ماني مطول ها المره كلها كلمتين ورد غطاهم

" ذحين فهمتك يادمعة مظلوم "

سبحان الله من يغير احوال البشر من حال الى حال في غمضة عين
سبحان الله عدد خلقه وزنة عرشه ومداد كلماته !!

اللهم لك الحمد حتى ترضى ولك الحمد عند الرضى ولك الحمد بعد الرضى



احب ذا الفيس اللي فوق اي ابو يد معطوبه لحد يركز لانه بيحزنكم
تدرون وين المشكله انه يذكرني بناس كثير كانو معنا هنا

عاد قبل فتره سويت حمله ماهي كبيره بس على مستوى
ماهو بسيط كنت اسال عن الناس اللي كانو معنا هنا واختفو فجأه وبدون مقدمات

اللي قاهرني بعضهم قد اوصل لعض اخبارهم من هنا
من تويتر من الاسك المهم اني قدرت اوصل لبعض اخبارهم وصراحه فيها منها اللي

يشجع ويحمس لو ان الناس ما اتمنوني على الاخبار اللي قالو لي
كان نزلتها فيذا بس لازم نحترم العالم اللي وثقوا فينا ..

عاد احب شغل التحريات والاسئله وصايره عندي خبره من كثر ما اتابع افلام
حتى ذحين وصلت لمرحله ما اكمل الفلم لاني عرفت الحبكه حقتهم فليش اضيع

وقتي واتابع الباقي داري اني مفهمي ولحد يدقق

اسير يقول اكتشف تكليجه خطيره في فلم سبيد حق الباص !!

يابو لا تتعب نفسك قالوها قبل اخواننا المصاريه المخرج عاوز كدا ياباشا
عاد كيف لو تابعت الجزء الثاني كان انهبلت ماهو بس طلعت كم عيب الى بتصير

عيونك بنص راسك من الهلوسه

صح نسيت اني طلعت عن الموضوع اللي جاي اتكلم فيه ماقلت لكم قعدت اسال
وحصلت بعض الاخبار وبعضها لا !!

من ضمن اللي مالقيت عنهم اخبار لنو او طبعي الدبا هاذي الكل يقولون
اختفت كانها ملح وحطوه في مويه ولحد داري عنها شي !!

عاد اذ مريتي من هنا لنو ادينا وجهه وخلينا نعرف اخبارك
واذ احد يعرف شي لايقصر ترى مابقى في قائمتي الى هي وانكسار العريس
مدري شكله مارجع من شهر العسل لين ذحين

يالله بتركم شكلي طولتها اليوم
في امان الله ياحلوين

من فتره ماهي قصيره مدري وش صايبن مغير ادخل على كم مدونه
لاني مدمن دخولها من زمان وتارك باقي المدونات ولا كان فيه مدونات غيرها !!

عاد اليوم فايق وتو مفطر ومتقهوي والمزاج رايق
بس ناقص لي سيجاره << امزح ترى ما ادخن

المهم دخلت كذا مدونه اول مره ادخلها صراحه مدونات توسع الصدر وتخليك
تحسك انك عايش لانك تشوف اصحابها متصلين بالعاده ادخل بعض المدونات

اصحابها مايكونون فيه احسني داخل بيت ناس مسافرين
وقاعد اقلب في اغراضهم

بس تعالو بسال وياليت القى رد ليش لين ذحين ذا القسم ماني شايف لهم
مشرفين معقوله لين ذا الحد وصل تطنيش المدونات او خلو المراقبين يتولون المهم من بعيد
ومن خلف الكواليس !!

طيب اذا احد يبغى شي اضافه حذف نقل للمدونه بالله يرووح لمين ؟؟

صراحه غريبه ع الاخوان هنا تاركين الامور كذا مستغرب لاني اعرف قد ايش
هم مهتمين بذا الامر !!

يالله لاجيت اتكلم في السياسه احس بمغص بركبتي اليسرى
عاد صح قبل انسى قريت قبل امس ان القرين من الشياطين يكون مكانهم تحت الركبه
اليسرى في الساق عند الانسان وهذه معلومه جديده لاول مره ادري عنها

لو تلاحظون عند بذل جهد تحس بركبتك اليسرى الالم فيها اكثر من اليمين
لان ابو الشباب مخليها مكان الله يكفيكنا وياكم كل شر

يالله استفزني موضوع الاشراف وقلت اجي اكتب هنا وشكلي بجيب العيد
لي عوده باذن الله بكره في اخر يوم ربووع نفرح فيه

كموظفين وبنودعه بكره باذن الله عاد الطلاب يحزنون مالحقو يودعونه معنا
ولا لحقو على الثلاث ايام اجازه اللي بتكون الاسبوع الجاي لفارق التوقيت

<< ياهو تراهم معطلين من زمان مساك الله بالخير

داري بس بخفف عن نفسي شوي ههههاي

فتكم بعافيه ... خودافيس

ذحين تعمدت يكون ردي الاول بذا الصفحه وداعيه لصاحبي وخووي ورفيق
دربي من ايام الابتدائيه يوم الربوع وخلاص بتنتهي صداقتنا
من بعد ذا اليوم بيصير زيه زي اي يوم ثاني !!

لا عاد فيه فله ولا شي بيصير مجرد يوم دوام عادي
مع السلامه ياصديقي بحفظ الله

احسن شي ان اجازتي السنويه مابقى لها الى اسبوع وبعدين
بعد العيد باذن الله نتعود على صديقينا الجديد الخميس

اما خميس دوام وربي ماني راضي اقدر ابلعها
وحنا اللي متعودين فيه وعليه من سنين من يوم كنا بزارين وحنا يوم الخميس

كيف يبغونا باسبوع نصير نكرف بذا اليوم مدري والله
ياخي ساعات احس فيه شي غلط عندنا

بالله تخيلو عشان يصيفون رقم واحد في الارقام للهاتف الثابت قعدو يمكن
سته شهور وهم يقولون لنا ترى الرقم بيتغير

ازعجتنا شركات الاتصالات كلها برسايلهم عن ذا التغيير اللي بيصير
لين تعقدنا من ذا الكلام ولين ذحين ماتم اضافه الرقم

طيب ليه تغيير يوم الربوع جا بها السرعه الجنونيه ليه ليه ليه

يالله ماهو مشكله مصيرنا نتعود
من جد احسن مافي ها الاسبوع اننا راح ناخذ ثلاثه ايام
يعني السبت طلع بزياده هالاسبوع كلام فرصه على الاقل

يمدينا نغير جونا بذا الثلاث الايام
ع العموم كل واحد يصلح سيارته وبلا كثر كلام

<< هاه خفت

اقول طير عني لا اجيك واحط حرتي فيك
ف الاخير

وداعا ربوع الفله
واهلا خميس الغفله

زي ماقلت لكم اجازتي ع الابواب بس يارب تكمل وتضبط الامور
وعاف بتفقدوني << اقول مع نفسك ولا احد درى عنك

يالله مقبلوه منك اصلا متعود على طلعاتك
وقصفك لجبهتي على الدوام !!


بس قبل اطلع اليوم في ذا اليوم الافضل والاجمل
ودي اوريكم شي وهمتكم لاني قبل اعطل ودي اكسر الحاجز

خلوني على الاقل يوم ارووح اكون وصلت للمكان
اللي ابغى اوصل له

يالله شوفو عدد المشاهدات لمدونتي لين ذا اليوم



صح الرقم مميز وكبير بنفس الوقت
بس طبع فينا دايم طماعين

وودي اكسر حاجز الميه الف مشاهده (100.000)

بس تو انتبه للارقام فوووق

99.222 والساعه شوفو كم 09:22

اوم الصدفه وربي بس كلام !!
شكلي بعض الصفحه اللي صورتها للبيع خلاص لحد يدخل يشوف
لين بكره خلوني افرح بذا الرقم شويتين

يالله فتكم بعافيه والوعد باذن الله
الاحد اللي يجي يالطيف السبت صار اجازه يارباه كم انت عزيز
ايه السبت العنيد صبرت على حشنا طول ذا السنين

وذحين بتصير خوينا الجديد

يسعد صباح من طل وانتظر وسال هنا او ف المكان الاخر على
ظفاف الأسك .. يسعد لي ايامك يارب ..

كل عام وانتم بخير .. ورمضان مبارك وكريم ع الكل
اللهم بلغنا رمضان وجميع عبادك المسلمين ونحن باحسن الاحوال واسعدها

اللهم اجعل بدايته نهايه كل حزن وشفاء كل سقم ..

....

يالله مطول عن المدونه والله ماني متذكر متى اخر مره كنت هنا
بس شكله ايام كان الربوع اخر يوم ف الاسبوع

عاد الله يعينكم تحملوني شوي لاني احسن شعان هرج
واخاف بكره اذ هللو رمضان الليله اصوم كمان عن الهرج

لحد يدقق ساعات تمسك غلط معاي الامور ..

المهم ماعليكم !!

شوفو ياني بنهبل او بيصير عندي انفصام بالشخصيه والسبه بذا المنتدى
كل شوي طالع لي واحد بنك جديد ومسوي يعرفني لين خلاص قربت

اهلوس او يصير فيني شي قهر وربي هذه مشكله انك تقعد
من 2007 بنفس النك نيم لا تغييره ولا شي !!

اغلب العالم لبسو لهم ثياب جديده وانا لسى على ثوبي اول ماعرفت
ذا المكان وما اظن اني بغيره ولا هم يحزنون بس تكفون خفو عليا

لا والمشكله يجيك واحد مدرعم ويقول انت لسى عايش يارباه
لايابو كنت ميت بس طالع اخذ فسحه كم يوم معكم وراجع اموت مره ثانيه

ادري عنك سقى الله ايام الطيبين والله وسوالفهم !!

يالله خلوني اوقف قبل اجيب العيد مع انه جاني تحذير بسبه ذا الشي
بس وش اسوي اصابعي تاكلني مقدر مكتب

ولا كتبت بالغالب اجيب العيد ...

تصدقون تو انتبهت اني كسرت الرقم اللي ابغى اكسره من فتره
واخيرا قدرت اكسره وطبعا بمساعدتكم

هيا

لا والمشكله يوم جيت ارد قبل شوي في المدونه دخلت المدونه من لوحه التحكم
ولا شفت شي لان مطنش اوم المدونه من فتره !!

يوم جيت بطلع ذحين شفت الرقم وصراحه عويناتي صارن ... ...
واشوى اني بالعمل ولا كان تشقلبت

بس يالله اذ رجعت البيت اطق لي شقلبتين ع الطاير

تجاوز عدد مشاهدات مدونتي للميه الف مشاهده



اللي يخليني ودي اتشقلب اني قبل كم يوم دخلت
للمنتدى ومريت ع المدونه بس بشوف وصلت للميه الف او لا

وكان الرقم 999.899 ولا كتبت شي في المدونه كنت بشوف
العالم بتوصل بدون ما اكتب او لا

وماخيبو ظني يمكن حول ثلاث ميه مشاهده للمدونه وانا ماكتب شي جديد
يعني العالم قاعده تدور وش جديدي وانا مكبر الوساده ونايم

ماعليكم يسعدكم ربي واحد واحد
والله لولا تواصلكم ومتابعتكم ماكان شفتو وجهي في ذا

شكر للكل شكر لك من ضيع وقته ودخل لذا المكان
شكرا لكم !!

يالله فتكم بعافيه في امان الله وحفظه
وكل عام وانتم بخير مره ثانيه

ورمضان كريم

خوادفس

سلام

اليوم عاد اكيد راح يكون اخر يوم في شعبان ومايحتاج احد
يتعب نفسه ويروح يدور الهلال خلاص انحسمت الامور

اللهم لك الحمد حتى ترضى ولك الحمد عند الرضى ولك اللهم الحمد بعد الرضى
حمدا يلقيق بجلال وجهك الكريم ...

....

مبارك عليكم الشهر يالربع

...

ماعندي وقت جاي اجري تقول احد يطردني بقول كم كلمه بس هاه كالعاده لحد
يفصلها على نفسه وياخذ اللي يبي منها ويترك الباقي اسمعو او اقرو زين

لاني بكتب ماني متكلم

ذحين ما ني جايب شي جديد لو قلت ان فيه ناس تتابعني هنا وبكذا مكان
غير هنا ربي يسعدهم لاني احس تواجدهم يديني دافع وربي

المشكله بعضهم تصير بينا مواقف او كلام واجي انا ووجهي واكتب هنا
عن ذاك الشي ويقول ليه تكتب طيب ياحلوين تراني اكتب بدون تحديد احد

او توجيه الكلام لاحد ... يعني عايم على قولتهم وبعدين تخبروني
واكيد اللي يتابعن دايم يعرف اني اكتب هنا ف الغالب الامور اللي تصير معاي

سواء ف البيت ف النت ف العمل باي مكان فالامور عاديه والوضع مايخوف

....

هيا عاد نسيت وش كنت جاي بقول ماعليكم يمكن اذ افطرت تذكرت
عاد اليوم بكثر الفطور لاني بتركه شهر مافيه بذا الوقت فطور

بصير ليلي وفطوري المغرب

عاد منها هنا واللي مايدري يدري تراني عازم نفسي على الفطور
عند البرنسيسه عبوره وعند غيوم التعابير وعند قلب صافي وعند طيف

وكمان عند حنين وباقي امل واحتريك والكاتبه ساندرا

مالي شغل واللي يشوف نفر يقول له تراني كمان عازم نفسي عنده

...

طبعا مرامي ولنو وراعيه النياق اتعبت حسادي ذول عزومني من زمان
عاد اللي يبغى يخاويني يقول لاني شاري لي جيب جديد

وبخليه بس للزيارات والفطور شكلي ماراح افطر بيوم في بيتنا
الغالين هنا كثار صراحه وماني ملحق هههههههاي

ايه صح وكمان ها المره ناوي اروح العراق بجرب فطورهم كيف
الدوافير عصفوره وبلاك وشلتهم اكلهم يحمس

ورايح لرذاذ كمان والدرر بعد بنجرب الاكل الشامي
وملاك كمان



يالله خلوني اطلع وربي من جد شكلي مسوي زحمه اليوم
فتكم بعافيه ورمضان مبارك على الكل

اللي عنده اعتراض على عزيمتي لنفسي عنده لايصوم
لاني جاي جاي الله لايعوق بشر >> نشبه تراه

خودافس

العالم قاعده تسوي بروفات لرمضان من بدري مافيه احد في المنتدى
بذا الوقت مغير كم واحد قدر الله عليهم وعندهم داومات

ولا الباقين اغلبهم مكبرين الوسايد وهات يانووووم

يالله هانت اخر اسبوع بداوم فيه هو ذا الاسبوع وبعدين بسحب لين
بعد العيد باذن الله على قولتهم اجازه روحانيه اكثر منها استجماميه

عشان كذا ترى مدري كيف الوضع بيكون في رمضان
بس ماراح اغيب كثير كل شوي راح انط لكم هنا !!

... نقطه ونهايه سطر ...

بقول لكم ذحين اللي يلقى شخص يفهمه يقدر كل اللي يقول يحترمه
يسمع له ويشتكي له اذ كان في نفسه شي !!

يخاف عليه ويهتم انه يعرف اخباره بكل وقت يسال عنه كل شوي

يفرح اذ شافه مبسوط ويهتم ويتضايق اذ كان متضايق !!
يخليه يعرف باغلب المواقف والامور اللي تصير معاه

هذا الشخص مين الغبي اللي يفرط في معرفته او تواصله
الى واحد ماعنده ماعند جدتي ولا يعرف للتواصل معنى

مو شرط تقابل شخص او تكون جالس قدامه عشان تنشأ بينكم قصه
او تتكون صداقه قويه لا والله والشواهد كثيره واغلبكم مر فيها

ساعات تجمعنا مع ناس اشياء مع الوقت تخليهم اقرب لنا
من الناس اللي حولنا تخلينا نعدهم من اهلنا وحنى ماقد شفناهم

ولا جمعنا مكان واحد بس اخلاقهم واحترامهم لانفسهم قبل احترامهم لك
وهو الشي اللي خلان نثق فيهم نشكي لهم ونتحمس معهم ونتواصل كمان

عشان كذا كنت اقول او خلونا نقول كنا نقول التعارف زين والله
وهذه ميزه من ميزات النت خلتنا نتعرف على ناس صارو لنا اقرب

كثير من اللي حولنا تدرون فرق بين اللي حولك واللي بعيد مكاننا لكن
قريب وقريب مررررره معنى !!

انك للاول ماتقدر تشتكي لانك ماتضمن وش راح يصير
مع اول خلاف او اختلاف راح يغسل شراعك في مكانك وقدام ناسك

الثاني مهما اختلفتو ماراح يطلع ويغسل شراعك
ويحاول ياأأذيك ابد ...

عشان كذا اشوفنا مع البعاد مكان نصير اقرب لهم
من اللي قريبين مننا مكاننا عقدتها صح

خلوني اطلع احسن واللي فهم فهم والله مافهم
يرجع يقرا ماوراكم شي الليله باذن الله السهر صباحي لين السحور

خودافس !!

ايه اكلمكم وانا نايم يالله صباح خير وش هو له يخلوني
اداوم وانا صايم بس علينا يلعبونها

جايب معاي وساده اليوم للمكتب وكل ماشفت
لي فرصه اخذتي لي غطه

واصلا شكلي بقضي اربع ساعات من الخمس اللي بداومها
وانا لان مين بيصحى وبيراجع اي اداره بذا الوقت

العالم اغلبهم نايمين بعد الفجر يعني عشان يصحصح
ابو الشباب ويفكر يجي يراجع يكون الدوام منتهي

المهم ماعليك هانت زي ماقلت كلها اليوم وبكره !!

.. نقطه ونهايه سطر ..

ذحين نفسي اعرف وهو معقوله فيه احد يدخل هنا ولا يفهم
وش قاعد اخربط ولا بس يتهئ لي ذا الشي

هذا اول هام على قولتهم يعني اللي كذا يرفع اصبعه عشان
اعرف لاني صراحه ساعات احسني مو انا اللي اكلمكم

ثاني هام ياحلوين وياجعل ايامكم كلها سعيده
تراني اكتب هنا ساعات من شان اضيع وقت او اخربش لا اكثر

فلحد يدور هنا غير الهرج اللي نصه من جنب القده وربي

.. نقطه ونهايه سطر ..

قبل فتره قال شخص كلمه اخذت تقرقع في راسي لين اليوم
كل شوي اتذكر كلامه مدري افرح ولا ازعل صراحه

بس اخيرا ابشركم قررت ما ازعل عايدي والله
اللي خلاني اقول ذا الشي انه جاني نفس الكلام امس

بس مو من صاحبنا الاولاني لا !!

بس خلوني اعرف شي مهم اننا مانستعجل بالحكم على الشخص
من مجرد معرفه بسيطه او علاقه سطحيه على قولتهم

عشان تحكم على شخص لازم تعرفه اكثر تسمعه اكثر
عشان تقدر تحكم عليه

بعضنا يحكم علينا من اللي يقراه عننا ولا يدري وش السالفه
يعني مستعد ابصم لكم بالعشره

ان فيه من يدخل هنا بالصدفه او بحكم العاده او الطفش
ويوم يطلع من هنا يقول ياربي لك الحمد ها الوسمي

ياهو شايف نفسه وراعي كلام واجد ومهايطي ومدري وش
لا والله وانا اخوكم عادي الامور صح هرجي كثير

بس وش اسوي احب اسولف مع نفسي واخلي العالم تشوف
وتقرا وش قاعد اقول !!

يالله نسيت اني صايم هههههههههاي

ياخي يازين روحانيت رمضان ونهار رمضان وليل رمضان
الله يتممه على جميع المسلمين بكل خير !!

في امان الله ياشباب
خودافس