..(رواية تتعب لو معي تلعب)/الكاتبة ساندرا..
البارت الثاني والثلاثون (قبل الأخير)


ووقفت السياره وفتحت باب الشقه ولفحت العطور والمبخر على المداخل وسمعت صوت نصفي الثاني رجلي صارت تمشي بلاشعور ومسكت مقبض الباب وجيت بفتح الباب إلا بعدت يدي خفت انه يمكن يكون صدى صوتها بالمكان..او اني اتوهم..
جيهان انط بالسرير: هيه هيييييييه..(ووقفت شوي) ليه انا فرحانه؟؟..ههههههه لانه دق..هيييييييه..
راكان جمعت قوتي وفتحت الباب..
جيهان ألتفت لفتحه الباب وشهقت وفقدت توازني بالسرير لاني واقفه على الحافه..وبصراخ:اه..
راكان ركضت لها ومسكتها قبل ماتطيح وتمسكت فيني حيل وهي مغمضه عيونها حيل..تأملت بملامح وجها وانا كلي خوف عليها وبا أندفاع: جيهان انتي بخير..
جيهان وانا احس ان قلبي بيطلع من مكانه من الخوف: أي..
راكان ضميتها بصدري حيل خفت ا نصابها حاجه:بسم الله عليك يانبضي..
تميت بحظنه حول 15 ثانيه وبعدها بعدت عنه بسرعه وصديته..
راكان كنت متوقع هالشيء منها..ولها الحق ألي سويته لها مو شوي وبهمس: جيهان..جيهان..
جيهان مقدرتا رد عليه ولا اناظره حتى:................
راكان حبيت ألطف الجو شوي:عادي انام بالغرفه..
جيهان ألتفت له:لا مو عادي من قال انه عادي..
راكان:طيب وين انام..
جيهان كفت يدي: رح نام بيت اهلك..
راكان:بنام هنا..مو ببيت اهلي ذي شقتنا احنا..
جيهان رفعت حاجبي:يعني انت تبي تنام بالشقه؟؟
راكان بحماس: أي..
جيهان با ابتسامه خبيثه: تيب كما تريد..فتحت الدولاب وطلعت لحاف ووساده لسرير وحذفتهم بوجهه من قهري وطلعته من الغرفه وقفلت الباب..
راكان قط اللحاف والوساده بالأرض: جيهان تكفين فتحي..
جيهان بقهر:انسى اني افتح لك روح لبيت اهلك ابرك لك..انت اساسا ليه جاي هنا..مو على اساس انك بتجلس ببيت اهلك..
راكان بنكران:لا انا كنت بجي بس كان عندي اجتماع عائلي..
جيهان بسخريه:وعسى خلص هالأجتماع..
راكان:تكفين فتحي لي..ترى ان مافتحتي بنام عتبه الباب هذا انا قلت لك هاه..
جيهان انسدحت بالسرير وببروده اعصاب:خذ راحتك..ويلا تصبح على خير..
راكان اخذت اللحاف ولفيت فيه جسمي وجلست بالأرض..
دام صمتهم حول 8 دقائق..
جيهان اقتربت من الباب وسمعت صوت عطسه وبلاشعور قلت:يرحمك الله..
راكان با أندفاع: جيهان انتي صاحيه..!!!
جيهان حطيت يدي على فمي انقهرت لاني تكلمت وبدون نفس:خير..
راكان:جيهان انا تعبان..فتحي ابا اريح..
جيهان: نومه بالغرفه مافي روح للمجلس منظفته ومبخرته ماعندك حجه..
راكان عطس مره ثانيه:الحمدلله..جيهان فتحي..
جيهان:يرحمك الله..لا لا مافي..خلك برا..وسالفه ان نجتمع بغرفه وحده لا وألف لا..
راكان شديت اللحاف بجسمي اكثر:طيب فتحي الجز بارد مره..
جيهان بعناد:منيب فاتحه..حتى لو جلست هنا مالي شغل..
ودخلت التواليت شلحت عدساتي ومسحت مكياجي وبعد الصابون بوجهي وتفريش اسناني بالمعجون طلعت من التواليت وحطيت لوشن بيدي وبساقي بخلاصه التوت البري..وتعطرت وحطيت مرطب شفايف بالكرز ورتبت شعري..
جاتني قشعريره من البروده الجو صار بارد اكثر من الايام الثانيه..
انسدحت بالسرير واخذت جوالي وجلست ادردش مه الربع والاهل..وبعد نصف ساعه قمت..
قلت يمكن بالأخير راح للمجلس..
وفتحت الباب بشويش..وشفته ساند راسه على الجدار ومتكور باللحاف كسر خاطري بس قلت يمكن يمثل..
ورحت للمطبخ اخذت شبس لي برنجلز بالكاتشب ورجعت للغرفه وسبتها مفتوحه مشان يدخل وجلست اكل كم حبه توقعت انب ينتهز الفرصه وبيدخل بس استغربت انه مادخل ولا سمعت له حس..
قمت من السرير وجيت يم الباب وشفته نفس وضعيته..
اقتربت منه وحطيت يدي على جبينه لقيت حار خفت حيل والعرق يصب من جبينه ومن صدره خفت مره..
وبهمس: راكان ..راكان(ولا لمست كتفه) يلا ادخل داخل..
راكان بطل عينه بشويش:هه..
جيهان قومت واسندته على كتفي: قوم بسم الله عليك..
وشلت اللحاف من جسمه وشلحت ثوبه وفنيلته وخليته بسرواله وسدحته لسرير ولحفته وجيت بقوم وشد على يدي..
راكان وعيونه مغمضه:لاتتركيني..
جيهان:...........
راكان:لاتتركيني زي ماتركتني اروى..
جيهان:..........
راكان وهو مازال مغمض عيونه: لا..تتركيني..
جيهان كلماته حسستني بحاجه غريبه..شديت على يده وبهمس:يستحيل اتركك راكان..يمكن انت ألي تتركنب مو انا..
ماسمعت أي كلمه منه..يمكن كان يهذي من الحراره..رحت للتواليت ومكان عندي كمادات..لكن كل شي وله بديل..
اخذت بديه وحطيت فيها ثلوج كثيره ومويا بارده ومنشفتين..



يتبع...

جيهان كلماته حسستني بحاجه غريبه..شديت على يده وبهمس:يستحيل اتركك راكان..يمكن انت ألي تتركني مو انا..
ماسمعت أي كلمه منه..يمكن كان يهذي من الحراره..رحت للتواليت ومكان عندي كمادات..لكن كل شي وله بديل..
اخذت بديه وحطيت فيها ثلوج كثيره ومويا بارده ومنشفتين..
ودخلت للغرفه وبليت المنشفتين الصغار بالمويا منيح وحطيتها بصدره ووحده بجبينه..
راكان كشر بوجهه:لا..
جيهان نزلت يده قبل لايبعد المنشفه من جبينه:بس شوي..
بالموت اقنعته وضميت يده وانا اناظر فيه بصمت..
حسيت وقتها بالذنب لانه كان يقول لي ان الجو بارد ويعطس وانا مازلت ملزمه ومعانده..تنهدت بصمت..
وقلبت المنشفه وبليتها مره ثانيه لصارت حاره..
اذن الفجر قمت توضيت وصليت وقريت قران وجلست بجنبه وانا احس اني مرهقه مره وعيني بدت تقفل واحاول اصحصح شوي..
ورجعت بللت الناشف بالمويه البارده ورميت نفسي بالسرير وضميته وسط صدري والمنشفه ميلتها على جنب شوي..
وغفيت وانا محسيت بحالي من التعب..
.
.
.
على الساعه 7 صباحا..
بعد ذهاب فاطمه للمدرسه وعبير فوق نايمه وزوجها عبدالله نايمه ..والمكان هدوء..
طلعت بالحوش له زي ما اتفقت معه..
ودخلته بغرفتها على طول وهو متلثم وخايف..
عبدالعزيز بهمس:كلهم نايمين..
اروى:أي قلبي نايمين واختي والباقي بالدوام..
عبدالعزيز تنهد بطمأنينه: الحمدلله..
اروى با اندفاع:مافي وقت يا عزوز..لزوم نخلص..
عبدالعزيز شلح ثوبه واروى نفس الشيء..
وصار ألي صار بينهم..
.
.
.
كانت تعبانه وفيها النوم وقامت غصبن عنها تسوي لبدريه فطور على طلبها..
بدريه كلت ورمت ألي فمها:حده مالح تبين تموتيني انتي..حسبي الله عليك ياعجوز النار..
ام فهد:الله يسامحك بس..ركبتي توجعني ماعرف امشي..
بدريه بقهر:وجعلك ماتمشين يارب..مالي شغل يلا قومي سوي لي فاصوليا ثانيه..
وهالمره ضبطيه ليصير فيك شيء ماشفتيه..(وبصراخ)يلا اخلصي وقومي الله ياخذك..
ام فهد قامت وهي تعرج وتتحسب عليها بداخلها..
.
.
.
على الساعه 9:02..
قمت من نومتي لاني كنت محصوره مره ورحت للتواليت واقتربت منه وحطيت يدي على جبينه وحرارته خفت بكثير عن امس ولله الحمد..
رفعت شعري بتوكه وتوجهت للمطبخ وعملت له شوربه كويكر..وسبتها على نار هادئه ..
وتوجهت للغرفه وتأملت بملامح وجهه ومسحت بشعره الناعم بست جبينه بهدوء وبهمس:ريكو..ريكوو..
راكان:همم..
جيهان بنفس همسي:يلا قوم الله يرضى عليك..
قومته بالسرير بالموت ودخلته للتواليت وفرشت له السجاده..ورحت للمطبخ وصبيت له الشوربه وحطيت ليمون بالصحن وحطيته بالطاوله..
وبعد تسليمه جلسته بالسرير..
جيهان:يلام شان تشرب الشوربه..
راكان: مابي اشرب..
جيهان بعناد:بتشرب غصب..
وحطيت الصحن بحضني وجلست جنبه وصرت ألقم فيه وهو معاند مايشرب بالبدايه بس بعدها عجبه الطعم وشرب بدون جدال..
راكان:بس شبعت..انتي مليتي الباديه لفوق..
جيهان مسحت شفته بالمنديل:عوافي..
راكان:جيهان..
جيهان:هلا..
راكان:انتي زعلانه مني..
جيهان غيرت الموضوع:نزلت حرارتك احسن من امس..
بالظهر انا بروح لبيت عمي سعود..
راكان:لاتضيعين الموضوع..انتي زعلانه مني..؟؟
جيهان :ولبكره..ولاتكلمني لاني ماباحكي مع واحد مو واثق فيني..ولا تقول واثق..لان ألي سويت هامس يثبت عكس هالشيء..
راكان ضميت وجها بيدي: امس حالتي ماكان يعلم بيها ألا ربك..وربي ماكان قصدي اني ابين اني مو واثق فيك..
جيهان نزلت يده بعنف:انت مو بس بينت انك مو واثق فيني وبس ألا اهنتني ولاعملت لي مقدار..وانا ماعندي وقت (وبدلع) بروح ازبط حالي شوي..وبعمل حلا..
وطلعت المقادير وجهزت خلاط الكيك..
جيهان معطيته وجه وفتحت البراد وطلعت الحليب البارد والهرشي وحطيتهم بالمجله وطلعت باديه وصرت اروح وجي وولا عطيته أي انتباه..
راكان بقهر:ترى ان ماسمعتيني مابه روحه لبيت عمك..
جيهان حطيت الدريم ويب وباقي المقادير بالباديه الكبيره وخلطتهم بخلاط الكيك..
راكان بحده:يعني مصره ماتردين علي هاه..هين مردك بتكلميني وبنشوف انا او انتي..
جيهان:..........
وطلع من المطبخ وراح للمجلس ورقع الباب بقوه..
ضحكت بداخلي لاني قدرت احرقه..


يتبع....

جيهان:..........
وطلع من المطبخ وراح للمجلس ورقع الباب بقوه..
ضحكت بداخلي لاني قدرت احرقه..
وبعد شويات خلصت الحلا..
رحت للتواليت واخذت دوش سريع لنصف جسمي ولفيت المنشفه على راسي ونفظت السرير ومسحت التسريحه واخذت عطوراتي الجديده وعطوراته وصفيتهم بالتسريحه وكنست الغرفه ورحت غسلت الصحون تبع الشوربه والحلا..
ورجعت للغرفه وفتحت المنشفه ألي فوق راسي وشعري جف شوي زين..واستشورته منيح ..وحطيت الكريم الاساس من دون البودره اصلي محب البودره إلابالمناسبات وساعات محط بعد..
وعند تحت حاجبي من النهايه حطيت اضاءه لؤلؤي..
اخذت الاي لينر الكريمي ورسمت عيوني من فوق لتحت وكحلت عيني من الداخل بكحل بلاك طبعا وكثفت الماسكارا..
وبلاشر وردي خفيف..وغلوس وردي لامع..وعدسات تركواز طبعا..
وفردت شعري..
ولبست بجامه قصيره مره لنصف الفخذ بلون النيلي الجذاب با أكمان حاير ومرسوم عليها هارت مرصع بالفصوص الفضي ولبست حلق ناعم وخاتم وتسبحت بالعطر..
