تويت
شكررررررررررررررررررا
على الموضوع
تحياتى
على الموضوع
تحياتى
-
-
رد: قصه بدون عنوان دخلوماراح تخسرون
اكمل الرواية
:
وصل خالد لبيت عمه وكان في البيت ياسر وتركي اللي هالإثنين ماهم عارفين كيف يتصرفون...... يفكرون باللي في المستشفى والوقت اللي يمر بسرعه وهم وراهم سفر وكليه....... بس ماقدروا يمشون لحد ما يجي احد يطمنهم....وبعد البيت مافيه غير الحريم.........
خالد:السلام عليكم
تركي: وعليكم السلام.
خالد:انت لحالك هنا....
تركي: لا .....انا وياسر...بس هو دخل شوي يشوف اخته..
خالد:تركي...............وشلون صار الحادث.
تركي مستغرب :وشلون عرفت؟؟؟؟؟؟؟؟
خالد:مشعل قالي......بس انت قول لي وشلون صار.......
تركي : والله ما ادري.....بعد...........
خالد: ايه.....وش اللي بعد كمل........
تركي تردد وماحب يقول بعد اللي صار لك مع ابوك....
خالد: كمل...
تركي يتكلم بسرعه:بعد ماطلعت انت من الاستراحه....
خالد فقد اعصابه وبعصبيه: ياخي تكلم بسرعه........وش اللي صار بالضبط...؟
تركي: بعد ماطلعت انت قرر عمي ان لازم نمشي ونرجع للبيت..... وقال لي انا وياسر نروح للحريم ونقولهم لان البنات كانو بالمسبح....وحنا عندهم ..فجأه سمعنا صرخه قويه جات من المسبح.... ركضت انا وياسر لعند المسبح وجاء عمي وابوي والشباب.... وماحسيت وانا عند باب المسبح الا باللي تصدم فيني وتصارخ "مرام غرقت....." ركض عزيز وياسر وونزلو للماء وسحبوا اختهم وهي شبه ميته....وجات الاسعاف وشالتها.....وهذا احنا ننتظرهم يطمنونا.....
خالد: ولا عرفتو شلون طاحت بالمسبح......
تركي : لا ماعرفنا.........
............
رنيم وهي ذابحه نفسها من البكاء: والله والله العظيم ماكنت اقصد..... ياسر صدقني ماقصدت....كنت ابيها تنزل تلعب معنا وماكنت اتوقع انها صدق ماتعرف تسبح....
ياسر وهو يحاول يهديها عشان يفهم منها وش اللي صار: طيب خلاص اهدي الحين وانا مصدقك.....بس ابي اعرف وش صار بالضبط......
هدت رنيم شوي وبدت تشرح لاخوها وش اللي صار بالضبط.....
ياسر: خلاص انتي الحين اهدي....وانشاء الله مرام بترجع وتقوم بالسلامه...وادعي لها ...
رنيم : يارب.....
دخلت رنيم عند زوجة عمها وبنت عمها اللي كانو قاعدين بالصاله .........
رنيم : وين ساره؟؟
زهور: دخلت للمطبخ.......
ام تركي: رنيم.....تعالي حبيبتي...
رنيم:امري ....ياخاله....
ام تركي: حبيبتي .....خلاص لاتسوين بعمرك كذا...هذا قدرها...وهي الحين تبي منك تدعين لها ان الله يقومها بالسلامه.......
رنيم: ياخاله والله ماهو بيدي...وكلما اتذكر ان انا اللي بيدي رميتها ..."وتكمل صياح"
زهور: رنيم....بس ياعمري خلاص والله تعبتي وتعبتيني معك...انشاء الله بترجع لنا مرام...."وصارت تصيح معها"
ساره اللي كانت بالمطبخ رجعت لهم وشافتهم على هالحال وجلست وكملت معهم وكل وحده فيهم تفكروش راح يصير في مرام.......
رجع ياسر للمجلس اللي كان عيال عمه جالسين فيه وماعرف ان خالد رجع ....
ياسراول ماشاف خالد: السلام عليكم.......هلا خالد
خالد :عليكم السلام......هلا ياسر بشر احد كلمك وطمنك.....
ياسر: لاوالله.........للحين ماحد اتصل........ومن شوي اتصلت في مشعل وقال لي للحين الدكتور ماطلع.......
تركي : هاه ياسر فهمت شلون طاحت......؟؟
ياسر: الله يهديها رنيم كانت تبيها تنزل للمسبح وتلعب معهم بس مرام رفضت وقالت لها انها ماتعرف بس هي ما صدقتها وراحت تبي تمزح معها....ورمتها للمسبح....
خالد وبعصبيه:وهذا مزح.........
تركي : الله يهديها........بس انشاء يعدي الوضع على خير....
الكل : امين...
.................................................تعليق
-
رد: قصه بدون عنوان دخلوماراح تخسرون
الساعه 9ونص وفي المستشفى قرر ابو مشعل انهم يرجعون كلهم للبيت وهو اللي راح يظل في المستشفى ويراقب حالة بنته....مع ان الدكتور قاله ان مافي فايده بس هو اصر....يبي يكون قريب منها......
مشعل : ياله يمه بنرجع للبيت..
ام مشعل : وين اروح واخلي بنتي هنا.....قلبي ما يطاوعني اقعد في مكان وبنتي في مكان ولا حاسه باللي يصير حولها.......
مشاري: يمه الله يعطيك العافيه ..اذكري ربك وصلي على النبي...
ام مشعل: لا اله الا الله ..اللهم صلي وسلم عليك يانبي........
ابو مشعل ينادي عزيز:تروح وانا ابوك للبيت....وتقول لاخوك ياسر ولد عمك تركي يجهزون اغراضهم ويمشون للرياض....وطمنهم وقلهم انها بخير....واذا لقيت خالد قول له اني انتظره ابيه يجيني.....
عزيز: ابشر........تامر على شي ثاني.......
ابو مشعل:سلامتك.....وانتبه للطريق......
راح عزيز قبل الكل عشان يسوي اللي قاله ابوه........
ام مشعل تطلب من ابو مشعل يخليها تقعد معه .....بس هو مارضى ان احد منهم يقد معه بس هو اللي بيجلس.....
ابو تركي:تامرني على شيء ياخوي...
ابو مشعل : سلامتك يالغالي...
ابو تركي: أي شي تحتاجه كلمني على طول..وان شاء الله تقوم بالسلامه...ياله في حفظ الله..
مشاري:يبه...انا صاحي ماراح انام اذا احتجت لشيء كلمني على طول...
ابو مشعل: انشاء الله ...بس انتبه لامك..
راح مشاري مع عمه بسيارته ومشعل اخذ امه بسيارته.......
وصل عزيز للبيت وشاف اخوه وعيال عمه مجتمعين بالمجلس واول مادخل عليهم كلهم فزوا من اماكنهم واقفين........وراحو لعنده بسرعه.......
عزيز: السلام عليكم........
الكل وبصوت واحد : هاه......بشرنا ان شاء الله بخير
عزيز: بسم الله...شوي شوي خلوني اجلس.......
خالد: عزيز....يا برد قلبك ياخي..."مستعجل يبي يتطمن على الغاليه"
ياسر :عزيز تكلم ترى اعصابي ماهي متحمله..
عزيز:طيب استريحو وبقولكم كل شيء......اول شيء الحمد لله نقدر نقول انها بخير بس ماراح نتأكد الا بعد 48ساعه...وبعدين انت وهو"يقصد ياسر وتركي" اللحين تقومون وتخلصون اموركم وتمشون للرياض".........
ياسر: وش تقول........انا للحين ما رحت للمستشفى......
يقاطعه عزيز: ولا راح تروح لان الباقي جايين بالطريق اللي بقى بس الوالد وهو اللي قال هالكلام.........
عزيز يناظر خالد: خالد........الوالد يبيك تمره المستشفى...
خالد:انا؟؟؟؟؟؟؟؟؟؟؟؟؟
عزيز: ايه ...واذا ماعندك أي شغل تروح له الحين.....
خالد : انشاء الله ......
طلع خالد من عندهم وقابل مشاري وعمه ومشعل وامه......
خالد: الحمد لله على سلامة مرام ياعمه....
ام مشعل : الله يسلم قلبك.....
مشعل: خالد وين بيتروح الحين؟؟
خالد : بروح لعمي بالمستشفى....
مشعل: اوكي..اذا خلصت ارجع للبيت انا بنتظرك.....
دخلت ام مشعل داخل..وراحت لام تركي وساره والبنات اللي كانو جالسين بالصاله
اول مادخلت راحت لها رنيم تركض وطاحت بحضن امها وهي تصيح: يمه...يمه...سامحيني انتي وابوي واخواني...ابي مرام تسامحني....والله ماكان قصدي كنت امزح ...
وتسكتها امها وتحط يدها على فمها:اشششششششش...خلاص الحمد لله على كل حال...انتي ادعي لها وبس...
ام تركي:هاه بشري....طمنينا انشاء الله بخير...
ام مشعل :ان شاء الله انها بخير....
التعب كان باين على ام مشعل اللي لاحظته ساره عليها: قومي ياخاله لغرفتك وارتاحي شكلك تعبانه مره...
ام تركي: أي والله هي صادقه قومي ارتاحي....
ام مشعل:وين تجي الراحه...ماراح ارتاح الا اذا شفت بنتي جالسه قدامي......
مشاري من وراء الباب ينادي ساره..اللي راحت له بسرعه...
ساره : هلا حبيبي...امرني...
مشاري:هلا بالغاليه...جيبي ماء بارد..عشان عمي..
ساره : اسوي قهوه...
مشاري : لا...لاتسوين شيء...
ساره : انشاء الله الحين اجيب الماء...
راحت ساره للمطبخ وطلعت شايله صينيه فيها 4كاسات ماء وعطتها لمشاري...
مشاري:اقول ساره..
ساره: سم...
مشاري: سم الله عدوينك...بس قولي لعمتي ام تركي وبنتها يجهزون لان عمي بيمشي الحين..
ساره: ان شاء الله...
دخلت ساره وقالت لام تركي وزهور يتجزون لانهم بيمشون....ودقايق ونادهم ابو تركي عشان يروحون....وطلعت ام مشعل لغرفتها بعد الحاح من ام تركي وساره..
....تعليق
-
رد: قصه بدون عنوان دخلوماراح تخسرون
في المستشفى كان ابو مشعل جالس يفكر في بنته ويدعي ربه انها تقوم بالسلامه وظل يقرأ قران.....والهدوء يغطي المكان الا من اصوات الاجهزه واصوات بعض الممرضات.....وقطع عليه هالهدوء صوت خالد....
خالد:السلام عليكم....كيف الحال ياعم...
ابو مشعل: عليكم السلام......بخير جعلك بخير....استريح وانا عمك...
جلس خالد بجنب عمه وشاف عمه مسند راسه على الجدار ومغمض عيونه...فجأه تكلم ابو مشعل:اسمع ياخالد صحيح المكان مايصلح للكلام اللي بقوله بس ماقدر اخره....اتمنى ماتكون زعلت من تصرف ابوك معك اليوم....ولازم تشوف لك طريقه عشان تنهي الخلاف اللي بينكم....مهما كان هذا ابوك...
خالد: ياعمي انت لاتشغل بالك بموضوعي...اهم شيء الحين نتطمن على مرام وبعدها يصير خير....
ابو مشعل : بس......ويقاطعه خالد:اسمح لي ياعمي قلت لك لاتشغل بالك بموضوعي وصدقني راح يصير اللي تبغاه.......بس ماهو وقته الحين.....
ابو مشعل: براحتك ياولدي..... اجل روح انت الحين البيت وارتاح...
خالد ماكان وده يرجع للبيت ...كان يبي يجلس بالمستشفى ... يبي يكون قريب منها...
بس ماقدر.... لان قعدته بتخلي عمه يستغرب منها....
خالد : خلاص ... بس انت تامرني على شيء...
ابو مشعل: سلامتك.....وانتبه لطريقك...
.......................
بعد مامشى خالد من عند عمه اتصل ابو مشعل على عزيز وسأله اذا ياسر راح للرياض والا باقي....
ابو مشعل:مشى اخوك ياعزيز؟؟؟؟؟؟؟؟
عزيز: ايه مشى هو وتركي من نص ساعه...
ابو مشعل: وامك كيف هي الحين....
عزيز: بخير راحت لغرفتها ترتاح......
.........................................
في بيت ابو خالد كانت منيره تفكر تتصل على اخوها بس متردده لانها حاسه انها السبب في الخلاف اللي صار بين ابوها واخوها بس في الاخير قررت انها تتصل...............واول ماشاف خالد الاتصال رد عليها بسرعه.
خالد: هلا والله بالقاطعه...
منيره شوي بتصيح: هلا بك ...هلا بالغالي...كيفك وش اخبارك...
خالد: الحمد لله... انتي كيفك وكيف العيال...
منيره : كلنا بخير....ماناقصنا الا وجودك معنا........متى بترجع ياخالد..
خالد:الله كريم.......خليها على ربك......
منيره قامت تصيح: خالد سامحني انا السبب في اللي صار..
خالد:لا لا تبكين يام عمر.......صدقيني مالك أي ذني في اللي صار..........وانتي مش غريبه وتعرفين الوالد.....دائما يفهم تصرفاتي غلط ويزعل مني...
ياله الوقت تاخر اللحين روحي نامي ولا تحطين في بالك ... انتي زي ماقلت لك مالك أي ذنب... ياله تصبحين على خير...ومع السلامه..
منيره: تصبح على خير..
....................................تعليق
-
رد: قصه بدون عنوان دخلوماراح تخسرون
مر يوم السبت على بيت ابو مشعل كئيب........ولا حصل شيء جديد.....
جاء يوم الأحد.....كان الوقت الظهر الساعه 1 فجأه صارت حركه غريبه الممرضات يدخلون ويطلعون من الغرفه ودكتور داخل ودكتور خارج......ابو مشعل ماكان فاهم شيء.....وحس بخوف...كان يبي احد يوقف له ويفهمه وش اللي صار...20 دقيقه مرت على ابو مشعل كانها دهر............ووقف عنده دكتور....
الدكتور: الحمد لله....بنتك صحت.....وكلها دقايق وراح ننقلها لغرفه ثانيه..........
ابو مشعل ماوسعته الدنيا من الفرحه....ومسك الدكتور وباسه......وراح يتصل على بيته ويبشرهم باللي صار.............
ابو مشعل:الووووووووو.....مين رنيم....
رنيم بصوت كله حزن: هلا يبه....هلا يالغالي كيف مرام
ابومشعل: مرام صحت....تعالو للمستشفى...
ولأن رنيم ربشه ماتنتبه للي تقوله وبعفويه كلها غباء: احلللللللللللللللللللللف ...كذاب ياي......... صحت والله صحت..
ابو مشعل وهو يضحك: انا كذاب يالمهبوله.... ياله تعالو للمستشفى..
رنيم انتبهت للي قالته وماتت من الخجل والقهر من الكلام ولا قالته لمين لابوها
رنيم:سامحني يالغالي .... والله ما ادري...اللحين نجي
راحت رنيم ووقفت بنص البيت وصاحت باعلى صوتها..........
:: يم ه,,مشع ل,,
عزي ز...
كلهم راحو لعندها....وكلهم ميتين خوف ... ليه تصارخ بالقوه...
ام مشعل:وش فيك تصارخين..
عزيز: وجع ليه هالصراخ ..انتي ماتستحين
مشعل:خير وش اللي صار...صار شي..
رنيم بكل برود العالم وهي تبتسم:ابد سلامتكم ...بس الوالد اتصل ويقول مرام صحت. وقعدت تناقز....
ام مشعل: وش تقولين....عزيز اتصل على ابوك تاكد منه..
رنيم:والله العظيم يمه ابوي قال هالشي....والله ما اكذب عليكم..
مشعل: ياله .. ياله بسررررررررررعه البسوا عشان نروح لهم ...
راحو كلهم لغرفهم وبسرعه والفرحه ماهي سايعتهم ولبسوا وطلعوا من البيت...
.....................................تعليق
-
رد: قصه بدون عنوان دخلوماراح تخسرون
دخل عليها ابوها وظل واقف عند راسها وهويتأملها..كانت ملاك نايم كل شي فيها حلو الوجه الابيض الناعم...الانف الصغير والحاد... الفم الصغير المليان... العيون الوساع البنيه... الشعر البني.....اللي خصله تاخذ لها مكان على وجهها....
صحت وهي تحس بتعب وعطش...اول ما فتحت عيونها لقت ابوها واقف يناظرها....
ابو مشعل: الحمد لله على سلامتك ... يادلوعة ابوها...
مرام وبصوت كله تعب: الله يسلمك.....وين انا وش اللي صار.
ابو مشعل يسكتها:اششششششش ... ارتاحي ولاحقه تعرفين السالفه...
وصلت ام مشعل وعيالها....
ام مشعل : الحمد لله على سلامتك...."وتضم بنتها...وهي تصيح"
مشعل: يمه وخري عن البنت خلينا ناخذ نصيبنا من السلام....
ام مشعل تبعد بنتها عن صدرها وهي للحين لامتها بيدها....
عزيز: يمه ههههههه والله البنت ماهي بطايره....
سلم مشاري على اخته وباسها على خدها:الله وش هالحلى وش هالزين..يعني اللي يقعد بالمستشفى يصير حلو....
عزيز:اقول وخر ... وخر بس... والله ماعندك سالفه اصلا هي احلى من الحلى نفسه تقول صارت حلوه...وقرب من اخته وباسه ...الحمد لله عالسلامه ..ياقمر
مرام اللي وجهها كان زي القطن بدت دواير حمر ترتسم على خدودها:الله يسلمكم...
مرام ناظرت تدور على رنيم اللي شافتها واقفه باخر الغرفه والدموع متحجره بعيونها...وحست ان اختها شوي وبتصيح وتذكرت ان رنيم هي اللي رمتها بالمسبح...ابتسمت ابتسامه هاديه وكانت تاخذ العقل : رنيم .. ماراح تجين تسلمين علي.....ما اشتقتي لي...
رنيم راحت تركض ورمت نفسها على اختها وهي تصيح: سامحيييييييييييني.."وهي تشهق"..الله يخليك والله ما قصدت......
مرام رفعت راس اختها ومسحت الدموع اللي على خد اختها: ماصار شي...انت مالك ذنب كل اللي صار مكتوب من رب العالمين....
وكملت رنيم صياح بحضن اختها...
عزيز : يووووووه شوف من يبي يسوي نفسه رقيق واحساسه مرهف...
مشعل : تصدق عزيز والله مايلبق عليهم...."ويكتم الضحكه"
رنيم وهي تمسح دموعها : انطم انت وهو....اصلا انا حساسه...
الكل ضحك على رنيم من قلب.... لان شكلها وهي تمسح دموعها وتتكلم كان يموت من الضحك......
ابو مشعل: انتم ما قلتو لمشاري..
مشعل: الا قلنا له.... بس هو بالدوام ويقول بيحاول انه يستأذن...
كمل سوالف وضحك على رنيم وعزيز اللي ينرفزها.....
صوت جوال ابو مشعل.......
ابو مشعل : هلا والله .... حيا الله هالصوت .... الذيب عند طاريه...
مشاري: هلابك يالغالي ....الله يحييك....اكيد ذيب طالع على ابوي...الحمد لله على سلامة دلوعتك....
ابو مشعل : الله يسلمك..ماراح تجي...
مشاري:والله الا اللحين ماسمحو لي اطلع... بس اول ما يسمحون بجي على طول..
ابو مشعل : على خير انشاء الله ...
مشاري : اقول عطني مرام اسلم عليها....
مرام: الو
مشاري: ياه .. وش هالالو.. انتي يابنت وش تاكلين والا وش تشربين ... كل هالنعومه والدلع...بالله طلبتك وانا اخوك..عطي بناتي من اللي تاخذينه خليهم يطلعون عليك.....
مرام خلاص وجهها احترق: مشكور.
مشاري : العفو..بس على ايش...ههههههههه الحمد لله على سلامتك حبيبتي..
مرام : الله يسلمك..
مشاري: اقول .. لا تعيدينها مره ثانيه.. وتخرعين الوالد.. كل شي يهون الا انتي.. وش عليك دلوعته...
مرام ماردت عليه
مشاري: اقول عطيني الوالد بس انتي تخربين حلاك بسكوتك...ههههههههه
مرام: ماعندك كلام ارد عليك...وعطت ابوها الجوال..
ابو مشعل: وش فيك على بنتي..
مشاري: بنتك هذي دلوووووووعه...الواحد يمدحها وتسكت...
ابو مشعل: خلها تتدلع....يحق لها...ههههههه
مشاري: ههههههه...ايه حبيبتك...اوكي يالغالي اخليك الحين وان شاء الله اجيكم
مع السلامه..
ابو مشعل: خير ان شاء الله...في امان الله..
رنيم تكلم ابوها وتتصنع الدلع: بالله يبه مافي احد يحق له الدلع غير مرام...
عزيز: ايه مافي غيرها....وغيرها مالهم الا العصا هههههههههههههههههه
رنيم وهي بتنفجر من القهر: انا ما كلمتك .. انا اكلم ابوي...
عزيز ومشعل ميتين من الضحك...
ام مشعل تضم بنتها: الا كلكم يبناتي يلبق لكم الدلع...
رنيم وهي تتصرف زي الصغاروتطلع لسانها: شفت ..هذي امي تقول...
الكل يضحك.....وبعد نص ساعه صوت باب الغرفه ..قام مشعل وفتح الباب....كان عمه ابو تركي ومعه ام تركي وزهور.....
مشعل: هلا والله ... حياكم الله..
ابو تركي : الله يحييك..
دخلو للغرفه وتغطت ام مشعل..
ابو مشعل : هلا والله ويسلم على اخوه..
ابو تركي يروح لمرام ويبوسها ويضمها:الحمد لله على سلامتك وانا عمك...كذا تخوفينا عليك...
مرام : الله يسلمك....
وسلمت عليها ام تركي وزهور... وظلو جالسين شوي وقاموا يبون يروحون لغرفة الاستراحه عشان الحريم ياخذون راحتهم...وقبل لا يطلعون
ابو تركي: الا ما سمعتو وش صار
الكل بانتباه:وش اللي صار
ابو تركي: الدنيا هنا بالدمام مقلوبه ...والاخبار شغاله بث مباشر وكل شوي خبرعاجل...
ابو مشعل : خير وش اللي صاير.......
ابو تركي: في مواجهات بين الأمن ومن هالارهابييين.....
ابو مشعل فكر في ولده مشاري:متى صار هالكلام ؟؟؟؟؟؟؟
ابو تركي: قبل لا نجي.... شفت الاخبار...
صوت جوال ابو مشعل وكان مشاري يتصل في ابوه: هلا والله...
مشاري وصوته هادي: كيفكم ....
ابو مشعل : احنا بخير... وانت
مشاري:انا بخير دام انتو بخير...........يبه في امور صارت ولازم نطلع لها الحين حبيت اسلم عليكم...وسلم لي على مرام....واعتذر لي منها....يبه....بناتي صغار اذا رحتو للبيت بوسهم لي ...وقولهم ابوكم يحبكم...
ابو مشعل والعبره خانقته: انت اللي بتجي وبتبوسهم بنفسك...
مشاري : ماندري احنا بنخلص اليوم والا بنطول..عموما سلم لي على اخواني وامي وساره ومرام ورنيم....مع السلامه
ابو مشعل كان يتمنى لحظتها يضم ولده ويدخله بقلبه عشان لايروح:مع السلامه..
توتر الجو بالمستشفى بعد ماكانو يسولفون ويضحكون....وبغرفة مرام الوضع ماكان احسن...فتحت رنيم التلفزيون اللي موجود وعيونهم كلهم على الاخبار....وام مشعل قلبها عند ولدها....ماتدري عنه.. ولا تدري انه بيرح لموقع المواجهه...
بس كان في قلب معلق الوقت كان يقطع فيه....ساره كانت قاعد بصالة بيتها وماخذه بناتها بحضنها وعيونها على التلفزيون وماكانت تشوف الصوره بوضوح من كثر الدموع...وجالسه تدعي ربها انه يرجع لها زوجها وحبيبها ورفيق دربها وابو بناتها يرجعه لها سالم....ويحميه من كل شر............
راح مشاري ووصل لموقع المواجهه....وكان طول الطريق..يمرر شريط حياته من وهو صغير لما كان مع اخوانها ومواقفهم وضحكهم ولعبهم وبكاهم..لحد ما تزوج ساره ...ساره اللي للحين يحس انه توه بشهر العسل معها...وبناته رغد اللي توها تنطق كلمة بابا وربى اللي للحين ماكحل عينه منها....يقطع عليه شريط حياته صوت الضابط يناديه:مشاري ياله تعال معي انت ..
مشى مشاري ويحس انه ماشي للموت برجله ...شايل سلاحه...
.....
ياترى وش راح يصير بهالعوائل"ابو خالد , ابو مشعل , ابو تركي"...انتظرونيتعليق
-
رد: قصه بدون عنوان دخلوماراح تخسرون
رجع ابو مشعل مع عياله للبيت واول ما وصلوا راح هو وام مشعل لعند ساره ......ولما فتحت لهم الباب شاف خيال شاف زوجه خوفها على زوجها راح يموتها.... واول ما شافتهم ساره انهارت وجلست تبكي........
ابو مشعل: بس ياساره....الله يهديك مشاري ماعليه الا العافيه وبيجي.....
ام مشعل وهي تكتم عبرتها: مثل ماقال خالك....مشاري ماعليه الا العافيه وبيجي باذن الله......
ساره وهي تبكي:صدقوني غصب عني....بس احس ان روحي بتطلع كل ما اتذكر اللي يصير في مثل هالمواجهات.....
ابو مشعل يحاول يهديها: بس هذي ماهي اول مره.....يعني صار زي كذا من قبل...
هنا ساره انهارت : بس مشاري معهم .... يعني هو قدامهم...........
ام مشعل ماقدر تتحمل وتخيلت الموقف لو يصير لولدها شي وقامت تبكي وبكت معها ساره......
ابو مشعل يحاول يهديهم: خلوا ايمانكم بالله كبير وتفائلوا خير...وباذن الله مايصير بكره الا ومشاري جالس بيننا.........
ام مشعل+ساره:يارب الله يسمع منك.
ابو مشعل:وين بناتك ياساره؟؟
ساره بعد ماهدت شوي: نايمين ....تبغى اصحيهم....
ابو مشعل تذكر كلام مشاري لما قال له يبوسهم له:لا خليهم نايمين انا بروح لهم واسلم عليهم...
وراح سلم عليهم ولما طلع من عندهم:انا بطلع تبغين شي والا تبغي شي للبنات؟؟
ساره: لا..سلامتك...
ابو مشعل: اذا احتجتي شي قولي لنا.....في امان الله
وطلع من عندهم ونزل للمجلس كان مشاري وعزيز جالسين يتابعون الاخبار وعيونهم متسمره على الشاشه وكل شوي شريط احمر وخبر عاجل توقف معه قلوبهم.....اخبار متناقضه خبر يقول اصابات ووفيات بين رجال الامن وخبر ينفي اللي قبله ويقول ان الاصابات والوفيات من الارهابيين.... ومشعل وعزيز وابوهم ضايعين مايدرون يصدقون مين ويكذبون مين المهم مشاري وش صاير عليه....
في المستشفى حال مرام ماكان احسن من اهلها لحالها وعيونها غرقت بالدموع ومعلقه على الشاشه اللي بغرفتها... تتابع الاخبار تبي أي خبر يطمنها على اخوها... تذكرت كلامه اليوم وهو يكلمها وهو يضحك ولما حب يحرجها.... كانت تنتظره يستأذن من دوامه ويجي زي ماقال ويجيب معه ساره والبنات................
سمعت احد يطق باب غرفتها وسمعت صوت يستأذنها عشان يدخل............
كان هو الصوت اللي تسمعه كان صوته.....احتارت تسمح له يدخل والا لا.......
اخذت حجابها ولفته على راسها.....
....تعليق
-
رد: قصه بدون عنوان دخلوماراح تخسرون
.
.
.
مرام: تفضل .....خالد
خالد وهو منزل راسه: السلام عليكم
مرام: عليكم السلام
خالد: الحمد لله على سلامتك.....وكيف حالك
مرام: الله يسلمك...انا بخير
رفع خالد عين عشان يششوفها.. اول ماشافها انصدم وخاف يكون فيها شي
كانت ملامحها تبين عن تعب وعيونها اللي من كثر الدموع تنفخت وحمرت.....
سألها: مرام فيك شي....تحسين بتعب.. شي يوجعك....تبين انادي الدكتور يجي يشوفك....
مرام :لا مافيني شي....انا بخير
خالد: اكيد مافيك شي؟؟؟؟
مرام :والله مافيني شي وبكره الصبح بطلع...
خالد: مرام
مرام: نعم
خالد: طيب ليه عيونك صايره كذا؟؟؟؟؟؟؟؟؟؟؟؟
خالد ماكان عارف باللي صاير........
مرام ماتحملت وتذكرت مشاري وقعدت تبكي..
خالد ماقدر يتحمل شكلها وهي تصيح قرب منها ومن دون مايحس..... ضم وجه مرام بين كفوفه ورفعه وخل عيون تناظر عيون مرام:مرام...... مرام حبيبتي وش فيك ليه؟؟ ليه تبكيين ؟؟ قولي لي؟؟
مرام اشرت لخالد يشوف التلفزيون وقالت له: مشاري عندهم.. مشاري هناك...ورجعت تبكي.......
انتبه خالد للي في التلفزيون واستوعب الموضوع ورجع لها: وانتي وش دراك انه هناك؟؟؟؟؟؟
مرام هو اتصل في ابوي وقاله انه بيروح هناك........
خالد انصدم وخاف على ولد عمه وقام من مكانه واستأذن منها وراح على طول لبيت عمه........
وفي بيت عمه الحال ماتغير ابو مشعل وعياله في المجلس ولا هم راضيين يتحركون من هناك ومتابعين للاخبار من قناه لقناه.........
وام مشعل المسكينه...اللي قلبها يتقطع على ولدها وعلى زوجته وبناته اللي للحين مامتع عينه فيهم......
وساره الزوجه اللي قلبها يفز كل لحظه ... خوف وقلق على زوجها وترجع بالزمن 3سنين اول ماخطبها مشاري...وايام الملكه ...وشهر العسل اللي للحين عايشه فيه..... وفرحتهم بولادة بنتهم رغد والحفله الكبيره اللي سواها لرغد اول ماكملت سنه من عمرها واللي ماحضرها غير ابوه وامه واخوانه....... وفكرة لو يروح مشاري منها........ في هاللحظه راح تعرف ان حياتها خلاص انتهت....
ورنيم اللي المراهقه الملقوفه اللي حياتها كلها لعب في هاليوم كبرت رنيم 5سنين صحيح اول ماسمعت بالخبر انهارت بس انتبهت لحال امها وزوجة اخوها وان مرام مش موجوده لازم هي تتصرف وقامت تحملت المسؤليه .........
طول الوقت تحاول تهدي امها وساره...... وتهتم في بنات اخوها .........
..........................تعليق
-
رد: قصه بدون عنوان دخلوماراح تخسرون
وصل ابو تركي لبيت اخوه يبي يتطمن عليهم ويعرف اذا صار شي وتقابل هو وخالد ودخلوا......بعد ماسلموا عليهم
ابو تركي:هاه ...اتصل مشاري...
ابو مشعل: لا والله للحين ماتصل
مشعل: اتصلت عليه قبل لاتوصلون ولقيته مقفل.......
ابوتركي حس الجو متوتر: لابد يقفله..........بس ان شاء الله بخير وربنا بيعينه هو واللي معه على هالظاليين...
الكل: امين..
ومر هاليوم على بيت ابو مشعل وكانه سنه... ولا واحد فيهم قدر ينام..... وظل مشعل وخالد وعزيز في المجلس اما ابو مشعل طلع غرفته يصلي ويقرا قران ويدعي ان الله يحمي ولده واللي معه......
ابو خالد تابع اللي صار ولا خطر في باله يسأل اخوه..... مع انه عرف ان مشاري مع رجال الامن.......
...............................
اليوم الثاني بدأ بس في بيت ابو مشعل كان استمرار ليوم امس وكان الصبح للحين ماطلع وكانهم جالسين بظلام ماراح يطلع النور في بيتهم اللي بدخلت مشاري عليهم....
مرام اللي جالسه تنتظر احد من اهلها يجي وياخذا للبيت الدكتور كتب لها على خروج بس تاخروا.....راحت واتصلت عليهم وعزيز هو اللي قال بيجيها........
وصل عزيز ودخل عندها: السلام عليكم........هاه جاهزه.
مرام: عليكم السلام....جاهزه من زمان....
عزيز: ياله عطيني اغراضك..
مرام وهي واقفه:عزيز...مشاري اتصل؟؟؟؟؟؟
عزيز: لا... بس ان شاء الله بيتصل .. انتي خلينا نمشي الحين
مرام: ان شاء الله...
..............تعليق
-
رد: قصه بدون عنوان دخلوماراح تخسرون
عند مشاري كان الوضع صعب ... كان اطلاق النار من الجهتين.....كانو الارهبيين محتمين في بيت اهل هالبيت ماكانو موجودين......
كانت المنطقه محاصره بسيارات قواة الطوارئ الخاصه والمباحث والشرطه والبحث الجنائي وسيارت الاسعاف كانت قريبه تنتظر الاذن لها اذا في حالات اصابات....... يعني الدنيا كانت مقلوبه وكانهم في حلم ويبون يصحون منه...
ولا راح يصحون الا اذا انتهوا من هالمجموعه..........
بدأت اصوات الرشاشات......والمدافع....والقنابل........قوا ت الامن بدأت تطلب من السكان اللي حول البيت المطلوب يتركون بيوتهم بعد مايتأكدو من الوقت المناسب لخروجهم...........مشاري كان قريب من البيت اللي محاصر وتفاجأ لما سمع باصابة صديق له سألهم اذا مات قالوا له بس اصابه بس ماندري اذا خطيره او لا.....
ظل مشاري يفكر بصديقه بالناس اللي كانوا امنين في بيوتهم وطلعوا منها وهم شبه فاقدين عقولهم من الخوف والاطفال اللي يسمع بكاهم والحريم اللي بعضهم من الخوف ماتدري بنفسها وتطلع من بيتها وهي ماتسترت..... فكر في ابوه واخوانه .... في امه وزوجته وخواته لو يصير لهم زي هالحريم.... فكر في بناته اللي مايستحمل يشوف دمعه في عيونهم لو ينحطون في جو مثل هذا....... كل هذا ليه عشان كم شخص عقولهم مغسوله مافكروا ان اللي يسونه غلط....... ان اللي يسونه ضد الدين.... سمع مشاري الضابط لما امر بمداهمة البيت راح على طول وطلب من الضابط انه يبي يدخل معهم...... الضابط عارف مشاري ومهارته فوافق على طلبه...
وقف مشاري هو مع القوه اللي راح تداهم البيت....... قراء ايات من القران ودعى ربه...... شاف الاشاره من الضابط بالدخول ودخل وبدأ اطلاق النار................
كان داخل البيت 7 اشخاص.... كانوا حاملين اسلحه وقتلو كلهم بس كان في واحد متخبي بدورة المياه اول ماهدأ الوضع الكل اعتقد ان الوضع انتهى .... لاكن
فجأه على صوت يقول" الله اكبر... الموت للزنادقه" وبدأ يطلق النار......
3 رصاصات اخترقت جسم مشاري.............. بنفس اللحظه اخترقت 3 قلوب معه
قلب امه اللي شهقت لحظتها وقالت" مشاري" وقلب ساره اللي حست جسمها يرتجف وقلبها دقاته تسارعت وقل ابوه الرجل الشامخ كان واقف عند المسجد مع اولاده ومع جاره لحظتها جسمه ماحمله ........
اول ما اصيب مشاري اطلق صديقه النار وفرغ رشاشه في جسم الارهابي....
وبسرعه حملو مشاري لسيارة الاسعاف......... كانت الرصاصات 2 اخترقت صدره ورصاصه اخترقت ذراعه........
وصلت سيارة الاسعاف للمستشفى...... ولا احد يدري ان مشاري مصاب وظل مشعل وخالد يتصلون في مشاري لانهم عرفوا من الاخبار ان المواجهات انتهت
..............
في الجزء الجاي بتعرفون وش راح يصير
انتظرونيتعليق
تعليق