يارباه وصلني اللي ابغاه اقسم شوي واقوم
اخم الشاشه واحضنها من الفرحه

ياربي لك الحمد ....

الحمد لله اني اللي ابغاه وصل ووصوله كان اسرع من اللي كنت
حاطه ببالي الحمد لله

والله اني كنت مصفي النيه ومن جد قالوها من زمان صف النيه
تضبط امورك باذن الله

يالله هاذي نصيحه بلاش

صفو النيه ياشباب ويابنات ولحد يقدم النيه الشينه
وباذن الله تكون اموركم سهالات

لا والمشكله اني طمعت بزياده اليوم عاد الله يينعكم عليا لا صرت طماع

عاد تصدقون تو انتبه شكل العصير حق البرتقال جاب فايده

اللهم لك الحمد تطمن بالي الله يرح بالك

ف امان الله

والله من جد تواجدك هنا يزيدني حماس يخلني انسى
اشياء كثيره حولي تضايقني بعض الاوقات

الله يسعد كل من مر وكان لتواجده شكل اخر عن الاخرين

يقولون خل مدونتك قليل في الحشو والتكرار
اقول مع نفسكم !!

من ذا الجدار الى ذا الجدار حريه اللي احطه بينهم
لا يحكمها الى قوانين المنتدى الباقي لي حرية ما اضعه هنا

مع احترامي للكل طبعا وكل واحد فينا يختلف عن الثاني

مدري ليه اقول كذا بس شكلي ماشبعت نوم وصاحي
ومفطر فول تتوقعون هو اللي مخليني معصب اليوم

ماعليكم كل واحد يصلح سيارته

ذحين زي العاده من اجي افتح المنتدى على طول ولا اردايا
تلقاني احوس في مدونات العالم حوووس وما اخلي مكان ما احط فيه بصمه

لين صرت مشبوه من كثر ما الف على المدونات
خاصه مدونات الشله اللي اعرفهم زين وربي ساعات ادخل مدوناتهم

اكثر من مره وانا داري انهم مانزلو جديد بس كذا لا اردايا
اقول يمكن نزلو شي وانا ماشفته

المهم ماعليكم بس شوفو كيف !!

عشان تعرفون ان ها الميمي مدرعمه على طول يابنت حرب
ادخلي مدوناتهم وتعرفين اخبارهم بس شكلك

من العجله مغير جري بذا الاسياب وماتركزي في مدوناتهم زين

عاد مدري ليه احسك انت وطيف مغير سباق بذا الاسياب
وصراخ حتى المدونه اذ دخلتوها عفستوها عفس >> ترجمي لطيف

اتحدها لو تعرف معنى كلامي

يالله خلوني اقوم اتقهوى جا الشاهي اويلي ويلاه على شاهي الصبح
بالنعناع الحساوي كلام

خودافس << ولحد ياخذ ذا الكلمه تراها حصريا لمدونتي

ذا بيكون اخر رد في هذه الصفحه ومستعجل صراحه لاني
ابغى اقلبها طفشت منها لي شهرين وانا فيها

قبل اطلع منها او بالاصح اقلبها حاب اقول كملتين

الله يسعد كل من كان هنا والله يا انه اسعدني تواجدكم
ودعمكم لي باللايكات او التقييم

وربي تزيدون المدونه شرف يوم تكنون فيها ياجعل ربي يسعدكم
جميع بدون استثناء

يمكن فوق الخمسين لايك اللي وصلت لي في الاربع او الخمس الايام
اللي راح ربي يسعدكم

من جد حمستوني اني اتواصل معكم هنا
وتزيد الشخبطه !

يالله قلت كلمتين واشوف صارت معلقه مو كلمتين
لا تروحون بعيد لي رجعه بعد شوي في الصفحه الجديده

خودافس !

^
^
تصميم قديم لي لقيته في واحد من الملفات اللي عندي بالجهاز
طلع غبار يوم فتحت الملف ولقيت فيه مجموعه من التصاميم القديمه
عاد بسوي لكم زحمه كل بعد فتره بنزل واحد

ماعليكم دخله مالها داعي مع ذا الصبح

المهم امس قلت بقلب الصفحه وانشغلت ونسيتها والله
وتذكرتها يوم بجي انام البارح وان الليل سرى والطيور طارت بارزاقها
قلت خلاص ماصار الى الخير اقلبها اليوم

^ _ ^

وكنت ناوي احول على القناه الثانيه مباشره بس ذا التصميم يوم
لقيته حزني وقلت والله غير اجيبك هنا وملحقين ع القناه الثانيه

صح قبل احول الموجه يرحم اووومهاتكم لحد يفهم اي شي اسويه
او انزله هنا بالغلط والله هي كلها خربشات اكتبها او اشياء تعجبني اجيبها ارزها فيذا

وكمان في الاسك ويشهد عليا ربي اني ماقصدي ازعل احد او ابغى اضايقه
لا الله هي ف الاخير ماتتعدى كونها تسليه وتضييع وقت لا اكثر

واللي يحس ان ضايقته بشي وانا مدرعم ما انتبهت يسامحني ياجعل ربي
يسعده

يالله نقطه ونهايه سطر !

خودافس

>>>>>>>>>>>>>>>

جاري الانتقال للقناه الثانيه متابعه طيبه

اساير الوقت وأرضى بحكمة أقداري
وابكي وعيني بوجه الناس مبتسمه

فيني مشاعر " وافيه " ما لها ذنب
عفيه " عليها " ، تقابلك ب إبتسامهه !

سلام الله على شعب اعشق التواجد بينهم كل يوم
تجبرني ظروفي في بعض الاحيان على عدم التواجد ...

من جد للناس فيما تعشق مذاهب !!

كنت قبل شوي في مدونة حكايه زول صراحه مدري وش يحس فيه
يعني الى متى بيكون الوضع زي كذا !!

ومدري اذ هو امظلوم .. او واحدن يقلده لان الاسلوب
قريب من بعضه

نقطه ونهايه سطر ...

والله ياجاتني رساله امس المغرب يارباه من زمان
والله زمان وكانت تقييم للمدونه لان التقييم شكله ماقبل

فكان عن طريق رساله خاصه هنا

والله يابعض البشر فيهم الخير وماينسون اللي يعرفون لو بعد
غيبه طويله

والله ياني تحمست وفرحت بالرساله صراحه الله يسعد من ارسلها !

نقطه ونهايه سطر ...

صح على طاري الفواصل اللي احطها بين الردود هنا
تذكرت حنين العتيبي يالله ان تذكرها بكل خير اذكر مره تقول في تقييم لها

ان الفواصل تحمس وحركه حلوه ومن يومها وانا ماسك
ذا الفواصل وازعجت العالم فيها

على طاريها هي وين اختفت بدخل امس على صفحتها لقيتها
ماخذه استراحه او ايقاف او تعليق عضويه مدري والله وش السالفه

والمدونه من شهووور مقفله !!

ان شاء الله تمر من هنا وتطمنا او اي احد يمر ويعرف عنها شي
لا يبخل علينا با خبارها

كمان نقطه ونهايه سطر ...

جاني سوال ف الاسك امس والله من جد سوال اعجبني وبقوه
واحسني بعد ما جاوبت عليه ودي اتشقلب من الوناسه وش دخلها مدري

اللي بيشوف يروح هنا



بالله وش رايك بالاعلان خطير صح

يالله عاد تحملوني شوي هنا انا المخرج والمنتج وبطل الفيلم
صح احس دلوعه تحذف ردي بس ماعليه اهم شي الاخلاق

ف امان الله يالربع

توصون شي وللا ش

خودافس