وانا حافيه طبعا مالي مزاج بالصنادل والشب شب..
واخذت جوالي وقربت من المجلس وفتحت الباب ما ناظرته ابدد..
كان يناظرني من فوق لتحت كانت جذابه مره مقدر يستمر علو انه زعلان منها بعد مصدته..
جيهان رن جوالي وحطيت السماعه بذوني وبدلع:هلا والله يويو..وربي لك وحشه..
راكان بقيت عيني وقمت جلست يمها وانا ابا اقرأ الاسم وهي تصد..
جيهان بضحكه دلع ذوبه قلب راكان وقهرته بنفس الوقت:هههههههه من جدك انت..(وناظرت راكان وبمياعه)لاحق على العسل يايويو..ههههههه اهجد يارجال..ههههههههه وانا بعد اموت في هواك..
راكان بقهر شديد سحب السماعات من اذوني وخذ جوالي وبعصبيه :الوووو الوووو..
ام يوسف بخوف:بسم الله الرحمن الرحيم..علامه صوتك تغير جيهان..؟؟
راكان ميزت الصوت انها حرمه..
جيهان انقهرت من تصرفه وسحبت جوالي منه:معليش يالغاليه..
ام يوسف:ههههههه والله منتي بسهله عصبتيه مره وحده..
جيهان:ومنك نتعلم يالغاليه..السموحه منك قلبي..اكلمك بوقت ثاني..
ام يوسف بضحكه:ماتعرفين تاخذين راحتك بالكلام هاه..هههههههه طيب مع السلامه..
جيهان بدلع وزعل:شفت كيف احرجتني مع الحرمه..مو اقول لك انك مو واثق فيني..
راكان با اندفاع:لزوم اسوي هالشيء..لما جلستي تدلعين وحالتك حاله ويارجال والعسل انا غرت لانك زوجتي ولي انا مو لحد ثاني..
جيهان(هههههههههه شوي شوي بخليك تعترف عن مشاعرك تجاهي) بدلع سويت حالي اني ابكي:اهئ اهئ..لاتكلمني..اهئ..
راكان عورني قلبي بسبب تصرفي معها..ومسكت يدها عشان ابعدها عن وجها:لاتبكين ياقلبي..وربي انا اثق فيك بس لاني اغار عليك ومت غيره لما شفت تدلعين معه..
انتي لي انا وبس مو لحد غيري..
ولاتتكلمين مع احد كذا..بس معي انا..
جيهان بموت من الضحك بس ماسكتها:اهئ اهئ..انا مو لك انت..ولا لغيرك..ولا تلمسني انت شرير>>مقدر يادلوعه ارحمينا هههههههه..
وحطيت رجل على رجل ..
راكان بلع ريقه:جيهان..وربي اشتقت لك..
جيهان عرفت وش يلمح له وبدلع وبعباطه:وانا بعد اشتقت لامي ولاهلي..
راكان اقتربت منها زود وهمس لها:بس انا شوقي غيرر..
جيهان بمياعه شديده:انت مهما تقول تظل كذاب..ياكذاب انتا..
راكان خق عليها:رحميني شوي..
جيهان قمت من الكنب وعطيته ظهري وانا كاتمه ضحكتي على خقته(والله وطحت ياراكان ولا حد سم عليك) وبنفس مياعتي:لأه لأه..
وجيت بروح إلا سحبني من يدي بسرعه وطارت خصل شعري بوجهي وجاء على كتفي وحوطني من خصري:ليه كل هالزعل..خلاص انا اسف..مراح اكررها..
جيهان ناظرته:سمعت هالكلام مليون مره..(وبسخريه) يعني هالمره غير..؟؟لا تضحكني يرحم امك..(وبعدت عنه)
سمعت هالكلمه مرات وتكرار منك..خالتي سمر تبلت علي وجاتك تتشكى وتتبكبك لك وانت صدقت على طول وجات الست نادين تبلت علي اني على علاقه حب مع يوسف ألي هو يكون ولد زوجي سابقا..وامك سوت نفس الحركه تبع قبل وانت صدقتها على طول واحرجتني قدام الكل وبعد مصر وتقول انك واثق فيني..لمتى بصدق كلامك وانا اشوف عكسه تماما..وكافي تجريح وسد الموضوع رجاءا..
ورحت للغرفه وتسطحت وشويات إلا انفتح الباب..
راكان وبهمس:جيهان..جيهان..عطيته ظهري..اقتربت مني وضمني من ورى وبهمس:جيهان صدقيني انا تغيرت ولك وعد مني انك مراح تشوفي مني حاجه مهيب طيبه..انا وعدتك ووعد الحر دين عليه..
جيهان غمضت عيوني بشويش:الشقه بيها كثير نواقص..
راكان:خلاص وش رايك نروح الليل..
جيهان بحماس:تيب..
اخذت جوالي وفتحت الملاحظه:بكتب الحاجات ألي احتاجها منشان ما انساها..
راكان با ابتسامه وهي تكتب مبسوطه مره حسيت انها طفله..
جيهان بدلع وانا اكتب:بعد أني(عني)..




يتبع...

جيهان با اندفاع:لا تحاول..
راكان ألتفت لها وانا منسدح بالسرير:بس انا ابيك..واظن انك مراح تمنعيني من حقوقي..
جيهان با ابتسانه:خذ راحتك..بس بكون زي الجدار معك..ولاتحلم اعطيك من طيب نفس مني..
راكان بقهر:وليه طيب..؟؟
جيهان عطيته ظهري:لاتدعي عدم المعرفه بعد كل ألي سويته وتتوقع مني اني اعطيك ألي تريده..
راكان قمت وصرت قبالها:بس انا قلت لك اني تغيرت ..ووعدتك..
جيهان ألتفت له:تيب اثبت لي انك تغيرت..
راكان بثقه:خلاص الايام جايه..وراح اثبت لك هالشيء..
جيهان هزتني ثقته ألي باينه بملامح وجهه ونبره صوته..
ودام صمتنا لحظات..
جيهان فتحت دولابي:محتاره والله وش ألبس عند عمي..
راكان با اندفاع:انا بختار لك..
راكان تميت أقلب بالملابس والفساتين:هذا بيطلع خطير مره عليك..
جيهان ناظرت الجلابيه وكنت عارفه انه بيختار لي ستر بستر:اعتبر اني ما سألتك..
راكان:لا لا غير ذا مراح تلبسين..
جيهان بقهر:وليه تيب..انا ابا ألبس غير ذا..
راكان:محد قال لك تقولين انك محتاره وانا ماقصرت ساعدتك..
جيهان:بس..
راكان قاطعتها:يلا ألبسي لان مابقى حاجه على اذان الظهر..
جيهان مديت بوزي ودخلت التواليت..
راكان بصوت مسموع:لا تطولين هاه..
جيهان طلعت من التواليت:انا جيت..
راكان ناظرتها وصنبرت مكاني اقتربت منها وبست جبينها:بسم الله عليك من العين..جميله بقوه..
جيهان بحيا:صدق عجبتك..
راكان با اعجاب كبير:بقوه والله..
جيهان توجهت عند التسريحه وكانت الجلابيه بلون التركواز الجذاب ومن الصدر يزينه رسمه انيقه مرصعه بالفصوص الذهبيه اللامعه ..واكمامها نفس الصدر..
جيهان اخذت الأي لينر وضبطت كحلي وزدت على روجي..ولبست حلق ذهبي طويل فخم وساعه ذهبيه لامعه وألتفت عليه بعد ماتسبحت بالعطر:وش رايك دحين..؟؟
راكان با اندفاع:غيري لبسك..لبسي حاجه ماتلفت النظر..
جيهان بعناد:ما أبا اغيره..مهوب خالع وستر بستر..
راكان:بس من جد صايره ملفته لنظر مره..
جيهان بدلع ممزوج بزعل:بس انا عاجبني ولابزعل ترى..
راكان با اندفاع:إلا زعلك عاد..انا مصدقت على الله انك تكلميني احين..خلاص طالمه ساتر لبسيه..
جيهان انبسطت من كلامه وبفرحه ضميته:شكرا ريكو..
راكان دخت من ريحت عطرها ألي تغلغلت بنفوخي وشديت عليها حيل وبحب:أي حاجه تسعدك راضي بيها..مهما وش كانت الحاجه ألي تسعدك..
جيهان بدلع:مهما وش كانت..!!!
راكان بثقه:أي مهما وش كانت..ويلا لبسي عباتك..ولاتريديني ألبسك..؟؟
جيهان سبلت عيوني له:ياليت..
راكان دخت على عيونها الكحيله واخذت عبايتها ولبستها اياها..
وهي لبست الشال والبرقع..واخذت شنطتي والحلا وركبت السياره وسرعان ماوصلنا..
وكان على اذان الظهر بالضبط ..
راكان:يلا انتبهي لنفسك ..
جيهان ألتفت يمين يسار مافي احد اقتربت منه:مع السلامه يا أخ صايع ..
نزلت بسرعه قبل لا يمسكني وبضحكه فمان الله..
ولقيت الباب مفتوح ورنيت الجرس مرتين..
راكان(اه منك بس..ذبحتيني انتي..)
جيهان دخلت وشفت قبالي ريم وضمتني حيل وبادرتها بالمثل:وربي اني اشتقت لك حيل..
ريم بشوق:وانا اكثر والله..زين انك جيتي بنفس الموعد..
جيهان:افا عليك بس..انا جيهان محب التأخير عن الموعد ابد..
ريم:ههههههههههه يلا ندخل..
واخذت مني الحلا ودخلته بالفريزر..
وجلست معها بعد ماشلحت عباتي..
ريم:واو وش هالزين ياعسل..اجل ماخلك راكان هاه(وغمزت)..
جيهان:هههههههههه..
ريم:اجل كيفك ياعروس وش ايام العسل..؟؟
جيهان حاكيت روحاتي ومواقفي المضحكه..
ريم بقهر:ولما عرفتي ان نادين هي ورى شك راكان فيك ماكلمتي امها خوله تعلمها دروبها عدل..
جيهان ببروده اعصاب:الايام جايه ياريوم..وربك بيعطي كل ذي حق حقه..ومردي راح اشوفها واعلمها دروبها صح..
ريم:أي بالله ماكذبتي..
جيهان:ليه وجهك اصفر كذا..
ريم:مالي مزاج للأكل وكل يوم تقضيه وتعب والله..
جيهان:الله يعين بس..اجل وش باقي عليها؟؟
ريم:مابقى لها حاجه تقريبا..كل شيء شريناه ولله الحمد..
جيهان اتلفت يمين ويسار:اجل وينها العروسه..
ريم:تضبط حالها..بشوف بعد تعليمي لها بالمكياج وش بتحط..
جيهان:واو معلمتها مكياج بعد وناسه والله..


يتبع...

ريم:تضبط حالها..بشوف بعد تعليمي لها بالمكياج وش بتحط..
جيهان:واو معلمتها مكياج بعد وناسه والله..
ريم با ابتسامه:كل يوم على هالحال وان مضبطت المكياج بنتحر..
جيهان:هههههههه حمستيني والله..روحي ناديها..
ريم قامت:حنان يا حنان تعالي جات جهونه..
وبعد دقيقه دخلت حنان انصدمت من شكلها كان اول مره تلبس على الموضه وألوان فرحه ومكياجها خطير مره صارت جميله عن جد..
جيهان با اعجاب شديد:منتي بحنان بت عمي ابد..اكيد مبدله..
حنان بدلع:هلا جهونه..ألا انا حنان...
جيهان:بعد صارت تدلع..
حنان:ههههه ماقصرت ريم..الله يسعدها يارب..
ريم:ماسويت شيء ياقلبي..
حنان:يلا حدي جوعانه يلا ناكل..
ريم:نصلي وبعدها ناكل وش رايكم..
حنان وجيهان:تم..
وبعد الصلاه فرشت السفره ووزعنا السلطات والأرز والشوربه..
واكلت واحنا نتكلم وتقول لي حنان وهي متحمسه مره للي شرته وكذا..
وبعد الغداء الطيب..جلينا الصحون مع بعض بس حسيت ان ريم تعبانه فسبتها تريح فديتها..
وجلسنا كلنا سوا..
ريم:وكيف وضعك معه الحين؟؟
جيهان:انا وضعي تمام معه بس امه مدري ليه كذا معي..
ريم:لما تجرب غيرك بتعرف قديرك..
حنان:صح كلام ريوم..
جيهان:ربك كريم..
وسكتنا شوي..جلسنا نحلي بالحلا ألي سويته..
جيهان:احس ان شكلي صار ممل مره وش رايكم انتو؟؟
ريم:يبا لك تجديد والله..
جيهان بحماس:معك حق والله..خاطري اقص من شعري شوي واكثر حركات فيه لانه ضعيف مو كثير..واصبغه كمان..
حنان:انا بروح اقص واصبغ شعري بعد..
جيهان با اندفاع:حلو والله..وش رايكم نروح سوا.؟؟
ريم بحماس:أي بالله حلو..تبون نروح اليوم؟؟
جيهان:بكلم راكان بستأذن منه اول..
ريم:وانا بعد بكلم سعود عشان يودينا..
واخذت جوالي وابتعدت عنهم..
راكان با اندفاع:اجيك احين..
جيهان بضحكه:لا..
راكان:ماصارت عاد والله اشتقت لك..
جيهان بهمس مسموع:وانا بعد اشتقت لك..
راكان بفرحه:صدق..
جيهان با ابتسامه:مقصدك انت..اقصد مرت خالي..
راكان بقهر:طيب طيب..
جيهان:هههههه..راكان انا بروح المشغل مع مرت خالي..
راكان:مابه روحه لاني بجيك بعد اذان العصر..
جيهان بزعل:لا..راكان تكفى..لاتزعلني منك..
راكان با أصرار:مابه روحه..انسي..
جيهان مديت بوزي:يعني مايهمك زعلي..؟؟
راكان:وربي يهمني بس وحشتيني مره..
جيهان:لما كونت بتقضيتي لزواجي كانت معي بالصغيره والكبيره ودحين اول مره تطلبني واردها..قويه والله..انا زعنانه منك..
راكان تنهد:ولو رحتي متى باخذك..؟؟
جيهان بفرحه:منيب مطوله حدي 3ساعات بالكثير..
راكان:ول واجد والله..
جيهان تدعي الزعل:يعني مروح..
راكان تنهد:امري لله..وكلا عشان ما ابا أزعلك..
جيهان:اموووووواح فديتك بس..
راكان ذاب:اباها انا ترى..
جيهان:خلاص خذتها..
راكان:لا اباها تطبيقيا..
جيهان بحيا:هههههه..انتا مجنون..
راكان:بهواكك أي..
جيهان بنفس حياي:بسكر انا..لزوم مشان ألبس عباتي..
راكان:ماشبعت منك..
جيهان با ابتسامه:ولا انا..بس ريكو طلبتك انتبه لنفسك..
راكان بحب:ابشري..وانتي بعد..
جيهان:فمان الله قلبي..
راكان:اه بس فمان المولى..
ضحكت وسكرت منه..
ولبست عباتي وطلعنا..
ورحنا المشغل..ماكان به احد الظهر..
فصبغت شعري ..انا اخترت لون اسود مزروقي..وحنان شوكولاته فاتح..وريم اشقر رمادي..
حول ساعتين تقريبا..او ساعه وربع..
وبعدها مسكونا بالقص..
وطلبت منهم انهم يقصرون منه طول صبغ ويعملون به قصات فوق بعض منشان يكثفون شعري وتبتدي القصه من تحت الاذان..ما احب القصه ألي تجي من فووق مره..
ومن العصر طبعا جاووهم..وامتلى شوي المكان..
وعلى الساعه 5 طلعنا..بعد ماحاسبنا..
ماستشورنا شعورنا لان مابه وقت..
وكل شوي يدق علي راكان..وانا اصرفه واجيب له اعذار..
ووصلنا لبيت عمي..
وستشورت شعري..



يتبع....

وكل شوي يدق علي راكان..وانا اصرفه واجيب له اعذار..
ووصلنا لبيت عمي..
وستشورت شعري..
ريم مدت لي فستانها..
جيهان:!!!!
ريم:ضاق علي..اعتقد انه بيكفيك..جربيه..
دخلت التواليت ولبسته..
ريم وحنان با اعجاب:واو مره روعه والله..
جيهان درت بدلع:صايره حلوه ما..
حنان:قمر بسم الله عليك...
ريم بتفكير:بعمل لك بف وبحط لك تاج والله ان تصيرين خيال مع شكلك الجديد..
وخذت صوف وحطت التاج وفيه فيونكه على جنب ناعمه..وضبطت كحلتي والاي لينر..وأخذت عطري من شنطتي وتسبحت بالعطر..
وعطتني حنان جوالي:من مساع وهو يدق..
اخذته منها وشفت اتصال منه 6 مرات..
دقيت عليه وكان معصب مره..
راكان بحده:ساعه على متردين هاه..
جيهان بخوف:لا والله..
راكان بعصبيه قاطعني:يلا اطلعي انا برا..
وجيت برد ألا سكر السماعه بوجهي..
ورحت لبست عباتي..
ريم وحنان:على وين؟؟
جيهان بزعل:راكان برا..
حنان:يوووه تو الناس والله..
جيهان:وش السواه بعد..
معصب مره لاني مرديت عليه وانا مو قصدي والله.
ريم:فديتك بس..
جيهان لبست عباتي وبرقعي ومديت لهم الكيس وبا ابتسامه:سامحوني على القصور فديت روحكم الطيبه..
حنان:مايجي منك الاقصور ياقلبي..
واخذت شنطتي وطلعت..ودخلت بالسياره..
راكان بحده:كان طولتي بعد..
جيهان:اول مدقيت علي لبست مباشره..وطلعت لك..
راكان بعصبيه:على خيرإن شاء الله..بوديك لبيت اهلك بس نصف ساعه وتطلعين..وليه نصف ساعه بعد ربع وخلاص..
جيهان كان معصب حيل محبيت اعارض او اتكلم..
وسرعان ما وصلنا لبيت اهلي..ونزلت على طول واخذت الكيس..تصدقون عاد قرائي حسيت كني بابا نويل كل منزلت بيت اخذت كيس هدايه هههههههه..
ودخلت وضمي تامي حيل مشتاقه لها مره وبست راسها ويدها..وباين عليها التعب:يمه تعبانه؟؟
ام فهد ويدها على ركبتها:ركبتي مو لذاك الزود يابنتي تعورني اكثر من قبل..
جيهان اخذت منها صحن المكسرات:لاتتعبين نفسك..هالمكسرات اصلا..
ام فهد:لبدريه تقول مشتهيه المكسرات..
جيهان بقهر:ليكون جايه هنا بعدد..!! هين انا اوريها..
دخلت لكل غرفه وشفتها منسدحه بالصاله وهي تكلم بالتلفون..
بدريه:خلها تولي عجوز النار..والله مشتهيه مره المكسرات..
اقتربت منها وبحده سحبت جوالها وحذفتها بالارض لما طلعت وبحده:روحي انقلعي لبيت اهلك يخدمونك مو امي..واحترميها طالمه انتي ببيتها..لكن مقيوله ام اكرمت الكريم ملكتهوا وان اكرمت اللئيم تمردا..وحسبي الله عليك..ويلا شيلي قشك من بيتنا ولا صعدي فوق وخدمي نفسك بنفسك ابرك لك ولنا..
دقيت على اخت بدريه..
جيهان با اندفاع:هلا والله..خذو بدريه الخايسه من بيتنا امي مهوب متكلفه بيها..ولا ولدتها ونستها..حدكم 5 دقائق ولا والله بتلقونها برا الشارع..مع السلامه..
مخليت أي مجال تتكلم وسكرت بوجها من حرتي..
وطلبت من امي تريح وانتظرت حول 5 دقائق ماحد جاها ودقيت على اخوي كان نايم فوق سحبت اللحاف منه وبحده:قوم يلا..شوف حرمتك وش تسوي با أمي..عجوز النار قال..
فهد كان توه منسدح بالسرير وقام من سريره:وش قالت؟؟
جيهان:تقول عن امي عجوز النار..وتتأمر عليها وهي منسدحه..
فهد ببرود:طيب لما اقوم من نومتي اتصرف..
جيهان كشرت:هذا ألي متوقعته منك..وطلعت ورقعت الباب وراي..
فهد تنهد..دايم يعكرون مزاجي ادق على هاجر هي ألي تريح بالي دايم..
فهد دقيت عليها:هلا والله..
هاجر بنعومه تأسر قلبه وروحه:هلا والله بفهودي..حيا الله هالصوت..
فهد بحب:الله يحييك ياقلبي..
هاجر:ان كاني منيب غلطانه..صوتك مو طبيعي بك حاجه؟؟
فهد تنهد:أي بالله..
هاجر:وش المشكله ياروحي؟؟
فهد:جيهان جالسه تقول لي عن فعايل بدريه وربي طفشت كلا مشاكل معهم..وبدريه تقول لأمي عجوز النار وتتأمر على امي..
هاجر بصدمه:وانت ساكت يافهودي..!!!!
فهد:وش اسوي يعني؟؟
هاجر بنفس صدمتها:انا أي احد يغلط على امي او على ابوي والله لذبحه وادفنه مو اسكت عنه ماتوقعتك كذا يا فهودي..زعلتني منك والله..يعني امك مو صغيره بالعمر عشان تتأمر بدريه حرمتك عليها..
فهد:إلا زعلك ياقلبي..بيعني بالسوق ولا زعلك مني..
هاجر بنفس دلعها:اجل روح ياروحي وراض امك يكفي ركبتها ألي توجعها..وحط حد لبدريه..بس لاتضربها مهما وش كان بس هاوشها عشان تعرف انها غلطت على امك..ذي امك جنتك ونارك..
فهد:طيب ياقلبي..
هاجر:يلا فديتك..سو ألي قلت لك عليه..فمان الله..
وسكر منها ونزل لتحت وبحده:يابدريه الكلب..



يتبع...