رد: روايتي الجديده (ودي ارحل عن حياتك بس مدري وين اروح)

والجزء الاخير ان شاء الله بعد الردود..........والسموحه ع القصور
اتمنى تعليقاتكم ع القصه

نلتقي

رد: روايتي الجديده (ودي ارحل عن حياتك بس مدري وين اروح)

تسلمين


اللة يوفقك وينور دربك
واصلي لنهاية

رد: روايتي الجديده (ودي ارحل عن حياتك بس مدري وين اروح)

الله يعطيك العافيه
استمري متابعه لك

رد: روايتي الجديده (ودي ارحل عن حياتك بس مدري وين اروح)

حياتي ‏
كملي
تتخقق الروايه
اسلوب وتسلسل موووووووزاه

رد: روايتي الجديده (ودي ارحل عن حياتك بس مدري وين اروح)

مشكورين ع الردود الحلوه...........وبجد اشكر متابعتكم للقصه
وانتظر انتقاداتكم

الجزء الاخير

بعد فتره صحت غرور
وأستوعبت شصار أمس
وحست بالحرج أنها تقابل طلال
بس لازم تتعود
تذكرت أمها وجافت الجوال اللي كان صامت
٣٠أتصال من مامي
٧أتصال من بابي
ورسالتين من بابي
(ليش مابتجي العرس)
(عروض خاصه في النورس)
طمنت أمها وأبوها وراحت تاخذ الملابس وراحت غرفتها
وخذت شور ولبست وتمكيجت
وسرحت شعرها
صارت تلبس فري
ألحين طلال مابيفهمها غلط
شكله رضا عنها
لبست برميد برتقالي وبنطلون جنز
طلعت ولقيت طلال جالس ع طاوله الطعام ينتظرني
طلال:تعالي حبيبتي عدالي
غرور:صباح التوت
طلال:صباح الورد والسكر
شخبارج حبيبتي
غرور بخجل:بخير إذا أنت بخير
طلال:عيل أنا بخير دام أني اجوفج جدامي
المهم أنهم يفطروا
وكانت حياتهم بجد سعيده وبعدها راحوا لكنبه الصاله وجلسوا جنب بعض لاول مره
ع هالغنفه
طلال:فذمتج ماوحشتج
غرور:إلا وحشتني ونص
بس أنت ماتسأل عني
بس بسألك شو سالفه ذيج القصيده اللي راسلنها
طلال:ماعليج من ذيج
روحي لدرج الكميندوا بتلقي نوته زرقا جيبيها
راحت غرور وجابتها
طلال:هذي القصيده كتبتها يوم رحتى عطيني رايج فيها

ينتابني يأس وملل
وأحس بحساس مميت
وأقدر أحلف اللي ينتابني ينتابها
شعور/ماحسيت به!!من يوم في الدنيا وعيت
أحساس/ماحسيت به!!
من قبل ماأشوف أهدابها!
الله>>من كثر التعب واللي
من الفرقا جنيت
سهر...قصيد...هموم!
كل هذي وش اللي جابها؟
أعيش يومي ودي أهني مير
عدا ماأهتنيت!
أصلا أنا!
وش لون ب أهني...؟
دام ما هنى بها
هذي لو أني عشت معها (طوووول عمري)ما/أكتفيت
لكن!
عساها بس<سالمه>للشايب اللي جابها!
(((ودي أرحل عن حياتك بس مدري وين أروح؟)))
وين أودي خطوتي وأنت جهاتي الاربعه...!

غرور:حلوه كثير
مشكور حبيبي
طلال:أنتي تستاهلي عيوني
بس بجد كان ودي أرحل عن حياتج بس مافي مفر منج
غرور:وأنا بعد سويت قصيده
بس مو حلوه مثل قصيدتك
طلال سمعينا
طلعتها غرور من جوالها
لانها كاتبتها فجوالها

=[الوصيه]=

وش هي الوصيه؟
الله كم هالكلمه قويه
منهو يجرأ يخطها في شبابه
منهو مثلي مل قلبه من عذابه

منهو عينه تبكي ألم
تبكي ندم
تبكي قهر في غيابه

"وصيتي"

يا أهل الهوى:
عن عذابي لاتخبرونه
وإدفنوا كلي تحت ذاك الثرى
إلا قلبي

إلا قلبي

إلا قلبي....لاتدفنونه

إحفظوه لين يرجع
وبالخبر لا تفجعونه

هونوا مصيبته

وأحضنوه مثل حضني
الحضن:يشفي همومه

وإلا
لا.....
لا.....
لا تحضنونه

سلموه قلبي أمانه
لاجل وحفظه بعيونه
وعلموه>إني أنتظرته>وطال صبري

فهموه أني وفيت بوعدنا وأهديته قلبن مايخونه

رددوا فوقه حروفي:
] موته العاشق جنونه][
] موته العاشق جنونه][

طلال بحزن وأو يمسح ع خد غرور برقه:أسف حبيبتي ع كل دمعه ذرفتيها عشاني
وعسى يومي قبل يومج
غرور برقه:حياتي خلينا ننسى الماضي ونعيش اليوم
طلال:تصدقي غرور
أنا أعجبت فيج من أول مانزفيتي فيه
كان الفستان عليج روعه
كنتي بجد ملاك
بس ماحبيتج لاني كنت أحسها فتره وبتروح
بس بعد مارحتي حسيت هالبيت ماينطاق
غرور:حتى أنا كنت متضايقه أني ماقدرت أكسبك
بعترف اني حبيتك بليله سفرتك
طلال يرخي راسه ع حظن غرور: بعد اليوم مافي زعل
ولا فرقى
غرور وأهي تمسح ع شعره:بأذن الله
طلال ينش كانه مفجوع:نسيت>أمي تريدني
غرور:ليش؟
طلال:يريدوا يزوجوني
غرور:نعم؟؟!
وأنت موافق ع العرض هذا
طلال بخبث:ماأدري
بفكر
غرور تنهض تريد تروح:إللي يجلس معك مره ثانيه
طلال بضحك ومسك يدها:تعالي يابنت الناس
غرور:يالله يلقوا بنت
وبعد ماتعرس عليها تطلع حوله وماتتكلم وصمخى وشعرها يطلع منه دود
طلال متفاجأ:أف شعرها يطلع منه دود>هذي زباله
كل هذي غيره
غرور تجوفه بنص عين:ومن قالك أني غيرانه
طلال يجلسه جنبه ع الكنبه
:ماهو باين أنج ماغيرانه أبد
غرور:حبيبي طلولي لاتروح مع أمج
طلال:بنات الدنيا مايساون ظفرج
فكيف تريديني أتزوج
غرور:فديتك يابعد عمري
ماحد يلومني فيك
طلال بخبث:عيل بوسيني
غرور:لا عيب

طلال راح لامه وكانت بالصاله
شكلها كالعاده تنتظر صديقاتها
طلال:نعم يمه بغيتيني
أم طلال: زين يوم جيت
كان طولت
غسلت عقلك هذيج الوسخه
طلال:يمه أنا رجال وحر بتصرفاتي
أم طلال:انزين لقيت لك بنت ولا كل البنات
جمال ودلال وبنت عز وأبوها عنده ألاف المؤسسات
طلال:ماأريد أتزوج
غرور مكفتني وأنا حبيتها خلاص
أم طلال بعصبيه:أنت أنخبلت
هذيج الفقر خدعتك وصدقتها
طلال:وشو بينفعني بنات العز
المهم حبيت بنت
أم طلال:أسمع إذا ماتزوجت هالبنت لاأنت ولدي ولا أعرفك فاهم
غرور تخرج من الاصنصير:طلال أسمع كلام أمك وتزوجها
طلال:تخبلتوا يمه هذي بنت عز
كيف بتوافق علي وأنا معاق
أم طلال:قلتلها ووافقت عليك
طلال:أكيد هذي تخبلت

المهم كان كل يوم طلال يزيد حبه لغرور ونفس الشي غرور
كانت تحبه حب لايوصف
إلين جا يوم الملكه لطلال
كان طلال مامداني الروحه
بس مجبور
وغرور كان يحترق شي بداخلها بس ماتريد تعصي طلال
وتسبب له عداوه مع أهله
الكل راح ملكه طلال إلا غرور
بس طلال طلب أن الملكه سكاتيه
واللي مستغرب منه أكثر موافقه العروس طيف
الكل بارك للعروسين
وطلال كان يرد من طرف خشمه
وطيف ميته من الفرحه
طيف:مبروك طلال
طلال ببرود:الله يبارك فيج
طيف:شو فيك
طلال:مافي شي بس حبيت أعطيج هالشيك هديه ملكتنا
طيف:مشكور حبيبي
طلال قعد يطالعها من فوق لتحت>أول مره جوف بنت مو مستحيه فأول يوم ملكتها

طلع طلال وراح للبيت
وأهو شوقه للملاك اللي بالبيت
بس أول مادخل أستغرب
انوار منخفظه والشموع عامه المكان
ومن بعيد جاف حبيبه قلبه صاعده فوق الكنبه مقابله المكيف
وشعرها يطير
عكس الاتجاه
وفستانها الاحمر اللي مبين جمالها أكثر
حرير طويل وعاري من اليد والصدر
ولابسه عقد يلمع مع أضاءه الشموع
كانت مامنتبهه أن طلال يناظرها
طلال:شو هالحلاوه اليوم
تعرفيني ماأقدر أقاومج
غرور:طلال حبيبي من متى وأنت هنا
طلال:من فتره
بس شو هالرومنسيه اليوم
غرور تقرب منه وتنزل ع مستوى كرسيه:عيب إذا كانت هاليوم رومنسيه بينا
طلال:طبعا مو عيب
بس تفاجأت
غرور:عيل يالله أشتريت لك فطاير حلوه
وصنعت لك أكله تحبها موت
طلال:شو هيه؟
غرور:سنافر بس ها أنا بأكلك
تمام
طلال:وأنا أقدر أقول لحبيبه عمري لا

وبالفعل أكلوا وأكلت غرور طلال
اللي من الضحك مو قادر ياكل
وبعدها راحو ع الكنبه يجوفوا فلم رومنسي يليق بهالليله الرومنسيه
غرور:طلال بقول لك شي
بس لاتعصب
طلال:ماأقدر أعصب عليج
غرور:أحم
أحم


أنا حامل
طلال من المفاجأه حضنها
:معقوله>مو مصدق يعني بصير أب
غرور بدت عينها تدمع
طلال تفاجأ من دموعها:شو فيج غرور
ليش تصيحين؟
هذي دموع فرح؟
غرور باكيه:طلال أنا مو مصدقه
أخاف بعدين شو بيصير
مصيري ومصير هالطفل
طلال:مافهمت
غرور تمسح دموعها:طلال بعد ما أولد هالطفل تطلقني
طلال منصدم:نعم
مستحيل
غرور:طلال أحنا على عهد من قبل
وألحين أنت ملكت وبتتزوج
يعني أنا مالي لزوم
طلال:شو هالكلام؟
تقولي جذا بعد ماحبيتج وبعد مابينا طفل
تعرفيني إني أحبج
وأنا مجبور فيها
غرور :أعرف بس؟
طلال:لا بس ولاشي
خليني أفرح بهالخبر
غرور:أنت فرحان؟
طلال:أكيد فرحان
مادام أم طفلي أهي أنتي
غرور:كذا ماطلع وأنت تتغزل فيه
طلال:ومن أمه والاساس
أنتي فديتج
أرخى أيده ع بطن غرور
طلال:مايتحرك
غرور:مايمدا يتحرك
صغير بعده أسبوعين
طلال:معقوله حامل
غرور:يقولون!
طلال:يعني مو مصدقه
غرور:يعني وجهي وجه أم
طلال يمسك وجه غرور بيده الثنتين ويناظر عيونها:أحبج


طلال اليوم معزوم ع عشى
كان مايريد يروح
بس غرور قالت له يروح يغير جو
وبعد أهي تتوحم
وصايره ماتداني ريحه طلال
وأكلها الدائم أيس كريم توكس
صار غداها وعشاها وفطورها
الثلاجه متروسه منه

راح طلال وأهو بجد منزعج من تصرفات غرور معه
بس عاذرها
صارت كثير تبتعد عنه
حتى الغرفه ماتنام معه
راح مع صديقه اللي بالشقه
كان صديق شخص يكسب المال من هالشقه
مخلنها ملهى
كل اللي يريد يسكر أو يحشش
يجي فيها
كان طلال يعرف عنه
ونصحه بس مافي فايده
ياسر:ياخي ياطلال أنت كثير متعقد>عيش حياتك
طلال:شو هالحياه اللي بعدها هلاك
ياسر:انزين إذا مو خمر
فيه بنات من سوريا والمغرب
جمال عليهن
وأسعارهن أرخيصه
طلال:هذيلا كلهن أمراض
وبايعات عمرهن عاللي يسوى واللي مايسوا
ياسر:انزين فيه خليجيات
وبلا فلوس
طلال:خليجيات معقوله
ياسر:الناس تريد ترتاح وأنا أخوك
طلال:ترتاح بالحرام
ياسر:انزين أنت جوفهن عن طريق هالكامره
لانهن يصوروهن وأهن مايدرن
وأختار اللي تريدها
طلال كان مايريد
بس صديقه أجبره وجاف البنات
كان جمالهن بقمه الروعه
بس أخلاقهن فاسده
إلين جات الصوره الاخيره
تفاجأ منها طلال
طلال:هذي أريد
ياسر بفرح:انزين أصبر
ألحين معها أحد
طلال:أريد أجوفهم ألحين
ياسر:يلا>تصدق عاد عندها عادي أحد يجوفها بهالمنظر
لانها سكرانه
وهذا من حظك
طلال:هذي قديمه عندكم
ياسر:أيه من زمان
فتح ياسر الباب
وجاف طلال شي بحياته ماجافه
طيف بوضعيه مخله بالادب
ومعها أثنين
ع نفس السرير

طلال :عن أذنك ياسر بروح البيت
ياسر:وهالبنت
طلال:لو فيها أدب
مادخلت أثنين معها
بالاذن

راح للبيت وأهو واصل حده
صدق خاينه
أساسا أنا كنت شاك من فتره
أن هذي موافقه ع كل شروطي
أثاريها تضني أني معاق
ما أقدر أمنعها
وصلت البيت وجفت أمي وأبوي بالصاله
طلال:بسلمكم بكرا بورقه طلاق طيف
أم طلال:شو تقول؟شو سوت
طلال:طيف بلا شرف
اليوم جفتها بأم عيني
بشقه صديقي
بوضع مخل للادب
ومع أثنين ع سرير واحد
ام طلال تشهق:مستحيل
طلال:تعالي بوديج شقته
هذي بنت العز
أشوف عزها نفعها
بنت بلا شرف
أبو طلا:هدي أعصابك
طلال:ماراح أهديها إلا بعد ما أطلقها
وصعد طلال من الاصنصير
أبوطلال:معقوله بنت ماجد الراهي جذا
أم طلال:ويمكن ولدك تبلا عليها
أبو طلال:ولدي مايكذب
وبنحترم رغبته

وبالفعل تطلقت طيف
وماعجبها وجات البيت تهدد طلال
وغرور بعد ماطلعت من الشهر الرابع صارت تتقرب من طلال كثير وحساسه كثير
يعني أنقلب الوحام عندها
أول كان كثير تنفر منه
أحين تريده مايبتعد عنها
غرور ببكى:طلال أنت ليش تنفر مني؟
طلال:يابنت الحلال٢٤ساعه مجابلج كيف أنفر
غرور:ولو نام قربي
ولا بصيح
طلال:هذا اللي قادره عليه
تصدقي حبيبتي شكلج وأنتي حامل يضحك
غرور وترميه بالمخده:أنت أتمسخر>أنا أعاني وانتوا موهامكم شي
طلال:يابنت الحلال بس أنتي حلوه بالحمل لاتزعلي
بخبرج غناتي بسافر هذاك الاسبوع
الجلسه الاخيره وتحديد المصير خلاص
غرور:وبتروح وبتتركني_؛
طلال:لا طبعا بنروح أنا وأنتي
غرور بفرح:صدج
طلال:طبعا صدج
فحياتج سافرتي
غرور:لا بس كان خاطري أسافر ماليزيا>جنه الله ع الارض
طلال:ولايهمج بس تولدي بالسلامه وأوديج
غرور:بروح اجهز ملابسي حق السفره
طلال:صدج عياره

سافروا بكل فرح إلا طلال كان متخوف من النتيجه
بس وصلوا وتفسحوا يومين
وفهاليوم كانوا في المنتزه
والاشجار عامه المكان
طلال:تتوقعي أقدر أمشي
والنتايج أجابيه
غرور: ماأدري
بس مشيت أولا
بظل أحبك مثل أول وأكثر
طلال:بس ماأريد يجي ولدنا وأنا مقعد
غرور:أن شاء الله بتشفى
وبترجع تمشي مثل أول
وأحسن
وتاخذ ولدك أو بنتك
وأنت تمشيهم
طلال:تصدقي أتمنى هالحظه
بس لو جانا ولد شو نسميه
غرور:شرايك بأسم بدر؟
طلال:مافي أحلى منه
بس لو بنت
غرور:ما أعرف أنت شو تريد
طلال:بلقيس
غرور:أحلى أسماء~_^

وجا الموعد للمستشفى
ورحت مع طلال
بس الدكتور ما رضى أدخل معه
جلست أنتظر برى وقلبي بيطلع
ياريت لو أن الوقت ساعتها مشى بسرعه
وطلع الدكتور أخيرا
بس وجهه مايبشر بخير
مارد علي دخلت الغرفه
وجفت طلال جالس ع الكرسي
وموطي راسه
غرور:طلال بشر
طلال رفع راسه بحزن:سلبيه غرور>ما أقدر أمشي مره ثانيه
غرور وإهي تمسح راسه:ماعليه حبيبي
أصبر أن الله مع الصابرين
طلال بتنهيده:ياربي هذا أخر أمل لي بالمشي
شكله الكرسي هذا ما بيفارقني
غرور تبكي:بس طلال
أعرف أن أنا السبب
ياريت ماجفتك ولا أصير لك
طلال يمسك يدها:لا حبيبتي
بالعكس لو ماكسرتي رجلي
ماعرفتج ألحين
أنا عايش معج أحلا حياه
ويلا ألحين مسحي دموعج
بنروح ناكل بالمطعم
جوعانين

مرت الايام وكل من هالاثنين
عايشين بحياه حلوه
وفي يوم
غرور بألم:طلال>قوم
أحس بألم فضيع
طلال:غرور بنام بعدين نتفاهم
غرور بصراخ:الله وهقني فيك
شكلي بولد
طلال بصدمه:تولدي؟؟
شو أسوي
غرور:أبد أرجع نام
وأنا بولد عندك عادي
يعني بالله عليك وين بولد
طلال ركب كرسيه وأتصل ع السواق
وراحوا المستشفى
كان بجد ألمها كبير
ومو قادره حتى تتكلم
وطلال بدا يخاف أكثر
مو عارف كيف يساعدها
يخاف يفقدها
غرور صغيره ويمكن ماتتحمل
أخذتني الوسواس
وصراخ غرور أسمعيه
ألين ماخف صوتها
وسمعت صوت صراخ طفل
طلعت الممرضه:
مبروك أستاز زوجتك جابت
توأم بنت وولد
طلال:صدج>بس غرور كيف
الممرضه:بس مرهقه
بس مسموح لك تدخل بعد فتره
طلال من فرحته مو داري فنفسه

غرور من خلصت من الوضاعه وبعدها تبكي
مو مستوعبه للحين
كانت محتاجه لامها أو طلال
ودقايق وطرق بابها
غرور:ادخل
دخل طلال
غرور متفاجأه:طلال معقوله
دخل طلال برجوله ثابته وأهو يناظر غرور:معقوله ونص>أنا طلال وأقدر أمشي بعد
مبروكه حبيبتي جالج توئم
بنسميهم مثل ماقلتي مروان وروان
غرور موقادره تتكلم
خليت يدها ع وجهها من الصدمه
وأنخرطت فبكاء مرير
طلال:بس حبيبتي مابسج بجي
غرور بغصه:مو مصدقه
من متى وانت تمشي ليش ماقلت لي من قبل
طلال يجلس عدالها بالسرير ومسك يدها:حبيبتي
تعرفي يوم سافرت
قالي الدكتور أقدر أمشي
بس قلت لاتخبر أحد
عشان أتكون هديه ولادتج
غرور:وأحلا هديه
بس وين أهلي
كلهم برى
وأهلي وأهلج تصالحوا
وهذا كله بسببج
غرور:أنا
طلال:لو ما ضربتيني ع رجلي كان ما تزوجتج
ولو ماعاملتيني معامله حلوه ماحبيتج
ولو ما أستحملتيني مابنخلف
عيال
وهالحين أنا عندي عيال والاهل تصافوا
حظنت غرور طلال بحب
وأبتعدت أنا عنهم
راجيه أني أكون وفيت بكتابتي للقصه
وأتمنى طلال وغرور يتوفقوا بحياتهم مثل ما أنا تخيلت
طبعا مانقلت شي بهالقصه
هي من تاليفي
تمت
يوم الاربعاء
الساعه١:١٥صباحا
٢٩_٧_٢٠٠٩

رد: روايتي الجديده (ودي ارحل عن حياتك بس مدري وين اروح)

اتمنى تعجبكم الروايه
اسلوبها بسيط ومب طويله
فرحتني ردودكم كثير.........وصرت كثير حساسه بعد ما اجوف معضم المواضيع المنقوله الردود فيها اكثر مني
بس والله على عيني اللي ردوا علي ورفعوا معنوياتي.......انا اتمنى روايتي تتنتشر باسمي
حرام يعني اكتب وفالاخير يضيع تعبي
واذا جفت هالقصه نالت اعجابكم راح اكمل قصتي اللي كتبت نصها ...ياحيله الله وش اسوي بالاقدار.....روايه فيها اكشن اكثر من الرومنسيه....يعني مغامرات اكثر

وارجع اشكر كل شخص قرا قصتي

تحياتي ريف الصبا

رد: روايتي الجديده (ودي ارحل عن حياتك بس مدري وين اروح)

اشكرك على اكمالها لنا
تحياتي لك

رد: روايتي الجديده (ودي ارحل عن حياتك بس مدري وين اروح)

الله يوفقك حياتي ‏

عايشه القصه من قلب واسلوبك خطير
بسم الله عليك

تقبلي مروري ‏
بنوته فلللله ‏

رد: روايتي الجديده (ودي ارحل عن حياتك بس مدري وين اروح)

القصة مررررة حلوة وتجنن ..
يعطيك ألف عافية ^_^
ننتظر روايتك الجديدة بفارغ الصبر

ودي ~

رد: روايتي الجديده (ودي ارحل عن حياتك بس مدري وين اروح)

مره مشكورين حبايبي ع الردود الحلوه