شخبط شخبيط ..

*** الوسمي *** · 07-04-2012, 08:35 AM

صبحكم الله بكل خير صباح الخير
والامطار والاجواء الرايقه ها اليومين

واتوقعها بكل مدن ديرتي الغاليه
اللهم لكم الحمد يا أرحم الراحمين

اللهم انفع البلاد والعباد بهذه الخيرات
واجعلها اللهم امطار خير وبركه

وعم بنفعها سائر البلأد

! اللهم امين !

*** الوسمي *** · 07-04-2012, 08:41 AM

مع الاجواء هذه مدري من له نفس يداوم
وينحبس بين الجدران والمكاتب

اوم الحاله
المفروض لا زانت الاجواء يعلقون الدوامات
والدراسه

ياخي خلو العالم تونس شوي
مو مع العج يعلقون الدراسه واكيد لو محد يداوم
ينطق في البيت من الغبار

هذا وقت تعليق الدراسه
خلو العالم تنبسط على الاقل ننشط السياحه
يومين الناس مايمديهم يسافرون

بتكثر الكشتات البريه اويلاه عليها
نفسي اعرف لنو وش محرق رزك من كشتات البر

*** الوسمي *** · 07-04-2012, 08:46 AM

صدقتي وربي لنو الله يذكر مرامي بالخير
تو احس اني امشي وانا اعرج

اول سقا الله ايام اول
كنت اطلب او اسال بيوم اعرف وش اسوي

ذحين معلقيني ماني داري ش الحل
مع اني اشوف البتر هو الحل !

يقولون اخر العلاج الكي
وبقول حبه فاسده بصندوق زين بيومين
تخرب كل الصندوق

*** الوسمي *** · 07-04-2012, 08:54 AM

سالو مره واحد حكيم لابس هدوم مقطعه
وحالته حاله وبيته مغبر

وشوشته منكوشه ولابس نظاره دائريه
على راس خشمه واصلع

اغلب شعر راسه مشيب

قالو له كيف تصنف العالم من حولك

طالع فيهم من تحت النظاره وهو يبتسم
يعني كان سؤالهم ما عجبه او كانه مستغرب

من ها السؤال الغبي

قال ! !

العقل نعمه يحوله البعض لنقمه بغبائه
او استغبائه لمن هم حوله

*** الوسمي *** · 07-04-2012, 11:15 AM

اعلآن

سلام مره ثانيه للناس الفايقه والمعصبه
واللي قاعده تهدد والعالم النعسانه

واللي غايبه عن المدرسه واللي ساحبين
على الدوامات واهل البر واللي مايحبون البر

واهل البحر وياحبني لجده عروس البحران

اقول ترى نزلت اليوم موضوع اختيار
المدونه المميزه لهذا الشهر فوق

يعني لايفوتكم ترى معكم لين الاثنين
تحطون اعجابكم فيها عشان تدخلون

بلجنه الحكم والاختيار

اضغط هنا لتشاركنا

بالتوفيق للكل

*** الوسمي *** · 07-04-2012, 12:05 PM

التدوين والشخبطه متعه وبعضهم يحلوها
لحزن وهموم وحاله حاله

وبعضهم يستغلها في تصفيه حسابات
وبعضهم مروقين ع الاخر وداخلين جو

مع انفسهم ويهاوشون ويسولفون ويلعبون بلوت
ويفحطون بنياقهم بعضهم ولا عليهم من ساهر

وخويكم اليوم حايس في الترتيب
والشياكه والشغل الجدي ما احبه ولا اطيقه

احس ان فيه واحد مربطني وجالس فوق
راسي يستناني اخلص وها الوضع يجيب لي صداع ببطني

تصدقون في ثلاثه ايام قطعت بالسياره فوق
الف كيلو وكل شوي بديره تقول اني مهلوس

بس الاجواء تستاهل اللي قاهرني
ماحصلت لي ناس تكلم نلعب بلوت

ذحين لو يجيك تهديد هنا بالله وش تبوني
اسوي فيه يعني اخاف مثلا ههههههههاي

اصيح يمكن ترتاح اهج واترك تاخذ راحتك

بس اخيرا لنو غيرت فكرتها عن الكشتات
اشوفها صايره تمدحها يعني عشان الدباب

اجل كيف لو كنت تسوقين سياره وش بتسوين
بتنامين بالبر سنه شكلك

*** الوسمي *** · 07-04-2012, 12:21 PM

اول شئ ابشركم صدناها

بالاول بشكر ساجده على الشغل اللي
تعبت معنا فيه وبيض الله وجهها عز الله كفت ووفت

وبقول حياكم الله يالربع لحد يستحي ولا يقول
ياي ماكل لحم نياق ومن ذا الكلام

تخبرون ناقه البنت اللي مغير تفحط فيها
مسكتها يوم الخميس وهي ماهي عندها على

طول نحرتها وجبتها لساجده البنت
ماقصرت من امس وهي تطبخ فيها اليوم جهزت

حياكم الله

ما قلت لكم عطوني بس يومين
هذه هي تمو حياكم الله

وبها المناسبه نزلت للسوق عشان البنت
ماتزعل وشريت لها بدال الناقه

ها السيكل تفحط فيه

لا وزهنقت لها عشان تكشخ فيه
وتوتا توتا خلصت حكايه الناقه

*** الوسمي *** · 07-04-2012, 12:46 PM

صاير اهوجس وانا صاحي تخبرون احد
او عمركم سمعت احد يهوجس وهو صاحي

هنا صرت اهوجس لاجتني رساله من عضو
ما اعرفه !

قمت احلم وانا جالس قمت اخاف انام
وتنقطع احلامي وانا صاحي

صرت اشوف بدون لا اتحرك واذا تحركت
مدري وش يصير كمان اشوف << انعن اوم التحشيش

امس هجوله من قبل العصر لين المغرب
وبعد المغرب حوسه والعشا

الشباب مقطوعين ومرسلين لي اجيهم
وضربت تسعين كيلو ع الفاضي يوم وصلت لهم

حصلتهم يضحكون يقولون نبيك
تتعشا معنا ولا ندري كيف نخليك تجي متحدين
بعض انهم يقدرون يجبوني من المدينه

المهم اني تعشيت معهم وتهاوشت معهم
وقلت المره الجايه لو جنب البيت ماجيتكم

بس حلوه بعض المقالب نهايته حلوه

*** الوسمي *** · 08-04-2012, 09:48 AM

من أجمل لحظات

السعاده

حين تحقق أشياء يعتقد الناس ...

أنك

لا تستطيع تحقيقها

*** الوسمي *** · 08-04-2012, 10:12 AM

معرفه الاشخاص والقرب منهم نعمه
ومن الصعب ان تثق في احد هنا في هذا العالم الخفي

اقصد النت طبعا لحد يروح باله بعيد
وعلى بالي اتكلم عن فيلم

المهم زي ماكنا نقول صعب تثق في احد
بس من سابع المستحيلات انك عندما تثق في احد

تتغير او تهتز هذه الثقه مهما يحدث

نعم اثق في الكثير هنا واعتز بصحبتهم واقدرهم
لا لشئ فقط لان معرفتهم اضافتي لي الكثير

بالنسبه لي النت عالم فقط للتسليه
وامضاء الوقت وتحريك الروتين الممل في حياتنا

ولا شئ يحركه سوى القرقه هنا والتحدث
في كل الاركان اعشق التدوين لا لشئ

فقط لانه يوصل ماتريد ويجعل الكثير يفهمون
ما تريد بطريقتهم الخاصه

فيه ناس راح تقرا وتفكر اقصده وناس تمر
مرور الكرام دون ادى قرائه يقولون هذا فاضي

يعني تقول كلمه يفهما عشره اشخاص
بعده طرق ساعات نقول كلام وينفهم بطرق عجيبه

تحس انك عبقري وانت من جنب القده
بس مخاطبه العقول امر رائع

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget