إتصلت وقلت لي تذكر
المكان اللي التقينا فيه أنا وإنته
يوم أول مرة نتلاقى

قلت لك أذكر .. أكيد أذكر
كيف أنسى وإنته كل لحضة على بالي تجي وتخطر
أكيد أذكر

قلت لي إنك هناك
جيت بالصدفة وذكرت إنا تلاقينا هناك

وإتصلت وقلت لي إني على بالك
يا هنيالي مدام إني على بالك

لو تبي تعرف شعوري هالدقيقة
كم تمنيت الزمن يرجع وأجي وأجلس معاك
بس أبي أجلس معاك

##################

هالمكان اللي جمعنا
اه لو تدري شكثر قلبي يحبه
لأننا فيه إلتقينا

هالمكان اللي جمعنا
أشكره من كل قلبي
لأنه عرفني عليك

ومن هذاك اليوم لين اليوم
أحسد عيوني عليك

ودايم أدعي في صلاتي
يا عسى يديني يا غالي
مول ما تفارق يديك
مول ما تفارق يديك

###################

اه اه
اه لو تدري شكثر قلبي يعزك
قلبي وروحي وعيني
وكل شي فيني يا أغلى الناس يعزك

يا هنايه .. يا منايه
ما أبي م الدنيا حاجة
بس أبي تبقى معايه

لأجلك أكتب هالقصايد
لأجلك أكتب هالقصايد
ولو سألت القلب من تغلي
يجاوب أغلي زايد

#####################

بإختصار
إنته أغلى من في هالدنيا عرفته

بإختصار
إنته أطيب قلب في الدنيا عرفته

إنته يكفيني وجودك
والله يكفيني وجودك
صارت حدودي حدودك
هذا إحساسي تجاهك

يا عسى نبقى حبايب للأبد
حبي لك في الله ماله أي حد

بس أبي منك وعد
بس أبي منك وعد

ما تفارقني أبد لين الممات
لأنك إنته صرت لي معنى الحيات

يا أعز الناس
يا أعز الناس
يا أعز الناس وأغلى كل ربعي

في حالك واقف اتطالع تبي تكلمني مو عارف
أحس ابخاطرك حاجه ولكن مرتبك خايف
تعال ولا يهمك شي تقرب مني بس اشوي
ترى والله انا مثلك بعد حسيت نفس الشي
........

أشوف الشوق في عينك واشوف الرجفة بايدينك
باقولك شي بس خله ياعمري بيني وبينك
انا شوقي فضح عيني ومثلك رجفت ايديني
ومثل اللي انتا حسيته بعد حسيت نفس الشي
.......

جبرني الشوق لعيونك وانا غصب عليا جيت
شسوي ماهو بايديني عيونك نادت ولبيت
سبقتك يالغلا وجيتك وقبلك قلت حبيتك
لأني صرت أحس إن اللي جمعني فيك ....
........... نفس الشي ........

جميلك تاجا براسي جميلك مستحيل أنساه
مع أني في بعض الأوقات مادانيك موليه

أنا ربي رزقني بك ووضعي مدري كيف القاه
إذا عشت العمر دونك عسى الله يحفظك ليه

تراك أنته الوحيد إللي سمعني يوم قلت الاه
وواساني وصبرني ورجع لي الثقه فيه

لقيتك مرسى لالامي وجرحي بك لقيت دواه
مع أني كنت أتمادى ومعك زودتها شويه

أنا حظي ظلمني حيل قسى وقتي علي والله
ولعبت دنيتي فيني شماليه جنوبيه

أنا مرت علي ظروف وكم رددت أنا ويلاه
ولا غيرك أحد من الناس مسك بأيدينه إيديه

أنا ماكنت متوقع عمري بهشكل بحياه
ولا شفت الليالي من قبل سوده رماديه

أهي أزمه وعدت بس هذاك الوقت ما أنساه
عرفت إللي وقفوا وياي من إللي تشمتوا فيه

صحيح ان البشر اجناس معادن كلهم والله
بعضهم من ذهب أما البقيه كلها مطليه

يقولون الظفر مايفج من لحمه ولو اشياه
انا اشهد فج ظفري من اللحم فجيته موليه

مدامه ظفري يالمني ويعورني أنا ماباه
وأنا وشلي بظفري دام ظفري يعور ايديه

نعم نغزه وأنا أدري واضح مقصدي ومغزاه
وحس ياللي تحس فيها تراها فيك معنيه

نعم أنته ولا غيرك يجيلك يوم ماتنساه
بتتمنى لو انك كنت معايا الطف شويه

انا للحين مستغرب من افعاله وليه سواه
وكم مره اقول يمكن تكون قصه خياليه

ولكن عشت انا هالواقع إللي مستحيل انساه
ولا باقي سوى الذكرى وكم جرحا بقوا فيه

عموما صار كلما صار وأنا أتأذى من ذكراه
غرقت بمركبي يومي طلعت برحله بحريه

هذاك إللي وقف وياي بروحي والعمر أفداه
وأقوله والله ماقصرت عيوني لجله مهديه

وهو يامر وبس يامر تحت أمره انا والله
مع أني في بعض الأوقات مادانيك موليه

مابقى إلا العرس وإلا كل شيء جاهز وكامل
العريس الله يا زينه والعروس الله عليها

الفرح مضمون بالله واللقا تحصيل حاصل
مثل ماهي ترتجيه أصبح بعد هو يرتجيها

كان يبادلها شعوره وهي بعد مثله تبادل
وماجذب من قال لغة العيون ترى فيها وفيها

كانت بحبها تميل وكان هو في بحبه مايل
لو بغت أي شيء منه دون ماتقول يعطيها

شالت أحساسه بقلبها وهو مثلها صار شايل
ماتهون اهيا عليه ولا يهون اهو عليها

كانوا اسعد من سكن ع الارض وكل هذه دلايل
لو هي تتأخر عليه يسبقها بأشواقه ويجيها

كان يداعبها و يدلعها ويولعها ويجامل
لو بغيتي الارض كلها لجل عينك اشتريها

خاصميني اتركيني قولي اني صدق فاشل
لو طلبتي حاجه مني وماقدرت احصل عليها

كانت تقوله ابي مجنون مابي شخص عاقل
كان يصد عنها ويقول مجنونه بس الله يهديها

شكلها تبغي تزوج في مصحه بشخص جاهل
وكانت تمثل على انه جد ويقول مالت عليها

كان تصنيف المحبه اسمهم ضمن الاوائل
نافسوا عنتر وعبله وقالوا اللي فيها فيها

بالفعل حبهم حقيقي وما أظن في له مماثل
كانت تحبه وتعزه وكان هو ميت عليها

كان يحبها حب عذري صادق وعفوي وشامل
لو تقول ابغي عيونك ما اظن يبخل عليها

وأقترب موعد فرحهم كان فعلا كان واصل
لكن الله راد أنه يمتحنها ويبتليها

مات في حادث ضناها وأنتهت كل المسائل
لا فرح لا عرس أبدا لا تجيه ولا يجيها

اه يا الفستان الأبيض أهو إللي أختار عادل
وقال لايق لج يا نوره هذه الطرحه البسيها

اه يا ويلي يا ويلي بالفعل هالحظ فاشل
لو في مره صاب ظني الف مره يخيب فيها

اه يا هالموت قولي أشمعنى بس أخترت عادل
وين لي نفسا بهدنيا على البعد أشتكيها

الله يغفر له وكان يقول اشوفج انتي حامل
واول عيالي ابيها بنت دلوعه ابيها

وأسمها لو بنت مريم ولو ولد بيكون فاضل
ليش مريم اسم امي ما اظن يبخل عليها

حددوا تاريخ للعرس واحجزوا فندق وفاصل
ودفعوا العربون وعزمت كل احد يغلى عليها

وبعدها اختلفوا على الكوشه لكن قال عادل
راح اخليها بذوقج دام بيزفونج عليها

ومثلوا انه على الكوشه عروسه وهو داخل
لكن الاقدار حالتة بينهم راحت عليها

مات وحلمه ماتحقق مات حلم نوره وعادل
وانتوا تخيلوا نوره وشلي صار فيها

تمت المسكينه تبكي حالها من حال ياهل
خف نظرها خف وزنها خف عقلها من بكيها

ماتنام الليل تسهر لو ثلاث ايام تواصل
ماتبي تحلم لأن دووم بالأحلام يجيها

من بعد ماكانت تناديه حبيبي عمري عادل
صارت تناديه بالمرحوم يا حسره عليها

تكسر الخاطر حزينه أرمله وهي توها ياهل
عمرها من عمر الزهور ذبلت وراح الحب عليها

حلفت أنها ماتزوجت ومايهمها قول قايل
وكل واحد شاف هالمسكينه صار يعطف عليها

خفوا سرعه يا جماعه بس يكفينا هوايل
كم فقدنا بالحوادث ناس فكروا شويه فيها

كيف ماتبغيني بس أزعل عليك
إلا بزعل وأقلب الدنيا عليك

هالدقيقه الحين إما أنك تجيني
أو قسم بالله لا أخربها وأجيك

كيفك أتصرف أبا أشوفك تعال
بحضنك بتنفسك بلمسك ايديك

عاد أنا دقت في راسي أني اشوفك
بلتقيك الحين يعني بلتقيك

حس فيني مابقت فيني مشاعر
حس فيني الله يرحم والديك

لو تبيني أرتجيك و أتوسل
والله لأتوسلك والله لأرتجيك

ماشي يا عمي أنا أرجوك تكفى
كان لي عندك قدر قول أحتريك

بأي طريقه الحين أنا ودي اشوفك
مابقى فيني صبر أفهم أبيك

كيف أبصبر وأنت في كل الزوايا
وين ماطالع خيالي بس فيك

من هنا وهناك وفي كل الأماكن
لعنبوك القلب ذايب مهتويك

وأنته تتغلى وتشكي لي ظروفك
حتى أنا عندي ظروف الله يهديك

يا معيشني مابين أصبر ويمكن
وأنته تدري مالك بقلبي شريك

يارجاي وسؤ ظني وأعتقادي

لاتردني عاد دامي مشتريك
مبتلي بك ادري اني مبتلي بك
وادعي الله مثلي انه يبتليك

لاتعذر غير مقبوله أعتذارك
بلتقيك الحين يعني بلتقيك

ياتجيني الحين دامه بأختيارك
أو قسم بالله لاخربها وأجيك

فارس عوض عطني من القلب رباه .
. على هذيك اللي ذبحتنا بحلاها

سمعني مش ممكن وسمعني الله .
. لغت حضور اللي مشو من وراها

فتنه وتمشي بكل ثقه ويل ويلاه ..
ماكن في الدنيا يا فارس سواها

شفت اللي ماشي وهو عارف مزاياه .
. تمشي بثقه تدري ان ربي عطاها

كأنها اللي اختارت جمالا تمناه ..
كأنها اللي اختارت حسنها وحلاها

تدري اللي يلمحها يردد يا محلاه .
. تدري انها حلوه وعارفه مستواها

مشت وعدت حاورت سجلت اه .
. في قلوب كل اللي تمنو رضاها

اقسم بربي كأنها تلعب مباراه .
. تحكيم والجمهور كله معاها

عليها قلب الله مقساه مقساه .
. لبؤه تمشي والثعالب وراها

ماتلتفت ماتبتسم وشو معناه
.. مغروره دلوعه يا فارس بلاها

ماهمها سلطان او مال او جاه .
.وماهمها إللي بسنة الله بغاها

بطرانه ماهمها إللي عاش بمعاناه .
. وهي السبب لكن اقولك فداها

والله يحق لها تمادى وتخشاه .
. كل من يحاول تبتسم له شفاها

ماغازلت ما أغرت بعضة شفاه ..
ماحطت صبعها بفمها حشاها

تستاهل أني أحترمها والله .
. تستاهل الدعوه لها من وراها

الله يحقق كل ما هي تمناه .
. والله يخليها لكل اللي يباها

تسلم ايدين اللي على العز رباه ..
والله يوفقها ويسدد خطاها

يعني شسوي لك عشان أنته ترجع بح صوتي من كثر ما قمت اناديلك تعال رد لي يا أبن الحلال
ياخي مابي شيء منك كل همي بس اشوفك ياللي ذبحتني ظروفك لابو حبك لابووعدك
حس فيني لابو جدك والله اني في غيابك حالتي تصعب علي دنيتي بعدك خلت من كل شيء
لا ورود ولا زهور لا احاسيس وشعور حتى اصحابي وربعي حسو بحزني ودمعي
وانته عندك من يسليك بغيابي وانا ماعندي سوى همي وعذابي
ليه غدى قلبك يهودي ليه تتناسى عهودي
حس فيني يا رقيق العاطفه المشاعر في غيابك خايفه
قلي بس يعني شسوي لك عشان تحس وترجع بح صوتي من كثر ماقمت اناديلك تعال رد لي يا ابن الحلال
والله اني في غيابك ادعي اني سعيد بس انا ماني سعيد همي كل ماله يزيد يا برودك يا عنيد
ماشي لاترجع عشاني اني احبك رد واكسب فيني بس ياخي اجر وعن غيابي ما ابي منك عذر
إيه ابيك وأرخص الدنيا عشانك وأشتريك واللي يرحم والديك رد لي روح غدت منك وفيك عايشه بحبك على الذكرى تبيك
قلي بس يعني شسوي لك عشان تحس وترجع بح صوتي من كثر ماقمت اناديلك تعال رد لي يا ابن الحلال
تعتقد اني بسهوله راح اتناسى الوداد يا جماد او تظن اني ابنسى لو تطول في البعاد
مستحيل انا اصلا في غيابك صار ليلي ماهو ليل والله اني ما انام لجلك اسهر بس عشان اني اترجم لك احاسيسي كلام
يمكن انه تسمعه صدفه ويوصلك الملام غيرك انته لو سمع شعري يردد يا سلام الله الله يسلم احساسك ويسلم هالكلام
كاتبه انته خيال ولا تقصد به احد يحرجوني بسؤال وانا اسكت ما ارد وانته فاهم زين وتدري كل اشعاري عليك
يالله مابي حد في الدنيا كثر ما انا ابيك قلي بس يعني شسوي لك عشان تحس ترجع بح صوتي من كثر ماقمت اناديلك تعال رد لي يا ابن الحلال
بنتظر انك تجيني لو عقب ميه سنه راح اعيش بذكرياتي لين انته تعود يا اغلى من في هالوجود ياللي اخلفت الوعود
الصبر اه يا الصبر والله يذبحني الصبر أرحم إحساسي وقدر من متى وأنا أنتظر طول غيابي كثير وصار يشغلني السؤال
يا ترى في حد غيري مستعد يموت فيك ويرخص أهله وكل ناسه بالعمر هو يفتديك
قلي بس يعني شسوي لك عشان تحس وترجع بح صوتي من كثر ماقمت اناديلك تعال رد لي يا ابن الحلال
شوفني ما اكسر الخاطر بدونك واللي يسلم لي عيونك رد لي حيل محتاجك أبيك بكل دقيقه وكل لحظه قلبي يتوله عليك
فيني روح بلا جسد فيني قلب مايدق فيني الام وجروح بسئلك وابغيك تجاوبني بصراحه يمكن انه في جوابك تشفي قلبي من جراحه
قول وجاوبني بأمانه قول يا ابن الناس يعني بذمتك ما اشتقت لي ولا أقولك لاتجاوب ماني ناقص يا بعد هالناس صدمات جديده
خلني اخدع نفسي واكذب يمكن الكذبه في هالحاله يا محبوبي مفيده
قلي بس يعني شسوي لك عشان تحس وترجع بح صوتي من كثر ماقمت اناديلك تعال رد لي يا ابن الحلال
دايم اجلس ويا نفسي وانتظر انك في اي لحظه تفاجأني وتجيني تحضن اللي مات بعدك وانكوى بنيران بعدك
تلعب بشعري وتقول اشتقت لي تحلف براسي وتقول ان انته لي وقتها اشعر طلع فيني جناح مدري ليه ودي اطير
وانتهى كل اللي فيني من جراح فيني اتحرر اسير تبتسم وتشوفني وتقول شخبارك حبيبي وانا ارد بكل هدوء
اول اخباري احبك واخر اخباري احبك يعجبك ردي وتقول الله عليك وانا ارد واقول لأ الله عليك
بعد هذا ينتهي حلمي الجميل كنت احلم كنت سارح يا زمن وش فيك قاسي ليه جارح
وترجع الالام فيني من جديد رد لي الواقع صدمني واكتشفت اني وحيد ورد لي نفس السؤال اللي حيرني كثير
قلي بس يعني شسوي لك عشان تحس وترجع والاجابه مدري وين تهت انا مابين شكي يا حبيبي واليقين
وارجع اسئل من جديد ياللي إحساسك حديد قلي بس يعني شسوي لك عشان تحس وترجع انفطر قلبي
وانا انادي تعال ردي لي يا ابن الحلال

