صباحكم رووعه واجواء تشرح الخاطر وامطار
اللهم لك الحمد حتى ترضى يا ارحم الراحمين

كيف الحال شباب وبنات منتدانا الكبير
شلونكم يالربع كل واحد بسمه !!

المهم جاي اليوم من زود حماس الاجواء اللي عايشينها
ها اليومين الواحد وده بها الاجواء ما ينام اربع وعشرين ساعه صاحي

اللي قاهرني النوم ساعات مايزين الا بها الاجواء

ماعليكم وربي لكل اركان المنتدى وحشه من اووول وانا احوس بالمدونات
المشكله اذا لقيت مخالفه او شئ يبيله تعديل
ادور مكان التعديل وبعدين اتذكر اني صرت عضو عادي

من جد ترى الاشراف ادمان صرت انقهر اذا شفت مخالفه
ومقدر اسوي لها شئ اتضايق اذا مريت على رد يبيله حذف
ومقدر احذفه

بعدين نسيت اقول لكم مرو على مدونه نفر الرجال مسوي مذكرات
وسط المدونات عن ايام المراقبه وذكرياته معها

البدايه تحمس شد حيلك يانفر وترى من جد حمستني
اكتب انت ووجهك



ف الاخير وع الطاير !

لحد يحط بيوم لنفسه مكان ويوقف فيه لا والله عط نفسك
خيارات وامكانيه انك ترجع و تكمل يعني لا تضيق على
نفسك المكان وهو واسع

دمتم سالمين
خودافيس !

من جد يازين ايام الامطار سبحان الله تحسك انسان ثاني
ليه مع الامطار العالم مبسوطه اغلبنا ينسى اشياء كثيره

كان شايل همها ومضايقته زي ايام الاعياد
تحس العالم كلهم طيبين وفرحانين هذا الشعور يتكرر مع الامطار

اللي رافع ضغطي بذا الوقت مانقدر اذا جت الامطار
نجري بالشارع حفيانين ولا علينا بشي ونرجع للبيت وانت من كل مكان تنقط
لا وفوق ذا كله ولا عليك من امراض وكلام فاضي

تدرون اكثر شئ كسبته من تواجدي معكم فيذا المكان
اني عرفت ناس تنحط ع الجرح يبرى

وناس تفخر انك تعرفهم ومتابعتهم لك تخليك
تحس انك لاعب مشهور ومنتقل لنادي جماهيري بعد ماكنت بنادي زي الشباب

والله ان بعض البشر يوم تشوفه يتابعك
ودك تصك راسك بالجدار اللي وراك من الحماس
هاه لحد يتهور ويسويها ترا من باب التشبيه لا اكثر

صح اغلب اللي يتابعوني هنا واذا ماهو كلهم محد يعرف
عني شئ برا هذا المكان ولا لي تواصل معهم الى هنا بس والله لهم

قدر ومعزه وداري يوم يقرون اللي اكتب هم كمان
عارفين انفسهم مو واحد او ثنين خلونا نقول ميه << عاد مو كانك زوتدها ههههاي

ماعليكم يقولون دايم لاتقول عشره عزوتي قول ميه
خل العدو لا سمع مايفكر يعاديك

تدرون والله مدري كم لي ماقلبت ها الصفحه صار لي
اكثر من شهرين وانا افحط فيها شكلي فرحان انهم ماهم مركبين ساهر هنا

يالله خودافيس !

فيه ثلاث اشياء تخلي الواحد يدخل معكم اليوم
ثنين ماهم بذاك الزود ام الثالث والله بالقوه وانت ماتشوف الدرب

لازم تدخل ماتقدر تعدي الكلام اللي فيه بدون
ماتعلق او ترد !!

ببدا من الثنين اللي مالهم اهميه كبيره بس خلوني ادخل
معكم اليوم !!

الاول ان اليوم ربوع وهذه بحد ذاتها تدخلني
ذا المكان وانا من جد اللي مايدرسون ولا عندهم دوامات
محرومين من فله يوم الربوع وجووه


ثاني شئ تدرون الصفحه هاذي راح يكون رقمها ميتين
في عدد صفحات مدونتي ولي كم شهر مدقر في الصفحه 199
تقول واحد صاكني بعين خلاني اعلق بذيك الصفحه كل ذيك المده

السبب المهم والاهم واللي مخليني انفض غبار مدونتي
واجيبها من خلف الكواليس وارزها مع الدوافير

كلام تك تك في مدونتها صراحه من جد الله يسعد ذيك
التميميه وين ماتكون من جد ذوق واخلاق وابداع قليل تلقاه باحد
وبعدين تقيممات وصلتني من مصرقعه وطيف ونبره حزن
خلتني اتحمس واجي اكتب فيذا !

شكرا طيف يعطيك الف عافيه صرقوعه الله يسعدك يانبره حزن
يعني من جد متابعتكم شرف وكلامك درر في التقييم

كل الشكر لكم يالله دمتم سالمين
خودافيس

وخرو عني تراني جاي ومعصب وحالتي حاله يعني يمكن
اضرب يمكن اعض يمكن افقش يمكن واحد فرحان بسيارته
جاي يتفرج اكسر له القزاز يعني من جد معصب !!

لا ومو بس كذا ترى ادور الهوشات بشموع
<< وش بلاك كفى الله المسلمين شرك

انت جيت هلا تعال خلني اتهاوش معاك
شايفين صاير اتهاوش حتى مع صوت الضمير حقي

المهم عارف اغلبكم يبون يعرفون ليه معصب لحظه لحد
يدف بقول لكم وش السالفه !!

ولا تدرون هونت ماني بقايل خلوني لين اروق
ولا خلاص بقول << قول ولا اقلب وجهك

تدرون شخصيه مستهدفه زيي << بدى الغرور
امزح وربي

المهم ماعليكم مني وانا اكلم نفسي ساعات اهلوس

اللي قاهرني حسابي ف تويتر نسيت الرقم السري لاني حدثت
الجوال وسجلت خروج ومن زمان ماسويت تسجيل خروج
تعرفون بالجوالات مايحتاج تسجل دخول كل شوي خاصه ف تويتر !!

المشكله بعد التحديث تلقفت وسجلت خروج
وانا ناسي الرقم ذحين احد يعرف رقم مرجوج هزازي يكلمه لي
يخترق حسابي ويعطيني الرقم

هذا اول هام ثاني هام صفحتي بالاسك كل ما اسجل دخول لها
يطلعني للصفحه الاولى حقت تسجيل الدخول
جاب لي الحول بسموعي

يعني صاير ما اغرد ولا ارد على العالم
ماله داعي النت بدون القرقره !!

المهم مدام مضيع يوزر تويتر والاسك ماهي راضيه تضبط
اموره بزعجكم فيذا وخلوني اسمع واحد يقول يارب مايرجع حسابك
خلك فيذا ترى بكف ايه لسى معصب

عشان ما انسى وقبل اطلع فيه ملكه للايكات والاعجاب هنا طالعه
جديد مايمديك تكتب الى تصكك براسك باعجاب وانت تجري

صراحه تواجدها اشوفه بكل المدونات يعني مو
بس هنا متابعتها للكل الله يعطيها العافيه

لا وفوق ذا كل ابوه تلقاها رازه اعجاب بكل مكان
اكيد عرفتوها وهي باقي لها حبتين وتغطي على الفريان !!

هذا يالربع مشرفتنا الجديده والله تو انتبه انها صارت مشرفه
المهم هاذي

رؤى

شكرا رؤى على المتابعه على التقييم على الاعجابات
اللي ماليه فيها مدونتي

يالله شباب ترى مدونتها قريبه من هنا
لا وصيكم كل واحد يمر يقيمها تراها تستاهل

ذحين جا وقت العالم اللي متعبه نفسها ومقيمه
لا وياليت تقيمهم عادي لا والله تقييمهم من جد يحمسك ويرفع راسك
يخليك ودك تتشقلب فوق المكتب

يالله بسم الله ببدأ

***

مصرقعه بقوه

الله يسعد ايامك انت كمان تواجد راقي تقييمك يختلف عنهم
من جد لتواجدك في لوحة التحكم طعم اخر


نبرة حزن

هلا والله بملكة المنتدى كله والف حمد لله ع السلامه
وانت والله الذوق يسعدني تواجدك بينهم دائما
كل الشكر لك اختي الغاليه

طيف عابر

اوص هذه لو بقول فيها وامدح والله كل الصفحه هاذي ماتكفيها
اخت بكل ماتعني ها الكلمه من معني هلا فيك طيف شهادتك
بعلقها عند باب المدونه اخلي العالم يتعلمون كيف يقيمون
الله يسعدك وين ماتكوني !

اميره مملكتي

عروستنا وعروست عبير بكبره هلا باكثرهم رقي وتواجد في
صفحات مدونتي هلا بالاميره من جد حضورك هنا يعطي
مدونتي الكثير من الهيبه شكرا لك سيدتي

رؤى

هلا والله حياك الله وتواجدي ترى صاير قليل لاني قررت
اخذ اجازه بدون راتب لين اضبط اموري

Marschmlo

هلا باختي الشرقاويه اكثر من ينام في العالم دايم
القاها نايمه في مدونتي هههههه هلا والله والرائع مرورك
بس هاه ترى ممنوع النوم هنا


همس الخلود

من جد تقييمك ماخذ كثير من اسمك من جد تقييمك
همس بس رائع بالتوفيق وكل الشكر لك


aNfas-alwrd

هلا نور يسعدك ربي من جد تقييمك وكلامك الشامي يضيع
العلوم النور نوووور عيونك والله تسملين وربي
والله يقويك ويعطيك العافيه على الشغل اللي قاعده تسوينه
لوحدك ذحين بس انت قدها وزياده !!


باقي امل

الله يسلمك ويسعدك ويطول بعمرك ومبروووك الاشراف
وهلا والله فيك باكثر اقسام عبير نشاط ومتابعه
الف مليوووون مبرووووك تستاهلين والله ومنها للاعلى


فرحه زمن

عاد هاذي غير علة قولتهم من ريحه الطيبن والشله القديمه
الله يسعدك يابنت وييسر اموورك كل الشكر
لتواجدك هنا سيدتي !!

***

وفيه ناس مفتقدهم ومفتقد تقييمهم لان تواجدهم
كان على طول هنا !!

.. لنو .. مجرد حلم وراح .. مرامي البدر .. دانه القصيم .. قلب صافي
حنين العتيبي .. عصفوره عراقيه وربعها الله يذكرهم بكل خير


طبعا غياب الشباب طبيعي لاننا تعودنا ماندي بعض
تقييم مدري ليه المهم الله يسعد الكل

في امان الله وشكر مره ثانيه

يالله خودافيس !

احم احم تغطو ياهو تراني جاي مدرعم من اووول
شكلي ها الاسبوع بسوي لكم شويه زحمه مالها داعي يعني انتبهو زين

ايه جاي ومدرعم لجل اقول والله ان اكثر شيئ يحمسني ادخل
واقعد اشخبط فيذا هو التقييمات والاعجاب اللي احصله

ف ها الخربشه من جد تقييمات رووعه وتواجد اروع لبعض
الارواح الطيبه !!

اوه نسيت رؤى تقول من هو الفريان اللي بيغطي علي !!

عز الله لو درى الفريان عنك انك ماتعرفنيه غير
يطبح من فوق برج المملكه من القهر

هذا يارؤى ملك الفلاشات عندنا بالسعوديه واكثر واحد متصور
في العالم

وسلامتك وشكرا ع التقييم
انت .. وتك تك ... سساكورا

ومدري ليه تدبيله السين عند سساكورا

لي وقفه مع التقييمات ف القريب
دمتم سالمين

قبل اخرج يالربع اختكم غيوم تسال عن الحل مع شخص مثقف
ودارس ماشاء الله بس عنده اخطاء وماهي عارفه كيف تنصحه

او تفتح معاه الموضوع لانها ماتبغى تحرجه
وانه يمكن تصير مشاكل معها بها السبب !!

غيوم الانسان اللي تقولين عنه كذا مستحيل انه يزعل من النصيحه
بس اكيد راح يزعل او ياخذ بخاطره من شكل وطريقه النصيحه !!

ومشكله العمر ماهي مشكله بذا الوقت العالم صارت
تعرف ان اغلبنا يفهم لو عمره اصغر لان الاطلاع والمتابعه خلت الغالبيه تعرف
ذحين قليل اللي الله بالخير ماهم دارين عن شئ !!

المهم عشان ما اطول بالهرجه اسلوبك انك تقولين له سالفه فيها نفس الخطأ
حلو بس يمكن يفهما من البدايه ويسكر عليك الطريق !!

شوفي ومدري اذا لحقت عليك قبل تكلمينه او لا
لاني امس كنت مستعجل ومايمداني اشاركم بالموضوع

واليوم جاي جري بشارك لانه موضوع شدني صراحه وكثير مننا يعاني منه
كيف توصل شئ لشخص تشوف انه اخطأ !!

اتذكر اذ صار لي زي كذا ادخل للشخص من باب وبعدين القاني واصل معاه
للي ابغاه بدون ما ادري هو اهم شئ كيف تدخل مع الباب !!

بالاول اي شخص تحسه معتز برايه او فكرته او تصرفه
وانت عارف انه شخص فاهم وعارف ومثقف لازم تدخل له من ذا الباب

اقول لك كيف بالرد اللي بعد ذا
بسحب فيكم شوي سوري بس مقدر اغير طبعي احب اشوق اللي يقرا لي

وش الحل للي زي
برب لا تروحون بعيد !!

هلا فيكم رجعت سويت شغله لشايب جاني مراجع قبل دقايق
ياحليل دعوات كبار السن والله انها هي راس مالنا
واكثر شئ يحببني في الشغل ماعليكم وش كنا نقول

اي تذكرت غيوم ماعليش العتب ع الجوع تراني لسى مافطرت
المهم كنت قبل كذا اقول ان اهم شئ كيف ندخل مع الباب عشان بعدين
نقدر ندي اللي قاعدين نكلم راينا في شغله شايفين انه على خطا فيها !

بالاول اللي زي ذا من واقع تجربه كنت ابدى حواري معهم
بمدحهم وانهم اصحاب حضور مميز ومن ذا الكلام بعدين انبرش عليه

بسالفه متاكد انها ماراح تعدي بدون لا يقول رايه فيها مو شرط تكون نفس
المشكله اللي هو مسويها عشان مايفهم شئ غلط ويزعل من البدايه

اخليه يقول براحته بعدين اصكه بانبراشه ثانيه وعلى بلاطه وبدون مقدمات
ها المره لاني شفته قاعد ياخذ ويدي بالكلام وماخذ راحته

اقول له بس غريبه عليك اشوفك تسوي كذا وكذا مع اني مدري ليه
شخص زيك وانت بالذات يسوي ذا الشئ نفسي تشرح لي ذا الشئ
او تفهمني يمكن اكون مافهتك زين او او ...

والله راح ياخذ راحته ويحاول يبين لك كل شئ وانت بذا الوقت ماراح
تكوني ساكته شاريكه وبين له كل اللي تشوفينه خطا وهو راح
يرد عليك ولا راح يزعل منك

هذا اسولب جربته كثير بعد ماسواه كثير فيني احسه ناجح
بس زي ماقلت اهم شئ الوقت المكان ترى تفرق كثير

اتمنى اكون فدتك بشئ مع اني اشك لاني كالعاده اجي متاخر
يالله بالتوفيق للكل ودمتم بحفظ الله

خزدافيس :)