رد: شامخة وبنت رجال وجاء من يغلبني لكاتبتها انا روح أمي وقلبها

يسلمووو على البارتات

تابعي

رد: شامخة وبنت رجال وجاء من يغلبني لكاتبتها انا روح أمي وقلبها

بارتات رائعه واصلي

متابعه لك

استمررررري ..

رد: شامخة وبنت رجال وجاء من يغلبني لكاتبتها انا روح أمي وقلبها

بارت قمييييييييل ..
يسلمو .. متابعتك
=)

رد: شامخة وبنت رجال وجاء من يغلبني لكاتبتها انا روح أمي وقلبها

جالس بين أوراقه وملفات القضايا اللي موكله له وسمع طق على الباب
فيصل:تفضل
شوق دخلت:مشغول
فيصل بابتسامه:حياك
شوق وهي تجلس:بغيت أسالك عن شغله
فيصل نزل نظارته:قولي حبيبتي أسمعك
شوق:أنتي تعرفني صح وتعرف عرق اللقافه اللي فيني
فيصل عرف أخته وش بتساله عنه طالع الباب وقام من مكانه واشر لشوق انها تسكت وهي صارت تطالع الباب من أول ما قام فيصل ومبين عليها الخوف
فيصل توجه للباب وفتحه بسرعه وبقوه وطاحت شهد
فيصل وهو يستند على الباب:كنت متأكد
شهد قامت:اييييييييييييي
فيصل نزل وشدها من إذنها ومشاها معاه لحد ما وصل للكرسي جلسها وراح يجلس وراء مكتبه:انا ابغى افهم ليه تتسمعين من وراء البيبان متى بتتركين هالحركه الخايبه عنك ليه ما تدخلين وتجلسين معانا وتسمعين وش نقول
شهد وهي متفشله:خلاص أخر مره ما عاد أعيدها
التفت فيصل لشوق:وأكيد أنتي متفقه معاها انك تسحبيني في الكلام وهي تتسمع
تو شوق بتتكلم إلا فيصل يقاطعها:لا تفكرين تنكرين أعرفك عدل
فيصل:الحين وش تبغون تعرفون
شوق:حنين متى قضيتها
فيصل:بعد 3 أيام ان شاء الله
شهد بلقافه:هي حلوه
فيصل طالعها وما رد عليها
شهد تحط رجل على رجل وتسوي فيها أم العريف:ما دامك ما رديت معناتها قمر
فيصل:ان شاء لله بعد ما تربح قضيتها راح أعرفكم عليها وعلى خواتها
شهد:يا سلام والله متحمسه أشوف اللي خبلت باخوي
فيصل ومسوي نفسه معصب:بنت
شهد:ههههه ههههههههه اترك عنك هالحركات يا فصفوص
فيصل:أقول وش رأيكم لو تقومون ويله برا وتخلوني أكمل شغلي
شهد وشوق شهقوا
شهد وهي تستهبل وتتكلم فصحى:كيف تجرا على طردي إلا تعلم من انا
شوق تكمل تمثيل:ومن تكونين يا فتاه
شهد:انا من قطع الجبال والبحار انا.........
أي أي أي أي أي أي
فيصل مسكهم من أذانيهم وطردهم برا وصك الباب وهو يضحك على خبال خواته ورجع لمكتبه وتذكر شي كان ناسيه
فيصل:يووووووه وشلون نسيت انا لازم أعطي حنين خبر إني مسافر الرياض علشان تبلغ خالتي أم حنين رفع جواله وكتب مسج وأرسله ما يبغى يكلمها لان كل مره تكلمه تحاول تبين له انها متضايقه وهو ما يحب يضيقها
تنهد ورجع لأوراقه يكمل شغله



&&&&&&&&&&&&&&&&&&

تابع
دخلت المطبخ وهي معصبه جاتها نوف:ماما
الجوهره:نعم يا عيون ماما
شالتها وجلستها على الطاوله
نوف:ماما ابغى كيكه سوي لي
الجوهره:حبيبتي أسوي لك إذا رجعنا البيت مو هنا
نوف :بس انا بغى الحين
الجوهره:يا ماما مافي مقادير
طلال من وراها:كل شي موجود هنا
لفت له بضيق وطنشته ورجعت تطالع نوف
نوف:ماما كلهم يبغون مثلي انا سألتهم وقالوا نبغى
الجوهره بابتسامه:خلاص حبيبتي من عيوني روحي نادي ميري علشان تساعدني
ميري جات واللي سمعت أخر جزء من الكلام:انا ما في ساعد انا مشغول كتير.......وتطالع طلال
الجوهره:لا يا شيخه و مشغوله في ايش بالله عليك
ميري:انا سوي خطه علشان استجمام مال انا يعني ما في شغل ما تنزيف بس شوف بهر
الجوهره:ميري وش هالكلام
ميري :يله انا في روه شوف بهر وفكر في حياة مال انا وسوي تخطيط هق مستقبل وسوي تأملات
وراحت وخلتهم ولا همها احد
طلال وهو يرفع أكمامه:خلاص انا ونوفه بنساعدك
لفت له الجوهره وبضيقه وكره:ما يحتاج
نوف:ماما حلو ابغى انا وعمو نساعدك الله يخليك
الجوهره طالعت طلال بلؤم وقالت :طيب يا روحي
طلال وهو يشيل نوف:قولي الأغراض وانا ونوفه بنجيبها لك صح نوفه
نوف وهي فرحانه:صح
الجوهره وهي ترفع أكمامها:ابغى طحين وبيض...........
وصارت تقول المطلوب وطلال ونوف يجيبون اللي تطلبه ويحطونها على الطاوله
الجوهره بدت تحط المقادير وطلال ونوف اللي لحد الحين شايلها مجرد متفرجين وبعد ما خلصت الجوهره عجن مسحت جبهتها بكف يدها
طلال يهمس نوف وهو يطالع الجوهره وهي تضحك:ههههههههههه
الجوهره:وش فيكم
نوف:ماما وجهك طحين صاير ابيض
طلال:كأنك كاسبر .....وصاروا يضحكون وهي ابتسمت لضحكهم وراحت تغسل وجهها ورجعت
طلال:الحين ايش نسوي
الجوهره:نحط العجين في صينيه وندخلها الفرن
طلال جاب صينيه وتبرع هو ونوف يحطون العجينه في الصينيه والجوهره ساعدتهم ودخلوها الفرن وبعدها بدوا يحضرون الشوكلاته اللي بيدهنون بها الكيكه والكريمه للتزين
نوف:ماما ابغى أذوق شوكلاته
الجوهره:من عيوني......وتمد لها شوكلاته في ملعقه
الجوهره:حلو
نوف وهي مبسوطه:ايه......وبلقافه :ماما عطي عمو بعد هو يبغى
الجوهره طالعت طلال اللي يطالعها وهو يضحك وحست انها توترت:لا ما يصلح له عمك طلال معاه مغص ببطنه
طلال:ههههههههه
جاء من وراها وعلى وجهه ضحكة تسليه وهمس:بدون ما أذوقها عارف انها لا يعلى عليها مدام هاليدين هي اللي سوتها
الجوهره بنرفزه:أقول روح للكيكه لا تحترق
طلال:اخاف انا اللي احرقها إذا طلعتها من الفرن من النار اللي شابه فيني
الجوهره:روح حط نفسك بالثلاجه
طلال رجع رأسه على وراء:ههههههههه
طلعوا الكيك ودهنوها وتبرع نوف تحط لها الكريمه بعد ما خلصوا خذوا الصحون وراحوا للكل اللي مجتمعين وجالسن في البلكونه
نوف وهي تناقز:احنا جينا وجبنا معانا كيكه احنا سويناها
الكل:الله ...يا سلام
بدت الجوهره تقطع ..........نوف:انا وعمو طلال ساعدنا ماما وسويناها مع بعض
الكل التفت للجوهره وصاروا يطالعونها
الجوهره بإحراج:وش فيكم....الكل سكت وما ردوا عليها وبدوا يأكلون ومبين على وجيهم كلام كثير وهي انحرجت أكثر
ميري:انا في قول هزا طعم في اختلاف هزا طعم واجد هلو اهلى من قبل اهين انا في معلوم سبب......وصارت تطالع الجوهره وطلال وتكمل:صحيح هزا هب واجد هلو
وتسوي روحها غلطة:أو ه ه ه ه انا اقصد هزا كيك واجد هلو
الكل ماسك ضحتكه على تعليق ميري والجوهره تطالعها بحقد وتوعد فيها انها تذبحها كملوا سوالف وضحك وطلال مبسوط بجمعتهم أول مره يحس بمعنى عائله بينهم مع ان عمه عمره ما قصر معاه لا هو ولا تركي بس إحساس انه يكون مع أهل اللي ملكت قلبه غير

&&&&&&&&&&&&&

نروح لمكالمه محد يسمعها تجمع بين اثنين
:يعني وشلون كل التعب اللي تعبته طار على الفاضي
ميساء وهي تتلفت وتتاكد ان مافي احد يسمعها:وش تبغاني أسوي يعني
ابو شملان وهو ينفخ دخان سيجارته:ما تعرفون وين راحت
ميساء:لا بس لما اعرف راح أعطيك خبر على طول
ابو شملان:اسمعي يا ميساء لا تفكرين تلعبين من وراي بذيلك ترى اللعب مع ابو شملان خطير فهمتي
ميساء:وش لزوم هالكلام
ابو شملان:مجرد تذكير لا غير
ميساء:ما يحتاج أصلا ما نسيت وبعدين هالسحر قاهرتني
ابو شملان:وانا ذابحتني
ميساء:هههه لا يكون تحبها
ابو شملان وهو يحك دقنه :لا ودي فيها بس
ميساء:وان شاء الله ما راح تكون إلا لك
ابو شملان:راح نشوف ..يله راح نكون على اتصال وبلغيني باي شي جديد يصير
ميساء:اوكي
صك السماعه وهو يفكر
ابو شملان وهو يأخذ نفس من سيجارته:والله طلعتي موب هينه يا سحر بس وين بتروحين مني في النهايه راح ترجعين بيتكم وبعدها انا أعلمك من ابو شملان
وابتسم ابتسامه مقرفه ورجع يدخن

&&&&&&&&&&&&&&

رد: شامخة وبنت رجال وجاء من يغلبني لكاتبتها انا روح أمي وقلبها

قاعدين على البحر في هالمساء والهواء يحرك الأمواج بهدوء
ماجد وهو حاس ان اليوم انحس يوم بحياته يطالع دلول اللي تطالعه وفيها الضحكه
ماجد:اضحكي ليه تمسكين نفسك
دلول وكأنها ما صدقت:ههههههههه هههه
ماجد لف وجهه بضيق للجهه الثانيه
علي اللي واقف بينهم:ضحكوني معاكم وش السالفه
ماجد:أقول علي ما فيك نوم
علي:لا لاني نمت في السياره
دلول:ههههه ههههههههه
ماجد:يارب ارحمني انا اليوم يا قاتل يا مقتول.......وظلت الأجواء عند ماجد ودلول متقلبه وماجد كل ما له يزيد قهر من علي اللي اليوم صاير لزقه كأنه صمغ ولا مغناطيس
عند عبدالمجيد وعبير يمشون ماسكين يدين بعض وعبدالمجيد ملاحظ شرود عبير
عبدالمجيد:عبورتي
عبير سرحانه ولا ترد
عبدالمجيد يمسك دقنها ويلف وجهها له:عبورتي وش فيك
عبير بابتسامه:ولا شي
عبدالمجيد:سرحانه في ايش
عبير:خايفه على سحر وأفكر فيها وفي أبوي وفي المستقبل
عبدالمجيد:ان شاء الله ما في إلا كل خير
عبير :ان شاء الله
رن جوال عبدالمجيد وشاف الاسم وطالع عبير ومرسوم على وجهه الجديه
عبير:وش فيك من المتصل
عبدالمجيد:عمي
عبير وهي تمسك يد عبدالمجيد وتشد عليها وبخوف:أبوي
عبدالمجيد شد على يدها:ايه وما له داعي هالخوف وأنتي الحين زوجتي وما في شي في هالدنيا يغير هالحقيقه لاتخافين انا معاك
عبير هزت راسها
عبدالمجيد مارد عليه
عبير:أكيد عرف اننا تزوجنا
عبدالمجيد:أكيد
عبير:وأكيد ما عرف إلا من سحر يالله خايفه عليها كثير اخاف سوى لها شي الله يخليك اتصل عليها علشان اتطمن
عبدالمجيد وهو يحضنها:طيب حبيبتي بس أنتي هدي
رفع جواله واتصل وما في احد يرد وجرب مره ثانيه ونفس الشي ما في احد يرد
عبدالمجيد:ما ترد
عبير:يا ويلي على أختي
عبدالمجيد وهو يمسح على راسها:خلاص حياتي أكيد ما فيها شي بس تلاقينها نايمه أو في مكان وما سمعت صوت الجوال
عبير:تظن
عبدالمجيد:ايه سحر مو غبيه علشان ما تحسن حساب عمي صح ولا لا
عبير:صح
عبدالمجيد:ماله داعي الخوف وانا شوي وراح ارجع اتصل عليها اوكي
عبير:اوكي
كملوا مشى وهو محاوط كتوفها ويتمنى من كل قلبه ان الكلام اللي قاله لعبير يكون صحيح

&&&&&&&&&&&&&&&&

صحت من النوم وهي تحس راسها ثقيل طالعت الساعه
سحر وهي تمسك راسها:اووووووووف نمت كل هالوقت
قامت شافت نفسها لحد الحين بثيابها وما غيرتها فتحت دولاب ساره وخذت ملابس ودخلت الحمام تأخذ لها شور وبعدها طلعت وخذت جوالها وشافت فيه اتصالات من أبوها ومن عبدالمجيد
اتصلت على عبدالمجيد
ردت عبير:الو سحر فيك شي
سحر:لا حبيبتي ما فيني شي
عبير:ليه ما تردين
سحر:كنت نايمه والجوال على الصامت
عبير زفرت بخوف:الحمد لله
سحر :ليه وش صاير
عبير:أبوي اتصل وقلنا أكيد أنتي اللي قلتي له وخفنا تكونين رجعتي البيت وسوى فيك شي
سحر:لا تخافين انا ما رجعت البيت انا رحت عن ساره ونوره
عبير:ايه كذا أحسن
سحر:أنتي وش أخبارك وأخبار الكل
عبير:الحمد لله كلنا بخير
سحر:زين يله انا لازم اصكر
عبير:طيب بس انتبهي على نفسك وكلميني دائما
سحر:من عيوني وسلمي لي على الكل
عبير يوصل مع السلامه
سحر مع السلامه
صكرت السماعه
وسمعت صوت صراخ وهواش وضرب طلعت الصاله وتفاجات من المنظر

&&&&&&&&&&&&&

بعد ما ناموا إخوانها حست النوم مجافيها قامت ولفت الحجاب على راسها وحطت الشال على كتفها ونزلت تحت وطلعت للبحر وصارت تمشي وهي سرحانه وكانت في ثلاث عيون تطالعها
حست بحركه وراها لفت وتفاجات من اللي شافته
الجوهره وبعصبيه:انت

&&&&&&&&&&&
لهنا أوقف واترك لكم حرية التعليق
&&&&&&&&&&&&&&&
شامخة وبنت رجال وجاء من يغلبني
&&&&&&&&&&&&&&&&

&&&&&&&&&&&&&&
شامخة وبنت رجال وجاء من يغلبني
&&&&&&&&&&&&&&&
البارت الثامن عشر
&&&&&&&&&&&&&&&&

سمعت صوت صراخ وهواش وضرب طلعت الصاله وتفاجات من المنظر
شافت ساره تتصارع من ولد صغير و دبدوب ونوره قاعده قدام التلفزيون وتأكل فشار ولا همها
ساره:والله لأوريك يالخايس
الولد:انا أعلمك وانا ولد أبوي
ووقف لما جات عيونه على سحر
الولد:من ذي
نوره اللي تتابع التلفزيون انتبهت لهم:صحيتي
ساره تركت الولد وبابتسامه:صح النوم يا قميل
سحر باستغراب:وش تسوون
الولد:يا ويلي من هالمزيونه
ساره تطقه على رأسه:وجع يوجعك يا قليل الحياء
الولد بلقافه:من أنتي
سحر:أكيد انت زيد
زيد وهو شاق الحلق ونص الضروس طايحه ونصحها مأكلها السوس من كثر البلع:يا ويلي ويلاه انا تعرف اسمي بنت صاروخ مثلس يالله توني ادري إني مشهور
نوره:الحمد لله والشكر من زين الوجه تنشهر
زيد:لا تكفين بموت عليس يا اليسا
ساره وهي تضربه على رأسه مره ثانيه:زويد احترم نفسك لا أدوس ببطنك
زيد:هذا اللي ناقص سوير تدوس ببطن زيد رجال البيت
سحر تجي وتجلس جنب نوره:وهذي كله تتهاوش
نوره:تعرفين سوير لو ما تهاوش احد تهاوش نفسها
ساره وهي تمسك زيد:انا أعلمك ان ما سويت لك حركت انترتيكر ما أكون سوير بنت مهاوش
زيد:روحي زين انا بعلمك والله لأربيك بحركة جون سينا...ويركب على الكنب
وصاروا يتصارعون ويتعافسون
سحر:شوفيهم بيذبحون بعض
نوره وهي تتابع التلفزيون:يا شيخه هذول قطاوه ما ينخاف عليهم كله دقايق وتلقينهم يضحكون ولا يسولفون أنتي بس تابعي الفلم واكلي فشار
وفعلا ما مر ربع ساعه إلا زيد و ساره قاعدين على الكنب وهم تعبانين من الهوشه مع بعض
زيد وهو يضحك بضروسه الطايحه:وش اسم القمر
سحر:اسمي سحر
زيد وهو يحرك حواجبه:والله اسم على مسمى سحر وأنتي والله سحر
سار:زويد لا تخليني أصفقك من جديد
زيد مطنش:انا اعرفس بنفسي معاس زيد مهاوش والرقم..... 050248
سحر:ههههههههههه
زيد:يا ويلي على الضحكه اللي تقول نغمه موسيقيه
نوره بعصبيه:زويد استح على وجهك لاجي أعلمك الأدب
زيد وهو يلف على التلفزيون:اووووف منكم حرام الواحد يعبر عن إعجابه يا ناس
سحر:الحين هو اخو من فيكم
نوره:اخو سوير بس انا اعتبره اخوي انا بعد
سحر:اها تصدقين فيه شبه من ساره
نوره:ايه صح في الهبال
سحر:ههههه حرام عليك والله يجنن
زيد اللي انتبه لأنه من البداية قاط إذنه:يا لبى قلبس والله أنتي اللي تجننين يا قمر
سحر:ههههههههه
نوره:زويد قاط إذنك جعلها القطع
ساره:هيه لا تدعين على اخوي بس انا ادعي عليه عادي بس غيري لا
زيد:ايه صح بس ساره تدعي علي لأنها أختي وتصير لي
سحر تحاول تكتم ضحكتها:ههههههههه
نوره:الحمد لله والشكر مالت عليس وعلى ذا الدب اللي معاس
زيد:انا دب بس اجنن...ويلتفت لسحر:صح
سحر بضحكه:صح
نوره: إلا دب قطبي ابو شعر تلوع الكبد
زيد:ذا الدب بيجي الحين يجلس عليس وتموتين
ساره:ههههههههههههههههه
زيد وهو مستغرب:وش يضحكس
ساره:تخيلت انك تقعد عليها ونوره تطلع عيونها
زيد: سخيفه وغبيه وتخيلس مثل وجهس
سحر ونوره :ههههه ههههههههه
ساره تفشلت وعصبت:انا أعلمك منو الغبي
ورجعوا يتعافسون ويتصارعون مره ثانيه

&&&&&&&&&&&&&&&

بعد ما ناموا إخوانها حست النوم مجافيها قامت ولفت الحجاب على راسها وحطت الشال على كتفها ونزلت تحت وطلعت للبحر وصارت تمشي وهي سرحانه وكانت في ثلاث عيون تطالعها
حست بحركه وراها لفت وتفاجات من اللي شافته
الجوهره وبعصبيه:انت
خالد :ليه متوقعه احد ثاني
الجوهره:وش جابك هنا
خالد :جاي اشوفك
الجوهره رجعت على وراء لا إراديا وكلها حذر:انت وشلون عرفت مكانا
خالد :أنتي نسيتي ان اخوك متزوج أختي وباتصال بسيط عرفت مكانكم
الجوهره بعصبيه وبصوت هادي:انقلع من هنا
خالد وهو يقرب:كلمة انقلع ما تنقال لي
الجوهره رجعت أكثر على وراء
خالد :خايفه
الجوهره:انت المفروض اللي تخاف مو انا
خالد:مو خالد اللي يخاف
وصلهم الصوت من وراء:معاها حق انت المفروض اللي تخاف على نفسك
التفتوا وشافوا طلال يمشي جهتهم لحد ما وقف جنب الجوهره ويكمل:تدري ليه لان لو ذبحتك الحين ودفنتك محد راح يدري عنك
خالد ابتسم بسخريه:تذبحني وتعب قلب بنت عمي علي
الجوهره ساكته وصارت تطالع طلال وكأنها تنتظر رده
طلا وهو ماسك نفسه وملامحه ما تدل على الخير ابد:فارق من هنا لا يجيك شي ما يعجبك
خالد و الابتسامه لحد الحين على وجهه:انا رايح واللي جيت علشانه تحقق
وصار يطالع الجوهره ومشى من المكان
بعد لحظات الجوهره حست ان سكوت طلال يعني شي وما تدري ليه خافت انه يفهم غلط وقررت تقطع الصمت وتبرر
الجوهره:انا....
طلال يقاطعها بنبرة غضب:اسكتي
لف لها والغضب مبين في عيونه :لو احد ثاني طلع وشاف منظرك وأنتي تكلمينه و بها الوقت وش راح يقول
الجوهره تفاجات من كلامه ومن تفكيره وبعصبيه:راح يقول خالد كلب وما راح يشك فيني
طلال بصراخ:شلون جاء هنا
الجوهره:ما ادري
طلال سحب نفس:ادخلي
الجوهره:بس......
طلال:قلت ادخلي يا الجوهره لاني ما اضمن إني اقدر امسك نفسي أكثر....وصار يضغط على يده بقوه
الجوهره هزت راسها مو مصدقه اللي تسمعه ومشت ودخلت وراحت الغرفه ودخلت بهدوء وانسدحت جنب أختها وهي مقهوره من طلال شلون يظن فيها كذا
الجوهره:صدق شي يقهر مو كافي اللي مسويه فيني والله انا الغلطانه اللي فكرت ابرر له المفروض أتجاهله ولا اهتم باللي يقوله ولا وش يفكر انا واثقه من نفسي وهو ما يهمني...وغمضت عيونها على هالفكره

&&&&&&&&&&&&&

رد: شامخة وبنت رجال وجاء من يغلبني لكاتبتها انا روح أمي وقلبها

قاعد ومو جايه نوم من بعد ما قرأ الرساله اللي وصلته من بنته وهو يحس نفسه مجنون راح لهم البيت بس قالوا له انهم سافروا وما في احد في البيت ..رفع جواله واتصل على ولده
في السياره وهو مبسوط من اللي سواه وهو جالس جنب صديقه سعد اللي يسوق
رن جواله شاف الرقم واستغرب انه داق عليه :الو
ابو خالد:وينك فيه يا زفت
خالد بكذب وهو حاس ان فيه مصيبه:انا مسافر ليه
ابو خالد:ابغى افهم شلون يا غبي يا ثور تروح وتملك لأختك وأنت عارف رأيي بها الموضوع من زمان وش قصدك من هالحركه تعاندني يعني
خالد عصب وصار يسب ويلعن على سحر في سره لان أكيد ما في أحد علم عليه غيرها:لا يبه لا عناد ولا غيره بس....
ابو خالد يقاطعه:لا تقول يبه ولدي ما يعصاني يالخاسي
خالد:يبه اسمعني.....
ابو خالد:لا تقول يبه اللي يوطي راسي ما هوب بولدي فاهم و هذاني اقولك أحسن لك لا توريني وجهك ابد
صك ابوه السماعه في وجهه وهو رمى الجوال بعصبيه وطاح عند رجوله وصار يسب ويتوعد
سعد:وش فيك
خالد:ما فيني شي
سعد:ما فيك شي وأنت شوي ويطق عرقك
خالد بعصبيه:أقول سق وأنت ساكت لاني ماني فايق لك
سعد سكت وهو يعرف خالد إذا عصب المفروض محد يكلمه
خالد في نفسه:هين يا سحير انا أعلمك شلون تروحين تعلمين علي أبوي انا اوريك
وصار يتنفس بضيق

&&&&&&&&&&&&&&

قاعد في البلكونه وحاس بقهر في قلبه هو ما يشك فيها لأنه عارفه بس حس انه مقهور علشان كذا قال اللي قاله ويحس وده يذبح هالخالد
لمح ظل احد واقف قريب من البلكونه
طلال وهو يوقف:من هناك
ميري :هزا انا
طلال باستغراب:ميري وش عندك ما نمتي لحد الحين
ميري:انا أول لازم قول هزا كلام عن جوهره بعدين انا روه نوم
طلال: تعالي اجلسي وقولي لي اللي تبغينه
راحت عنده وجلست على الكرسي وبدت تتكلم وطلال يسمع لها

&&&&&&&&&&&&&

قاعده في الغرفه وهي تفكر في حال اهلها وكيف أسرتها تفككت هي صحيح ما كانت أسره سعيده بس على الأقل كانوا مع بعض
رجعت بذاكرتها للوراء لامها وكيف قدرت تقنعها بزواج عبير وعدم طلاقها من أبوها
وصلت عند بيت خالها ودخلت وشافت أمها قاعده بالصاله
سحر:السلام عليكم
أم خالد وهي تلوي فمها:وعليكم السلام
سحر وهي تحب رأس أمها:أخبارك
أم خالد:بخير وإذا تظنين أبوك بيكسر راسي فما عاش من يكسره
سحر تنهدت: وش هالكلام اللي سمعته
أم خالد:وش سمعتي
سحر: انك تبغين تتطلقين
أم خالد:وش فيها لا انا أول وحده ولا أخر وحده
سحر:الصراحه انا لو مكانك ما أفكر ابد هالتفكير هجل اترك الجمل بما حمل لميسوه
أم خالد: وش قصدك
سحر وهي تطالع أمها من طرف عينها:لو تطلقتي راح تاكل ميساء كل الفلوس لحالها وأنتي يا يمه ما راح تذوقين ولا ريال وهي اللي بتطلع ربحانه
أم خالد:ها
سحر:ايه هذا اللي بيصير
أم خالد:انا شلون طافني هالشي
سحر:أنتي الله يهديك يا يمه خليتي الغضب يعميك ولا انا اخبر ما يطوفك شي
أم خالد:والله انك صادقه
سحر ابتسمت وقالت في نفسها:مثل ما توقعت الفلوس المرتبه الأولى عندها والله الحين عرفت خالد طالع على مين في سالفة حبه للفلوس والطمع
سحر :يمه انا الصراحه ما جيتك علشان هالموضوع
أم خالد:هجل علشان وشو
سحر:علشان عبور
أم خالد:وش فيها
سحر:راح تتزوج
أم خالد:نعم تتزوج وانا أمها ما عندي خبر و بتأخذ من ان شاء الله
سحر:راح تتزوج عبدالمجيد ولد عمي
أم خالد:خير خير وش قلتي عيدي ما سمعت
سحر:راح تأخذ عبدالمجيد والملكه بكره
أم خالد:انا اخلي بنتي تتزوج ولد سالم هذا اللي ناقص
سحر:وش فيه ولد سالم يدير حلال إخوانه وعنده شركه
أم خالد بسخريه:تسمين اللي عنده شركه
سحر:يمه كل صغير يكبر وعبدالمجيد تعرفين انه خطب عبير كم مره بس أبوي كان دائما يرفض وأنتي إذا خليتيه يأخذ عبور ووقفتي معاهم راح تكبرين في عينه انت أم زوجته وخلينا صريحين أبوي وهذاك شفتي انه رماك وخالد تعرفينه ما يحب إلا نفسه وأكثر وحده تحبك عبير وتتمنى رضاك فلو جيتي لملكتها بكره بتفرح وعبدالمجيد اللي تقولين صغير راح يكبر وينعرف بكره في السوق وأنتي راح يعم عليك الخير
أم خالد سكتت وهي تفكر
سحر وقفت:انا حبيت افتح عيونك وأنتي احسبيها عدل
أم خالد طالعت بنتها وتفكر في كلامها
سحر:يله مع السلامه.....طلعت من بيت خالها وخلت أمها مع تفكيرها الجشع
رجعت للحاضر وهي تتنهد وتردد كلمه وحده:يارب ان شاء الله يمشي كل شي تمام

&&&&&&&&&&&&&&&&

أشرقت شمس الصباح بنور يضفي جمال على البحر
في المطبخ
أم عبد المجيد وام دلول يسولفون
أم عبدالمجيد:استغفر الله الناس تقول يالله صباح خير وأنتي تحشين في خلق الله
أم دلول:وانا وش قايله غير الصدق هجل بالله عليك أم شوقي هالفيله أم 105كيلو تلبس هالملابس حقت الناس الرشيقين والله يوم جلست رحمت هالبنطلون اللي مات
أم عبدالمجيد تشرب شاهيها وهي تهز راسها بعدم رضى
دخلوا عليهم الجوهره ودلول:صباح الخير
أم عبدالمجيد وام دلول:صباح النور
الجوهره وهي تجلس:وشفيكم
دلول:زي العاده أكيد أمي قالت شي ما عجب خالتي
أم دلول:عشتوا الحين صرنا ما نعجب
دلول:من قال أصلا أنتي الغلا كله يا الغاليه أنتي حياتي وعمري....وتبوس راسها:فديتك راسك انا
أم دلول تدز بنتها:ايه العبي علي بهالكلمتين شفتيني مسكينه وقلبي رهيف صرتي تلعبين علي بها الكلام الحلو
أم عبدالمجيد بصوت هامس:لو أنتي مسكينه هجل احنا وش نطلع
الجوهره كاتمه ضحكتها وتطالع أم دلول
أم دلول:وش قلتي كأني سمعت احد يتكلم فيني
أم عبدالمجيد:الحمد لله من جاب طاريك
أم دلول تطالع أم عبدالمجيد بشك
أم عبدالمجيد:وش فيك تطالعيني كذا وكأنك مكذبتني
أم دلول وهي تلف وجهها:ولا شي
دلول و الجوهره يطالعون بعض وفيهم الضحكه

&&&&&&&&&&&&

رد: شامخة وبنت رجال وجاء من يغلبني لكاتبتها انا روح أمي وقلبها

في بيت متواضع مثل الحي اللي ساكنين فيه
حنين تبوس رأس أمها:صباح الخير
أم حنين:صباح النور والسرور
حنان وهي تبوس رأس أمها بعد:صباح الخير يمه
أم حنين:الله يرضى عليكم صباح الخير
أم حنين وهي تفطر:أقول يمه حنين
حنين:نعم يمه
أم حنين:ما قال لك فيصل متى الجلسه
حنين وهي تقلب وجهها:إلا يمه باقي عليها يومين
أم حنين بين عليها الخوف:الله يستر ويسهل
حنان:يمه وش فيك
أم حنين: والله يا بنيتي أحس بخوف
حنان باستغراب:من ايش
أم حنين:اخاف عساف يجي لنا البيت ولا يسوي لنا مشاكل من ذاك اليوم ما بين عسى هالغيبه ما وراها مصيبه ولا بلوى
حنين بعصبيه:عسى ربي يأخذه ان شاء الله ونفتك منه
أم حنين:ان شاء الله ربي بيفكنا منه ونرتاح
حنان وحنين:أمين
دخلت روئ اللي كانت تحك عينها وتوها صاحيه من النوم:ثباح الحيل (صباح الخير)
الكل:صباح النور
جلست بحضن حنان:ابعى حليب
حنان:أول حبيبتي تعالي معي اغسل وجهك بعدها نجي نشرب حليب
روئ:زين
قامت حنان مع روئ وبقت أم حنين وحنين
أم حنين:أقول يمه انا ملاحظه عليك شي
حنين باستغراب:علي انا وشو
أم حنين:ملاحظه ان كل ما جبنا طاري فيصل تضايقتي ولا تقولين أتوهم لان إحساسي عمره ما خدعني
حنين حست انها تورطت:يمه الله يهديك من قال
أم حنين:محد قال عيوني شافت
حنين تنهدت وبين على وجهها الضيقه
أم حنين:شفتي حتى الحين بين على وجهك انك متضايقه أنتي ما ودك بفيصل زوج لك
حنين:تبين الصراحه يمه والله ما ادري
أم حنين :شلون ما تدرين
حنين:انا ما أنكر في البداية قلت موافقه علشان فلوسه والخير اللي هو فيه بس بعد مواقفه وانه ما خلانا لحالنا ما ادري أحس إني مو قادره احدد ايش ابغى
أم حنين:غزا قلبك
حنين تطالع أمها باستغراب:وشو
أم حنين: الحب بديتي تحبينه
حنين بضحكه:لا يمه ما اعتقد
أم حنين:انا قلت لك وأنتي حره
حنين ابتسمت لامها وتفكر :هل معقوله ممكن أحبه لا ما اعتقد كل الي أحسه اتجاهه بسبب الأفضال اللي متفضل بها علينا مو أكثر ولا اقل
وصارت تطالع أمها اللي طالعتها وهزت راسها وكأنها تأكد لها اللي قالته نزلت عيونها ورجعت لفطورها

&&&&&&&&&&&&&

صحت من النوم غسلت وجهها وطلعت للمطبخ لقت ساره ونوره يفطرون وهم لابسين وخالصين
سحر :صباح الخير
نوره :صباح الخير
ساره:يأبشني هالوش يا صباح الفل
سحر ابتسمت لكلام ساره اللي تعودت تسمعه منها
نوره:سحور أنتي خذيتي أجازه
سحر:ايه خذيت أجازه حاسه ان ما لي خلق دوام و عوار رأس
ساره:والله حتى انا ودي اخذ أجازه بس ما اقدر
سحر :ليه
نوره: مخلينها لحد ما تجي العطله الكبيره للمدارس ونأخذها ونسافر الجنوب
سحر:اها...وتذكرت:إلا صدق ممكن اسالكم في شي
ساره ونوره:أكيد
سحر:ابغى اسالكم بخصوص مشعاب وذياب
نوره:وش فيهم
سحر:هم ما شافوكم من قبل
ساره ونوره طالعوا بعض وهزوا روسهم بلا
سحر:انا ما ادري انتم كيف تتزوجون ناس ما شفتوهم من قبل
ساره:ومن قال ما شفناهم
سحر:يعني شفتوهم
نوره:ايه
سحر:زين وش انطباعكم عنهم
ساره:عن من
سحر بملل:اووووووووف اقصد أزواج المستقبل طبعا
نوره:ما في انطباع
سحر:شلون ما في انطباع
ساره:وش الانطباع اللي مفروض نأخذها من صور لناس في ثالث متوسط
سحر بمفاجئه:ها وش قلتي
نوره:اللي سمعتيه
ساره:أخر صوره كانت لهم في ثالث متوسط ولا انا غلطانه
نور: لا مو غلطانه
سحر :انتم من جدكم تتكلمون
ساره ونوره:ايه
سحر :والله انتم ناس غريبين
ساره بهبل:زي سوبر مان يا حليلنا طلعنا خارقين وإحنا ما ندري
سحر ابتسمت على جملتها
نوره:أقول يالخبله تأخرنا على الشغل يله
ساره :ايه والله
قاموا وودعوها وراحوا على شغلهم
وهي بقت تكمل فطورها وتحمد ربها على صديقات مثل ساره ونوره

&&&&&&&&&&&&&&&

في الشاليه الكل يلعب بالدبابات
الجوهره واقفه مع دلول تتفرج عليهم
دلول بهمس للجوهره:وش فيك
الجوهره تلتفت لها:ما فيني شي
دلول:لا تفكرين تكذبين علي لان انا وأنتي ربع من عمر ولو تلعبين على الدنيا كلها ما لعبتي علي
الجوهره سكتت وما ردت
دلول:طلال
الجوهره تنهدت بضيق
دلول:يعني مثل ما توقعت هو اللي مضيقك
الجوهره:ما عاش من يضيقني بس.....
دلول:بس ايش
الجوهره:خالد كان هنا أمس
دلول شهقت:وشو
الجوهره:اللي سمعتيه جاء هنا أمس بالليل
دلول:وأنتي وش دراك
الجوهره:ما جاني نوم طلعت امشي شوي إلا شفته وفجاه طب طلال علينا
دلول:وأكيد تهاوشتي معاه علشان كذا أنتي معصبه ومتضايقه
الجوهره:لا لأنه ما يهمني
دلول:حسبي الله عليك يا خويلد يا وجه النحس يا معفن وأنتي لا تلومين طلال
الجوهره:نعم شلون ما ألومه
دلول:قبل لا تلومين أي شخص حطي نفسك مكانه يا الجوهره
الجوهره:دلول واللي يرحم والديك صكي الموضوع لاني ما ابغى أتكلم فيه
دلول:اوكي على راحتك
جاء ماجد وهو راكب على الدباب:دلول وش رايك تركبين معاي
تو دلول بتتكلم إلا جاي علي:حنا ما عندنا بنات يركبون دبابات
ماجد: وش دخلك يا شيخ زوجتي وانا حر لو اركبها صاروخ كيفي
علي:لا لا مو كيفك من يقول
ماجد:خلني امشي قبل لا اخذ قصاص فيك
حرك دبابه ومشى
دلول:علوي وش فيك عليه من أمس وأنت مو صاحي كل شوي ناط لنا
علي:انا اخبر الولد يركض وراء البنت بس أنتي خربتي أم النظريه
دلول:أحسن لك تفارق لا أخليك تشوف النجوم تطير من حولك
علي حرك الدباب وهو خايف وراح جهة الشاليه وطلعت له ميري:ها كلو هاجه تمام
علي وهو يتلفت:ايه
ميري وهو تضحك:كويس والله انا جنن هزا مثل ما هو جنن انا
علي:ههههههه ان شاء الله يا ميري ما يجي يوم وتحقدين علي
ميري دخلت يدها في جيبها وطلعت 50 ريال وعطتها علي
علي:وشو ذا لا احنا اتفقنا على 50 ريال لليوم الواحد والحين احنا في اليوم الثاني وين 50 الثانيه
ميري:ايش هزا انت في سرقه فلوس انا
علي:ميريو والله لو ما تعطيني الخمسين الثانيه بعلم عليك ماجد اللي بيذبحك
ميري طالعت عيونها وحقدت على علي ودخلت يدها في جيبها وعطته الخمسين الثانيه وهي تتحلطم
علي:ايه الحين احنا متفاهمين يله سلام
حرك دبابه ومشى وميري تتحلطم عليه

&&&&&&&&&&&&&&&&&

رد: شامخة وبنت رجال وجاء من يغلبني لكاتبتها انا روح أمي وقلبها

في مكان ثاني بعيد عن جو اللعب و الوناسه
وقف معصب:وش قلت أبوي سوا كل هذا لا هذا من جد استخف
: اجلس وخله يكمل كلامه
صاروا يطالعونه بتركيز والغضب مبين بوجيهم
تركي:انتم قلتم لي أروح معاه مكان ما يروح وهذا اللي خلاني احضر معاه حفلاته وأبلغكم باي شي يصير وعلشان احنا أصدقاء من فتره طويله سويت اللي طلبتوه مني والشي اللي قاعد يسويه أبوكم الحين ما اعتقد ترضون فيه ولا انا غلطان يا شملان
شملان وهو معصب ومفور من تصرفات ابوه المراهقه:لا منت غلطان وانا أسف يا تركي لاني طلبت منك من البداية تراقبه بس انت الوحيد اللي ما كان راح يشك فيك
تركي:لا تعتذر ما بينا هالسوالف
شملان:ما ادري وش أسوي معاه هو تعدى كل الحدود ولا وش رايك يا عدي
عدي:أمي لو درت ما ادري وش راح يصير لها هي ما عادت تتحمل حركات أبوي
شملان:ما لازم تدري
تركي وقف:انا بترك لكم سالفة أبوكم بس اتمنى توقفونه عند حده وبنات الناس مو لعبه
شملان هز رأسه وسكت
عدي:لا تخاف أبونا بنعرف كيف نتصرف معه
تركي:مع السلامه
طلع وترك شملان وعدي لحالهم
شملان ضرب الطاوله بأقوى ما عنده وعدي نقز من الضربه:هذا متى بيعقل لمتى بيظل مفشلنا ومسود وجيهنا بين الناس مو مستوعب ان اسم شركه شملان صار عالي وأي حركه محسوبه علينا
عدي:هد يا شملان الأمور ما تنحل بالعصبيه
شملان:اتصل فيه وخله يجي بسرعه
عدي:طيب طيب.... رفع جواله واتصل في ابوه ونظراته على أخوه اللي معصب وبينفجر
(شملان:ولد ابو شملان شديد لأبعد حد وراح اخلي الروايه هي تعرفكم عليه
عدي:ولد ابو شملان الثاني وهو بعد الأحداث راح تعرفكم عليهم)

&&&&&&&&&&&&&&&




&&&&&&&&&&&&&&&

تابع

واقفه عند البلكونه لحالها سمعت صوت من وراها:ما كنت اعرف انك تحبين الوحده
ما ردت عليه وما كلفت نفسها أصلا انها تلتفت
جاء جنبها وظل يطالع البحر معاها وبعدها تنهد
التفت لها:ما كان المفروض أتكلم معاك بذيك الطريقه
الجوهره :لارد
طلال:كنت معصب من وجوده وهذا اللي خلاني أقول اللي قلته
الجوهره:مو مهم
طلال ظل يطالعها وبعدها:قصدك ما تهتمين
الجوهره ببرود:لا لأنك ما تعني لي شي...ولفت تطالع طلال ببرود
ظل يطالع عيونها بعدها ابتسم
الجوهره وهي مقهوره من ابتسامته:ما اعتقد ان في شي يضحك
طلال:اضحك على اللي يحاولون يكذبون بس ما يعرفون
الجوهره:وش قصدك
طلال:أنتي كذابه
الجوهره بعصبيه:انا كذابه
طلال ببرود:ايه أنتي ليه في احد غيرك هنا
الجوهره:وليه يا (دكتور فيل) تقول عني إني اكذب
طلال بضحكه على تشبيها:لأنك مهتمه فيني
الجوهره بسخريه:ههههاي انت أكيد تهلوس
طلال:انا ما جبت هالاشياء من عندي انا جبتها من عندك
الجوهره لفت له وهي مو فاهمه وش يقصد
طلال وهو يبتسم مسك يدها ورفعها:هذا وش يسوي لحد الحين في يدك
الجوهره صارت تطالع يدها وشافت الخاتم وحست بفشيله وحست ان ما في رد عندها على غير العاده
طلال نزل يدها ومسك السلسال اللي في رقبتها:وهذي ليش لحد الحين مو في الزباله مع الخاتم مثل ما قلتي لي
الجوهره ساكته وما ردت
طلال:شفتي إني أهمك
الجوهره وجها صار احمر وعصبت لأنها حست انه استهزئ فيها:لا تخاف راح يكون مصيرهم الزباله مثل ما قلت
طلال:أنتي ليش تبنين حواجز ليش حاطه حولك أسوار ليش
الجوهره لفت للبحر وما ردت عليه
طلال تنهد:اعتذر عن أمس
الجوهره:قل لك مو مهم
طلال:ما كنت ادري بكل اللي صار بينك وبين خالد
الجوهره لفت بسرعه له وشافته مبين عليه العصبيه
الجوهره بشك:انت عن ايش تتكلم
طلال:اقصد الإزعاج اللي كنتي تلاقينه وقت ما رحتي تعيشين عن عمك ابو خالد
الجوهره سكتت وهي تسترجع وحده من هالذكريات
سمعت صوت صراخ أم خالد:جويهر.. جويهر.. ووجع
الجوهره:نعم
أم خالد:نعامه ترفسك ان شاء الله ما تسمعين ساعه وانا أناديك
الجوهره:ما سمعتك
أم خالد: روحي جيبي لعمك القهوه
ابو خالد:كان وصيتي الخدامه ابرك منها ما ظنتي يجي من بنت سالم خير ابد
الجوهره طالعتهم وراحت المطبخ وهي مقهوره وحضرت القهوه ورجعت وحطتها على الطاوله
وراحت تصعد فوق وهي صاعده قابلها خالد على الدرج
خالد:اهلين بالحلوين
الجوهره رجعت درجه وهي تطالعه بحذر
خالد:تو تو كذا ازعل تخافين من ولد عمك
الجوهره:انا ما اخاف بس انا أعرفك انت مثل الحيه
خالد:ههههههه حلو التشبيه مثلك ...نزل الدرجه وسمعوا صوت عبير اللي تعرف حركات أخوها وما يطوفها شي تنادي الجوهره
خالد وخر والتفت شاف عبير في اعلي الدرج:جوجو ممكن تجين شوي
الجوهره زفرت وبابتسامه:أكيد
وخر خالد وهي مرت ووصلت لعبير اللي سحبتها معاها لغرفتها وخلوا خالد تحت
دائما في بيت ابو خالد الوحيده اللي دائما تساعدها عبير
رجعت لحاضر على صوت طلال:وين رحتي
تنهدت بضيق :ما رحت مكان
سمعوا أصوات وجاهم نايف يبكي:ماما ريان مات في الماء
الجوهره بفجعه:ايش ...نزلت من الدرج بسرعه وما انتبهت لطلال اللي راح يركض جهة الصوت
وصلت لهم وهي تحس ان رجولها مو شايلتها وقلبها يدق لدرجه انها تسمع صوته في إذنها
شافت عبدالمجيد وماجد وطلال حول ريان المدد على الأرض وشوي جات دلول
الجوهره بصراخ هستيري:ريون ...ريون
عبدالمجيد يمسكها :الجوهره اذكري الله
شافت طلال يضغط على صدره ويسوي له تنفس صناعي
الجوهره وهي بدت تبكي وتردد بصوت عالي:مات ..مات..
شافت ريان يكح نزلت له على طول على ركبها
طلال يقلب ريان على جنبه علشان يطلع الماء والجوهره تأخذه في حظنها وبصراخ
:ريون ...حبيبي رد علي ريون
شافته يطالعهم ويكح
الجوهره وهي تمسح على راسها:اه يمه اخوي ....وصارت تبكي
ماجد:الجوهره خلاص الولد ما فيه شي شوفيه
الجوهره وهي ماسكته وكأنها خايفه تتركه وتفقده:اهئ...اهئ.. اهئ ... اخوي
طلال وهي يهديها:خلاص الجوهره خوفتي الباقين
عبدالمجيد :اتركيه خليني ادخله داخل
الجوهره تهز راسها علامة الرفض وهي تبكي وتشد عليه بقوه
دلول واقفه وتبكي ومو عارفه وش تسوي
جات أم عبدالمجيد وام دلول يركضون بعد ما قالت لهم ميري
طلال وهو يمسك يدها الملتفه حول ريان:حبيبتي اتركيه يله خلينا ندخله داخل
الجوهره: بيروح مني
طلال:ما في احد بيروح شوفينا كلنا هنا ...كرر وهو يشد على يدها :اتركيه
الجوهره وهي تطالع طلال بدت ترخي يديها وعبدالمجيد خذاه وهي صارت تبكي
أم عبدالمجيد تنزل لها وتأخذها بحضنها:بسم الله عليك يا بنيتي الولد ما فيه شي
الجوهره:اهئ ..كان بيروح مني...اهئ..
أم دلول:اذكري ربك والحمد لله ان ربي سلمه
الجوهره وهي تمسح دموعها:لا اله إلا الله
أم عبدالمجيد بحنيه:يله قومي خلينا ندخل داخل نشوفه
الجوهره وهي تتمسك في خالتها:خالتي حاسه رجولي ما تشيلني
حست باللي يمسك يدها:تسندي علي
ساعدها توقف وبدوا يمشون شوي شوي لحد ما وصلوا داخل وصعدوا له الغرفه والجوهره راحت له عند السرير وجلست وبدت تمسح على شعره وتبكي
أم عبدالمجيد أشرت للكل يطلعون
طلعوا وبقى طلال والجوهره
طلال وهو يحط يده على كتفها:الحمد لله ربي سلمه وما فيه إلا العافيه
الجوهره هزت راسها وعينها ما فارقت وجهه
طلال:الجوهره خلاص
الجوهره التفت له وحطت يدها على يده:مشكور طلال مشكور والله دينك برقبتي طول عمري
طلال رفع يدها وباسها وبابتسامه:العفو
الجوهره ابتسمت له بحزن وكانت هذي أول ابتسامه تبتسم له ورجعت تطالع ريان وتمسك يده
طلع وخلاها معاه بروحها ونزل تحت قابله ماجد وعبدالمجيد:ها أخبارها
طلال:هدت
ماجد:الحمد لله ان ربي سلمه من الشر
عبدالمجيد:الحمد لله ...وراح لامه وخالته والباقين
ماجد:مشكور طلال
طلال:العفو وبعدين ريان اعتبره مثل ولدي
ماجد ابتسم:كنت متأكد نظرتي فيك ما خابت
طلال:تسلم
طلع لحد ما وصل عند البحر ووقف وخذاه التفكير

&&&&&&&&&&&&

اتصلت في أمها وطلبت منها تقابلها في شقة خالد وعطتها العنوان وقالت لها الموضوع مهم ويخص أبوها وأمها رضت تجي طلعت هي من العماره وخذت سواق ساره ونوره وراحت على شقة أخوها
دخلت العماره ووصلت الشقه ورنت جرس فتح لها وهو معصب سحبها من يدها وصك الباب بقوه وعطاها كف قوي
سحر وهي طايحه على الأرض:انت مجنون
خالد:يا حيوانه اتفقتي معاي ما تقولين لأحد وتروحين وتعلمين أبوي
وقرب منها بيضربها مره ثانيه بس أمه وخرته عنها:وخر عن بنيتي
خالد:وخري يا يمه فيني قهر يا يمه ...وبصراخ :وخري
أم خالد:أقول اجلس وإحنا ما جينا هنا علشان نتهاوش
سحر قامت وهي مو حاسه بخدها :ايي حسبي الله عليك جعل ايدك الكسر
خالد هجم عليها:وتدعين بعد
أم خالد بحزم وهي توقف قدام سحر:خويلد والله ما تمد ايدك عليها وروح أنثبر أشوف
خالد جلس وجلست أمها وبعدها سحر
أم خالد:قولي وش عندك وش الموضوع اللي بغيتينا فيه
سحر:انا عندي فكره تخلي أبوي يطلق ميساء
أم خالد باهتمام:وش هي
سحر:بس ابغى مساعدة خالد
خالد اللي يطالعها بحقد:احلمي انا ما عاد لي دخل فيكم
سحر:يمه شوفيه بدونه ما راح تنجح فكرتي
أم خالد: ما عليك منه راح يساعدك وهو ما يشوف الطريق بس أنتي قولي وش عندك
سحر ابتسمت بخبث:اسمعوا

&&&&&&&&&&&&

في الشركه
جالس بين عياله اللي مبين عليهم انهم معصبين منه والشرر يتطاير من عيونهم
ابو شملان:كذب انا ما أسوي هالاشياء اللي تقولونها
عدي:يعني يا يبه احنا نكذب
ابو شملان:وش شايفيني مراهق أسوي هالاشياء
شملان ساكت ويطالع ابوه وهو عارفه عدل
عدي:يبه انت تلعب على نفسك ولا علينا
ابو شملان:يا ولد احترمني انا أبوك
عدي خذا نفس:أسف يبه بس بعد اللي تسويه مو معقول
ابو شملان:انا ما سويت شي
شملان بعصبيه:انا كل شي عندي إلا أمي يا يبه سامعني أمي
ابو شملان يطالع ولده وما رد وحاس انه تورط
شملان بصراخ:مو كافي انها صابره على حركات السهر والحفلات بعد صرت تلاحق بنات الناس خلاص اسم وسمعت الشركه وعيالك ما عاد له قيمه عندك
يكمل بعصبيه:يبه لا تخليني اضطر استخدم أسلوب ما أحبه
ابو شملان سكت وهو يعرف ولده عدل ما يرحم ولا يعرف يقدر احد لا كبير ولا صغير
شملان:انا أموت ولا أمي تنجرح ما ابغى اسمع يا يبه انك تلاحق احد ولا انت عارف وش راح يصير
ابو شملان ما رد وهو عارف وش يقدر يسوي لان كل شي مكتوب باسمه ومعاه توكيل
قام من مكانه والوضع مو عاجبه ابد وطلع
عدي:مو كأننا قسينا عليه شوي مهما كان هذا أبونا
شملان بحزم:لا ما قسينا عليه
عدي هز رأسه لأنه أحيانا يحس ان ابوه يكسر خاطره ويحس ان شملان يغلط بحقه وأحيانا يحس ان شملان معاه حق لان ابوه تمادى كثير
بعد ما طلع قابل تركي:السلام عليكم
ابو شملان:هلا وعليكم السلام
تركي:ابعد عنهم وابعد عن المشاكل يا ابو شملان
ابو شملان بعصبيه:من تقصد
تركي:احنا فاهمين بعض ابعد لا تخسر عيالك وتخسر شراكتك مع عمي ابو صالح
ابو شملان بين على وجهه الضيقه
تركي:انت تعرف عمي صالح يعني ما يحتاج أعلمك عنه وش راح يسوي لما يدري بعلومك مع اللي أهل اللي مناسبينا
ابو شملان لف وجهه بضيق
تركي ابتسم بسخريه ومشى وترك ابو شملان اللي يفور من العصبيه

رد: شامخة وبنت رجال وجاء من يغلبني لكاتبتها انا روح أمي وقلبها

&&&&&&&&&&&&&&
البارت التاسع عشر
&&&&&&&&&&&&&&&&&

دخل البيت الكبير وراح للصاله ولقى أمه جالسه لحالها
شملان:السلام عليكم
أم شملان بابتسامه:وعليكم السلام
شملان وهو يبوس رأس أمه:أخبارك يالغاليه
أم شملان بحب:بخير دام أنتوا بخير
شملان وهو يجلس جنب أمه تنهد بتعب
أم شملان بحنان:سلامتك وش فيك يا وليدي
شملان وهو ينسدح ويحط رأسه على رجل أمه:تعبان
أم شملان وهي تمسح على رأس ولدها:أبوك صح
شملان تنهد مره ثانيه بضيق وما رد
أم شملان:وحده جديده
شملان وهو يحط يده على يد أمه اللي على رأسه:لا تأخذين بخاطرك
أم شملان:عادي انا أصلا نسيت أبوك وتعودت على حركات الطيش اللي يعيشها والسبب الوحيد اللي مخليني أتحمله هو أنتوا
شملان يبوس يد أمه:الله لا يحرمنا منك وأبوي انا اعرف كيف أتصرف معاه
أم شملان:مهما صار تذكر ان هذا أبوك يا وليدي
شملان وهو يبتسم:ان شاء الله
شملان في نفسه وهو يهز رأسه بأسف:أنتي تدافعين عنه وهو يلاحق البنات والله انه ما يستأهل حتى ظفرك
وسرح بأفكاره

&&&&&&&&&&&&&&&&

جالسين على البلكونه ويتفرجون على الكل وهم يلعبون
ريان بملل:مليت ابغى أروح العب معاهم
الجوهره:لا اجلس معاي ولا طفشت مني
ريان:لا بس ودي أروح العب
الجوهره بحزم:قلت لا ولا نسيت انك بغيت تروح مني لولا ستر الله
ريان سكت وهو حاس بملل
جاهم عبدالمجيد وعبير:السلام عليكم
ريان والجوهره:وعليكم السلام
عبدالمجيد لاحظ ان ريان متضايق:ريون وش فيك ما تروح تلعب مع الباقين
ريان يطالع الجوهره:ودي بس الجوهره مو راضيه
عبير باستغراب:ليش
الجوهره:مو كل مره تسلم الجره
عبدالمجيد:اتركي الولد يروح يلعب ولو ربي كاتب شي بيصير
الجوهره: لا خله عندي أحسن
عبير:الصراحه ما توقعت تفكيري كذا
الجوهره طالعتها وما ردت عليها
عبدالمجيد طالع ريان اللي كان يترجاه علشان يقنعها لأنه يبغى يلعب
وشاف ماجد وبصوت عالي:ماجد
ماجد جاء:هلا
وانتبه لريان:أخبارك الحين ريون
ريان بدون نفس:زين
ماجد:وش فيك
عبدالمجيد:الأخت مو راضيه تخليه يلعب
ماجد:ليه
عبير:تقول خايفه عليه
الجوهره:وش فيكم يا ناس انا خايفه عليه
جات أم دلول وام عبدالمجيد
أم عبدالمجيد:وش صاير وش فيكم
ماجد:جوجو ما تبغى ريان يلعب تقول خايفه عليه
أم دلول:من وشو تخافين
الجوهره بنبرة قلق:اخاف يصير له شي علشان كذا خلوه قاعد عندي ابرك
أم دلول بسخريه:أقول وش رايك تحنطينه أحسن علشان تضمنين انه ما يتحرك
عبير وعبدالمجيد يطالعون بعض وماسكين ضحكتهم
أم عبدالمجيد بعتب:وش هالكلام الله يهديك ذا وقت طنازه
أم دلول:ما تسمعين وش تقول
أم عبدالمجيد:يا بنيتي خلي الولد يروح يلعب ولا تذبحينه بضغطك عليه
أم دلول: قوم ريون روح العب وما عليك من أختك شكل مخها جاته ضربة شمس
ريان يطالع الجوهره كأنه يستنى تقول له روح
ماجد:جوجو لا تحرمينه من الوناسه اليوم أخر يوم لنا هنا
الجوهره وهي متردده من خوفها عليه:توعدني تنتبه على نفسك
ريان بسرعه:ايه أوعدك ها أروح
الجوهره:روح بس انتبه لنفسك
ريان وهو شاق الحلق :ان شاء الله
وركض للباقين يلعب معاهم
عبدالمجيد:ماله داعي الخوف لو كل واحد صار له شي وخاف كان ما في احد طلع من بيته ولا تحرك من مكانه
الجوهره:معاك حق
أم دلول تبغى تغير الجو شهقت
الكل التفت عليها أم عبدالمجيد:وش بلاك يا وخيتي
أم دلول تدقق النظر وبوله:شفتوه
الكل:من
أم دلول وهي تاشر:فارس أحلامي بس على العصا البيضاء مو على البغل
الكل التفت محل ما تاشر أم دلول وشافوا شايب يمشي بعصا وعظام وجهه طالعه من كثر ما هو ضعيف وأحفاده يسندونه لا يطيح ووجهه كله تجاعيد
الكل ماتوا ضحك:ههههههههههه
وضلوا سوالف وضحك

&&&&&&&&&&&&&

في مكان ثاني في العماره في الشقه
خالد وقف بعصبيه:أنتي مجنونه ولا ايش
سحر:ليه
خالد:وش هالخطه اللي زي وجهك
أم خالد:وش فيها والله انها جهنميه
خالد:وش جهنميته يا يمه هذي تبغى توديني في داهيه
وبحقد:يعني ما كفاها اللي سوته وورطتني مع أبوي
سحر:بس إذا نفذناها بنفتك من ميسوه
خالد وهو يلف وجهه عنهم:انا مالي دخل
سحر:وشلون مالك دخل هجل مين راح ينفذ ما في احد غيرك
خالد وهو يأشر على رأسه:طلعوني من روسكم
سحر:يمه تسمعين وش يقول
أم خالد:ما عليك منه بينفذ ورجله فوق رقبته
خالد بعصبيه:يمه انا قلت....
أم خالد تقاطعه:إذا انت مالك دخل ما نفذنا اللي قالته أختك وبنت اللذينا ميسوه راح تلهف الأولي والتالي وانا وأنت بطلع ويدينا تصفر ما ربحنا شي وإذا على زعل أبوك أصلا هو زعلان عليك من زمان وش الجديد
خالد سكت ولا رد على أمه
سحر:أمي معاها حق نخلي كل شي يطير بسهوله ولا نحارب
خالد:بس كذا انا بفضح نفسي
سحر:تفضح نفسك و يجيك الخير ولا تسكت ويطير منك طل شي
خالد:اووووووووف
أم خالد:لا تتأفف وسوا اللي قالت عليه أختك وبعدها انا بوقف معاك
خالد باستسلام:طيب ولو إني حاس ان كل شي بيطيح براسي بس أهم شي ان ميسوه الكلبه ما تأخذ شي هو في الأساس من حقنا ولنا
سحر ابتسمت لأنها قدرت تقنع خالد بس بعد ما راح تحس بالراحه إلا لما يصير كل شي مثل ما تبغى

&&&&&&&&&&&&

في الشاليه عند أصوات الضحك والبسمه اللي انرسمت على الوجوه
جالسين في الصاله أم عبدالمجيد:الله يقطع إبليسك يا ماجد
ماجد:وانا وش دخلني
أم دلول:وشلون وش دخلك هجل تصك النافذه على رأس الرجال وتخليه يشاهق كأنه خروف بيصلخونه
الكل:ههههههههههه
نايف:ماما اليوم شفنا شي غريب
الكل سكت يسمع وش شافوا
الجوهره:وش شفت حبيبي
نايف:شفنا ميري تعطي علي فلوس
نوف:ايه ماما عطته...وتأشر بيدها على رقم اثنين:خمسين ثنتين
ميري طلعت عيونها والكل التفت يطالعها
ميري تورطت:ايش ه.. هزا كلام..ا..انت ليش كزب
نايف:انا ما اكذب صح نوف
نوف:ايه اخوي ما يكذب
ميري:قوم نوم ما في كويس سهر
وجات سحبتهم من يديهم
الجوهره:ميري وش نومه الساعه توها 7 من ينام هالوقت
ماجد وهو يطالعها:ميري أنتي ليه تعطين علي فلوس ها...
ميري:انا ما في أعطي اهد فلوس هزا بزوره في اكزب
نوف:احنا ما نكذب حتى قلتي بتجننينهم مثل ما جننوك صح نايف
نايف يهز رأسه:صح
دلول:انطقي يا أم عيون من تقصدين بتجننينهم وليه تعطين عليوي فلوس
ميري حست انها راحت بداهيه:ايش هزا كلام انا ما في قول أنتا في كزب بعدين أنتا ادخل نار
الجوهره تعرف ان إخوانها ما يكذبون علشان كذا حست ان هالوقت هو الوقت المناسب ترد لميري شوي من حركاتها معاها
الجوهره:ميري اعترفي وش له عطيتي علي فلوس ومن اللي بتجننينهم
ميري وهي تبلع ريقها:ما في معلوم
ماجد وهو يوقف:خلاص انا بروح اسأل علي
دلول:ايه روح انا حاسه ان أم عيون ذي مسويه مصيبه ويا عليوي
ميري بسرعه:ما في روه
أم دلول:لا شكل السالفه صدق ميري لا يكون ترشين ولدي
أم عبدالمجيد:وش رشوته أنتي بعد ليه ولدك يشتغل بالبلديه وانا ما ادري
أم دلول:هجل وش له معطيه عليوي فلوس
نوف:انا اعرف
ميري وعيونها طالعه وبتهديد:أنتا في قو انا طقي أنتا
الجوهره:ميري وش هالكلام لا تخوفين أختي
ميري:هزا بزوره لسان طويل
نوف والدموع في عيونها:ماما شوفي ميري تخوفني
دلول:ما يحتاج تخوفك هي أصلا خشتها خلقه تخوف
الجوهره:خلاص حبيبتي ميري ما تقصد
ماجد:قولي حبيبتي ليه ما عليك من ميري
ميري تاشر لنوف وتخوفها
نوف خافت وتخبت وراء الجوهره اللي جالسه جنبها
نايف ببرائه:ميري عطت علي فلوس علشان يجنن دلول وماجد
الكل التفت لها
ماجد:ميريو ذابحك انا اليوم يعني ذابحك
دلول:انا قايله اخوي علوي عله بس مو هالكثر اثري السالفه وراها أنتي
أم عبدالمجيد:هوووو ميري والله ما توقعت منك هالتصرف
ميري ما لقت حل غير تتمسكن وتذرف دموع التماسيح:انا في سوي كزا علشان هو جنن انا من زمان بعدين انا فكر كيف برد حرة مال انا
أم دلول:ههههههههه هههه
ماجد:خالتي وش تضحكين عليه
أم دلول:والله طلعتي مني هينه
ماجد يوعد لميري:مردوده
دلول تاشر على رقبتها معناتها بذبحك
ميري راحت وصعدت فوق وهي تبتسم لان الموضوع عدا على خير توقعت يسون فيها شي بس الأمور عدت

&&&&&&&&&&&&&
في المؤسسه
:والله ذابحني هالولد
العم صالح:لي وش بلاك مع عيالك
ابو شملان بعصبيه:عاصين حسبي الله عليهم
العم صالح:شوف انت وش مسوي
ابو شملان ارتبك:ما سويت شي وش مسوي يعني
العم صالح:ما ادري لان عيالك الكل يحسدك عليهم كل واحد شايل عنك هموم وكل واحد ينشد فيه الظهر
ابو شملان:هذا قدام الناس بس من وراكم يسون فيني العمايل
سمعوا الباب يطق
العم صالح:تفضل
دخل تركي:السلام عليكم
الكل: وعليكم السلام.... وأبو شملان يرد بدون نفس
تركي مد الملف على عمه ابو صالح:تفضل يا عم هذا اللي طلبته
العم ابو صالح :يعطيك العافيه
تركي وهو يجلس:أخبارك عمي ابو شملان
ابو شملان وهو يلف وجهه وبدون نفس:بخير
تركي يكلم عمه وعيونه ما وخرها عن ابو شملان:ما دريت يا عم إني بغيت ادخل مركز الشرطه
العم عقد حواجبه:ليه عسى ما شر
تركي :ابد بس في ناس جابوا سيرة أهل نسبا طلال وانا بغيت اذبحهم
العم صالح بعصبيه:كان علمتني علشان ادفنهم تحت التراب
ابو شملان يطالع العم صالح اللي انقلب 180 درجه
تركي وهو لحد الحين يطالع ابو شملان:لا ابد قمت بالواجب بس لو كرروها راح اقولك
العم صالح:قولي وانا أوديهم وراء الشمس هذا الغالي ولدي طلال واللي يفكر بس مجرد تفكير شين عنه امحيه وانسباه هم حسبت أهلي
تركي طالع ابو شملان وهو يبتسم
ابو شملان وهو يطلع منديل ويمسح عرقه ويقوم:ا ...انا استأذن
العم بو صالح رجع لهدوئه:وين
ابو شملان:عندي شغل
وطلع بسرعه وتركي استأذن ولحق ابو شملان
تركي:يا عمي ابو شملان
ابو شملان وقف والتفت له بحذر
تركي بهمس وهو يبتسم:هذا مثال بسيط علشان لا تفكر تأذي بنت الناس ولا تلحقها ولا ترى راح تروح وراء الشمس
وراح وترك ابو شملان اللي طلع جواله يتصل

&&&&&&&&&&&&&&

رد: شامخة وبنت رجال وجاء من يغلبني لكاتبتها انا روح أمي وقلبها

طلعت برا شافته واقف مواجه البحر ويفكر
الجوهره:لا ارجعي يا جوجو وين بتروحين أكيد بيفسرها شي ثاني انك متلزقه لا وش متلزقه هذي أول مره اجيه بس ما فيها شي هذا اقل شي بعد ما ساعد اخوك روحي وبس ولا تفكرين كثير
راحت ووقفت جنبه وهي ساكته وتتفرج على منظر البحر التفت عليها وما قدر يخفي الدهشه على وجهه بعدها ابتسم
ورجع يطالع البحر
الجوهره:اقطعي الصمت يا جوجو
الجوهره :انت عايش عند عمك الحين
طلال فرح لأنها تسال وقال بهدوء عكس كل اللي داخله:لا عايش لحالي من جيت من دراستي برا وانا ايش لحالي في بيت أمي وأبوي
الجوهره هزت راسها وسكتت
طلال:أنتي تخافين تعتمدين على احد غيرك أو ما تبغين احد يمشي كلمته عليك
الجوهره التفتت له وهي مستغربه وشلون يفهم كل اللي تخاف منه وشلون يعرف عنها كل شي
الجوهره:في شي ما تعرفه عني
طلال التفت لها وابتسم:لا اعرف عنك كل شي
الجوهره طالعته وما ردت
طلا :ما جاوبتيني
الجوهره:لا ما اخاف بس أحب اعتمد على نفسي وانا طول عمري كذا
طلال:بس تخافين تثقين باحد
الجوهره:من قال
طلال:عيونك
الجوهره ظلت تطالعه وبعدها وخرت عيونها عنه وهي تحس بشوية ربكه
طلا:العيون تفضح كل شي تدرين انها مثل كتاب مفتوح يقدر الواحد يقرا منه كل شي
الجوهره بسخريه تخفي ارتباكها:وان شاء الله عيوني وش تقول
طلال مسكها من كتوفها ولفها عليه وهو يطلع عيونها:تقول انك معجبه فيني
الجوهره طالعته وحست الجو حار ومع ان الجو فيه هواء ما حست فيه
طلال وهو يبتسم:ووجهك يؤكد هالشي
الجوهره اتخذت موقف دفاع وهي تلف وجهها:لا تكذب الكذبه وتصدقها
طلال ببرود:على راحتك بس انا متأكد من اللي أقوله
الجوهره عصبت ليه ما تدري:ايه انت كل شي تقوله صح ولا زم يمشي قلت انا بتزوج الجوهره غصب عنها وتزوجتني انا بخلي الكل يحبني والكل حبك بس انا غير افهم هالشي لان انا مو لعبه تقدر تمتلكها
وقبل ما تمشي حست باليد اللي تمسك يدها وقربها منه وبصوت حازم:أنتي تظنين إني ابغى أملكك كلعبه تظنين ان القلب يدق للعبه ليه ما تفهمين إني سويت كل هذا علشانك علشان ما افقد الحب بعد ما حسيت فيه انا ما ادري وشلون تظنين إني املك كل شي انا ما املك لا أم ولا أب ولا خوات أنتي تدرين إني أحسدك وأتمنى إني أشاركك كل اللي تملكينه أشاركك اهلك وحبهم لك أشاركك ضحكتك فرحتك حزنك بكاك وإذا كنت ابغى املك شي فهو قلبك مستكثره علي إني أحس بالسعاده والحب
ترك يدها وهو معصب منها ومشى وخلاها عيونها تطالع محل ما كان واقف وهي في حالة ذهول

&&&&&&&&&&&&&&

في مكان ثاني وبصراخ
:وشلون يعني ما عاد لك دخل
ابو شملان:انا والله ما عاد لي دخل بالموضوع انا مو مستعد اخسر كل شي علشان هالسحر وخطة انتقامك
ميساء:الشرهه مو عليك الشرهه على اللي يعتمد عليك
ابو شملا:احترمي نفسك واعرفي تكلمين من
ميساء:اكلم من يعني واحد جبان هرب من الجوله الأولى
ابو شملان:قلت اللي عندي ولو تجيبين طاري اسمي بوديك في داهيه فاهمه
وصك الخط في وجهها
ميساء بعصبيه:يالجبان
سمعت صوت وراها
لفت بابتسامه:ابو خالد...واختفت ابتسامتها لما شافت خالد واقف وراها
ميساء وهي تتصنع القوه وداخل قلبها طبول وبضحكة سخريه:ما اعتقد ان أبوك يبغى يشوفك
خالد وبتمثيل بارع:بس انا ما جيت أشوف أبوي انا جاء أشوف أنتي
ميساء رجعت على وراء وبخوف:انا ...ل..ليش
خالد:انا أسف على كل اللي سويته فيك
ميساء تطالعه وهي متفاجاه:نعم وش قلت
خالد:انا ما ادري وش أقول ...جلس بتعب وحط يده على وجهه:انا تعبان ومو عارف ارتاح
ميساء ظلت واقفه ومو فاهمه شي
خالد طالعها ووقف وقرب:انا من يوم ما أنتي تزوجتي أبوي وانا حاس إني مو قادر أحس باي شي حولي انا حاسس بالندم لاني ظلمتك وظلمت أهلي معاي انا قلت إني ما راح اهتم لهم أو انا ما أحس بس انا ما اقدر اكتم اللي حاس فيه أكثر من كذا
ميساء تطالع عيون خالد وتحس لسانها انشل
خالد:ادري هالكلمه ما تعفي عني بس انا..انا أسف على كل شي
ميساء بضحكة سخريه:أسف
خالد دخل يده في جيبه:ايه أسف ميساء وأهلي تركيهم في حالهم أهلي ما سوو لك شي إذا بتنتقمين انتقمي مني انا
ميساء بعصبيه وكل اللي قهر اللي حاسته طلع:لا انت واهلك كلكم لا زم تعرفون وشو معناة القهر انت دمرتني يا خالد دمرتني وتعتقد بكل سهوله لما تقول أسف راح اقولك انا مسامحتك لا انا ما تزوجت أبوك وتحملت كل هذا إلا علشان أحرمك من الشي الوحيد اللي خلاك تشوف كل الناس عبيد عندك الشي الوحيد اللي تبيع أبوك علشانه الفلوس راح أحرمك من كل حقك يا خالد وأخليك على الحديد
خالد طالعها وبين عليه الغضب وعطاها ظهره وطلع من المكان و ميساء طاحت على الكنب وبدت بنوبة بكاء هستيريه
طلع من البيت معصب والشرار في عيونه ركب سيارته ومشى بسرعه لحد ما وصل الشقه دخل لقى أمه وأخته يستنونه ووقفوا أول ما شافوه
أم خالد :ها جبته
خالد وهو يجلس ومبين عليه معصب:ايه
أم خالد:طيب وش فيك قالب الخشه
خالد بتأفف:ولا شي
سحر:أهم شي جبنا اللي نبغاه
وصارت تطالع أمها اللي تطالعها وتبتسم لها

&&&&&&&&&&&&&

في كل صباح تشرق الشمس
لتنهي كل ما صار في الليل من همس
وتعلم انتهاء الأمس
وبدايه يوم جديد كله انس
صحوا على صوت زغروطه
كللللللللوووووووش
صحت الجوهره اللي ما نامت إلا متأخر من التفكير لبست حجابها ونزلت وميري والباقين معاها
لقوا أم دلول ترقص وام عبدالمجيد تصفق وعبير تضحك معاهم
الجوهره:وش صاير
دلول اللي توها تنزل وهي تلف الشيله ووجها كله نوم:وش فيكم من تزوج
أم دلول:الملك حبيبنا رجع
الكل:ايش
أم عبدالمجيد:أبونا الغالي ابو متعب راجع الدير اليوم
الكل:الحمد لله.... وصاروا يناقزون
(ومن ما يحب أبونا الغالي انا أقول الحمد لله على سلامته)
أم عبدالمجيد تطول على التلفزيون وفيه أغنية عن الشعب السعودي
دخل ماجد وعبدالمجيد:وش صاير
أم دلول:الملك عبد الله رجع بالسلامه
ماجد وهو شاق الحلق:والله
أم عبدالمجيد:ايه والله
عبدالمجيد وهو فرحان:الحمد لله على سلامته
الكل:الله يسلمك
أم دلول:والله ان اليوم عيد لكل الشعب السعودي
وصارت تتنكس على الأغنية والكل يضحك وطبعا من بيشاركها غير المهبول ماجد
الكل صاروا يسولفون ويناقزون فرحة برجعة الغالي

&&&&&&&&&&&&

قاعد بالشركه ومو عارف يشتغل ابد يحس باله مشغول وأموره متخربطه صحى من تفكيره على صوت أخوه
ابو فيصل:وش بلاك وانا اخوك منت معي
ابو خالد:لا ولا شي بس حاس كل شي مخربط
ابو فيصل:قصدك زواج عبير
ابو خالد بعصبيه:لا تذكرني انا أصلا هالبنت تبريت منها
ابو فيصل:اذكر الله يا اخوي وهذي بنتك وما يصير اللي تقوله
ابو خالد:يعني يصير تتزوج بدون رضاي
ابو فيصل :انا لو مكانك احمد ربي على الأقل تزوجت عبدالمجيد أحسن من غيره والصراحه وانا اخوك الولد ما عليك كلام
ابو خالد:وش قاعد تخرف انت
وقطع عليهم دخول السكرتير :طال عمرك في احد جاب هالظرف لك
ابو خالد يأخذه باستغراب:ما قال من
السكرتير:لا طال عمرك
ابو خالد خذا الظرف وهو مستغرب:طيب روح انت
طالع أخوه وفتح الظرف وشاف........

&&&&&&&&&&&&&&&&

تابع

رتبوا أغراضهم وانتهت الوناسه وراجعين لبيوتهم
ماجد يسحب دلول :بسرعه
دلول:وش فيك
ماجد:بسرعه اركبي لا يقولون بيجون معانا
دلول ابتسمت:ما يصلح نروح بدونهم
ماجد وهو يصر على أسنانه:انا حالف الرجعه ما أخليهم يركبون معانا
وركبت دلول وحرك ماجد وترك الباقين يرجعون مع عبدالمجيد
أم عبدالمجيد:وين ماجد
أم دلول:الله يخلف عليك الولد فحط وخلانا نولي خايف نركب معاه
أم عبدالمجيد:يو وإحنا نرجع مع من
أم دلول:ما به غير عبدالمجيد
أم عبدالمجيد تهز راسها:ابغى اعرف هالولد متى يعقل
أم دلول بضحكه:إذا حجت البقر على قرونها
وراحوا يركبون مع عبدالمجيد وعبير

&&&&&&&&&&&&&

الجوهره راحت وركبت قدام مع ان المكان وراء فاضي بس ما تدري ليه ركبت قدام وهي ما نامت من أمس لأنها تحس انها ندمت لأنها قست عليه
أما طلال من أول ما ركبت الجوهره ما التفت لها ولا كلمها وظل ساكت يستنى الباقين يركبون
الجوهره بهمس:أسفه
التفت لها ومتفاجا ومو مصدق اللي سمعه وشافها تطالع يدها اللي في حظنها
الجوهره:ما قصدت اللي قلته أمس المفروض ما أتكلم كذا
طلال ابتسم من قلبه ومع ان كلامها ضايقه بس تبخرت كل هالضيقه وهمس:طالعيني
الجوهره طالعته ونزلت عيونها بسرعه
طلال:قلت طالعيني ولا تنزلين عيونك
الجوهره طالعته
طلال:خلينا نتفق اتفاق علشان نقدر نستمر
الجوهره سكتت تنتظر تسمع الاتفاق
طلال:نبدأ من جديد وننسى الماضي وكأننا أول مره نعرف بعض
الجوهره سكتت
طلال:علشاني وعلشانك وعلشان مستقبل جديد وعلشانهم ...وصار يطالع وراها والتفت وشافته يطالع إخوانها اللي يضحكون مع ميري
طلال:ها وش قلتي
الجوهره تفكر
طلال مد يده :إذا صافحتيني معناتها نبدأ من جديد بدون حقد ولا كبرياء ولا أي شي بس محبه وابتسامه
الجوهره ظلت تطالع يده الممدوده وتفكر وترجع تطالع عيونها ووجهه المبتسم اللي يدل على الصدق والطيبه

&&&&&&&&&&&&