بعدي عنك يعني الموت يعني اندفن بتراب .. ولكني رغم هذا اببعد عنك وأخليك
صحيح اني ابتعقد وبتحطم يا أعز الأحباب .. ولكنه بيجيني يوم بنسى فيه انا طاريك
انا ماكنت ابي هشيء ولكن كثرة الاسباب .. وانا حاولت اتصبر واقول الله عسى يهديك
ولكن بالفعل مافاد طيبي والرجا بك خاب .. أنا سويت لك كل شيء ولكن مايبين فيك
كثير اشياء خلتني أعيد حساب والف حساب .. وأراجع كل قرارتي وأحط لي حد لتشكيك
ابعرف لي متى بصبر وانا شعري في بعدك شاب .. كفايه والله ما اقدر كفايه الله يخليك
في كل مره اقول اليوم بيبادلني كلام إعجاب .. ويحسسني بحبه لي ويقولي بكل شيء أفديك
ولكن وين أنا ووينه وفعلا إيش جاب لجاب .. ثمان سنين ولين اليوم ماقد قال أنا اغليك
وأنا إللي بعت له روحي وأرخصت لعيونه رقاب .. واهديته حنان الكون وقلبي كان له تمليك
وأرخصت البشر لجله وقلبي في إيدينه ذاب .. وكم مره أردد له أحبك أعشقك ابغيك
ولا قدر أحاسيسي وحتى ما عملي حساب .. وأنا كنت اسئله دايم أبعرف قول بس شفيك
إذا طبعك تحب تكتم أنا بصبر ولا بنساب .. وصدقني ببيع الكون وكل الناس لجل اشريك
وإذا إن كنت تتحاشى المحبه وتختلق الغياب .. انا برحل وبترك لك فؤادي خله بين إيديك
اقولك ليش ما اقدر يا محبوبي نكون أصحاب .. لأن الغيره تذبحني إذا غيري لمسها إيديك
أموت وأنكوي بناري وتدري ماني بكذاب .. قسم بالله صدق اموت إذا غيري تغزل فيك
أحبك وأعشق ترابك ولو غيري عليه عاب .. شسوي دام انا قلبي يحب أرض تحت رجليك
بعد كل اللي قلته لك تبينا مانكون قراب .. قسم بالله ما اقدر يا إما اجيك او ماجيك
انا من يوم فارقتك يا محبوبي وفرحي غاب .. نستني بعدك الدنيا وانا والله مو ناسيك
انا من كثر ما حاتيك وأفكر بك بديت أهاب .. قسم بالله لاتظن في احد كثري أنا يحاتيك
حلفت انك بتبقالي يا محبوبي أهل وأحباب .. لاتنسى انك حلفت بيوم بالقران ماخليك
وهذا أنته نسيت الود والعشره وكل ما طاب .. تزعلني وتصد عني وأنا إللي أعتذر وأرضيك
ترى لو كان حبك ذنب محال القلب عنه تاب .. ياربي لا تاخذني يا قلبي بليز لايغويك
ترى كل إللي قلته لك أبد ماهو جفا و عتاب .. ولكن بس ابي اعرف إذا أني كنت انا اعنيك
ثمان سنين وانا مدري نحن أحباب ولا أغراب .. غريبه والله مدري كيف هشيء يا الغلا يرضيك
اناديك وتصد عني تحط بينك وبيني حجاب .. تصد عني وتحط حجاب طيب ليش وانا اناديك
انا ما ابالغ ان قلت لك بدت تثقل علي ثياب .. بديت اكره انا نفسي وأخاف أكرهك أو أجفيك
انا والله ماودي عقب هالعمر نسد الباب .. ترى كله ولا في يوم عيوني بالهجر تبكيك
انا متحطم ومنهار وكله منك يا أعز الأحباب .. وانا ما أبي يجيني يوم وأنسى فيه انا طاريك
وتدري البعد يعني الموت يعني اندفن بتراب .. تعال ارجوك وادفني في قلبك قبل ما أخليك
ترى هالامر بين يديك تعال الحقني لا ترتاب .. وسو اللي تبي تسويه دام الامر بين إيديك
كثير أشياء خلتني أعيد حساب والف حساب .. وأراجع كل قراراتي وأحط لي حد لتشكيك
وأنا ماكنت أبي هالشيء ولكن كثرة الاسباب .. وأنا حاولت أتصبر وأقول الله عسى يهديك
ابعرف لي متى بصبر وانا شعري في بعدك شاب .. كفايه والله ما اقدر كفايه الله يخليك

كنت اقول انك محال في يوم تتغير عليه ..
لو يصير اللي يصير تبقى أوفى هالبشر

لكن العذال لا ماقصروا لا فيك و فيه ..
فرقونا عن بعضنا واقنعوك انه القدر

للأسف انك نويت تروح عني بدون جيه ..
حتى ماودعتني من بعد عشرة هالعمر

هانت العشره عليك الله وكبر يا الخطيه ..
والله حاولت أعذرك بس وين اطلع لك عذر

كم أنا ضحيت لأجلك كم تحملت الأسيه ..
كم أنا عانيت منك كم تحملت الهجر

كم توعدني تجيني وانتظر صبح وعشيه ..
وماتجيني وما تقول وكنت دايم انتظر

و كنت ما ازعل ابد رغم اللي فيني من أذيه .
. ماكنت أشيل بخاطري وماكنت حتى أفتكر

والسبب كنت أعتقد بس اني لك وانته اللي
ليه ..وماتصدق لو اقولك كنت انا فيك أفتخر

كنت اقول لناس هذا والله مافي حد زيه ..
طيب وافي عسى الله يحفظه من كل شر

هذا ربي جابه لي من بعد حرماني هديه .
. اللي في جيله نجوم وبينهم هو قمر

هذا أصلا ماهو ورد هو في عيني المزهريه .
.حاضن إحساسي بدينه وأجمل أنواع الزهر

هذا ماهو شعري لالا هو حروفي الأبجديه ..
يوم اشوفه كيف مدري فجأه يكتبني الشعر

هو حياتي وهو مماتي والليالي السرمديه ..
أبسط احلامي اشوفه مره وحده بشهر

ومن كثر ماكنت اسولف حسو العذال فيه .
. تقربوا منك شويه شويه بأسلوب المكر

عني قالوا من ورايه أن انا فيه وفيه .
.وأستغلوا بعدي عنك لما أشغلني السفر

قربوك وضحكوك وعاملوك بسؤ نيه .
. يظهرون الطيب لكن هم خفو عنك الغدر

درسوا الموضوع وحطو خطه يا هي نرجسيه ..
وبالفعل نجحو في خطتهم ولا عندك خبر

وغلطتي إني معك ماكنت أعيش بواقعيه ..
كنت تامرني والبي حتى لو صعب الامر

كنت تتغلى وتتدلع وتتمادى عليه .. وكنت
انا دايم على شوفك ابد مالي صبر

من تقول ابغي اشوفك طار كل الكون فيه .
. انسى كل الناس واجي لشوفتك لو بالفجر

كم تكلم عني هذا وذاك وهذاك وذيه .
. وكنت اطنش بس عشانك لو يقولون انتحر

في النهايه شوف غيري كيف اخذكم من إيديه ..
صمت انا لأجلك غيري فيك يا الغالي فطر

ماكذب من قال والله إن هالدنيا دنيه .
. البشر انواع فيها وانته واحد من البشر

بس تدري هذه خيره لأن عندي حسن نيه .
. أستفدت أشيا كثيره واستفاداتي عشر

اولا ما ارضى اني اقبل بدور الضحيه ..
ثانيا ماسامح اللي بيوم صد عني وغدر

ثالثا ماعاد تغريني انا اي جاذبيه ..
رابعا لو جيت أحب لازم أنا أحب بفكر

خامسا ماحب أبد انسان حبني لو شويه .
. لو يبيني صدق احبه فيني لازم ينتحر

سادسا ماسامح اللي زل وأهداني الخطيه ..
سابعا ما اسهر لأي حد لي وقت الفجر

ثامنا لازم عطايا بس على قد العطيه ..
تاسعا الحب اصلا بين خلق الله ندر

عاشرا ماحد يبقى غير نور الله وضيه ..
هذا نذري ويشهد الله اني راح اوفي النذر

ومن قبل ما اروح ودي تسوي بس شيئين ليه ..
اذكر انه مافي حد غيري يحبك هالكثر

ودي لو أنك تقارنهم بعد ما أروح فيه ..
وانت شوف الفرق وقارن وانته حدد بسعر

منهو اغلى ياترى هم ولا انا ولا سويه .
. انته أحكم وانته فاهم وطبعا انت كلك نظر

يا عسى هالبعد خيره وعيشتك دايم هنيه ..
اما انا ماقول إلا الحمدلله والشكر

دام هالعذال ما قصروك لا فيك وفيه ..
فرقونا عن بعضنا وقنعوك ان القدر

ابتعد عني ولا اعتب ولا تعتب عليه ..
خلني مثلك اخدع احساسي واقول ان القدر

ابتعد عني يا محبوبي وانا ببقى هنيه .
.وهاك خذ ماضيك كله وذكرياتك والصور

تدري لو ماكنت أخويه وأغلى وأقرب شخص عندي ..
. كنت بحيا طول عمري و كل حياتي في غبينه

لكن الله يوم جابك جاب لي كل فرحي وسعدي ...
وأمتلى هالبيت شيئا كنا قبلك فاقدينه

أذكر اول مره شفتك يوم أنا شلتك بيدي ..
. كنت احاسب كأني شايل بين إيديني ياسمينه

أبتسمت وقلت ياربي على هذا الأفندي ...
مخلي الناس بشماله وماخذ الزين بيمينه

ما الومه نسخه مني عيني وخشمي وخدي .
.. ولا هو أكثر وسامه حتى هو أكثر سكينه

من هذاك اليوم لين اليوم ماقد صار ضدي ...
هو معايا لو جميع الناس ماهم منصفينه

حتى يوم انه طفل عاملته كأنه شخص قدي .
.. لا حشى مافيه فارق كان مابيني وبينه

كان معاي محل ماروح أخذه وأودي ...
لين صاروا يسألوني عنه سكان المدينه

لو في مره رحت دونه ربعي لعنو جد جدي ...
ليه ماجبته معك يا زين قعداته يا زينه

ويوم هو سافر دراسه صرت أنا عايش لوحدي ...
قلبي من بعده حزين وروحي من بعده حزينه

اللي يسليني في غيابه صورته في البوك عندي ...
لا ورب صورته في القلب فيها من حنينه

مستحيل ابكي في غيابه ع المفارق ولا بعدي ..
. لأن يوم ابكي دموعي تنهمر من وسط عينه

كل مايطري في بالي قلت يا الضيقه تردي .
. وكل ما اذكر خياله قلت الله لا يهنيه

وكل ما اذكر ضحكته وهي والله اغلى شيء عندي ...
تطري الفرقى علي واقول يارب تعينه

تدري يوم الله جابك جاب لي فرحي وسعدي .
.. وأمتلى هالبيت شيئا كنا قبلك فاقدينه

وتدري لو ماكنت اخويه واغلى واقرب شخص عندي .
. كان ماتلقاني شاعر فيه ماتوا معجبينه