شخبط شخبيط ..

*** الوسمي *** · 09-02-2014, 08:53 AM

سلام !!

ياولد ماهي هي ياخذ النصر بطوله ولا اجي هنا اقول مبروووك
للشعب اللي معاي ذابحهم العالمي

مبروووك لكل نصراوي ونصراويه

ولا عزاء طبعا للهلاليه واولهم ابو العز

مع نفسك ياذيبان
ذا السنه شكلنا بنكوش ع الكل

ومشكور للعالم اللي باركت هنا وبالاسك او بتويتر الف شكر

يالله جاي ع الطاير اقول ها الكم كلمه وامسك الباب
ومنها ارز مدونتي فوق مع الدوافير عسى احصل لي كم لايك

خلوني اخذ فره ع المدونات واشيك ع الامور
وذا لقيت وقت رجعت لكم فيذا

خودافس

*** الوسمي *** · 10-02-2014, 08:56 AM

صبحكم الله بالخير يالربع << الله يسامح ريناتو حق الكيك خرب
اوم كلمه الربع "

يالله ماعليكم منه يكبر ويتعلم بس نصايحه حقت الابل فله لاتفوتكم

ايه وتراني جاي عشان حكايا البنت تقول اننا فزنا عليهم في النهائي
بهدايا من لعيبتهم وبلنتي غش !!

شفتي لو فزنا بنص هدف وجابه واحد من الجماهير بنفرح
دام البطوله ماخذينها من الهلال بعد كل ذا الصيام افطرنا عليكم هههههاي

ويازينه من فطور

هارد لك بس وخلي عنك الكلام اللي مايوكل خوبز

ومشكوره ع التقييم ولو انه طالع منك وانت معصبه بس مشكوره
وبعد كل الشكر

كل الشكر للعالميه حوريه ع التقييم وايه باذن الله السنه ذي
كل شي للنصر حتى كاس اسيا لو يجهزونه لنا من ذحين باذن الله السنه الجايه بنجيبه

اما عاد لو يجبونه ويتاهلون للعالميه مره ثانيه
احسن ابن مساعد بيصير هو ورابح صقر نفس الخشه

يالله العافيه طيبه والجنه الجنه

في امان الله

خودافس

*** الوسمي *** · 11-02-2014, 09:19 AM

حاسهم النصر السنه هاذي حوس بكل مكان ومسوي لهم زحمه
ياخي ماكنت متوقع اعلامنا بيصير فيه كذا اذ النصر تصدر !!

خاصه مع تويتر ذحين الامور صارت كلها ع المكشوف
والضرب صاير عيني عينك

والحياد اللي يتكلمون عنه اول صار " بح " ذحين

ياخي والله من جد فضح كثير بالاعلاميين اللي عندنا تويتر خلاك تعرف
ثقافتهم زين وهم اللي كنا نشوفهم ناس فاهمه طلعوا ماعندك احد

زي البزارين وربي صايرين

كل الشغله امسك لي وانا اقطع لك
عرض وانا اسجل هذا كل شي عندهم ولا فوق ذا كله سرابيت

ماينامون تلقاهم بكل وقت مسنترين بتويتر بكل وقت

الله يالدنيا من جد طويل العمر تويتر فضح بنص العالم اللي مسوين برستيج
لانفسهم من سنين وخلاهم قدام الجماهير على بلاطه !

لا وسبحان الله يشفون الشي قدامهم ويبلعون الطوب على قول المصاريه
ولا يتكلمون بذا الشي لانه بمصلحة ناديهم

وياويل الانديه الثانيه يدرون الزله منهم بشمعه ويقعد يلت ويعجن بالكلام اسبوع
ويعيد واشكال الحكم والنصايح والكلام اللي شبعنا منه

مدري وش خلاني اتكلم بذا الموضوع اليوم بس ماتدرون يمكن
تحمست بزياده يالله خلوني اطلع

قبل اجيب العيد

ع العموم حصل خير وكل واحد يصلح سيارته

خودافس !

*** الوسمي *** · 13-02-2014, 09:40 AM

يازين الصبح وطلاته اذ بديته بتفائل لباقي اليوم
وانتظار لشى بيكون في اخره ~

عاد شلون اذ اجتمع هذا الصباح بنهايه اسبوع ممل في الدوام
اكيد بكون الصبح اليوم غير ~

لا وبكره النصر بيلعب كمان يارباه يبغالها شقلبه

ياخي اشب المدونات نايمه والعالم ماتشوف احد وين الناس
بالقوه تحصل لك احد كاتب في مدونته من جد ان الحي يحيك !!

ياولد وش السالفه العالم مابوه الى قليل لي يومين كاتب هنا
واليوم القى مدونتي لسى بالصفحه الاولى

سقى الله ايام اول تغيب يوم تلقى مدونتك بثالث صفحه من كثر
الدوافير ذحين مع نفسك وبقوه بعد !!

يالله ماعليكم اهم شي الاخلاق وكل واحد يصلح سيارته

الله يذكر العالم اللي كانو محركين ذا المكان صح
نفر وانكسار والزهراني وطقته وين راحو

لا ومرامي ولنو وطيف وحنين وصافي وحلم كمان وينهم بعد يالله ان
تذكرهم بالخير مابقى الى بقايا مدوناتهم وهم مدري وين اختفو !!

مدري ليش لا كنت مبسوط اتذكر ايام اول وارجع انكد
على نفسي من جد اني مهوي

لا بس معذور تذكرون اول لاقلت اليوم اخر يوم
يطلعون عليا خمسين يتريقون اني فرحان ~

يالله خلوني اقوم شكلي من جد مالي داعي فيذا
في امان الله يالربع ...

خودافس

*** الوسمي *** · 24-02-2014, 08:59 AM

يالله صباح خير ... ياكرهي لذا الاشكال من الساعات احسها تسوي لي
فوبيا وتطير النوم من عيوني لاشفتها باي مكان لان تاريخها معاي اسود

يذكرني بايام المدرسه والحليب والصحوه بدي وجرسها المخيس يارباه

بس اليوم من شفت الصوره وانا القطها واجيبها هنا
خلاص بعالج نفسي بنفسي وبكسر الفوبيا منها

.... ماعليكم من خربشتي تراني مهوي ...

ايوه صح على طاري الساعه ياخي الوقت يمر بسرعه مايمديك تتهنى بنومه الى
وانت صاحي للدوام والدوام من يبدى وتدخل المكتب الى والظهر ماذن

ياولد ياسرع الوقت وربي الله يخارجنا !!

نقطه ونهايه سطر !

ذحين نفسي اعرف ليه العالم تتغير وش صاير فينا ماكنا حلوين
وربي حنا مثل ماحنا بس يمكن من قرب الواحد طلعت عيوبه او .. مدري والله

يشهد ربي ماتغيرت نظرتي لاحد واحترامي للشخص اللي عرفته واعرفه
مستحيل اغيره يمكن يقل تواصلي او ينقطع احيان

بس والله ان المعزه والتقدير في مكانها ماتحركت !

ياخي وش المشكله لو انهينا يومنا بمسامح الكل مو شرط تروح له وتقول تراني
مسامحك على كل شي

ياخي سامحه بينك وبين نفسك ع الاقل لانك كذا تريح نفسك
وماتخلي مكان للحقد والغل اللي يكبر من الوقت

صفي النيه وسامح وربي محد طالع منها بشئ

يالله خلوني اقوم اشيك ع الامور واحوال الشعب لي فتره ماجيت هنا
بس ماشاء الله اشوف كم واحد من ربعبنا الاولين لهم تواجد هنا

حيا الله الطيور المهاجره وخلونا نشوف مدوناتكم فوووق الله
يطول باعماركم

في امان الله ... خوادفس !!

*** الوسمي *** · 24-02-2014, 09:21 AM

تدرون ان الجلسه بمكان معزول والتفكير السلبي هو اكبر
مصيبه نوقع فيها بحياتنا واللي منغصه على اغلبنا اوقاتهم !!

ليه وش حادك ع الوضع ذاني وش اللي مجبرك تخلي حدودك ضيقه
وحاشر نفسك مع نفسك ليه ياهوووو

لا تخلون سلبيه بعض الامور تطغى على الاشياء الزينه فيها
فتحو عقولكم شوي حنا لو تلاحظون مافيه شي اسهل من انه يضايقنا يمكن كلمه

او تصرف من شخص يقلب اوم مزاجك قلب ليه يعني !!

لها الدرجه صرنا نحب نحزن ونتضايق مدري والله بس لو اننا ناخذ الامور
بسهاله وحسن نيه وان محد قاصد يزعل احد

ليه ندقق على كل شي ونركز خصوص ع الناس اللي نحبهم وكاننا نستني الزله منهم
عشان نزعل عليهم ياخي سبحان الله شعب ماله حل وربي

نفسي نجرب نعدي ونعدي وكمان نعدي مو تجي وتقول تعبت وانا اعدي لك
لا عدي يابو لانك بكره بتدور من يعدي لك زلتك

يارباه كم اعشق الفلفسه الزايده عن حدها وعدوها تكفون كالعاده
لاني فايق وربي ولاصرت كذا جبت العيد

الله يسعد كل من يجب العيد وطاري العيد << فيس يغمز

ف امان الله

*** الوسمي *** · 25-02-2014, 08:47 AM

ليس بالضروره أن تنال أعجاب الكل !
أننا بالكاد نستحوذ على رضاء على انفسنا

لست بذاك العقل المتحجر ولست متعجرف لكني
صعب المزاج متقلب الافكار وهذا لا يتفق مع النفس البشريه !

لذالك قد يرانا البعض مختلفين بشكل لا يعجبهم !

*** الوسمي *** · 26-02-2014, 08:48 AM

ماذا تعلم عني .!
كي تملي ماأفكر فيه قبلي
ماذا تعلم عني .!

كي تكتب ماأردت كتابته وتسبقني
ماذا تعلم عني .!

أأنت تجس نبضي دون قرع الباب ودن أذن مني
ماذا تعلم عني .!

لتكون الرفيق الأوحد المشابه لقلمي وأحساسي
وماذا بعد !؟؟

كل شيء ات فقط أخبرني ماذا تعلم عني .!

<< من اجمل ما قرأت !
خودافس !

*** الوسمي *** · 26-02-2014, 08:55 AM

“الذاكرة مثل العاصفة أو الجنون عندما تستيقظ لا أحد يستطيع إيقافها
تجرف كل شئ فى طريقها بلا رحمه ..؟!

*** الوسمي *** · 26-02-2014, 09:06 AM

!

غدا نمضي كما جئنا ،
وقد ننسى بريق الضوء والألوان ،

وقد نهفو إلى زمن بلا عنوان ،
وقد ننسى وقد ننسى ،

فلا يبقى لنا شيء لنذكره مع النسيان ،
ويكفي أننا يوما .. تلاقينا بلا استئذان

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget