حبتين ツ

**نفركويس** · 05-05-2013, 11:25 PM

رد: حـبـتـيـن ツ

ما بطول علاكم اخر صفحة هنا
قبل كم يوم كنا انا وشخص من عبير تنجاذب اطراف الحديث ع الواتس عن عبير
وبدينا كل واحد يجذب من جهه
ويوم شفتها جذب بقوة واني اقوم اجمع قواي كلها واسحبه بقوه
وخوينا بالرياض من قوة السحبة وصل الطايف

ايوه وش اخباركم

المهم
كنا نتكلم عن عبير اول وعبير الحين
ويقول كل شي تغير
الاعضاء والستايل ومدري وش
قلت ترا احنا يوم جينا ب2009 كانوا اللي قبلنا يقولون نفس الكلام
ويحشون فينا وبعضهم ترك المنتدى
قال والله صادق كل ناس لهم زمانهم
قلت فعلا واللي يحي المكان هم اهله الموجودين فيه
ولا يعتمد ع احد عشان هيك بعض الاماكن مستمره
المهم في اخر الكلام حسيت انا شيبان متقاعدين وجالسين بالقهوة ههههههههههههههه
وبغيت افتح سالفه ثانيه
قال لي حماده انا اسوق ومقدر ارسل دق علي او اكلمك لامن وصلت
عاد انا لقطت وجهي وقلت عادي الله ييسر امرك حتى انا عندي بالعمل يبون اجلس معاهم
بس من وقتها وخشمي مو مضبوط احسه مو راكب زين ما تلاحضون هالشي

قبل افلح وانسى
احد يبوس لي الوسمي ياناس احبه هالولد
بس تراه جاب لي الحساسية من اسمه
بالتويتر تجيني رسائل تقول لي اعترف انت الوسمي ونفر صح
عاد انا اقول لهالعينات
اللهم حوالينا ولا علينا اللهم على الفيس بوك والبلوق اللهم اكفناهم بما شئت

دعواتكم يالربع اختباراتي يوم 7/6 تبدا واول اختبار يوم 9
وبس خلاص
نشوفكم بعد الاختبارات ان الله احيانا

**نفركويس** · 23-06-2013, 10:03 PM

رد: حـبـتـيـن ツ

السلام عليكم
انا جييييييييييييييييييييييييييييييييت

**نفركويس** · 23-06-2013, 10:19 PM

رد: حـبـتـيـن ツ

اسعد الله اوقاتكم يا ايها الربع
وشحتوني وشحتوني وشحتوني
ابشركم اخوكم اموره زينه ويرقص طربا
لمن سال عن القامعه ابشركم نقحت ياقماعه ايي واللهي
عاد الهدايه ع زوئقكم ما يحتاج احد يقول وش تبي هديه
راضي باي شي اهم شي الاخلاق
.
بسير ع مدونات ربعي وارجع لاحد يروح
درب درب

**نفركويس** · 23-06-2013, 10:22 PM

رد: حـبـتـيـن ツ

المهلي ما يولي
يسلمو اسير اند باقي امل
عساني معدكم
واعتذر عن العشاء تراني مرتبط اليوم لاتحلفون
طيب دامكم ملزمين العشاء عندك اسير
والغداء عندك باقي امل
ما احب ارد الغالين

**نفركويس** · 23-06-2013, 10:38 PM

رد: حـبـتـيـن ツ

نجوم سطعت في سماء مدونتي
انا2
وانا فدا مشادقك وانا دفعك ما تقيب بوسه اموووووووووووووووووووووووح
حونين العوتيبي
اه منور ياحقه امال انا قاي ليه مش عشان انور يسلموا حنين ما تقيبي بسكوت ابوهلال يامكثر الملاقيف حين تعدهم

ياسمينه الغربيه
امين يارب يسلموا ياسمينه ( ترا اناديها باسمها لاحد يحسبني اقول لها ياسمينه يعني يادبه لا لا لا يروح بالكم بعيد ) تحياتي لك خيتو
حلمي حلم الغروب
ربي يسعدك مبدع بوجودك ربي يسعدك وارفع صوتك خل بعض الناس تعرف اني مبدع عيد يخرب بيتك عيييد
شهرزاد
واياك يارب مدري ليش اشوف اسمعك اتذكر الحج واطلع الاحرامات بس تذكرت السديس يقول خفو من الحج والعمره هالسنه وهونت
لاشي يستحق
ههههههههههههههه ربي يسعد هالوجه يارجل بغيت اسوي عملية تجميل لخشمي قال الطبيب ما في امل يتصلح عجبك الحين
اذا تبي تكلمني اشترك بخدمة ببلي

حكايا
عيني بعينك كذا
خشمي بخشمك
والله ماجود يابت بس عاد نتغلى حبتين نشوف مين يسال عنا بس

ياعساني معدكم احوووووووووبكم كوووووولكم
امووووووووووووووووووووووووووووووواح

**نفركويس** · 23-06-2013, 10:54 PM

رد: حـبـتـيـن ツ

احب اهني الاسرة المالكة والشعب السعودي اول شي بسم الله الرحمن الرحيم
اهني الاسره الحاكمة والشعب السعودي والامة الاسلاميه والعربية جمعا
وكل من يدب على ارض بلدي اهنيهم بصدور قرار تغير الاجازة الى الجمعه والسبت
واحب اعزي العاطلين اللي مافرقت معاهم
واعزي اخوي وحبيبي ورفيق دربي الوسمي بيوم الربوع وانتقال الكبتنيه الى يوم الخميس
كما احب اقول لابوي تذكر يوم قلت لك خل الزواج يوم الخميس احسن وانت مصر تخليه الربوع
احسن خربها عليك ابو متعب واقعد بها
اهم شي مواعيدك بالمستشفى ما تنحاس
كما احب ايضا بهذه المناسبه اتقدم بخالص التهاني والتبريكات لحبيبي يوم السبت واحب اقدم له اعتذاري عن ما بدري مني
تجاهه في الاعوام السابقة واقول له ( اللي ما يعرف الصقر يشويه )

ورائصني ياقدع

**نفركويس** · 23-06-2013, 11:19 PM

رد: حـبـتـيـن ツ

قسم بالله يابعض العرب ان شوفته تشرح الصدر وكلمته ترسم البسمه وطلته تذهب الهم
حبيب قلبي وسومي الوسمي عساني ما اعدكم ياولد حرب
فديت راسك
يا ايها الوسمي الذي كويس .... لك بالقلب حته
خنقتني العبره مقدر اكمل

وقل لصاحبك اللي يحسبك انا وانا انت
فتح عينك تاكل ملبن يارجل

**نفركويس** · 23-06-2013, 11:22 PM

رد: حـبـتـيـن ツ

اشوف فيه ناس استغلوا قرار الملك بتصحيح الاوضاع وغيروا نكاتهم

ياخي اللي غير نك ويرسل او يقييم يعلمنا تراني شايب والذاكره لك عليها

وع قول المثل
تغير النكات لايفسد للود قضيه

**نفركويس** · 23-06-2013, 11:51 PM

رد: حـبـتـيـن ツ

هالله هالله عالجد والجد هالله هالله عليه
اليوم وضعنا اول خطوه على عتبات رمضان
العد التنازلي لم يبقى سوى ايام قلائل ويبدا مهرجان الاجور
ونصيحت اخ استعد لرمضان من الان عود نفسك عالصيام والقيام
عود نفسك ع القران عالصدقة عالبر عالعفو
بعضنا يجي عليهم رمضان يبداونه حماس وكل واحد هو وحماسه
اسبوع اكثر اقل ويبدا يحس بانه عادي مورمضان
لانه ما استعد لرمضان
كان الصحابه يبكون رمضان ستة اشهر ويدعون الله ان يبلغهم رمضان الاشهر الباقيه
فرتب نفسك واحزم امتعتك وجهز روحك لرحة الارواح الى رب السموات
فان الله لا يريد تعبك ولا جوعك ولا عطشك ولكن ( لعلكم تتقون )

**نفركويس** · 23-06-2013, 11:58 PM

رد: حـبـتـيـن ツ

ليلة النصف من شعبان صح فيها ثلاث احاديث لم يرد فيها تخصيص عباده او صوم او دعاء او صلاه لها
ولكن ما صح ان الله ينظر الى قلوب العباد فيغفر لهم الا من كان في قلبه شحنا او او شرك
فهي ليلة لتصفية القلوب فقط دون اي عبادات الا من كان له عبادة يعملها
فاللهم انا نسالك سلامة الصدر

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget