خليتني أرحل من بلاد لبلاد ..
كله عشان انساك واثرك معايه

حاولت نسيانك ثواني ولا فاد ..
كثر السفر مايبعدك عن مدايه

أشوف وجهك بين مليون مرتاد ..
والمح عيونك في عيون المرايه

مما بنفسي عافت عيوني الرقاد ..
والحلم ضاع وفرقتنا وشايه

عيشتني في غربتي هم وسهاد .
. وضيعتني مابين ياسي ورجايه

كثر الغلا في ناظري فاق الأبعاد ..
ونزف الجروح بداخل القلب غايه

ليتك تشوف الجرح وشلون يزداد .
. وليتك تحس بشيء داخل حشايه

وليتك معي لأنك دوى القلب وضماد ..
ياويل حالي اه ليتك معايه

شفني بدونك صرت ع البعد معتاد ..
يائس وحيد ومدري وين النهايه

بكيت وبكيت البشر والشقى زاد .
. وشلون بعدك ببتدي من البدايه

في كل لحظه من العمر هاك ميعاد ..
لو فرقتنا ظروفنا يا غلايه

تبقى بلادي وما ابي غيرك بلاد ..
مهما تناسيتك أحسك معايه

قالت إحساس الأغاني كله حسيته معاك
تدري بس لو غبت عني أترك الدنيا وأجيك

ما أبي غيرك معايه وما أبي أحد سواك
إنته والله لو بعمري وبحياتي أشتريك

تدري وش معنى وجودك تدري وش معنى هواك
تدري بس شيصير فيني لو يدي تلمس يديك

تدري إنته في حياتي أجمل وأحلى ملاك
تدري إنته بكل دقيقه تهتويني وأهتويك

لو وصفت الشوق فيني ما أظن إنه كفاك
ولو وصفت إحساس دمعي كل دمعه تفتديك

ولو أقول إني أحبك وأشعل الدنيا بهواك
صدق إن كلمة أحبك والله شويه عليك

قالت الوردة يا عمري تحيا لو تلمس شفاك
كيف لو تعرف حنينك وكل أسرارك هذيك

والقمر يا حظ نوره دامه شعشع في سماك
مدري لا شفت القمر تفرح عيونه أو عينيك

قالت أنا لوني إنتهيت الوصف توه ما بداك
الله على اللي قلته فيني والله يا عمري عليك

قلت لها يا بنت يكفي إحراج بس الله يهداك
صدت لصوبي تقول شفيك..أنا ميته عليك

تعودني عليك أيام أبد ما أفارقك ليله ..

واذا عنك أروح اليوم أقول لك نلتقي باكر ..

تعودني على لطفك وأسلوبك وتدليله ..

وتتوقع أنا بحيا بدونك يوم بتسافر ..

أنا ما ودي أشكي لك ولكن قلت الحيله ..

أليمه فرقتك والله وأنا ع البعد مب قادر ..

دخيلك أجل الموعد اذا تقدر ع تأجيله ..

دخيلك حط دمعاتي في عينك قبل ما تسافر ..

يا شين الوقت في بعدك دقيقه كنها ليله ..

شيصبرني وأنا أحبك ومثلك في البشر نادر ..

تعلق قلبي بقلبك يسمع منه ويحكي له ..

تدلل قول بس إطلب أقول لك غالي وحاضر ..

أنا مدري اذا قلبي رفض يصبر شسوي له ..

تخيل حالتي بعدك أنا إتحطمت ع الاخر ..

أكلم نفسي فغيابك ألوم القلب وأشكي له ..

وأصبر نفسي بالقوه وأقضي الليل وأنا ساهر ..

تلاقينا فبعض صدفه سولف لي وأنا أحكي له ..

ومن أول نظرة حبيته وصرت لشوفه أبادر ..

ذبحني السحر فعيونه يا ويله قلبي يا ويله ..

أنا أفهم لغة العيون ولكن صرت مب قادر ..

أنا أتمنى قبل لا يروح يلمس دمعي منديله..

أبيه يحس بإحساسي أبيه يقول لي تامر ..

أبي حضنه يدفيني خليل يودع خليله ..

وأقول بصوت به شهقه..فمان الله يا مسافر ..

وأرجع م المطار وحدي يشلني الهم وأشيله ..

شيصبرني أنا شهرين وهو بس توه مسافر ..

عزاي إنه أخذ قلبي في وسط عيونه يشيله ..

وأنا أصبحت في بعده وحيد وأكسر الخاطر ..

بعد غيبة طويلة جاي تسألني عن أحوالي
أنا والله بعد فرقاك ترى عايش بأحسن حال

أحب ناس ويحبوني عليهم منشغل بالي
ولكن ودي بس أسأل وش اللي جابني ع البال

بعد ما كنت ناسيني وتاركني كذا لحالي
بعد ما خابت إظنوني تجي يا مخيب الامال

وش اللي يعني تتوقع بعد فرقاك يجرالي
بكت بعدك عيوني دم وليلي في غيابك طال

يعني الحين بس توك تناديني أنا الغالي
توك بس تسألني يا أغلى الناس كيف الحال

ولا تزعل وتتكدر مدام تهمك أحوالي
قسم بالله أنا بعدك حالي صار عال العال

ليش نزلتي عيونج ارفعيها وطالعيني
والا يعني انحرجتي يوم جاوبتي سؤالي

ليش قلتيلي احبك ليش كنتي تخدعيني
ليش قلتي لي حبيبي ليش قلتي لي يا غالي

كان ممكن ما احبج كان ممكن تتركيني
كان ممكن من البدايه تخدعي غيري بدالي

ليش انا بالذات يعني ليش قولي جاوبيني
بعد غدرج خبريني وقولي بس شو اللي بقالي

والله اني ما جرحتج ليش انتي تجرحيني
هنت على قلبج حسافه وانقضت اجمل ليالي

القهر اني احبج وادري انج ما تبيني
والمحبه من طرف واحد نهايتها زوالي

كان عمري في ايدينج قولي وش كان بايديني
اذكر انه من غلاتج كان قدرج فوق عالي

كنت اتجاهل واطنش يوم نغزاتج تجيني
وكنت اقول الحب اكبر من تصرف لا مثالي

ابغي من وقتج دقيقه وليت انج تمنحيني
بس ابا اقولج ثلاث اشياء واروح امشي في حالي

اولا فعلا احبج وكنتي في قلبي وعيني
وكانت الدنيا بوجودج شي روعه شي خيالي

ثانيا علي بدر مني دخيلج سامحيني
يمكن انه زل لساني وقلت انج راس مالي

ثالثا اسالج بالله واطلبج لا تذكريني
احرقي كل القصايد وانسي اشواقي وصالي

المهم اني ابا ابعد وانتي روحي واتركيني
ارجعي له ومثلي دور البريئه اللي تبالي

في النهايه قبل لا انسى بقولج كلمتيني
كان هذا اللي تحبينه محمد ولد خالي

دموعج ليش هماله على الخدين دفاقه
غريبه إش غير أحوالج من القسوه لين اللين

بعد ما كنتي مغروره ودلوعه وخقاقه
صرتي اليوم حتى فلس عند الناس ما تسوين

خسرتي الحرب ورديتي بدون بعير أو ناقه
لأنج واثقه كنتي على إنج لازم تفوزين

وهلت دموعج الدمعه على الخدين حراقه
أخيرا هزج إحساسج أخيرا قمتي اتحسين

في يوم كنتي مثل نجمه بعيد هناك براقه
إذا شافج أحد صدفه على طول انتي تبتسمين

تذوقينه مذاق الحب مع انه مول ما ذاقه
ويقول الله ما يدري الغبي اذا زين والا شين

سرقتي قلوب خلق الله إلين ما سموج سراقه
شريتي قلوبهم برخيص وبأرخص كنتي تبعين

صدق من قال إنج بين كل هالناس عشاقه
بضحكه تملكين القلب واذا عفتي الهوا تبكين

أشوف اليوم حنيتي أشوفج صرتي مشتاقه
بعد ما أنتي نسيتي الكل غريبه ليش تشتاقين ؟!

ترا أحلام غنتها مصير الحي يتلاقها
كلام الشاعر المعروف الخوار لو تدرين

وفعلا مهما طال البعد مصير الحي يتلاقى
ولكني أبي اعرف على مين انتي تستغبين

صدق من قال هالدنيا ترد القلب لأشواقه
وردج وقتج ويابج رضيتي والا تنرضين

ترا قالوها فالأمثال مصير القط خناقه
ومهما غرتج دنياج مصيرج لأهلج تردين

غمزلي وقالي محلو ياحظ اللي يحبونك
غريبه كيف ما يدري على أحساسي وحبي له

يقولي كاشخ أشعندك بقلبي قلت لعيونك
سرحت بعيد وناداني وانا والله فكري له

سألني منهو محبوبك وقالي شفته بعيونك
فرحت وقلتله أحلف قال أمزح عزتي له

حسبت أنه درا عني هقيته قالي عونك
طلع ما يدري شالموضوع وانا ألمح واناديله

سألته قلت له بسألك من اللي عايش بكونك
من اللي تحبه ويحبك من اللي تسهره ليله

بغيته يقوللي انته بغيته يقول مجنونك
ولكن قاللي محد على نياته يحليله

ضحكت ضحكت تعاسه وقلت ياحظ مضنونك
وقالي لا دخيلك ماني ناقص هم وأشيله

قلتله شوف حولك يمكن تشوف اللي يحبونك
تلفت قالي محد وانا اللي قاعد أشكيله

كش ملك .. راحت عليك واكتشفت إنك جبان
والمحبه اللي تقول عنها ..حبيبي خلها لك

ماني من النوع الذي يرجي الوصال والحنان
إنت الذي تتمنى أصلا لو فؤادي يوصلك

قلت لك مليون مرة لا تعاند يا فلان
وإنت قلبك ما سمعني يوم أنا قد قلت لك

ذوقها مر النتيجه ما لك بقلبي مكان
إبتعد عني ولا تسأل ليه أو أسألك

كنت والله تاج راسي كنت في أعلى مكان
وكنت أنا فيك أتباهى فوق راسي احملك

وكنت تسكن وسط قلبي خذت به أحلى مكان
كان حبي وكان عشقي وكان عطفي يشملك

يرحم زمان كنت أحبك يرحمه ذاك الزمان
يوم قلبي بين ايدينك يوم أقولك كله لك

مدري كيف الحب ذاك الوقت وسط عيوني زان
روح وابعد ياأناني روح وبعدي الله لك

حتى لو صدفه أشوفك ياأناني بأي مكان
مو بس أنا بتجاهلك بتجاهلك وأتجاهلك

والله ماتستاهل الحب لا ولا حتى الحنان
غيرك انت صار عندي ليش بس مابدلك

من زينك أحافظ عليك ياصاحبي فات الاوان
كل شي خذته هديه منك أنا رجعته لك

انت عايش في تناقض والله مالك أي أمان
من يظن أنه يعرفك مايعرفك يجهلك

ماتحب انت الا نفسك خنت من حبك وصان
أمس انا قلبك شريته هاك اخذه بعته لك

بنسى كل ماصار وبرحل وببتعد عنك عشان
قلبي الغالي ترا يسواك ويسوى كل هلك

وفي النهايه فزت انا وانت خسرت كل اللي كان
قلتها لك في البدايه وراح أعيدها كش ملك

لا تظن اني ابيك...والا انا ميت عليك
دامك انته ما تبيني....ما بعق عمري عليك

الغلا خله يفيدك...الله يعطيك ويزيدك
والله اني ما اريدك...للاسف راحت عليك

ابتعد يالله وروح....انا مو ناقص جروح
حتى لو تبكي وتنوح....ما بغير رايي فيك

وفي النهاية يا جميل...والله مرجع مستحيل
لا تعق عمرك عليه....ولا اعق عمري عليك

مشاكلنا بدت تزداد....وصلنا مرحلة لعناد
شسوي دام احاسيسي...وطيبي لحضرتك ما فاد
اشوف انسب لي لو انسى...ولا تقسى ولا اقسى
وكل واحد يروح بدرب....اظن افضل نكون بعاد
مشاكلنا بدت تزداد

انا حاولت اداري الحب....واخلي لوعتي بالقلب
ترى ما يقدر الصادق....يجاري صاحبة بالكذب
تواعد قلبي وتخلف....تقول لي اسف وتحلف
على انك ما تكررها...وعذرك كان الله راد
مشاكلنا بدت تزداد

صبرت كثير وكم بصبر...ولا ظني بعد بقدر
انا اسف اذا اني قلت...نويت ابعد نويت اهجر
فمان الله يالغالي...انا باروح في حالي
لاني مقتنع افضل...انا وانته نكون بعاد
مشاكلنا بدت تزداد