رواية مسموح يا من ملكت الروح (كاملة)

**مزمز** · 06-10-2013, 10:51 PM

رد: رواية مسموح يا من ملكت الروح

اول مادخلت...خذت سعاد جوال عهود تناظره....اتفاجأت انه ولا مره متصل عليها سعود من اكثر من شهر ...مع انهم عرسان....وطالعت الرسايل...كلها من صديقاتها...ماعدى رسالتين من سعود وكلهم يقول انه جاي كعه اصحابه وعددهم كذا....بس....مافي حبيبتي...مافي عمري...مافي فديتك الغاليه لاتعبتي...ابد...بسرعه رجعت الجوال مكانه ...وجلست تنتظر عهود...وبها الوقت ارسلت رساله لهشام

عهود وهي جايبه الصينيه والتمره

عهود: اسمحي لي...مابقى عندي حلى خلص امس وماسويت ونسيت لا أوصي مع سعود وهو راجع...
سعاد: طب انا نفسي في سويس رول الشوكلا....ايش اسوي ولي العهد يبغاه وانا قاعده للغدى عندكم...
عهود: الحين اروح اجيبه من البقاله اللي تحت...
سعاد: وععععع...مابي هذول...ابي اللي ف المولات الكبيره...
عهود قطب جبينها: بس يجي سعود اوصيه..
سعاد بخبث كأنها وصلت لمقصدها: طيب ليه تنتظريه لمن يوصل (كانت تمط الحروف مط) كلميه بالجوال...
عهود والقلق بدى عليها لانها عمرها ماسوتها: ها...انشالله...الحين اكلمه...

وخذت الجوال وهي تناظر فيه بقلق...وبخوف تتصل عليه....

سعود كان يتكلم مع زميل له بالشغل يوم جاله الاتصال....زميله ناظر له لانه استغرب وقطب حواجبه

عهود: الووو...السلام عليكم..
سعود: وعليكم السلام..
عهود وهي تناظر لسعاد:اذا تقدر تمر على المول تجيب كيك سويس رول الشوكلا...(وقبل ماتسكت وبسرعه) اختك سعاد جايه تتغدى عندنا ونفسها فيه...
سعودفهم ارتباكها: خلاص انشالله...مع السلامه...
يوم قفل ارتاحت بس عملت نفسها تكلمه: لا....سلامتك...وربي ماناقصني شي....مع السلامه..

سعاد حست انه فيه شي...من ارتباكها وخوفها...وكملت الجلسه معاها....عهود وبدون مالاحظت سعاد....يوم دخلت الحمام...خذت غيار لسعود وحطته بغرفتها مع البشكير حقه....عشان اول مايجي يروح غرفتها وماتشك اخته بشي...

وقبل مايوصل جته رساله من عهود
_ اسمح لي ارسلت لك (هذي اول مره ترسل له) اختك عندنا واحسها شاكه بشي...فا عذرني خذيت غيار لك وبشكير وحطيتهم على سريري....واذا دخلت ادخل الغرفه حقتي عشان ماتشك اختك...ارجووك....وانا اسفه اني تصرفت دون اذنك...

سعود ابتسم لنباهتها...واول مادخل شاف اخته

سعود: حيالله ام الشيخ...يامرحبا بها الف....وينك من زمان مالك طله...
عهود وهي بالمطبخ سمعت صوته وارتبكت ليكون زعل عليها...
سعاد: الله يسلمك ابو العروس...انشالله انك بخير...
سعود: الحمدلله بخير وعافيه...
سعاد بدلع: شوف ...انا لي شرط واح..
سعود بضحك: انت تامري..
سعاد: ابي عروست ولدي مثل عيون امها...ومثل شعرها...ومثلها بكل شي ...
سعود : ومن امها انشالله؟؟
سعاد : ياربنا من امها يعني....(على دخله عهود) هذي طبعا...
عهود تلون وجهها بالوان الطيف...وناظرت للارض...
سعود: اسمحوا لي ابي ابدل...وقام من عندهم...للحظه نسي بيروح غرفته لكن كحه عهود رجعته للغرفه الثانيه...
سعاد: هههههههه....اعرفه اخوي من يومه حياوي...
عهود: ماشالله عليه..
سعاد ناظرتها بغرابه: وراكي مارحتي ورى زوجك؟؟يمكن يبي شي ماشيات...
عهود تنحت تناظرها: هه...انشالله....وقبل ماتدخل دقت دقتين على الباب...وسعاد استغربت هالتصرف اللي مو بين زوجين...

سعود اول مادخل الباب...قفله واستند عليه...حس ان التمثيل صعب مره...وبعدها بدى يناظر الغرفه اللي كانت مستقر احلامه بالسابق والحين مستقر حسراته....شاف الغرفه مرتبه...ومنظمه...وشاف دشداشه البيت حقته على السرير جنبها البشكير...رائحه عطرها منتشره بقوة بالغرفه...مع رائحه بخور...صورتها معلقه على الجدار حلوة....اول مرة يلاحظ عيونها وانهن خضر مثل الزمرد....لانها دايم منزله عيونها عنده...وقطع عليه حبل افكاره دقه على الباب...وشافها داخله

عهود بانقطاع نفس: سعاد....ه...هي اللي قالت لي اجي وراك...
ناظر لها بارتباك خاف انها قرت افكاره...وخذى البشكير والدشداشه ودخل الحمام...شوي طلع وهي لسى واقفه....بسرعه خلص ومشط شعره وطلع...وطلعت هي وراه.....لاحظت سعاد ارتباكهم اثنينتهم....واحمرار وجه اخوها خجل....يوم دخلت عهود المطبخ همست سعاد

سعاد: ياخوي عادي...ليه انت مستحي...ترا ذي زوجتك شرعا...يعني عادي...
سعود: ليه...وانا وش قلت؟؟
سعاد: ماقلت شي...بس وجهك المتلون لانكم طلعتوا من غرفه وحده يخليكم مثل الاغراب اللي ماتعرفون بعض ابد..
سعود خاف من استنتاج اخته السريع: انا ادري اني حياوي بس انتي اول وحده تشوفني كذا....عشان كذا انا استحيت...
سعاد: هههههه...عادي بكره تضحك على حالك....
سعود: ههههههه

وهنا طلعت عهود وحيتهم على الغدى.....وكانوا ساكتين ولاحد تكلم ولا علق.....عرفت سعاد انه فيه شي صاير بينهم وبعدين وهم يشربون الشاي

سعاد: سعود...وتلتفت لعهود...عهود...فيه شي؟؟
سعود تعدل: لا اختي ليه؟؟
سعاد: شكلكم مثل اللي زعلانين من بعض..
عهود تنزل البياله: لا صدقيني مافي شي..
سعاد: ابد ...فيه شي بينكم حلال ولا حرام..
عهود ارتبكت وكأنها تذكرت: ايه فيه شي...بس ماكنت حابه اخبر حد فيه..
سعاد: انا قلت...خير حبيبتي...ولا يعتبر سر؟؟
عهود وهي تفكر ايش تقول...ولاول مره سعود يطالعها منتظرها تكلم..
عهود: ايه...انا مابي اكمل السنه جامعه وهو مصمم....وعشان كذ1 تخاصمنا...
سعود ابتسم بدون ماتلاحظ سعاد
سعاد: عشان كذا....انا قلت انه فيه شي..وتلتف لسعود...وليه ماتخليها على راحتها.؟؟
سعود: انا كنت اول معترض...بس الحين عادي ذا مستقبلها وهي حره فيه..
سعاد: احسن كذا الناس المتفاهمه..

وشوي اتصل عليها هشام ونزلت له ...

سعود: مشكورة على انقاذي من ذا الموقف..
عهود : عادي..ماصار شي...انقذتني انت من موقف اصعب...
سعود قام ومبين عليه الزعل ودخل غرفته.....وهي حز بخاطرها قامت لغرفتها...

وبدت الاحداث بسرعه...وصل ابو عماد وهايدي ....وكان عماد هو المسئول عن الرحله.....حجز بالفندق عشان ياخذون عمره...واول يمرون المدينه.......وكان لابوه وهايدي جناح...ولام سعود وابو سعود واولادهم جناح...ولابو عاشق والشوق والجده جناح...وله وزوجته غرفتين...ولسعود وعهود غرفه.......

مرت ايام المدينه بسهوله لانهم جو الفجر ومشوا تالي الليل....كان سعود وعهود بسياره وحده.....وطول الطريق وعهود معها الاذكار وماتركتها ابد.....وتقرى اذكار...ونادرا ماتناظر للطريق.....وارتاحت يوم ركب معهم ماجد...لانهم مع بعض وخلوها ورى....

ويوم وصلوا لمكه....اول خذوا عمره وبعدين طلعوا يرتاحوا....كان الكل تعبان.....وطلعوا فوق...نسيت عهود انهم بيكونون بغرفه وحده.....وعصب سعود لانه ظن انها غرفتين مثل عماد.....

ووصلوا الفندق وهم تعبانين تمام.....ومحد قادر يتكلم......واول مادخل سعود عصب..

سعود: وبعدين يعني؟؟ليش مالنا غرفتين مثل عماد...ماكنت داري ولا غيرت الحجز..
عهود طالعته وهي تعبانه......وبدون ماتكلمه....نزلت عباتها وتمددت على الكنبه وتغطت بعباتها من التعب...ولا كلمته ولا كلمه....كانوا مواصلين ووصلوا حوالي 2 الفجر الحرم وطوالي خذو عمرة وصلوا الفجر وبعدين جو....يعني محد قادر يتكلم ابد...
سعود طالعها بندم وشفقه....حنا هلكانين من التعب وانا اتشكى واتحرطم....وكان بيناديها ولا صوتها رتيب وباين انها من غمت عينها نامت...

خذى الشرشف وغطاها فيه......وراح هو نام على السرير ...

وقام قبل الصلاه بكثير ماعرف ينام وهي على الكنبه......لقاها على نفس الجنب حتى ماتحركت من التعب...راح وخذى حمام وطلع وبدل ووصى لها على فطور ...وهو نزل تحت...

عهود ماحست الا بالباب يدق...ومن ورى الباب نادت طلع خدمه الغرف...ودخلت الفطور.....وكانت تعبانه مافكرت بشي من البارح ...افطرت حتى قبل لا تحمم.....وبعدين تحممت وتجهزت لصلاه الظهر.....وجاها سعود وراحوا المسجد بروحوهم...ولانهم فنظرهم لسى عرسان تاركينهم لحالهم مو معاهم ككقروب...

لاحظ سعود انها دايم تبكي واحيانا بصمت...وماكان يدري هو ندم على غلطتها ولا حزن على حياتها معه.....

هايدي ولا حاولت تحتك مع فيصل بتاتا....مع انه يجي يتكلم مع ابوها وهم رايحين الحرم وهم راجعين...لكنها ما اتكلمت معه ولا ناقشته بشي...أما ماجد فكان مستحي مره من الشوق خصوصا بعد اخر مره...مع انه كان في قراره نفسه راضي وعارف انها تبادله الحب...بس بقى موافقتها عليه لو يتقدم لها...

وبعد ثلاث ايام راحوا الطايف....وهناك في مخيم نصبوا خيامهم فيه....كانت خيمه كبيره لابو عاشق والجده لانها رفضت الخيام حقاتهم....والبقيه خيام عاديه صغيره....مو الخيام ذات اللون الابيض لا خيام بلاستيك عازل للحراره وسهله النصب والتركيب....وحجمها مو كبير ..تكفي لاربع اشخاص بس.....سعود وعهود كلهم تضايقوا من الخيام ذي لكن ماقدروا يتكلموا....

وعملوا مشب النار بعيد عنهم....ورتبوا مكان للسهرات الليليه رهيب....وبالنهار تحت الاشجار...لانهم جميع فارين عن المدنيه الحديثه ويلقوا راحتهم بالاماكن المفتوحه والمناظر الطبيعيه...

اول من اشتغل ابو عاشق ...جاب ذبيحه وعملها قدام شوي...وكانت الجده معاه اما البنات فهربن عن المكان...خصوصا سعاد لانها حامل...وهشام راح معاها يتشمون عند المي....وباليل اتجمعوا عند النار الرجال حولها والجده....والحريم ورى شوي..والبنات من ورى الخيام يسمعهون...وكانت اكثر وحده بعيده عهود...لانها حست انها ماتنتمي للمكان بشكل من الاشكال...ويمكن لانها مفارقتهم قريب فما تدري ليه....وشوي انسحبت لخيمتهم ونامت...وهي خايفه كيف بيجي سعود وينام هنا....قدامهم كلهم ....ولا راح تتحمله عندها ...ولا راح تقدر تعترض ولا هو يقدر يناقشها بها الشي....

ويوم صارت الساعه وحده...بدى التعب يدب فيهم....الجده اول وحده انسحبت ولحقتها طوالي الشوق...ابو عاشق خذى غطاه ونام ورى فمكان عالي عشان البراد.....وابو سعود وام سعود راحوا لخيمتهم...والعيال احمد ومحمد وفيصل ناموا ورى ابو عاشق.......وشوي انسحب هشام يتمشى عند الجدول ولحقته سعاد....وكملوا سهرتهم هناك.....وابو عماد نام عند بنته.....وماجد وعماد ظلوا يسولفوا وتالي راح عماد ينام مع عياله وماجد لحق عمه بو عاشق ههههههههههههه

وظل سعود يلعب بالنار لوحده.....متردد كيف بيروح ينام هناك...وتأمل حد ينام عند النار عشان ينام عنده......وبدى يتوتر اكثر.....وقلبه ينغزة وحس يديه يرجفن....وبدى شعور غريب يخالط عليه...وانتبه ان عمه ابو عماد طلع...فراح بسرعه للخيمه...اول مادخلها حسها ضيقه مره....وكيف بيتمدد ينام وهي هنى جنبه.؟؟...ومع ان النعاس بدى يغلب عليه...الا انه ارتكز على مخاد ونام بطريقه مضحكه.....

عهود من دخل هي حست عليه كانت الساعه حوالي 2 ونص....وحست بارتباكه لكنها ثقلت ولا قدرت تحرك...ويوم نام وحست انه خلاص نام....قامت ولفت غطوتها على راسها وطلعت برا.....راحت يم الجدول عشان تخلي اللي يشوفها يظن انها بتشرب مي........وهناك سمعت ضحكات وتعليقات.....عرفت انها من عشاق بالتأكيد......واستحت وبعدت عن مكانهم وقلبها حزين وكيف انها اتمنت انها تكون مثل العصفورين المغردين برا السرب.....وجلست حوالي ساعه....التفكير ماكلها....والحزن مغطي عليها....حست بالبرد لكنها مارجعت تجيب غطى لها....وحوالي 4 سمعت عمها ابو سعود يصدح بالاذان....

**مزمز** · 06-10-2013, 10:56 PM

رد: رواية مسموح يا من ملكت الروح

رجعت بعد ماتوضت ...وشافت عمها ابو سعود يصحي العيال النايمين وكل واحد تعبان ومتململ...اول مالمحها

ابو سعود: من هناك؟؟
عهود: هذا انا عمي...صبحك الله بالخير..
ابو سعود ارتبك وضحك: الله يصبحها بالنور والسرور...كيف اصبحتي يابنتي؟؟
عهود: بخير عمي...جعلك دوم بخير..
ابو سعود: ماشالله عليك قايمه من بدري..
عهود: لاني نمت بدري وانتم تسولفوا..
ابو سعود استغرب : طيب الغاليه صحي ولدي للصلاه وشدي عليها ترى التراخي بالصلاه مو بزين ههههه
عهود : ابشر عمي..

وراحت وهي تقدم خطوة وتأخر خطوة كيف بتقعده الحين؟؟زلا مره سوتها..

اول مادخلت لقتها متقلب وعافس الدنيا عفس...ضحكت وحاولت تقعده

عهود: سعود....سعود..
سعود بتململ: هم....خلوني نايم شوي بس..
عهود: سعود...الله يهداك عمي يقول قوم الصلاه...
سعود يحرك يده بطريقه مضحكه ولا هو حاس باللي حوله: بعدين...بعدين...ابي انام شوي

شكله وهو نايم كيووووووت مره وهالشي اللي توها لاحظته عهود وابتسمت له

عهود: عمي بيزفك اذا ماقمت....قوم الله يخليك...ولاحظت انه هذا اطول حوار عملته معاه وكان نصف نايم هههههههههه

وكان لسى على حاله يوم سمع الصوت الجهوري من برا : سعووووووووود.........مسود الوجه..........ياملا الوجعه قووووووم الصلاه خير من النوم.........ولاتبي الشيطان ينام على اذونك؟؟وبصراخ.........قوووووووووم

تخيلوا شكل سعود طار وهو ينتفض من الخوف.....والغطى بعده على راسه......وقام يتلفت مايدري وين يروح يظن ان ابوة بيدخل عليه مع انه ماراح يدخل لان عهود هنا...........

عهود ماقدرت تمسك حالها على شكله حاولت بس ماقدرت تالي قامت تضحك.......أول ضحكات مستحيه......تالي طلع الصوت وهي تحاول تمسك عمرها مو قادره....وتمسك بطنها شوي وشوي تمسك مخده.......وكل شوي ياربي مو قادرهه......مو معقول .......وهههههههههههههه

سعود اول ساكت ومكشر بس يوم قعدت تضحك طريقها رهيبه وتضحك بعد......فمسك الابتسامه غصب مع انه باين انه مبتسم.....وشوي يوم طلع صوتها

سعود: بس بس.....سكتي فضحتينا......ويحاول يسكتها بدون فايده وهو يبتسم......أخر شي حط يده على ثمها عشان اللي برى بدو يضحكو بعد.....هنا سكتت وطالعته بنظره اول مره يشوفها سعود....وحس ان قلبه راح....وانه صار مكانه فاضي....كانت لسى يده على ثمها.....يوم مسكتها بيدها ووخرتها عنه

عهود بارتباك واضح: انا اسفه مره....اسمح لي ماكان لازم اتمادى بالضحك كذا (كانت تتكلم بهدوء عشان الليبرا مايسمعوا)
سعود بارتباك بعد: ماصار شي...باروح اصلي...وطلع ونسى ياخذ البشكير معاه....
عهود بدت ترتفع حرارتها....حست بمشاعر تجتاحها ماكانت حاسه فيها اول .....وخافت من هالشعور لانها عارفها انه شعور مدمر على صاحبه قبل غيره...

اللي برى كانوا يضحكوا لان شكل سعود وهو طالع يفطس ضحك.....وجهه احمر....وعيونه غايره.....وعلى وجهه اضاءه اشراق غريبه وغير شكل........
صلوا العيال ورجعوا ناموا.....وعهود طلعت برى عشان تخلي سعود ينام لانه نومه البارح يضحك.......لاحظت انه كل شوي يطالعها.....واحيانا يسرح وهو يناظر لها.......خافت انه يكون زعلان منها على اللي سوته اليوم........بس ماحاولت تحتك فيه.......وهي تتمشى مع الجوهره وسعاد

عهود: اسمحي لي سعاد البارح مشيت ومادريت انكم صوبي......وسمعتكم تضحكون وبابتسامه بس وربي ماقعدت على طول شردت الجهه الثانيه هناك......
الجوهره: ياعيني ياعيني على الحب اللي على اصوله....عشاق تالي الليل ....
سعاد: ههههههههه.......حلوة عشاق تالي الليل عجبتني.....بس تدرون اني ماحبه ..
هنا وقفن البنات عن المشي وطالعنها باستغراب...
سعاد : لحظه لحظه.......صح انا ماحبيته.....وحاولت اني احبه بس ماقدرت......انا تعلقت فيه.....وهو حسن المعشر وطيب مره.....وصارت بينا الفه كبيره وتفاهم......وصرت اشتاق له وهو بعد......لكن ماوصلت بعدني لدرجه الحب.......العشره خلتنا نهتم ببعض حيل......على امل يكون في يوم حب.....
الجوهره سكتت وبقلبها غصه....عشان اخوها..
عهود: ياسبحان الله......كل هالمشاعر وهالمعزة ومافي حب؟؟
سعاد: لو تلاحظوا انه هو عاطفي مره مره...وهذا مادري من حسن حظي ولا من سؤه؟؟
الجوهره: كيف من سؤه؟؟
سعاد: لاني احيان اكون جد مره...وهو رومانسي مره ...فيرتفع ضغطي انا ..
الكل ههههههههههههههههه

هنا سكتت عهود شوي كنها حست شي...

الجوهره: وراكي عهود...ليه وقفتي؟؟
عهود: مادري كني احس بشي..
سعاد: عسى ماشر ماغص؟؟
عهود: احس بغثيان.....وبسرعه ركضت بعيد عنهن وورى حجر قعدت تستفرغ كل اللي بمعدتها.....سعاد ركضت يمها والجوهره راحت المخيم تجيب مي وتنادي جدتهم....
الجوهره اول ماوصلت الكل انتبه لها..
الجده: عسى ماشر يابنتي...وراك شكلك مايطمن؟؟
الجوهره وهي تناظر الشوق: عهود....تعبانه وقاعده تستفرغ...
الجده: وي على بنتي...وراحت مع الجوهره...هايدي ركضت لقنينه مي ومحارم ولحقتهم....والشوق خذت شنطه الادويه...ولحقتهم
الرجال الكبار كانوا فايقين واحمد....فيوم شافوا الموقف ارسلوا احمد يلحق الحريم يشوفهم وين رايحين...شوي جاي ومخبرهم..
ابو عاشق: خبر سعود...خله يروح يشوف مرته..
احمد: نايم ياعم..
ابو سعود: صحه...هالنوام...مرته تعبانه وهو ولا داري عنها...

ويوم وصلوا لعهود ولا هي ذويانه مره ووجهها صاير لونه اصفر وقعدت هايدي تسمي عليها وهي تشربها المي...وقعدت الجده تلمس حوالي كبدها وتضغط وهي تقول وين الماغص....والجوهره وخرت شيلتها وغطوتها بعيد....وسعاد فرشت ملفح لابسته لها تتمدد عليه

عهود : مافيني شي..يمكن لفحه برد؟؟
سعاد: ولا يمكن حامل انا اول حملي صارلي كذا خصوصا الصبح..
عهود بفزع: لا...ماني بحامل ...
وهنا جى سعود واثر النوم علي عيونه.....شافه متمدده وبحضن الجده متسانده...وهايدي تغطت وبيدها المي...والجوهره توخرت ورى عنه والشوق تطلع حبوب...
سعاد: قاعده اقولهم يمكن حامل والشوق بتعطيها حبوب الحين...
عهود تلون وجهها من كلام سعاد....وسعود وجهه جته ظلاله....وكان مو باين عليه هو خايف عليها ولا عادي عنده....
سعود وهو يضغط على الكلام: مو حامل...انا وياها متفقين..

وهنا الكل جته صنه ولحظه سكوت...قطعتها الشوق وهي تعطيها حبتين..
الشوق: هذا عن الاستفراغ...عشان ماترجعي تستفرغي...
الجده: وانا معاي شراب عن البرد اعطيكي منه الحين..
هايدي: خل نساندها تقوم يابنات..
وساندنها وهنا تكلم سعود: عنكم...انا اوصلها الخيمه...
هنا عهود ارتبكت حيل...وحتى ماقدرت تشكر هايدي اللي لبستها شيلتها وغطتها...ومن حسن الحظ ان خيمتهم اطرف شي ومسك سعود بيدها وهو يمسك باليد الثانيه كتفها..
سعود: تقدري تمشي؟؟
عهود لو دايخه بتقوله اقدر: ايه..اقدر مشكور..
سعود بهمس لان راسه قربها والبقيه بعاد شوي: ممكن اعرف..من اللي زرع براسهم فكره الحمل؟؟
عهود اتفاجأت انه ممكن يشك بها : مو انا أكيد...
سعود: ليش قعدو يتكلموا بالموضوع لعاد؟؟
عهود وبدت الدموع تجمع بوجهها: صدقني سعاد هي اللي تكلمت......انا ماقلت شي...
سعود: لو حد ناقشك قولي انا مانبي اطفال حاليا.....امي بتعصب اكير.....
عهود: اكيد اكيد....صدقني مالي دخل..
سعودسكت ولا رد عليها....
وجن البنات...وماستفرغت بعد...وزي ماتوقع سعود .....ثارت امه وزعلت لكنها سكتت اخير.....

وبعد كم يوم كانت الجده جالسه على طرف مدرج...وجالسه جنبها الشوق...كانوا منزلين شباشبهم....ومدلدلين رجولهم من حافه الصخر برغم رفض الجده لكن الشوق اكدت لها انها تقعد معاها.....وبعد فتره سوالف وضحك ووناسها سمعن صوت ماجد

ماجد: ياجده....ياجده..
الشوق انحرجت مره خصوصا انهن صعب يقومن الحين..
الجده: هنا يايمه....دونك جاي..
ماجد فرح يوم شاف الشوق جنبها: السلام عليكم ورحمه الله وبركاته...
الل: وعليكم السلام والرحمه..
ماجد: اقدر اقعد عندك ياجده؟؟
الجده بفرح: حياك الله يما...والله اني افرح بجلستك..
الشوق تحرك ت بتقوم
ماجد: يعني اذا جت الشياطين رحلت الملائكه؟؟(كان يقولها بنغزة)
الجده: أفا ..محشوم ياجدتي...وتمسك طرف ثوب الشوق...وينك قمتي...حشى مو غول ياكلك الحين...عيب المرة تقوم بجيته الولد....اقعدي ياجده اقعدي خل نسولف ونستانس..
الشوق سكتت ولا علقت ...
ماجد: ياحي الله جدتي فاطمه...نبغي منك قصيده توسع الخاطر...
الجده بحسره: أييييه...ياوليدي...راحت ايام القصيد والوناسه مع جدك الله يرحمه..
ماجد: ول ول...العجوز بدت تذكر... خليني اشوف لك شايب الحين نجوزك ياه..
الجده وهي تضرب رجله: ماتستحي انت....مايعوضني بابو خلف رجال الدنيا كلهم...الله يرحمه ويوسع قبره
الشوق : امين..
ماجد: امين..
الجده: الحين دور قصيدكم انتم يالشباب...يالله عطني قصيده..
ماجد: انا مو حافظ غير قصيده قديمه...الشوق علمتني ياها وانا صغير..
الجده تناظر الشوق: مب هينه طالعه....تعرفين قصيد بعد؟؟
الشوق بارتباك: صدقين مو شاعره...هذي سمعتها بالراديو وحفظتها..
ماجد بخباثه: بس ماقدر اقولها بروحي ياجده..
هن لعنته الشوق بسرها
الجده: وليه ياحظي؟؟
ماجد: لانها اثنين يقولوها...
الجده تطالع الشوق: حافظتها؟؟
الشوق بخوف: لا..لا...
ماجد: الا حافظتها ياجده...خليها تحلف..
الجده طالعت ماجد كنها فهمت...والتفت على الشوق: احلفي؟؟
الشوق سكتت..

الجده: طيب لا تطولوها وهي قصيره...انا ابي اسمع القصيده سمعتوا....يالله بسم الله...

وسكتوا اثنينتهم

الجده وبعدين؟؟

ماجد: انتي ابدي..

الشوق ابتسمت بقلبهاوقالت:
المطر؟؟

ماجد:
وش به سوى الخير الكريم وشوف غالي..

الشوق:
والفضا؟؟

ماجد:
ياعيوني ماله غير انا واللي يرفرف به خيالي

الجده: وجعه....وش ذا؟؟وش ياعيوني هذي؟؟

ماجد بارتباك.: هذي القصيده ياجده...ويناظر للشوق كنه يترجاها..

الشوق: أي نعم ياجده...وبها افضع من كذا بس خلونا نتركها..

الجده بعد تفكير ونظرات لماجد: كملوووو

الشوق :
المكان؟؟

ماجد:
أصل الزمان اللي يقربنا لبعضنا..

الشوق:
والزمان؟؟

ماجد:
العالي الوالي ومن يشفي مرضنا..

الشوق:
يالله ياماجد تكلم..
مع ان النص يقول : يالله ياروحي تكلم..

ماجد اغتاظ بس رد:
والله ياعمري نسيت..

الجده طالعت ماجد بنص عين بس سكتت

الشوق:
كمل

ماجد:
من زمان وخاطري فيه..
لكن دايم الدنيا تدور..
عطرت في وصلها صدر الاماكن..
والوله..وأحلى الزهور..

الشوق:خلاص جده...ماعاد اقدر اكمل..

الجده : كمل ياماجد كمل..

ماجد وهو مغتاظ...: المفروض هي تقول هالمقطع
والله حطمت امنياتي..أغنياتي..جمر ذاتي..
تكفى ريحني كفايه..ضاعت بكلمه حياتي..
يالله..يالله ياروحي تكلم..

وأنا ارد عليها ياجده واقول..
والله ياعمري نسيت..

وترد هي وتقول:
يمكن انك تب تعاتب..

وانا اقول:
لا لا حشى ماعتب عليك..

وهي تقول.:
أو قصيده فيني كاتب..

وأنا ارد وبلهفه:
مو قصيدي كله فيك..

وهي تقول:
يالله ياروحي تكلم..

وأنا ارجع واقول:
والله ياعمري نسيت..

وهي تقول بغضب:
بس اسكت..

وانا ارد اقول بعصبيه
ماني ساكت..

وهي تقول.:
زين وش بك..

فأقول انا..
أنت والشوق الكبير هو راس مالي..

فترد بسخريه:
راس مالك؟؟

فأقول بحزن
أيه ياعمري..كلامي راس مالي..

فتقول بلا مباله هي:
زين سولف..وش على بالك انا؟؟

فاقول بحب:
أنا احبك...وانتهي من حبك الغالي..وراد ارجع واحبك..

وقال باخر شي وبشوق:
قول أحبك؟؟

وسكت...

الجده بعد صمت: سانديني ياجده..
الشوق وكأنها قايمه من النوم: هه؟؟
الجده: سنديني...ويوم وقفت...صحيح ماعندك سالفه...وش قصيد هالايام اللي ماينعرف منه لا حق ولا باطل...يالله يايمه مشينا...
ومشو وظل ماجد منزل راسه...وشوي

ويوم بعدت الجده والشوق تمشي وراها بشويش وتأخر خطاها التفتت لماجد اللي لسى على نفس الوضعيه وقالت
(أنا....أحبك)
مع انه نطقتها بهدوء الا انه لقطها والتفت ورى وهو يستند بيده على ورى:
بس خلاص..
الشوق بهدوء:
بس خلاص..ومشت

**مزمز** · 06-10-2013, 11:05 PM

رد: رواية مسموح يا من ملكت الروح

ماجد ظل شوي مو مصدق حاله...وقفز وهو يصرخ بفرح بس طاح على ظهره ولا حس با الالم من الفرحه....

في نفس الليله...كان فيصل رايح يجيب مي من الجدول...وهو يعبي شاف زول بنت...ماخذا بباله كثير بس بعدين دقق ولا هي هايدي....مايدري ايش صار بقلبه...تحول وصار به شي....قح بصوت عالي ويومم انتبهت تغطت وتسترت ...

فيصل وهو يقرب : السلام عليكم...
هايدي: وعليكم السلام..
فيصل: كيف حالك يابنت الخال..
هايدي ببرود: بخير ..الله يسلمك..
فيصل: انا جاي اجيب مي ومادريت انك هنا ...خير عسى ماشر؟؟
هايدي: اتمشى شوي...المكان خنقه ..(يعني انها الحين مخنوقه)
فيصل تضايق: للحين زعلانه علي..
هايدي: جرحي عميق...والجرح في دمه غريق....
فيصل : معقوله..
هايدي: اسمح لي...وتهدل صوتها عرف انها تبكي...تركها ومشى وقلبه يتقطع...بس مافقد الامل..

بالليل الرجال راحوا لجيرانهم سهرواعندهم....ومابقى الا الحريم واحمد ومحمد...وهذول عهود ماتغطى عنهم...فجلسوا يتسامروا ويسولفوا لين وحده......وحوالي 12 يعني قبل شوي.....سحب محمد عود ماجد وقعد يدق عليه ويدندن باغنيه.....والبنات استانسن بس الجده عصبت عليهم وهن عادي

سعاد: غني الشوق بالله..
محمد: انا ابي اغني بس ابي وحده تغني معي...
الجوهره: الشوق...الشوق او هايدي اصواتهم حلوة...
الشوق: حرام عليكم حتى عهود صوتها رهيب سمعتها مره وهي تغني...
محمد: بس..لاتزاحمون علي (قالها بسخريه) انا باشد المقطع الاول وابي وحده تشد وراي....
الكل : انشالله.....
محمد: امممممم....وهو يدندن على العود
الا ياقصه مكتوبه...على صفحات من قلبي..احبك بعدها توبه..احكم غيرك بحبي..

وعادتها الجوهره...وصوتها كان يعني ..

محمد:
ياورده وعطرها مني...ياحلم اشوفه لو صاحي...احبك واسألي عني..أنا اتعب وترتاحي

البنات
اه....انا اتعب وترتاحي

الشوق: انا الحين بهمس عشان مايخرب اللحن..
اشوف الحب بعيونك..وادور عن مدى حبي...احاول ادخل جفونك..الاقي الحب متخبي..

البنات: اه....الالقي الحب متخبي..

محمد:
اخبي الحب عن عينك...واخليها تمناني..وانا من لهفتي وينك...ياحبي وكل وجداني..

البنات: اه....ياحبي وكل وجدانييييييي

عهود: انا الحين..
لقيتك داخلي ساكن...تحرك ماسكن مني..احاول ابعدك لكن..احبك من غصب عني

البنات هالمره قالن ماشالله لان صوتها ناعم وحلو لابعد حد...يخلي الواحد يحس انه بيبكي..

محمد عصب لكن كمل المقطع قبل لايروح اللحن
ياشوقي ويامنى عمري...انا نفسك وأنا ذاتك...تروحي تبعدي تدري...معي تقرب مسافاتك

البنات: اه...معي تقرب مسافاتك..

الام والجده: عغشتو عشتو...والكل يصفق يوم خلصت الاغنيه...

سعاد: هايدي ماغنت..
هايدي بضحكه: عادي يابنات..ماله داعي...
سعاد: الا بتغنين...ها تختاري اغنيه ولا انا اختار؟؟
هايدي : خلاص انا اختار..
وفي اللحظه هذي قرب فيصل راجع هو وماجد وهشام للخيام بس سكتوا يوم سمعوا العود..
هايدي بعد تفكير ....اغنيه جاني حبيبي...ومو كلها مقطعين بس..
محمد: عشتووووو والله حلووووه مره...يالله بشدها...
ماجد كان بيتكم بس مسكه فيصل برجوى....وسكت...اما هشام فمشى بعيد عنهم...

هايدي بعد مابدت الدقه وسعاد على الطبل ..
جاني حبيبي من بعد غيبه سنين...يقول سامحني بارد لمكاني..
وانا وربي ماتشافيت للحين...للحين وانا من جروحي اعاني..

والبنات يصفقن وكان صوتها حلو وطربي مره...

لاحظوا بعد ماخلصت انها تدمع ...وماجد ماتحمل الموقف خصوصا ان فيصل شرد بعيد عنهم...فكح بصوت عالي وهو يهود عشاد يدخل مجال الخيام....وهذا كان من حسن حظ هايدي اللي راحت خيمتهم تبكي براحتها....وجو الباقيين وثاني يوم كانوا يلمون اغراضهم مروحين الديره...بعد ماتركوا مجموعه ذكريات اكثرها حزين وان كان لايخلوا من الفرح في وقت ما....فيصل تأكد ان هايدي من النوع اللي لانجرح مايسامح للاسف او بالاصح ماينسى خصوصا من شخص عزيز...

بعدها بأسبوع....
بيت ابو سعود

كان جالس ام سعود وابو سعود وماجد وفيصل ومحمد...

ماجد : يبا...باقول شي..(كان خجلان حيل..)
الاب: سم ياولد...قول اللي تبي..
ماجد بحيا: انا...ابيكم تخطبون لي؟؟
الام : كلللللللللللللللللللللييييييييي........هذي الساعه المباركه يما...وين انا وانا خاطبه لولدي الثاني والاول بعده عريس...الف الف مبروك يما..
الاب: فبالك بنت ولا امك تدور لك؟؟
ماجد فز: لا...انا ابي بنت وحده بعينها...
الام بخباثه: ها...قريبه ولا بعيده؟؟
ماجد بابتسامه خجوله: قريبه يما (قريبه للقلب مره)
الام : اكيد هايدي بنت اخوي..
فيصل شهق
ماجد بفزع: لا
الاب: اجل من ياوليدي مالي بنات اخوان صالحات للزواج؟؟
ماجد: بنت....بنت...بنت خالي ابو عاشق..
هنا الكل سكت......وصار هدور نسمه الهوا تنسمع كنها عاصفه...
ماجد رفع راسه اخيرا...ها...ايش قلتوا؟؟
الاب بعد تفكير عميق: تدري انها اكبر منك؟؟
ماجد: ادري يبا...
الاب: والفارق مو بسيط...
ماجد: وراضي وممنون يبا....انا ابي هالبنت بالذات....
كل هذا والام ماتكلمت ولا قالت شي..
الاب: انا ماعندي اعتراض دامك راضي..
الام: وانا مو موافقه..
هنا قلب ماجد رجف : ليه يما؟؟
الام وهي معصبه حدها: كم عمرك يما؟؟
ماجد نزل راسه: 24 سنه؟
الام: وهي وصلت الثلاثين...يعني تذكرك يومنك ولدت...لا يما...الشوق عزيزة وغاليه بس مو هي اللي اتمناها لواحد من ولادي مهما كان...
ماجد: الله يخليك يما ...لأاتوقفين بطريقي فرحتي يما...
الاب سكت كأنه مع امه مو موافق على اللي يقولوة..
الام طلعت وهي غاضبه...

مرت ثلاث ايام...والام ماتكلم ماجد....وهو يترجاها بدون فايده......بالاخير رفض الاكل والشرب بتاتا....حتى شحب لون وجهه......وتغيرت ملامحه......سعود ماعترض على اخوه....وسعاد عشانها تحبه رضت ....بس الوالده...

واليوم الخامس.....دخل فيصل له بالاكل وهو رافض.....وظل يترجاه

فيصل: حرام عليك ياماجد.....انت ايش تسوي بروحوك......وانا اخوك...الدنيا ماتستاهل.....
ماجد: حرام عليك.....اربع سنين وانا اراكض وراها وهي رافضه....ويوم وافقت اخيرا .......تقوم امي وترفض.,...انا اموت ولا اتحمل الحياه هذي......
الام دخلت ودمعتها على عينها: ياولدي ماتهون علي ترمي نفسك على وحده عجوز...
ماجد قام وحب يدها: وربي انا الشايب عندها يما...الشباب شباب القلب ولا انتي عجوز الحين.؟؟
الام: ياولدي فكر وغير رايك....
ماجد يلف : ابد يما...اما هي.....ولا فلا اشوف وحده من الحور وراها...
الام خذت الصينيه ومدتها له: سم يما وكل...
ماجد يلتفت والابتسامه على وجهه ويمسك الصينيه: افهم يما...معناه...انك؟؟وسار على وجهه علامات الاستغراب...
الام تلف : مبروك....ومشت....

ماجد طالع فيصل وطير الصينيه بالهوا وهنو يمسك بيد فيصل ويدور فيه......وفيصل يعقل عليه بدون فايده.......

فيصل اخيرا بعد ما اطلق يده من ماجد: وانا اللي مفتكرك تحب هايدي...
ماجد بحلق عيونه: أنا؟؟ومن قال هالكلام؟؟
فيصل : انت...من سنه ونص ماتذكر؟؟
ماجد: لا والله ماذكر..
فيصل ذكره: اييييه؟..يابن الحلال كنت بارفع ضغطك شوي..
فيصل: وخربت علي حياتي...البنت كرهتني الحين والسبه اللي سويته..
ماجد : ليه؟؟
فيصل حكاه على اللي سواة يوم كلمت هي...وكيف انه كان مرتفع ضغطه وعاميه الحقد ورد عليها..
ماجد: لا لا....ولا يهمك ياخوي انا اخبرها بكل السالفه..
فيصل يمسك ايده: الله يخليك...انا اخوك حبيبك..
ماجد: بس خلنا نخلص من سالفتي ونملك...وبعدها يصير خير انشالله...

بها الفتره ولدت ام عهود وخلفت ةلد عيونه مثل ابوة....وراحت عندهم عهود حوالي اسبوعين.....وماكان سعود يزورها الا نادرا....ولكنه حس بالفراغ بعدها.....لكنه يطيب خاطره ويقول هذا لاني تعودت عليها.....واليوم رجعت مع سواق اهلها...لانها استحت تطلبه.....اول مادخلت البيت لقته معتفس وحالته حاله......قامت رتبت البيت....ونظفته....وعلى المغرب مابعد جى سعود.....اتصلت على اهله قالوا انه ماجاهم اليوم.....وماتعرف حد من ربعه.....وخافت زود عليه......طلعت توايق مع البلوكنه.....لقت سيارته واقفه....ارتبكت حيل....واتصلت على جواله مره ومرتين وثلاث.....بدون فايده......اخيرا لبست عباتها ونزلت تشوف السياره.....لقته بالسياره.....فتحتها وهي تصارخ

عهود: سعوووود....شصاير لك؟؟أنت بخير؟؟
سعود يالله يفتح عيونه وتعبان: تعبان....مو قادر اتنفس...
عهود بسرعه تفتح ازرار ثوبه : تقدر تمشي؟؟
سعود: كلي خادر...مو قادر اتحرك...
عهود التفت حولها لقت راعي البقاله وهو يعرفهم: لو سمحت...عم رمضان...
رمضان: أيوة ياست هانم...أومري..
عهود: سعود تعبان حيل تقدر تساعده يطلع فوق؟؟
رضان: الف سلامه لحضرته...دقيقه بس اقفل الدكان...وشوي سانده لين طلع..
رمضان: اتصل بالدكتور؟؟
عهود: ياريت...ومتشكرين قوي..
رمضان: لا وعلى أيه...احنا اهل برضو...
عهود من الباب ساندته وهي ممسكه بخصره لين وصلته غرفته....وغطته ولا الدكتور جاي...قال ان عنده حمى شديده...وعطاها حقنه..ومضادات حيويه....وقال خلال يومين ان ماتحسن نوديه المستشفى...شكرته وطلع برا وهي رمت عباتها ووقفت عند باب غرفته تصيح...ماتدري ايش تسوي...

**مزمز** · 06-10-2013, 11:40 PM

رد: رواية مسموح يا من ملكت الروح

وشوي يوم فاق...جابت مي وشربته...وحطت له كمادات بارده...وكانت تمسح وجهه بالمي وتقرى عليه لان امها دايما تسوي كذا وهم محمومين......واذن الفجر وهي على هالحاله...تبكي شوي وتمسح دموعها وتعمل له كمادات......والصبح حوالي 8 فتح سعود عيونه بصعوبه.......وبدى يطالع حواليه.....وشاف انه على السرير.....وان عهود جنبه.....وتذكر انها عند اهلها لكن متى جت......وشوي بدى يرفع نفسه....بها اللحظه عهود حست فيه......فزت اول ماشافته يطالع فيها ماقدرت تحمل من الفرحه......حضنت يده وهي تصيح.....
عهود: انت فقت......الحمدلله على السلامه.......وتصيح......وربي كنت ميته خوف عليك...
سعود تأثر مره لتصرفها: عهود....بسم الله عليك...لاتخافي انا بخي...انتي كيف جيتي؟؟
عهود: خليت السواق يوصلني...ويوم تأخرت ماجيت خفت عليك مره..
سعود: وانا وين كنت؟؟
عهود: كنت بالسياره تحت...وماكنت داري عن حولك..
سعود بعد ماعدل جلسته: وانتي شليتيني لين هنا..؟؟
عهود ببسمه وارخت يده: لا ماقدر...عم رمضان وصلك وهو اللي اتصل على الدكتور مشكور..
سعود: انا تعبان...وابي انام..
عهود وهي تسوي له المخدات: نام...ارتاح لا تعب نفسك...وقعدت تطالعها بخوف كنها مالها حد بالدنيا غيره.....

بعد اسبوع....تمت الخطبه الرسميه.....واللي ماعارضتها الجوهره بالعكس كانت فرحانه لها.....بعدها بشهر كانت الملكه.......كثير من الناس استغربوا ومنهم من تهكم وسخر.....لكن بالنهايه هم اللي رايدين بعض ومحد له دخل بهم.....

بعدها باسبوع رجع فيصل يطلب من اخوه يكلم هايدي ويقنعها.....ولانها بمونتريال فاتصل عليها

ماجد: الو...هلا الدبه شخبارك؟؟
هايدي: انا الدبه يالدب....ماتملك غير وحنا برا ها...ماعليك ملحوقه عرسك غصب عنك حاضرينه حاضرينه..
ماجد: خساره....وانا كنت باخليه وقت دراسه...
هايدي: لا تحاول.....قاضيين عليكم قاضيين.....
ماجد: اقول الشيخه...بغيت اكلمك بموضوع مهم مره..
هايدي: قول اللي تبي...انت عريس..
ماجد: تراي بديت ارتبك....خليني اقول اللي عندي..
هايدي: يالله انا اسمع..
ماجد: فيه بعض ناس...ضحكت عليهم..واوهمتم اني احبك...واني ميت فيك...لدرجه انهم كرهوني بهذاك الوقت....وصادف اني كنت عندكم وكلمتهم....فقفلت معاهم......والحين يوم عرفوا ان السالفه لعب...مرسلين وساطه صلح.....وانا مادور غير الصلح.....
هايدي سكتت لانها فهمت من يقصد: والله انك غالي وعزيز وحسبه عماد اخوي....بس..
ماجد حس بالخيبه: بس؟؟
هايدي: انا محيره ياخوك لواحد من قبل ماسافر المره الفاتت...
ماجد بغرابه وعصبيه: محيره؟؟؟كيف؟؟
هايدي: هههههههههه.....محيره انا جبتها من عندي.......لكن مثل ماتقول....مخطوبه.....متكلمين علي.....معطيين اهلي كلمه لرجال....
ماجد: وكيف وحنا ماندري؟؟
هايدي: لان السالفه بسرعه صارت قبل مانسافر بيومين.....ومو خطوبه رسمي.......لان الولد بعده يدرس....
ماجد: ومنهو هذا؟؟نعرفه.؟؟
هايدي: مادري...تعرف صديق اخوي المرحوم عماد...واحد اسمه شاكر من حايل....رجال طيب وشهم والبداوه فيه....
ماجد: اعرفه......بس كيف صارت السالفه؟؟
هايدي: ببساطه شافني بالعيد...وشكلي عجبته...فجى من الباب مو من الشباك وخطبني.....وانا وافقت....وهو السنه يتخرج انشالله.....وانا وراي دراسه طويله ما أخلص انشالله الا وهو مكون نفسه.....وبيسير مركب الحياه....
ماجد بتكدر واضح: الله يوفقك انشالله....المهم سعادتك...
هايدي بحزن: تسلم...توصي شي.؟؟
ماجد: سلامتك......

ويوم خبر فيصل ....ثار وماصدق.....واتصل عليها

فيصل: السلام عليكم..
هايدي بهدوء مصطنع: هلا فيصل ...حياك
فيصل: مستحيل الكلام اللي سمعته؟؟
هايدي: مانقدر نرجع الايام...وانت اخو وعزيز..
فيصل: بس انتي قلتي لي انك تحبيني..
هايدي عصبت: مستحيل....انا عمري ماقلت مثل هالكلام....
فيصل : الا يوم *****
هايدي تتذكر: اسمح لي....زانا بهذيك الفتره كنت هنا ولا قد كلمت حد....
فيصل: قلتيه لاحلام......اجمل حلم......اللي هو انتي.......
هايدي ظلت شوي مصدومه ومو مصدقه اللي تسمعه: معقوله.......انت؟؟؟؟؟؟؟؟انت احلام الباحه؟؟؟؟
فيصل: مالقيت طريقه غيرها اوصلك بها...
هايدي: ياجبان......ياحقير........كيف تتجرأ وتسوي فيني هالحركه......هذا وأنا دمك ولحم......اجل لو كنت غريبه شراح تسوي فيني......وحده اسمها هايدي انساها.....حتى مهي باختك.......وقفلت الخط........

قفلت الخط على اخر امل لفيصل.........وهنا رنت كلمات الشيخ كأجراس بأذانه........قدامك حزن طوييييييل........حزن طويييييل.........عرف ان الحزن مقابله......والفرح مفارقه........

ومرت الايام......

وجى عيد الاضحى اللي فيه عرس الشوق وماجد......

دخلوهم الزفه مع بعض.......ويوم جلسوا همس بأذنها: مبرووووك
الشوق: الله يبارك فيك...اخيرا حلمنا تحقق...
ماجد: بتزعل علينا...
الشوق بغرابه : مين؟؟
ماجد: ساندي السعوديه...لانا اقوى منها..
الشوق: بالعكس...بتفرح فينا انا حاربنا وصبرنا..
ماجد: انتي حلوووووة
الشوق بحيا: عيوووونك؟؟؟
ماجد رفع حجته باستغراب.
الشوق: الحلووووة
ماجد عمل نفسه مستحي وضحكوا مع بعض...

زفوهم لفندق.....ع اساس يسافروا ماليزيا شهر عسل....وبعدها يرجعوا بيت ابو عاشق يسكنوا فيه لان الشوق اصرت انها تعيش عند ابوها....

بعد مازفوهم.....ظل البنات عهود وسعاد هم اخر الناس......وتقريبا روحوا اخر المعازيم.......ولان سعاد كانت جايبه من فتره ولد جميل جدا....حبت انها ترقص مع عهود بعد ماروحوا الناس......ومع انها كانت تعبانه ماهان عليها ترد طلب سعاد....فقعدن يرقصن والعجوز(الجده تنقز معاهن وهي فرحانه)و دخل سعود بهذاك الوقت لانه مافي حد يتغطى عنه....وشاف عهود وهي ترقص....وكانت اول مره يشوفها وهي ترقص...ظل ساكت ولا اتكلم يتفرج وامه انتبهت له لكنها سكتت كمان........يوم خلصن رقص لاشعوريا صفق لهن......وعهود ذابت من الحيا....وراحت تلم باقي اغراضهن هن والخدامات......وروحوا يم بيت ابو سعود......وسعاد بيتها......

ويوم نزلوا كل الاغراض جلست على الدرج هي ومحمد واحمد يشربون عصير جابه لهم احمد.....وسعود طلع فوق يرتاح......شوي جت على محمد طرب قام جاب العود وقعد يغني.....ويوم خلص قال لعهود ورحبت بالفكره خصوصا الساعه 3 محد صاحي واكيد سعود له اكثر من نص ساعه نايم......فغنت هالاغنيه اللي غنتها بكل احاسيسها

جرحي القديم...............جرح اليم

ياويلي من جرحي القديييم

جرحي القديم...............جرح اليم

ياويلي من جرحي الاليم......

ليتك تبادلني الشعور.............

من دون صد ولاغرور...........

ليتك تبادلني الشعور.............

من دون صد ولاغرور...........

جرحي القديم...............جرح اليم

ياويلي من جرحي القديييم

ياويلي من جرحي الاليم......

تخطي وانا اتحملك...........معذور قلبي دللك

تخطي وانا اتحملك...........معذور قلبي دللك

بأمر الهوى أنت الحبيب.............

قريب من قلبي قريب................

بأمر الهوى أنت الحبيب.............

قريب من قلبي قريب................

جرحي القديم...............جرح اليم

ياويلي من جرحي القديييم

ياويلي من جرحي الاليم......

أن كنت ناوي على الهجر

بارضى انا بحكم القدر............

أن كنت ناوي على الهجر

بارضى انا بحكم القدر............

مكتوب لي هذا المصير.....

واللي انكتب لازم يصير.....

جرحي القديم...............جرح اليم

ياويلي من جرحي القديييم

ياويلي من هذا المصير

ويوم خلصتها كانوا كلهم يدمعوا منها

محمد من ورى دموعه: انا بغيتك تفرحينا قمتي بكيتينا معك...
عهود : اسمح لي محمد...ماكان قصدي...
محمد : عادي...متي مابغيتي تبكيني حياكي....
سعود: بعدكم مانمتو؟؟
عهود شهقت يوم شافته: افتكرتك نايم..
سعود طالعها: واذا صاحي مافيها شي....صراحه ..صوتك مؤثر اثر فابوي بعد....
عهود: هيييييه....عمي قاعد بعد..
سعود: عادي...مافيها شي الانسان يعبر عن اللي يحس فيه...
ماقدرت تستشف رده فعله من كلامه....بس سكتت....
اتفاجأت الصبح انه عنده دوره تدريبيه بأيطاليا...ولمده ثلاث شهور.....فتركها عند اهلها....

ومر حوالي شهر ونص وماجد والشوق عايشين احلى حياه...وفي يوم دق الباب....وطلعت تفتح شوق...وشافت حرمه بالعشريينات من عمرها...واضح نها اجنبيه ويمكن اوروبيه...شعرها اشقر بني.....واثار البكاء الطويل على خدودها.....ومعاها توم اطفال عمرهم سنه ونصف واقفين جنبها....وبيدها طفل ....

المراه : السلام...عليكم(بصعوبه.)
الشوق: وعليكم السلام..
المراه: ه..هل هذا منزل...عاشق؟؟عاشق يوسف ال****
الشوق مسكتقلبها: ايوة هذا هو....مين انتي؟؟
المراه وبصياح: أنا....زوجته..
الشوق والصدمه على وجهها : أيييييش؟؟
المرأه: زوجته....انا مغربيه الاصل...ومسلمه...
الشوق: الافضل لك انك تدخلي...دخلتها وجلستها وجت جدتها اللي انبهرت من المراه وهيئتها..
المرأه: اسمي...اللاسلمى...وامي مغربيه وابي فرنسي....وعشت حياتي كلها بفرنسا....وأقرباءنا اخبرونا بان صديق لهم سعودي سيزور فرنسا...وطلبوا منا ان نرحب به...وحينما رأيته اعجبت به من النظره الاولى....وتقدم لخطبتي بسرعه...وتم الزواج اسرع....ولا تسألي عن الوظيفه حيث عمل لدى والدي بشركته...وتوفي والدي بعد ذلك بشهران....واصبحت الشركه لي وله....وقد انجبت يوسف...واسحق....وبعدها انجبت فيوليتا....وانا الان حامل منذ شهران...وقد كنت سعيده جدا معه...(وترجع تبكي مره ثانيه)....ولكن..
الشوق: ولكن ايش؟؟
المرأه: توفي بحادث سياره منذ شهر تقريبا......ولم اعلم اين اذهب....حتى وجدت جواز سفره وبعض رسائل لم يرسلها لهذا العنوان فارسلت شركه خاصه واخيرا عثرت عليكم...لم ارغب لاولادي ان يكونوا بعيدين عن عائلتهم

الشوق ماسمعت باقي الكلام من الصدمه: عاشق مات.......وبدون مايودعنا.......وكيف جاله قلب يقاطعنا طول هالفتره...؟؟
الجده: انا لله وانا اليه راجعون...عاشق مات؟؟
الشوق بخوف: وكيف تثبتي لنا صحه كلامك؟؟
اللاسلمى: هنا...وطلعت لها قسيمه الزواج.....ومجموعه صور ملتقطيناه لبعض ومعاهم الاولاد.....وناظرت لها الشوق اكثر....وهنا اتفاجأت انها بها شبه كبير من سعاد......وتحضنت وقعدت تبكي معاها.......

وصار عزى والكل عرفوا بوفاه عاشق وجو يعزوا.....والعوض كان بابناءه ......ورفضت انها ترجع لباريس سلمى لانها ماكان لها احد هناك امها وابوها متوفين واهلها اللي بالمغرب ماتعرفهم......وهنا اهل ابناءها خصوصا انها حتاخذ الجنسيه......وحولت اعمالها كلها للرياض.....

وبعد اسبوعين رجع سعود......وخافت عهود انه خلاص بيطلقها......لان الوقت الكافي مر......وزارهم يوم وطلب منها تجهز اغراضها عشان يروحون البيت.......اول مادخلو

سعود: قبل أي شي أبي أسألك...
عهود خافت لانه سريع وصريح: أتفضل..
سعود: الورقه اللي لقيتها بالمستشفى.....ويوم وريتك ياها هذاك اليوم اغمى عليك لمن كتبتيها؟؟
عهود ناظرت للارض: للي هو.....خلاص....الله يرحمه...
سعود بخوف: مات؟؟
عهود: من زمان....
سعود بحسره: وهذا اللي ورطك من الاساس......
عهود تمنع الدموع: ارجوك....زمان ومضى....
سعود: والاغنيه اللي غنيتها ليله زفاف اخوي من كل قلبك؟؟؟
عهود: مادريت انك تسمع والا..
قاطعها سعود: من قلبك؟؟
عهود: ايه...من كل قلبي...
سعود: اجل استعدي بكره انشالله.....
عهود: لايش؟؟
سعود: عشان نروح لشهر عسلنا الموجل..
عهود فتحت عيونها: أشلووووون
سعود اكتفى بالابتسام...
عهود والدموع بعيونها: يعني انت؟؟انت...سامحتني؟؟
سعود سكت بس كتب على ورقه:

مسموح.....مسموح....مسموح

يامن ملكت الروح...

ماقدرت عهود الا انها تضمها وعيونها مليانه دموع....ماهي أي دموع...دموع الفرح والحب والثقه...

وهكذا اخوتي اخواتي انهيت هذه القصه التي اتمناها تكون حازت على استحسانم واعجابكم....

**مزمز** · 06-10-2013, 11:44 PM

رد: رواية مسموح يا من ملكت الروح

تنقل الى قسم الروايات المكتمله

**zouzh_99** · 18-01-2014, 07:14 AM

رد: رواية مسموح يا من ملكت الروح (كاملة)

روايهه ه ابداع × ابداع
الله يعطيككك العافيه
بانتظار مزيدك يا نبضي ♡♡

Sent from my GT-P3100 using منتدى عبير mobile app

رواية مسموح يا من ملكت الروح (كاملة)

تعليق

تعليق

تعليق

تعليق

تعليق

تعليق

google Ad Widget