قصة ريم وخالد (قصة حب روووووعة)

**زوزو** · 31-07-2011, 05:24 AM

رد: قصة ريم وخالد (قصة حب روووووعة)

احم احم انا مبدعة بس وين الي يقدر لووول يلا انكمل

ريم : هلا بيج
رانيا: شخبارج وينج من زمان ماجفتج وحشتيني
ريم: و انتي اكثر بس شنسوي اول ماحصلت الشغل و انتي اتعرفين اشكثر اروووح و ارجع والله تعب في تعب
رانيا: أي والله ماتنلامين
ريم : اقوول رانيووو عطشانه حدي
رانيا: تبين ماء روحي المطبخ و لت قولين بعد ماتدلينه
ريم:ههههههههه لا اشدعوه اتصدقين مادله
رانيا: هههه علينا
ريم راحت عند المطبخ الا جافت واحد غريب
خالد وهو يفكر يقووول من ذي معقوولة صديقة رانيا
ريم صدت الصوب الثاني وراحت وهي مرتبكه

طيب تبون اتعرفووون معلومات عن خالد (( خالد شاب خلوووق ووسيم (غاوي) و ذكي و له عضلات و كل بنت تتمناه ))
.................................................. ......................................
و عقب نص ساعة رن الجرس
و ام رانيا : خالد ناد اختك وقووول لها صديقاتها ياين
خالد: انشاءالله
و خالد دخل غرفة اخته: رانيوووو وينج امي تت تت تبيج
رانيا (وهي تفكر اشفيه ارتبك): ليش ما استاذنت قبل ماتدش
ريم و هي مستغربة من خالد
خالد: ها لا لا بس امج تبيج
رانيا: انزين اقوول خالد قبل ماروح اتعرف هذي من ((تاشر على ريم ))
خالد((وهو يتامل بجمال ريم )): صديقتج
رانيا: لا..خالد معقوولة ماتعرف ريم بنت خالتك
خالد: ها وييي ريم تغيرتي وايد صرتي احلى من القمر ماشاءالله عليج
ريم وهي مستحية : تسلم
رانيا : قووومي ريمووو يلا قاعدين ينتظرووونا
ريم :ويييييييييي تصديقين نسيت
خالد:لت لومينها اصلن جمالها ينسي الواحد
رانياوهي معصبة من كلام خالد : انت اسكت ولا كلمة عيب هذي بنت خالتك اقوول ريم امشي عنه

ريم راحت وياها وويها احمر من الخجل

وبعد ما استقبلووو الضيوووف و استانسووو و ارقصووو و انتهت حفلة رانيا و كانت خووش حفلة

اما ريم كانت تفكر في خالد و خالد يفكر في ريم
.................................................
شنو بيصير بين ريم و خالد ؟؟
............................................
في اليوم الثاني...
دينا راحت تقوم ريم
دينا : ريمووووو ... ريموووو قومي
ريم وهي تقوم :هلا دينا صباح الخير
دينا:أي صباح الخير انتي بعد صارت الساعة وحدة و انتي للحين نايمه
ريم: قامت صج وييي نسيت اصلي
دينا : روحي صلي عاد عقب ولي يعافيج ابي اطلع وياج ملل الحكره في البيت
ريم: خليني اصلي و اكل و اتسبح و ابدل و يصير خير
دينا : انزين بس لت اخريني
ريم:انشاءالله و انا جم اخت عندي

**زوزو** · 31-07-2011, 05:25 AM

رد: قصة ريم وخالد (قصة حب روووووعة)

دينا: امممم خليني افكر سؤال صعب امممم انا بس ههههه
ريم:أي ههههههههههههه
.....................
في المجمع
ريم : دينا بارووح زارا اتيين
دينا لا انا باتم عند كليرس ابي اشتري لي ترجيه
ريم : اوكي
ريم شرت (( شنطة جووجي ماركه معروووفة ))
و عقب ما شروا و استانسووو
ريم :دينووو حدي يوعانه اشرايج نروح ناكل صوب المطاعم
دينا: يلا
وفي المطعم وهم يسولفووون و يضحكووون
دينا:هههههههههه اما سوالفج ريموووو صج اتضحك
ريم: اكييييد هههههههههههههه
و الا واهم ياكلووون يالهم احد ----< تتوقعووون من ((خالد))

و خالد من يوم ما يات بيتهم وهو طوول الليل يفكر فيها

خالد و الفرحة شاقه حلجه : السلام عليكم
ريم و دينا : عليكم السلام
خالد بكل رقة : اشحالج ريم ؟
ريم وهي تبتسم ابتسامة حلوة: بخير ......تفضل ويانا ليش واقف

خالد كان خاطره يقعد بس استحه منها : مشكوورة بس انا ويا ربيعي وقلت يلا بسلم عليكم مرة وحدة
ريم : اها انشاءالله عيل مرة الياية
خالد:انشاءالله عيل الحين اخليكم باي
ريم:باي
ريم((وهي تتامل في خالد))نست ان دينا وياها
دينا : ريم ..ريم اشفيج وين وصلتي
ريم:ها لا مافيني شي بس كنت افكر في شي
دينا : اقوول ريم ماتلاحظين ان خالد وايد يطالعج
ريم:ها ..خ خ خالد لا يمكن تتخيلين

دينا((استغربت)):لا والله من صجي ماتحسين عينه كلها عليج ولا شالها عنج
ريم تحاول اتدور جواب : يمكن امممم يمكن لان ماجافني من مدة
دينا:يمكن
.................................................. ...................................
خالد يوم رجع البيت كان حده مستانس لان جاف ريم راح لعند رانيا
خالد: رانيا
رانيا: نعم
خالد: من تتوقعين جفت اليوم ؟
رانيا: والله مادري فيك
خاد ببتسامة عريضة : ريم و اختها
رانيا : صج وين وفي أي مكان يلا عاد قولي
خالد: في المجمع اتعرفين مكان المطاعم
رانيا: زين اقووول خالد
خالد:نعم
رانيا وهي تلعب باظافرها : اممم اخاف اتعصب او اتسوي فيني شي
خالد : لا اشدعوه يلا عاد قولي لي
رانيا: انت اتحب ريم ؟

**زوزو** · 31-07-2011, 05:26 AM

رد: قصة ريم وخالد (قصة حب روووووعة)

خالد وهو مستغرب : اكييد ريم بنت خالتي
رانيا وهي تحرك يدها : لا لا انا قصدي انت اتحبها اتحبها
خالد قام مكانه وهو مسنحي : ها انا
رانيا: أي انت
خالد:اممم اذا قلت لج عاد لت قولين حق احد
رانيا: انشاءالله
خالد:اوكي انا لاني اثق فيج و انج اختي الوحيدة باقووولج اممم أي
رانيا: نفس ماتوقعت
خالد(استغرب):ليش كنتي تدرين؟
رانيا: اعيووونك اتقوول كل شي قبل ماينطق السانك يا اخوي
خالد:اها اوكي بس لت قولين حق احد حتى حق ريم
رانيا:انشاءالله بس لت تغزل فيها جدامنا لان بتحس
خالد:ياريت اقدر المشكلة اسمها يمشي في عروج او (عروق)دمي
رانيا:بسك عاد لا اعلم عليك
خالد:صج انج شيطووونة
رانيا:هههههههههههه بل اشدراك
خالد:اعرفج
.................................................. ................................
في بيت ام ريم

ريم كانت تكلم صديقاتها في المسنجر
اما دينا فكانت اتحل واجباتها
بعد نصف ساعة ..
دينا تصوت على ريم : ريموووو ريموووو
ريم :نعم
دينا دشت غرفة ريم: ريمووو عندي فكرة حلوة
ريم: شنو؟..اي فكرة ؟
دينا:انتي متمللة نفسي من زمان ماطلعنا اشرايج نعزم ربيعاتنا على العشاء
ريم:والله اول مرة قلتي شي حلو صج فكرة حلوة
دينا((بغروور)):انا كله اقووول اشياء حلوة بس المشكلة ان انتي كل شي مايعجبج
ريم:انا!! افا زعلت منج
دينا:لا كل شي ولا زعلج يالغالية يلا انتي اتصلي حق ربيعاتج و انا بعد
ريم:انشاءالله
.................................................. ......................................
اتفقو يوم الخميس و ريم اعزمت ربيعاتها ايام الجامعة و المدرسة (( شيخة و سارة و ندى و شيماء))
اما دينا فاعزمت صديقاتها الي معاها في المدرسة ((نورة و مريم و منار و حصة))
ريم : دينووو
دينا: ها للحين قاعدة البس
ريم :اوكي اذا كملتي ابيج اتيين غرفتي اتساعديني شنو اختار
دينا : انشاءالله تعالي عزمتي رانيووو
ريم: ايي اكييد بدووون ماتقولين هذي بنت الغالية و اكيد اولهم اهي
دينا : اوكي لبست
دينا كانت لابسة (( تنووورة بنية تحت الركبة و بلوووزه مشكوووكه بالخرز بطريقة حلوة و سوت شعرها
كيرلي و كانت حلووة ))
ريم: واو طالعة حلوة بهل تنووورة
دينا: عيونج الحلوة
ريم:يلا تعالي اختاري لي
دينا:انشاءالله
دينا: ريم اشرايج في هل بدلة الوردية الفاتحة حلووة
ريم: أي والله اوكي مشكووورة خيتووو

**زوزو** · 31-07-2011, 05:27 AM

رد: قصة ريم وخالد (قصة حب روووووعة)

بدلة ريم (( وردية فاتحة روووعة و لبست طقم ذهب ابيض من ((داماس )) و حطت مكياج وردي خفيف
و فلت شعرها الاسود الناعم و كانت صج قمر ))
بعد ما مر ساعة

"ترن ترن"((الجرس ))
دينا: ريمووو فتحي الباب
ريم: اوكي

افتحت ريم الباب الا رانيا
ريم و دينا : هلا ريوووون
رانيا: هلا وغلا شخباركم؟
دينا و ريم : الحمدالله
رانيا: دوووم انشاءالله
ريم : دام عزج تفضلي

و قعدوو في الصالة يسولفووون
رانيا : ريم متى صديقاتج بيووون
ريم: الحين لازم ايووون بس للحين
دينا:يمكن الدرب
رانيا:تعالي دينا أي صف الحين انتي
دينا: ثالث اعدادي
رانيا:بل صعب ثالث اعدادي درسي عدل عشان اتنجحين
دينا:انشاءالله

وفي وسط سوالفهم رن الجرس
ريم:اكاني اكاني
افتحت الباب الا صديقات دينا اختها
ريم:هلا
حصة و نورة و مريم : هلا فيج
ريم: دينووو موجودة حياكم
صديقاتها: الله يحيج
دينا خذت صديقاتها في غرفتها
.................................................. ...........................
في بيت ام خالد ..
ام خالد: خالد وينك
خالد: كنت اطالع تلفزيووون
ام خالد اقوول خالد
خالد: هلا يمه
ام خالد: انا و صلت اختك بيت خالتها لان ريم عازمة صديقاتها
((خالد اول ماسمع اسم ريم يقووول ايه عليج يا ريم لو تدرين اشكثر احبج وهو سرحان ))
ام خالد : خالد خالد اشفيك سرحت انا اكلمك و انت تسرح
خالد: ها لا لا كملي
ام خالد: انزين عقب اختك بتتصل لك و بتقوولك تاخذها
خالد:اوكي
.................................................. .................................
في بيت ام ريم
رن الجرس
ريم: لحظة
ريم افتحت الباب الا لقت شيماء و شيخة و سارة
ريم:هلا وغلا بالغالين

**زوزو** · 31-07-2011, 05:28 AM

رد: قصة ريم وخالد (قصة حب روووووعة)

سارة وشيخة و شيماء: هلا بصديقة العمر كله شخبارج
ريم:الحمدالله
ريم: تفظلوووا
رانيا راحت سملت على صديقات ريم
ريم :اعرفكم على رانيا بنت خالتي
صديقات ريم : تشرفنا

قدوووا البنات مستانسين يسووولوووفن و يضحكووون على سوالف رانيا و ريم

وعقب ماكملت الحفلة الحلوة ودعووا ريم و رانيا و راحووو البيت
رانيا اقعدت عند ريم لان للحين ماوصل خالد

ريم:رانيا
رانيا:هلا
ريم:اشرايج باجر نطلع انروووح المجمع
رانيا:والله فكرة بس من يوصلنا
ريم:ويييي نسيت أي صج
رانيا:معلي باقووول حق خلووود يوصلنا
ريم من اول ماسمعت اسم خالد استحت:يمكن مشغوول
رانيا:ريمووو اشفيج هذي اخوي اكييد موو مشغوول انا اعرفه
ريم:براحتج
رن تلفوون رانيا اغنية سلمان حميد
رانيا :يلا عيل ريمووو اكا اخووي وصل باي
ريم:باوصلج عند الباب
رانيا:لا عادي والله
ريم:لا لا بنت خالتي و ماوصلها عند الباب والله فشله
رانيا:احم احم ههههه كيفج
و راحوو عند الباب و ريم و صلت رانيا لي السيارة و جافت خالد و هي مستحية
ريم:خ..خالد اشلونك؟
خالد التفت وهو مو مصدق عمره ان اخيرا جاف القمر
خالد((شاق حلجه)):بخير يسرج الحال و انتي شلونج ؟
ريم((مستحية كلش)):الحمدالله بخير
رانيا:احم احم احم احم اجووفكم نسيتوووني ها
ريم و خالد :ههههههههههههههههههههه
خالد:اتصدقين للاسف أي هههه
ريم((مستحيه)):ههههههههههههههه
رانيا : يلا بنروووح باي ريمووو
خالد:مايصير نقعد اشوي
رانيا:استح اشوي
ريم:هههههههههه باي
.........................................
ريم و خالد :ناموووا من التعب و كل واحد يفكر في الثاني
.........................................
و في اليوم الثاني
دينا:ريمووو يالبقرة قووومي
ريم:ها اشتبين حدي تعبانة خليني 5 دقايق
دينا:لا يالخدية رانيا متصلة لج تبيج ضروووري
ريم:انزين
قامت من السرير و شالت السماعة
ريم :الو

**زوزو** · 31-07-2011, 05:29 AM

رد: قصة ريم وخالد (قصة حب روووووعة)

رانيا:هلا ريمووو..يلا تبرزي نبي انرووح المجمع
ريم((فتحت عيونها )):الحين
رانيا:لا عيل يلا لبسي بسرعة اكا اخوي بيوصلنا
ريم:انزيييين يلا بارووح ابدل باي
رانيا:باي
ريم راحت اتبدل و البست بدلة حلوووة لونها سماوي و حطت مكياج بسيط و كانت صج صج قمر
ام ريم : ريموو وين رايحة
ريم و هي اتعدل شيلتها :ماما بارووح ويا رانيا المجمع نشتري جم من شي
ام ريم : سلمي على رانيا و انا و دينا بنرووح نتغدى عند صديقتي منى عازمتنا على الغدى
ريم: والله حلوة سلمي عليها
ام ريم: الله يسلمج..بس تعالي طالعة قمر اليوم
ريم منزلة راسها: تسلمين يمه طالعة عليج
ام ريم : الله يسلمج حبيبتي
رن تلفوون ريم اغنية ((عبدالمجيد))
ريم:يلا يمه بارووح اكا ريم منتظرتني
ام ريم : باي تحملي في روحج
ريم: انشاءالله يلا عيل باي

اطلعت ريم و جافت رانيا منتظرتها
رانيا: هلا ريموو
ريم: هلا رانيووو
رانيا:يلا ريموو خلنا نركب
ريم:انشاءالله
((و كان خالد يسووق السيارة ))
ريم((وهي مستحية)):السلام عليكم
خالد((وهو حده مستانس و شاق الحلج )):و عليكم السلام
خالد ((وهو يناظر ريم و يتامل تقاطيعها )): شخبارج ريم ؟
ريم((وهي مستحية حدها و قالت بكل رقة )):الحمدالله
خالد:دووم انشاءالله
((ريم حدها مستحية و خاطرها تطلع من السيارة ))
رانيا و هي تقاطعهم في هل لحظة: احم انا اهني تره
خالد:افف ندري هذي المشكلة
ريم:هههههههههههههه
رانيا:بسكم عاد اقوول خالد بتيي ويانا
خالد: مادري باجووف باخليكم تتسوقوون و انا باقعد عند المطعم
رانيا:أي هلون فكرة حلوة
ريم((ساكته))

((اوصلوا المجمع و كان مليان ))
خالد:يلا انا باقعد اترياكم عند المطعم اوكي
ريمو رانيا :اوكي
((راحوا ريم و رانيا يتسووقووون في المحلات و يشتروون ثياب و اغراض البنات ماتخلص ))
و بعد ثلاث ساعات في المجمع كان خالد قاعد يترياهم في المطعم
الا و بنتين يروحون له و يسالوونه عن اسمه

البنتين:مسامحة اخوي بس بغيت اعرف شنو اسمك
خالد وهو متعجب من السؤال:ليش؟
و في هل لحظة الا ريم و رانيا جافوا خالد يكلم البنتين
.................................................. ...
شنو تتوقعوون بيصير ويا خالد و البنتين؟؟
و شنو موقف ريم اتجاه خالد ؟؟
التكملة في الجزء اليديد
بس قبل ماينزل ابي تفاعل
في الردوود

ريم ((وهي متعجبة و يات لها الشكوك هل اهو يخووني ؟؟ هل اهو يحب يكلم بنات غيري
هل اهو يحبني من صجه؟؟))
اما رانيا ((تعجبت )) فمسكت يد ريم و راحوا صوب ثاني عشان عقب يسالوون خالد عن البنتين
البنتين : اول شي نسينا انعرف على انفسنا انا دانة و انا خلود
دانة : الصراحة يا اخي انت وايد حلو و انا انعجبت فيك ممكن الرقم بليز
خالد((تعجب و فتح عيوونه من هل وقاحة )):انا مو من هل شباب دوروا غيري
دانة :افا اشدعوه ليكون زعلت مني والله ما كان قصدي اضايقك كل شي ولا زعلك
خالد: اختي انا مو من النوع الي تتوقعينه و انا الحين استاذن اختي تنتظرني
((وراح خالد عند اخته و كان واصل حده من وقاحة البنتين و مو حاس ان ريم وياه ))
خالد بعصبية:رانيا خلنا نرووح
رانيا:خالد لحظة اشفيك؟
خالد:باشرحلج في السيارة
((ريم كانت خايفة و قلقة من الي قاعد يصير))
دخلوا السيارة و بعد عشر دقايق
رانيا: خلوود شصاير
خالد:بنتين يبون يتعرفوون علي
ريم((حست بضيق في قلبها و كان الدنيا بتخنقها ))
رانيا:شنو صج قليلات ادب وين اهلهم عنهم
((ريم ساكته))
خالد:أي عاد انا عصبت و هاوشتهم
ريم في هل كلمتين ارتاح قلبها بلي تسمعه
رانيا:زين تسوي فيهم اخووي والله كفوو
ريم((ابتسمت ابتسامه كلها براءة ))
((وصلوا ريم البيت و اول مارجعت راحت عند السرير و القت نفسها فيه من التعب))
بس كانت مستانسة لان اعرفت شي زين عن خالد بانه يحبها و وانه حبهما صادق و طاهر
لان نادرا اتحصل في هل زمن حب طاهر الله يخليهم لبعض انشاءالله
بس للحين تر ماكملت القصة لووول
يلا انكملها
.................................................. ................
و بعد ساعتين في بيت ام خالد

رانيا:خلوود
((خالد كان في غرفته يكتب شعر والاطق الباب))

طق طق
رانيا:خلووود افتح الباب
خالد:انزين
يلا نبي تفاعل عشان انكملها

رانيا:اخيرا فتحت الباب
خالد:ليش شنو صاير
رانيا:ماصار شي بس
خالد:بس شنو
رانيا:انت قلت حق ريم ان اتحبها
خالد:لا اتعرفين ماعرف اشلون ابتدي عشان اقوول لها
رانيا:خلوود البنية تر عودة و يمكن ناس يخطبوونها و عقب مافي امل اتصارحها لازم توقف على ريلك يا اخوي و اتصارحها عشان اهي اتعرف
خالد((قام من مكانه)):الصراحة ماعرف شاقوول لج اختي..بس انا احبها و امووت فيها و ماقدر اتخلى عنها
و دفتر اشعاري يعبر عن احساسي
((خالد فتح دفتره و عطاه اخته و كان اول الدفتر عاشق ريم وفي شعر من اشعاره يعبر عن احساسه تجاه ريم ))

رانيا تصفحت الدفتر و جافت شعر عجبها وايد و قرته جدام خالد

في اول اسطرحياتي بعد فراغ كبير كتبت اسم بقلبي تحيط به نبضات قلبي لك وحدك وكل سطر به اسمك الذي اصبح لذه شفتي ينبض قلبي بمداد قلبي اهمسها بحرارة شوقي ارسل لك حبي الصادق من شرايني كتبت حبي لك انت وسأكتب مجددا لك انت يا اقرب روح الي روحي وقلب الي قلبي ثلاثة حروف اكتبها ر ي م
تجري بها بشرايني ثلاثة حروف اكتبها يومي وغدي وفجري الاكيد لا يهم اين اكتبها لكن مايهمني انني سوف ابقى اعشقها
((من اشعار شيخة البنات ))

رانيا: الصراحة خالد ماعرف شاقووولك بس انت اتحبها فلازم اتضحي بهل حب و اتقووول لها
خالد : باحاول
رانيا:انزين نسيتني شباقوولك اممم أي العشاء تحت تعال انزل ويانا عشان ناكل
خالد انشاءالله من عيوني و انا جم اخت هبلة عندي
رانيا:امممم وحدة ههههههه
خالد:ماتبين تشكريني شي جذي
رانيا: ههههههه تسلم يا اخوي ..ووقت الي تبي اتقول لها قوول لي عشان اواعدها و انت اتقول لها
خالد:اوكي

**زوزو** · 31-07-2011, 05:31 AM

رد: قصة ريم وخالد (قصة حب روووووعة)

راح خالد غرفته و هو مشغوول البال يفكر ابكلام رانيا يقوول بداخل خاطره أي والله باخطبها
انا مستحيل اجوووف ريم لواحد غيري مهما صار!!

...............................................
في بيت دانة .......

دانة ((تتكلم في التلفووون))

دانة:خلوود اتصدقين ذاك الريال الي جفته في المجمع كان حده غاوي
خلووود:أي واحد؟
دانة:ذاك الي كلمناه
خلووود:ايييييي هذي ماتنلامين خبلة
دانة:خبلة هذي اخر كلام اتقولين لي هذا يزاي الحين!
خلووود:لا بس احس فشله حتى يوم رحناله فشيله تخلينا
عن شرفنا و رحنا انكلم ناس مانعرفهم
دانة:ولي يعافيج لت خربطييين الصراحة انا معجبة فيه امعضل وويه قمر امقعد
خلووود:الله يهديج
دانة خلينا عن سالفة الغاوي
((الا ام دانة الاجنبية داشه و اقطعت كلامهم ))

ام دانة :dana U Don't Want To Eat?
دانة:no
ام دانة : ok
((أي نسيت اقوولكم دانة ملامحها اجنبية يعني ولا في شي تبين ان اهي عربية و للحين فيها تصرفات المراهقين معنه عمرها تجاوز عن هل سن فهي 20 سنة اما خلوود فهي اعقل من دانة ابوايد ))اخليكم مع القصة
دانة : انزين خلنا الحين ا اشرايج خلوود اتيين بيتنا باجر
خلود:انا اوكي
دانة : أي عشان انسووولف و نقعد انطالع تلفزيوون و انسولف
خلود:اوكي دانة الحين اخليج باي
دانة:بايات
.................................................. ......
خالد: رانيا رانيوووو
رانيا:خير
خالد:الخير بويهج..بس كنت ابي اقوولك اني فكرت في موضوع امس و ابي مساعدتج
رانيا:وانا جم اخو عندي واحد بس شنو بالضبط تبيني اسوي !
خالد:تسلميين اختي هذي الاخت العدلة الي اتعرف وين وصلحت اخوها
رانيا:ههههههههههههههههههه احم
خالد:انزين انا ماعرف والله ماعندي فكرة من جذي رحت لج عشان اتساعديني
رانيا(ابتسامه على وجهها):اوكي جوف خل كل شي علي بس على شرط
خالد:شنو
رانيا:انك تقعد اليوم في البيت
خالد:ولا يهمج بس سوي الي يدور في هل مخ قصدي الراس
رانيا:هههههههههههههههه اوكي
خالد:خالد اوكي الحبن اخليج خيتو
رانيا:وين رايح
خالد:غرفتي
رانيا:اوكي
خالد:أي نسيت اقول مشكوورة
رانيا:العفو
.................................................. .....
رانيا ارفعت السماعة عشان اتسوي الي براسها فتصلت حق ريم بس شالته دينا

دينا:الوووو
رانيا:هلا دينووو شحالج
دينا:يسرج الحال و انتي
رانيا:دووم انشاءالله و الله الحمدالله بخير
دينا:دام عزج
رانيا:اقووول دينوو
دينا:خير
رانيا: وين اختج الخبلة ريمووو
دينا:ههههه هيي مارضى على اختي بس حق مصلحة
رانيا:هههههههههههه اعرفج عيارة
دينا:هههههه افا اشدعوه
رانيا:ههههه انزين وين اختج الحلوة
دينا:قاعدة تاكل جبس
رانيا:صج متفرغة اقووول ناديها
دينا:انشاءالله
دينا :ريمووو تبيج رانيووو
ريم:هيي انتي اصغر اعيالج احنا
دينا:افا
ريم:يلا قلبي ويهج عطيني التلفون
دينا:انزين
ريم:الو
رانيا:وينج انا من مساعة انتظرج
ريم:شاسوي الخبلة دينوو لوعت جبدي
دينا وهي تصرخ: انا اسمعج
ريم:جفتي
رانيا:والله حالة
ريم:انزين خير
رانيا:الصراحة ريم اليوم حدي متملله اتيين بيتنا
ريم:لازم اسال امي اول
رانيا :اوكي بس ردي علي لت تنسين
ريم:انشاءالله
رانيا:باي
ريم:باي
صكت ريم التلفون وراحت اتدور امها
((ام ريم كانت في المطبخ اتسوي كيكة بسيطة ))
ريم: ماما
ام ريم:نعم
ريم:يمه يصير ارووح عند ريووون
ام ريم:اوكي بس لت تتاخرين
ريم:انشاءالله
.................................................. ...
ريم راحت اتبدل في غرفتها و البست بدلة بسيطه حدها
ولفت الشيلة على شعرها الاسود السايح و اطلعت مع السايق

شنو اتظنوون بيصير بين ريم و خالد
و شنو موقف ريم !!
يلا
ابي تفاعل في هل جزء و سوري على التاخير

اوصلت ريم عند بيت رانيا و طقت الجرس

طرن طرن !

رانيا:اكاني بافتح الباب
ريم:اوكي
رانيا افتحت حق ريم الباب
رانيا:هلا والله
ريم:هلا بيج
رانيا:ليش واقفة تفضلي
ريم:ههههههه عاجبتني الوقفة انشاءالله حبيبتي بادش

((رانيا اصعدت ويا ريم عشان اتراويها غرفتها ))

رانيا:ها شرايج في my room
ريم:ههههههه ذوق ماشاءالله
رانيا:احم لووول
رانيا:ريم باروح الحمام اشوي مابتاخر((رانيا سوت خطة فدقت على خالد عشان في هل وقت يصارح ريم بحبه لها ))
......................................
خالد كان قاعد في الصالة و ماوعه الا تلفوونه يرن فعرف ان رانيا
خالد ((مستانس فصعد فوق وراح غرفة رانيا))
.....................................
ريم:كانت قاعدة تقرا مجلة الا حست بشي غيرب قاعد يطالعها
((خالد كان حده مستانس وهو يتامل بجمالها))
ريم:يمه خالد خوفتني
خالد:ههههههههه ليش وحش
ريم:ههههههههه لا
خالد:اوكي ريم انا ابي اصارحج ابشي
ريم((قلبها يدق بسرعة)):تفضل
خالد((وهو يبلع ريجه)):الصراحة ريم انا انا انا !
ريم((خافت)):انت شنو !
خالد:ريم انا احبج
ريم((اول ماسمعت كلمة احبج تجمدت وويها صار حمر وكانت مستانسة بس ماكنت تبي اتبين حق خالد ))
خالد:ريم انا من اول ماجفتج والله و انتي في بالي
ريم:...........
خالد:ريم ادري انج متعجبة هل وقت بس والله العظيم انا احبج حب طاهر و ناوي اكلم ابوي عشان اخطبج
ريم((صار ويها مثل الطماط )):.....
خالد:بس ابي موافقتج اول قبل كل شي
ريم نزلت راسها و ساتكه
خالد:السكوت علامة الرضى يعني موافقة
خالد((خالد حده مستانس حتى قاعد يناقس كانه ياهل ))
خالد:انزين ريم باعطيج اورقه قبل ماطلع و اوعدج مابتجوفين ويهي الحين
خالد:طلع الورقة و عطاها ريم
وطلع من غرفة رانيا وراح غرفته
رانيا((اطلعت من الحمام)):هلا ريموو
ريم((ويها حمر للحين)):هلا
رانيا:ريمووو اشفيه ويهج حمر كانه طماط
ريم:..........
رانيا:ليكون خلوود
ريم:.........

رانيا:لا لا اكيد خلوود..قولي لي اشصار
ريم:ماصار شي بس سلم علي و صارحني..
رانيا:بشنو!
ريم((ابلعت ريجها)):بحبه
رانيا:حلفي
ريم:والله وقال انه بيكلم ابوه عشان يخطبني
رانيا(حدها استانست عشان اخوها و ريم)):حلفيييييييييي مبروووك ريموووو
ريم:الله يبارك فيج بس الصراحة ..ابي اسالج سؤال!
رانيا:تفضلي
ريم:انتي كنتي اتعرفين ان خالد يحبني
رانيا:الصراحة ريمووو مرة قريت لج شعر منه..وهو قال لي انه يحبج و كان يبي رايج قبل مايخطبج
ريم((مستانسة)):صج!
رانيا:أي!
.................................................. .........................
وفي بيت دانة........

دانة :اففففففففف خلووودووو وينها وايد تاخرت !
الا و فجأة طق الجرس
((دانة سيدة راحت تركض عشان تفتح لها الباب))
دانة:وينج خلوود
خلود:شاسوي اتعرفين زحمه السيارات !
دانة:انزين تفضلي
خلود:thnx
دانة:any time
دانة تعالي غرفتي
((غرفة دانه اصغيره بس فيها كل شي يعني تلفزيوون صغير و لب توب ))
دانة :اكا حصلت فلم امس شايرته قلت خلني انتظر عشان اليوم اجوفه وياج
خلود:انزين شسمه
دانة: material girls
خلود:اوكي
دانة لحظة باروح ايييب الباب كورن و البيبسي و غيره
خلودok:
.................................................. .......................
رانيا:انزين ريموو اشرايج نطلب من مطعم
ريم:على راحتج
رانيا:اوكي انا باطلب من هارديز
رانيا:اوكي انتي شنو تبغين اطلب لج!
ريم:انا عادي أي شي منج حلو
رانيا:هههههههه هاي مو مني من هارديز
ريم:هههههههههههههههه انزين طلبي لي وجبة مشروم سويس
رانيا:انا باطلب بج بوس حدي يوعانه
ريم:ههههههههه لانج دبة
راينا:ماشاءالله عليج عاد كلش رشيقة
ريم:امبله رشيقة
رانيا:هههههههههههههه..انزين باروح اطلب
ريم:اوكي
((رانيا اطلبت من هارديز..اما ريم كانت منشغلة التفكير في خالد ماتصدق الي صار لها ))
رانيا:ريموو ريموووو طلبت
ريم للحين تفكر :..
رانيا(صرخت):ريمووووو
ريم((انقزت من مكانها)):ها يمه خوفتيني اشفيج

رانيا:انا الي اشفيني انتي الي اشفيج قاعدة ولا تدرين بالدنيا هل كثر خلووود ماخذ عقلج
ريم(ويها حمر):عييييييييييييييب
رانيا:ههههههههههههههههه
ريم(بدلع):رانيووو بس
رانيا:هههههههههههه انزين
((اقعدوا يسولفوون و يضحكوون وعقب خمس دقايق وصل الطلب))
طرن طرن (الجرس)
رانيا(تنزل من الدري):wait
((عطت الريال فلوسه ))
رانيا:ريموو تعالي ساعديني
ريم:انشاءالله
((راحوا ياكلون و كملوا اكلهم ..الا و تلفون ريم يرن ))

ريم:الو
ام ريم : ريموو وينج يلا تعالي البيت تاخرتي
ريم:انشاءالله يمه
ام ريم :يلا عيل انتظرج باي
ريم:باي
ريم:رانيووو الحين باروح امي ناطرتني باي
رانيا:اوكي سلمي عليها
ريم:الله يسلمج..باي
رانيا:باي
..........................................
((اوصلت ريم البيت و كانت تعبانة و اول مادشت راحت غرفتها
و بدلت و اقعدت على السرير..تتذكر شنو صار لها اليوم..بس تذكرت ان خالد عطاها ورقة ))

ريم:وين الورقة ..اكيد في اللشنطة
((افتحت الشنطة الا اورقة مكتوب عليها الى عمري و كان مكتوب فيها شعر ))
ريم تقرا:
((كانت مستانسة حدها ):فديتك والله

يلا ابي تفاعل في هل جزء عشان انكمل القصة بسرعة !

**زوزو** · 31-07-2011, 05:33 AM

رد: قصة ريم وخالد (قصة حب روووووعة)

((اسرحت ريم من التفكير في خالد فنامت من التعب))
.....................................
في بيت دانة ..
خلود:بليز دانووو باروح البيت
دانة:NO
خلووود:PLLLLLLZZZ
خلود:والله اهلي يحاتوني الحين
دانة:اوكي سلمي عليهم
خلود:الله يسلمج اقوول دانوووز باجر بنروح نتعشى اشرايج في جيليز
دانة:اوكي حبيبتي باي
خلوود:باي
...................................
في بيت ابو خالد ..
((خالد راح عند ابوه عشان يكلمه عن ريم))
خالد:يبه
ابو خالد:نعم
خالد:الصراحة يبه انا مفتشل اني اقوولك
ابو خالد:افا انا ابووك تستحي مني الصراحة زعلت
خالد:لا كل شي ولا زعلك بس
ابو خالد:بس شنو؟
خالد:ابي اخطب
ابو خالد فتح عيونه:من
خالد((بلع ريجه)):ر.. ري.. ريم
ابو خالد:بارك الله فيك يا ولدي و هذي بنت خالتك و انشاءالله انا باكلم امك عشان انتشاور
خالد((نط من الفرحة)):صح يبه
ابو خالد : ههههههه اشفيك مو جايف خير أي صج
((قام خالد حب ابووه على راسه وراح يخبر رانيا))
...
اما رانيا فكانت في غرفتها تسمع اغنية اجنبية (Superman)
خالد طق الباب :رانيووو
رانيا :نعم
خالد: فتحي الباب ابيج في سالفة
رانيا((افتحت الباب )):خير
خالد:الخير بويهج
رانيا:تسلم
خالد:اجووفج تسمعين اغاني انجلينزية اشعندج
رانيا:هههههههههههههههههههه بس جذي
خالد:انزين سمعي انا قلت حق ابوي ان ابي اخطب ريم
رانيا:احلف و انت ليش ماتقولي
خالد:و انا الحين قاعد اقوولج لان توني رحت حق ابوي
رانيا:انزين و امي
خالد:ابوي بيقول حق امي
رانيا:افففففففف ياريت عندي واحد يحبني نفس مأنت اتحب ريمووو
خالد:استحي على ويهج انا اخووج اتقولين جدامي
رانيا:ههههههههههههههههههههههه
خالد:ههههه انزين الحين انا باروح اطلع ويا رفيجي احمدوووو

((احمد شاب طيب و ووسيم بس مو مثل خالد و هو خلووق و يعز خالد لان اكثر واحد وياه))
رانيا:انشاءالله باي
خالد:باي
...........................................
تتوقعوون شنو بيصير؟؟

راح خالد مع احمد اما رانيا فقعدت اتفكر في خالد و ريم
رانيا:خالد الحين انت بتتزوج و انا باصير بروحي
لا لا ريم بتقعد وياي اكيييد ((وهي تفكر دشت عليها ام خالد))
ام خالد:رانيا
رانيا:نعم
ام خالد: ابوج قالي ان اخوج يبي يخطب ريم متى تبين نتصل فيهم و انقولهم؟؟
رانيا:والله مادري سالي خالد اذا رجع
ام خالد:انزين يمه انا الحين باروح اسوي اكل اوو بايي
رانيا:على راحتج يمه
((اطلعت ام خالد من غرفة رانيا..اما رانيا فردت الى تفكيرها عن ريم و خالد))
........................................
في بيت دانة
دانة:mom plz I will go with my friend to chillis
ام دانة : ok
اتصلت دانة في خلود عشان اتمر عليها
دانة:خلووود
خلود:نعم
دانة:مري علي لت تنسين
خلود:افا عليج
دانة : اوكي يلا عيل باي
خلود:باي
...............................................
في بيت ريم
((ريم راحت غرفة دينا ))
ريم:دينوو فتحي الباب
دينا((حزينة)):نعم
ريم:دينوو اشفيج !
دينا:مافيني شي سالي روحج انتي الي اشفيج
ريم((تعجبت من دينا )):انا اشفيني!..مافيني شي
دينا:أي وايد ماكانج تدرين انج وايد متغيرة هل ايام
ريم:دينوو مافهمت كلامج وضحي
دينا:اصلن كلامي واضح
ريم:عندي انا لا يلا عاد وضحي
دينا:انزين مالاحظتي تصرفاتج ويا رانيا و انا في عالم ثاني انا اختج او جذي نسيتيني
ريم((تعجبت)):دينا انا نسيتج!
دينا:أي نعم نسيتيني اول انا وياج وايد حتى انروح كل مكان ويا بعض الحين لا كله ويا رانيا
مادري اشفيها هل رانيا والله ((تتحلطم))
ريم:عييييييييب علليج هذي بنت خالتج و اتقولين عنها جذي مافيها الا الخير
دينا:الكلام وياج فاضي اصلن انتي تغيرتي عن اول صرتي تنسين اختج الي طول عمرها وياج
اشدعوه انا في البيت و جذي حتى امي نسيتيها كله ويا رانيا هل كثر اتحبينها اكثر من اختج و امج !
((ريم ازعلت من كلام دينا صج ان هل ايام ماصارت وياها كثر قبل بس ماتوقعت اتوسي فيها جذي))
........................................

**زوزو** · 31-07-2011, 05:34 AM

رد: قصة ريم وخالد (قصة حب روووووعة)

.................................................. .........................
في بيت ابو خالد
ام خالد:خالد..خالد
خالد:نعم يمه
ام خالد:بغيت اعرف انت متى تبيني اتصل لام ريم؟
خالد:اليوم لو ماعليج امر
ام خالد: اوكي عيل الحين باروح اتصل لها
خالد((استانس في نفس الوقت بس خايف من ردة فعل ريم)):اوكي
............................
ام خالد:الو
دينا/هلا خالتي
ام خالد:دينا شخبارج لج وحشة من زمان ماجفناج وينج يا بنيتي
دينا:شاسوي بعد والله انا بعد واحشتكم بس الامتحانات كل يوم
ام خالد:الله يساعدج انشاءالله
دينا:انشاءالله
ام خالد: انزين دينا وين امج بغيتها
دينا:اوكي لحظة
((دينا راحت اتنادي امها ))
ام ريم :نعم
دينا:اخالتي تبيج
ام ريم:اوكي
ام ريم رافة السماعة:الو
ام خالد:هلا
ام ريم:هلا بيج
ام خالد:شخبارج اختي ؟..من زمان ماجفناج والله و حشتينا
أم ريم:أي والله..شخبارج وشخبار العيال
ام خالد:بخير الحمدالله يسلموون عليج
ام ريم:الله يسلمهم
ام خالد:اختي بيغيتج بطلب بس ارجووج ماترديني
ام ريم:امري
ام خالد:خالد ولدي يبي يخطب ريم بنتج
ام ريم((استانست لان ماتوقعت ان بنتها بتنخطب ولا مو أي واحد خالد ولد خالها ))
ام ريم:و النعم..وهذي بنتي و هذي ولدي و انشاءالله ارد عليج بس اتعرفين لازم اخذ راي البنت
ام خالد:اخذي راحتج اختي وانشاءالله اتردين علي
ام ريم:انشاءالله
.........................
((ام ريم صكت التلفون و راحت ادور ريم ))
ام ريم:ريييييم ..ريييم
((كانت تفكر في دينا للحين زعلانة منها))
ام ريم تطق على باب ريم :ريم يمه فتحي الباب
ريم:انشاءالله
((ام ريم دشت و قعدت يم ريم..ريم حست اب شي ))
ريم:يمه شفيج عسى ماشر
ام ريم :الشر وايج بنتي بس
ريم((قاطعتها)):بس شنو
ام ريم: ينتس في احد طلب يدج و يبي يخطبج
ريم((افتحت عيونها)):من
ام ريم:هو مو غريب اهو ولد خالتج خالد
ريم(اول ماسمعت كلام امها انطقت باسمه):خالد
ام ريم:أي يا بنيتي و اهم يبون ردج و انا باخليج الحين عشان اتفكرين
ريم:انشاءالله يمه
((ام ريم يوم طلعت من غرفت ريم ريم صكت الباب و كانت مستناسة و كانها عايشة في حلم موو حقيقة ماتوقعت كل هذي يصير ))
ريم:و اخيرا
......................................
يلا ابي تفاعل عشان اكملها

قصة ريم وخالد (قصة حب روووووعة)

قصة ريم وخالد (قصة حب روووووعة)

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget