قال لي ماتت الوردة نسى إحساسه اللي مات
نسى حبي وحناني وقسوته وكيف كان يعاملني

عطاني وردة حمرا الصبح وماتت بعدها بساعات
وحتى بموتت الوردة أعز الناس يعايرني

أكيد بتموت هالوردة تركتها بأحوج الأوقات
نسيت إنه العطش يذبح ذبحتها وجيت تذبحني

جزاك الله يا خلي خير فرشت لي دربي بجمرات
وأنا أمشي وأنا ساكت وأقول الله يصبرني

غريبة كيف أنا أسامح وإنته تزيد هالغلطات
واذا أخطيت أنا بلا قصد أشوفك ما تسامحني

غريبة كيف أسمح لك تطالعني بهالنظرات
واذا إني جيت أضحك لك أشوفك إنت تحرجني

تعبت أمشي أنا بدربك ودربك ممتلي ثغرات
وإنته تقول لي إصبر وغصب عني تصبرني

وكل ما قلت لك خلنا نريح تسرع الخطوات
يا خلي قول يعني ليش بهالقسوة تعاملني

اذا حبي وسط قلبك ذبل في يوم والا مات
أو إنك خذت ما تبغي وبعد هذا شبعت مني

تكلم قول لا تسكت وخلنا نجلب الصفحات
وكل واحد يروح بدرب بس لازم تصارحني

أنا مابيك تحس بذنب أو تندم على مافات
ولكني أبيك تقول إنته شفيك ريحني

أبسمع كل مافقلبك أبسمع لو بعض كلمات
وأنا متوقع إنك لو حكيت لابد تصدمني

واذا إنته تهمك الوردة تعال إسقيها لو قطرات
وصدقني بتتفتح بتعجبك وبتعجبني

واذا إنها ما تهمك لا تعيشها وسط ظلمات
بيديك إدفنها بالتربه عسى غيرك لها يحني

صباح الخير ترددها علي كل يوم ولا تزهق
تقول لي يا بعد عمري صباحك حب صباحك خير

وهي تحرك شفايفها فبحر حبها أنا أغرق
أحس إني بلواحظها بأناملها أنا شخص غير

صباح الخير مختلفه اذا قالتها هي تفرق
كأنها تقول أنا أحبك كأنها تقول كلام كثير

أنا أراقب شفايفها وخاصه يوم هي تنطق
أحس إني أبحضنها اذا قالت صباح الخير

اذا إنها فيوم ما قالت صباح الخير قلبي يدق
أحس بشي ينقصني وأقول بقلبي لا ما يصير

وأروح بشوق أسبقها ولكن ليتني أسبق
من تشوف الوله فيني تقول قبلي صباح الخير

قبل الشمس ما تشرق في وسط عيوني هي تشرق
أنا أشهد إنها شمسي تنور عالمي وتنير

أقول سبحان خالقها وربي قادر ويخلق
أنا ما ألوم كل من غار لأنها بالفعل هي غير

كثر معطيها من وقتي أحس من وقتي هي تسرق
تبي أكثر تبي أكثر وهي تستاهل التقدير

واذا غابت عن عيوني أحس إني بديت أعرق
واذا غاب أي أحد ثاني بصراحه أقول وخير يا طير

أنا لولاها ما أحيا أقول الصدق وهذا حق
تربيني وتعلمني ومهما كبرت توني صغير

يا أحلى أم في الدنيا وأنا مدري طلعت أعشق
وإنتي عشقي الأول عسى دايم صباحك خير

فرقى ووداع ونوح ودموع ونار
ما للحزن اخر على قلوب طيبين

مجبور أقول لك روحي والقلب محتار
خايف عليك عيون ناس معادين

وخلي القصايد عندك تكون تذكار
وإدعي لي بالخير مثل ما دوم تدعين

وإبتسمي دايم يا عسى أيامك أنوار
واذا ذكرتيني أبد لا تدمعين

كوني سعيده وإحفظي كل الأشعار
بالعكس لازم إنتي دايم تفرحين

قالت لي ما أنساك لو صار ما صار
لا تدعي الفرحه وإنت ميت حزين

يا كيف أنسى اللي من رموشه أغار
ويا كيف أنسى قلب عرفته من سنين

صاحت وثار القلب في داخلي ثار
ومن دون تشعر إحضنتني بالايدين

وسال الكحل من عينها وقلبي إنهار
ولمست يديني دموع طاحت من العين

وطلع علينا الفجر وبانت هالأنوار
وقالت لي شف كيف الزمن ماله معين

توك تقول باقي ع الصبح مشوار
سبحان ربي مر في غمضة العين

راحت وعيني تذرف الدمع مدرار
يا كيف وأنا إنسان مخلوق من طين

قالت فمان الله وقلت محتار
مع السلامه يا عسى أيامك تزين

وقعدت وحدي أرسم دموعي أشعار
وأحاول أوصف حال هالقلب مسكين

ذكرت كلمه قالها الخل يوم ثار
لا تدعي الفرحه وإنت ميت حزين

أدري حبيبي كلهم منك يغارون
تصغر بعين الناس وبعيني تكبر

والله وغلاتك ما أحب لو يموتون
إلا عيونك وأعشقك حيل وأجهر

خلهم حبيبي عنك اللي يقولون
يكفي أشوفك في عيوني محدر

بحبك بكيفي بذوقي وبجنون
بحبك إنته لو مزاجي تعكر

سر المحبه للأبد خله مدفون
لا لا تعلمهم حبيبي عن السر

خله في قلبك يا بعد عمري مكنون
مابيه سري ينكشف والا يظهر

مدام أنا عاشق ومغرم ومفتون
أشوفك الدنيا بحلوها وبالمر

إسمع وطنش ما أبيهم يأثرون
على محبتنا تراهم أهل شر

إنته يا غالي تسوى كل اللي في الكون
وأنا أشهد إنك صرت ع القلب تقدر

يدرون أحبك وأدري إنهم يغارون
وعادي في عين الناس نصغر ونكبر

خلاص إستح على ويهك ترى الموضوع ما يسوى

أنا حاولت بس مدري شسويلك عشان أرضيك

تبي تزعل بدون أسباب تبي تخاصمني بالقوة
بتلقاني معك وياك يمك أقرب من إيديك

بتشرد عني وين تروح بتلقاني في كل فجوة
بتلقاني مثل ظلك و أنا رجلي على رجليك

يمين يسار تحت أو فوق ول تقدر عليه سوا
مدامي قلت ما خليك ترى و الله ما خليك

يا أهبل موت أنا حبك وحبي ماهو من توا
ولو فرطت في الدنيا تأكد ما أفرط فيك

لأنك عالمي و كوني و شخصيتي و المروة
لأنك شعري و إحساسي و تفكيري و أنا شاريك

لأنك عطري و أنفاسي و مبالاتي و كل هقوة
و لأنك لا مبالاتي و كل طاري غدى طاريك

لأنك إنت أصلا تاج على راس كل بني حوا
لأنك بالدلع عفوي و لا في واحد يجاريك

لأنك حتى أحلى من أغاني راشد بقوة
وأظن حتى أغاني الحب يغنيها مجيد بس فيك

يا طاغي الحسن أظن حتى تولع بيك بن عروة
و أرسل كل شياطينه تجاهك بس لأجل تغويك

يا حارق نانسي عجرم و أليسا و هيفا في غوا
يالمخلي عزيز النفس يذل نفسه و يتم يرجيك

يا كاسر كلمتي حتى قبل ما أقول و أتفوه
يا حارمني لذيذ النوم كثر مانا أفكر فيك

يا جارح كبريائي منهو غيرك قادر يموه
غريبة كيف تجرحني و لا غيري أنا يداويك

يا أكثر من الخجل و الخوف في قلب اللي حمل شكوى
يا أحر من دمعة المقهور إذا جالك وهو يبكيك

يا أسهل من السهل نفسه يا أصعب حتى من العنوة
يا قاهر كل بنات الأرض من الزين الذي ماليك

يللي غيرت أقداري و تاريخي يا هالبلوة
عرفتني و كنت معجب بي و أنا اللي صرت معجب فيك

أنا لو يسألوني الناس من أغلى إنت أو هوا
أقول و الله هو أغلى و عسى أكثر بعد أغليك

يا ملهم كل شاعر فن وملهم صبري السلوى
ترى مليت أقلك بس كفاية الله يخليك

كفاية لا تمسخها ترى الموضوع ما يسوى
بترضى يعني بترضى و لا بقول أنا طز فيك

تخيل طعمك إنت صار على شفاتي مثل قهوة
أمر من المرارة بس محال أنا في يوم أخليك

تبي تزعل بدون أسباب تبي تخاصمني بالقوة
بتلقاني معك وياك يمك أقرب من إيديك

بتشرد عني وين تروح بتلقاني في كل فجوة
بتلقاني مثل ظلك و أنا رجلي على رجليك

يمين يسار تحت أو فوق ولي تقدر عليه سوا
مدامي قلت ما خليك قسم بالله ما خليك

كفايه صار لك شهرين غايب عني يالغالي
كفايه يا اعز الناس ترا والله ما اقدر

دخيلك لا تخيب فيك هقواتي وامالي
واذا انها عالصبر والله راح اصبر

ابتحمل عنا فرقاك وحالي يرثي لحالي
معني والله لين اليوم مدري ليش بس تهجر

ابعرف شالسبب ارجوك وش اللي بس يجرالي
انا شسويت يا ربي عشان تثور وتتفجر

انا والله ما استاهل ابد كل اللي يجرالي
اقل ما فيها بس قللي سبب خلاك تتغير

ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر

عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر

عشقتك عشق لا قبله ولا بعده انعشق تالي
هويتك موت واتخيل الين الموت واتصور

واذا جاني مسج منك مخزن رقمك الغالي
ولا أمسح رسالاتك اتم اقراها وافكر

واحلل كل كلمه بالمسج الله يا غربالي
واقول بخاطري معقوله حاسس فيني ويشعر

وارد اقول لأ يمكن تذكرني وهو سالي
لاني توني مطرش مسج طرش مسج يشكر

وارد اقول لأ ادري يبيني وحاسس بحالي
وارد اقول لا ما اظن علا باله انا اخطر

الين اني انا اتاكدت قلبه بالفعل خالي
ولا غيري انا بقلبه يحبني موت ويقدر

لاني مره مالمرات طرت فكره علا بالي
نويت ازعل بدون اسباب واشوفه لو بيتاثر

ابعرف قدري بقلبه بيهمه وظعي الحالي
او انه راح يطنشني ولا ياسال ويستفسر

وفعلا دق ما جاوبت حرقلي والله جوالي
ثلاث الاف مره دق وانا مطنش ولا معبر

كتبلي بالمسج اطلع انا عند بابك الحالي
قسم بالله ما تطلع لاخربها انا واحدر

ومشكلتي اعرفه زين يسويها ولا يبالي
نزلت وخاطره مكسور يقول شفيك متغير

وقلتله بس ابتاكد اذا قدري معك عالي
ظحكلي وقالي اتاكدت ودمعه بلل المحجر

وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر

بعدها عشت احلى ايام في قربه هنيالي
وصلنا لمرحله ما نفترق عن بعظنا واكثر

بعدها فجاه خلاني ولا يسال عن احوالي
وانا في خاطري ادري محال فيوم يتغير

ادق له ما يجاوبني بديت اشك في حالي
اخاف انه حصل له شي اخافه بس متكدر

لعب في قلبي الوسواس خياله ما تهيالي
حوالي الف مسج طرشت حبيبي يا عسى ما شر

ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر

الين اني عرفت شلون اخلي خلي الغالي
يكلمني وجت فكره بعد ما مت وانا افكر

وفعلا اتصل فيني وبدت احزاني واهوالي
وكانت صدمتي كبيره علي الغالي اتغير

سالته قلت له وش فيك ما من شر يالغالي
وش اللي صار بالدنيا علامك ليش متبعثر

او انك يعني ما تدري بدونك صرت انا لحالي
ولا لي خلق اي انسان كثر ما فيك انا افكر

وجاوبني وقال ارجوك ابي هالدنيا تصفالي
انا مليت من وظعي واشوف الكل متغير

انا ظاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر

وقلتله مو علي تكذب اعرفك تظعف قبالي
تكلم قول شالموضوع بدا قلبي يدق اكثر

سكت لحظه وقال ارجوك ابعد عني يالغالي
وخلني اذكرك بالخير وانته مثلي اتذكر

ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم ابد سكر

وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر

ولكن شوف ربعك وانته تعرف بس وش جالي
خلاص افهمها عالطاير ولتحرجني بعد اكثر

وسكر والدمع فيني علا الخدين همالي
قسم بالله ما ادري علامه قلبه اتحجر

فوادي انهار وانا حملي يهد جبال وجبالي
في لحظه صارت الدنيا في عيني هالكبر واصغر

حسافه ما توقعته يصدق فيني عذالي
حسافه ما هقيته يوم يصد عني ويتغير

بعدها صارلي ما صار وربي يعلم بحالي
فوادي باقي بس شوي واحسه مالجسم يظهر

بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر

وقلت بخاطري خله مصيره يرجع الغالي
اكيد انه سمع اي شي وجوه صار متعكر

ولكن طول اغيابه وزادت فيني اعلالي
مرض قلبي تعب فكري واحسه جسمي متخدر

وقلت خلني اطرش له مسج واشكيله احوالي
وطرشت المسج وشوي دق لي ودون ما افكر

هلا والله يا اغلى الناس هلا والله بالغالي
الو طارق ما قلتلك لا تذكرني او اذكر

ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر

قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير

قسم بالله ما غظت عيوني ولا هدى بالي
قسم بالله ما مر يوم الا وفيه انا افكر

قسم بالله قلت بنساه بس طيفه يتهيالي
قسم بالله لو حاولت انا انساه اتذكر

الين اليوم انا عندي امل يرجع ويصفى لي
اقول الشوق بيرده على فرقاي ما يقدر

الين اليوم وضحكاته وبسماته على بالي
الين اليوم ما ارقد كثر ما فيه أنا أفكر

ابعرف شالسبب ارجوك وش اللي بس يجرالي
انا شسويت ياربي عشان تثور و تتفجر

انا والله ما استاهل ابد كل اللي يجرالي
اقل ما فيها بس قلي سبب خلاك تتغير

ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر

انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر

سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر

ولكن حكم احساسك وجاوب يا اغلى كل غالي
بذمة والديك يهون تنساني ولا تذكر

يهون انك تخليني ولا تسأل ولا تبالي
يهون انك تنام الليل وتتركني انا اسهر

كفايه صار لك شهرين غايب عني يالغالي
كفايه يا أعز الناس ترا والله ما اقدر

دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
واذا انها عالصبر والله راح اصبر

على كيفك وانته حر حبيبي قلبي متعود
هذاك أول وقلبي كان يبكي فرقة أحبابه

إذا بتروح يالله روح بس لا تقعد إتمهد
ترى ما في أحد يسوى تهل دموعي بسبابه

أنا للحين ما تغيرت ولنك صرت خصمي وند
ولني عايش بضيقه وضعي إنته ادرابه

ولكن قلت أنا لازم أحط لطيبتي شوي حد
عشان الطيبة ما تنفع إذنك عايش بغابه

تعبت أضحك وجامل ناس يجازوني بعدها بصد
صدق من قال عيش وشوف طباع الناس تتشابه

أنا ما أقصدك والله نصيحة وعتبرها ود
ترى مب كل أسد يضحك إذنك شفت أنيابه

أبد لا تحسب الدنيا بتنثر فوق دربك شهد
ولا تضن إنك الواحد عشانك فاتح بابه

معاويه قال قبل سنين إذا شدوا أبد لا تشد
ترى مب كل واحد يوم يعصب يمسك أعصابه

أنا غلطان يوم إني أشوف الدنيا كلها ورد
أنا أغرتني الوردة شكلها حيل جذابه

نسيت الشوك في الوردة كثير وصعب ما ينعد
جرحني الشوك وأنا قصدي أبهدي الورد لصحابه

أنا تعودت ع الصدمة وقلبي صار متعود
وحتى لي قرت كفي طلعت وحده كذابه

انا قررت ما أبكي على الفرقا وخيانة عهد
مدام الذيب صار خايف يكش عن عينه ذبابه

صحيح الجرأه تنقصني وصحيح ضعيف شخصيه
ولكن لو تشوف الشوق في عيني بتعذرني

انا جيبتك وكل هموم خلق الله ترا فيه
وادري فيك لو تبغي انت تفهمني بتفهمني

تعبت كثير المح لك واقول بيفهم شويه
وادري فيك فاهمني وبس ودك تعذبني

وانا راضي بتعذيبك وبتحمل بلاويه
ولكن لاتزودها معايه ولاتبهذلني

احسك تلعب بقلبي لعب شرطي وحراميه
انا استسلمت مابلعب كفايه لاتلاعبني

اقولك هالسما زرقا تقولي لا سماويه
اقول انزين سماويه تقولي لا تغلطنمني

تقول الورده ذي اي لن اقولك هذي ورديه
ترد تقول لا حمره عسا الله بس يصبرني

اذا ناوي تعقدني وتلعب يالغلا فيه
تراني معقد وخالص وموناقص تعقدني

دخيلك مد لي يدك وانا بحضنها بايديا
دخيلك قرب شفاتك دخيل الله عانقني

وخل خدك على خدي ياحلى خدود ورديه
وعينك خلها بعيوني تعال اسكنها واسكني

نعم سبحان من سواك اخذت من كل شي شويه

عيونك غير باقي الناس احسها عيون قطريه
ترا في شي بعيونك احسه دوم يجذبني

وخشمك سيف مايرحم من سيوف السعوديه
وانا يمك احاسب دوم اخافه بس يطعني

وحبة خال في وجهك تقول دانه كويتيه
ومن يكسب له الدانه يعيش العمر متهني

ومن البحرين حتى خذت حواجبك الهلاليه
شعرك موج امارتي سبع مرات غرقني

وطيبة قلبك انت غير نعم طيبه عمانيه
ياطيب قلب بالدنيا متى باحساس تاخذني

واذا سولفت لي كن السوالف هي عراقيه
ولك يابه شردت مني تريد انت تعذبني

نعم ماكنك الا يالغلا وصفه خليجيه
جمعت بلدان في وصفك في شخص واحد يافاتني

تصدق ياعز الناس انا ايدي وهي ايديا
اذا لمست طرف شعرك ابد ماودها تتركني

اذا موج الشعر جاهه بتسبح في وبفيه
الين احس باديني وكن الماي بللني

واذا نزلت ايدي اكثر على خدك احس فيه
نسيت الدنيا والعالم واحسك انت تحكمني

واذا جيت اوصف احساسي لساني يثقل شويه
واتم ساكت واطالع فيك واقول الحين بيفهمني

ولكن انت مدري شفيك نوا قلبك على نيه
ولادري وش نوى قلبك دخيلك قول وصارحني

ابعرف بس شي واحد ياقرب هالبشر ليه
واذا لي خاطر عندك ابيك انت تجاوبني

لاتستهبل ولاتعاند ترا والله مافيه
ولاتقول انت ليش اليوم ودك بس تحرجني

ابعرف ليش امس لما طلبتك خافقك عيا
وانا والله كل قصدي احس بس انك تحبني

افا والله كيف تصد عني بنظره عايه
افا والله ماتوقعت بهالقسوه تعاملني

وشفتني كنت متردد ولكن قلت ياحيه
مدام انه يلمح لي اكيد انه بيوافقني

لانه قام وسمعني واهداني اغانيه
وقلبي من كثر مادق توقعته بيخنقني

تبي الجرأه انا حاظر ابا اتجرأ ولا ليه
واقول الي تبي تسمع ولكن انت سمعني

انا نفسي تقول اني في عمرك شمسك وفيه
ابي تمدحني لو مره ابوس ايدينك امدحني

ابعرف كيف احساسك تجاهي ياغلى من ليه
تحبني ولا بس لاني احبك قمت تجاملني

تكلم لاتحيرني ترا الكلمات عفويه
اقص ايدي اذا ماكان ودك بس تحيرني

دخيلك غمض عيونك واسمعني وحس فيه
انا واللله احبك مووت ولاغيرك بيعجبني

واذا اني كنت انا يمك ترا الفرحه خياليه
اطير بفرحتي واسرح ولكنك تقومني

انا من كثر ماحبك احس روحي انانيه
اذا غيري لمس ايدك احس انه يموتني

وانا والله مو ب ناقص وترايكفيني مافيه
ابتقرب انا صوبك ولكن انت ساعدني

هذا كل ماعندي كتبته وبحسن نيه
قسم بالله وانا اكتب احسك انت تكتبني

ترا الايام يابيضه وسوده مش رماديه
وخلك يالغلا واضح دخيلك لاتلوني

صحيح الجرأه تنقصني وصحيح ضعيف شخصيه
ولكن بس ابي منك شويه بس تدفعني

بعدها لاتسوي شي واترك كل شي ليه
ولكن بس لو مره بحبك انت حسسني

والله اني استاهل اشقى واتعب واسهر ، واستاهل اني اعاني من بلاويها ..

غلطان ادري ! انا ندمان ما انكر ، والنار ماتحرق الا رجل واطيها ..






مدري انا ليش لو حبيت ما أفكر ، معقولة يعني المحبة تذل راعيها ..

مدري اش بلاني ؟ولا ادري ليش ما أصبر ،، اتسرع احيان واعشق وابتلي فيها ..






وش هي الحكاية نسيت اصلن ما أذكر ،، لاكني وان كنت ناسيها ابحكيها ..

ايوا تذكرت شفتها وصرت متخدر ،، ومن دون ماشعر ب فؤادي صرت معطيها ..






بينت لها اني معاها صرت اتبعثر ،، وانسى اذا جتني الدنيا ومن فيها ..

واني اذا شفتها في عيونها ابحر ،، وارفع شراعي ولا القى موانيها ..






وانها حياتي وعمري وكل مايخطر ،، في بالها بس تتمنى واعطيها ..

وان جيت اعبر لها عن حبي ماقدر ،، اخاف لاجي اكحلها واعميها ..






اليه ان عرفت نقاط الضعف والاخطر ،، عرفت بعد اني لايمكن اخليها ..

عاشق متيم وهايم ذايب مبعثر ،، ياليتها مادرت ميت انا فيها ..






] اغترت البنت ! وصارت دووم تتكبر ،، واشوفها غيرت حتى مباديها ..

لما أنادي احسها تبتعد اكثر ،، عني تباعد ولا كني اناديها ..






ماتدري اني في لحظة ممكن اتغير ،، واقول وب كل سهولة بس ما أبيها ..

] والعب على اعصابها اهجر وما أهجر ،، واقلبها في ثانية عاليها واطيها ..






هذا اللي ناقص تقدم فيني و تأخر ، ماتدري اني انا ناويها ناويها ..!

عطيتها احساس ماظني عليه تقدر ،، وان قلت والله ل انسيها ب انسيها ..






واهيا تعرفني وتدري زين وتتذكر ،، اني اذا قلت ب اسويها اسويها ..

ه المره بصبر بعدها ماظن اصبر ،، وان شفتها اتكبرت والله ل اراويها ..!






قولو لها وانصحوها خلها تتحذر ،، والا انا 1000 وحدة من عجب فيها ..

] كل العذارى تمنوا بس لهن انظر ،، وانا اطنش واقول فلانة اغليها ..






انا تسرعت والله وماقدرت اصبر ،، لو اني تغليت كان شفتو رجاويها [..

بينت لها اني في [حبها] صرت متبعثر ،، وانسى اذا جتني الدنيا ومن فيها ..






والله اني استاهل اشقى واتعب واسهر ،، واستاهل اني اعاني من بلاويها ..

قال المثل والمثل [ماينسى] يذكر .. النار ماتحرق الا رجل واطيها ..






وانا وطت رجلي جمر مشتعل أحمر ، و أوني يعني انا ناوي اطفيها ..

][لكن] رغم كل شي ع فراقها ماقدر .. معقولة يعني المحبة تذل راعيها ..

لا والله لا هي ولا اللي منها اشطر ، تذل قلب ن ع الدنيا يبديها ..