سنه
وكانه عربي عايش سنين عمره في معتقل
وعويناته داخله في جبهته وحواجبه طايره فوق من كثر الاندهاش
يشوف تمارين كويسه لكنه يتفاجاء بنتائج مش كويسه
حتى صار يقول ياويلي ويلاه

دام فتحنا سالفت المدربين
ما ادري المغرب هي منطة سعوديه
وش لنا صلاح ندفع راتب مدربهم
وانديتنا يوجه لها خطاب باخلاء مقر النادي لانه مو مطابق

دخل اميرنا التويتر قلنا رئيس الشباب لازم يتوتر
دخل اليوتيوب قلنا رئيس الشباب خليه يتب تب
دخل الفيس بوك قلنا رئيس الشباب خله يفس فس

**نفركويس** · 11-09-2012, 10:45 AM

رد: حركات ^_*

مبروووك عالنصر
حسني عبدربه سرقوه من الاتحاد
و الفريدي سرقوه من الهلال
ع بالهم المشكله في اللاعبين
ما ادرو ان المشكله في الراس الكبيره
الادارة ياعزيزي ما فكرتوا تتعاقدون مع ادارة جديده محترفه
.
.
.

عزيزي البلطان وش سالفة فوز الشباب هو تحقيق للعدل والحق
تراها كورة ماهي ثورة مصر
خف علينا يا بوبط بط
.
.
.

يعجبني الاحساس المرهف لدى رئيس الهلال
بعد كل هزيمه يخرج علينا اعتذر لجاهير الهلال
اظني سمعتها منه 6 مرات
ياويل قلبي علاك يادحومي
بس وانا اخوك تراك زعولي
ليه تزعل اذا شاركوا لاعبين الهلال مع المنتخب
وكل مشاركه تخرج تقول ماله داعي المنتخب يشارك في هالبطوله
اجل المهم الفوز على النصر
.
.
.

ياخي الفايز عليه حركات رئيس الاتحاد
كرهتنا ياخي في الشاورما
وصرنا نتردد نشتري شاورما والا نعطيك القيمه
بس انا كنت اشتري 3 شاورما بعد كلامك صرت اشتري 2 والثالث للنادي
بس ماقلت لنا شاورما لحم والا دجاج صاروخ والا عادي
ابو حميد ضبط علاقتك مع البلوي وبتزين ادارتك
.
.
.

رئيس النصر عرف لها من بدري
ولا اعتذارات ولا شعارات ولا شاورمات
اعلنها بوضح ما صديقنا الا حنا
يعجبني صاحب المبداء الثابت

**نفركويس** · 11-09-2012, 10:56 AM

رد: حـبـتـيـن ツ

صباحكم حركات

حركات
بدون زعل يالربع

**نفركويس** · 11-09-2012, 11:12 AM

رد: حـبـتـيـن ツ

طب طب
مسرع عصبتي
تو فرحنا وقلنا بنشوف رومنسيتك
وقلت البنت الحين بتكتب باللون الاحمر الناري
وتحط صورة كم ياباني من هاللي ذابحينا فيهم
واقرا لك مره وحده بعمري قبل لاموت انك كتبتي شي رومنسي
ما مداك ترومسين
الا انت معصبه
خفي علانا

**نفركويس** · 11-09-2012, 07:50 PM

رد: حـبـتـيـن ツ

وش هالتسوول اللي صاير هاليومين
تذكرون اللي يجون بالمساجد ويقوم الواحد بعد الصلاه ويطلب الناس
ويجلس باخر المسجد وكلن يعطيه النصيب
نفس الحركه الحين صايره بالاسك مي

يرسل لك واحد يقول
قدر الله علي وانا اخوك وفتحت حساب اسك مي
وتعرف الحاله والظروف وموقفي بين الناس
فاعطوني مما اعطاكم الله وراء اقساط 15 الف لايك
وايجار 3 الاف فلو ومصاريف والله عالم بالحال
وش ذا ياعالم
الاسك عشان تسال وتستفيد ومو مشكله لو به شويت سوالف
مو للتسول
لو يجيك واحد او اثنين نمشيها
بس كل يوم يجيك 4 او 5 زي كذا
ويتشرط بعظهم يقول لك ياليت تكون اسئله وفلو ولايكات
يعني ما يخليك انت عى راحتك تتبرع لا
عطني وع\ني وعطني
وتدخل ملفه تلقاه نص الاسئله تافهه والاجوبه ماط له ضحكه من اول الصفحه لاخرها
والفلوز 5847 والمعجبين 56987 والثقافه 0

**نفركويس** · 12-09-2012, 09:49 AM

رد: حـبـتـيـن ツ

صباحكم جديد
وش هالزين وش هالزين
لوك مره مره مره مو حلو
احسن مافيه اسم المنتدى فوق طالع كوشخه

مادري من عينه قويه وصاكن ذا المنتدى بعين
ما مداها تطير الفراشات البارح والبنات انهبلوا
(واي فراشات واي تطير)
لين خرعوا الفراشات وهجت وخذت الوردي معاها

اركدوا شوي يابنات خلكم رزينات
مو اي شي تصارخون تصحون الواحد من النوم ع باله في شي
وانتوا ماعندكم غير الدجه وفرحانين
المهم
اللي يشوف الفراشات يصيدهم ويجيبهم لنا عشان نرجعهم للقفص الوردي

وسلامتها ام حسن

**نفركويس** · 12-09-2012, 10:19 AM

رد: حـبـتـيـن ツ

وحده كاتبه بالتويتر
كل الشباب خائنين مثل بعضهم
رد عليها نفر وقال
محد قال لك تجربينهم كلهم
.
.
.
.

تم اختراق الجبهة بنجاح

**نفركويس** · 12-09-2012, 05:22 PM

رد: حـبـتـيـن ツ

يالربع احد شاف طبعي مالها حس
اختفت البنت
لا يكون شافت الاستايل الجديد وجاها جلطه

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget