نعم مغرور ويحقلي وعلى كيفي لو اتكبر
أنا شاعر أنا فنان وسيم والكل يطالعني

أبعرف ليش تنقهرين إذا أمشي وأتمخطر
مدام إني وانا أمشي عيون الناس تتبعني

لكل شاعر ترى اسلوب وانا ما بينهم الاخطر
وأصلا اسأليهم مافي حد للحين ينافسني

رغم أنف الشعر شاعر وأدري صرت أنا الاشطر
والله صار هو عادي إذا انه فلان قلدني

انا بسم الله ما شا الله قصيدي من البحر أغزر
ولا قدم ولا أخر إذا أي حد يمدحني

أنا ع المدح متعود وانا أستاهل الأكثر
أنا نفسي وانا طارق أحب طارق ويذوبني

أنا من روعة أشعاري ينادوني باسم عنتر
وكل ها الناس يتمنون لو توقيع بس مني

أنا كلي ثقة عميا ومن زود الثقة أغتر
أنا الأفضل على الساحة ولا في حد يعارضني

وعلى فكرة بقولج شي أنا مثقف ومتحضر
وأرمس إنجليزي توب وفرنسي شوي ها يعني

ترى كل شاعر اتمنى يكون طارق ولا يقدر
وأحمد شوقي لو عايش أظن انه بيحسدني

واذا غنالي أي مطرب ترى يتباهى بي ويفخر
وأي مطرب ترى يحلم ياخذ أي شعر مني

علامج ليش زعلانة كلامي حيل بج أثر؟؟
يا زينج يوم تنتفخين شكلج والله يعجبني

خلاص يعني كرهتيني صرت الحين متكبر
أنا أمزح يا بنت الناس وسمعي ها الحكي مني

أنا اتخيلت كل هذا وشفت أشياء بعد أكثر
بعد ما قد عرفت إنه فؤادج موت عاشقني

وشفت الدنيا كلها ورد أصفر أزرق وأحمر
ولا في حد في الدنيا أكثر منج ذوبني

أنا اتخيلت أنا الأفضل أنا الأخطر أنا الأشطر
لأني كبير في عينج وهذا الشي فرحني

وانا شعري ترى بالنسبة للباقيين متكسر
وأسوأهم بعد استاذ وهذا الشي يشرفني

أنا والله وشهادة حق كشاعر بينهم الاصغر
وكلهم في نظر عيني كبار أكبر كثير مني

أنا مجنون إذا فكرت أحط راسي براس أنور
ترى مو بس يغلبني إلا يغلب ويهزمني

أنا شاعر ع قد حالي ولا اقدم ولا اخر
وأحفظ للمشيري كثير لأنه صدق يعجبني

وحتى المطربين اليوم أنا والله بهم أفخر
وأصلا دوم أتمنى من أشعاري حد يغني

واذا قيمت أنا نفسي بقول الصدق ولا أنكر
أنا في اخر الطابور وكل الناس تسبقني

أنا في شي واحد بس يحقلي فيه لو أفخر
وهذا الشي هو إنت يا شعري وذوقي وفني

والله إني من غلاتك خانت لساني العبارة
جيت أبكتب بك قصيدة وإبتدت فيني الاثارة
يا ترى من وين أبدأ والبداية بك نهاية
بس يا ربي عسى هاذي القصيدة ترضي سارة

سارة اللي يوم تضحك تضحك الدنيا معاها
والقمر لو هي تأشر لجلها يغير مسارة
ولو تسولف يوم تحكي حكيها ما قل ودل
والله بس كنه الحكي ماخذ من الحكمة إختصارة

عينها اليمنى تشعشع بالاصالة والبداوة
وعينها اليمنى حضارة ما بعدها أي حضارة
والخشم سيف سعودي ورثه عبدالعزيز
لا إله الا الله محمد رسول الله شعارة

وشعرها م الليل ماخذ لونه الاسود أكيد
ومن نجوم الليل ماخذ شعرها حتى الغزارة
رائعة شفافة عذبة مذهلة وأكثر كثير
ناعمة خجلا جميلة طيشها حتى بوقارة

يحسدون بيدها الخاتم وكل ما تلمسه
حتى ساعتها وقلمها والمجلة والسوارة
والكرم فيها تعدى حاتم الطائي وطافه
يحمد الله حاتم انه قارنوه أصلا بسارة

راسها فوق السحاب ورجلها ع الأرض تمشي
وارثه هيبة ملوك العز حكام الإمارة
لما توقف اقتصاد العالم بيوقف معاها
ولما تجلس السهم الأحمر يصير أخضر بإشارة

ولو بشبهها بواحد يمكن يكون الوليد
بن طلال اللي ع إيده أسسوا فن العمارة
يا جماعة شفتوا واحد يوم يعطي والا يكرم
يكرم ويعطي بيمينه دون ما تدري يسارة

ما كتبت الشعر ودي ألفت أنظار العرب
بس كتبته لني واثق تستحقه وبجدارة
والقصيدة مهما طالت ما توفي بالمعاني
وانا ماسكها بيدي صرت أشعر بالحرارة

والشعر مهما كتبته ما وصل نص مستواها
إهية لو تقراه أصلا راح يعلن إنكسارة
وفي النهاية عندي كلمة وإعذروني يا بنات
ما أظن بالدنيا توجد بنت تتقارن بسارة
وحتى لو في وحدة منكم عندها نفس الإسم
إعرفوا مو أي سارة يا جماعة مثل سارة

بعد ما كنت تهواها وحبك أقوى من زلزال

كيف ترضى على نفسك يموت الحب في عينك
غريبه كيف هي صارت في عينك أشبه بتمثال

أبد لا تحسب إنها هي يا قاسي لعبه في يدينك
تراها مثلك إنسانه لها تفكير وعندها بال

وأنا أحلف مشاعرها تنافس عطفك ولينك
واذا إنك كنت ما تدري تراها مضرب الأمثال

جميله والجمال أخلاق فكر الله لا يهينك
لا تتمادى وتتركها حرام تعيش على هالحال

لا تهجرها ولا تذلها عشان العصمه بيدينك
ترى الله قادر يبدل حياتك من فرح لأهوال

لا تنسى دعوة المظلوم راجع نفسك ودينك
لا تنسى إنها تحس مثلك ولا تنسى الحق بعد ينقال

تعوذ بالله م الشيطان ترى يفرق محبينك
تبدل حبها بقلبك وصارت ما تساوي ريال

بعد ما كانت الدنيا في عينك وأجمل سنينك
أبد لا تغرك الدنيا ترى تتغير الأحوال

مثل ما تنسى أحبابك بتلقى الكل ناسينك
تراه المصطفى ذكر واذا إنك ما سمعته قال

إظفر بس بذات الدين وخذها تربت يدينك
حرام تعيش مستانس وهي تبكي دمعها سال

تبي تحيا مثل أي بنت وإنته الحل بيدينك
تخيل لو تفاجأها تبدل غيبتك بوصال

بتلقاها من الفرحه نست ما بينها وبينك
ويرد الحب يجمعكم كثير أقوى من الزلزال

ويحيا من بعد ما كان ميت في وسط عينك

حسافه خابت ظنوني بعد منتو تركتوني
شريتوا غيري ورحتوا نسيتوني وبعتوني

وأنا حقي محال يضيع بيرجع حقي صدقوني
انا والله مو خسران أنتوا إللي خسرتوني

أنا حبيتكم بأحساس وغيري حب مظاهركم
أنا خايف يا أغلى الناس من خذكم يضيعكم

ولكم دامكم راضين واللي صار يرضيكم
انا اتمنالكم كل خير عسى ربي يهنيكم

أنا اللي حز في نفسي خذاكم غيري من إيدي
وانا شايف بعيني بس مافي شيء في ايدي

تناسيتوا محبتنا واحلى ايام عشناها
اذا انتوا نسيتوا انا لا يمكن انساها

يعني شاسوي لك عشان أنته ترجع
بح صوتي من كثر ما قمت أناديلك تعال
رد لي يا ابن الحلال

ياخي مابي شيء منك
كل همي بس أشوفك
ياللي ذبحتني ظروفك
لابو حبك لابو وعدك
حس فيني لابو جدك
والله أني في غيابك حالتي تصعب علي
دنيتي بعدك خلت من كل شيء
لا ورود ولا زهور .. لا شجون ولا شعور
حتى أصحابي وربعي حسو بحزني ودمعي
وأنته عندك من يسليك بغيابي
وأنا ماعندي سوى همي وعذابي
لي غدى قلبك يهودي .. ليه تتنسى عهودي
حس فيني يا رقيق العاطفه .. المشاعر في غيابك خايفه
قلي بس يعني شاسوي لك عشان أنته ترجع
بح صوتي من كثر ماقمت أناديلك تعال
رد لي يا أبن الحلال
والله أني في غيابك أدعي أني سعيد
بس أنا ماني سعيد
همي كل ماله يزيد .. يا برودك يا عنيد
ماشي لاترجع عشان أني أحبك
رد وأكسب فيني بس ياخي أجر
وعن غيابك ما أبي منك عذر
إيه أبيك .. وأرخص الدنيا عشانك واشتريك
وإللي يرحم والديك رد لي روحا غدت منك وفيك
عايشه بحبك على ذكرى تبيك

الأماكن كلها مشتاقة لك والعيون إللي إنرسم فيها خيالك والحنين إللي سرى بروحي وأجالك
ماهو بس أنا حبيبي..الأماكن كلها مشتاقة لك
كل شي حولي يذكرني بشي .. حتى صوتي وضحكتي لك فيها شي
لو تغيب الدنيا عمرك ما تغيب ..شوف حالي اه من تطرى عليك
الأماكن إللي مريت إنت فيها عايشة بروحي وأبيها بس لكن ما لقيتك
جيت قبل العطر يبرد قبل حتى يذوب في صمت المكان وأحتريتك
كنت أظن الريح جابك عطرك يسلم علي
كنت أظن الشوق جابك تجلس بجنبي شوي
كنت أظن وكنت أظن وخاب ظني ومابقى في عمري شي وإحتريتك
المشاعر في غيابك ذاب فيها كل صوت
والليالي من عذابك عذبت فيني السكوت
وصرت خايف لا تجيني لحظة يذبل فيها وردي وكل أوراقي تموت
اه تدري حبيبي كيف أيامي بدونك تسرق الفرحه وتفوت
الأمان..وين الأمان وأنا قلبي من رحلت ماعرف طعم الأمان
ليه كل ما جيت أسأل هالمكان أسمع الماضي يقول ماهو بس أنا حبيبي
الأماكن كلها مشتاقة لك
قلي يعني شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

تعتقد أني بسهوله راح أتناسى الوداد
يا جماد ,, أو تظن أبنسى لو تطول في البعاد

مستحيل .... أنا اصلا في غيابك صار ليلي ماهو ليل
والله اني ما أنام
لجلك أسهر بس عشان اني أترجم لك أحاسيسي كلام

يمكن أنك تسمعه صدفه ويوصلك الملام
غيرك أنته لو سمع شعري يردد .. يا سلام ,, الله .. الله ,,
يسلم احساسك ويسلم هالكلام .. كاتبه أنته خيال ولا تقصد به أحد

يحرجوني بسؤال .. وأنا اسكت ما أرد ..
وأنت فاهم زين ( وتدري كل أشعاري عليك )
ياللي ماأبي حد في الدنيا كثر ما أنا أبيك

علمني وشلون وأنا إللي لك صاحي أيام وايام
شاغلني في بالي طيفك ولا يروح
صاحي أنا ونايم ميروح ميروووح
دنياك دنياي .. هو حد يسواك
في القلب وياي وفي البال وياك
يا الغالي وشلون تظن أبنساك
كيف الهوى يهون والقلب يهواك
تسهر عيوني تحلم بلقياك
ليت إللي باقي من عمري وياك
ماعشت عمري الحب ومعناه
لوعه وحرمان .. ماودي أنساك

قلي بس شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

بنتظر أنك تجيني لو عقب 100 سنه
راح أعيش بذكرياتي لين ما أنته تعود
يا أغلى من في هالوجود
الصبر .. اه .. يا الصبر
اه يذبحني الصبر .. أرحم أحساسي وقدر من متى بس أنتظر
طول غيابك كثير وصار يشغلني السؤال
ياترى في حد غيري مستعد يموت فيك ويرخص أهله و كل ناسه
وبالعمر هو يفتديك ...

يا عديم الشوق بعدي فيك ما أثر
لو أغيب العمر كل العمر أو أكثر
دنيتي قربك هواك .. صار عنواني
خذتني مني معاك .. وقلت لي أنساني
كيف أنسى وأنت ساكن وسط وجداني
مايجيك إللي يجيني لا عبر طيفك
أرتبك ما أحس فيني ألقاي ناديتك
اقترب مني تعال رد لي روحي
شوف غرس الحب طال من سبب نوحي
تاصل جذوره جدور الأرض بجروحي
يسألوني الناس وينك وأحبس الدمعة
ليه مبعد عنك و الأحباب مجتمعة
إذبحوني بالسؤال هزوا ثبوتي
صوتها هد الجبال صرخة سكوتي
ابتسم مادر كان أهون على موتي

قلي بس شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

شوفني ما أكسر الخاطر بدونك
وإللي يسلم لي عيونك رد لي
حيل محتاجك ابيك
كل دقيقه وكل لحظه قلبي يتوله عليك
فيني روح بلا جسد .. فيني قلب مايدق
بسئلك وأبغي تجاوبني بصراحه
يمكن أنك في جوابك تشفي قلبك من جراحه

متخيل أنا راح اتحمل بعدك عني مهما طول
وقلبك لما عني يرحل ينساني وانساه
متخيل انسى أيامي حزني فرحتي والامي
شوقي ضحكتي وأحلامي وكل إللي عشناه
متخيل إني راح أقدر أصبر واتحمل أكثر
حتى لو جروحي تكبر
لا حبيبي لا
وأنا ناطر حبيبي ترجع لي يا حبيبي
وأنا ناطر حبيبي أنا ناطر
مهما حاولت أداري لهفة روحي وناري
مهما طال انتظاري أنا ناطر
حرام تظلم أحبابك بغيابك وبعدك والله حرام
يا حبيبي حرام يصير الحب في لحضة كلام
الله ما يرضى يا ظالم
لكن لا إنت أطيب وما يرضيك إني أتعب
تبعد ولا تقرب ببقى ناطر
يلا تعال لحناني لو تدري كم أعاني ما تخليني ثواني
ما ظن هانت عليك تهدم حبنا بديك
وقلبي ناطر حبيبه وأنا ناطر
يلا حبيبي كفاية طالت هذي الحكاية
أنا محتاجك معايه يا حبيبي

قلي بس شاسوي لك عشان تحس وترجع
بح صوتي من كثر ماقمت أناديلك تعال
رد لي يا أبن الحلال

دايم أجلس ويا نفسي وأنتظر أنك بأي لحظه تفاجأني وتجيني
تحضن إللي مات بعدك وأنكوى بنيران بعدك
تلعب بشعري تقول اشتقت لي
تحلف براسي وتقول ان أنته لي
وقتها اشعر طلع فيني جناح
مدري لي ودي أطير
وأنتهى كل إللي فيني من جراح
وفيني أتحرر اسير

تبتسم وتشوفني وتقول .. (( شخبارك حبيبي ))
وأنا أرد بكل هدوء .. خلنى مني
وطمني عليك .. ما أنام الليل من خوفي عليك
أنته طيب ؟؟!! هذا هو إللي يهم ..
أنته طيب ؟؟!! وغير هذا مايهم ..

تقاطعني وتقول لي وشفيه صوتك ..
وانا أرد .. وش فيه صوتي
مافي صوتي اي شيء
كنت سارح نامت عيوني شوي
وكنت أحلم بي معك
وأنته ساكت واسمعك
مافي قلبك كان ساعتها سواي
غير ذاك إللي قسم ودك معاي
تشتكي لي من عناده
تجرح جروحي زياده ..
ماكفاك .. ماكفاك ..
حتى في حلمي معنيني معاك
لو بساعد كنت اساعدني أنا
لو بيدي .. أنته محبوبي انا
ماخذاك ,, ماخذاك
بعد هذا ينتهي حلمي الجميل
بعد هذا ينتهي حلمي الجميل

كنت أحلم .. كنت سارح

يا زمن وش فيك قاسي ليه جارح
وترجع الالام فيني من جديد
رد لي الواقع وخلاني وحيد
رد لي نفس السؤال إللي حيرني كثير

قلي بس يعني شاسوي لك عشان تحس وترجع ؟؟

والأجابه مدري وينك !!

بح صوتي من كثر ماقمت أناديلك تعال

رد لي يا أبن الحلال

تدري لو ما كنت أخوية وأغلى وأقرب شخص عندي..
كنت بحيا طول عمري وكل حياتي في غبينه..

لكن الله يوم جابك..جاب لي فرحي وسعدي..
وإمتلا هالبيت شي كنا قبلك فاقدينه

أذكر أول مرة شفتك يوم أنا شلتك بيدي..
كنت أحاسب كني شايل في يديني ياسمينه..

إبتسمت وقلت يا ربي على هذا الافندي..
مخلي الناس بشماله وماخذ الزين بيمينه

لا هو أسمر لا هو أحمر لا هو أبيض لا هو وردي.
.كنه اللي اختار لون وبيده شكلها العجينه..

ما الومه نسخة مني عيني وخشمي وخدي.
.والا هو اكثر وسامه حتى هو اكثر سكينه

حتى يوم انه طفل عاملته كنه شخص قدي.
.لا حشى ما فيه حاجز كان ما بيني وبينه..

من هذاك اليوم لين اليوم ما قد صار ضدي.
.هو معايه لو جميع الناس ماهم منصفينه..

ما يهمه لو خسرهم المهم يصون عهدي..
دوم أنا بالنسبة له حاجة..يقدرها..ثمينه

كان ويايه محل ما أروح اخذه وأودي..
لين صاروا يسألوني عنه سكان المدينه..

لو في مرة رحت دونه ربعي لعنوا جد جدي..
ليش ما جبته معك يا زين قعداته يا زينه

ويوم هو سافر دراسة صرت انا عايش لوحدي..
خافقي بعده حزين وروحي من بعده حزينه..

اللي يسليني فغيابه صورته بالبوك عندي..
لا وربي صورته بالقلب فيها من حنينه

مستحيل أبكي فغيابه ع المفارق والا بعدي..
لني يوم أبكي..دموعي تنهمر من وسط عينه..

كل ما يطري في بالي قلت يالضيقة تردي..
وكل ما اذكر خياله قلت..الله لا يهينه..

وكل مذكر ضحكته وهي والله اغلى شي عندي.
.تطري الفرقى علي وأقول..يا ربي تعينه

تدري الله يوم جابك جاب لي فرحي وسعدي..
وإمتلا هالبيت شي كنا قبلك فاقدينه..

وتدري لو ما كنت اخويه واغلى واقرب شخص عندي.
.كان ما تلقاني شاعر..فيه ماتوا معجبينه

تشك بحبي لك وأنا اللي حبي لك بلا مقياس

تشك فيني وأنا اللي حالف بدنياي ما أخونك
غريبه حالة الدنيا غريبة لعبة الإحساس

كثر ما تصون لهم عهدك كثر ما هم يخونونك
أنا يالغاليه شارب من إحساسك وعطفك كاس

أنا أذكرك دايم يوم كل الناس ينسونك
أنا كلي محبه من طرف رجلي الين الراس

أنا وإن كنتي ما تدرين يقولون عني مجنونك
أنا ما عندي مانع بس على شانك أخاوي الياس

أنا اللي لو تناديني بأعلى صوت أقول عونك
خلاص إصحي من أحلامك وإنسي الهم والأوهام

وغيري كل نظJراتك وكذبي أغلب ظنونك
بقول لك شي سمعي زين وخلي عنك الوسواس

ياأطهر من مشى ع الأرض أنا ما أعيش أبد دونك
وحق الله أحبك موت وأشوفك في عيون الناس

وحتى في بعض الأوقات أشوف الناس بعيونك

بنفس المكان لكني هالمرة وحيد
أبكي ألم وأقول ليتك معايا ..

بنفس المكان وما معي غير القصيد
أكتب عسى في يوم تسمع ندايا ..

أكتب بأيدن وامسح دموعي بأيد
أكتب وأقول أحسن بك الله عزايا ..

أكتب وكل ما أكتب جروحي تزيد
وش ذنب قلبه أجرحه من البدايا ..

أقرب من عروقي مع أنك بعيد
وأقرب من إحساسي وفي وسط الحنايا ..

وأقرب من الاهات اه اه ومن كل تنهيد
وأقرب لعيني من عيون المر ايا ..

أسمع حبيبي بعدنا والله ما يفيد
يكيف ترضى لنفسك ولي شقايا ..

أرجوك أرجع نبتدي بحب من جديد
بس لاتخلي شمعتي تذوب كفايا ..

مرت ليالي عشت بالحالي وحيد
ياما وياما قلبي يكتب وصايا ..

ويقول فيها كنت ومازلت ياسيد
أنت اصدق الإحساس وأنت النهايا ..

واليوم صرت أكتب على أوراقي قصيد
من بعد ما كنت أنت أجمل حكايا ..

شف هالمكان دايم أجيله وأنا سعيد
عل وعسى ألقاك صدفه ورايا ..

بنفس المكان أكتب وأنزف لك قصيد
واقوول وأتمنى ياليتك معايا

بالبرازيلي احبك واعشقك واموت فيك
بالبرازيلي اقلك سيرا موفاتو كرول

لا تقول ترجمها يللا خلني اتغلى عليك
لاتحاول لا تحاول والله اني ما بقول

دور بكل المعاجم وحرك اشويه ايديك
فتش وفكر وحاول لا تقول عطني الحلول

يعني تتعبني بحبك تبخل بكلمه ابيك
وانا ربي غير يعني ما بقلك ما بقول

لا ترجى لا تحاول ولا تخوفني بعنيك
لا تهددني بكلامك خفف اشويه الفضول

غير الموضوع يلخي والله ما تسوى عليك
وين صبرك وين ذوقك كنت اظن انك خجول

أي خجل هذا حبيبي ليش مو باين عليك
ليت بالك لحظه يهدى ليته بس لحظه يطول

تلعب باعصابي يعني وماتبي ألعب عليك
وحده بوحده يا شاطر اقبل انصاف الحلول

لاتقول بعمري والله وبحياتي افتديك
لاتقول يالله عشاني انطق اتكلم وقول

الحين يعني تقول فديتك توك تقول لي ابيك
وانا وردي صار اصفر واكتسى لون الذبول

اعرف اسلوبك فضولي وادعي بس ربي يهديك
انت لو حاولت مره يقصر الحل ما يطول

ما بقولك غير كلمه واترك الباقي عليك
ساكو مارو دون فابو سيرا موفاتو كرول

أحس الكل بدى يسأل يدور يكتشف ويشوف
ويسألني بعضهم من كتبت الشعر كله فيه

بعضهم يبتسم لي والبعض يغمز مثل ملهوف
وبعضهم نظرته تكفي تعبر عن فضول فيه

أنا ياناس نعم أهوى وقلبي دايمن مشغوف
على اللي كل اشعاري وجديدي مول ما يكفيه

أنا ياناس نعم حبيت وخلي بالحسن موصوف
يغار الكل من زينه عسى الله يحفظه ويبقيه

حبيبي غير باقي الناس في وصفه تجتمع الوصوف
حبيبي لو يغيب لحظه مضى عمري أفكر فيه

حبيبي لو كتبت به شعر أبملي المكتبات رفوف
كثر ما أغلي أحبابي بعد أكثر أنا أغليه

حبيبي أنا فغيابه دمع عيني تمسحه الكفوف
يواسيني قصيدي فيه ويقول أرجوك لا تبكيه

أحبه يا ملا وأغليه وأعزه دون شك وخوف
وإذا اني فيوم صرت ميت أنا والله ميت فيه

أحس الكل متلهف واشوف الكل بدى ملهوف
يبي يعرف حبيبي من وكيف شكله وليش أغليه


بأعلى صوت بقول اسمه وحبه ساكن باليوف

أنا ياناس مو مغرم أنا مجنون

UAE