ديوان الشاعر محمد السعيد شاعر العاطفة

تقليص
X
تقليص
 
  • الصفحة لـ 3
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • shaer elatfa
    عـضـو
    • Mar 2008
    • 29

    • محمد السعيد شاعر العاطفة
    #21
    رد: ديوان الشاعر محمد السعيد شاعر العاطفة

    تزوير
    شئ غريب لما تعيش جوه الزير
    كوز فخار مقفول عليك وانت صغير
    ولما تكبر تحاول تطلع وتشوف الخير
    تلاقى الدنيا حواليك كدب وتزوير
    كل حاجة بقت غش وخداع وتمثيل
    قتل ونصب وخطف وسرقة حبل الغسيل
    وتيجى تسأل الفرق بين النملة والفيل
    يقولك فرق شاسع بس محتاج تعديل
    مفيش حاجة ليها طعم ولا شكل ولا لون
    حتى العاقل الشريف بقى حرامى ومجنون
    ونظرة الناس ليك بتختلف مع إختلاق العيون
    مع إننا كلنا عايشين على نفس الكون
    بس برضه هيكون فيه ناس عايشة بهموم
    وناس بتدور على حياتها جوه الهدوم
    وناس تتمنى تلاقى خير ولو ليوم
    وناس اتعودت ع الشر يوم بعد يوم

      تعليق

      • shaer elatfa
        عـضـو
        • Mar 2008
        • 29

        • محمد السعيد شاعر العاطفة
        #22
        رد: ديوان الشاعر محمد السعيد شاعر العاطفة

        رايح بينا فين


        أقولك إيه وأعيدلك إيه ماخلاص مصر إنتهت ياخروف


        كل حاجة حلوة راحت حتى إنتو طلعتوا م الصوف


        مبقتش عارف أعيش هنا ولا أسيب البلد م الخوف


        مش قادر تحكمها طب سيبها لغيرك ولا مكسوف


        السياسة ليها ناس تفهمها أما إنت يادوب حلوف


        ماكنا عايشين والحمد لله بس إنت جيت م السجن ملهوف
        نفسك تبقى رئيس وبقيت رئيس بس على مصر مش بتشوف
        شايف جماعتك وأهلك وعشيرتك وبتبيع البلد فى كشوف
        وكل يوم ناس بتموت فى حوادث ومظاهرات وبقينا أرض الخوف
        وإنت ولا بتعبر أهم حاجة تكون رئيس ظاهر مكشوف
        رايح بينا فين مصر بتستغيث سيبها لواحد بيشوف
        ولا إنت ناوى تخلينا مليون نسمة وبعدين تعمل معروف




          تعليق

          • shaer elatfa
            عـضـو
            • Mar 2008
            • 29

            • محمد السعيد شاعر العاطفة
            #23
            رد: ديوان الشاعر محمد السعيد شاعر العاطفة


            أنا مش حمادة
            أنا مش حمادة ولا عمرى هكون خاضع للسيادة
            كرامتى فوق الجميع ولو حتى ضربونى بالبيادة
            ولا عشان عايز حقى دايما أدوق القهوة سادة
            وأنضرب وأتهان وأتسحل كمان وتبقى حرب إبادة
            وأغير كلامى وأبيع ضميرى عشان فلوس زيادة
            أبقى أنا صحيح مش راجل أبقى أنا فعلا حمادة
            نفسى أكون عايش حقيقى مش بس إسم فى شهادة
            نفسى أقول حرية وحياة وأشوف بعنيا السعادة
            كل حاجة بتتغير إلا الذل والمهانة دايما عادة
            خليك جرئ وقول الصراحة وبلاش نفاق ياحمادة



              تعليق

              • shaer elatfa
                عـضـو
                • Mar 2008
                • 29

                • محمد السعيد شاعر العاطفة
                #24
                رد: ديوان الشاعر محمد السعيد شاعر العاطفة

                أحتاج إليك
                من بعد هذا الفراق أحتاج إليك
                وكل دمعة فى عيناى تبكى عليك
                وقلبى بنبضه يدق لإشتياقه لك
                وعمرى لن يدوم طويلا بدونك
                فأين أنت ياحبيبتى أبحث عنك
                فى كل مكان تلاقينا فيه بحبك
                وكم طال الغياب بيننا وكان قلبك
                أشد الحاجة إليا ولم أخذله لأنك
                كل دنياى ومماتى وكم أنتظرك
                فمتى اللقاء قد صرت مجنون بك

                  تعليق

                  • shaer elatfa
                    عـضـو
                    • Mar 2008
                    • 29

                    • محمد السعيد شاعر العاطفة
                    #25
                    رد: ديوان الشاعر محمد السعيد شاعر العاطفة


                    جمال عيونها

                    بحبها وبموت فيها
                    ومش عايز غير نور عنيها

                    ومستنى نظرة واحدة من عينيها الجميلة
                    أحس بيها وأعيش بيها لسنين طويلة

                    لو تعرف تعبى وحزنى وسهرى عليها قد ايه طول الحياة
                    هتقدر مكانى وشوق زمانى وخوفى عليها وقولة اه

                    ده جمال عيونها مش أى جمال بنشوفه والسلام
                    ده جمال ربانى مخلوق عشانى ومعاها أحلى غرام

                    نظرتها ليا تشفينى سنين
                    دى أجمل حب شافته العين

                    بحبها وعايز قلبها يسمع دقات قلبى ويقول حنيت
                    وساعتها أقول رضا كفاية عليا الندا ده أنا ياما قسيت

                    شغلانى عنيها وغيرتى عليها وبسأل نفسى كم سؤال
                    أول مرة ألاقى حب وأطيب قلب وبنت جميلة زى الغزال

                    يا أجمل همسة فى همساتى

                    وأحلى كلمة بتطيب اهاتى

                    قربى ليا وشوفى عنيا هتلاقى دموع بايتة ومكسورة
                    وافتحى قلبى ونار حبى هتلاقى شموع ايدة وصورة

                    صورتك دايما عايشة فى قلبى
                    ساكنة بالى ومالكة حبى


                    بحبك قد العالم قد الناس قد الدنيا كلها
                    واسألى كل العالم والناس والدنيا كلها

                    ياأجمل عيون
                    طايرة فى الكون
                    بحبك بجنون

                      تعليق

                      • shaer elatfa
                        عـضـو
                        • Mar 2008
                        • 29

                        • محمد السعيد شاعر العاطفة
                        #26
                        رد: ديوان الشاعر محمد السعيد شاعر العاطفة


                        أنا جمبك
                        متزعليش أنا جاى بس حصل تفتيش
                        وكله خير مهو التأخير ده ميعرفنيش
                        فات الكتير ياعمرى خلاص متقلقيش
                        أنا جاى عليكى .
                        أنا برئ قولى لحبايبك فى الطريق
                        حبيبى جاى يفرح معايا بكل شئ
                        ده ميسبنيش ده قلبه طيب وبرئ
                        أنا بموت فيكى .
                        أنا جمبك فرحان وبغنى . وبقول للناس دى إنك منى . ياحبيبتى بحبك وكأنى . طاير بدون جناحات .
                        علشان حبك فيا ده ساكن . قلبى وروحى وكل ده لكن . حبى أنا ليكى أكتر ساكن . قلبك وفيه حكايات .

                        إطمنى جايلك وهاخدك تسكنى
                        قلبى أنا محتاج لقلبك وإحضنى
                        حضنى أنا مبقاش لغيرك يشفنى
                        عينى فى عنيكى .
                        فرحتى هيا إنك إنتى دنيتى
                        يافرحتى بيكى وحضنك جنتى
                        بحبك إنتى ياكل حاجة فى غنوتى
                        أنا ملك ليكى .
                        أنا جمبك فرحان وبغنى . وبقول للناس دى إنك منى . ياحبيبتى بحبك وكأنى . طاير بدون جناحات .
                        علشان حبك فيا ده ساكن . قلبى وروحى وكل ده لكن . حبى أنا ليكى أكتر ساكن . قلبك وفيه حكايات .

                          تعليق

                          • shaer elatfa
                            عـضـو
                            • Mar 2008
                            • 29

                            • محمد السعيد شاعر العاطفة
                            #27
                            رد: ديوان الشاعر محمد السعيد شاعر العاطفة


                            ياريتنا ماعملنا ثورة

                            كنا عايشين وراضيين وأهى عيشة والسلام .
                            بنام ونقوم على نفس الحال ونفس الكلام .
                            والأيام بتعدى وبتروح .
                            والقلب من كتر الهموم مجروح .
                            والحق مهما يتقال دايما مدبوح .
                            ده فيه ناس عايشة فوق السطوح .
                            وناس ساكنة فى قصور .
                            بتدور بس ع المال والماس والبنور .
                            وناس مش لاقية حتى مية ولا نور .
                            وتقف بالساعات فى الطابور .
                            كان فيه أمن وأمان مش هننكر .
                            وضرب فى الأقسام وكرامة بتتهان والملح كان أغلى م السكر .
                            أمن الدولة ياأمن الدولة .
                            كنت لممنا بدون محاولة .
                            كنا بنخاف نتكلم فى السياسة .
                            ما اللى قال السياسة نجاسة كان معلم .
                            كان اللى يصلى ويقول رئاسة .
                            يتاخد فورا بدون ما يتكلم .
                            كنا عايشين وراضيين وخلاص .
                            بحلوها بمرها بخيرها بشرها أهى عيشة ياناس .
                            والسلطة إبتدت تقوى وتظلم وتحتقر البلد .
                            لا فارق معاها غنى ولا فقير ولا بنت ولا ولد .
                            والناس إبتدت تفوق وقررت تعمل الصح .
                            فكرت فى ثورة شعبية تقول للسلطة بح .
                            وعملنا ثورة 25 يناير .
                            فرحنا بيها وبقى الكل طاير حاير .
                            قلنا عاوزين نجرب الحرية .
                            عاوزين التغيير فى كل حاجة ونبقى دولة مية مية .
                            نزلنا وقلنا عيش حرية عدالة إجتماعية .
                            وشهدا ونشطا وثوار .
                            وده مخرب وده ثورجى وده فلول وده فى النار .
                            إرحل إرحل مش عايزينك .
                            إرحل بقى كده ينصر دينك .
                            ومشى مبارك .
                            فى 18 يوم رحل مبارك .
                            سابها وقال أنا أو الفوضى .
                            عادى كلام بيقوله عشان الناس دى ترضى .
                            بس فعلا بدأت الفوضى .
                            وتركنا الميدان .
                            وبقينا فى حيرة وتوهان .
                            وكله بيضرب فى كله مهى فوضى فى المليان .
                            مجلس عسكرى مسك البلاد .
                            إعلان دستورى فى مارس ونعم إجبارى ياولاد .
                            ومفيش حاجة إتغيرت .
                            كل حاجة زى ماهيا إتثبتت .
                            وفوضى ومظاهرات .
                            وشهدا كل يوم مسلم و مسيحى وبيتسجلوا فى الوفيات .
                            ربنا يرحم كل الشهدا من شعب وجنود وشرطة ده فيه حكايات .
                            من كنيسة القديسين وجمعة الغضب وموقعة الجمل وتفجير خط الغاز من قبل محتالون .
                            لدير الأنبا بيشوى وكنيسة صول وكشوف العذرية وأحداث المقطم والبالون .
                            من محاكمة مبارك لأحداث إمبابة وكنيسة الماريناب ومجزرة ماسبيرو وتبادل الأسرى وأحداث محمد محمود ومجلس الوزراء والبارون .
                            كل يوم شهدا بتموت .
                            وكل يوم الشعب بينقص منه كتكوت .
                            وبدأنا إنتخابات مجلس الشعب .
                            والإخوان والنور سيطروا على كل الشعب .
                            وأخدوا المجلس شعب وشورى .
                            وبقى هما الأصل وإحنا الصورة .
                            وشهدا ستاد بورسعيد .
                            جماهير بريئة تموت عشان خاطر العبيد .
                            فى الإستاد بيقولوا أهلى .
                            وبعد المتش جثث بتندهلى .
                            وتقولى فين حقى ولا هتنسونى زى بقيت زمايلى .
                            إنتخابات رئاسة ومرشحين ساسة.
                            وإستبعاد خيرت وحازم وإنسحاب البرادعى والإخوان داخلة بشراسة .
                            ومن أحداث العباسية للحكم على مبارك لحل البرلمان لفوز مرسى بالرئاسة .
                            محمد مرسى بقى رئيس مصر وتبت فى الحكم .
                            قالوا النهضة مفيش نهضة والإرشاد بقى ماسك الحكم .
                            شهدا مجزرة رفح وقت الفطار .
                            عساكر غلابة بتفطر وجه الإرهاب موتهم بدون أعذار .
                            طبعا مدبرة عشان الجيش يبقى فى إنكسار .
                            أطفال بريئة شهدا قطر أسيوط .
                            رايحة مدرستها بأتوبيس والقطر عدى عليهم موت .
                            وعملنا حداد وبروفايل أسود وزعلنا يومين وكله بيفوت .
                            أحداث محمد محمود من تانى .
                            وشهدا من غير ذنب عشان الذكرى الأولى مش عجبانى .
                            وإعلان دستورى إجبارى .
                            واللى مش عاجبه أهلى وعشيرتى أهم دارى .
                            وظلم وإفترى ومليشيات إخوان فى المدن والحوارى .
                            وكانت موقعة الإتحادية الشهيرة .
                            وشهدا من تانى مهى مش هتبطل دى السيرة .
                            الإخوان فى الحكم واللى هيتكلم هيشوف المغيرة .
                            وعملوا دستور مسلوق على مزاجهم .
                            وبرضه نعم إجبارى وإذا كان عاجبكم .
                            وقالت الصناديق للدستور نعم .
                            واللى يقول لا هيخش النار ده دستور نغم .
                            كل شوية خطاب لمرسى ملوش معنى .
                            بس بصراحة كان فى البيت بيجمعنا .
                            بنضحك ونتسلى وباسم كل يوم بيمتعنا .
                            كل يوم شهدا بريئة بتموت مننا .
                            والإخوان مش حاسين بينا عشان مش زينا .
                            ولا حد سائل ولا معبر ولا مهتم .
                            كله فى السلطة نايم والأهل والعشيرة أهم .
                            من أحداث الاتحادية تانى لمكتب الإرشاد والعباسية وسد أثيوبيا .
                            مفيش سولار ولا كهربا والبلد حالها واقف وكله دايس فى اللوبية .
                            دى مش حرية ولا عدالة دى بلد الناس المفترية .
                            قلنا مفيش إلا حل واحد هوا التمرد .
                            ونزلنا فى 30 يونيو نطالب برحيل مرسى بدون تردد .
                            أيوه فى 4 أيام رحل مرسى .
                            بعد سنة عذاب وذل فضينا الكرسى .
                            وإعتصم الأهل والعشيرة فى النهضة ورابعة .
                            وقالوا معانا شرعية وده إنقلاب ياعالم دى سمعة .
                            والسيسى قال دى مصر أم الدنيا وهتبقى قد الدنيا ونور عنيا .
                            وبدأ القتل والإرهاب .
                            فى كل مكان بنت أو شاب .
                            من أحداث الحرس الجمهورى والمنصة للتفويض ضد الإرهاب .
                            وفض رابعة والنهضة ونهب وتخريب وقتل وشهدا فى كل الشباب .
                            لأحداث كرداسة ودلجا وشهداء رفح تانى وتالت ومن غير أسباب .
                            وشهدا من الجيش والشرطة كل شوية .
                            طلاب جامعة وأطفال وسجون مليانة وبكمية .
                            مظاهرات تطالب بالشرعية .
                            وجامعات بقت مقر للتكية والداخلية .
                            والبلد حالها واقف وفى النازل وبتموت .
                            عشان كله عاوز مصلحته وبينادى بعلو الصوت .
                            ياريتنا ما عملنا ثورة وياريت اللى جرى ما كان .
                            ياريتنا ما قلنا حرية ولا فكرنا حتى فيها من زمان .
                            إحنا شعب مينفعش معاه اللى الكرباج .
                            بقينا مليون حزب وفئة ورأى وتفكير ونعاج .
                            ده فلول ويسارى وليبرالى .
                            وده إخوان وسلفى وعلمانى .
                            وأنا الشعب الغلبان اللى بموت وبطحن ومش لاقى لقمة العيش .
                            يلعن أبو الحرية اللى فكرنا فيها .
                            خلتنا شعب بيقتل بعضه عليها .
                            وفى الاخر يقولك مفيش . كبر وعيش . مشيها تطنيش .
                            ياريت نرجع نحب بعض ونتسامح .
                            وننسى الخلاف اللى بنا ونتصالح .
                            ونفكر فى بلدنا ونغير من جوانا .
                            نصفى قلوبنا ونتحد دى مصر أمانة .
                            يابلدى ياحرة ياأم الدنيا .
                            ليكى رب يحميكى من شر الدنيا .

                              تعليق

                              • shaer elatfa
                                عـضـو
                                • Mar 2008
                                • 29

                                • محمد السعيد شاعر العاطفة
                                #28
                                رد: ديوان الشاعر محمد السعيد شاعر العاطفة

                                تحياتى 2019

                                  تعليق

                                  • ehab10f
                                    عـضـو
                                    • Oct 2014
                                    • 8
                                    • هل طقت في رأسك فكرة رائعة في مرة ؟
                                    #29
                                    رد: ديوان الشاعر محمد السعيد شاعر العاطفة

                                    والله لم اجد لحبك اي تفسير مطلقا..

                                      تعليق

                                      السابق 1 2 3 template التالي

                                      google Ad Widget

                                      تقليص
                                      يعمل...