شخبط شخبيط ..

*** الوسمي *** · 03-04-2012, 09:32 AM

! شكرآ !

بعضهم إذا وصل لك منهم تقييم لازم توقف
عند تقيماتهم ولا تتركها تعدي بدون

ان تقدم لهم انواع الشكر والعرفان
على وقتهم اللي ضيعوه هنا بين شخابيطي

يارأإأإ
كل الشكر لك اختي على التقييم والمرور
ودائما مرورك هو الاروع واتشرف بمتابعتك

ملك روما
هلا فيك وحياك الله ارررحب واقلط وانا
اخوك لاتستحي بس لاتجيب طار للكوره

لاشئ يستحق
ياهلا باول واخر هلالي احترمه في النت
يعني انت بس لو منت هلالي كان رقمتك << امزح هههههه
مشكور وربي ع المرور والتقييم

فرحة زمن
ياهلا براعيه البلوت انت من ورى راسك
حصلت حش لين شبعت بس ماعليك ههههههههه
اسعدني مرورك وتقييمك

طبعي جنن غيري
اقول انت مايبيلك تعليم انت مدرسه تعالي نربع
بكلم نفر ولاشي يستحق وانت الرابعه جهزي نفسك
بس ترى في البلوت الكف تاكله زي السلام عليكم
يعني تحملي اللي يجيك من كفوف محد قالك العبي
مع شباب هههههههههههاي

تشكرات ع المرور والتقييم وزي العاده
اقول بكم تستمر مدونتي ولاجلكم اكتب ولاتذكر انني
كنت هنا مع مرور الوقت << بلا فلسفه برا

*** الوسمي *** · 03-04-2012, 09:44 AM

تصدقون عاد ساعات اكتب كلام ما اتوقع
يسوي له صدى والقى كل ها الاعجاب فيه ! !

يعني من فتره طويله ما عمر وصل لي
اعجابات على شخابيطي زي ها الفتره لو اكح احصل

عشره اعجابات << اقول برا برا

امزح لا تدف اوكي خلك راكد عاد صوت الضمير
عندي من زمان راقد مدري وش صحاه ذحين

المهم نرجع لكلامنا اللي كنا نقول الى
صح انا وش كنت اقول هذي من مشاكل انك تفطر فول

تحس انك ودك ترقد وانت تمشي

ايه تذكرت اقول الله يسعد كل اللي مر من هنا وضيع وقته
في كلام وشخبطه احسها عاديه لين القى

العالم صاكتني بها الاعجابات مدري ليه
اتحمس واخذ بنفسي مقلب واشوف نفسي على نفسي

<< لحد يدقق عدوها له قلنا مفطر فول

ياهو اهجد ترى بتاكل لك كف ماني فايق لك مع الصبح
ياليل التحشيش صاير اكلم نفسي

وبعدين تعالو هنا فيه ناقه مسويه زحمه في المدونات
مين راعيها يربطها ترى المره الجايه

لو اشوفها تحوس هنا وربي غير اضبط عليها
الكبسه واعزم كل اهل المدونات على العشاء

واخلي صاحبها يتعشى معنا وبعد العشا
اعلمه ان ناقته كانت عشا الضيوف اليوم

*** الوسمي *** · 03-04-2012, 10:54 AM

تذكرون مره تكلمت مرامي البدر الله يذكرها بالخير
في موصوع عن الشباب ورديت عليها هنا

اختنا ساجده من امريكا اي والله من امريكا يالربع
يعني شايفين الناس من وين تابعني منت بسيط يالوسمي هههههه

المهم اختنا
ما عجبها ردي وارسلت لي هذه الرساله فقلت
بنزلها هنا زي ماجاتني وكيس فيها كلام مرامي وكلامي ورد
الاخت العزيزه ساجده

السلام عليكم ورحمة الله وبركاته
شخبارك ؟؟..أن شاء الله تكون بألف خير
أعتذر منك عالتأخير

استفزني كثيرا هذا الكلام في مدونة المرامي بنت الفيصل
لن ادعه يمر مرور الكرام والى ماكنت الوسمي !
اقتباس:
أكثر من 80% من شباب الخليج معقدين:
مع اني مع العشرين % الباقيه بس برد
أتمنى ومن قلبي تكون من ال20% لأقل فيه نسبة
مو معقدين حتى لو قلة>>يمكن تنتقل العدوى
من البعض وتزيد النسبة شوي

1- تجده يهاب العادات والتقاليد ويلتزم بها
أكثر من الدين وأغلب تصرفاته يحكمها الخوف من المجتمع
اغلب العادات عندنا هي من الدين وتدخل فيه
الى ماندر ولكل قاعده شواذ !أ
ممم كنت أتمنى لو ذكرت بعض هالعادات اللي من الدين
هل أجبار البنت على الزواج من ولد عمها من الدين ؟؟؟
تحريم بعض الأسر أن البنت اذا ما اتفقت
مع ولد عمها (زوجها )انه تتطلق على اساس
ان ما عندهم بنات تتطلق وولد العم ينشرى بالروح ؟؟؟
عادة (التسمية )فلان لفلانة ...
وفلانة لفلان من وهم أطفال ولما يكبرون
قلة اللي يرضون ويكملون اللي بدأوه أهلهم
ولما الشاب يعاف البنت هو يروح ويتزوج
بكل سهولة وهي تبقى علك للناس
...ذا من الدين ؟؟؟!!
وممكن ياخذها خوفا من المجتمع أو من أهله ويتزوج
غيرها وهي تجرع الغصة ورا الغصة ...ولازم تسكت
وتتحمل حتى لا تتفرق العائلة وتتشمت فيهم الناس

...وين موقع هالكلام من الدين ؟؟؟
لما تتطلق المرأة في مجتمعنا دائما يحملونها الأسباب
وتصير لازم تنحبس وتتراقب وحتى النفس محسوب عليها
سكن العوائل مع بعض لما يحكم الأهل اأوالولد اذا
عرس ما يطلع لحاله والعروس تاكل هوى من أي دين هالعادة ؟؟؟
تحريم البعض الدراسة على بناتهم ؟؟؟
مجتمعنا مليان بهالقصص وما مر علي انها من الدين

2- يصغر أخطائه ويكبر أخطاء المرأة مع إن الاسلام
ساوى في الحلال والحرام
في بعض الامور لكن اسألو الهيئه والاقسام عند اي خطأ
الرجل يعاقب ويشهر به والبنت يستر عليها وتسلم ذويها
وكانها لم تخطأي !!!!!
انت قلت الهيئة والأقسام ومو الكل
لكن لو المجتمع شم خبر وش مصيرها ...
بذكر لك هالقصة وأنت احكم وهذي صارت في منطقتنا :
واحد خطر على بيت جيرانهم وهو عارف ان البيت ما فيه
الا بنتهم عمرها 14 سنة واغتصبها ولما رجعوا أهلها قالت
لهم القصهوحاولوا مع أهله حتى يتزوجها
ويستر عليها هو وأهله رفضواوأهله بقوا يعيرون
البنت وأهلها وصاروا مساكين موضع شبهة
وكلام عند الناس بسبب هالحادثة
اللي بنتهم مالها ذنب فيها ...والولد معروف مو مضبوط
...جا واحد ولد حلال وخطبها وتزوجها حتى يستر
عليها ويكسب فيها أجر صاروا أهله (أمه وخواته )
يعيرونها ويعيرونه فيها إلى أن كرهها وطلقها
خذوها أهلها وشالوا من المنطقة حتى
يرتاحون من المشاكل وكلام الناس
شوف هي كيف تعذبت وتحملت وأهلها لحقهم اللي لحقها
...والولد محد جا صوبه وكمل حياته ولا كأنه سوى شي
هذي مثال بس

طبعا هذا الجزء الاول وايه فيه جزء ثاني
ماراح انزله اليوم بكره ان شاء الله بستنى تعليقاتكم

على هذا الجزء
مايبيلها الاسود لمرامي الاحمر لي والاخضر لساجده

*** الوسمي *** · 04-04-2012, 08:58 AM

ذحين ماعمري انخرشت مثل اليوم والانخراش هنا
من الخلعه يعني الخوف من المجهول

ادخل الاقي اربع طعش رساله خاصه
عاد اربع طعش حته وحده لو كنت الوليد

ماوصل لي في اليوم قد كذا في المنتدى
يوم ادخل القى اللي مرسل الرسايل مكررر الرساله

سبع مرات

يعني ياهو بطران وماعليه في الرصيد او انه
يبغى يتاكد ان الرسايل توصل

المهم عارف ان اللي اقصد يقرا معنا ذحين
بقول انتبه المره الجايه تسوي زي كذا مره ثانيه

يمكن تصير امور لا تحمد عقابها
يعني لو كنت مفطر فول زي امس بالله وش توقعون

راح يصير

*** الوسمي *** · 04-04-2012, 09:07 AM

صباحكم نياق
حان موعد الوسمي
انتبهوا لمدوناتكم

هذه راعية الناقه وحده من ثنيتين يا اني
اقفل مدونتها
او اني اذبح ناقهتا

يالله اختاري المدونه ولا الناقه ايه اختاري

مع اني افضل نذبح الناقه قبل
تكبر وتصير مامنها فود

*** الوسمي *** · 04-04-2012, 09:16 AM

زين حطيتوني مع لاشي يستحق اقل شيء دمه هلالي

مو اللهم عافنا اجل سحر يالوسمي

تعالي هنا انت ونفر لا ماحزرتو اصلا جايبك
تكملين معنا رابع عشان احطي حرتي
فيك وتاكلين لك كم طراق

وبعدين انت غشيمه ولازم لا جى واحد غشيم
يلعب مع واحد محترف عشان يغطي
عليه واشارات مانبي يانفر انت وعزو

ترى شايفكم

اقول الاول هع

*** الوسمي *** · 04-04-2012, 09:25 AM

اعلان

فيه ناقه مسويه زحمه للاعضاء ونغبى تصويت
اللي موافق انا ننحرها يصكني باعجاب

واتحداكم لو راعيه الناقه ماجابت اعجاب
البنت محششه مغير بها البرقع

ومع الناقه حومه في القايله من الغبشه

المشكله ناقتها مركبه لها بخاخات كل
ماجيت بصك عليها عند الزراب تنحاش تخبرون

ذيك اللي مع الذيب الضعيف بيب بيب
اها كانها هي سريعه مع انها عصه

المهم هذه صورة الناقه لا جيت تطردها
تشغل التيربو بالله شوفو

ساجده جهزي قدوركم ترى هانت
وقربت الناقه تتعب وانا منصب لها بكومه ردس عند
المشرب حقها

*** الوسمي *** · 04-04-2012, 09:53 AM

عطوني بس يومين ايه يومين بس
وخلوني اشوف ها الناقه وش بتسوي مع السلق لق هذولي

*** الوسمي *** · 04-04-2012, 01:55 PM

نصيحه اللي بيسمع كلام
العالم الهايسه من الهياسيه

ترى بيتعب خلو عنكم سوالف العالم اللي
لو يشوف بقعه صغيره في ثوبك يقعد يعلق سنه

وترك باقي الثوب النظيف كله

ماعليكم ترى جعان ذحين وتو جاي من برا
الشمس لعبت براسي لعب

قلم كبير ترجل من على صهوه جواده لشئ في نفسه
ترك المكان الواسع بكل مافيه من شياكه

وسمعه واتجه لعالمه الخاص ليبدا من جديد
او ليرتاح او ان النفس عافت البقاء هنا

احترم صاحبه القلم المتميز ومبدعة التدوين
ومن كان لها اليد الطولى في ان اصل الى

هذا المكان الذي كنت ابحث عنه منذ فتره
شكرا لك مرامي البدر على كل شئ فقدتك هنا

واتمنى لك التوفيق اينما ذهبتي احزنني كثيرا
ردودك الاخيره في مدونتك واقتبساتك الروحيه

فقط اريد ان اقول لا تلتفتي لما يقال لانني
بكل بساطه عانيت مثل ذلك لانني وجهت او دليت

بعضا من الاصدقاء الى هنا الان
اجد من يقول انني وهم شخص واحد

بعضنا يتاثر باسلوب بعضنا الاخر وهذا شئ عادي
المشكله في التفكير السلبي للغالبيه

بوقف لجيب العيد تخبرون انا مو انا ونا جيعان
احس اني طالع عندكم عوض عبدالله هههههههه

*** الوسمي *** · 04-04-2012, 02:06 PM

ياهو باقي اربع بسه وادخل في الثلاث الاف
واكون الاول كمان في الاعجابات

ذحين الاول في الالفيه الاولى
كمان بكل تواضع الاول في الالفيه الثانيه
وشكل بكون الاول في الالفيه الثالثه

اشكر كل من كان يتواضع ويعطني اعجاب
للخربشه هنا

بشكر
مجرد حلم وراح .. لنو .. جنوني راقي .. نور .. هدوش
نفر .. لاشئ يستحق .. ملك روما .. السليمان
مرامي البدر .. فرحه زمن .. ياسمينه الغربيه .. مصرقعه بقوه
دبغني الشوق .. حنين .. ساجده .. موتي ولا دمع امي .. راما
ح كايه .. شيخه قلبه .. صمت .. ياراأ .. ملاك الجنوب

طبعا طيف عابر اللي مدري متى بترجع
وش غ ب

بس مع كل ذا فيه ناس اعرف انهم من المتابعين
لي وبقوه هنا ما عمري شفت منهم اعجاب
تقول انهم شايفين نفسهم علي او انهم زعلانين
ومحد قال لي ترى وربي اكثر واحد في العالم

وهنا بالذات ما احب احد يكون زعلان او
متضايق مني فرجاء اللي شايل بنفسه شئ
يقول وصدق اللي قال

لك حق تزعل .. وانا لي حق ارضيك

هذه المره بدون ذكر اسماء المره الجايه
بقول الاسماء ومالي شغل

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget