سرت صوب باب الشقه.. و انا ارتجف من الغيض هذاك اول يا محترم اتمد ايدك علي..الحينه كبرنا..حاولت افتح الباب بس كان مقفول ...رفست الباب ابكل غيض..هذا هو فارس ما يفوته شي..لصقت باب الشقه و يلست اصيح..حسيت للحظه اني مخنوقه ووحيده ف عالم ممزور بالناس..

شسوي وين اروح كيف اهرب منه ...دشيت حجرته..داعبت خشمي ريحة عطره..فتشت ادراجه يمكن الاقي بطاقه او أي شي تفتح الباب ...ماشي..مالقيت شي مهم ...سرت حجرة المكتب..دورت تلفون...مالقيت..يلست ادورو ادوووووربس يئست..انهرت مره ثانيه..

.رجعت حجرتي و رجعت شنطتي معاي.
.انسدحت ع الشبريه..يباني اسوي له غدا انا شدراني اطبخ ...غفلت...فجيت عيني جفت الساعه 11 ..سرت الصاله يلست اجلب قنوات التلفزيون..شسوي اطبخ له غدا يمكن اذا طبخت بحن علي ..و بردني راس الخيمه زيييييين ما اعرف اسوي شي ...شو ها الادامي..انا ادري انه ما يبا بس يعاندني.. زين ما عليه...

دشيت المطبخ..حاولت اعابل اسوي أي شي بس ما عرفت..خطر ع بالي الكمبيوتر الي داخل حجرة المكتب..سرت هناك.. و شغلته احسن شي بقعد ادور طبخات بالمره اتسلى ...يلست ادور بالكرسي ياي فارس مرتاح..

.انفتح الكمبيوتر كانت الخلفيه طبيعه...جفت وايد ملفات لمحت ملف اسمه "عليا" ياني فضول اعرف شو فيه ...قبل ما احط المؤشر عليه...تروعت من صوت فارس

الي كان واقف حذال الباب : شتسوين عندج..
وقفت مرتبكه ......................." ما كان عندي رد بعدني مصدومه من وجوده المفاجيء"
دش داخل الحجره رديت ورا
اشر بصبعه: تعالي اظهري ..من هني ..
تحركت و طلعت من ورا المكتب ...

طالعني : اسمح لج تتعبثين بكل شي الا حجرة مكتبتي .."طالع الكمبيوتر" شو كنتي اتسوين ..
بلعت ريجي كنت بقوله من زين حجرتك بس اتذكر شو سوا فيني اليوم الصبح
سالني : منو قص لسانج..

رديت عليه و انا طالعه من حجرة مكتبه : كنت ادور طبخات ...
تبعني سمعته يقول لي : ثاني مره لا ادشين هالحجره .خير شر..و انا من باجر بييب لج لاب توب..
طالعته : مشكور ما ابا منك شي..
ليش شو فيها حجرته لا يكون ملف عليا اكيد..يالله شو هالانسان الغامض...و متحفظ و بعد لا تنسون حثاله و لوتي عود ...
سالته : انت دوامك يخلص الحينه ...؟؟
دش المطبخ يشرب ماي لحقته : لا بس ييت اتطمن عليج ..اتخيلت انج انتحرتي اتسوينها ..!!

كنت اتامله طوله شكله ف بدلة الدوام ابصراحه شخصيه..بس للاسف مظاهر ...ولا هو من داخله شيطان ..
جفته يطالعني ارتبكت للحظه بس

تماسكت : ابا بطاقتي ...
طلع من المطبخ : ماشي ..
لحقته : شو يعني ماشي ...بتم جي مسجونه ..و بعدين ابا اتصل ل للمستشفى ..ابا الغي اجازتي لاني برجع راس الخيمه..
ابتسم لي : لا و الله ...خلاص مالج حايه براس الخيمه..و انسي وظيفتج .."طالعني" ولا اقولج اعتبري روحج انولدتي من يديد..

رديت عليه بحده : مب ع كيفك اتقرر عني ...و هذي حياتي ..
ابتسم :بس انا ريلج..
اكرررررررررررره الابتسامه الي اجوفها ع شفايفه صديت عنه : انا ما ابا اهد شغلي ..
قعد ع الكنبه : هديتيه خلاص..

طالعته مب فاهمه كلامه كمل: انا من السبت الي طاف قدمت استقالتج يعني خلاص مالج مكان هناك ..
عفدت صوبه مب مصدقه أي كلمه يقوله : انت جذاب ..
رد ابرود : كيفج لا اتصدقين..

فارس قاعد يقضي ع مستقبلي شويه شويه...شسوي من غير شغل كيف اعتمد ع روحي..باي حق يتصرف جي..شي يقهر ان شخص يرسم و يحدد مسار حياتج و انتي ما عندج أي خبر...شليت التحفه الي كانت جريبه مني.و من كثر غيضي. ..فريته له ما كان منتبه لانه كان يعابل بوايرات التلفزيون فييت التحفه ع جتفه..نقز و جفت الويع بعيونه يستاهل علشان يعرف اني مستحيل اسكت له

التفت يطالعني محرج وحط ايده ع جتفه..
قلته و انا ميته غيض : يوم ارمسك بشي يخصني ..ما تعطيني ظهرك ... .
.اتجدم مني...صحيح نظراته ترعبني..بس انا بلحظه غيض رفعت راسي اواجهه..شو يتحسب روحه يلعب باوراق حياتي...بس تراجعت ورا و تبددت كل قوه و عناد فيني يوم تجدم مني و كان حاط ايده ع جتفه جان زين انخلع ...
انقهرت من نفسي لاني موقفي انجلب ل دفاع مب هجوم يوم جفته محرج
قلته ابخوف : عيل ليش اتقدم استق.......
ما كملت كلامي ..يرني من شعري ابكل غيض.يتني الصيحه حسيت انه علقني من شعري سمعته يقول و كل غيض الدنيا

بصوته : انتي ع بالج اذا سكت عنج يوم اتسبيني..لاني امسوي لج الف حساب فانتي غلطانه ..لان ما كان علي حق...لكن الحينه ما بفوت عليج شي..

زخيت ايده الي كانت ماطه شعري: هدني ..هدني ...

و يلست ارفسه بريولي ع باله بخاف من تهديده ..صرخت صرخة الم و عذاب يوم رص ايده ع شعري حسيت للحظه اني استويت صلعه...ادريبه حيوان ما يرحم ...يلست اصيح ابصوت عالي يوم جفت عناده...ع بالي صياحي بحرك شعور العطف و الرحمه عنده...بس قلتلكم قبل ..ها قلبه صخر...

قلته و انا ميته صياح : هدني يا الحثاله راسي عورني...
سمعته يتنفس ابسرعه : بالاول اعتذري..
بجذب عليكم لو فكرت اني بعانده لاني حسيت روحي بتطلع تحت ايده
ع طول قلته : انا اسفه ..هدني هدني..

فج ايده عني بعد ما دزني فطحت ع الارض..حسيت حيلي منهد فتميت ع الارض طايحه..غطيت ويهي بذراعي و يلست اصيح ..حسره و ندم لاني فسخت خطبتي عن حميد ولاني طاوعت عمور ..و تزوجت هالحيوان...ما قال أي كلمه طلع من الشقه ...تميت ابمكاني اصيح..للحظه حسيت ان كل شي حولي يدور..نشيت اسحب روحي لي ما وصلت حجرتي ..

.انسدحت ع شبريتي..يلست اتحسس راسي مكان ما كان فارس زاخني حسيت ببالويع..فرجعت اصيح...ع حياة الهم و الغم الي لقيتها .. و عمور يضمنه لي ..حيوان شراته قص علي ...

كل شي ضاع مني عمور دوامي كل شي كان يحسسني بالامان و الاستقرار ضاع و اختفى من حياتي..مدري ليش مرت كلمات فارس يوم قال "بتدفعين الثمن" غطيت ويهي بالحاف ..اصيح بس هالمره كانت دموعي خوف من المستقبل ...يبا يعاقبني و يحاسبني ع شي انا مالي ذنب فيه ...
محد قاله يسوي سواته و يسود ويوهنا ...فجيت عيوني طالعت الساعه كانت هنتين الظهر الظاهر اني رقدت ساعتين..كنت بنش بس حسيت اني ميهوده و جسمي متكسر ...تميت دقايق اتجلب ف لشبريه ..اتذكر فارس يوم مطني من شعري ..خليه يولي ماشي حل غير اني اطنشه..ما فيني أكل ضرب من هالسبال ..

.نشيت سرت الحمام تغسلت.. و رديت حجرتي حسيت بطني يقرصني من اليوع..اووووووه شو الغدا..ما سويت ..الحينه بحتشر علي..يزول بعد قصوري احاتي غدا فارس..جلعة ابليس..
.سرت صوب التسريحه امشط شعري..انفج باب حجرتي قليل الادب ..محد علمه كيف يستأذن قبل ما يدش مكان..حسيت ابرهبه بس رصيت ع المشط علشان اضبطت اعصابي و يلست امشط شعري مطنشتنه ...دش الحجره يوم حسيته انه يتجرب مني وقفت اتخيلت لو المشط كان سجين ازرعه ف صدره..
قال لي : وين الغدا...؟؟

رديت لورا ..كرهت شعور الخوف الي حسيت به منو ها علشان يخوفني ..رديت لورا..لانه ممكن يمد ايده الشاحوف علي ..طالعته من غير جواب ضاربني و يباني اسوي له غدا صج ويهه لوح..
غمضت عيونه يوم علا صوته : وين الغدا انا مب قايلنج برجع من الدوام ابا اجوف الغدا زاهب..

بس كافي فارس جلعت عيني ...يلست ع الارض منهاره و اصيح بس لاه مصخها..حطيت ايدي ع ويهيي ..اصيح بصوت عالي و انا اقوله ابا ارد راس الخيمه ..نزل ع الارض و زخني من ايدي..ما كنت ابا اجوف ويهه زخني من لحيتي و رفع ويهي علشان اطالعه غمضت عيوني اعترفلكم كنت ميته خوف منه علشان جي تميت اشاهق خايفه منه .

.سمعته يقول : اتصيحين...؟؟ عيل وينها نوره الي لسانه اطول عنها ..وينها العنيده الي تتحرا عمرها كل البشر تحت رهن اشارتها وينها ...الي كل ما جافتني سبتني من غير ما اتسوي حساب ل مشاعري و جدام أي انسان ...الحينه قاعده اتصيحين ...؟؟

طنشته ما همني كلامه كان بهذاك الوقت ما يهمني غير شي واحد ...اني ارجع راس الخيمه ..مدري كم دقيقه مرت و نحن بنفس الوضع..بس هو تم ساكت يطالعني جنه اول مره يجوف بحياته انسان يصيح متألم .لازم هو عنده احساس علشان يصيح..نش من مكانه طالعته

وقف عدال باب الحجره : البسي علشان بنتغدا برع ..

يا ربي يا برود هالانسان ابذمتك ها الموقف و الحاله الي انا فيها اتخليني اطلع و اتغدا برع ..ها صج غبي و ما يحس..بعد ما سوا الي سواه... يباني اتغدا معاه برع..مسحت دموعي .. و سرت صوب الشبريه ..يلست ..انا ما اني متحركه من هني لا ما كله ولا شاربه الا يوم بيقول يالله تعالي باخذج راس الخيمه ...نقزت يوم انفج باب الحجره..وقف عدال الباب ..فارس: ليش ما لبستي شو تتريييييين ...؟؟

رديت عليه من غير ما اطالعه : ما ابا اتغدا
رد عليه : كيفج بس انا ابا اتغدا ..قومي لبسي...
كنت بصرخ عليه و اقوله انت يا الحثاله جان فيك خير سويت هالسوالف ف راس الخيمه مب هني باخر الدنيا مالي سند ولا ظهر ...

اتكلم و جنه طفر : يالله قومي ..الظاهر تبيني انا الي البسج ..اوكى ..

دش الحجره و سار صوب الكبت..عفدت من مكاني و صكرت باب الكبت الي فتحه: انزين خلاص بلبس ..اظهر برع اظهر
طالعني مد ايده ع ويهي و كأنه يبا يتحسسه بس فجاه غير رايه : ابسرعه اترياج برع ..

تميت واقفه ابمكاني طالعت روحي بالمنظره أأأأأأأأأأخ شكلي فضيع..يلست اتحسس ويهي ليش كان يبا يمسك ويهي و غير رايه..اكيد شكلي يخرع من الصياح.
.فجيت الكبت و طلعت اول بدله طاحت ع ايدي..غسلت ويهي..ما كان ودي احط ميكاب لاني احب اكون ع طبيعتي بس هالمره اضطريت علشان اغطي شويه ملامح الحزن و الصياح الي كانت ظاهره ع ويهي ...طلعت من الصاله ...جفته قاعد يمشي و يرد في الصاله جنه اسد يتريا فريسته...حتى انه ما انتبه اني واقفه

فقلت : خلصت..
وقف و طالعني : ليش ما تتغشين..
سكت عنه طنشته يستهبل يباني اتغشى في الشقه:............." ماشي رد"
فارس : انتي بعدج اتعاندين ..؟؟

اتجدم مني فرجعت لورا و رديت ابسرعه بنبرة حزن و همو يئس : بتغشى يوم بنظهر من الشقه ..

مدري شو بلاني شو صار فيني ..معقوله الانسان يتغير و ينجلب ف يوم ليله ...حسيت اني بصيح لصقت باليدار ..لانه تجدم مني شو ها السادي ..كنت بكرر جملتي و اقوله اني بتغشى يوم بظهر من الشقه ..دمعت عيني و جني استعد ل ضربه بس
حضن ويهي بايدينه و همس : حقج علي اسف...نوره

طاحت عيني بعينه ..انا بحلم !!! و الله اني نسيت اعتذاره يوم يلست اطالع رموش عيونه ..سبحانك ربي اول مره اجوف ريال رموشه كثيفه و طويله...ابتسامته جنها قومتني و رجعتني للارض الواقع ...ها يعني اعتذر لي ..ع بالي اتخيل بس ابتسامته اكددت لي...طالعته من غير ما اعلق ع شيء ..بس تعالوا كيف يفوتني دام هو راضي علي الحينه و قاعد يتبسم بكل بساطه بعد ما هزئني و مصخرني و بهدلني ..
سمعته يقول لي : قبلتي اعتذاري ..؟؟
فرديت عليه بشكل عفوي : انت حثاله ...

توني بس حسيت بالكلمه لي طلعت مني..يوم جفت ابتسامته اختفت..بلعت ريجي خايفه بس شويه
قال لي : هههههههههههههههههه "بعد ما ضحك ابصوت عالي" شكرا هذي نوره الي اعرفها

اشهد انه مينون ...من ساعه كفخني لاني طولت عليه لساني و مديت ايدي عليه و الحينه يضحك عايبنه شو هالحثاله ...
فارس : يالله سرينا ..
طلع و لحقته..تغشيتت قبل ما يحشرني بس غريب انه ما اهتم و طنش حتى كنت بفسخ غشوتي بس ما فيني ع حشرته مره ثانيه ...اعتذر لي ع باله بنسى سرعه بتجوف انت و عمور شو بسوي فيكم ...ركبت سيارته ..حرك..اتوقعت بنروح نفس المطعم ..الي دوم انروح له بس جفته يوقف سيارته حذال مركز ابوظبي مول سمعت عنه ..

زخني من ايدي..حاولت اهد ايدي اتصارعت معاه له ويه يزخ ايدي ..حاولت افجها ما سويت حساب للناس الداشه و الطالعه..بس طالعني بنظرات عصبيه..فوقفت و خليت ايدي تايهه في حضن ايده..ركبنا الدري المتحرك.

.تبون ابصراحه راسي دار مدري كم دري ركبنا و ما ادري نحن باي طابق..بس جفت المطاعم بويهنا..رصيت ع ايد فارس انتبه فسالني: شو بلاج..
قلته: دار راسي نحن وين وصلنا ..

فارس:هههههههه لانج اول مره تدخلين هالمركز..تعالي نطلب لنا ..و بعدين بنيلس

اونه يتحراني ما اعرف هالسوالف قاعد يخبرني شو بنسوي..مشيت معاه لفينا كذا مطعم..اخرتها طلبنا لنا...ابصراحه كانت وايد زحمه...تضايجت ..بس فارس قعدني ع طاوله شويه منعزله صوب العايلات... و كانت هالطاوله مطله ع البحر..روعه المنظر ...عرض علي اني ايلس و اعطي ظهري للناس و اكون مجابله البحر علشان اقدر اكل ع راحتي...فسخت غشوتي..طالعت الاكل جدامي لذيذ..جني من سنين مب ماكله ..
فارس: شو بلاج ما تاكلين يالسه تتأملين
طنشته ..يلست اكل ..و كل معاي ..تدرون كان يسولف ابكل وقاحه ولا كأنه سوا فيني شي..كنت مطنشتنه بس اسمعه... و هو مندمج ابسوالفه ...و مرات اونه ينكت و يضحك.. وانا ولا ع بالي ...خلصنا سألني شو اشرب .
.طلبت بيبسي مع اني مب متعوده اشرب غازات بس بعد هالوجبه الدسمه...تشهيته...حطيت ايدي ع خدي اطالع البحر..اتنهدت حسيت بشعور الراحه ...اول مره من وطيت بوظبي ..يمكن لان البحر يخلي الواحد يرتاح..
.نقزت يوم سمعت صوت من وراي : سلام عليج ممكن نتعرف..ع الحلوين
طالعت صاحب الصوت هذا فيصل اخو فارس ..

.ابتسمت له : حياك ..استريح..
قعد مجابلني : تدرين اني ما عرفتج ..؟؟بس جفت فارس نش من هالطاوله ...شحالج..
رديت عليه : ابخير ..شو امتحاناتك ..
تنهد: الحمدلله ..باجي لي امتحان و بفتك...

سالته: ييياي ابروحك ..؟؟
فيصل : لا لا ياي ويا الربع قلنا بنمر نتغدا...و بالصدفه جفت فارس...
سالته: شخبار خواتك..
ضحك: ههههههه الحمدلله ابخير..

كنت بساله شو يضحكك بس قال : البارحه فاتج ضرابة مها و زينب زين لحقت و فجيت عنهن طاحن ع امايه و هن يتضاربن ..بغيت فارس هناك..

اتخيلت الموقف : فضحكت معاه ههههههههههه"بغيت اعرف لو فارس هناك شو بسوي ما لحقت اساله لاني
تفاجات ب فارس الي قعد جدامي : من وين طلعت انت ..؟؟
فيصل: انا قرينك اطلعلك ابكل مكان ...
فارس :هههه اييلك شي تشربه

فيصل: لا مشكور قلت بسلم عليكم..ياي ويا الربع بعدنا ما تغدينا ...
فارس : شو اخبار امتحاناتك..

فيصل: ترتبيييييييشن..."نش بعد ما رن موبايله" يالله بخليكم..سمحيلي حرمة اخويه ازعجناج..
ابتسمت له : مسموح بالحل
فيصل: يالله مع السلامه..

شربت البيبسي بس تفاجات فارس اتجدم مني و قال بصوت واطي : عيل تضحكين مع فيصل و انا من ساعه قاعد انكت لج ما ضحكتي ..
كنت بضحك من الخاطر..بس يودت روحي شو ها يرمس شرات اليهال ..طنشته و كملت اشرب البيبسي زخ ايدي و رص عليها كنت بتويع بصوت عالي سمعته يقول : يوم اسالج ما اطنشيني
طالعته : شو بتضربني هني بعد جدام الناس ..

هد ايدي بعد ما طالعني بنظرات استانست قدرت اغيضه ..شرب عصيره تمينا ساكتين...عقب ما خلصنا ..اقترح علي نتمشى بمحلات الموجوده ف المركز اونه يمكن يعجبني شي و اشتريه بس انا ما كان لي خاطر ...

قلته : مب لاززم مالي نفس اشتري شي ..
ييرني : تعالي اندش هالمحل اتنقي لي بدلات حق ميوود..
عقدت حياتي منوه ميوود ..دام محل اطفال اتوقعت ايكون ولد زينب..
قلته : ولد زينب ..؟؟
هز راسه بمعنى هيه ..
نوره: زين انا ما اعرف مقاسه ما جفته هذاك اليوم..
فارس : ابرايه انا اعرف مقاسه بس انا ابا ذوقج...
للحظه نسيت ضرابتي مع فارس .. و يلسنا نشتري و ندور ملابس..ما توقعته يشيل هالكثر..لها الدرجه ميود غالي عنده..ما احيده اشترا شي ل جسوم ولد خلود اخته ..كنا نتضارب بالاذواق..بس اخرتها نتفج ع شي ..خلصنا..عقبها دشينا محل العبايات و الشيله..استغربت ..
قال لي : اشتري لج غشوه..
حرجت عليه : ما ابا..... بتغشى بشيلتي..
طالعني بنظرات : اقولج اتنقي لج غشوه ..ترا بشتري لج ع ذوقي ..
كنت بصيح من الضيج و الارف شو هالادمي ...اخرتها شليت أي غشوه..يتحراني بلبسها انا بحياتي محد قال لي تغشي حتى عمور اخوي ...جبرني ع اني اشتري بدلات..اشتريت كذا بدله ..علشان افتك من حشرته ..ركبت السياره و انا تعبانه ع الاخر ..شو ها لففني المركز ابكبره ...شغل السياره ...بس ما اتحرك..جفته يفتح السده الي كانت صوبي...و طلع علبه ...عطاني ياه ..و قال لي : فجيها ..
طالعته : شو هاه ..
ما رد علي..حرك السياره..فجيت العلبه امممممممممم كان موبايل و اظن ها ايدد موبايل ..طالعته جفته يطالع الشارع.
.بس قال لي : افتحي ترا مغلق ..ما عرفت افتحه ..اشر لي ..و فتحته..الظاهر فيه بطاقه ...لاني فتحت اللسته جفت اسم فارس بس ...
طالعته : بطاقتي الجديمه فيها ارقام عمور و خوله ..و كل اهلي كيف بتصل فيهم انا مب حافظه ارقامهم ...؟؟
من غير ما يطالعني : مب لازم تحفظينها..او تخزنيها عندج ..كافي اسمي ..مخزن و خلاص..
شهقت: شو يعني ..كيف برمسهم ..؟؟
رد علي بعد ما وقفنا عدال البنايه : اذا تبين اترمسينهم بطلبهم لج من موبايلي ...
سالته : ليش كل هاه عيل شو فايده الموبايل
ابتسم: علشان ترمسيني انا بس ..
خفت يوم خطرت فكره في بالي انه ما يباني ارمس قوم خالاتي و الظاهر انه عرف بشو قاعده افكر فسمعته يقول لي : قلتلج مالج حايه براس الخيمه خلاص انسيها..
رديت عليه ابسرعه: مستحيل لو شو اتسوي..
طالعني و اتكلم بجد: شرات ما انا ودرتها و حرمتيني من اهلي ..انتي نفس الشي بس ظروفنا تختلف ..
حسيت بشعور مخيف : انت تبا تحرمني من اهلي..
بعد السياره : لا بس اباج تحسين بالي انا حسيته يوم خليتي ابوي يروغني من البيت اباج اتذوقين نفس الي انا ذقته...
همست : علشان جي تزوجتني و استغليت عمور ..
طالعني : طبعا علشان جي..ليش كنتي تحسبين ميت فيج !! تبين اعشق وحده حرمتني من اهلي و انا توني ف بدايه حياتي..
حطيت ايدي ع رقبتي و كاني مخنوقه شو يعني ..شو قصده .
طالعته و انا بداخلي رجفه : انا مالي خص ..خالي احمد..
قاطعني : خالج احمد راغني بعد ما انتي قلتي انا الي كنت ف بيت خالتج عايشه..
رديت عليه: بس هاي هي الحقيقه انا جفتك ع اليدار ...
صرخ علي و كان الذكرى المته : بس جب صخي لا ترمسين عن هالموضوع انتي ما اتعرفين فيه شي ...انتي قضيتي علي حرمتيني من اهلي و من حياتي ..
كنت بقوله حرمتك من اهلك و انت عايش بها العز بس خفت منه ..يوم جفته منفعل ..
كمل كلامه : نزلي شو تترين ..
فجيت باب السياره .و قبل ما انزل فريت له الموبايل و قلته: ما احتاجه دام اني ما برمس فيه خله لك.
.دخلت البنايه..فارس قاعد يقضي علي و يحملني ذنب انا مالي خص فيه
..وصلت الشقه اترييته يوصل علشان يفتح لي الباب ..وقفت دقايق عقب جفته طالع من اللفت و معاه الاجياس ..ما قدرت اطالع ملامح ويهه خفت لا يكون محرج مني.

فتح باب الشقه ..دشيت..ما تكلم ولا قال شي ..دشيت حجرتي و كان بوقتها يأذن العصر..بدلت ملابسي بعد ما اتغسلت و صليت العصر ..انسدحت ع الشبريه خفت فارس يدش علي باي وقت و يهزبني...بس استغربت انه ما ياه ما دريت بعمري الا و انا.راقده ...
فجيت عيني..بكسل..جفت مأذن المغرب.نشيت ابسرعه اتوظي و اصلي من دش حياتي هالسبال انجلبت حياتي فوق و تحت...عقب ما خلصت من الصلاة..لمحت اجياس موجوده ع التسريحه.. و موبايل..ها ويه لوح قلتله ما اباه ...فجيت الاجياس ..هذي البدلات الي شريتها من المركز...حطيتهم في الكبت و خليت الموبايل بامكانه ...

دشيت المطبخ..فكرت اسوي عشىى اسلي عمري و بالمره اسوي له عشى..يتحراني طباخه....سويت بيض هالي الي الله قدرني له.. و سويت معكرونه ..طلعت من المطبخ..جنه الشقه فاضيه ..سرت الصاله..اطالع تلفزيون ...

شويه ودش فارس ياي من برع خساره ما كنت ادري انه مب موجود ...كنت دشيت حجرة مكتبه و فتشت الكمبيوتر ليش ما يباني ادش هناك موليه..اكيد شي اسرار ..

.لحظه يمكن الاقي الورقه الي يستغل فيها عمور..خلاص عمور سافر ..و انا تزوجت شو بعد مافي شي يخص عمور ..
فارس: سلام عليج..
رديت من غير ما اطالعه : عليك السلام...
دش داخل..اظن بعد ما سمعني و انا ارد السلام..نشيت رحت المطبخ حطيت الاكل ..يالله سبرايز..طلعت من المطبخ..جفت باب المكتبه مفتوح ..دقيت الباب ..
.سمعته يقول : تعالي نوره ...دشي

دخلت جفته مندمجه بورقه قاعد يكتب مدري شو يكتب ..ياني فضول يلست اطالع..بس بالانجليزي.

.بيييييييييل عليه فارس يعرف انجليزي احيده بالمدرسه كل يسقط بسبب مادة الانجليزي سالني من غير ما يرفع راسه: شو بغيتي ...؟؟
بلعت ريجي : حطيت لك عشى..
رفع راسه عن الورقه و طالعني : سويتي عشىى
هزيت راسي بمعنى نعم..يلست اطالع المكتبه اتريا رده ..سمعته يقول : بس اليوم بنروح نتعشى بيت خالي ..
طالعته : و العشى الي سويته ...
رجع يكتب في الورقه : ابرايه بعطيه ل الناطور ..انتي روحي لبسي و اتزهبي عقب شويه بنظره ...
حسيت بغييييييييض شو ها يقهر ..الحينه انا مسويه عشى علشان يعطيه ع الناطور..نفخت بصوت عالي اوني متضايجه و طلعت من مكتبه ..حطيت العشىىى في حراره... و رحت حجرتي ابدل ملابسي..طلعت الصاله جفته قاعد يترياني ...طالعني من جافني واقفه جريبه مني وقف...شليت الطاسه.. و ربعت وراه برع ...نزلنا تحت...خذ عني الطاسه و عطاها للحارس... و سرنا صوب السياره ..
سالني : وين الغشوه ...؟؟
رديت عليه: ما يحتاي البسها الحينه ف ليل منو بجوفني ..
حرك السياره : ع بالي بعد ..
يا كرهه ..طالعته جفته مندمج بالسواقه يطالع الشارع هوو فارس ..من قال ف يوم بعيش معاه ..من قال ف يوم بكون زوجته ...صحيح نحن مب عايشين كاي زوجين... هذا بس بنظر الناس و العالم نحن زوجين..
سمعته يقول : اول مره اتجوفيني ...
صديت اطالع برع قافطه مب عارفه شو ارد عليه..وصلنا و هالمره حسيت ابسرعه وصلنا ... نزلنا..فج فارس الباب و دشينا ...ما كان حد في الصاله غير حسن خال فارس ...دشينا و سلمنا عليه ...
يلسنا .. و راح فارس فوق يدور خالته ..
حسن : شحالج بنتي و اخبار اهلج ف راس الخيمه ..
خطر ع بالي يا ترا حسن خال فارس يعرف ان ابوه راغه من البيت...مدري بس ياني فضول اعرف ...
رديت عليه: الحمدلله ابخير ...؟؟اعلومك انته ..؟؟
ابتسم: الحمدلله ابخير ...
شويه و دشت زينب و ريلها.. و معاهم ميود..اتحجبت..حسيت اني متلومه وقفت كنت بروح أي مكان...بس خالي حسن يلسني و قال منصور واحد منا فينا و اعتبريه شرات اخوج ...
زينب : شحالج نوره وحشتينا ..
رديت عليها و انا اطالع ميود: الحمدلله ابخير ...
نش خالي حسن و معاه ريل زينب منصور.. و راحوا الصاله الثانيه ..
سالتها : الحينه ها مايد الي يرمسون عنه .. و يقولون شيطون صغيرون..
زينب: هههههههه هذا هوه ..
سمعت مايد يقول : دبه .. و ركض صوب ابوه..
زينب : عيب مايد..
ضحكنا : هههههههههههه
ابصراحه حسيت بالراحه كبيره مع زينب : ليش ما اتيين اتزورينا ..
زينب: افكر بس اقول توكم معاريس ما فينا انخرب عليكم..
يا حظي لو تدرين بحالتنا : لا عادي..
زينب: زين نحن كل بعد جم يوم نتيمع هني ف بيت ابوي بس فارس اغلب الوقت يكون مع ابوي في حجرة المكتبه علشان مشروعهم ...؟؟
اتوقعت انها تقصد شركة السيارات ..
سالتها: بس فارس كيف يوفق بين دوامه و بين مشروعه..
هز كتفها: عادي ...تدرين فارس ما يقدر يهد شغله لان رتبته وايد عوده .. و بعدين خالد ماسك المشروع ..
سالتها: خالد !!
زينب: ريل مها اختي ..يصير ولد عمنا بعد...
قلتها: مها ما بتيي اليوم..
ردت علي: امبلى .. وي قوم عيال عمي ..اقولج كلنا نتيمع ..
اها كنت بسالها اكثر عن شخصيه مها بس اتولي ما اتهمني هاي مها اتذكرني ب نهله.. نهلوووه وين ايامج مدري عرستي ولا بعدج ..ما اعرف شي عن اخباركم..دمعت عيني لاني للحظه حسيت بشوق ووله ل راس الخميه فديتها و فديت اهلها .. اول مره اكتشف حتى عدوج اذا فارقج بعد تتولهين عليه بسال فارس يمكن هو يعرف اذا تزوجت او لاء ..يمكن يهمه بعد...؟؟
ما انتبهت ل فارس و خالتي حصه ..يايين من فوق.. و راهم فيصل ..خساره كنت ابا اسال زيينب عن حياة فارس معاهم ..كيف كانت ...بس خالتي حصه يت صوبنا و سلمت علي و ع زينب ..
قالت لي: شحالج يا بنت الشمال ..
ابتسمت لها: ابخير.."واشرت ع فارس" بس ولدج يباني انسى الشمال و اهلها
حصه: مب كيفه..ما ينلام يوم صارت غزالة الشمال عنده شو يبا الشمال اهلها ..
انحرجت..يوم قالت لي هاي الرمسه..طالعت فارس ابتسم.. و راح صوب خالي حسن و منصور..
زينب: ههههههههه
حصه: قوم مها اتاخروا ...
زينب : اجوفهم...بعدها زعلانه من فارس ...؟؟
حصه: لا خلاص هو يقدر ع زعلها ..مدري هالبنيه طالعه ع منوه الله يعين خالد عليها ..
زينب: ما تسمعج ..بتاكل بعمرها..
استغربت شو سالفه مها لها الدرجه يعني متعلقه ب فارس !! ما كملت افكاري لان دشن علينا ..قوم مها...لمحت خالد كان طويل جدا ابطول فارس ما شاء الله ..هالعايله فارعه بطولهم...سلم من بعيد و سار صوب الرياييل...دشت مها و سلمت علينا..كان استقبالها لي ابرود.. معاها حرمة عوده اظن هذي ام خالد ..عرفتني فيهم زينب..فقالت : هذي ام خالد شريفه ...و هذي عايشه خطيبة فيصل..و هذي عليا
عليا اها عليا يعني الملف الي كان موجود ف كمبيوتر فارس و الي مخزن باسم عليا يمكن يكون هذي ..؟؟
ام خالد: شحالج يمه و اعلوم اهلج ..؟
رديت عليها: ابخير ..
قعدنا اسولف..حسيت بالملل..لان زينب من جافت عايشه قعدن يسولفن ارواحهن .. و مها و عليا بروحهن يسولفن.. و خالتي حصه مع ام خالد..احيانا زينب كانت تشاركني بسوالفهم...طالعت وراي..جفت فارس مندمج بالسوالف مع خالد و منصور..شويه و دش علينا فيصل..
طالعت عايشه جفتها اتلومت اتحبه ...ابصراحه من ياه فيصل غير جو القعده ...سوالف و ضحك و تعليقات..تعشينا الريياييل بصوب و الحريم بصوب ..
مها: ليش دوم نتعشى جماعه...؟؟
خالتي حصه: حرمة اخوج تستحي ..؟؟
مها: منوه عايشه تستحي !!!
زينب: قصدها نوره حرمة فارس ..
مها: زين باجر بتتعود..ولا بتم جي يلستنا رياييل بروحهم و الحريم ابروحهم..عيل شو فايدة لمتنا ...
ام خالد: الله يهداج مها ..ما عليج مع الوقت بتعود نوره..
كنت برد عليها بس فضيحه..جدام الناس بس تقهر ..هاي الي اسمها مها ..صج انها لوث و ما اتحشم..
مها: مشكله الي ياخذ من بعيد..لو ماخذ عليا ما اتغير شي بحياتنا..
زينب: مها شو ها الرمسه..
مها: هههههه اسولف شو نوره زعلتي..
رديت عليها: لا لان انا و فارس تزوجنا خلاص..
طالعت عليا ما قدرت اقرا شي ف ويها ..
عليا: خلاص الي ما يبانا ما نباه
ام خالد تعاتب بنتها: عليا..؟؟
مها : لا حبيبتي يبونج بس مدري شو تغير ..فجأه..
خالتي حصه: حشموا البنيه عيب عليكن..
اتصدقون ما فهمت شي من تنغيزات عليا و مها ...بس طنشتهم و كملت اكلي لان ابصراحه احلى طبخات ذقتها ..في حياتي ..
خالتي حصه: كلي نوره لا تستحين يمه ..؟؟
ابتسمت لها: اكل و الله تسلم ايدج احلىى طبخه ذقتها ف حياتي ..
زينب: صدقتي امايه معروفه بطباخها
ام خالد: شكلي لازم اعزمكم بيتي علشان اسمع مديح شرات حصه..
ضحكنا :ههههههههه
خلصنا..ورجعنا ..انسولف..
زينب: نوره تعالي شويه نتمشى برع ...؟؟
نشيت :زين ما يخالف ؟
عايشه: اغار
زينب: هههههههه لحقينا بس عقب شويه..
الظاهر علاقه عايشه و زينب عوده رغم فارق السن..طلعنا برع .. و قبل ما نظهر سمعت صوت حسن من الصاله الثانيه: وين ماخذه البنيه..؟؟
زينب: بنتمشى برع لا اتخافون ما بخطفها..
طلعت برع و طلعت وراي زينب .. و نحن نضحك..
زينب: غريبه ان اهلي وايد تعلقوا فيج ..مع ان هاي ثانيه مره تتجاوفون ..
نوره: يمكن انحب
زينب: ابصراحه وايد ..و باين عليج طيوبه...
مشينا في حويهم العود.. وقفنا صوب المريحانه ..
سالتها: شو سالفه مها و عليا..ما فهمت ل تنغيزاتهن..
زينب: علشان طلعتج برع ابا اقولج لا تضايجين من تعلقياتهن ...
نوره: ما يهمني بس انا اخاف لساني يفلت و ارد عليهن ..ما ابا اتصير مشاكل..
زينب: هم جي يبون المشاكل..اقولج نوره..مها وايد دلوعه... و فارس ابد ما يرضى عليها..هي تعلقت فيه وايد اول ما سكن ويانا ..و مها علاقتها ب عليا وايد...لانها بنت عمها و غير انها حرمة اخوها...
سالتها: زين انا شو علاقتي بكل هاه ...؟؟
زينب: الي بقوله لج خليه سر بيني و بينج..
قلتها: سرج ف بير ..
زينب: ترا خالد يوم خطب مها..الحت مها ان فارس يخطب عليا علشان يتمون جراب من بعض..اتزوجوا خالد و مها بس فارس تم يأجل زواجه من عليا ..كل شهر ..؟؟
انصدمت: فارس كان خطيب عليا..؟؟
زينب: هيه...اصلا ما كان يباها بس مها كانت وايد تلح عليه.. و طبعا مها دلوعته و ما يبا يكسر خاطرها ف شي..
قلتها: علشان جي اول ما زرتكم كانت هي زعلانه من فارس .. و ظهرت من البيت ..
زينب: عليج نور ..لانها اتفاجات بزواجه منج..؟؟ اصلا حتى لو ما تزوجج ما كان بتزوج عليا لانه ما يباها ..
ياني فضول اكثر: كيف كيف فسخ خطبته..قوم عمج ما تضايجوا ..؟؟
زينب:..امبلا تضايجوا.. كانت مفاجاه لنا..
نوره: ليش غير رايه..
زينب: مدري بس الظاهر يوم رجع راس الخيمه ...
اتنهدت..فارس ينخاف منه..يعني بطل خطبته عن عليا..علشان ينتقم مني...يالله رحماك هالانسان مدري بشو يفكر...الحينه بس فهمت ليش مها جي تعاملني...
زينب: شو بلاج نوره انا ما خبرتج السالفه علشان تضايجين.
همست: مب مضايجه..
زينب: بس ابا اقولج ترا مها و عليا يستفزونج بالرمسه علشان اتردين عليهن..و يمكن مها تشكي ل فارس ..و اخاف اتصير مشاكل من بينكم ابسبب مها لان فارس ابد ما يرضى عليها..
قلتها مع انه ما همني كلامها: مشكوره زينب ..
تفاجانا بصوت عايشه من ورانا: طحت عليكم شو اتقولون ...
زينب: تعالي ييتي بالوقت المناسب خلصنا رمستنا..
عايشه: من احينه اسرار ...
زينب: لا اسرار ولا شياته ..جفتي فيصل..
عايشه: لا تحرجيني جدام نوره..
نوره: ههههههه اونج تنحرجين..
سمعنا صوت صفير طالعنا كلنا جفنا فيصل قاعد يصفر و ياي صوبنا..
اتجدم منا و قال: نوره قصدي غزالة الشمال جفتي خطيبتي ....؟
نوره: قمر ..يا بختك ..
زينب: اتقص عليك..
جفت عايشه متلومه رد فيصل: ليش غيرانه ..عايشه شحالج عنبوه سلمي ..
ردت: ابخير شحالك انته..
فيصل: تمام ..جفتي حرمة اخوي "ودقها" عقبالنا...
اتلومت عايشه فضحكنا عليها انا و زينب ...
فيصل: زينب يبونج داخل ولدج يصيح..
زينب: لا و الله ولا تبا اتكون ابروحك مع عواش
نوره: لا اتخافين انا بتم هني بخرب عليهم..
فيصل: حتى انتي نوره فارس يباج..
زينب: عليك حركات..يالله طوفوا جدامنا يالله..
فيصل: زين طوفن انتن و انا و عايشه بنلحقكم...
زختني زينب من ايدي: تعالي نوره هذا فيصل حركات اونه يبا يفهمنا يبا يتم مع عايشه ابروحه..
سرنا داخل..جفنا الكل متيمع سوالف و ضحك...دورت فارس ما كان موجود..
سمعت خالتي حصه: ريلج داخل المكتبه مع خاله و خالد...
ابتسمت منحرجه لانها كشفتني و انا اصلا ليش ادوره يرتني زينب و قعدتني معاهم..كنت متلومه من منصور استغربت ان عليا وايد ماخذه راحتها عقب عرفت ان منصوريصير ولد خاله قوم خالد و خواته..علشان جي هاي التحفه من ساعه قالت هذا الي ياخذ من بعيد
..ما تدري ان نص حياة فارس كانت معاي و ف بيت واحد..البعيد بيكون انتي و بنت عمج عليا..التفتنا كلنا صوب باب المكتبه الي انفج..وظهر فارس و خالد و وحسن .خال فارس طالعت مها جفتها تضرب جتف عليا جنها اتنبهها ان فارس هني موجود..انقهرت من حركتها هاي ما تستحي ..طالعت فارس جفته ياي صوبي و قعد حذالي.. فكرت ازخ ايده اغايض عليا و مها بس كنت متلومه من خالد و منصور ...
رمسني بصوت واطي: مليتي ..
رديت عليه بنفس النبره: لا عادي بس الوقت تاخر فيني رقاد..
ابتسم : زين قومي بنروح ..
وقف : يالله سمحولنا ...
حصه: تو الناس قاعدين..
فارس: ما عليه نتجاوف مره ثانيه..
حسن: يوم بتكون مشغول حرمتك يبها هني
فارس: ان شاء الله
سلمت عليهم ..طلعنا ..و عند عتبة الباب ..فارس: اترييني نسيت اوراق بييبها..
طلعت برع اتريا فارس..اليوم حسيت غير اللمه و كل شي...بس عرفت اشيا وايد ..قهرتني و غايضت فيني..هذي الحينه عليا بتم جي ع طولنا املوعه جبودنا..و مها يمكن اكسبها مع الايام..الايام ليش انا ناوية اتم هني طوال حياتي..مستحيل..انا برجع راس الخيمه باقرب فرصه ...التفت ادور ع فيصل و عايشه تذكرت انهم كانوا برع...التفت لورا يوم سمعت باب الصاله ينفج ع بالي فارس بس طلعت عليا و مها...الظاهر يدورون عايشه..
سالتني مها : ما جفتي عايشه...؟؟

رديت عليها: امبلى كانت هني مع فيصل ...
عليا: احسدها عايشه..
رديت عليها: تحسدين اختج ..
عليا: هي خطيبها ما هدها..لكن انا واعلييي..
يرتها مها: امشي انجوف فيصل و عايشه..مع السلامه نوره...
تميت اطالعهن لي ما اختفوا روحن ورا الفله ..طالع فارس : تاخرت عليج..
هزيت راسي بمعنى لا..ركبنا السياره ...يالله يا فارس..من عرفتك حثاله..حتى هني قمت اتسوي علاقات..لو عليا تعرف ماضيك..جان ما فكرت فيك و لو للحظه بس الظاهر البنيه ميته عليه ...
سالني: شو رايج بعايلتي ..
رديت عليه : ازوينين ..يعني عليا طلعت خطيبتك..؟
طالعني و كانه متوقع اساله هالسؤال : هي مثل ما كان حميدان خطيبج..

صديت عنه ..اتنهدت تنهيده عذاب و ندم يا ليت ما فسخت خطبتي عن حميد..اغبي خطوه سويتها ابحياتي ...
سالني بحده: ليش تتنهدين ...
ما توقعته يسمع تنهيدتي ما طالعته: ماشي تعبانه ابا ارقد...
رد علي: بس هاي التنهيده كانت الم و ندم مب تعب ..
تميت اطالع برع كنت بقول ما يخصك بس طنشته مالي نفس ارمس كنت مصدعه و ابا ارقد...وقف السياره و زخني من جتفي حسيته للحظه انه بنجلع
فارس: يوم ارمس معاج لا تعطيني ظهرج..شوه ابوي ما عرف يربييج..
و الله العظيم مب فايجه لك..كافي الي صار لنا اليوم..حاولت اشيل ايده عن جتفي بس ما قدرت..
طالعته: انت قاعد اتعورني شيل يدك عني
اتجدم مني: بالاول قولي ليش اتنهدتي اشتقتي ليه..اشتقتي ل حميد

صرخت عليه لانه رص ايده ع جتفي: انت مينون ..فج عني ..
رص ايده اكثر حسيت ان جتفي بنجلع: ردي انا اسالج..
يتني الصيحه: فارس انا تعبانه فج عني ..
هزني: اقولج حنيتي له ..
صرخت عليه : لا لا لا لا ارتحت ...
شل ايده من جتفي و يلس يطالعني: هي ارتحت ...
رجع حرك السياره ..رايح صوب الشقه..اما انا رجعت اطالع برع..و بداخلي الم كل يوم يزيد و تركت العنان لعبراتي اتهل بصمت ..

مرت الايام علي..ابسرعه..كنت اسوي الاكل ل فارس.. ومع اني مب لهناك اضبط الطباخ بس بحياته ما علق..قمت انظف و اغسل..بس علشان انسى عذابي..حتى هو من بعد هاك اليوم ما قام يرمسني الا اذا في شي ضروري...كرهت حياتي ولاعت جبدي في يوم اذكر دش علي راد من الدوام..و انا ميته من الصياح...حاولت امسح دموعي بس ما لحقت..


سالني: شو فيج...؟؟؟
همست: ماشي ..
فارس: ليش اتصيحين ...؟؟
رجعت اصيح: تعبانه ...
ياه و قعد حذالي اول مره ما احس اني مضايجه من قربه لي زخ خصله من شعري و قعد يلعب فيها
سالني: من شو تعبانه..
رديت عليه ابسرعه: من كل شي..انا ضايجه..انت ما اتحس فيني ..
سالني ابرود: شو تبين اسوي لج...؟؟
ترجيته: اتولهت ع راس الخيمه ...دخيلك فارس خذني راس...
قبل ما اكمل وقف : حطي لي غدا

وراح حجرته..رجعت اصيح..الظاهر ابحياتي ما بشم هوا راس الخيمه..ولا بجوف اهلي اشتقت ل خالي احمد.. و خالوه عايشه و مريم و خليفه..اشتقت ل حياتي قبل...اتنهدت ..وينج يا خوله...وينج..انتي الوحيده الي كنتي اتحسين فيني ..سويت اشكثر بلاوي بس علشان ازوج خوله من عمور..و يوم تم هالشي انجلب كل شي ضدي ...سمعت صوت باب الحجرة..نقزت رحت المطبخ احط له غدا ما فيني ع لسانه ..بس وعد مني يا فارس بخبر عليك خالي احمد كل الي سويته فيني..ولا عمور طلع نذل شراتك... زهبت له الغدا و حطيته ع الطاوله..سرت حجرته ...ما لقيته..فجيت باب المكتبه جفته قاعد ع المكتب سرحان...

انتبه لي فقلته : الغدا زاهب ...

صكرت باب المكتب ..ورحت حجرتي..حسيت جبدي لايعه و مالي نفس ع أي شي..انسدحت ع الشبريه ...احاول ارقد..بس قعدت يوم جفت فارس واقف حذال باب حجرتي: تعالي اتغدي...؟؟
رديت له: مب مشتهيه...

فارس: تعودت اكل و انتي معاي تعالي ...

كنت بصرخ عليه شو يتحرا عمره بس صكر باب الحجره..خذت نفس طويل اكتم فيه غيضي هذي ابد مب عيشه...نشيت من مكاني و سرت صوبه..تغدا..ما قال ولا كلمه...حتى انا ما طالعته ...

رن موبايله...نقز ابمكانه..استغربت منو ها المتصل علشان يخليه يعفد جي اكيد عليا ...بس سمعته يقول قبل لا يصكر باب حجرة المكتب "اخبارها خوله ..." يعني يرمس عمور ...نقزت رايحه صوبه ابا ارمسه تولهت عليه..قبل ما افج الباب ..رديت ل ورا ...
عمور قص علي و انا العذاب الي انا عايشتنه ابسببه..

رديت و قعدت ابمكاني ميته ..ابا ارمس عمور بس كرامتي ما تسمح لي..حتى هو اصلا ما يطلبني...يا ربي ف شي غريب..علاقه عمور و فارس ..فيها شي غريب ...؟؟فارس حاول يأذي نهله من زمان..

رغم ها عمور يحب نهله.. و تمت صداقتهم هذا شي....شي ثاني عمور يصرق فارس و يهدده فارس..بسجنه ولا يتزوجني ..ورغم ها علاقتهم للحين قويه..الي يصير شي مب معقول...ظهر فارس من حجرته و ياه يلس مجابلني

فارس: سلم عليج عمور..
رديت: الله لا يسلمه ...

رفع راسه يطالعني: انتي بعدج حاقده عليه..
وقفت و انا ارتجف من الغيض : طوال حياتي بحقد عليك و عليه."يتني الصيحه".انتوا دمرتوا حياتي جلبتوها فوق تحت انا كنت ادور الراحه حق عمور قام يازاني انه زوجني واحد ابغضه و ما اطيقه "رحت حجرتي و انا اصيح "

وقفت حذال الدريشه اطالع ها البنايات اتمنيت اكون جماد بلا قلب ولا احساس بلا حياة...علشان ما اتعذب ...اتروعت يوم سمعت صوت فارس واقف وراي : تعالي كملي غداج..
بس ها ما يهم الا الاكل ..زخني من ايده يريتها بعصبيه طالعته: لا تمسكني موليه ..

طالعني حط عينه بعيوني و كانه تعمد: ليش انا مب ريلج..
صرخت عليه: لا ..
رد علي ابرود بس خوفتني نبرة صوته: لا اتصرخين علي ..
سكت عنه و صديت برع حسيت بالغبنه: هذا انت كل تتأمر علي و اتصارخ و ما يمر علينا يوم الا تضربني ..

رد علي: انتي تستفزيني ...

مسكت اعصابي : لاني اكرررررهك اكررهك.."طالعته" كنت خاطب عليا حق شو فجيت الخطبه علشان تنتقم مني ..
فارس: اتحبين المشاكل وايد ..الحينه انا ياينج اباج تنسين بس انتي انتي مصره ...

قاطعته: طلقني زين..انا مستحيل اكمل باجي حياتي مع حقير كان بفضح ابوه لو ما كانت نهله..

زخني من لحيتي ورص علي : جب
حسيت اني تحت رحمة ايده ..خفت يلست ارتجف سمعته يقول: للمره الف اقولج ما تطرين لي هاي السالفه ..واذا مصره انج تفتحين هاي السالفه كل شويه بخليج تنسينها بطريقتي ...اوكى ..

غمضت عيوني و همست : اطلع برع حجرتي ..انا اكرهك ..

طلع من حجرتي..وصكر الباب بعصبيه..ما يصير جي كل شويه بنتضارب و كل شويه بضربني و كل شويه بسني و بسبه حرام حرام هاي العيشه..ابا ارجع راس الخيمه ...ابا ارد لاهلي و ناسي ...شسوي شسوي الله يغربلك و يبهدلك يا عمور شرات ما غربلتني و بهدلتني ...

بعد اسبوع من الموقف الي صار لي مع فارس قام يتحشاني..حتى لو ما طبخت ما كان يسال ولا يهتم..ما قام يرمسني ...او يطالعني ..

.اجذب عليكم لو قلتلكم هالوضع ريحني بالعكس..كنت احس اني عايشه غريبه ووحيده ..مرات احاول ارمسه اساله عن أي شي يرد علي بكلمه او كلمتين و يروح ينخش ابمكتبه ما يطلع الا اخر الليل وقت رقاده ..

.بها الاسبوع كرهت حياتي ...ف يوم دش علي ..كنت اطالع التلفزيون..من غير ما يطالعني قال لي : - باجر زهبي روحج ..بنطلع بنروح الضاحيه مع قوم خالي حسن..
استانست اخيرا بغير الروتين اللي ملل بي حياتي ...

راح حجرته بس لحقته : أي ضاحيه بنروح لها ...؟؟
دش حجرة المكتب يفتح الادراج مدري شو قاعد يدور رد علي : مزرعتي
صرخت مب مصدقه: عندك ضاحيه ...؟


طالعني مستغرب من ردة فعلي : هي في العجبان ليش ...؟؟
اتجدمت منه: شو فيها...
فارس: كل شي ..باجر بجوفينها ...
سالته: زين تباني اخذ شي معاي ...؟؟؟

رجع يدور بين الادراج: كيفج..تبين تاخذين خذي ما تبين ابرايج..
اتنقزت ناسيه عمري: اخيرا بطلع من هالسجن...بنروح رحله ..امممممم اتذكر رحلة البر ..


انتبهت ل عمري ..يوم جفت فارس يطالعني مستغرب ...اتلومت بس حاولت اطنشه و عشان ما ارتبك..
قلته: متى بنروح ع أي ساعه بنظهر ..
رد عليه و حسيت انه يبا يبتسم بس اميود روحه : ع الساعه 7
سالته: زينب ما بتيي ...؟؟؟

طالعني: امبلى كلهم بيون حتى قوم عمهم ...
سالته: عليا بتييي"مدري ليش سالته هالسؤال الغبي"
هز راسه : اكيد هي اتحب الضاحيه وايد..

حسيت بضيجه..شو قصده اتحب الضاحيه وايد..قول الا اتحبك وايد..خربت وناستي كلها ...طلعت من حجرته من غير ما اقول ولا كلمه..انت يا الصايع يوم تبا اتجابل عليا هناك...ليش تاخذني معاك...اتنهدت أأأأأأأأأأأأه يا عذابي ما في شي يونس بها العالم ...رحت حجرتي عشان ارقد..باجر بنش من وقت و بسوي فطاير ...بس احاول اضبطها ...نشيت ع اذان الفير..بعد ما صليت.. و خلصت..دشيت المطبخ مع ان الدنيبا امظلمه...

سويت فطاير..تعلمتها من جريب ..ع الساعه ست ونص دقيت باب حجرة فارس علشان ينش ..و يتزهب ما بقى شي ع الطلعه ...شليت بكس و حطيت فيه صحون و خواشيق و شوك..و حطيت الفطاير بالحراره .


.ل محت فارس طالع من حجرته..ما انتبهت شو لابس..دشيت حجرتي ابدل..استغربت ليش اني متحمسه ع السيره..يمكن لان صار لي ايام ما ظهرت من الشقه...

سمعت دقه ع الباب اونه فارس يستاذن من متى..سرت صوب الباب و فجيته ...
سالني : زاهبه..
رديت عليه: هي ..بس اتريا شويه بجحل عيوني و بحط لي كلوس..
يرني من ايدي و طلعني من حجرتي : مب لازم شي رياييل هناك

استغربت من موقفه: زين ما بتشرب حليب...
فارس: شربت خلاص ..يالله انروح تاخرنا متى بنوصل..؟؟
وقفت ابمكاني و خذت نفس: اصبر شي بكس ابا اخذه معاي ..و شي فطاير..بعد شنطتي ما يبتها ..الظاهر انت مستعيل اكثر عني !!

ضحك: ههههههه اجوفج متحمسه البارحه .تحمست شراتج..
يا حلوه يا يوم يضحك..هالانسان عجييييييب لو ما كان حثاله ..بيكون ملاك...جفته يطالعني بنظراته الشيطانيه ..ها النظرات الي تعودتها منها بس هالمره ما ازعجتني مدري ليش !!

بلعت ريجي و سالته : انزين ممكن اتشيل البكس و انا بييب شنطتي ..

ما اتريت جوابه سرت حجرتي و شليت شنطتي ..اليوم احس غير.لمه و طلعه يا سلالالام ..و في الطريج سالته: صج بنروح مزرعتك..

رد علي : هي...ليش شكلي ويه فقر ..
ضحكني من الخاطر تعليقه: هههههههههه لا بالعكس ..بس ما كنت ادري ان عندك ضاحيه ..بس شركة سيارات..
رد مستغرب : شركة سيارات !!!!

رن موبايله .فرد عليه و كان المتصل خالد...الظاهر انهم توهم طلعوا ..قالهم فارس وين واصلين ..كنت بساله ليش استغربت.. يوم قلت عندك شركة سيارات ..طنشته و سالته فجاه: اتروح راس الخيمه ..؟؟

طالعني: ليش تساليني هالسؤال ...؟؟

رديت عليه: يعني اهلي ما يشكون ليش ما قمت انشد عنهم من طلعت معاك بوظبي ...؟؟
رده فاجأني: لا ما يستغربون..انا قلتلهم انج تشتغلين هني..بس هم عاتبين لانج ما قمتي تسالين عنهم.."وطالعني" حتى انهم قالوا طلعتي شرات ابوج ..

كلماته عورتني مدري كان يقصد ينكد علي يومي او لاء ...صديت عنه مب عشان شي بس علشان ما اخرب يومي...يبا يخرب وناستي شرات الخبيث يسولف و يضحك معاي بس من داخله يبا يجوفني مجروحه..

الي عرفته ان فارس يروح راس الخيمه من وقت ل وقت..وصلنا الضاحيه ...ضرب هرن شويه و انفج الباب العود...لمحت ناطور داخل سلم ع فارس ..

دخل فارس سيارته داخل ..ووقفها تحت الكراج من داخل ...نزلنا.. وزقر الناطور..و قبل ما يوصلنا لنا
قال لي فارس: روحي تمشي جوفي الضاحيه لي ما اخلص رمستي مع خان ..

نزلت من السياره ..طالعت الضاحيه كانت مساحتها وايد عودة...ابصراحه اتفاجات ..سرت صوب اليسار..جفت خيول...ما صدقت عيوني فارس عنده خيول..

.اتجدمت ..كان عددهم سبعه...الله اتصدقون اول مره اجوف خيول جدامي ...اتمنيت المسهم..بس كانوا محجوزين داخل الزريبه ... اتجدمت جفت الدبش..و ع الزاويه ..جفت الدواجن..الله فارس عنده كل ها و انا ما ادري ..

.رغم ان الجو حار و بالصيف الا ان الارضيه كلها خضره ...اكيد هاي الضاحيه تسوى ملايين ...رجعت بنظري لورا جفت الناطور الي زقره فارس باسم خان..قاعد يأشر ع النخيل و الزرع الي كان بصوب اليمين.. و كانه يشرح له شي ..

.اما بالوسط شفت فله ..بس شكلها صغيره وايد...رحت صوبها و كانت مسافه عوده بين الزرب و الفله ...دشيت الفله جفتها نظيفه و امرتبه..مع اني توقعت العكس ...

كانت صاله متوسطه...فتحت الحجره جفت حجرة نوم ....و الحجرتين المجابله كانت حجرة جلوس ..طلعت برع.. كان المطبخ جريب من باب الصاله ...

و شي جريب منه حمام..ابصراحه شي راقي ...ما انتبهت ل فارس ياي صوبي ...شهقت يوم جفته جدامي ..
سالني: عيبتج الضاحيه..

رديت ابسرعه : مزرعتك جنان...بس ما رحت صوب الزرع ..."واشرت صوب الثاني"


ييرني من ايدي :تعالي داخل جفتي الفله حلوه ...؟؟
هزيت راسي بمعنى نعم..حاولت ايير ايدي بس هو متعمد يزخها..
.طالعته و قلته: هدني ...؟؟

سالني: كنتي من ساعه طايره من الوناسه ليش انجلب حالج ...؟؟
صديت عنه : ماشي ..بعدني مستانسه..

ييرني صوبه كنت شويه بلصق بصدره: جذابه...ما كنت ادري انج بتضايجين..من كلامي الي قلته من شويه..
زين يوم حسيت..حطيت ايدي ع صدره و كنت ابا ادزه: زين خوز عني انا ما ادانييك..


ضحك و جنه عايبنه الموقف: هههههههههههه قولي و الله علشان اهدج..
رفعت راسي اطالعه: شو اسم الله لعبان..
ضحك هالمره ابصوت عالي: هههههههههههههههه اونج انتي ..
طالعته ها قاعد يستهبل ..؟؟ يرني مره ثانيه صوبه: يالله قولي و الله ..
كنت بدزه : فارس لا تست.......

سمعنا صوت برع ..فهدني ابسرعه و طلع ..لحقته ووقفت عند باب الصاله...جفت خالد و مها و ام خالد و عليا و عايشه...يايين صوبنا ..لازم بتعفد لهم عليا يت ..

سلم عليهم..جفته يشيل مها جنها ياهل صرخت..فضحكوا عليها..يا كرهها ...اتنهدت ..توه كان يضحك معاي و الحينه نساني...مالت عليك..و انا ليش اتضايج..طلعت اسلم عليهم...جفت خان يشيل اغراض يايبينها قوم ام خالد..دخلها المطبخ ..

.دخلت المطبخ مع ام خالد و عايشه معانا يلسنا انرتب الاغراض..
ام خالد: هالسنه غير نوره معانا ..

عايشه: هي ..صح ..كل سنة بايام الصيف انيي نقعد هني ...؟
نوره: كم يوم..؟؟
ام خالد: اسبوع بالكثير ..بس هالمره مدري منوه عنده شغل قلنا بنيي هاليوم بس ...

عايشه:عاد ع حظ نوره
ام خالد: ما عليها مزرعة ريلها باي وقت بييون يقعدون فيها..
نوره: حتى انتوا الضاحيه ضاحيتكم أي وقت اتبون تقعدون ...
عايشه : قوم عمي حسن
طالعتها : قوم عمي حسن ولا ...."كنت اقصد فيصل"

ضحكت عايشه: ههههههههه اونج علمتج زينب ..
ام خالد: تعالوا غسلوا هاي الخضره و حطوها ف الثلاجه ..
سمعنا صرخت مها ..ف البدايه خفت و طالعت ام خالد و عايشه ..
ام خالد: ما عليج اكيد فارس و خالد قاعدين يخوفونها ..

عايشه رايحه صوب الدريشه: تعالي جوفي نوره ...

طالعت من الدريشه جفت خالد راكب الخيل و مها قاعده وراه .. و كانت خايفه علشان جي كانت اتصارخ يوم الخيل تركض ... بس الي شلني و قهرني يوم جفت عليا راكبه الخيل و فارس يقودها قاعد يمشيها..
اتنهدت تنهيده اشك ان عايشه سمعتني ..
عايشه : جوفي قوم زينب توهم وصلوا..
طالعت صوب البواب ..بس قلبي صوب فارس و عليا ..:شي سيارتين..
عايشه دقتني بجتفي: هذا فيصل ...

ام خالد: انتوا بتساعدوني ولا بتقعدون اطالعون من الدريشه..
يرتني عايشه برع المطبخ: امايه حرام نوره توها عروس ..و اول مره اتيي الضاحيه تبين تشغلينها ما يستوي..

طلعنا من المطبخ بس سمعت ام خالد اتقول: ما عليه يا الحياله ..
نوره+ عايشه: ههههههههههههههه
سرنا صوب سيارة فيصل ..و منصور ريل زينب..سلمنا عليهم...
حصه: تعال خان شيل الاغراض ودهم المطبخ ..


فيصل: يالله الضاحيه اليوم نورت بغزالة الشمال ..
عايشه: لا و الله و انا
زينب: منصور خذ ميود قاعد يصيح..
حسن خال فارس: جوفوا ما شاء الله الزرع صارت عوده..
نوره: انا صوب الزرع ما سرت ..
حصه: وينها امج عايشه..

عايشه: خلينها ف المطبخ و شردنا عنها ا نا نوره ..
حصه: يالله يا الفساد..بروح لها..
حسن: سونا لنا فطور يا ام فيصل ..
حصه: ان شاء الله ..
شويه و دشت سياره استيشن..

زينب: منصور اخوك و عمي وصلوا ..
يا ويلي الظاهر العالم كلهم بتيمعون هني في الضاحيه ...
سمعنا صوت مها من بعيد: اماييييييه شحالج ...؟؟

ما بغيت اطالع صوب مها بس عيوني ما طاوعتني ..جفت فارس يساعد عليا ..ينزلها من الخيل كان زاخ ايدها..حسيت بنار ف داخلي ..كان ودي اصفع عليا لي ما اشبع ...صديت الصوب الثاني اداري دموعي عن تنزل يا كرهي كيف انجلب حالي ...من ييت بوظبي كل شي تغير فيني حتى شعوري ..


.زقرتني زينب : تعالي نوره انروح صوب الزرع ..
لحقتها و معاها عايشه ..اما منصور و فيصل روحن صوب خالد و فارس .. و لحقهم واحد الظاهر هاه اخو منصور لفتني شعره كان لين جتوفه ...شكليه حليو...

اما خالي حسن و معاه بو منصور..روحن صوب الزرع ..كانوا يسبقونا ...ظهرت الشمس بس الشير و النخيل الي كان موجود ف الضاحيه بطولها و شموخها منعت اشعة الشمس انها توصل لنا و هالشي كان مريحنا ...

زينب: السنه الي طاف يوم يينا مب كان جي طولها ما شاء الله ..
عايشه: هي جوفي الحينه ابكل مكانه ظله ..
نوره: ع حظي ..
زينب : الظاهر جي ...
قعدنا تحت الشير..يلسنا انراقب و اطالع الضاحيه ضحكنا ع ميود الي كان يركض و يلحقه فيصل...
عايشه: علني فداه
زينب: عيب عيب ..
نوره: متى بتملجون شو تتريون ...؟؟
عايشه: قوليهم حارمينا من بعض ..

زينب: اونج عايشه..بعدكم تو الناس ...
صرخ فيصل يوم طاح ع الارض و صرخ ل مايد..فخاف فقعد يصيح ..
زينب بصوت عالي: فيصل حرام عليك اتزيغ ولدي ...؟؟

صار صوبه فارس و شاله ..
عايشه: طالعي مها و عليا لاصقين ف الرياييييييل ..."صرخت" عليا مها تعالن هالصوب ...؟؟
زينب: مشكوره نوره ع البدلات الي شريتها حق ميود ذوقج حلو..
صدمتني ما عرفت شو ارد..فارس يزور اهله من وراي..اوكي هالشي و الشي الثاني قالها ملابس مايد الي شرينها له مني ..
طالعت صوب الشواب: العفو ...

جفت ام خالد..و حصه خالة فارس ..شايلين صينيه..و روحن صوب مكان الشواب حسن خال فارس و بو منصور..
زينب: و نحن مالنا رب ..

ام خالد: روحن المطبخ حطن فطور ل رياييلكم .. و لكن..يالله ..
روحنا صوب المطبخ..علشان انزهب الفطور حق فارس و ربعه..

اتذكرت خبز خالوه مريم..الله ايام تولهت على خالوه مريم و طباخها..زهبنا صينيتين.حق الشباب ...ودتها زينب و عايشه..اما انا يلست ازهب لنا فطور داخل المطبخ..دشن علي مها و عليا..
يلسنا ع الكرسي سمعت مها: عذبني خالد ثاني مره ما بركب معاه..

عليا: مدري الخيل كيف تحملكم..
مها: هههههههههه بايخه..بس روعه صح..
عليا: الا جنان لولا فارس ما حسيت بالامان..
حسيت ان كلامهم كله كان موجهه لي..

رصيت ايدي ع الصحن بس تحملت ..طنشت وزعت الصحون ع الطاوله اتريا زينب و عايشه ..صبيت لي حليب..
مها: ممكن نوره اتصبين لي حليب عليا تبين ...؟؟

عليا: هي صبولي شويه..
انتن مب احسن عن عمورطالعتهن و قلت: ماشي حليب بس حق زينب و عايشه سوا لكم ..
مها: خساره ..

عليا: ابرايه بسوي لج ولي مهايه ولا تزعلين ..
دشن زينب و عايشه المطبخ..

زينب: ليش ما طلعنا فطورنا برع ..الجو حلو ..
مها: ما ادري دشينا جفنا نوره اتحط الصحون ع الطاوله..
نوره: تبون حليب

زينب: انا ابا ..؟
عايشه: لا انا ما ابا ما احب الحليب..

عليا من جذا فيج نقص كالسيوم بعدين فيصل ما ببغيج..
عايشه: فال الله ولا فالج حبيبتي فيصل يحبني و مستحيل يهدني..


بعد ما صبيت الحليب ف كوب زينب جربت لي مها كوبها: صبي لي حليب عايشه..
بس انا نشيت و صبيت الحليب في المغسله : ما يحتاي عليا اتسوي لج حليب..


حسيت انها انحرجت ..زينب: يالله يا الزط..
عايشه +نوره= ههههههههههههه
نشت مها محرجه و احسها انها كانت متعمده و اتبالغ: انا مب قاعده اطرمنج...
زينب : شو بلاج مهايه ترا عليا اتسوي لج حليب..
رديت ع مها من غير ما اطالعها: زينب خلنا نتريق عقب نتفيج ع الضرابه...

عليا: خلاص هذا هو الحليب مها ..من ايديني بتحبين طعمه ..
تمت مها واقفه فقالت لها عايشه: شو بلاج مها نوره اتسولف..
مها: انتي جفتي اسلوبها..وحده مب..
وقفت عاد حدج انتي مب احسن عن نهله. : انا شو مهايه..كملي ...

زينب: ايه صلوا ع النبي السالفه ما ترززا و الله ..
طلعت مها من المطبخ: بروح اتريق برع هني تنسد نفس الواحد..
رجعت ابمكاني و انا كلي غيض و ارتجف...اتماسكي يا نوره ترا السالفه ما ترزا مثل ما قالت زينب
زينب: نوره لا تضايجين من مها تراها امدلعه..
عليا: بس صج حركة نوره ...

قاطعتها: انتي مالج خص و لو سمحتي لا اتجربين من ريلي اوكي "مدري هالرمسه من وين طلعت" حسيت ان عليا انحرجت ..فشلت صحن وطلعت من المطبخ..
حسيت بالاحراج يوم قلتها ما يخصج بريلي ...


غطيت ايدي بويهي : انا اسفه سامحوني مدري كيف طلعت مني هالرمسه ...؟؟
عايشه: ما تنلام من حقج اتغارين كأي زوجه..
زينب: اسمعي نوره ..ترا الضرابه الي استوت شي عادي..كلنا نتضارب و دوم ...بس يالله كملي اكلج..

بس انا حسيت اني بصيح..خربت علي وناستي..نشيت من مكاني وراحت داخل الصاله...عقبها دشيت حجرة النوم الي جفتها من ساعه..

يلست ع الشبريه..اصيح...ليش قلتها لا اتجربين من ريلي ..الحينه لو فارس عرف شو بيصير شو بفكر..يالله ..شو ها اللسان ..عله القص..انفج باب الحجره..جفت زينب داشه..
يلست حذالي: نوره اتصيحين...؟؟

رديت عليها: كان المفروض امسك اعصابي بس حسيت انهن يستفزوني برمستهم و الله العظيم..

حضنتي : الحينه بتضيعين هاليوم وناستج بسبب مهايه وعليا صدقيني شويه و بنسون ...يالله تعالي انروح برع..

هزيت راسي..و ظهرنا من الحجره ..و بالمره طلعنا من الصاله..جفت البنات داخل يغسلن المواعين...


زينب: تعالي انروح صوب الخيول..

زينب اتذكرني ب خوله و الله عوضني عنها ..فديتج خوله وينج انتي مستانسه و مرتاحه مع عمور ولا حياتج شرات حياتي هم و نكد...
قلتها: زينب انتي وايد طيبه...؟؟

ابتسمت لي: بالعكس انتي الي تدشين القلب حبيتج اول ما جفتج..و يا حظه فارس بزوجه شراتج..


كافي هالجمله خلتني انجب و ما ارد عليها ..يا ليت اقولج طبيعة علاقتي ب فارس ..يا ليت ..سرنا صوب الخيول..كانت عايشه هناك و فيصل معاها وليد.اخو منصور
فيصل: انتوا وين لاحقينا وين ما انروح اتخربون علينا..

زينب: يا اللوتي وليد موجود بعد..؟؟وليد هذي نوره حرمة فارس..
طالعني: شحالج نوره..

ف البدايه تلومت بس عطيته ابعمر فيصل : الحمدلله ابخير ..
فيصل: ايه راعيه الشمال طالعي ريلج الخبله شو يسوي ..؟؟

طالعنا كلنا صوب ما أشر فيصل جفنا فارس زاخ الهوز و قاعد يرش خالد و منصور ماي ..هم جدام و هو وراهم ..
زينب: طاعي طاعي يتحرا روحه ياهل...؟؟

ما قدرت امنع نفسي فضحكت: ههههههههههههه

بس مت من الغيض يوم جفت مها و عليا..شلنا الهوز الثاني و فاجئوا فارس من ورا يخرسونه ماي فصرخ عليهم ..متروع و رشهم بالماي ..جفت زينب و عايشه يطالعوني..شو ع بالهم بموت من الغيره ..خلهم يولون ..طالعت صوب الخيل: فيصل ابا اركب الخيل ...؟؟
فيصل: لالا انا اول شي بركب الحرمه ..
زينب: عيل انا بعد ابا اركب..بس اخاف ..
وليد: تعالن اركبن انا بزخ الخيل
فيصل: يالله وليد عليهن..

الله بركب الخيل شي جميل ..بطل فيصل الزرب و طلع خييلين و ساعده وليد..ركبت عايشه..

الخيل الاول و زخه فيصل يمشيها...اما زينب خافت تركب فركبت انا بالاول اشجعها عقب ركبت زينب ..

وراي..و زخ وليد مربط الخيل و قعد يمشينا..ابصراحه شي رهيب..روعه..كشخه مقدر اوصف لكم ...زينب كانت اتصرخ..
وليد: زينب يا الخوافه لا اتصرخين..اتوترين الخيل عقبها بخاف منج...؟؟
تحرك الخيل بحركه عصبيه ..

فخافت زينب اما انا ضحكت عليها زينب: بنزل بنزل دخيلك وليد ساعدني بنزل ...

ساعدها وليد و نزلت..اتلومت اتم ابروحي وليد يقودني فقلت بنزل بس زينب ما خلتني...اتحركنا و نفس الشي الخيل قام يطلع اصوات..
نوره: الظاهر الخيل ما يحبني ..
وليد: يمكن مثجله عليه..

ضحكنا: ههههههههههههههه
رفعت راسي سكت يوم جفت فارس ياي صوبنا ..وقف وليد يوم جافني اطالع فارس الي ياي من بعيد...


اتجدم مني فارس زخي ايدي و نزلني من الخيل..قهرتني حركته و بنفس الوقت احرجتني جدام وليد...

زينب: ليش فارس ...؟
فارس: ها الخيل بعدها مب مروضه زين ما زين بعدها مب متعوده علينا..وليد اذا ما عليك اماره طلع خيل غيره..ورجع ها الزريبه..

وليد : اوكى ما يخالف ..
حاولت ايير ذراعي من ايده بس رص علي فوقفت ابمكاني اطالعه كنت ابا اقوله هدني بس وجود زينب ما ساعدني ع اني انطق كلمه وحده..

سالني: يوم تبين تركبين الخيل ليش ما قلتي لي ...؟؟
ردت زينب: ما يخصني نوره اقترحت بالاول تركب عقب انا لحقتها ...


كانت زينب اتسولف بس ماتدري ان كلامها يخلي فارس يحرج علي ...و فارس كل شويه يرص اكثر ع ذراعي
...وليد: نوره تبين تركبين الخيل..
فارس: لا ما تبا ...
زينب: وين منصور ما اجوفه فارس ...؟؟
فارس: هناك دشوا الفله..
زينب: بروح له "ابتسمت لنا ورحت"

كنت بقولها لا اتروحين لاني خفت من النظرات فارس الي كان يطالعني فيها ...ما عرفت شسوي بلعت ريجي و طالعته..يرني و خذني ورا الفله ..
صكيت ع اسناني/: فج ذراعي بتجلعه..

بس ولا كأني ارمس ..
سالته : وين رايحين ..

اخرتها ..وصلنا ورا الفله..جفت مسبح..متروس ماي .. .. و شي كراسي و طاوله و مظله ابصراحه وايد وايد روعه المنظر...دزني و يلسني ع الكرسي ..اتجدم مني فرجعت ورا متروعه ..
سالني بعصبيه: تعرفينه انتي وليد..
رديت ع سؤاله الغبي: هي اعرفه من زمان..

زخني من لحيتي : مب قاعد اتمصخر معاج..اتعرفينه..
خفت من جديته فهزيت راسي بمعنى لا رد قال لي: عيل ليش اتخلينه يركبج الخيل هاه ..

رديت بصوت واطي : جفته ابعمر فيصل..
رص ايده ع لحيتي ..كنت بصرخ غمضت عيوني و انا اتويع حطيت ايدي ع ايديه احاول ايير ايده بس ما قدرت له..
قلته وبصوتي غبنه: انا خمنت ..أأأأأأي هدني ..

صك ع اسنانه: جذابه ..
رديت عليه ابعصبيه: و انت ما اتجوف عمرك يالس اتركب عليا و تلعب معاها بالماي..
ما رد علي بس كان رده انه رص ع ايده فيلست اصيح متألمه ...شل ايده يوم جاف دموعي الظاهر هاشيء يريحه...وقف ابعيد عني


و قال بنبرة غضب: ما يخصج ب مها و عليا اذا ثاني مره يتني مها تشكي منج يا ويلج ..

غطيت ويهي بايدي و يلست اصيح حيوان حقير لانك حثاله ما تنلام...تميت فتره ع ها الحاله اصيح متالمه ليش ما يدافع عني شرات ما يدافع عن مها و عليا..عيل ليش تزوجني ...عصبت من عمري يوم طرت هالافكار ف بالي مسحت دمعي بس تفاجات جفته قاعد بالكرسي الي مجابلني يطالع المسبح..نشيت ..كنت بروح داخل بعد قعدت المطبخ اهون من اني اجابل هالحثاله و اخته الماصخه ..ويا الي معاها ..

.طفت جدامه بس زخي ايدي ورجع يلسني ع الكرسي ...نزلت راسي اطالع الارض ..شو يبا بعد..
سمعته يقول: تبين يجوفونج و انتي جي حالتج...؟؟؟
رديت عليه: انت شو يهمك ...

فارس: ما اتهميني بس بيقولون حرمة فارس شو بلاها ..
كلامه كان مثل الطعنه في صدري "ماتهميني" طبعا يوم مجابلتنك الي اسمها عليا..من وين بهمك انا ...
سكت عنه .............."ماشي رد"
نزلت تحت و يلست ع الارض.. و نزلت اريولي في الماي شهقت : الماي بارد...؟؟؟
يلست احرك ريولي شرات اليهال في الماي..كانت احس بالانتعاش ماي بارد ..
رمست عمري : ودي اتسبح ...


سمعته يقول : شي ضفادع هني ..
نقزت ابسرعه ..وقفت ..سمعت ضحكته هههههههههه
طالعته: اتقص علي ..
هز راسه : صدقيني ...

رجعت و يلست ابمكاني ع الكرسي ..

سندت راسي لورا خذت نفس طويل ..لو اتم ابروحي هني اصفي تفكيري شويه..بس ها امخرب علي ..فجيت عيني يوم جفته زخ ايدي اليسار..قعد يحرك صبعه ع مكان الحرق ...
سالني : شو هاه ...؟؟

كنت بسحب ايدي بس ما طاع : اونك نسينا ما كلينا..
طالعني مستغرب: و الله ما اذكر شو هاه الحرق ...؟؟
سحبت ايدي و يلست افرك ايدي و كاني ابا امسح لمسته من ع ايدي: خالوه مريم حرقتني حتى خوله ابنفس المكان ..
فارس: ههههههههه ليش ..؟؟

طالعته: ابسببك انت و عمور فتنتوا علينا ..يوم رحنا الدكان عقبها البراحه ونهله كانت تبا اتيي معانا و خذنا عنها بيزات..
جفته ميت ضحك: ههههههههههههههههههه
ابتسمت من غير ما احس بعمري ع ضحكته قلته : عيبتك السالفه..؟؟
هز راسه بمعنى هيه: ههههههه هي تذكرت السالفه ...بس ما اذكر يوم حرقوج الي اذكره يوم قيدتوني انا و عمور اونج يايبه حميد ينتقم منا

ضحكت من كلامه: ههههههههههههه هي كل ما كان يجوفني اصيح يسالني شو بلاج انا بنتقم له"طالعته بنظرات و ابتسمت له" طبعا ما كنت اصيح الا اذا انت ضربتني ..
فارس: هههههههه لانج كنتي شيطانه ...


رديت عليه ابسرعه: و انت شو تطلع...الله اكبر عليك انت و عمور عاد عمور كان شرات ذيلك..انت تاذن و هو يصلي ...
فارس : ههههههههههه مب كل وقت ..
رديت عليه و انا مستانسه ان الجو تغير من بينا : اممممممممبلى كل مره ..

زخ ايدي مره ثانيه..بس هالمره كانت لمساته حلوه ما بغيت ايهد ايدي..قعد يحرك صبعه ع شكل دواير ع الحرق ..

فجاه باس ايدي..طالعني بنظراته الشيطانيه لالالا هاي صارت مب شيطانيه..لازم اغير اسمها..صرت اتمنى يطالعني بها النظرات لانها تجتلني .

تذبحني اتنسيني الدنيا و ما فيها من حلوها و مرها .اتخليني اسافر معاه باي عالم يباه..ابتسمت له ..تخبلت يوم رد ابتسامته ..من جفت ابتسامته خفت يتمصخر علي ...

..سحبت ايدي بقوه..وقفت اتفاجأ من موقفي الي تغير ..وقف معاي ...خفت يوم وقف..لانه كان وايد جريب مني و طويل ..ها المره احس طوله كان زياده ع اللزوم..علشان جي رجعت لورا..لي ما لصقت بيدار الفله ...

سالني مستغرب : شو بلاج ...؟؟
صديت عنه و انا اتنفس بصعوبه .......


اتجدم مني فرجعت ورا اكثر خايفه منه ادريبه بقعد يتمصخر علي ...

تجرب مني وحط ايده ع لحيتي بس هالمره برقه و جبرني اطالعه : شو صار لج تذكرتي منو ...حميد..؟؟
انت اكيد مينون شو هالافكار الغبيه الي تطري عليه رديت بسرعه : لا


فارس: ها عيل ..ليش نقزتي فجاه ..؟؟
قلته: خفت تتمصخر علي شرات هذاك اليوم..؟؟
سالني: أي يوم ..؟؟


قلته : لا تستهبل ..يوم ملجتنا خذتني صوب البحر..لبستني الدبله عقبها ضحكت علي ...

رد ابسرعه: انا مدري ليش تظنين اني تمصخرت عليج..و الله انتي فسرتيها ع كيفج..
حركت راسي علشان ابعد ايده عن ويهي ..فنزل ايده : امبلى قلت امصدقه روحج عروس ..

فارس: هههههه تدرين ليش ..لاني ما مصدق هذي الشيطانه في يوم بجوفها حرمه جدامي ...
طالعته : شو قصدك انا ريال..

فاجاني بضحكته: هههههههههههههه محشومه..


مدري كيف اوصف لكم الشعور الي حسيت به يوم جفته يضحك مرتاح...لاني حسيت بالراحه ..حطيت ايدي ع ويهه من غير ما احس . حركتي صدمته فسكت يطالعني ..مدري شو اسوي .. اجوف عمري من دشيت هالضاحيه قمت اخورها...حسيت بخشونه لحيته تحت ايدي ..

نقزنا رجع فارس لورا و انا شليت ايدي يوم جفنا زينب : سوري بس مها مدري شو بلاها...
اختفت زينب و للحظه اختفى معاها فارس ..طبعا وين بتذكرني يوم طروا لك مها ..ما كان لي خاطر اعرف شو بلاها ..رجعت و يلست ع الارض و حطيت اريولي في الماي..غمضت عيوني انا شو سويت...

طالعت ايدي..كيف تجرات اسوي جي.. من يصدق ها الي واقف معاي كان فارس ...كل شي انجلب ضدي...ما انكر مشاعر حلوه..بس اخاف هالمشاعر تقتلها الايام و الظروف الي نحن عايشينها ...
اتنهدت يوم جفت فارس كيف نساني ابسرعه وراح يركض ورا زينب ...و انا عيل شو بالنسبه لك...ابتسمت اتطنز ع روحي واجب علي اتذكر فارس ليش تزوجني و حق شو .. و شو سوا فيني هو و عمور ...رفست الماي بكل عصبيه و كاني احمله ذنب ماله علاقه فيه ..
رجعت البس نعالي .. و رايحه صوب الفله ...طالعت محد برع الظاهر كلهم دشوا داخل الفله ..سمعت اصوات طالعه من الحجرة الثانيه ..سرت صوب الحجرة.


.بس وقفت حسيت بعمري متلومه ..كلهم داخل و انا بعد الي سويته مع فارس ما لي ويه اجابله..رجعت دشيت حجرة النوم ..دخلتها جفتها فاضيه...مدري من طاحت عين ع الشبريه انسدحت عليها و رقدت ...

مع ان الوقت الضحى مدري ليش ياني رقاد ...نقزت يوم سمعت باب الحجرة يتصكر..انا ما قفلته يا ويلي اخاف حد دش علي و انا راقده ....رفعت راسي ..جفت فارس واقف حذالي ..يلس ع طرف الشبريه..كنت متلومه اطالعه..
سالني : راقده ...؟؟؟

يلست : غفلت شويه ما حسيت ابروحي..نسيت اقفل الباب اخاف حد دش علي ..

فارس: لا تخافين محد يدش حجرتي
سالته: حجرتك الخاصه !!

..

هز راسه بمعني هي: رحت ادورج صوب المسبح جفتج اختفيتي ..
رديت مرتبكه و انا اتذكر الموقف: كنت بدش الحجره بس تلومت فدشيت هالحجرة..

اريح طالعته جفت ملامحه جامده مب هذا فارس الي كان واقف معاي من شويه ع المسبح...

و انا ليش ماكله روحي و اوني منحرجه و متلومه و هو اصلا مب مهتم ...
سالته : شو بلاها مها ..
وقف : اغمي عليها ..

حطيت ايدي ع حلجي متفاجاه : ليش ..؟؟
طالعني بنظرات ما فهمتها: اونج مهتمه و خايفه عليها..
مدري ليش عق علي هاي الرمسه..سكت عنه ..
فج الباب و ظهر من الحجرة ...

شليت الساعه الي كانت جريبه مني و فريته ع الباب بعصبيه..يا الحقير ...قمت من ع الشبريه بعصبيه ...لبست عبايتي و شيلتي.. و طلعت من الحجرة.طاحت عيني ع فارس كان قاعد ف الصاله.و معاه خالد و منصور و حسن "خال فارس" و بو منصور ..
نزلت راسي منحرجه كله رياييل داخل ..

فظهرت ابسرعه من الصاله...سمعت صوت البنات داخل الحجرة...بس انا طنشت ورحت المطبخ..شميت ريحة الطباخ حسيت باليوع ....حصه و ام خالد كانوا في المطبخ يزهبون الغدا..
نوره: اساعدكم في شيء ...؟؟
حصه: لا يمه روحي ارتاحي خلاص خلصنا..
ما كنت ابا اروح داخل عند البنات ...ما ابا اجابل شيفة عليا و مها ...يلست ع الكرسي اطالعهم..

ام خالد: ليش ما اتروحين داخل ..
ابتسمت: عايبتني ريحة الطباخ ...
ام خالد: هههههههه زين بعد شاركت عمتج في الطباخ ..
نوره: اتذكروني بطباخ خالوه مريم ...

حصه: ليش ما ايون يزورونا ...
هزيت جتفي مب عارفه شو ارد ..
سالتها: انتي تعرفينها صح..
حصه: هي اعرفها حتى شريفه تعرفها..جي بالاول كنا عايشين ف راس الخيمه كلنا ويا بعض بس حسن و اخوه سالم الله يرحمه ه و استقروا في بوظبي ..


معلومه يديده : يعني انتي اتعرفين امايه..
حصه: الله يرحمها ..
سالتها : منوه سالم ..؟؟
ام خالد: ريلي ابو خالد ..
هزيت راسي: هيييييييي صح عيال عم ..خالد و مها ...
زين و الله اول مره ادري ان خال فارس من اصل راس الخيمه بس استقروا هني ...زين شي طيب ..


وقفت: يعني ما تبون مساعده ..
ام خالد: ابدن ..
نوره: كيفكم ...ترا الرياييل يتريون الغدا..
حصه: خليهم يتريون شو وراهم.

ابتسمت و طلعت برع المطبخ..سرت صوب الزرع جفت هناك فيصل و وليد ...
وليد اول مره اجوفه ب حياتي سوا لي مشاكل مع فارس ..فارس !!خليه يولي ما يستحي ع ويهه ولا يحشم....رحت صوب فيصل..
سالتهم : شتسون ..
فيصل: ماشي انسولف عن سباق الويلات الي ف ام القيوين..
فجيت عيني: انت اتروح هناك ..
فيصل: عيل عشون انا و هالسبع وليد ..
نوره: ما يبين عليكم..
وليد: خيبه شو ها تهينا..
نوره: : ههههههههه ما اقصد جي
فيصل : حتى اني صوبكم عوافي ...؟؟
نوره: عوافي ما انروح لها بسبب هالشباب ماخذين الدنيا كلها..
وليد: خبرها فيصل اني خذت كاس الويلات في عوافي.
نوره: يالله يالله قاعدين تتمصخرون علي

فيصل + وليدد+ هههههههههههههه
فيصل: عيل شو تتحرين انتي ...
خذت نفس : ابصراحه طلعتوا شي ..شو بعد انجازاتكم ..؟؟؟
فيصل يطالع وليدد: امممممممممم
نوره: هيه خله يساعدك بجذبه يديده ...


فيصل + مايد= هههههههههه
وليد : ليش ما اتصدقينا..
نوره: انت ممكن اصدقك باين عليك طايش و راعي ريس و ها السوالف ..
فيصل: يعني لازم اطول شعري علشان اصير مثله..
كنت برد عليه بس سمعنا عايشه تزقرنا: تعالوا تغدوا ...ايه .
وليد: خيبه ما بغوا ...يوعونا

فيصل: يالله سرينا ..بنت الشمال بعدين بنخبرج ب مغامراتنا ...
نوره: هههههههه شو فضت البطاريه..
فيصل: هي و الله بنروح ناكل انعبي البطاريه..


سرنا داخل الفله...مدري ليش ما تغدوا برع ...مع الجو فنان يمكن لانه حار ..بالحجرة الاولى كانوا الرياييل يتغدون.و بالحجرة الثانيه تغدينا نحن البنات ..
زينب: وين اختفيتي نوره ..
ابتسمت: كنت برع مع فارس عقبها في المطبخ و من شويه اسولف مع فيصل و وليد.."طالعت مها " سلامات مها
ردت علي من غير ما اطالعني : الله يسلمج..

فقدتج و فقدت مذهبج..يلست بين زينب و حصه..و قعدنا ناكل كنا نسمع صوت الرياييييل و تعليقاتهم و ضحكهم ابصوت عالي ...بعد ما خلصنا الغدا.

.لاحظت ان عليا كانت وايد اطالعني كنت بقولها اول مره تجوفيني بس طنشتها ... و كل ما يصادف اطيح عيني بعينها ابتسم لها غياض ..طلعنا يلسنا برع نشرب الشاي هالمره كلنا ويا بعض رياييل و حريم ..
.يلسنا ع شكل دايره عوده ...ياه فارس و قعد حذالي ...اونه يبا يسوي روحه الزوج المثالي ...طنشته ..
سمعته يساسرني: انا مب قايلنج لا اتسولفين مع وليد انتي ما تستحين ...؟؟


كنت بضحك ع اسلوبه بس طنشته ما يقدر يسوي فيني شي جدامهم كلهم ...
سمعته يقولي : انا براويج ..


ابتسمت و كنت العب بالعشب امطنشتنه ...حسيت به انه محترق من الغيض ..اقترحت زينب نلعب لعبة سين جيم..و كانت عندها اساله يايبتنها معاها .. و اقترحوا كل اثنين يكون ويا بعض ..طبعا مها ويا خالد و منصور ويا فارس ..و فيصل و عايشه و عليا مع بعض..


فيصل: ما ابا عايشه و عليا ما يعرفون شي ابا وليد شاطر ..
رديت عاد متعمده : لا لا دام وليد شاطر و انا محد عندي انا مع وليد..
عايشه: خلاص خلاص وليد و نوره و انا مع فيصل و عليا..
فيصل: يخي ما اباج غصب..


الكل: ههههههههههههه
نوره : ولييد بعتمد عليك في اسئلة السيارات اتقول انك شاطر و ماخذ جوايز..
فيصل: و صدقتيييييه...
ما رمت احط عيني بعين فارس .. كنت حاسه اني قاعده اسوي مصيبه ..بس هو ما يخصه فيني ..قعدنا نلعب و زينب تسال..مرات بو خالد و حسن خال فارس يخربون و يجاوبون عنا.. و نحن نحتج..طبعا حصه ام خالد ما يعرفون شي ..و يوم يجاوبون ..نضحك عليهن لان السؤال يكون ف وادي و الجواب في وادي ...
كانت اللمه وايد روعه.. و القعده اروع.
.من دشيت الضاحيه من الصبح..لها الوقت حسيت بالراحه و اني ما عدت وحده غريبه من بينهم بالعكس كنت اشارك و اضحك و خذت راحتي ...حتى مها نست حقدها لي..و قعدنا نضحك و انعلق و اتحولت اللعبه ل مصخره..اخرتها زينب زعلت و قالت ما بسالكم ..انتوا قاعدين تتمصخرون. كنا انراضيها و نرجع نتمصخر ....
.و ع اذان العصر ..وقفنا اللعب و فارس و منصور هم الي فازوا ..و للاسف انا و وليد طلعنا قبل الاخير ...و الاخير مها و خالد..نشينا انصلي العصر ...عقب ما خلصنا...

رجعنا نقعد انسولف ..و نضحك..و تبون الصراحه وليد خذ راحته معاي وايد..و انا اصلا حبيت اسولف معاه لانه يذكرني بخليفه..تعليقاته سوالفه.. سوينا حلقه انا.و زينب و وليد و فيصل و عايشه..ابروحنا .
.و قعدنا نتمصخر و انعلق و نضحك ابصوت عالي ..و جريب المغرب..قرروا قوم خالد يروحون..عقبها كلهم قرروا يروحون قبل اذان المغرب..بعد ما رتبوا الاغراض .. و حطوا في السياره
وليد: رحلتنا في الضاحيه احلى رحله عشان نوره ويانا..
زينب: و الله كنت بقول نفس الرمسه..
غطيت ويهي: لا تحرجوني بليز ...
فيصل: وليد..رقمها فارس بعيد عنك..
الكل+ ههههههههههه
عايشه: فيصل لا يكون اتسويها و انت بعيد عني..
فيصل: مستحيييييييييييييييييييييل..
طالعت فارس كان يرمس مع خان ...بس جفته محرج..بلعت ريجي يا ويلج نوره استعدي ..لضرب فارس صرت شرات الحمار عنده غاوي ضرب .سلمت عليهم..و روحوا ..وكل واحد بسيارته.ها اليوم وايد روعه ...تمينا بالضاحيه انا و فارس ...
سرت صوبه و كان صوب الزرب الخيل: فارس متى بنروح ...؟؟
رد من غير ما يطالعني : الحينه ..


قلته: عيل بروح المطبخ بشيل البكس الي فيه صحون ..كلت الفطاير عيبتك ..؟؟
طنشني ما رد علي و زقر خان: خان تعال ..
رحت عنه صوب الفله..دشيت و حطيت الصحون..داخل البكس.. فجيت الحراره جفت الفطاير كلها كلوها استانسنت عيبتهم....حسيت الضاحيه غير طعمها و لونها و شكلها من دون اهل فارس..صار هدوء.و حسيت انها مخيفه ..طلعت من الفله الظاهر خان بنظف كل شي ...


جفت فارس رايح صوب السياره ..ركضت ورا الفله ..طالعت المسبح و الكراسي الي كانت متحركه من مكانها ..اتمنيت الموبايل يكون معاي علشان اصور هالبقعه ..عمري ما بنسى احلى ذكرى مرت بيني و بين فارس..تنهدت.

.و رجعت صوب سياره فارس..كانت السياره مشتغله بس فارس مب موجود....دورته جفته صوب الزرع مدري شو عنده.رجع و ركب السياره ...

و طلعنا من الضاحيه ودعت احلى مكان قضيته مع فارس و اهله ...و ما ادري اذا في يوم برجع له مع فارس او لاء