حبتين ツ

**نفركويس** · 19-01-2013, 12:27 AM

رد: حـبـتـيـن ツ

واو تعبت من الفرفره بذا المدونات
ركبت تكسي ورحت لين الصفحة 23
طبعا مو كل المدونات سيرت عليها
بس اسير على النكات واتذكر العالم اللي كانت هنا
وبعظعهم صكيتهم تقيمات صح يمكن ما راح يدخلون يشوفنها
بس كذا احس ابي اعطيهم تقيمات واعبر عن شوقنا لهم
المهم جيت بقيم ولد العم انا 2 حلف يمين المنتدى مافيه تقيمات

وقال لي رح خل الغايبين ينفعونك
مسوي فيها راعي شوق وذكريات
بس صراحة جولة جميله في مدونات خلق كانوا معانا
وكان لهم بصمه في عبير وبعضهم ماعنده عند جدتي
بس وجوده كان له نكهه خاصه
ربي يحفظهم وين ماكانوا

**نفركويس** · 19-01-2013, 08:57 PM

رد: حـبـتـيـن ツ

امسيتم صباحا
قال لي صديق ذات مره
من حكى لك اكيد حكى فيك
قلت صح وهذا مجرب
لكن اسمع حكمتي
قال وشهي
قلت (من سمع فيك ما عمره عزك )
قال كيف
قلت اذا شخص ادعى انك اخ صديق حبيب
وفجاءة تغير عليك بسبب انه سمع كلام من احد عنك
فاكيد ان كلامه عن الاخوة او الصداقة او الحب كان مجرد خنبقه
يعني مجرد تضييع وقت ومصلحة لاغير
فقال لي صديقي صحيح يانفر
بس وش السواة مع هالاشكال
قلت بسيطه
استخدم قانون ( نيوتن )
(لكل فعل ردة فعل مساويه له في المقدار معاكسه له في الاتجاهه )
قال اشرح لي يا استاذ نفر
قلت شوف حبيبي
اول شي اذا اللي يعزك مستحيل يسمع فيك مهما كان واذا شك بشي
يجيك يتاكد وعاد تسير الكورة في ملعبك ويجي دورك تبين صدق علاقتك فيه
لكن اذا ما جاك اكيد انه بيخف رجله من جيتك ويتغير عليك وهذا يسمى ( الفعل )
عندها انت بيكون لك ( ردت فعل ) على قد فعله هجرك اهجره سحب عليك اسحب عليه خف رجله خف رجلك
وبكذا تكون ردت فعل مساوية بالقوة ومعاكسه في الاتجاه
قال طيب في ناس نعزهم ويعزنا ولكن نزعل من بعض واحيان نقسو عليهم او يقسون علينا
قلت هنا يبان العود من الخشب
قال وش لون
قلت ياصديقي
ان العود اذا تعرض للنار يطلع رائحة جميلة رغم انه يحترق وهذا الصديق الوفي واللي يتحملك ويرجع لك ويعرف قيمتك
والخشب يطلع رائحة كريهه ودخان يعمي العيون مجرد ما تقربه من النار وهذا مدعي الصداقة

قال لي
قلت خلاص تراك زودتها هيا افرنقع عني ماني ناقصك
قال الشرهه علي معطيك وجه ياصديق
قلت بان الخشب من العود

**نفركويس** · 19-01-2013, 09:02 PM

رد: حـبـتـيـن ツ

يا اخي بعض المدونات المفروض يكون عنوانه
(مطاعم عبير لاشهى الماكولات المرئية )
تدخل شبعان تخرج سعابيلك مغرقة لوحة المفاتيح ( لاحد يقول الله يقرفك )

لكن صدق المثل اللي يقول
(من راقب المدونات مات جوعا )

**نفركويس** · 21-01-2013, 12:49 AM

رد: حـبـتـيـن ツ

السلام عليكم
اخباركم يالربع
ورا ماعلمتوني ان مدونة الوسمي صارت بالماسة الاولى قدام الاستاذ
دخلت ادور ع المدونة ورى بالزاوية جنب مدونتي خبري انا وياه
من اصحاب الركنيات بس ما لقيته رحت الصفه الثانيه مافي
الثالثة مافي قلت مو معقول تو شايفه امس ما يمدي راحت ورى
عاد من ذكائي عرفت انها قدام لاني ماشاء الله ذكي مره
افهمه وهي طايرة واذا مافهمته امسكها وافهمها بعدين اطيرها
المهم مبروكيشن عالفوز ياراجل تستاهل ياقمر وخل بس يفتح التقييم
واصكك بذاك التقييم اللي يخليك تلحق علي مابيننا فرق كبير
عاد دامك طريت الحروب مدري وش فيهم علي من فترة متغيرين
مدري وش مسوي لهم عاد لو اللي في بالي بقول لهم تعالوا خذوا
تقايمكم الاولات ما ابيها
الزبده
مبروك يالوسمي شخابيطك تستاهل

**نفركويس** · 21-01-2013, 01:42 AM

رد: حـبـتـيـن ツ

ياخي كل شي عندنا لازم نخلي فيه عوايل وشباب
بعد ما الله رحمنا شوي في الاسواق وسرنا ندخل بكرامها للاسواق
بدال التسحب والا الدخول بجنب اطرف عائله والا تقعد ترجاء برجل الامن لين تدخل
رحمنا الله ودخلنا وطاح كرت حارس الامن الحين ادخل من عندها وارمي ورقة اللبان عليه
لكن ربعنا لازم يدخلون سالفة عوائل بكل شي
عندنا بالدوام تقدم اجازة يردها طيب ليه يالحببيب
يقول اهل العوائل اولى بالاجازة عشان عيالهم
ياربي من هذا التفكير
احس حتى مخي صار قسم للعوائل وقسم للشباب
يارب رحمتك

**نفركويس** · 21-01-2013, 10:15 PM

رد: حـبـتـيـن ツ

مساء الفل ع الكل
المعنويات فل
مدري ليش
يمكن عشان قدمت ع علاوه
يمكن عشان بسير مسول قسم
يمكن عشان ريكارد فلسع
المهم ان المعنويات فل ابشن
الله لا يغير علانا ويرزقكم كل ما تحبون
برب لحين ميسره

**نفركويس** · 22-01-2013, 01:04 AM

رد: حـبـتـيـن ツ

اليوم العالمي لأسم حماده
احمد
هل تعلم
ان احمد من اروع الشباب عالميا ؟
هل تعلم
أن أكثر الأسماء شخصيه هو (احمد
لو تطلب عيونه يعطيك
ولو تطلب روحه جعلها فدا لك
من حيث رقي التعامل وطهارة القلب
فعلى الجميع المحافظه على من لديه أخ أو صديق او قريب اسمه احمد حافظوا عليه
يوم احمد العالمي
إذا كان"احمد" في لستتك
فأنت سوف تحصل على..
1- إنسان طيب
2-وسيع صدر
3-أجمل المقالب
4-ولد احلى من العسل
5-تحطه يمينك وإن طحت يسندك
6-حنان وعشق جبار
7-حلال المشاكل

نتضرع الى الله تعالى ان يحفظ كل احمد
يوم احمد العالمي
فليكن شعارنا احمد وبس.
يقولك :%90 من السعوديين
عندهم خال إسمه احمد
أو عم احمد
او اخ احمد
او زوج احمد
او ولد
وال %10 الباقيه هم عيال احمد
واللي ماعنده ولا احمد بالعائلة يراجع نفسه لانه وضعه مو طبيعي/:)
فديت احمد:*

**نفركويس** · 22-01-2013, 01:14 AM

رد: حـبـتـيـن ツ

ويستمر التميز بتواجدكم

الف مليون مرسي على تفاعلكم

**نفركويس** · 23-01-2013, 11:01 PM

رد: حـبـتـيـن ツ

عندما ترغب بتلوين حياتك فإستعن بالألوان التالية
: الصلاة ... الصبر ... الإبتسامة ... التفاؤل ... الصدقة ...
حينها ستصبح حياتك جميلة ...

**نفركويس** · 23-01-2013, 11:12 PM

رد: حـبـتـيـن ツ

اشكر كل اللي هنوني باليوم العالمي لاسم احمد
يسعدكم ربي واللي كلموني متى يوم اسمائهم العالمي
اقول لهم ترا بس فيه اليوم العالمي لاحمد بس مافي غيره
بس بحاول اكلم لكم الربع اللي هناك واحاول اخلي لكل اسم يوم عالمي
بس الصراحه مقدر اوعدكم بشي
عموما
اللي ضايع عليه شي يدور تحته قبل لا احد يقول لك دور تحتك
سبحان الله اي شي يضيع بالبيت يقولون دور تحتك
يضيع ريموت اول كلمه دور تحتك
يضيع جوال مشط مفاتيح
اي شي يضيع
حتى لو يضيع اخوك الصغير قالوا دور تحتك
ولا ادري تحتي ذا وش يشيل وش يخلي

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget