قصه بدون عنوان دخلوماراح تخسرون/ كامله

***مزون شمر*** · 05-07-2010, 07:26 PM

بدايه يعطيك العافيه عالنقل
واتمنى تكملينها لنا حسب القوانين
ولك كل الشكر
راجعي قوانين قسم الروايات عالرابط تحت

قوانين قسم الروايات ارجو منكم الاطلاع عليها - منتديات عبير

https://v.3bir.net/128316/

السلام عليكم ورحمة الله وبركاته هذه الشروط تعتبر متفرعه من الشروط العامة شروط منتدى عبير العامه (https://v.3bir.net/148881/) وجميع مايذكر هنا هو اضافة لتلك الشروط او استنثاء منه اعزائى.....أعضاء منتديات عبير أسعد الله أوقاتكم بالخير والمسرات حرصا مني ومن ادارة هذا المنتدى على رقي هذا المكان و تجنيبه ماقد يسيء إليه .

**الملكه عبير** · 06-07-2010, 01:46 AM

يعطيج الف عافيه

**انثى من الخيال** · 07-07-2010, 02:09 PM

يعطيك الف عافيه
استمري

**عبير فديت قلبك** · 09-07-2010, 01:02 PM

يسلموو ع الردود الحلوة

وممكن تعطوني مجال اكمل القصه ؟؟؟؟؟

**عبير فديت قلبك** · 09-07-2010, 01:04 PM

مراحب:bye2:

جيت وكملتها ياله نبدأ.........:)

اول ما وصل ابو خالد لمركز الشرطه وقابل الضابط............
ابو خالد: والحين فهد وين هو فيه؟
الضابط: فهد حولناه للمستشفى لان الجروح اللي فيه والكسر اللي جاه اضطرنا انا نحوله للمستشفى وبعدين نحوله للتحقيق...
اما خالد .....ابو خالد قاطع الضابط .......
ابو خالد: خله يخيس في الحجز هذا ما يستحي فشلنا قدام الناس صحيح فهد غلط على بنتي بس هذا فشلنا..........
الضابط يقاطع ابو خالد: بس أي واحد مكان خالد ايد راح يسوي كذا هو غلط بس ماراح يلومه احد " الضابط تعاطف مع خالد واستغرب هجوم ابوه عليه وكلامه الجارح بحق ولده .. وكان الضابط محتار... معقوله في اب يقول عن ولده كذا"
ابو خالد: اجل انا بروح واذا جبتوا فهد وانتهيتو من التحقيق معه بلغوني....
الضابط: طيب وخالد ماراح تطلعه او حاب تشوفه...
ابو خالد: لا لا خله يخيس عندكم بالحجز ... اللي بالحجز كفوه .. لا ابي اشوفه ولا اطلعه....
الضابط باستغراب يسألأ ابو خالد ويبي يتاكد من شيء: ابو خالد....
ابو خالد: هلا
الضابط : خالد ولدك؟؟؟
ابو خالد: ايه وياليته ماكان ولدي ....... والمصيبه انه ولدي البكر....
وطلع ابو خالد وهو يتمتم بكلام اللي انفهم منه انه كان يسب ولده خالد ويدعي عليه....غريب في اب يقول هالكلام عن ولده....؟؟؟؟؟؟؟؟

الساعه 6 الصباح في بيت ابو مشعل
ام مشعل: رنييييييييييييم قومي بسك نوم مابقى وقت على ماتصحين وتغسلين وتلبسين وتعدلين خشتك صارت الساعه 8 ياله قومي..
رنيم: ايوه لحظه .. يمه بس لحظه.. تكفين.. خليني اشوف وش بيصير
ام مشعل: اقول قومي لاوالله بكاس ماء بارد عليك
رنيم: يوووووه بس خلاص حتى الحلم الواحد مايقدر يكمله.....اف خلاص قمنا
ام مشعل: يالله لك الحمد حتى الحلم عندك له تكمله...يامثبت العقل والدين ..ياله قومي خلي عنك الهذره الزايده.
رنيم تمشي وهي تتمايل
رنيم :يمه
ام مشعل:هاه
رنيم: يمه عزيز قام من النوم والا باقي
ام مشعل: لا باقي عنده محاضره الساعه 10
رنيم بصوت واطي والله ماخليه يتهنى ....ليه انا اقوم من الصبح وهو لا
اوريه...
ام مشعل:وش تقولين؟
رنيم: لا بس اقول مرام صحت والا باقي ابيها في شيء مهم...
ام مشعل: وش تبين فيها خليها نايمه.
رنيم: معصي احد يتهنى بالنوم وانا اللي صاحيه لحالي

نزلت ام مشعل عند ابو مشعل اللي جالس بالصاله يقراء الجريده وقعدو يتقهووون

رنيم بعد ما غسلت وخذت لها عشر دقايق عند الماء تغسل طلعت للصاله اللي فوق وراحت للمطبخ اللي فيها وخذت لها كاس ماء كبيييييييييييييييييييييير وبارد وهي تضحك ضحكت ابليس وتغني "هين هين يالضبان عفوا
هين هين ياعزوز " وصلت لعند غرفت عزيز اللي كانت مظلمه شوي والتكييف على اخر درجه وشكل عزيز وهو نايم"نكته" نايم على بطنه ورجل طايحه من جنب السرير واللحاف معتفس وحالته حاله والمخده مرميه على الارض...المهم شكله خطيرررر مره..
رنيم بخبث: يازين الوضعيه
وجهزت المسجل ووطت على صوته عشان يكون جاهزولما خلصت وجهزت كل شيء بداء صوت الاغنيه يرتفع على الاخر اللي هزت معها جدران الغرفه وصوت عزيز ضايع معها...
عزيز: اه...ا اح.. وجع وش ذا؟؟؟؟؟؟؟؟
رنيم من عند الباب وهي ميته ضحك: هاهاها تعيش وتاكل غيرها يابو سعود
وراحت طيران لغرفتها وعزيز يلحقها بس مالحق عليها وهو من وراء باب غرفتها : والله لوريك يام كشه... رجع لغرفته وهو يتحلف فيها...
"عزيز اذا عزم على شيء وخطط له بينفذه وبطرق شيطانيه.....
وهنا رجعت رنيم تكمل شغلها وهي ميته ضحك على شكل عزيز لما نط من سريره وهو يون من برووووودة الماء.
طلعت رنيم وراحت لغرفت مرام اللي كانت نايمه وشوي شوي تتسحب وتدور وتحوس بين اغراض اختها وامها تصارخ من تحت لانها تاخرت
رنيم: اخيرا مابغيت القاه.........." كانت تدور على شريط راشد الماجد الحل الصعب" وراحت تركض وخذت اغراضها وعباتها ونزلت وقطت سلامها على الماشي لابوها وتوكلت الاخت وراحت لمدرستها..............

في مدرسة البنات الساعه 7الاثلث
مها"صديقة رنيم": رن رن هلا وغلا كل هالتاخير ليه ؟؟؟
رنيم :عشان هذا ياعيوني "وتطلع الشريط"
مها وهي تشهق وتفتح عيونها على الاخر: يوووووه ماتخافين يصير تفتيش ويلقونه ثم تاكلينها ياحلوه
رنيم: هاهاهاهاهاهاها لا حبيبتي ماراح يصير واذا صار الله يخلي لنا ام صالح كلها 5او 10 ريال وتسكت
"ام صالح هذي فراشة المدرسه تغطي على البنات بس بحساب"
مها : ياقوة عينك ... بس صدق انتي رهيييييييييييييييييييبه
رنيم: طبعا ياماما انا رنيم والاجر علىىىىىىىىىىىىىى الله

دق الجرس وصفوا البنات طابور وبدأ الروتين اليومي............
رنيم: يووووووووه بدأو اذاعتهم اللي ما ادري على أي اساس يسونها ياختي
حفظناها..
مها : عادي اسمعي واضحكي على اللي يصير من .... التأتأه واللي وجهها يصير طماطه واللي ما تحفظ النشيد صح واللي تغيب وتورطهم ومن هالقبيل......
رنيم : هاهاها ايو الله صادقه هذي الحسنه الوحيده اللي بالاذاعه ...
خلصت الاذاعه وتوجهو للفصول وهم ميتين من الضحك على البنت وما حفظت القصيده وقامت تبكي لانها نستها...... وبدت الحصص
"رنيم ومها على انهم مربوشات بس دوافير بالدراسه"

الحين نروح نشوف خالد في الحجز....
الضابط طلب من العسكري انه يجيب خالد من الحجز.. لما وصل خالد لعند الضابط....
الضابط: تفضل ياخالد..
جلس خالد وهو ميت من التعب وقلة النوم........
الضابط متعاطف مع خالد :تحب تشرب شيء او تاكل شيء
خالد: لا مشكور بس ابي اشرب ماء.
طلب الضابط ماء لخالد
وشرح الضابط الموقف اللي صار لخالد وكيف كان رد فعل ابوه طبعا خالد ما استغرب من اللي قاله عشان كذا طلب من الضابط انه يستخدم التلفون.......
قام خالد واتصل ببيت عمه ابو مشعل..
ام مشعل: الووووو
خالد: السلام عليكم
ام مشعل: عليكم السلام
خالد: صباح الخير عمتي انا خالد
ام مشعل " تعز خالد" : صباح الخير ياهلا والله بخالد كيفك
خالد: بخير الحمد لله الا عمه عمي موجود
ام مشعل : ايه موجود لحظه اناديه لك.
ابو مشعل: هلا والله بخالد .. صباح الخير
خالد بصوت مخنوق: هلا والله بعمي كيف اصبحت
ابو مشعل: بخير وعافيه..
خالد: امممممممممم عمي ابي اطلبك اذا ما عليك كلافه
ابو مشعل: امر وانا عمك
خالد: عمي انا في الحجز وبغيتك تجي عشان تكفلني واطلع....
ابومشعل مصدوم: وش تقول... وش حجزه... وش كفالته؟؟؟؟؟؟؟؟
خالد: عمي الله يطول عمرك بعدين افهمك بس والله خلاص ما اقدر ابي اطلع باسرع وقت من هنا.......
ابو مشعل : خلاص ابشر الحين اجيك بس انت باي مركز...
خالد قال لعمه هو في أي مركز وجلس ينتظر لين ما يجي........

**عبير فديت قلبك** · 09-07-2010, 01:07 PM

في ممرات المستشفى كان قلب منيره يفز من مكانه فجأه طاحت عينها على اخر الممر شافت خيال يمشي كأنها تعرفه وكل ما قرب منها توضح لها الصوره اكثر
هي تعرف هالخيال اللي عمره ما غاب عن بالها....فهد ايه فهد نست منيره اللي سواه فيها لما شافته يمشي و2 من الشرطه يمشون معه تقطع قلبها عليه...."منيره على كثر ماتعاني من فهد الا انه يظل بنظرها زوجها وحبيبها وما يهون عليها وتصبر نفسها وتقول لا بد يجي يوم وينعدل حاله وحتى فهد يحبها مووووت ويندم على اللي يسويه معها بس كله من الشرب واللي يجلسون معه..... نكمل"
منيره تكلم اخوها احمد: احمد هذا فهد اللي واقف هناك؟؟
احمد : ؟؟ وينه؟؟ ايه هو الله لا يرده خليه يولي......
منيره خنقتها العبره من كلام اخوها وحال زوجها......
ورجعت مع اخوها للبيت عند امها.......بعد ما خلصو من الإجراءات ومع الشرطه لان الدكتور اللي شاف منيره قال هذا حال اعتداء ولازم من التحقيق.... احمد انهى كل شيء بسرعه خصوصا بعد ماقالهم ان اللي ضربها خلاص هو عند الشرطه ..

ام خالد: هاه ياحمد وانا امك بشر وش قالو عن اختك.......
احمد :يمه .....سلامتك مافيها الاشوية رضوض وبتتعافا ان شاء الله بسرعه....
منيره مشت وراحت فوق عيالها اللي ماراحو لمدارسهم.......

وفي بيت ابو مشعل كانت ام مشعل بدات معركه جديده مع عزيز عشان يقوم
ام مشعل: يوووووه ياعزيز حرام عليك قوم وانا امك تعبت وانا اصحي فيك
متى بتقوم الحين الساعه 9
عزيزوبعد طلعت روووح مابغى يصحى
عزيز:امممممممممممم طيب خلاص يمه الحين بقوم ياله....
قام عزيز وخذاله شور سريع ولبس ملابسه وخذا كتبه ونزل يفطر مع امه اللي كانت جالسه مع بنتها مرام...
عزيز: صباح الخير على الحلوين وحب راس امه وقعد جنبها.......
ام مشعل : حدد من الحلوه فينا...... اذا قلت انا قلت انك كذاب لاكن ان قلت مرام بقول في هذي والله انك صادق...
عزيز: لا لا لا مرام غير ما بقول في حلاها شيء
مرام انحرجت من امها واخوها صحيح ان عزيز اصغر منها بس هي تنحرج من أي احد حتى لو كان طفل
عزيز+ام مشعل يضحكون على مرام:ههههههههههههههه
عزيز: يمه.....
ام مشعل: ها يمه...
عزيز: رنيم متى ترجع من المدرسه؟
ام مشعل باسغراب: الساعه 1ونص ليه؟؟؟؟؟
عزيز: اه ... لا ابد سلامتك بس قلت يمكن امر عليها واجيبها معي اليوم
ام مشعل : انت تجيبها... ومحاضراتك؟؟
عزيز: ابد انا ماعندي الا محاضره وحده بس ...والحين استأذن..... الا مرامو
ما تامرين على شيء اجيبه لك..
مرام واخيييييييييرا بتتكلم: ابد .... سلامت قلبك
عزيز: ياله في امان الله
ام مشعل +مرام:في حفظه ورعايته.......

وصل ابو مشعل للمركز ودخل على الضابط .......
ابو مشعل :السلام عليكم
الضابط: وعليكم السلام
ابو مشعل: انا ابراهيم ال.. عم خالد
الضابط : ياهلا والله تفضل ارتاح
جلس ابو مشعل وطلب من الضابط يشرح له اللي صار وقاله الضابط كل شيء
ابو مشعل :حسبنا الله ونعم الوكيل......... هالفهد ما يجي منه الا المشاكل
وقال بينه وبين نفس"الله يسامحك يامنيره يابنت اخوي لو مانتي تبينه والا كان ارتحنا منه ومن مشاكله....... قال للضابط: اقدر اشوف خالد الحين
الضابط : اكيد.. اكيد.. وطلب من العسكري انه يجيب خالد لهم....
ظل ابو مشعل يتكلمون لحد ما طق الباب ودخل عليهم.....خالد ..
خالد اول ماشاف عمه تحجرة الدموووع بعينه ويقول بنفسه اه ياعمي ياليتك كنت ابوي.......
ابو مشعل اللي قلبه تقطع على ولد اخوه وكان شكله مره تعبان ..وقام وخذاه بحضنه
كانت دمعة خالد بتنزل اكيد بس هو مسكها وحبسها
انتهى الموضوع مع خالد خصوصا بعد ما رجع فهد وبداؤ التحقيق معه وتنازل عن خالد لاكن فهد موضوعه مانتهى لانه ممكن يدخل السجن لانها مش اول مره ........:030104_emTE19_prv:

طلع ابو مشعل من المركز ومعه خالد.......
ابو مشعل: الحمد الله عالسلامه
خالد وهو يجبر ابتسامه على انها ترسم في وجهه:الله يسلمك...
ابو مشعل شاف الهم اللي بوجه وخالد وحس انها بسبب ابوه: خالد وانا عمك هونا وتهون.... انت الحين تجي معي البيت وترتاح وتاخذ لك شور وتاكلك لقمه وتنام وبعدها ربك يحلها....
خالد: الله يعين بس والله ما ودي اكلف عليكم
ابو مشعل حب يلطف الجو ويبي ينكت: اذا على الكلاف انت مكلف من زمان لازق عندنا لزقه
خالد : والله اني عارف بس وش اسوي مالي الا انتم ياعمي
ابو مشعل: افا عليك انت لو تامر على البيت واهلها يرخصون لك وانا عمك تراك غالي........
ركبوا السياره ومشوا وظلوا يتمشون فيها لحد ما اذن الظهر وقفوا عند مسجد ونزلوا يصلون وبعدها راحوا للبيت...............

في بيت ابو مشعل كانت ام مشعل حايسه في المطبخ وتجهز للغداء اللي عطاها ابو مشعل خبر ان خالد بيتغداء عندهم اليوم...
وقفت عند الباب وتطالع امها بنظره فيها من الدلع اشكال والوان "مرام دلعها من الله يعني ما تتصنع الدلع...الدلع مخلوق منها وفيها..وبعفويه"
مرام : يمه
ام مشعل: هاه يمه
مرام : محتاجه شيء اساعدك فيه...
ام مشعل: لا يمه ...بس روحي وكلمي زوجة اخوك خليها تجي بدل ماهي قاعده لحالها.... مشاري بدوامه مرابط الله يعينه..
"مشاري طبعا عسكري.. يعني لازم من فتره والثانيه يرابطون حسب الظرووف"

مرام :ان شاء الله....
راحت مرام للصاله واتصلت بساره زوجة مشاري
ساره :الووو
مرام:السلام عليكم
ساره: عليكم السلام هلا وغلا ياحيا الله هالصوت وراعيته
مرام:الله يحييك يام رغد
ساره :هلا والله بدلوعة البيت
مرام: هلا فيك .......الله يسامحك الحين انا دلوعه
ساره: احمد ربك الوحده تتمنى تكون دلوعه...
مرام : بس انا ما ابي
ساره: والله انك دلوعه واحلى دلوعه........تدرين مشاري يقول ان الدلع مايطلع حلو الا منك انتي .....
مرام : يخليه ربي ........الله يحفظه
ساره : امين... بس هي انتي ترى بديت اغار منك...
مرام+ساره:ههههههههههه
مرام: المهم لا تنسيني اللي ابي اقوله شيلي نفسك وبناتك وتعالي تغدي عندنا مادمتي قاعده لحالك......
ساره : طيب بس...... مرام حبوبه .....
مرام : ادري ...وتقلد ساره"مرام حبيبتي تعالي ساعديني وشيلي وحده من البنات"..صح
ساره : الله عليك والله انك صادقه..
مرام: طيب خلاص ربع ساعه وانا عندك بس ابدل ملابسي
ساره : اوكي
مرام : باي
ساره : باي

طلعت مرام لغرفتها وطلعت ملابسها وخذت لها شور عالسريع ولبست ورشت لها عطر كانت لابسه تنوره جينز مع بلوزه حمراء ورفعت شعرها اللي تناثر منه خصل داير مادار وجهها لانها من يومين قصته شلال وطلعت جنان مع هالقصه....
نزلت وراحت قالت لامها... مشاري طبعا ساكن جنب ابوه الفيلا حقته بنفس الحوش مع فيلاة ابوه بس في جدار يفصل بينهم وفي هالجدار باب ...
طلعت مرام للحوش وهي طالعه طاحت عينها بعين شخص ياما فكرت فيه..ياما انشغل بالها عليه...ياما تمنت تصرخ للعالم وتقول انها تحبه..كل عرق بجسمها ينبض بقولة احبه ..كان حبه يجري مع الدم بعروقها...انتبهت لنفسها وهي بنص الحوش وهو كان واقف عند سيارة ابوها اللي سبقه ودخل للبيت..وراحت تركض لحوش اخوها ...عرفتوووووه؟؟؟؟؟

في الجهه الثانيه كان واقف ولا حس بشيء خالد اللي ماكانت الدنيا سايعته من الفرحه ..نسى التعب اللي فيه نسى كل هموم الدنيا....... اخيرا شفتها ..اخيرا هي قدام عيني ..اخيرا كان وده بلحظه يوقف فيها الزمن ويختفي كل شيء حولهم وما يبقى غيره هو معها بس عشان يقولها وش كثر يحبها.. وش كثر غلاها بقلبه
كان وده يقول لها ....أحبك يابنت عمي ......وبس
بس هو انتبه للموقف اللي هم فيه ونزل راسه واختفت عن عينه وهي تركض....

دخلت مرام على ساره وهي تتنفس بقوه ووجهها احمممممر وقلبها ينبض بقوه...
ساره : مرام وش فيك وش في وجهك كذا؟؟؟
مرام: هاه ....لا ابد سلامتك بس تعرفين شمس وجيت اركض...
ساره اللي ما اقتنعت: ايووووواه ....طيب
مرام : وين رغودي ....انا بشيل رغد واروح عنكم....
شالت مرام رغد وباسته بكل حنيه وابتسمت ابتسامه خياليه
ساره تطالعها:خذيها تهني فيها ......... عقبال ما نشوف رغود الخاصه فيك....
مرام باحراج الكون اللي جاها وبصوت مهموس: ان شاء الله.
ساره ماتت من الضحك على مرام وطلعو مع بعض ودخلو البيت..

عند مدرسة البنات ... الساعه 1ونص الظهر
عزيز كان واقف عند بوابة المدرسه ومتسند على سيارته البي ام ...ينتظر رنيم تطلع..وهو يضحك ..يتخيل ردة فعل رنيم لما تشوفه.......

رنيم كانت مع صديقتها مها يسولفون وهم يلبسون عباياتهم واتفقوا انهم يكملون كلامه على التلفون "ما يشبعون من بعض"..........
رنيم: ياله مها ... سي يو؟
مها : تكفين ياللغه ....ياله باي؟
طلعت رنيم واللي تفاجأة من شوفة عزيز قالت بقلبها" ياويلي منه الله يستر وش بيسوي فيني.......راحت له وركبت السياره....السلام عليكم.
عزيز: عليكم السلام...هلا هلا هلا والله بالعزيزه رنيم
رنيم وهي ترجف: ه ه هلا بك اخوي العزيز عزيز
عزيز: وينك تأخرتي صار لي ساعه انتظرك
رنيم: ابد طلعت المدرسه متأخره وعلى مانزلنا ولبست عباتي..
عزيز:امممم ايووووه ... مو مشكله ..خير ان شاء الله .. ياله نروح البيت..
عزيز كان يخفي ضحكه خبيثه ... "تدرون متحلف فيها وياويلك يارنيم ..هذا عزيز ماحد يبلش معه....

تعتقدون كيف بيكون رد عزيز لها..........

**عبير فديت قلبك** · 09-07-2010, 01:12 PM

في شركة ابو مشعل كان مشعل مع عمه ابو تركي يحاولون يتصلون في ابو مشعل بس هو ماكان يرد عليهم وهم مستغربين لأنه ماداوم اليوم ولا بلغهم انه ماراح يجي وكان في شغل كثير متعطل .........واتصل مشعل على بيتهم اللي بلغته امه ان ابوه طلع وراح لولد عمه خالد..........
مشعل: اقول عمي ماتلاحظ ان غريبه الوالد اول مره ما يجي للشركه ولا يبلغنا؟؟؟؟؟؟
ابو تركي: هو صدق غريبه بس مادام هو مع ولد عمك خالد اكيد في شغل بينهم مهم خلاه ما يجي...
مشعل وهو مستغرب!!!!:وش هالشغل اللي بينهم؟؟
ابو تركي: الله اعلم...وبعدين انت وجهك خالد ولد عمك ليه تستغرب انه يكون فيه شغل بينه وبين ابوك......
مشعل:صادق.... ياله مو مشكله بيجي يوم واعرف وش هالشغل...
ابو تركي: اقول.....كن الجلسه والسوالف عجبتك يالشيخ .....قم خلص الشغل اللي وراك وخلني اخلص من شغلي..
مشعل : زييييييييييين لا تعصب كل اللي قعدته عشر دقايق ....يالله مع السلامه..
ابو تركي: مع السلامه..
.................................................. ....

كانت قاعده تلعب مع بنت اخوها حبيبة قلبه رغد... وتذكرت الموقف اللي صار لها في الحوش .... وكيف كان شكله متغير والتعب والارهاق باينين عليه والسهر اللي طبع هالات سود تحت عيونه.... وش اللي متعب حاله ومسوي فيه كذا... اه ياليتني اعرف ... كانت مرام تفكر بحال ولد عمها وحبيب قلبها خالد ...وقطع عليها حبل افكارها صوت ساره اللي دخلت...........
ساره: اللي ماخذ عقلك......
مرام:خلي يكون في احد اساسا بعدين قولي اللي ماخذ عقلي.. وياحبيبتي محد مأخوذ عقله بهالبيت غيرك من كثر ماتفكرين بروميومشاري
ساره تطلق تنهيده من قلبها: اه....ياعمري على مشاري..يابعد طوايف طوايف طوايف اهلي...ياجعل عيني ما تبكيه..جعل يومي قبل يومه....
قاطعتها مرام: بس..بس خلاص ماصارت كل هذا حب لمشاري......الله يعين هالقلب اللي عندك....
ساره وهي تاشر بايدها على قلب مرام وتقول: والله اذا القطعه المركبه هنا وكلها تجاويف سكنها شخص ... بتسوين اللي سويته واكثر ....ياماما..
وراحت ساره عن مرام وهي تبتسم حاسه ان قلب مرام مشغول بس بمين ما تدري

وقعدت مرام وتقول في قلبها ياريتك تدرين ياساره ان هالقطعه سكنه واحد من زمان ولا راح يسكنه احد غيره لين اموت....احبه.. احبه.. اه ياخالد
...............................................
كأني نسيت اثنين بينهم شبه معركهداحس والغبراء نسيت عزيز ورنيم.......ياعمري عليك يارنيم ....
عزيز يعرف ان رنيم تخاف من البحر ويجيها دوار اذا راحت له فقال عزيز فرصه
عشان يأدبها ويخليها تحرم انها تمزح معه زي مزحها اللي اليوم....
وهم ماشين كان الطريق غير اللي يودي للبيت.......ز
رنيم:عزيز....وين بنروح ماهو ذا طريق البيت؟؟؟
عزيز وفيه الضحكه:ادري..بس بغير الطريق ابي امر محل باخذ منه اغراض قريب من هنا..
رنيم بعدم تصديق: ايواه
عزيز يناظرها بنظره خبيثه من طرف عينه اللي مغطيعا بنظارته الشمسيه..وراسم ابتسامه صغبره على فمه..
قرات رنيم لوحه بالطريق مكتوب عليها اتجاهينالخبر,جسر الملك فهد
ونظرات تعجب من رنيم وتتلفت يمين ويسار قلبها يقول في شيء بيصير......
رنيم: عزيز ...... وين رايحين ؟؟وليه رايح للخبر؟؟؟
عزيز: ابي اتمشى معك حرام....
رنيم؟؟؟؟؟؟؟؟؟؟
عزيز: وش فيك؟
رنيم : ابد سلامتك.....
فجأه وبدون مقدمات بدأت رنيم تصارخ........

رنيم: لا لا لا......عزييييييييييييييييييييي ييييز الله يخليك الا هالشيء

عزيز وهو ميت ضحك:050103gig_prv: : هههههههههههههههاي.... وش فيك..عادي بنتمشى على الجسر شوي......
طبعا عزيز راح للجسر ومشى لحد ماصار بوسط البحر .......
رنيم هنا خلاص بدات تحس بدوار وصداع وغثيان وصرخت بقوه:عزيييييييييز وقف السياره....
عزيز وقف بسرعه ويكلمها بقرف: زجع لا لا لا....لحظه انزلي الا سيارتي ياويلك.........
رجع عزيز ورنيم بعده للبيت بسرعه وكانت رنيم مره تعبانه صحيح كسرة خاطر اخوها بس هو يقول معليه تستاهل عشان تتأدب مره ثانيه.......

اتمنى يعجبكم هالجزء بس معليه تحملو البدايه بس في اشياء تعور القلب بتصير

**عبير فديت قلبك** · 09-07-2010, 01:15 PM

جاء وقت الغداء وتجمعوا الرجال بالمقلط والحريم تغدوا بالصاله وبعد الغداء قعدوا يشربون الشاي وخذتهم السوالف وراح ابو مشعل ينام قبل العصر وراح عزيز لغرفته ونام ورنيم اللي كانت تعبانه من اللي صار لها راحت ترتاح.....
مرام مع ساره وكل وحده بحضنها بنت عشان ينيمونهم....... ومشعل كان مع خالد بالمجلس ...... جاء وقت صلاة العصر وقام ابو مشعل ومر على غرفت عزيز ولقاه نايم وصحاه عشان يلحقون على الصلاه بالمسجد.... توضو وراحوا للمسجد وسبقهم مشعل وخالد ...... بعد الصلاه رجعوا للبيت وجلسوا بالجلسه اللي بحديقة البيت راح عنهم عزيز اللي عنده مذاكره وبعده بشوي استأذن مشعل منهم لانه عند شغل يبي يخلصه...... بهالوقت قعد ابو مشعل يتفاهم مع خالد وحب انه يتدخل وينهي الاشكال اللي بين خالد وبين ابوه بس هو يرفض ......
ابو مشعل: هاه وانا عمك وش قلت؟
خالد : ياعمي والله ما ادري.......... وهذي ماهي اول مره ودايما تتدخل بالموضوع والوالد يردك.... وانا والله ياعمي ما ارضاها لك هالمره..
ويكمل خالد كلامه والحزن ارتسم بملامحه.........
:ياعمي تعبت نفسي اعرف وش الشي اللي يرضيه وانا اسويه لو يامر على روحي ما بخلتها عليه ... بس ابي اعرف ابي سبب مقنع ... يبرر لي تعامل ابوي القاسي معي..... ياعمي انت مو غريب وتشوف تعامل الوالد مع اخواني ومعاي........ ليه؟؟؟
ياعمي انا اسوي شي غلط.... تسمع عني أي شي غلط......؟؟
ابو مشعل وقلبه محروق على ولد اخوه : لا والله ياولد انت العيب عمره ما يجي منك بس وكل امرك لله وحده وهو كفيل انه يحل مشكلتك... بس وش قلت اتكلم مع ابوك؟؟
خالد: لا ياعمي ... الله يخليك ويطول بعمر خل الموضوع زي ماهو وانت قلتها ربنا يحلها من عنده ....
خالد رجع لوراء وسند ظهره بالكرسي ورفع يده لراسه وغلغل اصابعه بشعره وبهالحظه اطلق تنهييييييييييييييده من صدره عمه لما سمعها حس ان ضلوع خالد بتتكسر من قوتها.....ترك ابو مشعل خالد لوحده لان حالته بهالحظه تبين انه يبي يجلس لحاله...
ومن مكان بعيد عنهم شوي كانت في عيون تراقب وتتابع الحوار وردات الفعل اللي تصير قدامها وتبي تفهم وش السالفه كانت مرام واقفه عند شباك يطلع على الحديقه
كانت مستغربه ليه هالحزن والتعب اللي باينه في ملامحه وش اللي صاير معه ....كانت تتمنى لو تقدر تجلس معه بعد ماقام ابوها ...لو تقدر بس دقايق تخفف عنه التعب والهم اللي فيه... وتقوله مافي شي بهالدنيا يستاهل تتعب نفسك عشانه يالغالي......فجأة حست ان في عيون انتبهت لها وجالسه تتاملها هالعيون كانت عيون خالد.. واختفت من عند الشباك ضحك خالد وحس براحه كبيره لانه شاف روحه واقفه قدامه.....زقام خالد وطلع يتمشى شوي.......
بعد صلاة المغرب تجمعوا ابو مشعل ومشعل وعزيز وجاهم ابو تركي واخذتهم السوالف........
ودخل خالد عليهم: السلام عليكم
الكل : وعليكم السلام
سلم خالد على عمه ابو تركي:كيف الحال ياعم وش اخبار تركي...
ابو تركي : الله يسلمك ... وتركي يسلم عليك .. انت اللي وينك ما نشوفك...
خالد : ابد الله يسلمك.......موجود بس اشغال..
ابو تركي : الله يعين...
وكملو سوالف ويقطع عليهم هالسوالف دخول مشاري عليهم وهو لابس الزي العسكري.....
مشاري: السلام عليكم.
الكل : عليكم السلام
ابو مشعل :ياحيا الله من جانا.... حيا الله وزارة الداخليه "مشاري عسكري بقوة الطوارء الخاصه"
مشاري: الله يحييييييك....... حيا الله وزارة الماليه " لان ابوه مقرش شوي يعني عنده كم مليووووون...هههههه"
وقاموا الاثنين يضحكون وينكتون على بعض..
هنا خالد وهو يشوف الكلام اللي يصير بين عمه وولد عمه ويتامل الحنان اللي عمه يغمر فيه عياله يتحسر على حاله ويقول ياليتني اعيش لو دقيقه وحده هالحظه مع ابوي...اه يابوي الله يسامحك ويخليك ياعمي لعيالك ويطول بعمرك...
انتبه خالد ان عزيز يكلمه وبدا يتكلم معه...
مشاري وهو واقف : استاذن ياجماعه بروح اسلم على الوالده واغير ملابسي واخذ لي شور وارتاح........
عزيز: لا ياشيخ...تبي تسلم على الوالده ...علينا.. والا تبي تكحل عيونك بالحكومه" يقصد ساره"
الكل ضحك على عزيز........
ودخل مشاري وهو يضحك على اخوه........
وتشوفه ساره: ياجعل هالضحكه دايمه..هلا والله ..اسفرت وانورت
ردت عليها مرام: واستهلت وامطرت...
رنيم : أي امطرت انتي ماتشوفين الدنيا حر ورطوبه وخياس والله ماحد قادر يطلع من بيته الشرقيه ابد مو حلوه هالايام ولا تسوى ريال........
مشاري :وليه الاخت وين تبي تقعد ايام الحر.......؟
رنيم: امممممممم ... ما ادري افكر واذا وصلت لقرار بعطيك خبر؟؟؟
قامت رنيم تتصل على صديقتها وجلس مشاري مع زوجته واخته....
دخلت ام مشعل الصاله وشافت ولدها جالس جنب زوجته وبنته بحضنه وفكرت بولده مشعل متى بيريحها ويتزوج وتشوف عياله مثل ماتشوف عيال مشاري...
كملت طريقها وهي تهلي وترحب بولدها اللي قام لها وحب راسها ويدها وجلسها بجنبه..وجلسوا يسولفون شوي وبعدها استأذن مشاري اللي يبي يروح لبيته لانه يبي يرتاح وينام......
..........................................

في بيت ابو خالد كانت ام خالد جالسه مع زوجها قاعدين بالصاله بعد ما مر على سالفة فهد ومنيره والمسكين خالد .. كم يوم
ام خالد كانت متضايقه من وجود خالد في بيت عمه :هالولد بيموتني ناقصه عمر.......من يوم الاحد الى اليوم الاربعاء في بيت عمه ولا فكر يكلمني...
ابو خالد يتابع التلفزيون ولا رفع راسه: وانتي وش عليك....خليه يولي.
ام خالد: وش اللي وش علي...ولدي ويتركني كذا ويروح لبيت عدوتي...
"ام خالد تكره ام مشعل وعيالها"
ابو خالد للحين يتابع التلفزون:وليه عدوتك..وهي وش سوت لك.
ام خالد: ماسوت لي شي.... بس ولدي عندها له كم يوم ولا فكر يكلمني ولا كأني امه....
ابو خالد يضحك بسخريه: ولدك....وانتي اصلا معتبرته ولدك......
وبهاللحظه غير نبرة صوته وتكلم بقوه: خليه يولي هالولد دووووم يعاندني...
ام خالد حن قلبها على ولدها: ايه ياسعيد هذا ولدي ... اول فرحتي.. ولدي البكر...ياسعيد...نسيت فرحتك اول ماعرفت اني حامل وفرحتك اول ماجبته..الدنيا ما وسعتك من الفرحه....واخرتها كذا نعامله....ويروح لمرة عمه ويتركني ولا حتى يطمني عليه.........الدموع بهاللحظه ملت عيونها بس من قسوة قلبها مانزلت هالدموع.. اللي لو نزلت يمكن تقدر تغسل شوي من الحقد اللي بقلبها..........
تضايق ابو خالد من هالكلام وطلع من البيت.........

..........................................
اليوم كان اربعاء وفكر ابو مشعل واخوه ابو تركي انهم يطلعون للاستراحه الخاصه فيهم..... وطبعا اتفقوا انهم يحركون بكره الصباح عشان يمديهم اليوم يجهزون اغراضهم وعشان يوصلون عيالهم "ياسر و تركي" من الرياض.......

رنيم:واو بكره بنروح للاستراحه.........
مشعل :هي انتي اركدي شوي .... ابد مافي عقل عندك...امحق ويقولون خلاص البنت كبرت وثالث ثانوي.....ما اقول الا الله يخلف على الوالد.... زين ان عندها مرام والا كان في كلام ثاني.......
عزيز: مشعل من صدقك انت....... انا اشوف ان امي ماجابت غير مرام البنت والوحيد وخمس عيال والخامس.........بص هو دا "وياشر بيده على رنيم وهو يضحك"........
رنيم ما ردت على كلامهم.......
مشاري وهو بيدخل عليهم سمعهم وش يقولون: انتي باقي واقفه بعد هالكلام....ترى انتي بنت لازم تكونين حساسه وياثر عليك هالكلام......
رنيم : خلهم يقولون اللي يقولونه .... بعدين الحقران ....ويقطع عليها عزيز ويقلد المصاريه...
عزيز: يأأأأأأأأطع المصارين
مشاري : اقول رنيم: انتي المفروض انثى كلك انوثه ودلع وثقل ورزانه...وانتي على البركه ... ما تشوفين اختك مرام...ماشاء الله عليها كلها دلع وعقل ينقطون منها
مشاري +عزيز: في هذي صادق ابو رغد
رنيم وهي معصبه: خلاص...ابشر من بكره بسجل اوراقي عند الاخت الكريمه واخليها تعلمني اصول الانوثه والدلع والرزانه .........
عزيز : يابابا.....كل شي بهالدنيا نتعلمه الا هالشيء.........لأنه فطره مخلوقه في الوحده...بس انتي نموك ما اكتمل يوم جابتك امي........
ضحك مشعل ومشاري على كلام عزيز واستمروا يناقشونها في هالكلام لحد ما عصبت وراحت عنهم عشان تكلم بنت عمها زهور........
زهور: الووووو
رنيم:هلا والله هلا ببنت العم...هلا بحديقة عمي
زهور: وجع وش حديقة عمي ذي...
رنيم: امدحك..........
زهور:ياشينه من مدح ....اخلصي وش عندك..
رنيم: وش فيك النفس شينه يالله لك الحمد.....
زهور: اليوم اربعاء وابي اطلع ........ بس ابوي مشغول وتركي مابعد جاء وامي مارضت تطلع معي........
رنيم بس سمعت اسم تركي راحت بعالم ثاني"حبيب قلبها" على انها خبله وربشه بس هو بعد يحب هبالها....وطبعا ابو تركي خطبها لتركي بس ينتظرون ينهي دراسته وهي بعد وبعدين يصير كل شيء رسمي........
زهور: الووووووو.... الووووووووو....يوووووه رنيم ووجع خلاص سمعتي اسمه وجتك الحاله....ردي عليييييييييييييييييييي
رنيم: هاه معاك....
زهور: أي معاي انتي ووجهك....الا مو معاي ابد ....ياله قولي وش عند بسرعه مشغوله مع امي..
رنيم: ابد سلامتك...بس حبيت اعطيك خبر ان بكره بنطلع للإستراحه...من الصبح...
زهور: بس ...يعني في شيء غيره تبين تقولينه...
رنيم: ابد سلامتك....
زهور: ياقدمك....عندي خبر.... عشان كذا امي مارضت تطلع معي تبيني اساعدها بترتيب الاغراض.....
رنيم : طيب الشرهه علي حبيت اقولك... تقولين قديمه معليه... ياله باي اشوفك بكره
زهور وهي تضحك: على خير ان شاء الله.....بايات..
....................
طبعا كانوا الحريم مشغولين بترتيب الاغراض ام مشعل ومرام ومعهم ساره
وام تركي ومعها بنتها زهور.........

**عبير فديت قلبك** · 09-07-2010, 01:19 PM

الساعه 1بالليل كان خالد جالس على البحر لحاله بعد متعب من اللف بسيارته جلس يتامل البحر ويشوف البحر يتحرك بهدوء مع كل نسمة هواء تمر ويفكر بحاله
وش راح يصير وكيف يتعامل مع ابوه.... الف سؤال وسؤال يدورون براسه... مد جسمه اللي هده التعب ويمرر ايده على الرمل وتذكر نظرة مرام له اليوم لما كان بحديقة بيتهم تذكر نظراتها له وظل يفكر ويعيد شريط حياته لما راح مع جده لبيت عمه ابو مشعل بعد ما انولدت مرام وكيف كانت صغييييييييييييره وباللفه وكان يشوفها كل يوم تكبر ويكبر حبها لها كان خالد اكبر منها بعشر سنين.....من شوقه لها مسك جوالها وارسل لها مسج"لو الغلا يوزن بميزان.... ماأظن يوزن بالموازين حبي...وإن كان فيه إنسان يموت بإنسان أنا جريح الحب من فضل ربي...وإن كان غيري يرسم أشكال والوان ... أنا ... رسمتك في شرايييين "قلبي"...."....
خالد قدر يوصل لرقم مرام بالصدفه كان جالس مع مشعل قبل 3شهور وطلع مشعل يجيب غرض من سيارته وبهاللحظه اتصلت مرام وشاف اسمها..شاف انها فرصه واخذ الرقم من الجوال من دون ما احد يدري... وظل 3شهوووووور وهو يحاول يرسل لها او يبين لها شيء بس ما تجراء او خاف انها ترده بس اليوم قرر هالشيء...
رنيم اللي كانت قاعده مع اختها وكان الجوال معها فجأه نغمة الرساله رنيم ملقوفه فتحت الرساله وقرتها: واو وش ذا
مرام : وش فيك ... من مين الرساله..
رنيم : ما ادري مافي اسم بس رقم .. تعرفين هالرقم ********
مرام :ابد ولا مر علي.....
رنيم : يمكن بالغلط جايه..... بس حلوه.
مرام : زين خلاص قفليها وقومي روحي لغرفتك ابي انام.. ورانا قومه مابقى الا اربع ساعات...
رنيم : عادي ... وش ورانا بكره خميس.......
مرام : اقول قومي...ياله تصبحين على خير...
رنيم : زين .. وانتي من اهله.
..........................
اليوم الخميس وكانت الساعه 6 الصباح وتجهزت العائلتين وتوجهوا للإستراحه...
كانت الإستراحه اشبه بالمزرعه الكبيره كانت الارض كلها زرع ويتوسط الاستراحه فيلا صغيره وداير مادارها مزروع وكان فيها ملاعب كره ومسبحين واحد للرجال والثاني وراء الفيلا كان للبنات.....وكان فيها جلسات وبيت شعر كانت الاستراحه روعه ... اول ما وصلو كانت الساعه 7 راحو الحريم يجهزون الفطور للرجال ولهم وبعد ما افطرو ريحو شوي ولما صارت الساعه 9ونص راحو الشباب مشعل ومشاري وعزيز وياسر وتركي اللي وصلو هالاثنين امس بالليل ...للمسبح... وجلس ابومشعل واخوه في بيت الشعر يرتاحون,,,
الحريم قعدت ام مشعل وام تركي يسولفون وساره راحت داخل تنيم بناتها ومرام دخلت معها اما رنيم وزهور قعدو يتهاوشون على الريموت كل وحده تبي قناه ... اللي تبي روتانا واللي تبي ام بي سي...... في الاخير ملت زهور وراحت تنام..
جات مرام وزهقت من حركت رنيم ما تثبت على قناه
مرام: رنيييييييييييييم حرام عليك ارحمينا درختينا وانتي من قنا لقناه
رنيم : لحظه بس....
مرام : وانا بنتظرك ياله خليه على أي قناه....
رنيم : يوووووه وانتي الواحد ما ياخذ راحته معك...
ام مشعل : مرام ... رنيم..
مرام +رنيم: نعم يمه
ام مشعل : ياله قوموا صلو الظهر وتعالو عشان نجهز للغداء
مرام : انشاء الله
رنيم : وليه وين الخدامات ما يجهزوووون الغداء
ام مشعل وهي ماشيه : اقول قومي والا لي تصرف معك..
قامت رنيم وهي ماده بوزها شبرين
...................
في بيت ابو خالد كانت منيره جالسه مع اختها حنان
منيره وهي التفكير ذابحها على اخوها من بعد اللي صار ما تعرف عنه شيء الا انه في بيت عمه.....
حنان: ياهوووووه .... ام عمر.... منوووور .....
منيره : هلا .... معاك وش فيك
حنان : ابد سلامتك بس اكلمك ولا انتي حولي....
منيره : بصراحه افكر بخالد....
حنان وكلها غرور وعدم اهتمام: وش له تشغلين بالك تلاقينه قاعد مع عيال عمه
منيره : ليه ماهو عمك انتي بعد
حنان : عمي على عيني وراسي بس عياله ما ادانيهم خصوصا مرام
منيره : حنان ... انتي كنتي تحبين مرام ... بس ليه تكرهينها الحين
حنان : كذا بدون سبب..
منيره : لا فيه سبب وانا اختك .. وانا عارفته... بس اذا كان مشاري تزوج
مرام مالها ذنب .... وبعدين لا تنسين ان مشاري تقدم لك انتي بالأول بس انتي اللي رديتيه ... سمعتي كلام الوالده وكنتي تظنين انه راح يرجع مره ثانيه ويتقدم لك....لا ياحبيبتي اذا في احد غلط فهو انتي مهو احد ثاني.....
دخلت عبير"بنت منيره " وهي زعلانه وخذتها امها وتذكرت فهد اللي كان يمووووت في بنته بس اذا كان واعي....."اه يافهد الله يسامحك".. ويفك سجنك ويصلح حالك....يارب..

نرجع للإستراحه اللي كان الشباب قاعدين وجالسين يلعبون "بلوووووت"
ابو مشعل : اقول واحد فيكم يقوم يشوف وش صار على الغداء..
قام عزيز وراح يشوف وش صار على الغداء وهو واقف عند الباب .... يتنحنح:يمه ...... يمه
جات رنيم : هلا عزيز امر وش عندك..
عزيز: وش صار على الغداء..؟؟
رنيم : خلاص مابقى عليه شيء اول ما نحطه باناديكم زييييييييييييين
عزيز: زيييييييييييين ياله اذلفي خلصي الغداء
رجع عزيز وكمل لعب......بعد عشر دقايق نادوهم للغداء.......وهم جالسين...
ابو تركي:الا خالد مابيجي ........
ابو مشعل :امس لما رجعت للبيت مالقيته ولا يرد على اتصالاتي قلت يمكن مشغول وقلت لمشعل يبلغه..... هاه يامشعل قلت لخالد.....
مشعل : ايه طال عمرك اليوم الصبح قبل لانمشي كلمته وقلت له .... وقال بيحاول.
ابو تركي لف لأخوه :صار شي جديد .........
الشباب كلهم لفوا عليهم يبون يعرفون وش صار ... طبعا مشعل ومشاري وعزيز عرفوا وش اللي صار مع خالد لا ياسر وتركي ماكانو عارفين ان خالد يبات في بيت عمه.........
ابومشعل :لا ما صار شي .... بس الولد امس كان تعبان ولا بات في البيت .... اخاف صار معه شي......
ابوتركي : لا ان شاء الله..... وهو قال انه بيحاول ..... وانت تعرف خالد
تركي وياسر يناظرون بعض ولا هم فاهمين شيء
تركي : فهمت شي
ياسر : اذا انت فهمت شي قول لي
كملوا غداهم والسكوت كان سيد الموقف والتفكير كان مشغل بال الكل كلهم يفكرون في خالد .... قطع عليهم هالهدوء والسكوت صوت داخل عليهم....
::::السلام عليكم
الكل : وعليكم السلام هلا والله
خالد : الله لا يحرمني من هالوجيه الطيبه والجمعه الحلوه .....
الكل : امين
ابو مشعل : اقرب تغداء .... ياسر وانا ابوك قم روح جيب داخل وخلهم يحطون غداء لخالد........
قام ياسر ودخل ونادى امه وطلبها تحط اكل
ام مشعل : ليه ....... الاكل ما كفى
ياسر: لا يمه كفى وزياده بس خالد توه جاي .......
بعد ما انتهوا من الغداء وصلو للعصر قامو الشباب كلهم يلعبون كرة طائره كان خالد ومشعل ومشاري فريق وعزيز وياسر وتركي فريق وابو تركي الحكم.....وعزيز كل شوي يصارخ ويقول لا غش ... لا الكوره لمس الشبك ... لا الارسال لنا ....والكل ميت على عزيز ضحك.....
في الجهه الثانيه قامت مرام وفرشت البساط على الارض وجابت ساره القهوه والشاي وجلست ام مشعل وام تركي ومعهم ساره ومرام.... اما رنيم وزهور راحو للمسبح........
خلصو الشباب لعب الكوره وقعدو شوي وقفز عزيز: انا بروح للمسبح احد يجي معي كلهم قامو ......
ابو مشعل: خالد لا تروح الحين بغيتك شوي....
قام ابو خالد ومعاه اخوه وخالد وراحو للخيمه.......
ابو مشعل: خالد وانا عمك امس مانمت بالبيت ولا رديت على اتصالاتي وين كنت......
خالد: ابد سلامتك..... بس كنت اتمشى......
ابو تركي: تتمشى لحد الصبح.....شف عيونك شف وجهك التعب ذابحك....
خالد : الله يطول لي باعماركم........ لا تعطون الموضوع اكبر من حجمه....
ابو مشعل: خالد وين كنت امس......
خالد : .................................................. على البحر
ابو مشعل: .........................على البحر.......ليه.........ماعندك بيت ماعندك اهل
والا بيتي ما عاد ينفع........
خالد: عساه دوم عامر.....بس..
ابو تركي : وش اللي بس.....
خالد : اخاف اثقل عليكم.....
ابو مشعل: اليوم اللي بتثقل علينا فيه بنقولك .......وهذا انا اقولك ياخالد وقدام عمك
لو تقول هالكلام مره ثانيه لا انا عمك ولا انت ولد اخوي........
خالد مايبي يزعل عمه: خلاص تامر امر واللي تبغاه يصير........
كملوا العائلتين سهرتهم لحد الساعه 12 بعده راح الكل ينام..... بس ظل اثنين النوم مادلوا طريقه.....كانت مرام تفكربالكلام اللي سمعته.....كانت امها تقول وش اللي صاروخلا خالد يرجع يبات عندهم......وعرفت انه في خلاف بين خالد وابوه.......وبدت تربط بين الخلاف والتعب اللي باين عليه.....ملت من الجلسه وطلعت تتمشى بالحديقه مادام الكل راح ينام كذا بتاخذ راحتها.......
كانت قاعده وحست ان في احد واقف وراها........وقفت والتفتت وراها لقته واقف بعيد ويتاملها....... عطته ظهرها ومشت بسرعه بس وقفتها كلمته: مرام لحظه ....
وقفت....ولا التفتت...امر بغيت شي.....
خالد : اسف اذا ازعجتك...بس بغيت اقولك..
مرام:.........................وش بغيت
خالد: مرام اعذريني بس..............انا احبك
مرام : اللي حست بجسمها يحترق من هالكلمه....
خالد : مرام انا ارسلت لك رساله امس وتكفين لا تفهميني غلط مستعد اخسر الدنيا بس انتي لا ..... فاهمتني ماني مستعد اخسرك........
: مرام والله احبك
لفت مرام وجهها له وكان يقول لنفسه لا يامرام الله يخليك لا تزعلين بس حسي فيني حتى لو ماتحبيني اهم شي ماتزعلين مني... بس لحظه وش اللي انا اشوفه
مرام بهاللحظه رسمت ابتسامه بالكاد تنشاف بس هو شافها.... شافها قلبه قبل تشوفها عيونه..........
وراحت بسرعه ودخلت.........
هنا الدنيا ما وسعته من الفرحه........... راح بسرعه ومسك جواله .... وارسلها رساله"اذا اللي شفته الليوم حقيقي......طلبتك ...ارسلي لي رساله عشان اتاكد الله يخليك....... بس ابي اريح قلبي"
ردت عليه "وش اللي شفته"
رد عليها "شفت ملاك يبتسم لي"
ردت عليه "وماقالك انه يحبك"
رد عليها " الله لا يحرمني منك ...... اخليك تنامين يا.........قلبي"
ماردت عليه ......وانتظرها ترد لما مالقى منها جواب ضحك وراح ينام......

بكره بنشوف وش اللي راح يصير مع خالد.......
ومنهو اللي بيروح للمستشفى وهو في حاله خطيره........
وابو خالد وش راح يسوي.........

قصه بدون عنوان دخلوماراح تخسرون/ كامله

قصه بدون عنوان دخلوماراح تخسرون/ كامله

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget