رواية جرحها كايد-كامله للكاتبه غلا مطير

**نقآء آلروح** · 14-10-2011, 10:24 AM

توقعـآتي ~

شنو راح يكون ويصير ؟
اتوقع انه كايد بيكلم عناد او العكس
عناد وكايد شنو راح يكون بينهم ؟
اكيد بيتزعلون ويمكن كايد يترك نوره ل عناد
نوره شنو راح يكون موقفه اذا عرفت بحب عناد لها؟
بتنصدم اكيد ام وش بتسوي مادري خخخ
عصفورين الحب ( كايد ونوره ) شنو راح يصير ؟
وه فديتهم بث ان شاء الله بيتزوجون وبيعشون احلى عيشه
الرغد شنو راح يصير لها مع ولد عمها بعد ماملجت عليه وتركوا اهلها قلبها يئن الم وحسرة على نصيبها اللي ماتركها تختار اللي اختاره قلبها؟
بتصبر لم الله يفرجه عليه و بعدين اتوقع ببتطلق وبتاخذ الي تحبه
النايفه اذا عرفت بحب عناد لنوره شنو راح يكون دورها بين اخوانها ونوره ؟
راح توقف مع كايد و نوره لانهم يحبون بعض او العكس

....

يلا لا تتاخرين علينا متحمسه حيل ل البارت الجاي

ودي اقيمتس بس ذا السمعات مو راضي اذا راحت قيمتج فديتس

يلبه قلبتس

***مزون شمر*** · 14-10-2011, 01:06 PM

رد: رواية جرحــها كـــايد-كامله للكاتبه غــلآ مطير

الله يعطيك العافيه
استمري متابعه لك

**لحن آلأمل** · 14-10-2011, 03:34 PM

رد: رواية جرحــها كـــايد-كامله للكاتبه غــلآ مطير

استمري لنو يعطيك العافيه ..

**حوسة مشآعر** · 17-10-2011, 03:04 AM

رد: توقعـآتي ~

المشاركة الأصلية بواسطة خبله بكيفي

شنو راح يكون ويصير ؟

اتوقع انه كايد بيكلم عناد او العكس
عناد وكايد شنو راح يكون بينهم ؟
اكيد بيتزعلون ويمكن كايد يترك نوره ل عناد
نوره شنو راح يكون موقفه اذا عرفت بحب عناد لها؟
بتنصدم اكيد ام وش بتسوي مادري خخخ
عصفورين الحب ( كايد ونوره ) شنو راح يصير ؟
وه فديتهم بث ان شاء الله بيتزوجون وبيعشون احلى عيشه
الرغد شنو راح يصير لها مع ولد عمها بعد ماملجت عليه وتركوا اهلها قلبها يئن الم وحسرة على نصيبها اللي ماتركها تختار اللي اختاره قلبها؟
بتصبر لم الله يفرجه عليه و بعدين اتوقع ببتطلق وبتاخذ الي تحبه
النايفه اذا عرفت بحب عناد لنوره شنو راح يكون دورها بين اخوانها ونوره ؟
راح توقف مع كايد و نوره لانهم يحبون بعض او العكس

....

يلا لا تتاخرين علينا متحمسه حيل ل البارت الجاي

ودي اقيمتس بس ذا السمعات مو راضي اذا راحت قيمتج فديتس

يلبه قلبتس

يالبى التوقعات وصاحبتها

منوره ياغلاتي

أن شاء الله الحين أنزله

**حوسة مشآعر** · 17-10-2011, 03:05 AM

رد: رواية جرحــها كـــايد-كامله للكاتبه غــلآ مطير

مزمز
سروبه

منوره يابعد قلبي

**حوسة مشآعر** · 17-10-2011, 03:09 AM

رد: رواية جرحــها كـــايد-كامله للكاتبه غــلآ مطير

@@@الجزء الثالث عشر @@@

في الصباح الكل قعد من نومه وراح لدوامه في كسول وخمول...

بعد الغداء

صعدت نوره الدري وهي مرهقه مررررررره بترووووح تنام ... وهي في طريجها لغرفتها شافته بيدخل لغرفته بعد هو واضح عليه الارهاق ... انتبه عليها ولف صوبها ... طالعها بنظرة تحمل كل معاني الحب وابتسم لها بكل محبه وقال بصوت هامس / اليوم تعب مو؟ " وتم يطالعها "

تقابلت نظراتهم وتوردت خدود نوره وهزت براسها مشيرة الى الايجاب

النايفه وهي تصعد الدري شافتهم وبصوت عالي / شعندكم؟

كايد وهو يلف صوب اخته ورجع عيونه على نوره ويقول بصوته الهامس / احلام سعيده
وسوا لاخته طاف ودخل غرفته

دخلت نوره غرفتها هي والنايفه

النايفه وهي ترمي بنفسها على السرير / شنو تقولون ؟

نوره واللي رمت بجسمها المرهق بعد تعب يوم دراسي على السرير / .......... ( واستسلمت لنوم من غير ماتقول لنايفه شي )

************

على الساعه 4 ونص العصر قعدن من نومهن ... بعد ماصلن العصر نزلت النايفه تحت اما نوره فجلست تحل واجباتها

على الساعه 5 تقريبا دخلت النايفه على نوره وهي واضح على ويها الطفش / اقول نوره انا بروح لشوق البنات متيمعات هناك تيين وياي

نوره / شرايج ... اكيد بيي بس انطري اشوي

النايفه / يوووووووه انتي مطوله ......قاعده الشيخه تحل الواجبات ... يامعوده باجر الصبح ننقلهم من البنات

نوره وهي منزله راسها على الدفتر وتكتب / لا بحل الحين ...اصبري بس مابقى لي غير H.W الانجليزي

النايفه وهي تقوم وتروح صوب عبايتها وتلبسها / انتي ليلج طويل انا بروح الحين ...انتي اذا خلصتي لحقيني

نوره /لا تكفين النايفه...يله يله ها خلصت "تكتب بسرعه "

النايفه وهي تلف شيلتها / انا زهقانه بروح ... وانتي لحقيني البيت مو من بعده

نوره باستسلام / خلاص روحي انا الحقج... ( قالتها من غير نفس)

طلعت النايفه من الغرفه

نوره / اوووووووف

****************
عند البنات

النايفه وهي داخله عليهن وترفع يدينها / سلام عليكم جميعأ ( قالتها بطريقه هستيريه )

البنات / وعليكم السلام ... هلا والله

النايفه وهي تبتسم / اخباركن

البنات / تمام حمد الله

غيوض / وين نوره مايات وياج

النايفه / في البيت مايات ...بعد اشوي بتيي

اميرة / ليش مايات وياج

النايفه تضحك/ مسويه مصريه قاعد تحل دروسها

البنات / هههههههههه

عذاري / شنو هالشطاره اللي يات فجأ ة ههههههه

النايفه وهي تضحك/ مدري عنها ... قلت لها تيي وياي وبكره ننقش الواجبات من البنات بس مارضت

شمس / صج قالبه مصريه هههههههه

شوق / حرام عليكن قولن ماشاء الله

عذاري / يمكن هرمون الذكاء زايد عندها هههههههههههههههه

شوق / قولن ماشاء الله انتن شعليكن من البنيه

عذاري وهي تضحك / ولا يهمج ... ماشاءالله

النايفه وهي تضحك / اللهم زد وبارك لها وهدم المدارس ههههههههههه

البنات / هههههههههههههههه

شوق / الا النايفه شعندج مستانسه

النايفه تبتسم بمكر / مابقولكن اصبرن لحد مانكتمل كلنا

غيوض وهي مستغربة / شنو فيه

النايفه / بعد اشوي بتعرفن

اميره / ياشينج ...انتي تقولين بقولكم اذا اكتملنا وهذا حنا اكتملنا يله قولي

النايفه وهي اطالع كل البنات تفقدهم / لاباجي نوره وريميه

عذاري / الا على طاري وينها ريميه

شوق وهي تضحك / هذي هي على طول مفقوده ههههههههه

غيوض / ليش وينها

شوق / اكيد في غرفتها يالسه تكلم حبيب القلب وزوج المستقبل ( تضحك)

البنات / اها

عذاري وهي تضحك / بنات شرايكن نطب عليها نخرب عليهم

البنات / هههههههه والله فكره ...يله

اميرة / قعدن بس ... انتن ماتخلن اللقافه ياخي حرمة وتكلم زوجها شنو خصكن ؟

شوق وهي تضحك / هههههههههههههههه... أي دافعي عنها ... يعني عشانج متملجه مثلها

النايفه / هههههههه كلهن من نفس الصنف.

البنات / ههههههههه

**************

نرد عند نوره

خلصت نوره واجباتها لبست على السريع عبايته وطلعت بتروح عند البنات ...في طريجها شافت عبدالعزيز وكايد واقفين يتكلمون في الحوش

عبدالعزيز / اخبارج نوره

نوره وهي تكمل طريجها مستعيله / الحمدلله بخير

عبدالعزيز وهو يضحك / اليوم متيمعات البنات

كايد واللي عيونه معلقه على نوره اللي كملت طريجها وهو يبتسم ابتسامة عريضه / الظاهر

عبد العزيز / الا متيمعات ... عاد شوف شنو سوالفهن ...اعوذ بالله ...البنات لا تكلمن ماسكتن ...يتكلمن بالقاصي والداني

كايد وهو يضحك / هههههههه شكل انتقلت عدوى عناد لك هههههههههههه

عبد العزيز / هههههههههههههههه ....الا على طاري عناد

**********
نرد للبنات

البنات / وينج نوره تأخرتي

نوره تبتسم / أي يلست احل واجباتي

عذاري تضحك / صايرة الاخت مصريه !

نوره وهي تضحك / وهوه كزالك ( تقصد باللهجة المصريه " وهو كذلك")

البنات / هههههههههههههه

شوق / المهم

البنات / شنو

شوق وهي اطالع النايفه / يله اكتملنا

النايفه / هههههههه باجي ريميه

نوره وبكل غرابه / شنو عندكن ؟

وباللحظه هذي دخلت عليهن ريميه مبتسمه /جني سمعت اسمي

عذاري / أي كنا نسأل عنج

شوق واطالع النايفه وبدا عليها ملامح الفضول تبي تعرف شنو فيه / ياه النايفه هذا احنا اكتملنا

ريميه ( وبنفس استغراب نوره ) / شنو عندكن؟

النايفه وهي اطلع تليفونها/ لحظه

اما البنات يلسن يطالعن النايفه

النايفه تكلم بالتليفون / هلا عناد

عناد / هلا

النايفه / يله عناد اكتملنا

عناد يضحك/ يله اطلعن بس حطي في بالج مابوديكن الا ويدتي وياكن

النايفه/ لاعناد اكيد يدتي بترفض

عناد / كيفكن تبن تحوطن قولن ليدتي انا الحين عندها هي يالسة في الحوش

النايفه من غير نفس / انزين يله

وبندوا الخط

البنات مستغربات / شنو فيه

النايفه وهي مادة البوز / قبل اشوي وانا طالعه في طريجي يايه صوبكن شفت عناد وكان خاطري مو بزين جان قلت له يحوط فينا ووافق

البنات بكل استغراب / صج

النايفه واللي امبين عليها كسرة الخاطر / بس الحين يقول مابحوط فيكن الا ويدتي وياكن

عذاري وهي تفتح فمها مستغربه / غريبه عنادوه يحوط فينا!

شوق وهي بنفس استغراب عذاري / أي والله شنو الطاري!

غيوض / والله خاطرنا نغير جو بس الحين خلن يدتي توافق

النايفه / يله ...يله ...خلنا نروح نقولها هي يالسه بالحوش

*طلعن البنات للحوش وشافن عناد وعاصي واقفين عند يدتهم ينطرونهن

قربن البنات من عند اليده ونوره نظراتها تروح مره يمين ومرة يسار ...قبل اشوي شافته هنا مع عبدالعزيز واقفين بس الحين وينه ... قطع حبل افكارها صوت يدتها وابتسامتها اللي راسمتها على ويها /شعندكن يايات كلكن... اكيد وراكن شي؟

عاصي وهو يطالع يدته / يدتي يايات يبنا نحوط فيهن

عناد وهو يبتسم بمكر / بس انا مابحوط فيكن الا اذا يدتي حوطت ويانا

اليدة / لا انا مابي احوط مافيني حيل

عناد وهو للحين يرسم على ويهه ابتسامته الماكره / بكيفج ... بس تبين بناتج يحوطن روحي وياهن

اليدة / والله انا مافيني حيل على الحواطة ... حوط فيهن انت

عناد وهو يطالع البنات / مابحوط فيكن الا اذا راحت يدتي وكيفكن عاد انتن؟

البنات وقربن من صوب يدتهن / يدتي فديناج حوطي ويانا تكفين يدتي

النايفه وبرجاء / يدتي فديتج والله خاطري احوط ...احس اني مخنوقه ( وهي تحط يدينها حول رقبتها)

شوق / تكفين يدتي عشانا

اليدة / يابنات والله مالي خاطر احوط

عذاري / يدتي فديناج عشان خاطري تكفين

اليده / والله مافيني حيل يابنات ,,,(طالعت عناد ) عناد حوط فيهن من غيري

عناد وهو يأشر باصبعه بغرور ( بمعنى لا )

غيوض / يدتي تكفين

البنات / فديناج يدة حوطي ويانا ... والله نحس بنطق من الحجرة

اليده وباستسلام ورحمت البنات لان اشكالهن ترحم / خلاص بحوط وياكن

عناد وهويبتسم بمكر/ يله عيل انطركن بالسيارة

نوره وهي الوحيدة اللي ماترجت يدتها / عناد العن ابو المذله ياشيخ

عناد وهو يلف على نوره ويبتسم لها ويطالعها بنظره ماعرفت نوره تفسيرها بس حست بفرررررررق وايد
بينها وبين نظرات كايد

عناد وعاصي راحوا لسيارة ينطرونهن

نوره /شعنده عناد بيحوط فينا

النايفه / مدري عنه ...يمكن راحمنا

نوره / والله معجزه

عند السياره

عاصي وهو يضحك / حرام عليك عناد

عناد/ هههههههههه ... والله من زمان مالعبت بحسبتهن

عاصي وهو يضحك / ترى نوره وياهن !

عناد وهو يطالع عاصي بنص عين / ادري

طلعن البنات واليدة وركبن السياره وتحركت السياره
عاصي وهو يضحك / هذي اول مره صح تركبون سيارة عناد

النايفه / أي اول مره

عاصي / اول مره تركبها بنت هههههههههههه .... عناد ماشعورك وسيارتك مليانه بنات " يضحك" ؟

عناد / هههههههه شعوري شعور أي مواطن لاول مرة تركب سيارتي بنت " يضحك "

عاصي / عيل عليهوووووووووووووووووووووووووووووووووووووووووووووو وووم

وبدا عنادبالتفحيط ويدور فيهن

اليدة / سود الله ويهك وقف السياره ... دخت .... ياويلي ... لا اله الا الله

النايفه ميته ضحك على شكل يدتها / ههههههههههههههههه ايوووووووووووووه عناد دوس ...دوووس هذا التحويط والا بلاش

وزاد عناد بالتفحيط

نوره / عنادوووووووه وويع هذا تحويطك ... ردنا للبيت

البنات ( وطبعا مو كل البنات راحوا اميرة وريميه يلسوا وماراح غير النايفه ونوره وشوق وعذاري وغيوض وشمس والباجيات قعدن لان سيارة عناد صغيرة وماتكفيهن واللي راحن بعد متراصات على بعضهن خخخخخخ) / الللللللللللله وناسه ايووووووووووووووه عناد

عناد وعاصي يضحكون وعناد داس وفحط واخذ خمسات بالسياره مايدري الا والعصا ياي على اجتوفه

اليده/ وقف السيارة والا والله بالعصا هذي

عاصي وهو ميت من الضحك / انزين يدتي كيف تبينه يوقف وعصاج يمه بعديها عنه عشان يوقف

اليدة بعدت العصا / يله وقف سود الله ويهك ردني للبيت

وقف عناد وهو ميت ضحك

نوره / حسبي الله عليك حواطتك

عناد وهو يرفع يدينه / انا قلت لكم

البنات / هههههههههه بالعكس وناسه

اليده واللي زاد تنفسها من الخوف خخخخخخخ / واشوفه بعد ( ماحوط فيكن الا ويدتكن وياكن ) >>تقلد صوته

نوره / يله ...ردنا ...ردنا يامسود الويه ...توبه ان عاد ركبنا وياك

عناد وهو يلتفت على نوره / شفيج نوره عادي خلي عندج روح رياضيه مثل البنات

نوره / بل عليك شلون تكون عندي روح رياضيه وانا اشوف الموت بعيوني

اليده / ردني ... ردني لبيتي مطلعني من بيتي يامسود الويه تفحط فيني

********

نرد لكايد وعبدالعزيز

كايد حس بالدم يغلي في عروقه واتسعت عيونه بتعجب ...كان كايد اشبه بالنار الملتهبه...فتح فمه مصدوم من كلام عبدالعزيز...هو كان شاك بس الحين تأكد...وقال بنبرة ارتجافيه / انت متأكد عبدالعزيز؟
ملامح كايد تغيرت لدرجة انها صارت توحي بالتعاسه

****************

بعد ماراح عبد العزيز ... كايد راح يمشي على روؤس اصابعه في هدوء وصل غرفته وهو يحس بانهيار وتعب كبير ...
غير ملابسه ومشى على ارض غرفته واستلقى على سريره مرهق... حس بجفاف بحلجه ...حبس انفاسه ...
حس بالقهر...بالجرح ... بالالم ... بالحسرة ...

بعد لحظات استسلمت عيونه لنوووووووم ...

***مزون شمر*** · 17-10-2011, 12:45 PM

رد: رواية جرحــها كـــايد-كامله للكاتبه غــلآ مطير

مشكوره عالبارت حبوبه
استمري متابعه لك

**لحن آلأمل** · 19-10-2011, 05:52 AM

رد: رواية جرحــها كـــايد-كامله للكاتبه غــلآ مطير

شككرا على البارت لنو
أستمري حياتي ‘
متابعينك ~

**حوسة مشآعر** · 19-10-2011, 08:04 AM

رد: رواية جرحــها كـــايد-كامله للكاتبه غــلآ مطير

مزمز سروبه منورات يابعد قلبي

**حوسة مشآعر** · 19-10-2011, 08:07 AM

رد: رواية جرحــها كـــايد-كامله للكاتبه غــلآ مطير

@@@الجزء الرابع عشر @@@

تقريبا مر يوم كامل وكايد برا البيت طلع من الصبح ولارد الا على الساعه 11 بالليل شاف بالصاله عناد يالس يتفرج على التلفزيون بروحه حس كايد ان هذي هي الفرصة اللي يكلم فيها عناد لا نه خلاص مو قادر يتحمل ...

كايد طالع بعناد وبداخله كلام كثير يبي يقوله /.........
عناد وهو يطالع كايد / وعليكم السلام
كايد سكت ومارد على عناد ويلس جريب منه / ........
عناد طالعه وحس من نظراته ان عنده كلام وقابله بنفس السكون
لف عليهم الصمت ولا احد تكلم منهم...قطع هالصمت كايد / يدتي وينها
عناد وهو يطالع التلفزيون ويتحاشى يطالع كايد واكتفى بكلمه وحده / نايمه
كايد واللي شبك اصابع يدينه في بعضها وطالع تحت ورفع راسه على طول لعناد / عناد ( وتنحنح وجنه يصفي نبرة صوته )
عناد واللي لف على كايد ولمس في نبرة صوت كايد الحزن وحس ان فيه شي وانه هو في الموضوع وزادت دقات قلبه / نعم
كايد واللي مسح يدينه على ويهه وطالع عناد / عناد شوف انا بكون صريح وياك
عناد واللي بالفعل زادت نبضات قلبه وحس انه بيكلمه بنفس الموضوع " واكتفى بالصمت"
كايد وبنبرة بارده / عنادانا عرفت كل شي!
عناد واللي لف على كايد وطالع له بنظرة يتظاهر فيها بعدم المبالاة وهو بداخله غير ...هز اجتوفه غير مبالي / شنو عرفت ؟ ( قالها ببرود اشبه ببرود الثلج )
كايد وهو يبلع ريجه ووقف من مكانه بكل توتر / عناد عبدالعزيز قالي انك تحب نوره ؟
عناد وقف من مكانه غير شعور ... التفت لكايد وعيونه تتسع متعجب و شفايفه ترتجف وكأنه يبي يتكلم بس ماقدر يتكلم /.............
كايد وهو يفرك يدينه ببعضهم / ادري انك تحبها وادري انك دريت اني بخطبها
حس عناد بوخز بويهه وجن احد صفعه لكن تم يطالع كايد بعيونه التي تحمل التحدي والدفاع عن النفس ... تكلم وكأنه انسان جامد وفاقد الاحساس مثل عواصف الشتاء المثلجة وتكلم من غير مبالاه بمشاعر كايد / زين دريت اني احب نوره !
كايد واللي طالع اخوه بنظرة حزيييييييييينه تحولت ملامح كايد الى ملامح غامضه ... رفع حياته متعجب من اسلوب اخوه وتم يطالعه بقووووووووه /..........
عناد وهو يطالع اخوه / شنو ؟ شفيك اطالعني ...شايف تلفزيون جدامك ... كاهو التلفزيون ( يأشر على التلفزيون)
كايد وللحين يطالع اخوه بألم / عناد شفيك ؟ عدل اسلوبك انا اخوك الكبير شنو هالاسلوب ؟ كله علشات تحب نوره ( قالها بعصبيه ) وعشان دريت اني بخطبها
عناد وهو يطالع كايد بكل انفه / ماتهمني انت وخطبتك؟
كايد واللي طفح كيله ومو قادر يتحمل كلامه تكلم وهو راص على اسنانه / هي انت لانسى انا احنا اخوان وموب بنيه تغيرنا على بعض ... وخلاص ياعمي تبي تخطبها اخطبها خلاص انا مابيها .
عناد واللي حس على كلام كايد وحس فعلا انه غلطان وحس ان كايد حريص على اخوتهم وكان باذنه يتردد كلام عاصي ((( بلاش حركات مراهقين مالها داعي واستح على ويهك اخوك يبيها واحترم رغبة اخوك اللي اكبر منك .... ولا تنسى انك اصغر منها) / انا بعد مابيها!!!
كايد / تحبها وماتبيها وشلون صارت هذي ( وارتسم على ويه كايد علامة استفهام )
عناد وباندفاع / مابيها ... خلاص ... غيرت رايي!!!انت خلاص اخطبها
كايد واللي قرب من عند عناد وحط ايده على جتفه وابتسم له ابتسامة بارده / خلاص انا مابخطب نوره مستحيل اخذوحده اخوي يحبها (وطلع كايد من عند عناد رايح صوب المطبخ ... كان يبي يشرب ماي بارد يبي يبرد على نفسه ... حس كلامه كان قوي وحس انه تهور بكلامه ... دخل المطبخ ... ويا لصدفه ...
*************
في بيت ابورعد
وبالتحديد في غرفة البنات
عذاري اللي يالسة على الكمبيوتر وتنادي غيوض / غيوض ... غيوض
غيوض والي توها داخله الغرفه / شنو؟
عذاري / تعالي بسرعه شوفي ... لا يفوتج ( تضحك)
غيوض وهي تمشي بخطوات سريعه / شنو
عذاري / شوفي هذا ... شرايج فيه هههههههههههه ( تضحك)
غيوض / وععععععععععع مو حلو منو هذا؟
عذاري تضحك / هذا واحد يمدح في نفسه طول الوقت ..." اليوم بنت رقمتني ... واليوم بنت لحقتني بالسوق ... ومدري شنو ..." جان انا استغربت من كلامه وقلت له يرسل لي صورته .
غيوض / هههههههه واثق من نفسه " وسرعان ماختفت الضحكه " وانتي ليش ضايفه ريال على المسن؟
عذاري وهي تهز اجتوفها/ مدري لقيته بالشات وضفته عندي
غيوض / طيب يله قومي ببند الليت ... قومي نامي بكرة وراج دوام
عذاري / تونا ماصارت الساعه 12 والا الظاهر انتقلت العدوى من ابوي لج
غيوض وهي تضحك بضحكه هازئه /هه لا مانتقلت العدوى بس لويدخل عليج الحين رعد ويلقاج على المسن لا وتكلمين ريال ياريلج
عذاري / تكفين عاد هو كل جواله ارقام بنات
غيوض / هو ولد ياحلوه... يله ببند اليت
عذاري/ طيب طيب بس لحظه ببند المسن الحين بس لحظه بتهاوش وياه وبكسحه على صورته بقوله تييب الحمى ... يقولي شنو رايج بالصوره هههههههه
ردت عذاري عليه وتهاوشت وياه طبعا ونقصت من شكله ( عاد عذاري ولسانها ) واخيرا سوت له بلوك.

**********************
نرد لكايد
دخل المطبخ وشاف نوره يالسه على الكرسي وحاطة راسها على الطاوله وكان شكلها حزززززززين وواضح انها سمعت كل شي ... كانت النايفه يالسه على الكرسي الثاني وهي بعد سمعت كل شي ( من سوء الحظ كانت نوره والنايفه بالمطبخ واللي بالمطبخ كان يسمع كل اللي يصير بالصاله لانه قر ررررررريب منه بقووووه وللاسف اسمعن كل كلام عناد وكايد .)

كايد وبصوت اشبه بالهمس / انتن يالسات اهنيه ؟
لفت عليه نوره على طول وعيونها ملتهبه بعتب كبير واللي خلا عيونها تنكمش في زاويه مكانها " ( " معقوله ياكايد تبيعني بكل سهوله ... وين حبك لي ؟ وين وعدك لي اللي قبل يومين ؟ جذيه تقولها بكل سهوله ( مابيها) ! حست نوره بصرخه كاتمتها ودها تصرخ بصوت اعلى من العالي وتقول / وين وعدك ياكايد ... وين حبك ... وين ؟ وين ؟ ( بس للاسف ماتقدر تصرخ ولا حتى تتكلم بحرف)
كايد حس بنظرات نوره انها سمعت كلامه ووقف ونزل راسه/..........
اما نوره وقفت من الكرسي بكل شموخ وكبرياء وراحت تمشي بتطلع من المطبخ وقبل ماتطلع وقفت عند البا ولفت على كايد وقالت بلهجة شامخه / على فكره ... انا موب كره عندك والا عند اخوك تلعبون فيني على كيفكم
وطلعت وهي تمشي بطريجها توقعت انها تلقى عناد بالصاله لكن المفاجأة انها ماشافته

كايد وهو مصدوم من ردة فعل نوره واللي كان متوقع انها تنحني بضعف / سمعتونا " يكلم النايفه"
النايفه وهي اطالع اخوها بنظرات استحقار/ أي سمعناكم ... ليش ياكايد ... حرام عليك ... انا ادري انك تحب نوره ... ليش دست على قلبك وقلبها ...ليش
كايد واللي حس بالندم ... ونزل راسه بكل الم وحزن / شسوي اخوج يحبها ... شلون ارضاها على نفسي ... اخطب وحده اخوي يحبها
النايفه وباندفاع قوي/ عناد مراهق واصغر من نوره وحرام ............
قطع كلامها كايد وقال بصوت مبحوح / بس نايفه انا مستحيل اتزوج وحده اخوي يحبها
طالعته النايفه بقهر وجنها بتنفجر من القهر وقالت بكل عصبيه / حرام عليك انت ماشفت شكل نوره يوم اسعت كلامك
سكت كايد وهو من داخله قلب يعتصر ...مو يعتصر الا يحتضر وطلع منه صوت تنهيده /اه
طالعته النايفه بكل قهر وتعاسة وطلعت من المطبخ وهي تمشي بمشيه اشبه بالركض

في غرفتهن
نوره كانت يالسه على سريرها وضامه ركبها لصدرها ومجتفه ايدينها حول سيقانها ودافنه ويها بينهم
ماقدرت تبجي ولا حتى قادره تتنهد يلست تتذكر كلام كايد لها قبل ايام (نوره خذي وعد مني تأكدي اني ماراح اتخلى عنج ابد ولو حصل وانتي تخليتي عني ...نوره تأكدي ان حبي لج ماراح يتأثر وان قلبي اللي سكنتيه بحبج مستحيل أي احد يسكنه غيرج ... نوره انتي مو عارفه انتي شنو بالنسبه لي ... نوره انتي حبيبتي وحياتي وعمري والامل اللي عايش علشانه وانتي الحلم اللي اسعى ورا تحقيقه ...نوره انا راح ابقى لج للابد نوره تأكدي لو حصل وافترقنا الله لايقدر وانا اكيد عارف ان السبب خارج عن ارادتنا ماتخيل أي بنت في هالعالم تاخذ مكانج في حياتي .)
طلعت نوره من كل قلبها بصوت عالي / اه
النايفه واللي يالسه يمها / سلامتج من الاه يابعد عمري... شفيج نوره ساكته ... تكلمي مو بزين عليج تسكتين
كانت نوره فعلا وكأنها مصدومه ومذهوله ماتكلمت وعيونها اطالع بزاويه من الغرفه ولا حتى ترمش
النايفه / نوره اشفيج خلاص ماعبيج منهم
نوره اهنيه عيونها صارت مثل المرايه من الدموع لكن مع ذلك مانزلت دمعتها ... كانت شكلها يخرع من حزنها واساها
النايفه اللي يلست تهز نوره من خوفها / نوره حبيبتي بلاج ؟
نوره في اللحظه هذي ضمت النايفه بكل ماتملك من قوه ... لكن للحين لا تكلمت ولا بجت من هول الصدمه اللي صدمها فيها كايد بكلامه
فجت نوره النايفه
نوره اكتفت بس بكلمه وحده لنايفه / النايفه ابا انام بندي الليت واتركيني لحالي
النايفه واللي كانت خايفه على نوره / ان شاءالله
بندت النايفه الليت وردت ونامت
اما نوره استرخت على السرير ويلست تتذكر كلام كايد لعناد اللي مافارق سمعها( لا تنسى انا اخوان ومو بنيه تغيرنا على بعض خلاص ياعمي تبي تخطبها اخطبها ...خلاص انا مابيها ... مابيها ...مابيها ... مستحيل اخذ وحده اخوي يحبها ... معقوله هذا كايد اللي وعدني انه ماتركني ... معقوله يقولها بكل سهوله ( مابيها) معقوله يتخلى عني ... انزين وين حبه لي وليش يدوس على قلبي ... ليش يهدم حبنا...معقوله انت الحبيب كايد والا غيره ...اه .... واخيرا استسلمت لنوم ونامت.
في المطبخ وللحين يالس كايد فيه
كايد / ياويل حالي شنو سويت انا ؟ جذيه من غير عقل ومن غير تفكير اقول لعناد جذيه ... صج انا مابي نوره ... وين حبي لها ...اه ... ياويلي وياويل قلبي والله احس اني بمووووووووت احس اني تايه ... ضايع ... حاير...مادري شلون قلت جذيه ...بس شسوي اخوي بعد ...اه خلاص انا انتهيت ... خلاص انا خسرت نوره...

على الساعه 3 الفير
قعدت نوره من نومها وهي يلت تصلي الشفع والوتر يلست تقرا قران
النايفه / نوره
نوره واللي لفت على النايفه / قعدتي
النايفه / اصلا مانمت ؟
نوره / ليش ( وكأنه ماصار شي )
النايفه / مدري ... نوره
نوره / هلا
النايفه / ...........
نوره وهي تبتسم ابتسامه صفراء / شنو
النايفه / بكرة بتداومين؟
نوره ابتسمت / شنو هذا شؤالج ؟
النايفه وهي ترد الابتسامه / أي
نوره / أي بداوم ليش ماداوم؟
النايفه / زين عيل
نوره / شنو اللي زين ... شفيج انتي... تكلمي عدل ... شنو هالكلمات المتقاطعه
النايفه / نوره
نوره / وويع شنو تبين
النايفه ابتسمت / نفسي اقولج حاجه
نوره ومن غير نفس / شنو
النايفه / ماشفتج اليوم صحتي والحين اشوفج عادي ولا كأن شي صار
نوره ابتسمت ابتسامه صفراء/ اه يالنايفه ...لان اللي فيني اكبر من الصياح والدموع
النايفه / عيبتيني بس خفت عليج
نوره طالعت النايفه بحزن وقالت بعد لحظة صمت بصوت حزين ممزوج بنبرة الم / كنت احبه وكان املي فيه ... كان هو حلمي ... ماكنت متوقعه انه في يوم يتخلى عني ولا كنت متوقعه اني بسمعه يقول ( مابيها) >>> كانت هالكلمة مأثره على نوره بقوووووه
كان بالنسبه لي القلب الكبير من بعد امي الله يرحمها ... كان يوم اعترف لي انه يحبني حسيت اني ملكت الدنيا كلها واليوم خلاص حين اني انتهيت
النايفه / .............
نوره / انا بنام ( تحاول تغير الموضوع)
النايفه / انا بعد
نوره انسدحت على السرير بتعب ويلست تقول بصوتها المخنوق المنكه بالحزن
وعدني واليوم خاب الرجا فيه
ياصاحبي ياللي على القلب غالي
ليه تهدم حبن بالامس بنيناه
ليه تجرح قلبي مادمت تغليني
ليه تصيح بصوتك وتقول مابيه
ابكتم صرختي يوم اشوفك تبيعني
وابترك جرحي ينزف على هونه
وعلى الهون تحدري يادمعتي
وفيك يالغالي عزيت قلبي
واخيرا / يلست تبجي ... اخيرا نزلت دمعتها ويلست تجهش بالبجاء

النايفه وهي تضم نوره/ بس نوره كافي بجاء ؟
نوره وهي تصيح/ تخيلي كايد يقول ( مابيها) مايبيني
النايفه وهي ضامه نوره / نوره كايد يحبج ؟
نوره واللي انهارت/ جذب ... جذب مايحبني اللي يحب يسوي جذيه ...اللي يحبني يبيعني عشان يرضي غيره ...

رواية جرحها كايد-كامله للكاتبه غلا مطير

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget