مازالت الذكريات تعبث بي
وتشاكسني قليلا
بين فترة وأخرى

تلتف من حولي وتحتضني بقوووه
وتجعلني أغوص في عمق استرجاع لحظاتها الجميله

وما أن أفتح عيني لكي أوبخها على ماتركته من ألم حول ذاكرتي
لأجدها تختفي من عالمي ولا وجود لها من حولي
!!!

فاختنق بالحنين
بررررووووعة الذكريات المفقوده
التي تتالت باختفائها بالتدريج يوما بعد يوم ...

وما كان نصيبنا معهم سواء حنين وانتظار لأمل مفقود
لن يعود مجددا مرة اخرى

كنت هنا اتأرجح في ارجوحتي
يهزني الحنين إلى الأمام تارة ومن ثم الرجوع للخلف
فتأرجحت معي ..ذكريات عدة استعصت النسيان..


طيف عابر

ابتسامات متمردة
تجتاح شفتاي..
ليسأل قلمي بحبر لم يكتب بعد
إلى متى ؟؟!!!

طيف عابر

واو ممممممططططططر

بنات تكفوووون من تجي تلعب وياي
حددي اليوم مبسوطه وفرحانه

ودي العب بس اخاف من البرق يجي على راسي
وويولع بشعري واصير اسبوع الشجره
حدي مستانسه مدري ليه بس في شي يخليني ابتسم واضحك
بالله تعالوا لعبوا وياي

لا شكلي بتهور وبلعب بالحالي
فيني فرحه مع رجه مادري شلون تجي
المهم اذا ماشفتو خشتي في ذا
اعرفوا اني ذاك البرق الي يولع ابيض
ولع الدنيا وضرب في نفوخي والله يرحم الجميع
احس اني بطييير مادري ليه

السلام عليكم بغيت اغلط واقول هاي كيكرررز الحمد لله والشكر
مايمديني اقول وحشتوني لأن قبل كم يوم كاتبه في ذا
واصلا نص 42 ساعه معاكم
المهم كنت امس اهاوش اخوي اسير تعرفون عاد اخته الكبيره ولازم تسال عن اخوها
وهاوشته قلت انت متهاوش مع مدونتك ترى عادي اسوي فزعه معك << هذي تو جبتها من راسي
المهم عاد فرح بوخيته الي هي انا وحلف يسوي عشاء ها اسير مو انا انت ركز الله يصلح حال مخك ياشيخ
عاد قلت اصحح المعلومه واعزمه على حسابي واعشيه لان عشاءه كله شجر زين ماحط لنا ورد
فقلت اكسب في نفسي وفيكم ثواب بما اني اخته ونغير العشاء قبل يوصلون المعازيم



اصلا من شفت الصوره صمت اليوم الثاني كامل ههههههههه
المهم عاد هو جالس يذلني كل شوي يقول هاتي الحساب ولا سوي لنا عشاء
فقلت يالله نرد العزيمه ماهو بأحسن منا وكلكم معزومين لحد يستحي
دشوا حياكم وجيبوا ملاعقكم معاكم
اي عاد انا مو فاضيه كل شوي يالسه قايمه ولا اعرف عددكم




تصدقون تو اكتشفت ان الصوره صدج مافيها ملاعق ههههه
زين اني قلت لكم جيبوا ملاعقكم معاكم هههههههه
وهذا عشاء خاص لنو هانم الدبه المختفيه عشاء رومنس وحركات


يمكن تحنين علينا وتدشين يابنت لك وحشه دشي طمنيني عليج
لنو ترى انا امشي على خطى اخي الصغير اسير
بما انه عزمنا واكلنا من صحنه وانا سويت عشاء بعده اسوة به
لازم انتي تجين وتسوين لنا عشاء تسوين مثلي الله وناسه وانتي تعزمين الي بعدك ويصير كلهم يرجعون ههههههههههاهاي
<< وحده ناويه تصيدهم كلكهم عشان يرجعون ونشوف خششهم

يالله عليكم بالعافيه تعشوا وخلصوا واحمدوا ربكم
بعدها وانتم خارجين لاهنتو كل واحد ياخذ صحنه وياه
اييييه ياسلام عشان ماتصير المواعين كثيره
وبس طفوا الليت وسكروا الباب وراكم وخلو المفتاح تحت السجاد
عشان اذا جيت مادور عليه << اطلعي برى <<اعوذ بالله ماتعطون الواحد فرصه للمزح

.

قد حأأن الوقت ..


لحزم حقائبي..


وترتيب أشيائي ..

...........................................................لرحلة جديدة..

.. وترك بقايا ذكريات

هنا ...

بصور مبعثرة من الحياة ..






................................................................................................................................................................................................... طيف عابر

.





.

وما ذا بعد

؟؟!!!؟؟

ههههههههههههه
استغفر الله من جد لا قالوا هم ضحك وهم يبكي

لحظه قبل اقول شي
بقول شي << بدت الفيوزات عندها تطق كملي كملي
المهم شنو كنت باقول وربي نسيت

تصدقون جلست دقيقتين عشان اتذكر وش كنت ابا قول نستني عيونك << اللهم طولك ياروح
خلاص وربي اني مصختها السالفه اني اشتقت لنفسي ولمدونتي

نجي الحين بالسوالف
هذا ياطولين العمر والعمرات كانت الاخلاق امس زفت بقوووه
صارت اختكم في الله هي والكبريت واحد يعني صرت على اتفه شي اعصب
يعني صدق لاقالوا اتقي شر الحليم اذا غضب
كأنهم يتكلمون عني انا ..

مشكلتي صبري مو حق يوم يومين ساعات
لا حق سنوات متراكمه منذ الطفوله شفتوا المعاناه كيف
لحد ماوصلت لمرحله الانفجارات وتطاير الفيوزات والتعصيب

الزبده امس دشيت الاسك وكتبت الي بخاطري وانا معصبه
قلت يابنت مايصير نقلب المدونه هنا هم ونكد
خلينا بعيد عن الناس بالاسك المتصفح الجديد محد يعرفني فيه
غير رورو

قلت احسن افش خلقي ولا اطفش الخلق بحروف تجيب كابه خليهم متعودين على الفرفشه والفيس الاخضر احلى
مالكم بالطويله
خلصت عصبيتي وطلعتها بحروف منمقه والا يجيني ذاك الايك ويوم ناظرته الا شنو طلع
حزروا فزروا

طلعو شله بويات متقاطين باسك واحد ولا متصورين بعد وكاتبين اسمائهم
خالد وعبدالله ووحده نسيت اسمها عاد الاخيره اسمها ضربه الجارح مو جراح الجارح مره وحده

وربي كنت شوي وادش على متصفحهم على الوضع الزفت الي انا كنت فيه واعطيهم كلمتين على راسهم
ولا كاتبين نحن بويات نقرب لبعض واعمارهم 18 وكاتبين اذا بتنصح مع نفسك او شي جذيه

عاد طلع براسي جن وعفرايت وقتها كأنه ناقصه أنا هبال بنات بعد وربي الحياه صارت قرف بقرف
هذا غير انه قبل شوي كنت من فتره راسله للي اعرفهم عن اختباراتهم يعنني اختهم الكبيره واسال عليهم
المهم رد زيل وقال على شنو ندرس ويقولون شهاده هي المستقبل واخرتها مافي وظايف الا بالواسطه
وربي جابها بالصميم وهذا الي صاير

بالله انا بفهم ندرس ويجينا هم واكتئاب ونفسيات من الابتدائي لحد الجامعه غير الدورات التدربيه من حاسب وغيرها
واخرتها يقولون ماعندكم شهادات خبره
ولا خلصت تاريخ الدوره الي اخذتيها من كم سنه لازم وحده من جديد
غير القدرات والقياس
الي في نتيجه كل هالمصخره شي واضح نصب وسرق ونهب اموال المواطنين فقط لا غير
حسبنا الله عليهم ونعم الوكيل من أصغر مسؤل لأكبرهم واحد واحد وعلى شنو
ذا كله على ولا شي
خلاص لحد يكلمني ترى رجعت اعصب من جديد
شي يرفع الضغط وربي


اي صح بقول شي عشان اروق المنقه
واهدي شوي لاني فعلا عصبت

ماتلاحظون كل كلامي بقول شي بقول شي
حسيتني من جد كلجت وماعرف اتحجى يمكن لان لي فتره
ماشفتني هنا ههههههههه<< تحشيش ياعمي تحشيش
المهم الي بقوله أني

أحبببببببببببببببببكم وايد
وبس

لا اله الا الله ..

بقول شي << رجعنا لطير ياللي والتعليق
والله من جد مادري هالايام ذي ماصرت اعرف اتحجى زين ماعلينا

المهم كنت اقرا بمدونه اخوي الوسمي
وسبحان الله كأنه يتكلم عن حالتي بالضبط وربي اقول الصدق
يعني قبل فتره تكلم عن انه لصفحات حافظها من زمان اوشي جذيه

وانا قبل فتره
من اول ماسجلت بهالمنتدى كنت اخزن اي صفحه بالمنتدى تعجبني
سواء بالخواطر الي كانت بدايتي فيها او بنكت ونهايتها
الي ماتتوقعونه كنت حافظه صفحات من مدونات
وقتها ماكنت اعرفكم وربي اقول الصدق

تخيلوا لما كنت اتصفح الفلاش
كنت حافظه كذا صفحه من مدونه اخوي الوسمي
تخيلوا وقتها اصلا ماكنت اعرفه ولا حتى كنت اتابعه
بس حفظتها لان في كلمات اعجبتني فيها يعني قبل مافتح انا مدونه لي

وهم كنت حافظه للاخت زيتيه العينين وغلا أمي والغلا لنو المرجوجه الله يذكرها بالخير
والاخ رسام والغلا مرامي اعتقد والاخ شكشوكه مادري شنو اسمه بالضبط
بس كانت لنو تناديه بقسم الالعاب شكوكه ههههههههههههههههه

الله على هلايام
تخيلو كنت حافظه بوقتها صفحات لاغلبيتكم وانا وقتها لكان عندي مدونه ولا اعرفكم
بس افحط بقسم الخواطر
تخيلوا سبحان الله حتى متصفح عبير كان شي قبل لا يغيرونه وللحين عندي لوكه القديييم
يارباه

وهم كانت نقاطي صفر ببدايتي بالتجسيل هنا وبعدها ارتفعتت وللحين كل صفحه عندي محفوظه
تخيلو هالكم الهائئل من الذكريات كنتم فيه وياي
وانا ماسبق تشرفت بمعرفتكم وزادت نور بمعرفتكم فردا فردا
بدون ذكر اسماء لانكم كثار ولو اعدكم يمكن اغلب الي بالمنتدى غير الي راحوو

يالله وش قد هي الذكريات حلوه وبنفس الوقت توجع
ماعلينا مو هذا موضوعنا دخلت بقول شي وكتبت شي ثاني

اي صح تذكرت وش كنت ابي اقول
هذا كنت اتصفح نرجع للموضوع بمدونه ابو ربوع << الله ع ايامك يالنو
قلت لكم كاتب اشياء كانت بخاطري وربي بس ماكتبتها ماكان لي نفس لاي شي
عاد يوم اقرا الي كان نفسي فيه والاقي احد كتبه
ابتسم وقول اي وربي صح عندكم مثلا هالكلام

هذا بالضبط دايما اقولها
واخرتها الكلام الي كتبته بمدونتي امس قلت ياريتني ماكتبت
حتى ودي احذفها بس مشوار اكلم احد يحذفها
مو مثل الاسك اي شي من روحك تحذفينها مايبيلها واسطات

اي وربي اشياء كثيره مالي داعي كتبتها
بس وش اقول غير ثاني مره لازم اجلس مع نفسي واشاورها قبل اكتب شي ثاني مره

اصلا انا كنت مقرره ان هذي الصفحه الرابعه والاخيره وبعدها اقفل المدونه
مادري وش هفني بعقلي امس واكتب من زود الفلاحه يعني مادري

يتبع.. بعد الصلاه