يالله ان تصبحكو بكل خير يالربع بها الربوع البارد
والامطار المقبله يالله ان تجعلها خير وبركه !!

للمره المليون اتذكر ام المشاكل والهوشات راعيه الاوله
لنو الله يذكرها بالخير من زمان ما اشوفها تحوس فيذأ

من جد لها فقده عساها طيبه بس !!

وبما ان اليوم نهايه اسبوع بكثر القرقر معكم اليوم تحملوني شوي
بعدين مايصير هذا الكلام ليه لسى محد شاف لي حل

ف الاسك والتويتر مغير ميمي قاعده تتريق علي وفرحانه
اني حايس هناك !!

يعني تبوني اصيح عشان احد يتحفني بحل خلاص بصيح
بس بشرط لحد يصور وبقعد يسحب فيني وابتزاز وحركات نص كم

تصدقون صرت ادخل جو مع نفسي هنا بالمدونه قبل امس
اكلم اخوي والشباب بالاستراحه اقول لهم شوفو المدونه وصل عدد
المشاهدات لها فوق الواحد وسبعين الف مشاهده

المشكله مالهم ف المدونات مغير ثنين اللي متحمسين معاي
الباقين خلوني اندم اني كلمتهم انواع التسجيب والشماته

عاد دايم عندي بلانت بي لمثل هذه المواقف
محترف تصريف << مع نفسك بعد ماقعدت تلقط وجهك

الحمد لله الامور طيبه والاخبار تبشر بخير
باقي كم تكه ونصير ابطال العرب ولا عزاء للمحلي الشقيق

صح قبل اروح مقهور من قبل امس الصفحه هاذي رقمها معجبني ميتين
وما ودي اقلبها وجعان هرووج وش السواه يالربع !!

المهم معليكم

جاني من يسالني مره ف الاسك عن كلمه غبيه بشكل استحي اقولها هنا
المشكله ماهو ولد واللي يسالها عارف انها ماتعرف وش معناه ذا السؤال !!

ساعات ربعنا عليهم شطحات مالها داعي يعني نفسي اعرف
الواحد يوم يجي يتكلم كلام غبي واهبل زي وجهه هو وش بيستفيد يعني بيطلع

له مع الشاشه احد بيديه الف ريال مثلا او بيصفق له احد
وش هو له ذا الكلام صراحه والله من ذاك اليوم وانا ودي اعرف ليه بعضنا يستخدم

النت ومواقع التواصل ف النت استخدامات بلها وقليله حيا
يعني عشانك ف بيتكم ومتربع بالسروال والفنيله تاخذ راحتك بالكلام الواطي !!

بعضنا مشكلته على باله بيضحك العالم او بتضبط الامور بذا الشئ ما درى
انه حصل له كلام او دعوه من شخص يخاف الله توديه بداهيه !!

والله اكثر شئ يخوفي ف الدنيا هاذي دعاوي العالم يعني ماعندي اي مشكله
في العواقب اللي تصير لاكثر الامور بالبلد من ساهر وسجن

او ضرب او اي شئ ممكن يعاقبوني فيه
بس اكثر شئ يخوفني ويخليني مكانك سر اخاف ان اللي غلطت عليه
او اذيته يدعي عليا !!

وبعضنا الله بالخير ولا يفكر بذا الشئ ترى الدعوه مايبيلها
انك تشوف اللي قدامك وانت تدعي عليه او تعرفه عشان

تصيبه دعوتك كل اللي يبيلها واحد مظلوم يرفع يده لربه ويدعي
وبعدين يالله فك عمرك !!

لا واغلبنا يجي ويقول انا وش فيني ماني محظوظ وكل ما اطقها عوجا
ياخي ارجع وشوف انت وش مسوي للعالم وش مهبب

لان ترى كثير مايعرف ان سبب عدم توفيقه يكون ساعات
من دعاوي العالم عليه !!

شكلي طولتها وهي قصير بس وش اسوي مقهور
وما ودي اقلب ذي الصفحه

المهم كل واحد يصلح سيارته وفالكم طيب
خودافيس

عشان اقلب الصفحه ترى ذا الرد بس هههههههاي

اليوم الاول من ديسمبر يصادف السبت وبدايه اسبوع !!
وذا اليوم يكمل لي معكم ست سنين قضيتها هنا في المنتدى الوحيد

اللي بقيت فيه كل هذه المده ياسرع الايام يوم عدت
يعني ذا الاسبوع بيكون اسبوع غير راح ازعجكم بتواجدي وشخبطتي

بس هاه مافيه شئ بلوشي يعني الحركات والكيك والعشا
وكل اوم هذه الشغلات عليكم

وبها المناسبه راح اكشف كثير اشياء العالم ودها تعرفها عن الوسمي
بس بشرط لحد يسال لاني بتكلم بكل شئ

وبعصر مخي لين يطلع كل اللي عندي ماراح ابقي شئ
يعني تابعو لو بس ذا العشره ردود اللي بتبدا من اليوم !!

طبعا عدوا ذا الرد التعريفي ماله داعي ههههههههاي

المهم ترى لحد ياخذ على كلام السعه على قولتهم لاني
يمكن اجي بكره تكون الامور ماهي تمام وابطل اتكلم محد يدري

ولحد يدف بكره تطلع الشمس وتملا البلاد

كل عام وانا ومدونتي بخير >> مستعجل محد عيد عليه لين ذحين

الطيور المهاجره بدت تعود ايه هذا اللي قاعد اشوفه من كم يوم
بس مشكلة رجعتهم اشوفها على استحياء تقول احد بيطردهم
يجي الواحد يحط له رد عشان يرز المدونه مع الدوافير اللي قدام

ثم يغيب له كم يوم ويرجع مره ثانيه واسمك لي واقطع لك
على قد ماني فرحان بشوفتهم متواجدين على قد تحسري على هذا الوضع

لي تواصل بسيط مع بعض هذه الطيور المهاجره خارج ذا المكان
بس ماهو بمنتدى ثاني لا عشان ما اعرف للمنتديات كل مارحت لواحد قعدت

عندهم يومين ثم شلت عفشي وطلعت ما اعرف للمنتديات ولا احبها
ومدري وش علقني بذا المكان شكلهم اول كانو يحطون لنا بقسم الالعاب شئ

يخلينا ندمن على ذا المكان مدري والله او ان العالم اللي تعرفت
عليهم هنا لهم دور في ذا الشئ مدري كمان !!

المهم مالكم في طولت الهرج كنت اقول لي تواصل مع بعض اللي هنا
برا اسوار ذا المكان في تويتر ف الاسك في المسن مع اني شبه
قاطع دخولي لها من فتره !!

اغلبهم اشوفهم كارهين ذا المكان كان احد مسوي لهم شئ
مدري ليه صراحه ومن وين العيب جاي والله ما ادري !!

صح على طاري تويتر نفر ومرامي جايبين طريقه عشان ارجع رقمي
واقدر اسجل دخول المشكله انها تعتمد على الايميل وانا
هناك مسجل ببريد وهمي يعني بضحك على تويتر قعدت بها

بس ابشكرم قدرت ادخل لاني طلعت مزود رقم فوق رقم الجوال
وكنت ناسي هو رقم او ثنين طلع رقم وتعبت عشان صدته

شكرا نفر شكرا مرامي ماقصرتو يعطيكم الف عافيه

ذحين فيه ناس يوم تقيمك ماتقدر تخلي تقيماتهم تعدي بدون
ماتشكرهم لانهم من الهامات الكبيره هنا في عبير !!

مزون شمر ... اسير في حب عبير ... غيوم التعابير ..
دمعه مظلوم .. كبريائ انسانه .. جلكسي .. كريس
وخووي المنتدى نفر كويس

اسعدني تواجدكم خلف كواليس هذه المدونه شكرا لكم
من تمرون على مدونته وتتركون بصماتكم بها

لا يستطيع ان يدعها دون ان يقول لكم شكرا
من الاعماق شكرا لانكم فرغتم بعض وقتكم لتتواجدون هنا !!

ف الاخير

تكفون لحد يمدح بشكل مبالغ فيه لاني اشوف المدح اذا زاد
عن حده ماهو بمحله ترى كلها شخبطة واحد فاضي ماعنده
الى الدجه فرجاء خاص خلوها بدون مبالغات

ذحين ماتشوفون مرامي ولنو وطيف قالبات اوم التدوين
رسائل مشفره ومغير كل وحده تمسك والثانيه تقطع

خذو فره على مدوناتهم نصها شفرات بين بعضهم
مهما تحاول ماتقدر تمسك لك شئ

من جد شكلي برجع العصفوره حقتي تجيب لي اخبارهم

من جد احسهم يخططون لعمليه ارهابيه من نوع جديد
لحد يستغرب اذ لقيتو لنو صايره مكان الصمت او طيف ماسكه مكان وليد

بس مستغرب نفر وينه عن كل هذه المخططات لحق ياولد ترى
البنات ماهن مجتمعات من فتره الى وراهن شئ

المشكله مشغلين ميمي معهم يعني شكلها هي شراره الانقلاب اللي
بيصير فيذا

غيوم واميره شكلهم هن اللي يوصلن الشفرات للشعب
من القياده العليا نبره حزن احسها كمان معهم ف التنظيم

وليد انت والصمت انتبهو ترى فيه شئ ينطبخ من فتره
اسمكو طيف تراها على طول تعلم بس وخروها عن مرامي ولنو وهي تقول
لكم كل شئ

حنين احسها هي اللي بتصير الزعيمه مع مرامي اشوفها تدخل
وتطلع كل يوم والثاني تسوي نفسها ماتدري عن السالفه

نفر لحق تعال بنسوي تنظيم زيهم قهر بعد ذا العمر نطلع من
المولد بدون حمص تعال وكلم عزو يجي واذا لقيت زين جيبه كمان
الرجال ثقه وخبير الكترونيات بعد

اوص تو شفت ياسمينه فيذا نازله من جمص اسود مظلل
كاني لمحت مرامي ولنو راكبات معها بس ماني متاكد

لا ومصرقعه هي اللي تسوق هلا هلا والله كملت
يعني التنظيم حقهم ماهو بسيط اكفش ياولد

عاد مصرقعه احسها الصحاف حقهم هي اللي بتشغل وسائل الاعلام
عنهم اللي نفسي اعرفهم دوافير العراق معهم كود لا !!

ف الاسك اشوف عصفوره ومرامي مغير طق حنك
شكلها معهم هي وقناديل

ياولد طلع التنظيم ماهو سهل الكل مشارك
نفر بطلت ماني مسوي تنظيم جديد بحاول انظم لهم شكل

شغلهم مرتب واكيد راح يحتاجون رجال معهم
لزوم الهوشات وذا الكلام ينعن شكلك بتروح معهم

اوص لا تفضحنا اقول يمكن واذ ما صار شئ اسوي
نفسي مباحث والعب ع الحبلين هههههههاي

مخ ياحبيبي مخ

اول مره من فتره اكون متواجد فيذا طول الاسبوع شكل
الصنف الجديد يمسك على المنتدى ههههههه ماعليكم !

فيه عضو معنا هنا اللي يبغى يقرا ويوسع صدره يروح لمدونته
الولد راعي سوالف وهرج مدري من وين يجيبه

روحه حلوه اسلوبه مميز ومختلف عن الكل !!

تبون تعرفون من هو ولا بلاش اخاف تطنشون مدونتي وجري عنده
عشان هو مزيون وعيونه خضر !!

اتكلم عن زين الاطباع !

ايه صح تذكرت امس اقول لكم لحد يبالغ ف المدح يعني تكلمو بعقل
وبعضهم الله يجزاهم بالخير ماصدقو خبر

على طوووول حش طيب قلت ما ابغى مدح زايد
معناتها انك تسمكني وتقعد تحش سلامات ياهوو بوريكم وش جاني واترك الحكم لكم

اوكي زي مانقبل المدح لازم نتواضع عند الحش وننزله
المشكله تدرون وين اني مقدر انزل او اقول مين قال ذا الكلام

وهنا الفرق بين اللي يمدح واللي يحش

ع العموم زين انه ما اداني تقييم سالب ولا كان طرت بخشته
يعني قاعده تحش البنت بس احس مافيها تقييمها اخضر اللون

المهم نسيت اقول لكم بكره ترى الربوووع



يعني من ذحين ابدو جهزو للفله والدشره حق بكره وبعده
يالله اشوفكم على خير وانتم طيبين

خودافيس

من اول احوس ف المدونات واكتشف شئ خطير اني
لسى فيني عله اذا قريت شئ عام على طول احس اني انا المقصود

بذاك الكلام لو اني مالي دخل في شئ بس
خلاص صارت عاده فيني شكل من كثر ما احوس في مدونات العالم

صارت تجيني ام الركب او ما اقرا كلام واحسس على راسي
على طول تخبرون اللي خايف من شئ يحس العالم

كلهم شاكين فيه عاد سلمكم الله اللي يعرف لي طريقه تريحني
من ذا الشئ لا هان يشوف لي حل !!

ولا ترى ماعاد تشوفوني اوطوط في مدونة احد فيكم
<< من زين وطوطتك ههههههه

ام التحطيم صح

المهم الزبده من ذا الكلام كل ابوه تكفون لحد يحش او
يرمي حجر بمويه راكده ويخلي الامور عايمه لاني شوي واتعقد

عاد اذا تعقدت مين بيفكني وقهر عاد ماتتعقد الامور الى
ها اليومين والاجواء تقول فلوها !!

كنت ماني كاتب بس يوم فحطت بالمدونات رجعت اويلاه يالهدبى